زاد سفر

تین دن کا اسلام آباد خامشی کی جھیل میں۔۔۔اب دیپ جلے، ہلچل مچا رہا ہے۔۔۔۔ ۔۔۔۔ہم دوجپسی مزاج، سواد حرف کی ریزہ خوانی کے لیے راول کے دیس میں عازم سفر ہوئے اور تیسرا ہمزاد ۔۔۔۔مانگی ہوی محبت ۔۔۔۔۔کی سیرت میں ہشت پہلو ساتھ ساتھ تھا۔۔۔۔نومبر کے آواخر میں ساہیوال کی ادبی و ثقافتی کانفرنس کا غنچہء نو شگفتہ بھی پہلو میں نخل تمنا بنا ہوا تھا۔۔۔۔۔۔۔۔۔۔۔خوابیدہ پوٹھوار نے رخت اقامت کی پہلی انگڑائی لی اور گجر دم راول کا پنڈ میں بولتی آنکھوں کے ساتھ ۔۔۔۔۔خان پور کٹورہ کو دل میں بسائے اور اسلام آباد کو سالوں سے خیام پزیر بناے۔۔۔۔پروفیسر ڈاکٹر نزر خلیق کا صاحب زادہ اپنی چمچماتی اور لشکتی کار کے ساتھ قیام، میزبانی کو تکلف آمیز بنانے کے لئے موجود تھا ۔۔۔۔۔ول ول آویں ساڈے ول کا وسنیک۔۔۔۔!!

۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر نزر خلیق۔۔۔۔ایک سچی لگن کا آدمی ہے۔اس راستے پر تھکن بھی عشق کے مسافر کی ہمسفر بنتی ہے۔۔۔۔۔۔ڈاکٹر نزر خلیق ہوں ، پروفیسر محمد اقبال عابد ہوں، جاوید اقبال سہو ہوں یا یہ فقیر رہ گزر۔کے چند اور بےچین روحیں۔۔۔۔۔تھکن کو اپنی لگن کا ہم راز بنا لیا ہے۔۔۔۔۔راستوں اور دوستوں میں یکجائی پیدا کرکے اور زندگی میں یکتای حاصل کرنے کے لیے اپنے اپنے دائرے میں سرگرم ہیں۔۔۔۔۔۔۔۔۔پرنسپل شپ ڈاکٹر نزر خلیق کے لیے کار سرکار والا تبار ہے اور ماہنامہ ابتہاج کے آٹھ مسلسل شمارے اصل شناختی کارڈ ہے۔۔۔۔۔۔۔۔۔۔بھرپور میزبانی اور 8 شماروں کی شماریات کی خماری توشہ محبت اب میرے خانہ دل میں دھمال ڈالنے کا مطالبہ ہے۔۔۔۔۔۔۔۔۔۔۔اساں وی جاناں جھوک رانجھن دی نال ساڈے کوی چلے۔۔۔۔!!

۔۔۔۔۔۔۔۔۔۔۔۔۔۔۔۔۔۔۔
رضوانہ سید علی 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 
ماہر تعلیم ہیں۔۔۔بچوں کے ادب پر 8 سے زاید کتب کے علاوہ بڑوں کے لیے دو افسانوی مجموعے۔۔۔ناولٹ اور نظامِ تعلیم پر متعدد کتب کی مصنفہ ہیں۔۔۔۔۔۔ایک پر تکلف عشائیہ کا اہتمام ان کے دولت کدے پر منتظر تھا ۔۔۔جہاں بچپن جھروکے سے جھانکتا , ان کا صاحب زادہ اپنی خوش خصال ڈاکٹر زوجہ کے ساتھ جاوید سہو اور میرے لیئے سہ پہر سے ماہی بے تاب تھے۔۔۔۔۔۔۔۔۔۔۔۔۔۔۔۔اپنی اور دیگر کتابیں ہم جیسے بے ادب طالب علموں کو تحفتاً پیش کرتی ہیں مگر ۔۔۔۔۔۔پروفیسر محمد اقبال عابد کے رچناوی تہزیب وثقافت کے پس منظر میں ناول ۔۔۔مانگی ہوئی محبت۔۔۔ قیمتاً ادائیگی پر وصول کرنے کو وظیفہ کتاب کلچر جانتی ہیں۔۔۔۔۔۔۔۔۔۔دکن کی سیاسی تاریخ اور تلاش حق کی طالبہ مریم جمیلہ (قبول اسلام کے بعد کا نام ) کی سید مودودی رحمہ سے انگریزی زبان میں خط وکتابت ایک طرح سے نادر و نایاب کتب ہیں، ان کی واپسی بصد شکریہ
کیں۔۔۔۔۔۔لزت کام و دہن سے شاد کام ہوئے تو اب کینیڈین نژاد کی جانب سے۔۔۔۔راے بہادر کنہیا لال کی معروف کتاب تاریخ پنجاب ۔۔۔زاد رہ کی۔۔۔۔۔۔
۔۔۔۔۔۔۔۔۔۔ ۔۔۔۔۔۔۔۔۔
منیر چوہدری۔۔۔۔۔۔۔چن کتھاں ایں !!
