سید ابرار اور رومیسہ کا جیون بندھن

رنگ چاروں اور اب ، بکھرے ہوئے ہیں پیار کے
جیت کے مظہر ہیں جتنے پھول بھی ہیں ہار کے
کہہ رہے ہیں بس یہی مہماں، لب ِ خاموش سے
خواب پورے ہو گئے ہیں سیّد ِ ابرار کے
۔۔۔۔۔۔۔۔۔۔۔۔۔۔۔۔۔۔۔۔۔۔۔
رب نے پت جھڑ میں کھلائے ہیں تِرے سہرے کے پھول
چَٹکی ہے دل کی کلی ، یوں کِھل اُٹھے سہرے کے پھول
رنگ لے آئیں دُعائیں آمنہ آصف کی آج
زندگی مہکی ہے، دھرتی پر سجے سہرے کے پھول
۔۔۔۔۔۔۔۔۔۔۔۔۔۔۔۔۔۔۔۔۔۔۔
اِنو ی ٹیشن کارڈ دلکش ہے یہ سُن لو، ایک بار
چِھڑ گئے ہیں چُھوتے ہی میرے بھی ساز ِ دل کے تار
دو دِلوں کی دھڑکنیں ابرار میں نے بھی ،سُنیں
مدھ بھری شہنا ئی کی تمہید ہے یہ شاہکار
۔۔۔۔۔۔۔۔۔۔۔۔۔۔۔۔۔۔۔۔۔۔۔
پوچھتے ہو کیا وجہ ہے ؟دھرتی کے سنگھار کی
سہرا بندی ہو رہی ہے سید ِ ابرار کی
جھڑ رہے ہیں پھول ہونٹوں سے عروس ِ شام کے
ہو رہی ہے بات ، گُل افشانی ء گفتار کی
۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیں تغیرات سارے قابل ِ صد آفریں
رسم ِ سہرا بندی ہے ، پَر سہرا بندی اب نہیں
رُخصتی ہوتی ہے ہر بیٹی کی میرج ہال سے
ہو رہی ہے دُنیا یہ تبدیلیوں ہی سے حسیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آگئی ہے دیکھئے ، پت جھڑ میں بھی چل کر بہار
ننھے منے پودوں کے ہاتھوں میں ہیں پھولوں کے ہار
کس کے استقبال کی اِس گھر میں ہیں تیاریاں؟
سوچو رنگ و نور کی موسوم کس سے ہے پھوار؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
کھل اُٹھے ہیں آمنہ آصف کے ارمانوں کے پھول
یہ ہیں اولاد ِ علی و فاطمہ ، آل ِ رسول
بارش ِ لُطف و کرم سے ہے فضا بھیگی ہوئی
ہو رہا ہے دُلہا و دلہن پہ رحمت کا نزول
۔۔۔۔۔۔۔۔۔۔۔۔۔۔۔۔۔۔۔۔۔۔۔
جی اُٹھا راحم بھی تیری مسکراہٹ دیکھ کر
دِل میں لڈّو پھوٹنے کی دے رہی ہے یہ خبر
ماما ، جی کرتاہے میں بھی اُڑ کے آجائوں ابھی
کر ر ہی ہے بات ، ماہ ِ نور ٹیلی فون پر
۔۔۔۔۔۔۔۔۔۔۔۔۔۔۔۔۔
دُور رہ کر بھی ہیں شامل تیری خوشیوں میں نبیل
رَد نہیں کرسکتے ماہ ِ نور کی ہم یہ دلیل
فاصلوں میں قربتیں ہیں، آج تُو یہ مان لے
شربت ِ دیدار ہے ۔۔۔ یہ آرکائیو کی سبیل
۔۔۔۔۔۔۔۔۔۔۔۔۔۔۔۔۔۔۔۔۔
لگتا ہے کہ لاڈلا ابرار ہے دَدھیال کا
پھل نظر آتا ہے مجھ کو یہ تِرے اعمال کا
انگنا میں ہیں آج تیرے سارے پیارے خیمہ زن
رُخ بھی اب تیری ہی جانب ہے تِری نَنھیال کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساجدہ خرم نے بھی آکر بڑھایا ہے وقار
مرحبا آئے ہیں ان کے ساتھ چل کر شہر یار
کررہے ہیں ہلّہ گُلّہ سب کزن ابرار کے
