اُردو افسانہ ربڑ – پنجند۔کوم

ﯾﮧ 1978 ﺀ ﮐﯽ ﮔﺮﻣﯿﻮﮞ ﮐﯽ ﺑﺎﺕ ﮨﮯ ﺟﺐ ﭘﮩﻠﯽ ﺑﺎﺭ ﻣﺠﮭﮯ ﺍﯾﮏ ﺑﯿﺶ ﻗﯿﻤﺖ ﺧﻮﺍﺏ ﺁﯾﺎ۔ ﻣﯿﮟ ﻣﻠﺘﺎﻥ ﮐﮯ ﺍﯾﻢ ﺳﯽ ﭘﺮﺍﺋﻤﺮﯼ ﺳﮑﻮﻝ ﻣﯿﮟ ﺩﻭﺳﺮﯼ ﮐﻼﺱ ﻣﯿﮟ ﭘﮍﮬﺘﺎ ﺗﮭﺎ ﺟﺴﮯ ﺍُﺱ ﺩﻭﺭ ﻣﯿﮟ ’’ﭘﮑﯽ ﺟﻤﺎﻋﺖ‘‘ ﮐﮩﺎ ﺟﺎﺗﺎﺗﮭﺎ۔ ﯾﮧ ﻭﮦ ﺩﻭﺭ ﺗﮭﺎ ﺟﺐ ﺻﺒﺢ ﺻﺒﺢ ﮔﻠﯿﻮﮞ ﻣﯿﮟ ’’ﻣﺎﺷﮑﯽ‘‘ ﺑﮍﯼ ﺳﯽ ﻣﺸﮏ ﺍُﭨﮭﺎﺋﮯ ﭼﮭﮍﮐﺎﺅ ﮐﯿﺎ ﮐﺮﺗﮯ ﺗﮭﮯ۔ ﻣﯿﺮﺍ ﺳﮑﻮﻝ ﻣﯿﺮﮮ ﮔﮭﺮ ﺳﮯ ﮐﭽﮫ ﮨﯽ ﻓﺎﺻﻠﮯ ﭘﺮ ﺗﮭﺎ۔ﻣﯿﺮﯼ ﻣﺎﮞ ﺟﯽ ﻧﮯ ﻟﻨﮉﮮ ﺳﮯ ﺍﯾﮏ ﮈﺑﯿﻮﮞ ﻭﺍﻟﯽ ﭘﺮﺍﻧﯽ ﭘﯿﻨﭧ ﺧﺮﯾﺪ ﮐﺮ ﻣﺠﮭﮯ ﺍﺱ ﮐﺎ ﺑﺴﺘﺎ ﺑﻨﺎ ﮐﺮ ﺩﯾﺎ ﮨﻮﺍ ﺗﮭﺎ ‘ ﺍِﺱ ﺑﺴﺘﮯ ﮐﯽ ﺧﻮﺑﯽ ﯾﮧ ﺗﮭﯽ ﮐﮧ ﺍﺱ ﻣﯿﮟ ﺩﻭ ﺟﯿﺒﯿﮟ ﺗﮭﯽ ﺍﻭﺭﺟﯿﺒﻮﮞ ﻭﺍﻻ ﯾﮧ ﺑﺴﺘﮧ ﻣﺠﮭﮯ ﺑﮩﺖ ﭘﺴﻨﺪ ﺗﮭﺎ۔ﺍُﺱ ﺩﻭﺭ ﻣﯿﮟ ﻭﮨﯽ ’’ ﺳﯿﭩﮫ ﮐﺎ ﺑﭽﮧ ‘‘ ﺷﻤﺎﺭ ﮨﻮﺗﺎ ﺗﮭﺎ ﺟﺲ ﮐﮯ ﺑﺴﺘﮯ ﮐﯽ ﺟﯿﺒﯿﮟ ﺯﯾﺎﺩﮦ ﮨﻮﺗﯽ ﺗﮭﯿﮟ۔ ﮨﺮ ﺑﭽﮯ ﮐﻮ ﺣﮑﻢ ﺗﮭﺎ ﮐﮧ ﻭﮦ ﺍﭘﻨﮯ ﺑﯿﭩﮭﻨﮯ ﮐﮯ ﻟﯿﮯ ’’ ﭼﭩﺎﺋﯽ ‘‘ ﮔﮭﺮ ﺳﮯ ﻟﮯ ﮐﺮ ﺁﺋﮯ ‘ ﺍﺑﺎ ﺟﯽ ﭼﭩﺎﺋﯽ ﺗﻮ ﺍﻓﻮﺭﮈﻧﮩﯿﮟ ﮐﺮ ﺳﮑﺘﮯ ﺗﮭﮯ ﺗﺎﮨﻢ ﺍﻧﮩﻮﮞ ﻧﮯ ﻣﺠﮭﮯ ﮐﮩﯿﮟ ﺳﮯ ﺟﮕﮧ ﺟﮕﮧ ﭘﯿﻮﻧﺪ ﻟﮕﯽ ﺍﯾﮏ ﭼﺎﺩﺭ ﻻ ﺩﯼ ﺗﮭﯽ ﺟﻮ ﺳﮑﻮﻝ ﻣﯿﮟ ﻣﯿﺮﮮ ﺑﯿﭩﮭﻨﮯ ﮐﮯ ﮐﺎﻡ ﺑﮭﯽ ﺁﺗﯽ ﺗﮭﯽ ﺍﻭﺭ ﻣﯿﮟ ﺍِﺱ ﺳﮯ ﺳﻠﯿﭧ ﺑﮭﯽ ﺻﺎﻑ ﮐﺮﻟﯿﺎ ﮐﺮﺗﺎ ﺗﮭﺎ۔ﺻﺒﺢ ﮐﮯ ﭼﺎﺭ ﺑﺠﮯ ﺗﮭﮯ ﺟﺐ ﻣﺠﮭﮯ ﻣﺤﺴﻮﺱ ﮨﻮﺍ ﮐﮧ ﻣﯿﺮﮮ ﺍﺭﺩﮔﺮﺩ ’’ ﺭﺑﮍﮨﯽ ﺭﺑﮍ ‘‘ ﺑﮑﮭﺮﮮ ﭘﮍﮮ ﮨﯿﮟ ‘ ﻣﯿﮟ ﮨﮍﺑﮍﺍ ﮐﺮ ﺍُﭨﮫ ﺑﯿﭩﮭﺎ ‘ ﺍِﺩﮬﺮ ﺍُﺩﮬﺮ ﮨﺎﺗﮫ ﻣﺎﺭﺍ ﻟﯿﮑﻦ ﮨﺎﺗﮫ ﺧﺎﻟﯽ ﺗﮭﮯ ‘ ﻣﯿﮟ ﻧﮯ ﺟﻠﺪﯼ ﺳﮯ ﭘﮭﺮ ﺁﻧﮑﮭﯿﮟ ﺑﻨﺪ ﮐﺮﻟﯿﮟ ﺍﻭﺭ ﺍِﺳﯽ ﺣﺴﯿﻦ ﺧﻮﺍﺏ ﻣﯿﮟ ﭘﮭﺮ ﮐﮭﻮ ﺟﺎﻧﺎ ﭼﺎﮨﺎ ﻟﯿﮑﻦ ’’ ﺭﺑﮍ ‘‘ ﺍﭘﻨﯽ ﺍﯾﮏ ﺟﮭﻠﮏ ﺩﮐﮭﻼ ﮐﺮ ﻏﺎﺋﺐ ﮨﻮﭼﮑﮯ ﺗﮭﮯ۔ﻣﯿﺮﯼ ﻧﯿﻨﺪ ﺍُﮌ ﮔﺌﯽ ﺍﻭﺭ ﺩﻝ ﻣﯿﮟ ﺍﭘﻨﯽ ﺍﻭﻗﺎﺕ ﺳﮯ ﺑﮍﮪ ﮐﺮ ﺍﯾﮏ ﺧﯿﺎﻝ ﺍُﺑﮭﺮﺍ ﮐﮧ ﮐﺎﺵ ﻣﯿﺮﮮ ﭘﺎﺱ ﺑﮭﯽ ﺍﯾﮏ ﺭﺑﮍ ﮨﻮ ﺍﻭﺭ ﻣﯿﮟ ﺑﮭﯽ ﮐﭽﯽ ﭘﻨﺴﻞ ﺳﮯ ﮐﭽﮫ ﻏﻠﻂ ﻟﮑﮫ ﮐﺮ ﺍُﺳﮯ ﺭﺑﮍ ﺳﮯ ﻣﭩﺎﺅﮞ۔