۔۔۔۔۔۔۔۔۔۔۔۔۔۔۔۔۔۔۔
یہ تو 2016 ء کی بات ہے جب ڈایریکٹر جنرل آرکیالوز پاکستان کی حیثیت سے منیر چوہدری ریٹائر ہوئے مگر ہمارا یارانہ تو گردش ماہ و سال سے بھی پہلے 1970 ء کے زمانے سے دایم آباد ہے۔۔۔۔۔۔۔ ۔۔۔۔اسلام آباد کلب میں عشائیہ ہمارے ناسٹلجیا کی باز آفرینی تھی۔۔۔۔۔۔۔ہمارے ارد گرد مہوشوں ، زہرہ جبینوں اور سیم تنوں کی زیبائش جاری رہی مگر ہم دونوں ماہ منیر، اپنے طالب علمی کے مدار میں داخل ہو چکے تھے ۔۔۔۔۔۔شب گزیدہ ماضی کو حال میں لے آئے اور اس کے بعد ایک لمبی چپ اور تیز ہوا کا شور تھا ۔۔۔ ۔۔۔۔ڈاکٹر نزر خلیق نے اپنے میگزین کا سیٹ پیش کیا۔۔۔میں نے ۔۔۔مانگی ہوئی محبت ۔۔۔۔۔کو نزر کیا ۔۔۔جاوید سہو نے عکاسی کی اور بل تو چوہدری نے دینا تھا کہ یہاں وہ ہمارا قہقہوں کی گونج میں میزبان تھا۔۔۔۔۔۔۔۔اور اب ایک اداسی پایل کی جھنکار کے پیچھے میرے انتظار میں ہے۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔
عصرانہ اور پروٹوکول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جسٹس محمود مقبول باجوہ میرے ہمدم دیرینہ ساتھی ہیں۔۔۔منیر چوہدری سے بھی پہلےرفیق۔۔۔۔پروٹوکول میں جکڑ بند صاحب ملے تو کچھ دیر کے بعد ۔۔آپ سے تم اور تو ہو چکے تھے اور جب فرصتِ دید تمام ہوئی تو عدالت لگ چکی تھی ۔۔۔۔۔۔جب آنکھ کھلی تو خواب کی تعبیر روٹھ چکی تھی۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
شعبہ اُردو میں حاضری 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علامہ اقبال اوپن یونیورسٹی ، اسلام آباد کو اول اول ہم نے اپنے تلمبوی یار ۔۔۔۔غلام شبیر بدھرا۔۔۔۔۔کی آنکھوں سے دیکھا اور ایک دور آیا کہ سب اس کی زلفوں کے اسیر ہوئے تھے ۔۔۔۔۔۔اب وہ جھنگ آرہا تھا اور ہم عشق کا چناب عبور کر چکے تھے ۔۔۔۔۔۔۔۔۔۔۔۔۔۔۔۔۔ڈاکٹر عبدالعزیز ساحر۔۔۔۔۔۔۔۔۔کی بولتی آنکھیں جادوئی اثر رکھتی ہیں ۔۔۔۔بے پناہ محبت رکھتے ہیں بلکہ یوں کہیے کہ محبت کادوسرانام ۔۔۔۔عبدالعزیز ساحر ہے۔۔۔۔۔۔۔۔۔۔آج تازہ دم شیو ۔۔۔بھاری بھر کم ترشی ہوئی مونچھیں اور گیسو نک سک سے دوشیزہ جمال ۔۔۔۔۔۔۔۔۔ملے اور خوب ملے ۔۔۔۔۔۔راولا کوٹ، آزاد کشمیر میں ادبی جرنیل ڈاکٹر ظفر حسین ظفر کی آمد سے ہم شاداب ہوئے ۔۔۔۔۔