(Last Updated On: )
تاریخ وفات : 24اپریل 2021
آج رخصت ہو گئے ایوان غالب ( Ghalibinstitute Delhi ) کے مدیر
کام جو وہ کررہے تھے ہے وہ لانا جوئے شیر
تھے رضا حیدر جو اپنے آپ میں اک انجمن
ہیں فروغ اردو میں خدمات ان کی بینظیر
ان کی بزم آرائیاں دلی میں تھیں ورد زباں
شخصیت میں ان کی تھا اردو نوازی کا خمیر
ہوگئے تھے چند دن پہلے وہ کورونا کے شکار
کشور شعروادب کے ان دنوں تھے جو امیر
جنت الفردوس میں درجات ہوں ان کے بلند
خلد میں نازل ہو ان پر رحمت رب قدیر
ہیں فروغ اردو میں خدمات ان کی لازوال
ان کی علمی اور ادبی خدمتیں ہیں دلپذیر
اپنے حسن خلق سے برقی تھے وہ ہردلعزیز
معترف اس بات کا ہے خطہ بر صغیر
