کھانا کھاتے ہوئے آپ نے مزا لینے کے لئے ٹماٹر کی کیچپ ڈالنے کی کوشش کی۔ جھٹکتے جا رہے ہیں اور یہ نکلنے کا نام نہیں لے رہی اور پھر ایک زوردار جھٹکا مارا تو اچانک بہت سے نکل آئی۔ اب اس سے چڑھنے والے غصے کو فزکس کی نگاہ سے دیکھ لیتے ہیں۔
اگر غور کیا جائے تو یہ خود بڑی عجیب چیزیں ہے۔ کیا یہ ٹھوس ہے یا مائع؟ اگر ٹھوس ہوتی تو کبھی بوتل سے نہ نکلتی اور اگر مائع ہوتی تو پھر پہلی باری میں ہی نکل جاتی۔ فزکس کے حوالے سے دیکھیں تو یہ نان نیوٹونین فلوئیڈ ہے اور یہ کتنا گاڑھا ہو گا، اس کا انحصار کئی چیزوں پر ہے جس میں سے ایک اس پر لگایا جانے والا زور ہے اور ایک اور وقت۔ اس قسم کے کئی اور فلوئیڈ بھی ہیں لیکن اس کی حالت ان میں سے بھی منفرد ہے اور اس کی وجہ ٹماٹر کی اپنے بائیومالیکیول ہیں۔ جب یہ اپنا گاڑھا پن بدلتا ہے تو یہ تبدیلی یکایک ہوتی ہے جس کی وجہ سے یہ اچانک بہت سی نکل گئی ہے۔
سائنس کے جس شعبے سے اس کا مطالعہ کیا جاتا ہے، وہ سسپنشن رہیولوجی ہے۔ کیا ہم ٹماٹر کی کیچپ کے بہنے کی سائنس کو مکمل طور پر جانتے ہیں، تو اس کا جواب ہے کہ نہیں، اس میں بھی ابھی کچھ کھلے سوال ہیں۔
اب دوسرا سوال۔ ٹماٹر کی کیچپ کا ذائقہ کیا ہے؟ میٹھا، کھٹا، نمکین، کڑوا یا سیوری۔ اس پر سوچیں اور اگر سمجھ نہ آئے تو پھر میلکم گلیڈول کا نیچے لنک میں دیا گیا آرٹیکل پڑھ لیں۔
اس کو بوتل سے نکالنے کا صحیح طریقہ کیا ہے؟ اس کے لئے پھر نیچے کی پوری ویڈیو دیکھیں تا کہ نکالنے کے ٹھیک طریقے کی بھی سمجھ آ سکے کہ ایسا ہی کیوں۔
کیچپ کے بارے میں میلکم گلیڈول کا آرٹیکل۔ کچھ لمبا ہے لیکن بہت دلچسپ
اس کو ڈالنے کا طریقہ جاننے کے لئے اور اس کی سائنس کے لیے
بلجیئم میں اس پر ہونے والی تحقیق
ایک اور نان نیوٹونین فلوئیڈ اووبلیک پر مختصر ویڈیو