خدا ڈاکٹر ارشد محمود ناشاد کو سدا شاد رکھے جس نے مجھے ہمیشہ خوش وقت کیا۔۔۔۔۔۔سوال یہ نہیں کہ پہل کس نے کی مگر مصاحبہ خوب رہا۔۔۔۔۔۔۔ہم نے شیوخ ادب کی خدمت میں ۔۔۔۔۔مانگی ہوئی محبت۔۔۔۔۔۔۔۔کا نزرانہ پیش کیا اور تحفے میں شعبہ اردو کا شمارہ 2,3اور4 پایا ۔۔۔۔۔۔ثبات کا دوسرا شمارہ جنوری تا جون 2018ء کے ساتھ۔۔۔۔۔ایک طولانی نظم۔۔۔۔کتاب نامہ۔۔۔۔۔ایک نسبتاً متروک صنف سخن میں یادگار تخلیقی معرکے پر جنابِ ناشاد نے کتاب سے شغف کی تجدید کے لیے عطا فرمائی۔۔۔۔۔بزم ارقم راولاکوٹ، آزاد کشمیر کی جانب سے وقیع ادبی مجلہ۔۔۔ارقم۔۔شمارہ 5 ۔۔۔۔۔پروفیسر ڈاکٹر ظفر حسین ظفر نے فقیر کی جھولی میں ڈال دیا۔۔۔۔۔۔۔۔۔۔۔یہ بزمِ خوش نظراں، تب ناشاد ہوئی جب لنگر خانے میں شمولیت سے معذرت کی کہ ظہرانہ میں ہم نے کہیں اور لنگر انداز ہونا تھا ۔۔۔۔۔۔۔۔۔۔۔۔ڈاکٹر افتخار شفیع صاحب مجھ سے پہلے ساہیوال ادبی کانفرنس میں دعوت دینےکا اعزاز حاصل کر چُکے تھے ، سو بات تو ایک ہی ہے ، وہ فرمایں یا میں عرضی پیش کروں۔۔۔۔۔۔اپنا پیغام محبت ہے،جہاں تک پہنچے

۔۔۔۔۔۔۔۔۔۔۔۔۔۔۔۔۔۔۔۔۔۔
مغلیہ دربار تک رسائ 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جبہ سائی تو میرے مزاج سے مطابقت نہیں رکھتی۔۔۔۔۔درباری کبھی نہیں بنا ۔۔۔۔البتہ سرکاری ملازمت ضرور کی ہے مگر اس میں بھی بغل بچہ نہیں بنا۔۔۔۔۔۔۔۔۔۔بہت مدت پہلے کلر کہار جھیل کے کنارے واقع تخت بابری کو شوق سے دیکھا اور سرخ گلابوں کے درمیان کثرت سے چلتے پھرتے سانپ بھی دیکھے ۔۔۔۔۔۔اور دل میں کہا کہ ہے دیکھنے کی چیز، اسے بار بار دیکھ ۔۔۔۔۔۔۔۔۔تزک بابری کا اردونامہ مطالعہ میں آیا تھا تو بابر بادشاہ کو شکوہ سنج پایا کہ۔۔۔۔۔مقامی لوگ کھانے کے آداب سے واقف نہیں۔۔۔۔۔وغیرہ وغیرہ ۔۔۔۔۔۔۔ 
اسلام آباد میں ہمارے ایک کرم گستر ہیں ۔۔۔نام نامی ، اسم گرامی میں ابتدائیہ چنگیز خان کے فولادی عزم کا رزم نامہ ہے ۔ جبار ویسے تو خداے برگزیدہ کا ایک صفاتی نام بھی ہے مگر ہمارے کرم فرما ۔۔۔۔مرزا بھی ہیں لیکن یہ وہ مرزا نہیں جس کو شکوہ ہوا تھا کہ

مینوں بھائیوں باجھوں ماریا ، میری ننگی ہو گئی کنڈ 