دم قدم سے ہے انہی اپنوں سے محفل شان دار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیں کہاں اقبال ، خرّم بھائی ، صفیہ ، آفتاب
چاندنی شب میں بھی ہیں نظروں سے اوجھل ماہتاب
ساجدہ بھابھی نے سُن کر بھائیوں سے یہ کہا
جنت الفردوس میں ہوسکتے ہیں چاروں جناب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھاگئیں آتے ہی شائستہ لیاقت ، دیکھئے
ہے جواں اس پریمی جوڑے کی محبت دیکھئے
آتے ہی ابرار سے پوچھا کہاں ہیں ایڈیٹس؟
ہے وہاب ۔حسّام کی شاید ضرورت دیکھئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھام رکھا ہے اُدھر راشد نے بھی عظمیٰ کا ہاتھ
چل رہے ہیں دیکھئے ، حسّام جی بھی ساتھ ساتھ
عظمیٰ طارق کی بھی بے شک دلکشی ہے دیدنی
سج گئی ثاقب رشیقہ سے یہ دولہا کی برات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وائنہ بھی آئی ہے بن ٹھن کے شادی پر تِری
کہتے ہیں مہمان ، یہ لگتی ہے اِک ننھی پَرِی
باپ ماں کی بھی ہے یہ ، ابرار کی بھی لاڈلی
مسکراہٹ جاں فزا ، پہناوا اس کا دیدنی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بن گئی ہے آتے ہی یہ مرکز ِ فکر و نظر
جگمگا اُ ٹھا ہے اس کے آنے سے یہ پورا گھر
بھر گیا ہے سارے بچوں میں نیا جوش و خروش
بے نیازی دیکھئے ، ہے وائنہ ہی بے خبر
……………………………………………………
جی اُٹھی ہے جنت الفردوس میں روح ِ شمیم
ہوگئی رونق دو بالا آئی ہیں چل کر نسیم
کچھ طبیعت آج بہتر ہے غضنفر شاہ کی
رب رکھے ان کو سلامت ،یہ ہیں ہم سب میں عظیم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انشا اور حارث پہ بھی ابرار صاحب کو ہے مان
دوستی یاری نہیں ہے ، ان کی محتاج ِ بیان
انشاء جی کہتی ہیں ما ما ، آمنہ آصف کو بھی
کیا کہوں یہ تینوں ہیں مہرو محبت کے نشان
۔۔۔۔۔۔۔۔۔۔۔۔۔۔۔۔۔۔۔۔۔۔۔
آگئے ہیں یاد یوں اقبال بھائی بھی مجھے
شکل جب بشریٰ کی محفل میں نظر آئی مجھے
ہاتھ اُٹھا کر دے رہی ہیں وہ دعائیں دیکھئے
خیر خواہی لگتی ہے ان کی بڑی اچھی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیں اُدھر اعجاز انصاری ، اِدھر خالہ قمر
دونوں ہی یہ محترم ہیں ، دونوں ہی ہیں معتبر
اے خدا تو رکھنا قائم سر پہ ٹھنڈی چھاؤںکو
ہیں گھنے ، چھتنار ، سایہ دار ، یہ دونوں شجر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہہ رہے ہیں تیری عذرا خالہ سے خالو کمال
لگتی ہے ابرار کی طرح رومیسہ بے مثال
مسکرا اُ ٹھی ہے اس جوڑے کی شاید زندگی
دونوں ہی ہیں خوش خیال و خوش مزاج و خوش خصال
۔۔۔۔۔۔۔۔۔۔۔۔۔۔۔۔۔۔۔۔۔۔۔
بینڈ باجے بج رہے ہیں ، شور ہے شہنائی کا
