( مشرف عالم ذوقی کی نذر )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ قصے میں لکھاہوا ہے
کبھی ایک سونے کی چڑیا یہاں تھی
جوسرمستی ِ عشق کی انجمن تھی
نکلتے تھے منقارسے نغمہ ہائے قلندر ،
جنھیں ٹالسٹائی نے سن کر
کئی روح پرور فسانے لکھے ہیں۔
یہ چڑیاذرا مسکراتی تو جنت کی حوریں
بغیر آستیں کے
مجاور کو پھولوں کی چادر اڑھاتیں ۔
کبھی وہ سمندر ،
جہاں کے نمک نے زباں کو نیا ذائقہ اک دیا ہے ،
کی لہروں کو رفتار کا اک سلیقہ سکھاتی
عدم کو یقیں میں بدلنے کی تدبیر سب کو بتاتی
دم ِ صبح خوابوں کی تعبیرکو زمزموں میں بدلتی
سرِ شام خون ِ جگر سے
چراغوں کی محفل سجاتی
چراغ ِ شب ِ تیرگی کو ملی ہے
اسی سے رمق اور رونق
ستارے پشیماں ہیں کم مائگی پر ۔
اسےآریوں نےپکڑنےکی کوشش بہت کی
کبھی شاہ ولشکرنے اس پرکمندیں بچھائیں
ہراک دام سےاس طرح وہ نکلتی
کہ جیسےکوئی مارزادہ
رخ ِ شاہزادی پہ بوسہ کرے، لوٹ جائے ۔
مگر چند لمحےسکوں سے گزربھی نی پائے
زمین ِولی سے
شجر ایک ایسا اگا تھا
بدن حس کا آتش کدہ تھا
گل وبرگ اس کےبہت سیمیائی،
جوکھائےتوجنت ہوئی غیرواجب ۔
یہ چڑیا بےچاری
چہکتے ہمکتےاسی پیڑپرآگئی
لوگ حیران ومحزوں ہوئے
آج شطاح کےجال میں آپھنسی ہے
زمیں سےفلک تک حجابات کس نےاٹھائے
کمالات سادہ دنوں کےمجھےیادآئے
زمیں سے فلک کاہےرشتہ پرانا
اسی خاک میں صوفیوں کوملی بارگاہیں ،
کسےکیا خبر ہے
یہ سونے کی چڑیا
مرےآستاں میں
سحرخیز رقص وسماع وتکلم
کی محفل میں شہر ِ اماں ڈھونڈتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
SONAY KI CHIRYA
( THE GOLDEN BIRD)
۔………………………………………….
( To Mosharraf Alam Zauqi )
۔…………………………………………….
Ye qissay meiN likkha howa hai
Kabhi aik sonay ki chirya yahaN thi
Jo sarmasti-e-ishq ki anjuman thi
Nikaltay thay minqaar say naghma haye qalander,
Jinhanay Tolstoy nay sun ker
Kayi rooh parwer fasanay likhay haiN
Ye chirya zara moskarati to jannat ki hooraiN
Beghair aastiN Kay
Mojawir ko phooloN ki chader udhatiN
Kabhi wo samander ,
JahaN kay namak nay zabaN ko naya zayeqa ek diya hai,
Ki lehroN ko raftar ka ek saliqa sikhati
Adam ko yaqiN meiN badalnay ki tadbeer sab ko batati
Dam-e- subh khwaboN ki tabeer ko zamzamoN meiN badalti
Sar-e-sham khoon-e-jiger say
CharaghoN ki mehfil sajati
Charagh-e-shab-e-teergi ko mili hai
Isi say ramaq aur raunaq
Sitaray pashemaN haiN kam mayegi per.
Isay AryoN nay pakadnay ki koshish bahut ki
Kabhi shah-o-lashker nay is per kamandeiN bichchhayiN
Her aik daam say is tarah wo nikalti
Ke jaisay koi maarzada
Rukh-e-shahzadi pe bosa karay,lot jaye.
Magar chand lamhay sakoN say guzer bhi ne paye
Zamin-e-Wali say
Shajar aik aisa uga that
Badan jis ka aatish kada tha
Gul-o-barg is kay bahut simyayi
Jo khaye to jannat hoi ghair wajib.
Ye chirya bechari
Chahaktay homaktay isi pair per aagyi
Log hairan-o-mahzooN howe
Aaj shattah kay jaal meiN aagayi
ZamiN say falak tak hejabaat kis nay uthaye
Kamalaat sada dinoN kay mujhay yaad aaye.
ZamiN say falak ka hai rishta purana
Isi khaak meiN soofyuN ko mili baargaheiN
Kisay kya khabar hai
Ye sonay ki chirya
Mray aastaN mein
Seher khaiz raqs-o-sama-o-takallum
Ki mehfil meiN shahr-e-amaaN dhoondti hai.
Jawaid Humayun .