یہ اصلی مرزا ہیں ۔۔۔۔۔قلم کو تلوار بھی بنا لیتے ہیں اور پھول چہرہ بھی۔۔۔۔لیکن۔۔۔۔۔۔۔قلم کو کشکول نہیں بنایا۔۔۔۔۔۔لفظ کی حرمت کا سودا نہیں کیا ۔۔۔۔۔اپنی سوچ کو گروی نہیں رکھا ۔۔۔۔محبت سے فتح کیا اور اسلام آباد میں ایک ۔۔۔۔تخت بابری ۔۔۔۔۔سجایا ہؤا ہے ۔۔۔۔۔۔لکھتے ہیں تو تخت کو تختہ بنانے کا ہنر جانتے ہیں۔۔۔۔۔۔۔بولتے ہیں تو وہ کہے اور سنا کرے کوئی۔۔۔۔۔۔۔۔ہماری مشترکہ اور غیر مشروط محبت میں۔۔۔۔۔۔علامہ اقبال ۔۔۔۔قاید اعظم محمد علی جناح ۔۔۔۔۔ ۔ڈاکٹر عبد القدیر خان ۔۔۔۔۔۔پاکستانیت اور مسلمانیت سر فہرست ہیں۔۔۔۔۔۔۔ان پر کوئی سمجھوتہ نہیں ۔۔۔۔۔کتاب کلچر کے ایگریکلچر ہیں ۔۔۔اس لیے 18 کے لگ بھگ زرخیزی طبع کی قدآور کتابیں منظر عام پر داد سخن وصول کر چکی ہیں ۔۔۔۔۔۔۔۔لطف فرمائیں تو کتابیں بھجوا دیتے ہیں ۔۔۔کرم فرمائیں تو پوٹھواری لہجہ میں ٹیلی فون کے ذریعے پھول برساتے ہیں۔۔۔۔۔۔۔۔۔۔۔ہم اسلام آباد میں تھے اور مرزا صاحب اپنی صاحباں کے علاوہ نو رتن اکھٹے کیے ہمارے لئے مشعل وفا روشن کیے اپنے تخت بابری کی طرف آنکھیں دہلیز پر دھر چکے تھے۔۔۔۔۔۔دربار میں جانے کا سلیقہ کبھی سیکھا نہیں ۔۔۔۔ پابہ جولاں ، رقص کرتے جانے کی عمر نہیں ، پس محبت کی زربفت زنجیروں میں زربخت ہوئے۔۔۔۔۔۔۔۔۔۔۔۔۔یہ ہیں مغلوں کے شناخت نامہ کے لیے تاریخ ساز جدوجہد کے سرخیل۔۔۔۔۔ راج بیگ ۔۔۔۔۔۔صحافت میں بلند، قدوقامت میں در فراز، اپنایت میں کوہسار۔۔۔۔۔۔۔۔۔ادھر دیکھئیے ۔۔۔۔بزرگ جوان رعنا ۔۔۔۔۔۔شاعر۔۔۔ادیب ۔نقاد ۔۔۔۔۔۔کالم نگار ، گفتگو میں جوے مشکبار ، آنکھوں میں موتیا اترتا ہؤا اور سخنور ی میں موتیوں کی مالا سجاتے ہوئے ،ان گنت کتابوں اور شاندار ادبی تقریبات سے صحرائے عرب کو نخلستان میں تبدیل کرتے ۔۔۔۔۔۔نسیم سحر ۔۔۔۔
خراماں خراماں چلے آ رہے ہیں 
نسیم آ رہی ہے کہ وہ آ رہےہیں

اوہو۔۔۔یہ چپ چپیتا ۔۔۔۔۔کھوے ہوؤں کی جستجو میں گم ۔۔۔شعر کہتے ہیں تو مزاج سخن کو زیبائی دیتے ہیں اور بیان کو قوت گویائی۔۔۔۔۔۔۔آرمی ایجوکیشن کور میں بلند مرتبت عہدے پر فائز رہے مگر کام سے دام نہیں بنائے اس لیئے باعث نیک نامی رہے ہیں۔۔۔۔۔۔۔الراعی اور اب وجد سے جالندھری ہیں۔۔۔۔۔