ﺳﮑﻮﻝ ﺟﺎﻧﮯ ﮐﺎ ﻭﻗﺖ ﮨﻮﺍ ﺗﻮ ﻣﺎﮞ ﺟﯽ ﻧﮯ ﺑﮍﮮ ﺳﮯ ﭘﯿﺎﻟﮯ ﻣﯿﮟ ﭼﺎﺋﮯ ﮈﺍﻝ ﮐﺮ ﺍُﺱ ﻣﯿﮟ ﭘﺮﺍﭨﮭﮯ ﮐﮯ ﭼﮭﻮﭨﮯ ﭼﮭﻮﭨﮯ ﭨﮑﮍﮮ ﮈﺍﻝ ﮐﺮ ﻣﯿﺮﮮ ﺳﺎﻣﻨﮯ ﺭﮐﮫ ﺩﯾﮯ۔ﯾﮧ ﻣﯿﺮﺍ ﭘﺴﻨﺪﯾﺪﮦ ﻧﺎﺷﺘﮧ ﺗﮭﺎ ﻟﯿﮑﻦ ﻣﯿﺮﺍ ﺩﻣﺎﻍ ﺗﻮ ﮐﺴﯽ ﺍﻭﺭ ﻃﺮﻑ ﮨﯽ ﺍﻟﺠﮭﺎ ﮨﻮﺍ ﺗﮭﺎ۔ﺍﺑﺎ ﺟﯽ ﭘﺎﺱ ﮨﯽ ﮐﭽﯽ ﺯﻣﯿﻦ ﭘﺮ ﺑﯿﭩﮭﮯ ﺍﭘﻨﯽ ﮨﻮﺍﺋﯽ ﭼﭙﻞ ﮐﻮ ﺍﯾﮏ ﻣﺰﯾﺪ ﭨﺎﻧﮑﺎ ﻟﮕﺎ ﺭﮨﮯ ﺗﮭﮯ ‘ ﺍﺱ ﮨﻮﺍﺋﯽ ﭼﭙﻞ ﭘﺮ ﺍﺗﻨﮯ ﭨﺎﻧﮑﮯ ﻟﮓ ﭼﮑﮯ ﺗﮭﮯ ﮐﮧ ﺍﺏ ﻧﯿﺎ ﭨﺎﻧﮑﺎﻟﮕﺎﻧﮯ ﮐﮯ ﻟﯿﮯ ﺑﮭﯽ ﮐﻮﺋﯽ ﺟﮕﮧ ﻧﮩﯿﮟ ﺑﭽﯽ ﺗﮭﯽ ﻟﯿﮑﻦ ﺍﺑﺎ ﺟﯽ ﮐﻮ ﺷﺎﺋﺪ ﺍِﺳﯽ ﺳﮯ ﻋﺸﻖ ﺗﮭﺎ ﻟﮩﺬﺍ ﮨﺮ ﺩﻭﺳﺮﮮ ﺭﻭﺯ ﺍﺱ ﮐﯽ ’’ ﺑﺨﯿﮧ ﮔﺮﯼ ‘‘ ﻣﯿﮟ ﻟﮓ ﺟﺎﺗﮯ ﺗﮭﮯ۔ ﻣﺠﮭﮯ ﯾﺎﺩ ﮨﮯ ﺍﻥ ﮐﮯ ﭘﺎﺱ ﺍﯾﮏ ﺧﺎﮐﯽ ﺭﻧﮓ ﮐﮯ ﭘﺮﺍﻧﮯ ﺳﮯ ﺑﻐﯿﺮ ﺗﺴﻤﻮﮞ ﮐﮯ ﺑﻮﭦ ﺑﮭﯽ ﺗﮭﮯ ﻟﯿﮑﻦ ﻭﮦ ﺑﮩﺖ ﮐﻢ ﭘﮩﻨﺘﮯ ﺗﮭﮯ ‘ ﻟﯿﮑﻦ ﻣﺠﮭﮯ ﻭﮦ ﮨﻮﺍﺋﯽ ﭼﭙﻞ ﮐﯽ ﻧﺴﺒﺖ ﺑﻮﭨﻮﮞ ﻣﯿﮟ ﺯﯾﺎﺩﮦ ﺍﭼﮭﮯ ﻟﮕﺘﮯ ﺗﮭﮯ ‘ ﻟﮩﺬﺍ ﮐﺌﯽ ﺩﻓﻌﮧ ﻓﺮﻣﺎﺋﺶ ﮐﺮﮐﮯ ﺍُﻥ ﮐﻮ ﺯﺑﺮﺩﺳﺘﯽ ﺑﻮﭦ ﭘﮩﻨﺎ ﺩﯾﺎ ﮐﺮﺗﺎ ﺗﮭﺎ ‘ ﻭﮦ ﮐﭽﮫ ﺩﯾﺮ ﺗﮏ ﻣﯿﺮﯼ ﺧﻮﺍﮨﺶ ﮐﮯ ﺍﺣﺘﺮﺍﻡ ﻣﯿﮟ ﺑﻮﭦ ﭘﮩﻨﮯ ﺭﮐﮭﺘﮯ ‘ ﭘﮭﺮ ﯾﮧ ﮐﮩﺘﮯ ﮨﻮﺋﮯ ﺍُﺗﺎﺭ ﺩﯾﺘﮯ ﮐﮧ ’’ ﯾﺎﺭ۔۔۔ﺍﯾﮩﮧ ﻣﯿﻨﻮﮞ ﺑﮩﺖ ﭼُﺒﮭﺪﮮ ﻧﯿﮟ ‘‘ ۔
