اردو زبان میں متبادل الفاظ یا متروک الفاظ، مسئلہ کیا ہے؟

ہم آئے روز کسی نہ کسی طرف سے ’’اردو میں بعض الفاظ کے متبادل نہ ہونے‘‘ کے مسئلے پر کچھ نہ کچھ سنتے رہتے ہیں۔

لیکن معلوم نہیں ایک اس سے بھی زیادہ بڑے اور سنگین مسئلے کی طرف اہلِ دانش توجہ کیوں نہیں فرماتے اور اگر فرماتے ہیں تو اس پر اتنی بھی کُڑھن کیوں کہیں نظر نہیں آتی جتنی مہنگائی یا لوڈ شیڈنگ کے مسئلے پر ہوتی ہے، حالانکہ یہ مسئلہ بھی کم سنگینی نہیں رکھتا۔

یہ درست ہے کہ دنیا کی اکثر زبانوں کی طرح اردو میں بھی بعض مطالب کےلیے کچھ متعین الفاظ کا نہ ہونا بعید از امکان و قیاس نہیں ہے۔ اردو کی اس کمی کو انگریزی سے لفظ لے لینے (جو کہ عیب نہیں) سے پہلے اپنی مقامی زبانوں کے ذخیرۂ الفاظ سے پورا کرنا چاہیے۔

لیکن دوسرا اور سنگین مسئلہ، جو علمی سے زیادہ نفسیاتی ہے، یہ ہے کہ ہماری زبان میں بے شمار الفاظ ایسے بھی ہیں جو ابھی چند دہائیاں پہلے تک ہماری روز مرہ زندگی میں بلاتکلف مستعمل تھے اور ہماری ہر ضرورت کو پورا کررہے تھے مگر پھر اچانک نہ جانے کیا ہوا کہ انکی جگہ منوں کے حساب سے انگریزی الفاظ و مرکبات ہمارے منہ اور زندگی میں داخل ہونا شروع ہوگئے اور دیکھتے ہی دیکھتے انہوں نے ہمارے خوبصورت الفاظ کو ایک طرح سے زندگی باہر کردیا۔

یوں تو اسکی مثالیں ہمارے ہر گوشۂ حیات میں بے حدوحساب ہیں مگر ہم صرف اپنے گھر باہر، باورچی خانوں اور رسوئی گھروں میں کھانے پینے کی اشیا کے ناموں اور ان سے زیادہ اپنے پکوانوں کی تراکیبِ و پکوائی کیلیے مروج الفاظ پر ہی ایک سرسری سی نظر ڈال لیں تو اندازہ ہوجائے گا کہ ہم اپنے کتنے ہی مقامی و دیسی الفاظ سے بہ سرعت محروم ہوتے جارہے ہیں۔ اسمیں تو چلیے ہم اپنے معاشرے میں جنگلی کھمبیوں کی طرح اُگے ٹی وی چیلنز کو قصور وار ٹھہرا دیں گے کہ جنکے صبح کے پروگراموں میں کھانے پکانے کی “ریسیپیز” نے ہمیں چمچ کو سپون نمک کو سالٹ اور لہسن کو گارلک کہنے پر لگا دیا ہے مگر اس بات کے لیے ہم کسے دوشی ٹھہرائیں گے کہ اب گلی محلے اور بازاروں کی دکانوں تک پہ ہمیں ملک اینڈ دہی شاپ، بوٹ اینڈ چپل ہاؤس لکھا نظر آتا ہے۔ حجام کی دکان اب باربر شاپ ہے قصائی بیف اینڈ مٹن فروش اور موچی شُومیکر ہے۔