آمنہ آصف نے ڈھونڈا حل تِری تنہائی کا
پیار اُ ن کو کھینچ لایا اس لئے ملتان سے
تُو چہیتا بھانجا ہے ، اپنے انجم بھائی کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اثنیہ ہنگری میں خوش ، داتا کی نگری میں مُجاب
عارفہ نے بھیجے ہیں تجھ کو دُ عاؤں کے گُلاب
جھوم اُٹھے اعیان اور ادیان شادی پر تِری
آمنہ آصف کے پورے ہورہے ہیں سارے خواب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آیا ہے نزدیک سے کوئی، ، تو کوئی دور سے
شاہ فیصل آئے ہیں دیکھو بہاول پور سے
خالہ بھی وہ آئی ہیں تیری ، ہے جن پہ سب کو ناز
لگتا ہے کہ روشنی آئی ہے کوہ ِ طور سے
۔۔۔۔۔۔۔۔۔۔۔۔۔۔۔۔۔۔۔۔۔۔
آنہیں پائی ہیں تیری شادی میں عذرا کمال
اِس عدم شرکت کا تیری خالہ بی کو ہے ملال
اور، ظفر ماموں کو مجبوری نے ہے روکا ہوا
کچھ نہیں ہے اِس سے ہٹ کر اسماء خالہ کابھی حال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسوہ اظہر نے بھی بھیجا ہے دعاؤں کا پیام
ہیں عباداظہر کی بھی شبھ کامنائیں تیرے نام
آج کل ہوتی ہے تیری شادی پر ہی گفتگو
کرتے ہیں دل سے دعائیں خالو اظہر صبح و شام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ عمر ، یہ سارہ باجی ، ماریہ ، حارس ، حسن
کیا کہیں کہ مختلف ملکوں میں ہیں سارے کزن
دُور رہ کر بھی سبھی ہیں ، تیری خوشیوں میں شریک
اس لئے کہ ذات میں اپنی ہے ہراِک انجمن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہورہی ہے اب فضیلہ اور نسا میں بات چیت
چمکے جب قسمت تو ہوتی ہے محبت ہی کی جیت
دو دلوں کی دھڑکنیں گونجی ہیں شہنائی کے ساتھ
جو بھی گائے جارہے ہیں پریت اور پریتم کے گیت
۔۔۔۔۔۔۔۔۔۔۔۔۔۔۔۔۔۔۔۔۔۔۔
خالہ اسماء خوش ہیں پیارے دولہا کو اب دیکھ کر
آج بھی ہے تجھ پہ تیرے سارے پیاروں کی نظر
لارہی ہیں رنگ ان کی بھی دعائیں کیا کہوں ؟
شادی بندھن بھی ہے یہ ، ان کی دعاؤں کا ثمر
۔۔۔۔۔۔۔۔۔۔۔۔۔۔۔۔۔۔۔۔۔۔۔
ماما میں بے چین بھی ہوں ، ماما میں ہوں بے سکون
عاطف انصاری نے بس اتنا کہا ہے کرکے فون
جا نہیں پایا میں شادی میں ، ہے اِ س کا دُکھ مجھے
کیا کہوں میں ،۔۔ ہوگیا ہے میرے ارمانوں کا خون
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کون ہیں ابرار ماما ، پوچھا اشعر نے سوال
اس سے پہلے کہ ندا کچھ کہتی ، بول اٹھے بلال
یہ تمھاری آمنہ خالہ کے بیٹَے کا ہےنام
دولہا رومیسہ کے ہیں، آصف امیں چشتی کے لال
۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر خوشی پر ہوتی ہے محسوس بیبا کی کمی
اِس لئے کہ دوسری دُنیا میں ہے، وہ جابسی
خشک آنسو ہوگئے ، رو رو کےاُس کی یاد میں