ﻣﯿﮟ ﻧﮯ ﮐﭽﮫ ﺩﯾﺮﺍﭘﻨﮯ ﺧﻮﺍﺏ ﮐﮯ ﺑﺎﺭﮮ ﻣﯿﮟ ﺳﻮﭼﺎ ‘ ﭘﮭﺮ ﺁﮨﺴﺘﮧ ﺳﮯ ﮐﮩﺎ ’’ ﺍﺑﺎ ﺟﯽ ! ﻣﯿﮟ ﻧﮯ ﺭﺑﮍ ﻟﯿﻨﺎ ﮨﮯ ‘‘ ۔ﺍﺑﺎ ﺟﯽ ﻧﮯ ﭼﻮﻧﮏ ﮐﺮ ﻣﯿﺮﯼ ﻃﺮﻑ ﺩﯾﮑﮭﺎ ‘ ﭘﮭﺮ ﻣﺴﮑﺮﺍﺗﮯ ﮨﻮﺋﮯ ﻣﯿﺮﮮ ﺑﺎﻟﻮﮞ ﻣﯿﮟ ﮨﺎﺗﮫ ﭘﮭﯿﺮﺍ ﺍﻭﺭ ﺑﻮﻟﮯ ’’ ﺗﻢ ﺗﻮ ﺍﺑﮭﯽ ﺗﺨﺘﯽ ﻟﮑﮭﺘﮯ ﮨﻮ ‘ ﺭﺑﮍ ﺗﻮ ﭼﻮﺗﮭﯽ ﺟﻤﺎﻋﺖ ﮐﮯ ﺑﭽﮯ ﻟﯿﺘﮯ ﮨﯿﮟ۔ ‘‘ ﻣﯿﮟ ﻧﮯ ﭘﯿﺎﻟﮧ ﺍﯾﮏ ﻃﺮﻑ ﺭﮐﮭﺎ ﺍﻭﺭ ﺟﮭﭧ ﺳﮯ ﺍﺑﺎ ﺟﯽ ﮐﯽ ﮔﻮﺩ ﻣﯿﮟ ﭼﮍﮪ ﮔﯿﺎ ’’ ﻣﺠﮭﮯ ﻧﮩﯿﮟ ﭘﺘﺎ۔۔۔ﻣﯿﮟ ﻧﮯ ﺭﺑﮍ ﻟﯿﻨﺎ ﮨﮯ ‘‘ ۔ ﺍﺑﺎ ﺟﯽ ﻧﮯ ﮐﻦ ﺍﮐﮭﯿﻮﮞ ﺳﮯ ﻣﺎﮞ ﺟﯽ ﮐﯽ ﻃﺮﻑ ﺩﯾﮑﮭﺎ ﺟﻮ ﺭﺍﺕ ﮐﮯ ﺑﭽﯽ ﮨﻮﺋﯽ ﺭﻭﭨﯽ ﭘﺮ ﺗﮭﻮﮌﺍ ﺳﺎ ﮔﮭﯽ ﻟﮕﺎ ﮐﺮ ﺍُﺳﮯ ﺩﻭﺑﺎﺭﮦ ﺯﻧﺪﮦ ﮐﺮ ﺭﮨﯽ ﺗﮭﯿﮟ ‘ ﻣﺎﮞ ﺟﯽ ﺷﺎﺋﺪ ﺍﺑﺎ ﺟﯽ ﺳﮯ ﻧﻈﺮﯾﮟ ﻣﻼﻧﮯ ﮐﯽ ﻣﺘﺤﻤﻞ ﻧﮩﯿﮟ ﮨﻮﺭﮨﯽ ﺗﮭﯿﮟ ﺍﺱ ﻟﯿﮯ ﺟﻠﺪﯼ ﺳﮯ ﺩﮬﯿﺎﻥ ﭼﻮﻟﮩﮯ ﮐﯽ ﻃﺮﻑ ﻟﮕﺎ ﻟﯿﺎ۔ﻣﯿﮟ ﭘﮭﺮ ﻣﭽﻼ ’’ ﺍﺑﺎ ﺟﯽ ﻣﯿﮟ ﻧﮯ ﺭﺑﮍ ﻟﯿﻨﺎ ﮨﮯ۔ ‘‘ ﻣﯿﺮﺍ ﺟﻤﻠﮧ ﺳﻦ ﮐﺮ ﻭﮦ ﺯﻭﺭ ﺳﮯ ﮨﻨﺴﮯ ‘ ﭘﮭﺮ ﻣﯿﺮﮮ ﻣﺎﺗﮭﮯ ﭘﺮ ﺑﻮﺳﮧ ﺩﯾﺎ ﺍﻭﺭ ﺑﻮﻟﮯ ’’ ﻟﮯ ﺩﻭﮞ ﮔﺎ ‘ ﻟﯿﮑﻦ ﭘﮩﻠﮯ ﺍﭼﮭﯽ ﻃﺮﺡ ﻧﺎﺷﺘﮧ ﮐﺮ ‘‘ ۔ﯾﮧ ﺳﻨﺘﮯ ﮨﯽ ﻣﯿﺮﮮ ﺍﻧﺪﺭ ﭘﮭﻠﺠﮍﯾﺎﮞ ﺳﯽ ﭘﮭﻮﭦ ﭘﮍﯾﮟ ‘ ﻣﺠﮭﮯ ﻟﮕﺎ ﺟﯿﺴﮯ ﻣﯿﺮﯼ ﻻﭨﺮﯼ ﻧﮑﻞ ﺁﺋﯽ ﮨﮯ ‘ ﻣﯿﮟ ﻧﮯ ﺣﮑﻢ ﮐﯽ ﺗﻌﻤﯿﻞ ﻣﯿﮟ ﺟﻠﺪﯼ ﺳﮯ ﭘﯿﺎﻟﮧ ﺧﺘﻢ ﮐﯿﺎ ﺍﻭﺭ ﺩﺍﺩ ﻃﻠﺐ ﻧﻈﺮﻭﮞ ﺳﮯ ﺍﺑﺎ ﺟﯽ ﮐﯽ ﻃﺮﻑ ﺩﯾﮑﮭﺎ۔ﺍﺑﺎ ﺟﯽ ﻧﮯ ﻓﺨﺮﯾﮧ ﺍﻧﺪﺍﺯ ﺳﮯ ﻣﯿﺮﮮ ﮐﻨﺪﮬﮯ ﺗﮭﭙﺘﮭﭙﺎﺋﮯ ﺍﻭﺭ ﺑﻮﻟﮯ ’’ ﺷﺎﺑﺎﺵ ﻣﯿﺮﺍﺑﺒﺮ ﺷﯿﺮ ﭘُﺘﺮ ‘‘ ۔ﯾﮧ ﺧﻄﺎﺏ ﻣﯿﺮﮮ ﻟﯿﮯ ﻧﯿﺎ ﻧﮩﯿﮟ ﺗﮭﺎ ‘ ﺍﺑﺎ ﺟﯽ ﺟﺐ ﺑﮭﯽ ﻣﺠﮫ ﺳﮯ ﺧﻮﺵ ﮨﻮﺗﮯ ﺗﮭﮯ ﺍﯾﺴﮯ ﮨﯽ ﮐﮩﺘﮯ ﺗﮭﮯ ‘ ﻟﯿﮑﻦ ﺍُﺱ ﺩﻥ ﻣﺠﮭﮯ ﺍِﺱ ﺧﻄﺎﺏ ﮐﯽ ﻧﮩﯿﮟ ‘ ﺍﯾﮏ ﺭﺑﮍ ﮐﯽ ﺿﺮﻭﺭﺕ ﺗﮭﯽ ﻟﮩﺬﺍ ﺟﻠﺪﯼ ﺳﮯ ﮐﮩﺎ ’’ ﺍﺑﺎ ﺟﯽ ! ﺍﺏ ﺭﺑﮍ ﻟﯿﻨﮯ ﭼﻠﯿﮟ؟ ‘‘ ﻣﯿﺮﺍ ﺟﻤﻠﮧ ﺳﻨﺘﮯ ﮨﯽ ﺍﺑﺎ ﺟﯽ ﮐﮯ ﭼﮩﺮﮮ ﭘﺮ ﺍﯾﮏ ﺭﻧﮓ ﺳﺎ ﺁﮐﺮ ﮔﺬﺭ ﮔﯿﺎ ﻟﯿﮑﻦ ﺍﻧﮩﻮﮞ ﻧﮯ ﻓﻮﺭﯼ ﻃﻮﺭ ﭘﺮ ﻣﺴﮑﺮﺍﮨﭧ ﮐﺎ ﺍﺯﻟﯽ ﻧﻘﺎﺏ ﺍﻭﮌﮪ ﻟﯿﺎ ﺍﻭﺭﺣﺴﺐِ ﻣﻌﻤﻮﻝ ﻣﯿﺮﮮ ﮔﺎﻝ ﺗﮭﭙﺘﮭﭙﺎ ﮐﺮ ﺑﻮﻟﮯ ’’ ﻟﮯ ﺩﻭﮞ ﮔﺎ ﯾﺎﺭ ‘ ﭘﮩﻠﮯ ﭼﻮﺗﮭﯽ ﺟﻤﺎﻋﺖ ﻣﯿﮟ ﺗﻮ ﺁﺟﺎﺅ ‘‘ ۔۔۔