(Last Updated On: )
یاد رفتگاں: بیاد رہنمائے تحریک اسلامی و چیئرمین جماعت اسلامی ہند ایجوکیشن بورڈ جناب نصرت علی مرحوم
رہنما تحریک اسلامی کے تھے نصرت علی
ناشر دین مبیں تھی ان کی عملی زندگی
تھے وہ اسلامی شریعتِ پر ہمیشہ کاربند
عمر بھر اس کے لئے لوگوں کو بھی تلقین کی
ان کی تعلیمات تھیں سودو زیاں سے بے نیاز
ان کا تعلیمی مشن تھا مظہر حب نبی
خدمت دیں کے لئے تھے وقف ان کے روزوشب
تھے وہ عملاً زندگی بھر پارسا و متقی
جان و دل سے تھا انھیں مرغوب اسلامی شعار
دیتے تھے سب کو پیام امن و صلح و آشتی
کردیا کورونا نے ان کی زندگی کا خاتمہ
ورنہ ان کی ذات سے سب کو بہت امید تھی
اور بھی تعلیم اسلامی کو وہ دیں گے فروغ
مطلع انوار ہے عالم میں جس کی روشنی
رہنمائے دین و ملت تھے جو اک ہردلعزیز
قدرداں خدمات کا ہے ان کی برقی اعظمی