کہہ رہی ہے تم سے یہ بھی میری آنکھوں کی نمی
۔۔۔۔۔۔۔۔۔۔۔۔۔۔۔۔۔۔۔۔۔۔۔
دادا دادی بھی نہیں ہیں ، نانا نانی بھی نہیں
یہ بظاہر سچ نظر آتا ہے پر ، آصف امیں
کررہی ہیں مجھ سے سرگوشی ، یہ صفیہ آفتاب
تیری شادی پر یہ جی اُٹھے ہیں جنّت کے مکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سچ اگر پوچھو تو اِک اعزاز یہ بھی ہے مِرا
دست ِ قدرت نے مجھے” ماموں”بنایا ہے تِرا
ہے دُعا عارف کی تو، بھرتار ہے اونچی اُڑان
ڈور سلجھا دی ہے تو نے، ملتے ہی اس کا سِرا
۔۔۔۔۔۔۔۔۔۔۔۔۔۔۔۔۔۔۔۔۔
آرہے ہیں کچھ نئے اب رنگ جیون میں تِرے
اُتریں گے دو چاند اب ابرار آنگن میں تِرے
تیرے ارمانوں کی کلیاں بھی چٹکنے لگ گئیں
اب بہاریں ڈالیں گی ڈیرےبھی گلشن میں تِرے
۔۔۔۔۔۔۔۔۔۔۔۔۔۔۔۔۔۔۔۔
جھلملا اُٹھے ہیں اِس گھر کے در و دیوار و بام
اُجلی اُجلی صبح کی ہے یہ حسیں ، رنگین شام
کیا کہوں دوشیزہ ء فطرت ابھی گھونگھٹ میں ہے
زندگی کی دلکشی ہے یہ ، اِسی دُلہن کے نام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کررہی ہیں تِتلیاں بھی آج پھولوں کا طواف
چھٹتے ہی بادل ہوا ہے دیکھ لو ، مطلع بھی صاف
تالیاں پتے بجاتے ہیں ، ہوائیں سیٹیاں
لگتاہے لے آئی ہیں پریاں اُٹھا کر کوہ قاف
۔۔۔۔۔۔۔۔۔۔۔۔۔۔۔۔۔۔۔
اِک بسانا ہے نیا گلشن مبارک ہو تجھے
آج یہ خوشیوں بھرا جیون مبارک ہو تجھے
چمکی ہے قسمت کی طرح ماتھےکی بندیا بھی دیکھ
یہ مِلن رُت ، یہ تِری شادی مبارک ہو تجھے
۔۔۔۔۔۔۔۔۔۔۔۔۔۔۔۔۔۔۔۔۔۔
مرحبا ، اب موڑ اِک جیون میں آیا ہے نیا
مسکرا کر کھل اُٹھا ہےپھول گلشن میں نیا
کھلتے ہی ابرار کےدل کی کلی ، آئی بہار
سچ تو یہ ہے آیا ہے اِک رنگ گلشن میں نیا
۔۔۔۔۔۔۔۔۔۔۔۔۔۔۔۔۔۔۔۔۔۔
یہ مِلن رُت ، یہ تِری شادی مبارک ہو تجھے
مِل گئی خوابوں کی شہزادی مبارک ہو تجھے
گھر نہیں، دُنیا میں جنّت بھی بناسکتے ہو تم
شادی کیا ؟ یہ خانہ آبادی مبارک ہو تجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔
زندگی بھی جگمگا اُٹھی دُلہنیا کی طرح
بہہ رہے ہیں رنگ جیون میں بھی دریا کی طرح
دیکھئے ، دولہا کی خوشیوں کا ٹھکانہ ہے کہاں ؟
چمکی ہے تقدیر رومیسہ کی بِندیا کی طرح
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیاس کے صحرا میں ہے دَریا ، مبارک ہو تجھے
مل گئی ہے اِک نئی دُنیا مبارک ہو تجھے
اپنے اپنے لفظوں میں یہ کہہ رہا ہے ہرکوئی
سید ِ ابرار ۔۔۔ رومیسہ مبارک ہو تجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عرشی بھی پہنچی ہیں دیکھوشادی میں سج دھج کے ساتھ
دیدنی ہے سیّد ِ ابرار چشتی کی برات