ﻣﯿﺮﯼ ﺍُﻣﯿﺪﻭﮞ ﭘﺮ ﭘﺎﻧﯽ ﭘﮭﺮ ﮔﯿﺎ ‘ ﻭﮦ ﺗﻮ ﮐﮩﺘﮯ ﺗﮭﮯ ﮐﮧ ﺻﺒﺢ ﮐﮯ ﻭﻗﺖ ﺁﻧﮯ ﻭﺍﻟﮯ ﺧﻮﺍﺏ ﺳﭽﮯ ﮨﻮﺗﮯ ﮨﯿﮟ ‘ ﭘﮭﺮ ﻣﯿﺮﺍ ﺧﻮﺍﺏ ﮐﯿﻮﮞ ﺳﭽﺎ ﺛﺎﺑﺖ ﻧﮩﯿﮟ ﮨﻮﺭﮨﺎ ﺗﮭﺎ؟ ﮐﯿﺎ ﻣﯿﺮﯼ ﺻﺒﺢ ﺳﭽﮯ ﺧﻮﺍﺏ ﻭﺍﻟﯽ ﺻﺒﺢ ﻧﮩﯿﮟ ﺗﮭﯽ؟ﻣﯿﮟ ﻧﮯ ﺑﮯ ﺩﻟﯽ ﺳﮯ ﺑﺴﺘﮧ ﺍُﭨﮭﺎﯾﺎ ‘ ﺗﺨﺘﯽ ﺍﻭﺭ ﭼﺎﺩﺭ ﺳﻨﺒﮭﺎﻟﯽ ﺍﻭﺭﮈﮬﯿﻠﮯ ﻗﺪﻣﻮﮞ ﮐﮯ ﺳﺎﺗﮫ ﮔﮭﺮ ﺳﮯ ﻧﮑﻞ ﮔﯿﺎ۔
ﺳﮑﻮﻝ ﭘﮩﻨﭽﺎ ﺗﻮ ’’ ﺟﯿﺮﮮ ‘‘ ﻧﮯ ﺑﺘﺎﯾﺎ ﮐﮧ ﻭﮦ ﺭﺑﮍ ﻻﯾﺎ ﮨﮯ ‘ ﻣﺠﮭﮯ ﯾﻘﯿﻦ ﻧﮧ ﺁﯾﺎ ﺍﻭﺭ ﻣﯿﮟ ﻧﮯ ﺻﺎﻑ ﺻﺎﻑ ﮐﮩﮧ ﺩﯾﺎ ﮐﮧ ﺗﻢ ﺟﮭﻮﭦ ﺑﻮﻝ ﺭﮨﮯ ﮨﻮ ‘ ﺍُﺱ ﻧﮯ ﯾﮧ ﺳﻨﺘﮯ ﮨﯽ ﺟﮭﭧ ﺳﮯ ﺍﭘﻨﺎ ﺑﺴﺘﮧ ﮐﮭﻮﻻ ﺍﻭﺭ ﺍﯾﮏ ﺍﺳﺘﻌﻤﺎﻝ ﺷﺪﮦ ﺭﺑﮍ ﻣﯿﺮﯼ ﺁﻧﮑﮭﻮﮞ ﮐﮯ ﺁﮔﮯ ﻟﮩﺮﺍ ﺩﯾﺎ۔ ‘ ﻣﯿﮟ ﺟﻞ ﺑﮭﻦ ﮔﯿﺎ ‘ ﺟﯿﺮﺍ ﺑﮭﯽ ﺗﻮ ﭘﮑﯽ ﺟﻤﺎﻋﺖ ﻣﯿﮟ ﺗﮭﺎ ‘ ﭘﮭﺮ ﺍُﺱ ﮐﮯ ﺍﺑﺎ ﺟﯽ ﻧﮯ ﮐﯿﺴﮯ ﺍُﺳﮯ ﺭﺑﮍ ﻟﮯ ﺩﯾﺎ؟
ﻣﯿﮟ ﻧﮯ ﺍُﺱ ﮐﮯ ﮨﺎﺗﮭﻮ ﮞ ﺳﮯ ﺭﺑﮍ ﻟﮯ ﮐﺮ ﺍﻟﭧ ﭘﻠﭧ ﮐﺮ ﺩﯾﮑﮭﺎ ‘ ﻭﮦ ﻭﺍﻗﻌﯽ ﺍﯾﮏ ﺭﺑﮍ ﺗﮭﺎ ‘ ﺍﺻﻠﯽ ﺭﺑﮍ۔ﻣﯿﺮﯼ ﺩﻟﭽﺴﭙﯽ ﮐﻮ ﺩﯾﮑﮭﺘﮯ ﮨﻮﺋﮯ ﺟﯿﺮﮮ ﻧﮯ ﺟﮭﭧ ﺳﮯ ﺍﯾﮏ ﮐﺎﻏﺬ ﺍﻭﺭ ﮐﭽﯽ ﭘﻨﺴﻞ ﻧﮑﺎﻟﯽ ‘ ﮐﺎﻏﺬ ﭘﺮ ﮐﭽﮫ ﺁﮌﮬﯽ ﺗﺮﭼﮭﯽ ﻟﮑﯿﺮﯾﮟ ﮈﺍﻟﯿﮟ ﺍﻭﺭ ﺑﮍﮮ ﻓﺨﺮ ﺳﮯ ﺭﺑﮍ ﭘﮑﮍ ﮐﺮ ﺍِﻧﮩﯿﮟ ﻣﭩﺎﻧﮯ ﻟﮓ ﮔﯿﺎ۔ﻣﯿﮟ ﺣﯿﺮﺕ ﺳﮯ ﮔﻨﮓ ﺑﯿﭩﮭﺎﺭﺑﮍ ﮐﻮ ﻟﮑﯿﺮﻭﮞ ﭘﺮ ﭘﮭﺮﺗﮯ ﺩﯾﮑﮫ ﺭﮨﺎ ﺗﮭﺎ ‘ ﺟﮩﺎﮞ ﺟﮩﺎﮞ ﺭﺑﮍ ﭘﮩﻨﭻ ﺭﮨﺎ ﺗﮭﺎ ‘ ﻟﮑﯿﺮﯾﮟ ﺍﭘﻨﺎ ﻭﺟﻮﺩ ﮐﮭﻮﺗﯽ ﺟﺎﺭﮨﯽ ﺗﮭﯿﮟ ‘ ﮐﻼﺱ ﮐﮯ ﺍﻭﺭ ﻟﮍﮐﮯ ﺑﮭﯽ ﮨﻤﺎﺭﮮ ﺳﺮﻭﮞ ﭘﺮ ﺟﻤﻊ ﮨﻮﭼﮑﮯ ﺗﮭﮯ ﺍﻭﺭ ﺣﺴﺮﺕ ﺑﮭﺮﯼ ﻧﻈﺮﻭﮞ ﺳﮯ ﺟﯿﺮﮮ ﮐﮯ ﺭﺑﮍ ﮐﻮ ﺩﯾﮑﮫ ﺭﮨﮯ ﺗﮭﮯ ‘ ﺟﯿﺮﺍ ﺑﮍﮮ ﺍﻃﻤﯿﻨﺎﻥ ﺳﮯ ﺳﯿﭩﯽ ﺑﺠﺎﺗﮯ ﮨﻮﺋﮯ ﺭﺑﮍﮐﻮ ﻟﮑﯿﺮﻭﮞ ﭘﺮ ﭘﮭﯿﺮ ﺭﮨﺎ ﺗﮭﺎ ﺍﻭﺭ ﭘﮭﺮ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﺳﺎﺭﺍ ﮐﺎﻏﺬ ﺍﯾﺴﮯ ﺻﺎﻑ ﮨﻮﮔﯿﺎ ﺟﯿﺴﮯ ﮐﺒﮭﯽ ﺍُﺱ ﭘﺮ ﮐﭽﮫ ﻟﮑﮭﺎ ﮨﯽ ﻧﮧ ﮔﯿﺎ ﮨﻮ۔ﻣﯿﺮﯼ ﺁﻧﮑﮭﻮﮞ ﻣﯿﮟ ﺧﻮﻥ ﺍُﺗﺮ ﺁﯾﺎ ‘ ﻣﯿﮟ ﻧﮯ ﺁﺅ ﺩﯾﮑﮭﺎ ﻧﮧ ﺗﺎﺅ ‘ ﺟﮭﭧ ﺳﮯ ﺟﯿﺮﮮ ﮐﺎ ﺭﺑﮍ ﭼﮭﯿﻨﺎ ﺍﻭﺭ ﺩﺍﻧﺘﻮﮞ ﺗﻠﮯ ﺩﺑﺎ ﮐﺮ ﺭﯾﺰﮦ ﺭﯾﺰﮦ ﮐﺮ ﺩﯾﺎ۔ﺟﯿﺮﮮ ﮐﯽ ﺍﯾﮏ ﻓﻠﮏ ﺷﮕﺎﻑ ﭼﯿﺦ ﺑﻠﻨﺪ ﮨﻮﺋﯽ ﺍﻭﺭ ﮐﻼﺱ ﻣﯿﮟ ﺟﯿﺴﮯ ﻃﻮﻓﺎﻥ ﺳﺎ ﺁﮔﯿﺎ ‘ ﺭﺑﮍﮐﮯ ﭼﮭﻮﭨﮯ ﭼﮭﻮﭨﮯ ﭨﮑﮍﮮ ﻓﺮﺵ ﭘﺮ ﺑﮑﮭﺮﮮ ﭘﮍﮮ ﺗﮭﮯ ﺍﻭﺭ ﺟﯿﺮﺍ ﺩﮬﺎﮌﯾﮟ ﻣﺎﺭ ﻣﺎﺭ ﮐﺮ ﺭﺑﮍ ﮐﯽ ﻻﺵ ﭘﺮ ﻣﺎﺗﻢ ﮐﺮ ﺭﮨﺎ ﺗﮭﺎ۔
ﻣﯿﺮﮮ ﺩﻝ ﻣﯿﮟ ﭨﮭﻨﮉ ﺳﯽ ﺍُﺗﺮﺗﯽ ﭼﻠﯽ ﮔﺌﯽ ‘ ﮐﻼﺱ ﮐﯽ ﭼﯿﺦ ﻭﭘﮑﺎﺭ ﺳﻦ ﮐﺮ ’’ ﻭﮈﯼ ﺍُﺳﺘﺎﻧﯽ ‘‘ ﺗﯿﺰﯼ ﺳﮯ ﮐﻤﺮﮮ ﻣﯿﮟ ﺩﺍﺧﻞ ﮨﻮﺋﯽ۔ﻣﺠﮭﮯ ﭘﺘﺎ ﺗﮭﺎﮐﮧ ﺍﺏ ﻣﯿﺮﮮ ﺳﺎﺗﮫ ﮐﯿﺎ ﮨﻮﻧﺎ ﮨﮯ ﻟﮩﺬﺍ ﺟﻠﺪﯼ ﺳﮯ ﺑﺴﺘﮧ ‘ ﭼﺎﺩﺭ ﺍﻭﺭﺗﺨﺘﯽ ﺍُﭨﮭﺎﺋﯽ ﺍﻭﺭ ﭘﻮﺭﯼ ﻗﻮﺕ ﺳﮯ ﺑﺎﮨﺮ ﮐﯽ ﻃﺮﻑ ﺩﻭﮌ ﻟﮕﺎ ﺩﯼ۔ﻭﮈﯼ ﺍُﺳﺘﺎﻧﯽ ﻧﮯ ﭼﻼ ﮐﺮ ﺩﻭﺳﺮﯼ ﺍُﺳﺘﺎﻧﯿﻮﮞ ﮐﻮ ﺧﺒﺮﺩﺍﺭ ﮐﯿﺎ ‘ ﺳﺎﺭﯼ ﺍُﺳﺘﺎﻧﯿﺎﮞ ﻣﯿﺮﮮ ﭘﯿﭽﮭﮯ ﺩﻭﮌﯾﮟ ﻟﯿﮑﻦ ﻣﯿﮟ ﻧﮯ ﭼﮭﻼﻧﮕﯿﮟ ﻟﮕﺎﺋﯿﮟ ﺍﻭﺭ ﺳﮑﻮﻝ ﮐﮯ ﻋﻘﺐ ﻣﯿﮟ ﻭﺍﻗﻊ ﺳﻠﯿﮑﻮﻥ ﮐﮯ ﮐﺎﺭﺧﺎﻧﮯ ﻣﯿﮟ ﮔﮭﺲ ﮔﯿﺎ۔ﯾﮧ ﮐﺎﺭﺧﺎﻧﮧ ﺍﯾﮏ ﺑﮭﻮﻝ ﺑﮭﻠﯿﺎﮞ ﺗﮭﺎ ﻟﮩﺬﺍ ﻣﺠﮭﮯ ﺍﻃﻤﯿﻨﺎﻥ ﺗﮭﺎ ﮐﮧ ﯾﮩﺎﮞ ﻣﺠﮭﮯ ﮐﺴﯽ ﮐﺎ ﺑﺎﭖ ﺑﮭﯽ ﻧﮩﯿﮟ ﮈﮬﻮﻧﮉ ﺳﮑﺘﺎ۔ﺳﺎﺭﺍ ﺩﻥ ﻣﯿﮟ ﮔﻠﯿﻮﮞ ﻣﯿﮟ ﺍِﺩﮬﺮ ﺍُﺩﮬﺮ ﮔﮭﻮﻣﺘﺎ ﺭﮨﺎ ﺍﻭﺭ ﭼﮭﭩﯽ ﮐﮯ ﻭﻗﺖ ﮔﮭﺮ ﭘﮩﻨﭻ ﮔﯿﺎ ‘ ﻭﮨﺎﮞ ﻣﯿﺮﯼ ’’ ﮐﺎﺭﻭﺍﺋﯽ ‘‘ ﮐﯽ ﺧﺒﺮ ﭘﮩﻠﮯ ﮨﯽ ﭘﮩﻨﭻ ﭼﮑﯽ ﺗﮭﯽ ‘ ﻟﯿﮑﻦ ﻣﺎﮞ ﺟﯽ ﻧﮯ ﺍﭘﻨﮯ ﻣﺰﺍﺝ ﮐﮯ ﻋﯿﻦ ﻣﻄﺎﺑﻖ ﮨﻠﮑﮯ ﭘﮭﻠﮑﮯ ﺍﻧﺪﺍﺯ ﻣﯿﮟ ﮈﺍﻧﭧ ﭘﻼﺋﯽ ﺍﻭﺭ ﺑﺎﺕ ﺁﺋﯽ ﮔﺌﯽ ﮨﻮﮔﺌﯽ۔