ضیاءالحق شہید کے بہت قریبی عزیز ہیں مگر تاج ہمایونی میں بھی راست رہے ۔۔۔۔۔۔طاہر روح کی روحانیت کا دم خم سلامت ہے۔۔۔۔شاد کام کیا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔فقیر منش کھانے کے لیے زندہ نہیں رہتا بلکہ زندہ رہنے کے لیے کھانا کھاتا ہے۔۔۔۔۔۔۔۔اب مغل زادے کو کون کنٹرول کرے۔۔۔۔۔۔ایک لمبے دسترخوان کی میز پر طول طویل انواع و اقسام کے کھانے تھے ۔۔۔۔۔ایک اچھی بھلی بارات اس سے نپٹ سکتی تھی اور وہاں ہم صرف 6 افراد تھے۔۔۔۔۔۔۔۔افسوس کہ میں بٹ نہیں تھا اور میرا ہمراہی بھی گوجراں والا کا نہ تھا۔۔۔۔۔۔۔۔۔۔۔شکم میں آگ تھی ہی نہیں اس لیے پیٹ کا تندور جلا ہی نہیں صرف جبار مرزا کا شکن آلود چہرہ تھا کہ حضرت۔۔۔۔۔محبت کو محنت کی داد دینے میں یہ بخیلی ہمیں راس آئ نہیں ۔۔۔۔۔۔۔۔۔۔۔۔۔بہت دیر تلک کھانے کی میز ہماری بیداد گری پہ نوحہ گر رہی مگر ہم میزبان کے دام محبت میں اسیر ہونے کے باوجود اس جال میں نہیں پھنسے۔۔۔۔۔۔چال چلی مگر تاب سخن نہ دارد ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنی اپنی جگہ پر بھاری پتھر سخن وروں کے بیچوں بیچ ۔۔جاوید سہو کی حالت زار ۔۔۔شیدا جنٹری میں پھنسا ہوا ۔۔۔۔جیسی تھی۔۔۔۔۔۔۔انہوں نے ہر تقریب کی روایت کو یہاں بھی قائم رکھا اور ہمیں ایک اچھا سامع میسر رہا۔۔۔۔۔۔۔طعام وکلام میں طولانی ہوئی تو ایک اور تقریب کے دریا کا سامنا تھا۔۔۔۔۔۔۔۔۔۔۔۔۔۔۔۔۔۔پروفیسر محمد اقبال عابد کا رچناوی تہزیب و ثقافت پر بہت لازم قابلِ قدر مطالعہ ناول۔۔۔۔مانگی ہوئی محبت۔۔۔۔۔۔۔ہمارے ساتھ خاموشی کی زبان میں مصاحبہ کر رہی تھا۔۔۔۔۔۔تین ناول کیسے تقسیم ہوں، جبار مرزا کی دستگیری کی دریا دلی میرے بہت کام آئ۔۔۔۔۔۔۔۔۔۔۔۔۔۔۔۔نسیم سحر صاحب پختہ گو استاد شاعر ہیں۔۔۔۔۔17 سے زیادہ منظوم کلام منظر عام پر تحسین سخن شناسی حاصل کر چُکے ہیں۔۔۔۔۔۔آسماں زیر زمیں۔۔۔۔۔۔خاور اعجاز نے منتخب کلام کو مرتب کیا تھا۔۔۔۔۔جگنو، دیے ستارے۔۔۔۔۔نسیم سحر نے ہم مبتدی طلباء کو عنائت فرمایۓ۔۔۔۔۔۔۔۔۔۔۔۔۔۔۔۔جبار مرزا ۔۔۔۔۔بٹرے جہاں دیدہ اور دورس نگہ رکھنے والے فہیم استاد صحافی بھی ہیں۔۔۔۔۔ان کی رگ تیموریت تو پھڑکتی رہتی ہے اور بزلہ سنجی بھی کمال کی ہے۔۔۔۔۔۔۔۔نور جہاں، دلیپ اور دوسرے فلمی ستارے ۔۔۔۔۔معروف صحافی ضیا شاہد کی قلم فاؤنڈیشن کی خوبصورت ترین تخلیق ہے۔۔۔۔۔میں نے یہ سوچتے ہوئے شکریہ کے شہد آگیں جزبات کے ساتھ قبول کی 