اور آگے بڑھیے تو تعمیرات سے متعلق دکانیں تعمیراتی سامان/مسالہ فروش کے بجائے کنسٹرکشن میٹیریل سیل کرتی نظر آئیں گی۔ اب تو نہایت کم پڑھے لکھے یا ان پڑھ مستری مزدور بھی میسن اور لیبر کہلاتے ملتے ہیں۔ ایک زمانہ تھا کہ ہمارے عام کرخنداروں نے بیسیوں انگریری آلات کو “اُردوا” کر plier کو پلاس اور wrench کو پانا بنا کر وہ کام کر دکھایا جس کیلیے بعد میں مقدرہ قومی زبان جیسے ادارے بنانے پڑے تھے۔ مگر اب گاڑیوں کی مستری موٹر میکینک “چِپ کش” ڈنٹر اور’’ رنگ کار‘‘ پنٹر کہلانے لگے ہیں۔

 

اردو میں بعض اشیا و تصوارت و مطالب کی ادائیگی کیلیے الفاظ کے فقدان کا گلہ ضرور کرنا چاہیے مگر پہلے اس المیے کے اسباب کو تو کھوج لیں کہ اردو میں موجود سیکڑوں روز مرہ کے الفاظ کو ہم کیوں اور کس مجبوری کے سبب بھولتے جا رہے ہیں؟

 

شان الحق حقی کے بعد مشتاق احمد یوسفی ہمارے اس المیے پر رونے والے آخری ایسے نثرنگار رہ گئے ہیں جو ہماری اردو کے مرتے گمشدہ ہوتے زخیرہ الفاظ پر نوحہ گری کیا کرتے تھے۔ یوسفی صاحب نے آبِ گم میں رنگوں کیلیے اردو کے بیسیوں ایسے الفاظ کی فہرست دی ہے جن میں سے اکثر اب ہمارے لیے اجنبی ہوچکے ہیں اور ان کیلیے اب ہم بے کسی شہابی احساس کے بغیر انگریزی کے الفاظ استعمال کرتے ہیں۔ قرمزی نارنجی شربتی رنگوں کو آج کون جانتا ہے؟ اودے پیلے نیلے رنگ سے بھی، خدا جھوٹ نہ بلوائے تو بہت جلد اقبال کا شعر

پھول ہیں صحرا میں یا پریاں قطار اندر قطار

اودے اودے، نیلے نیلے، پیلے پیلے پیرہن

پڑھنے والے پریوں کے عاشق ہی واقف رہ جائیں گے۔

 

مقصد اس ساری دراز نفسی سے یہ ہے کہ اردو میں بعض اشیا و تصوارت و مطالب کی ادائیگی کیلیے الفاظ کے فقدان کا گلہ ہمیں ضرور کرنا چاہیے مگر پہلے ہم اس المیے کے اسباب کو تو کھوج لیں کہ اردو زبان میں موجود سیکڑوں ہزاروں روز مرہ کے الفاظ کو ہم کیوں اور کس مجبوری کے سبب بھولتے جا رہے ہیں؟

 

راقم کے نزیک اسکی صرف اور محض ایک وجہ ہے اور وہ ہے اپنی زبان کیلیے احساسِ کمتری اور انگریزی کے الفاظ اور جدید لائف اسٹائل کے مقابل اپنے مقامی و دیسی اسلوبِ حیات و ثقافتی اقدار کیلیے احساسِ ندامت و شکست۔

جب افراد و اقوام میں اپنے تہذیبی ورثے اور اقدار سے جُڑی علامات کیلیے ایک خاص طرح کی “عصبیت”(یاد رہے میں یہ لفظ مثبت معنی میں استعمال کر رہا ہوں) باقی نہ رہے تو اس قوم کی حیثیت گردابِ وقت میں تھپیڑے کھاتی بن مانجھی کی ناؤ جیسی رہ جاتی ہے جسکی ناغرقابی ایک معجزہ ہی سمجھیے۔

 

دوسری زبانوں سے نت نئے الفاظ کو تخلیقی مہارتوں کے ساتھ اپنانے اور اور اپنے روایتی ذخیرۂ الفاظ کو مردہ ہونے سے بچانے کیلیے اگر ہم میں وہ خاص عصبیت اور خوابوں کو حقیقت بنانے والے فولادی عزم کی کمی رہے گی تو یقین جانیے کہ اپنا کوئی لفظ و علامت ہماری روز مرہ زندگی میں کبھی چلن نہیں پاسکتا۔ 