ﺷﺎﻡ ﮐﻮ ﻣﯿﮟ ﺣﺴﺐِ ﻣﻌﻤﻮﻝ ﮔﻠﯽ ﻣﯿﮟ ’’ ﻟُﮑﻦ ﻣﯿﭩﯽ ‘‘ ﮐﮭﯿﻠﻨﮯ ﻧﮑﻼ ﺗﻮ ﻣﺠﮭﮯ ﺍﺣﺴﺎﺱ ﮨﻮﺍ ﺟﯿﺴﮯ ﮨﺎﺗﮭﻮﮞ ﭘﯿﺮﻭﮞ ﺳﮯ ﺟﺎﻥ ﻧﮑﻠﺘﯽ ﺟﺎﺭﮨﯽ ﮨﮯ ‘ ﻋﺠﯿﺐ ﺳﯽ ﺗﮭﮑﻦ ﺗﮭﯽ ﺟﻮ ﻣﺴﻠﺴﻞ ﻣﺠﮭﮯ ﻧﻘﺎﮨﺖ ﻣﯿﮟ ﻣﺒﺘﻼ ﮐﺮ ﺭﮨﯽ ﺗﮭﯽ ‘ ﻣﯿﮟ ﻭﺍﭘﺲ ﺁﮔﯿﺎ ‘ ﭼﻮﻧﮑﮧ ﯾﮧ ﺧﻼﻑ ﺗﻮﻗﻊ ﺗﮭﺎ ﺍﺱ ﻟﯿﮯ ﺍﺑﺎ ﺟﯽ ﮐﺎ ﻣﺎﺗﮭﺎ ﭨﮭﻨﮑﺎ ‘ ﺍﻧﮩﻮﮞ ﻧﮯ ﻣﯿﺮﮮ ﻣﺎﺗﮭﮯ ﭘﺮ ﮨﺎﺗﮫ ﺭﮐﮭﺎ ﺍﻭﺭ ﮐﺎﻧﭗ ﮔﺌﮯ ‘ ﻣﯿﮟ ﻧﮯ ﺳﻨﺎ ‘ ﻭﮦ ﻣﺎﮞ ﺟﯽ ﮐﻮ ﮐﮩﮧ ﺭﮨﮯ ﺗﮭﮯ ﮐﮧ ﺍِﺳﮯ ﺗﻮﺳﺨﺖ ﺑﺨﺎﺭ ﮨﮯ۔ ﺭﺍﺕ ﺗﮏ ﺳﺮﮐﺎﺭﯼ ﮨﺴﭙﺘﺎﻝ ﮐﺎ ﮈﺍﮐﭩﺮ ﺍﻋﻼﻥ ﮐﺮ ﭼﮑﺎ ﺗﮭﺎ ﮐﮧ ﻣﺠﮭﮯ ﺧﻄﺮﻧﺎﮎ ﻗﺴﻢ ﮐﺎ ﭨﺎﺋﻔﺎﺋﯿﮉ ﮨﻮﭼﮑﺎ ﮨﮯ ۔ﻣﯿﮟ ﺑﺴﺘﺮ ﺳﮯ ﻟﮓ ﮔﯿﺎ ﺍﻭﺭﻣﺎﮞ ﺟﯽ ﺩﯾﻮﺍﻧﮧ ﻭﺍﺭ ﺧﺪﺍ ﺳﮯ ﺩﻋﺎﺋﯿﮟ ﮐﺮﻧﮯ ﻟﮕﯿﮟ ‘ ﺍﺑﺎ ﺟﯽ ﮨﺮ ﻧﻤﺎﺯ ﮐﮯ ﺑﻌﺪ ﻣﺴﺠﺪ ﮐﮯ ﻧﻤﺎﺯﯾﻮﮞ ﺳﮯ ﭘﮭﻮﻧﮏ ﻣﺮﻭﺍ ﮐﮯ ﻣﯿﺮﮮ ﻟﯿﮯ ﺩﻡ ﮐﯿﺎ ﮨﻮﺍ ﭘﺎﻧﯽ ﻻﺗﮯ ﺍﻭﺭ ﭼﻨﺪ ﻗﻄﺮﮮ ﻣﯿﺮﮮ ﻣﻨﮧ ﻣﯿﮟ ﭨﭙﮑﺎ ﺩﯾﺘﮯ۔ﻣﯿﺮﮮ ﺍﻋﺼﺎﺏ ﻣﺴﻠﺴﻞ ﺷﻞ ﮨﻮﺗﮯ ﺟﺎﺭﮨﮯ ﺗﮭﮯ ‘ ﻧﯿﻢ ﻏﻨﻮﺩﮔﯽ ﮐﮯ ﻋﺎﻟﻢ ﻣﯿﮟ ﻣﺠﮭﮯ ﮨﺮ ﭼﯿﺰ ﺍﭘﻨﮯ ﻗﺪ ﺳﮯ ﺑﮩﺖ ﺑﮍﯼ ﺍﻭﺭ ﺳﻠﻮﻣﻮﺷﻦ ﻣﯿﮟ ﭼﻠﺘﯽ ﮨﻮﺋﯽ ﻣﺤﺴﻮﺱ ﮨﻮﺗﯽ ﺗﮭﯽ۔ﻣﯿﺮﮮ ﺭﻭﭨﯽ ﮐﮭﺎﻧﮯ ﭘﺮ ﭘﺎﺑﻨﺪﯼ ﺗﮭﯽ ‘ ﺩﻝ ﻧﻤﮑﯿﻦ ﭼﯿﺰ ﮐﻮ ﺗﺮﺱ ﮔﯿﺎ ﺗﮭﺎ ‘ ﺍﯾﺴﮯ ﻣﯿﮟ ﺍﯾﮏ ﺩﻥ ﻣﯿﮟ ﻧﮯ ﻣﺎﮞ ﺟﯽ ﺳﮯ ﮐﮩﺎ ﮐﮧ ﻣﯿﮟ ﻧﮯ ’’ ﮐﮍﯼ ‘‘ ﮐﮭﺎﻧﯽ ﮨﮯ۔ﻣﺎﮞ ﺟﯽ ﻧﮯ ﺑﮯ ﺑﺴﯽ ﺳﮯ ﺍِﺩﮬﺮ ﺍُﺩﮬﺮ ﺩﯾﮑﮭﺎ ‘ ﭘﮭﺮ ﻣﯿﺮﯼ ﭘﯿﺸﺎﻧﯽ ﭼﻮﻣﯽ ﺍﻭﺭ ﺑﻮﻟﯿﮟ ’’ ﺗﻢ ﭨﮭﯿﮏ ﮨﻮﺟﺎﺅ ‘ ﭘﮭﺮ ﺑﻨﺎ ﺩﻭﮞ ﮔﯽ ‘‘ ۔ﻣﯿﮟ ﺳﻤﺠﮫ ﮔﯿﺎ ﮐﮧ ’’ ﮨﻨﻮﺯﮐﮍﯼ ﺩﻭﺭ ﺍﺳﺖ ‘‘ ۔