(Last Updated On: )
تاریخ پیدائش : یکم اکتوبر 1919
تاریخ وفات : 24 مئی 2000
شخصیت مجروح کی ہے نازش سلطانہور
جن کے گلہائے سخن ہیں باعث کیف و سرور
ہوگئی ادبی فضا ہموار ان کی ذات سے
فلمی دنیا کے افق پر جب ہوا ان کا ظہور
فکری اور فنی روایت کے ادب میں تھے نقیب
جلوہ گر اشعار سے ہے ان کا تخلیقی شعور
بیشتر نظمیں ہیں عصری آگہی سے ہمکنار
سوز و ساز عشق کا غزلوزں میں ہے ان کی وفور
وہ سپہر فکر و فن پر تھے درخشاں اس طرح
مطلع انوار ہے رنگ سخن کا ان کے نور
لوح دل پر مرتسم ہیں ان کی یادوزں کے نقوش
یاد آئیں گے ہمیشہ اہل دل کو وہ ضرور
جنت الفردوس میں ان کو ملے ابدی سکوں
سایہ گستر ہو ہمیشہ فضل رحمن و غفور
فکر و فن پر تھی انھیں برقی مکمل دسترس
جملہ اصناف سخن پر تھا انھیں حاصل عبور