بابر بہ عیش کوش کہ عالم دوبارا نیست
۔۔۔۔۔۔۔۔۔۔۔۔۔۔۔۔۔۔۔۔۔۔
ق
۔۔۔۔۔۔۔۔۔۔۔۔۔۔۔۔۔۔۔ ۔۔۔۔
سید ماجد علی شاہ کے افسانوں کی کتاب کا نام۔۔۔۔ق۔۔۔۔۔ہے ۔۔۔۔۔۔انسٹی ٹیوٹ آف اورینٹل اسٹڈیز رشین اکیڈمی سائنس، ماسکو (روس) کی ڈاکٹر لڈ میلا ویسلوا۔۔۔۔۔۔ڈاکٹر تھامس اسٹیمر، سیولا یونیورسٹی (سپین) کے علاوہ عامر سہیل (ایبٹ آباد) کی آراء شامل کتاب ہیں۔۔۔۔۔۔۔۔۔۔انتساب سے اندازہ لگایا جا سکتا ہے۔۔۔۔۔۔۔۔۔۔۔۔
لمس کے نام۔۔۔۔۔۔۔۔جو انسان کی اولین حس ہے
۔۔۔۔۔۔۔۔۔۔۔۔۔۔۔۔۔۔۔ڈاکٹر خورشید احمد شکوری۔۔۔۔۔بٹرے عرصے سے اسلام آباد میں خامہ بگوش ہیں۔۔۔۔۔۔۔پرنسپل کی حیثیت سے ریٹائر ہونے کے بعد بھی اقبالیات کے دروس دیتے ہیں ۔شکر ہے کہ ان کا شمار اقبالی مجرموں میں نہیں ہوتا۔۔۔۔۔۔صحافت کے کوچے میں نیک نامی کمای۔۔۔۔۔۔دو برس روضہ رسول صلی اللہ علیہ وسلم کی پلکوں سے جاروب کشی کی سعادتیں نصیب ہوئیں۔۔۔۔۔۔۔۔ وہاں سے بہ دیدہ نم آے اور کامرس کالج میں پرنسپل شپ کے گن گانے کی بجائے خلق خدا سے رشتہ وفا نبھایا۔۔۔۔۔۔۔۔نسبت تلمبہ کے مضافات سے ہے۔۔۔۔حصول علم کے لیے ملتان نے آغوش میں لوری دی۔۔۔۔۔تعلق پروفیسر محمد اقبال عابد سے ہے۔۔۔۔۔ناول دیا ۔۔۔خوشیوں کے جزیرے آباد ہوئے ۔۔۔۔۔افسانہ نگار سید واجد علی شاہ ۔۔۔ان کے تعلق دار ہیں۔۔۔۔۔۔ق ۔۔۔ایک میری دسترس میں اور دوسری دسترس سے دوری میں پروفیسر محمد اقبال عابد کے نشیمن میں ہم نشینی کے لیے بیقرار ۔۔۔۔۔۔۔ ۔۔۔۔

اسلام آباد میں ابھی رہنا تھا۔۔۔یار دلدار سید بادشاہ۔۔۔۔۔فاروق حسین کاشمیری ۔۔۔۔4 گھنٹے کی مسافت پر مظفرآباد (آزاد کشمیر) میں دلداری کے لیے تیار تھا۔۔۔۔۔۔وہ محبت کا دہشتگرد ہے مگر میرا ہمسفر ابھی نوکر پیشہ ہے اور اب سرکاری ملازمت میں مولوی مدن کی بات نہیں رہی۔۔۔۔۔تبدیلی آ چکی ہے۔۔۔۔۔۔۔۔اب میں ہوں اور اک شہر آرزو۔۔۔۔۔۔۔۔نیچے زاد سفر ، کی عکاسی کے چند مناظر آپ کی علمی ضیافت کے لیے ۔۔۔۔۔۔۔۔۔۔۔۔۔۔سلامت رہیں آمین