ﯾﮧ ﺍُﺱ ﺭﻭﺯ ﮐﺎ ﺫﮐﺮ ﮨﮯ ﺟﺐ ﻣﯿﺮﮮ ﭨﺎﺋﯿﻔﺎﺋﯿﮉ ﮐﻮ ﭼﮫ ﺭﻭﺯ ﮨﻮﭼﮑﮯ ﺗﮭﮯ ‘ ﻣﯿﮟ ﺑﮯ ﺟﺎﻥ ﺳﺎ ﮨﻮﮐﺮ ﺍﺑﺎ ﺟﯽ ﮐﯽ ﮔﻮﺩ ﻣﯿﮟ ﺑﯿﭩﮭﺎ ﮨﻮﺍ ﺗﮭﺎ ‘ ﺍﺑﺎ ﺟﯽ ﻣﯿﺮﮮ ﺑﺎﻟﻮﮞ ﻣﯿﮟ ﺍﻧﮕﻠﯿﺎﮞ ﭘﮭﯿﺮ ﺗﮯ ﮨﻮﺋﮯ ﮐﮩﮧ ﺭﮨﮯ ﺗﮭﮯ ﮐﮧ ’’ ﻣﯿﺮﮮ ﺑﺒﺮ ﺷﯿﺮ۔۔۔ﺩﻭﺍﺋﯽ ﺗﻮ ﮐﮭﺎ ﻟﻮ ‘‘ ۔ﻣﯿﮟ ﻧﮯ ﺑﯿﺰﺍﺭﯼ ﺳﮯ ﻧﻔﯽ ﻣﯿﮟ ﺳﺮ ﮨﻼﺩﯾﺎ۔ﺍﺑﺎ ﺟﯽ ﻧﮯ ﭘﯿﺎﺭ ﺳﮯ ﭘﻮﭼﮭﺎ ’’ ﭼﻠﻮ ﭘﮭﺮ ﺑﺘﺎﺅ ﮐﺲ ﭼﯿﺰ ﮐﻮ ﺩﻝ ﮐﺮ ﺭﮨﺎ ﮨﮯ؟ ‘‘ ﻣﯿﮟ ﻧﮯ ﭼﻮﻧﮏ ﮐﺮ ﺑﮯ ﯾﻘﯿﻨﯽ ﺳﮯ ﮔﺮﺩﻥ ﮔﮭﻤﺎﺋﯽ ‘ ﺍﺑﺎ ﺟﯽ ﮐﯽ ﺁﻧﮑﮭﻮﮞ ﻣﯿﮟ ﺩﯾﮑﮭﺎ ﺍﻭﺭﺩﮬﯿﺮﮮ ﺳﮯ ﮐﮩﺎ ’’ ﻣﺠﮭﮯ ﺭﺑﮍ ﻻﺩﯾﮟ ‘‘ ۔ﺍﺑﺎ ﺟﯽ ﭘﮩﻠﮯ ﺗﻮ ﺑﮯ ﺍﺧﺘﯿﺎﺭﮨﻨﺲ ﭘﮍﮮ ‘ ﭘﮭﺮ ﮐﺴﯽ ﺳﻮﭺ ﻣﯿﮟ ﮔﻢ ﮨﻮﮔﺌﮯ ‘ ﺗﮭﻮﮌﯼ ﺩﯾﺮ ﺑﻌﺪ ﺍﻧﮩﻮﮞ ﻧﮯ ﻣﯿﺮﺍ ﮨﺎﺗﮫ ﺍﭘﻨﮯ ﮨﺎﺗﮫ ﻣﯿﮟ ﭘﮑﮍﺍ ﺍﻭﺭ ﺑﻮﻟﮯ ’’ ﺭﺑﮍ ﻻﺩﻭﮞ ﺗﻮ ﭨﮭﯿﮏ ﮨﻮﺟﺎﺅ ﮔﮯ؟ ‘‘ ﻣﯿﮟ ﯾﮑﺪﻡ ﺳﯿﺪﮬﺎ ﮨﻮﮔﯿﺎ ’’ ﮨﺎﮞ ﺍﺑﺎ ﺟﯽ ! ﺍﻟﻠﮧ ﻣﯿﺎﮞ ﮐﯽ ﻗﺴﻢ ‘ ﻣﯿﮟ ﺑﺎﻟﮑﻞ ﭨﮭﯿﮏ ﮨﻮﺟﺎﺅﮞ ﮔﺎ ‘‘ ﻣﯿﮟ ﻧﮯ ﺧﻮﺷﯽ ﺍﻭﺭﺑﮭﺮﭘﻮﺭ ﺍﻋﺘﻤﺎﺩ ﺳﮯ ﺟﻮﺍﺏ ﺩﯾﺎ۔ ‘‘ ﺍﺑﺎ ﺟﯽ ﻣﺴﮑﺮﺍﺋﮯ ’’ ﺗﻮ ﭘﮭﺮﭘﮑﺎ ﻭﻋﺪﮦ ‘ ﺗﻢ ﭨﮭﯿﮏ ﮨﻮﮐﺮ ﺩﮐﮭﺎﺅ ‘ ﻣﯿﮟ ﺭﺑﮍ ﻻﺩﻭﮞ ﮔﺎ ‘‘ ۔ ﻣﺠﮭﮯ ﺍﭘﻨﯽ ﺳﻤﺎﻋﺖ ﭘﺮ ﯾﻘﯿﻦ ﻧﮧ ﺁﯾﺎ ‘ ﻣﯿﺮﺍ ﺧﻮﺍﺏ ﺳﭻ ﮨﻮﻧﮯ ﺟﺎﺭﮨﺎ ﺗﮭﺎ ‘ ﺍﯾﮏ ﻟﻤﺤﮯ ﻣﯿﮟ ﻣﯿﺮﯼ ﺳﺎﺭﯼ ﺗﮭﮑﻦ ﺍُﺗﺮ ﮔﺌﯽ ‘ ﻣﺠﮭﮯ ﺍﻧﺪﺍﺯﮦ ﮨﻮﮔﯿﺎ ﺗﮭﺎ ﮐﮧ ﭨﺎﺋﯿﻔﺎﺋﯿﮉ ﻣﯿﺮﮮ ﺭﺑﮍ ﮐﺎ ﺩﺷﻤﻦ ﮨﮯ ﻟﮩﺬﺍ ﺍِﺱ ﺩﺷﻤﻦ ﮐﻮ ﺍﺏ ﮨﺮﺣﺎﻝ ﻣﯿﮟ ﺷﮑﺴﺖ ﺩﯾﻨﯽ ﮨﮯ۔
ﺁﭨﮭﻮﯾﮟ ﺭﻭﺯ ﺟﺐ ﻣﯿﮟ ﮨﺸﺎﺵ ﺑﺸﺎﺵ ﮨﻮﮐﺮ ﺳﮑﻮﻝ ﺟﺎﺭﮨﺎ ﺗﮭﺎ ﺗﻮ ﻣﯿﺮﮮ ﺑﺴﺘﮯ ﻣﯿﮟ ﺍﯾﮏ ﻧﮩﯿﮟ ﺩﻭ ﺭﺑﮍ ﺗﮭﮯ ‘ ﮐﭽﮫ ﻋﺠﯿﺐ ﺳﮯ ﺗﮭﮯ ﻟﯿﮑﻦ ﻣﯿﮟ ﺷﺮﻁ ﻟﮕﺎ ﮐﺮ ﮐﮩﮧ ﺳﮑﺘﺎ ﺗﮭﺎ ﮐﮧ ﺍﺗﻨﮯ ﺑﮍﮮ ﺍﻭﺭ ﺭﻧﮕﯿﻠﮯ ﺭﺑﮍ ﺍﻭﺭ ﮐﺴﯽ ﺑﭽﮯ ﮐﮯ ﭘﺎﺱ ﮨﻮﮨﯽ ﻧﮩﯿﮟ ﺳﮑﺘﮯ ﺗﮭﮯ ‘ ﻣﺠﮭﮯ ﺍﺑﺎ ﺟﯽ ﭘﺮ ﺑﮩﺖ ﭘﯿﺎﺭ ﺁﯾﺎ ‘ ﻭﮦ ﺻﺮﻑ ﻣﯿﺮﯼ ﺧﺎﻃﺮ ﻧﺠﺎﻧﮯ ﮐﮩﺎﮞ ﺳﮯ ﺍﺗﻨﮯ ﻣﮩﻨﮕﮯ ﺭﺑﮍ ﺧﺮﯾﺪ ﻻﺋﮯ ﺗﮭﮯ ‘ ﻭﮦ ﺑﮭﯽ ﺍﯾﮏ ﻧﮩﯿﮟ ‘ ﭘﻮﺭﮮ ﺩﻭ۔۔۔ !!! ﺳﮑﻮﻝ ﻣﯿﮟ ﺟﺐ ﻣﯿﮟ ﻧﮯ ’’ ﺟﯿﺮﮮ ‘‘ ﺍﻭﺭ ﺩﯾﮕﺮ ﺩﻭﺳﺘﻮﮞ ﮐﻮ ﺍﭘﻨﮯ ﺭﺑﮍ ﺩﮐﮭﺎﺋﮯ ﺗﻮ ﺣﯿﺮﺕ ﺳﮯ ﺍﻥ ﮐﯽ ﺁﻧﮑﮭﯿﮟ ﭘﮭﯿﻞ ﮔﺌﯿﮟ ‘ ﺟﯿﺮﮮ ﻧﮯ ﻣﯿﺮﺍ ﺭﺑﮍ ﺩﯾﮑﮭﻨﮯ ﮐﮯ ﻟﯿﮯ ﮨﺎﺗﮫ ﺑﮍﮬﺎﺋﮯ ﻟﯿﮑﻦ ﻣﯿﮟ ﻧﮯ ﺟﻠﺪﯼ ﺳﮯ ﺭﺑﮍ ﭘﯿﭽﮭﮯ ﮐﺮ ﻟﯿﺎ ‘ ﻣﺠﮭﮯ ﯾﻘﯿﻦ ﺗﮭﺎ ﮐﮧ ﻭﮦ ﺍﭘﻨﮯ ﺭﺑﮍ ﮐﺎ ﺑﺪﻟﮧ ﺿﺮﻭﺭ ﻟﮯ ﮔﺎ۔ﻣﯿﺮﮮ ﺭﺑﮍ ﺑﮩﺖ ﺍﭼﮭﮯ ﺗﮭﮯ ‘ ﻋﺎﻡ ﺭﺑﮍ ﮐﯽ ﻧﺴﺒﺖ ﺳﺎﺋﺰ ﻣﯿﮟ ﺩﻭﮔﻨﮯ ﺗﮭﮯ ﻟﯿﮑﻦ ﭘﺘﺎ ﻧﮩﯿﮟ ﮐﯿﻮﮞ ‘ ﺟﺐ ﻣﯿﮟ ﺍِﻥ ﺳﮯ ﮐﺎﻏﺬ ﭘﺮ ﮈﺍﻟﯽ ﮨﻮﺋﯽ ﮐﻮﺋﯽ ﻟﮑﯿﺮ ﻣﭩﺎﻧﮯ ﮐﯽ ﮐﻮﺷﺶ ﮐﺮﺗﺎ ﺗﻮ ﯾﮧ ﺭﺑﮍ ﻟﮑﯿﺮ ﻣﭩﺎﻧﮯ ﮐﮯ ﺳﺎﺗﮫ ﺳﺎﺗﮫ ﮐﺎﻏﺬ ﺑﮭﯽ ﭘﮭﺎﮌ ﺩﯾﺘﮯ۔
ﺑﺮﺳﻮﮞ ﺑﻌﺪ ‘ ﺟﺐ ﻣﯿﮟ ﺧﻮﺩ ﺑﺎﭖ ﺑﻦ ﭼﮑﺎ ﺗﮭﺎ ‘ ﺍﯾﮏ ﺭﻭﺯ ﺑﭽﭙﻦ ﮐﯽ ﺑﺎﺕ ﯾﺎﺩ ﺁﺋﯽ ﺗﻮ ﻣﯿﮟ ﻧﮯ ﺍﺑﺎ ﺟﯽ ﺳﮯ ﭘﻮﭼﮫ ﮨﯽ ﻟﯿﺎ ﮐﮧ ﺁﺧﺮ ﻭﮦ ﺭﺑﮍ ﺁﭖ ﮐﮩﺎﮞ ﺳﮯ ﻻﺋﮯ ﺗﮭﮯ ‘ ﺍﺑﺎ ﺟﯽ ﻧﮯ ﺑﺎﺕ ﮔﻮﻝ ﮐﺮﻧﮯ ﮐﯽ ﮐﻮﺷﺶ ﮐﯽ ‘ ﻟﯿﮑﻦ ﺍﺏ ﺍﯾﮏ ﺑﺎﭖ ﮐﺎ ﻣﻘﺎﺑﻠﮧ ﺍﯾﮏ ﺩﻭﺳﺮﮮ ﺑﺎﭖ ﺳﮯ ﺗﮭﺎ ﺟﻮ ﺗﻌﻠﯿﻢ ‘ ﺗﺠﺮﺑﮯ ﺍﻭﺭ ﭘﯿﺴﻮﮞ ﮐﮯ ﻣﻌﺎﻣﻠﮯ ﻣﯿﮟ ﭘﮩﻠﮯ ﺑﺎﭖ ﺳﮯ ﺑﮩﺖ ﺁﮔﮯ ﺗﮭﺎ ﻟﮩﺬﺍ ﺑﺎﺕ ﮔﻮﻝ ﮐﺮﻧﺎ ﮐﻮﺋﯽ ﺁﺳﺎﻥ ﮐﺎﻡ ﻧﮩﯿﮟ ﺗﮭﺎ ‘ ﻣﯿﮟ ﻧﮯ ﺩﻭﺑﺎﺭﮦ ﭘﻮﭼﮭﺎ ﺗﻮ ﺍﺑﺎ ﺟﯽ ﮐﯽ ﭘﻠﮑﻮﮞ ﮐﮯ ﮐﻨﺎﺭﮮ ﺑﮭﯿﮓ ﮔﺌﮯ ‘ ﺍﻧﮩﻮﮞ ﻧﮯ ﺟﻠﺪﯼ ﺳﮯ ﺍﭘﻨﯽ ﻗﻤﯿﺾ ﮐﯽ ﺁﺳﺘﯿﻦ ﺳﮯ ﺁﻧﮑﮭﯿﮟ ﺻﺎﻑ ﮐﯿﮟ ﺍﻭﺭ ﺩﮬﯿﺮﮮ ﺳﮯ ﻣﺴﮑﺮﺍ ﮐﺮ ﺑﻮﻟﮯ ’’ ﯾﺎﺭ ! ﻭﮦ ﮨﻮﺍﺋﯽ ﭼﭙﻞ ﻭﺍﻗﻌﯽ ﺑﮩﺖ ﭘﺮﺍﻧﯽ ﮨﻮﮔﺌﯽ ﺗﮭﯽ میں نے اسی جوتی کو کاٹ کے تمهارے لئے ربڑ بنائی تهی ‘‘ ۔۔۔ یہ سن کر ﻣﯿﮟ ﺍﭼﮭﻞ ﮐﺮ ﮐﮭﮍﺍ ﮨﻮﮔﯿﺎ۔۔۔ﮐﺴﯽ ﺭﺑﮍ ﮐﯽ ﻃﺮﺡ۔۔