پھول کلیوں سے گلے مِلنے لگے گلدان میں
آرہے ہیں پریمی جوڑے ڈال کر ہاتھوں میں ہاتھ
۔۔۔۔۔۔۔۔۔۔۔۔۔۔۔۔
دھوپ کا صحرا سہی ، کالی گھٹائیں ساتھ ہیں
حبس کے ایّام میں ٹھنڈی ہوائیں ساتھ ہیں
اِس گھرانے پر یقیناً رب کا ہے فضل و کرم
ہر قدم پر باپ ماں کی بھی دعائیں ساتھ ہیں
۔۔۔۔۔۔۔۔۔۔۔۔۔۔۔۔۔۔۔۔۔۔
اِک نئی کروٹ بدلنے والا ہے اب فکر و فن
بن گئی ہے اب رومیسہ محور ِ شعر و سخن
آپ کی کوشش نہیں ، قدرت کا ہے بے شک کمال
فیصلہ تھا عرش کا ، ہے فرش پر دیکھو مِلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ نیا مونس ، نیا ہم دم مبارک ہو تجھے
آگیا ہے جو مِلن موسم مبارک ہو تجھے
زندگی ابرار گزرے گی تِری خوشیوں کے ساتھ
دُور اب تجھ سے رہیں گے غم ، مبارک ہو تجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رونق ِ بزم ِ طرب مہمانوں ہی کے دم سے ہے
گلستاں میں جو بھی ہریالی ہے،وہ موسم سے ہے
بس یہی کہتے تھے فخرالدین بلے یاد ہے
دیکھئے ، جو بھی نمی شب میں ہے، وہ شبنم سے ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوگی اب میری ہی شادی ، یہ ہے راحم کاخیال
ڈھونڈنی ہے ماما کو اب میری دُلہن بے مثال
ہاتھ کچھ میں بھی بٹا سکتاہوں کار ِ خیر میں
ہچکچاؤں میں تعاون سے۔ مِری ہے کیا مجال ؟
۔۔۔۔۔۔۔۔۔۔۔۔۔۔۔۔۔۔۔۔۔۔
سچ اگر پوچھو تو کچھ ایسا بھی لگتا ہے مجھے
کچھ حسینان ِ جہاں نے تاڑ رکھا ہے مجھے
کیا کہوں کہ کوئی بھی مجھ کو بُری لگتی نہیں
کیا کہوں کہ پریم رستے پر ہی چلنا ہے مجھے
۔۔۔۔۔۔۔۔۔۔۔۔۔۔۔۔۔۔۔۔
اب رومیسہ بھابھی جی بھی میرے آسکتی ہیں کام
چُن لیں وہ دُلہن جو رب نے کررکھی ہے میرے نام
ہوگیا ایسا تو ہو جائیں گی آساں منزلیں
چلنے سے پہلے ہی رستہ ہوبھی سکتا ہے تمام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاش مل جائے کوئی ماما کو اچھی سی بہو
جی اُٹھیں پاپا مِرے ، ہے میری اتنی آرزو
جاگتی آنکھوں سے جو دیکھے ہیں ، پورے ہوں وہ خواب
رنگ لاسکتی ہے وہ ، جس کی نہیں کی، جستجو
۔۔۔۔۔۔۔۔۔۔۔۔۔۔۔۔۔۔۔۔۔
ہو مبارک تجھ کو تیری زندگی کا یہ سفر
چشم ِ بد سے دور ہی رکھے خدا ، اب عمر بھر
ہے دُعا کہ ہر قدم پر خوشیاں ہی خوشیاں ملیں
دھرتی پر جنّت نظر آئے ہمیشہ تیرا گھر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چٹکیں اب کلیاں نئی ابرار آنگن میں تِرے
رنگ خیمہ زن رہیں ابرار گلشن میں تِرے
خوشبووں سے اب مہکتا ہی رہے انگنا تِر ا
ہے دُعا ہر خیر ، آسانی ہو جیون میں تِرے
۔۔۔۔۔۔۔۔۔۔۔۔۔۔۔۔۔۔۔۔۔۔
سیدابرار اور رومیسہ کا جیون بندھن
نظم نگار: سیدعارف معین بلے