الفاظ و اشیا کے پیچھے اگر انکو عمل میں مروج رکھنے اور چلن میں برقرار رکھنے کا اردہ کمزور پڑ جائے تو دنیا بھر کے دائرۃالمعارف اور لغت ہائے مشرق و مغرب بھی ہمیں گونگا ہونے سے نہیں بچا سکیں گے۔

اس فہرست میں اردو کے وہ الفاظ درج ہیں ﺟﻮ ﺍﻧﮕﺮﯾﺰﯼ ﺯﺑﺎﻥ ﮐﮯ ﺍﺛﺮﺍﺕ ﮐﯽ ﻭﺟﮧ ﺳﮯ آہستہ آہستہ ﻣﺘﺮﻭﮎ ﮨﻮﺗﮯ ﺟﺎ ﺭﮨﮯ ﮨﯿﮟ:

فہرست

اردو انگریزی حوالہ

آبدار خانہ

آرسی Thumb ring 

آویزہ (زیور) Earring 

اچکن Achkan 

ادقچہ Bed sheet 

انٹا Billiard ball

انٹا بازی Billiards 

انگرکھا Angarkha 

بجرا Pleasure craft 

بخشی Paymaster 

برما Gimlet (tool) 

بنس پھوڑ

پائیں باغ Back garden 

پچی کاری Mosaic 

پرچیں کاری Wood carving

پنسل تراش Pencil sharpener 

پوتڑا Diaper 

پیش کار

پھاٹک Gate 

تازی خانہ Kennel 

ترسیل گاہ Transmitter station

تنبولی

توشہ خانہ اسٹور روم Utility room 

تھانگ چوروں کا اڈہ Den of Thieves 

ٹم ٹم Tandem

ٹھٹیرا Tinsmith 

جھوت Alley 

جھاڑن

جھروکا Balcony 

چاہ (جسم) Dimple 

چلمچی Sink 

چنگیری Breadbox 

چنور/مگس راں Fly-whisk 

چوبی فرش Wood flooring

چولی Bodice 

چھیپی

خاک انداز Dustpan

خاتم کاری Khatam 

خلاصی Sailor 

فرہنگ آصفیہ جلد اول و اوکسفرڈ اردو انگریزی لغت

خراد Lathe 

دراز (فرنیچر) Drawer (furniture) 

دستوری Commission (remuneration) 

دم ساز Backing vocalist 

دم سازی Vocal harmony 

دیوان خانہ en:Drawing room

ڈیوڑھی Porch 

رکابی Plate (dishware) 

رنگ ریز Dyer (occupation) 

ریختہ گری Casting

زرکوبی Goldbeating 

زنبور Hand cannon 

بزم آخر از منشی فیاض الدین

زیر پائی Slipper 

سلیم شاہی Mojari 

سنگھار میز Dressing table

سلوتری Veterinary physician 

سینی Tray 

شاگرد پیشہ Servants' quarters 

شبستان Cottage

شست Fish hook 

صافی (کپڑا) Dishcloth

عقب نما آئینہ Rear-view mirror

فرغل Cloak 

فرنجک Night hag

کسیرا Coppersmith

کمانی (گاڑی) Shock absorber 

کمانی دار ترازو Spring scale 

کوڑے دان Waste container 

گذری Night market 

پیری میں کروں سیر جہاں کی تو بجا ہے

ہوتا ہے ڈھلے دن سے تماشا گذری کا

(چمنستان شعرا)

گرگابی Sandal 

گنی (سکہ) Guinea (coin) 

گھونگھٹ کا دروازہ Revolving door 

لیموں کا آبشورہ Lemonade 

مرکی Stud earring

مودی خانہ Pantry 

مہتمم نشر گاہ Station director 

نعمت خانہ Refrigerator

نیم برشت Half boiled

پاورقی حاشیہ Footnote