(Last Updated On: )
یاد رفتگاں : بانی ادارہ الامین اور الامین تحریک کی روح رواں اور مبلغ تعلیمی بیداری اور انفارمیشن ٹکنالوجی ڈاکٹر ممتاز احمد خاں کے سانحۂ ارتحال پر منظوم خراج عقیدت
ڈاکٹر ممتاز خاں کی ہے درخشاں الامین
تھے جنوبی ہند میں جو نازش بر صغیر
عہد حاضر کے تھے وہ سرسید ثانی وہاں
کام جو وہ کررہے تھے ہے وہ لانا جوئے شیر
اوکھلا دلی میں بھی اک الامیں کی شاخ ہے
جس کی ہیں خدمات تعلیمی یہاں بھی بینظیر
جنت الفردوس میں درجات ہوں ان کے بلند
ملک و ملت کے تھے جو اک محسن روشن ضمیر
دیتے تھے انفارمیشن ٹکنالوجی کو فروغ
ان کی علمی اور فنی شخصیت تھی دلپذیر
مٹ نہیں سکتے کبھی ان کے نقوش جاوداں
تھے بصیرت اور بصارت کے جہاں میں وہ امیر
قدرداں خدمات کا ہے ان کی برقی اعظمی
جن کے مداحوں کی ہے تعداد ہر جانب کثیر
