شہر لاہور کے بارے میں صدیوں سے تحسینی اشعار کہے جارہے ہیں۔ ان اشعار یا نظموں کو جمع کیا جائے تو بلاشبہ کئی کتابیں تیار ہوجائیں۔ دیس پنجاب کے شہر لاہور نے ہر علاقے ہر زبان کے ادیب و شاعر کو اپنی ٹھنڈی آغوش میں لیا۔ رنگ رنگ کے شعراء لاہور کے رنگ میں رنگ گئے۔ یہی وجہ ہے کہ پنجابی شعراء سے زیادہ اردو و فارسی شعراء نے لاہور پر شعر کہے۔ چند اشعار درج ذیل ہیں۔
۔۔۔۔۔۔۔۔۔۔۔۔۔۔۔۔۔۔
ایسی زاہد نبی ﷺ سے ہے وابستگی
میں ہوں لاہور میں دل مدینے میں ہے
(زاہد شمسی)
۔۔۔۔۔۔۔۔۔۔۔۔۔۔۔۔۔۔۔
مرے لاہور پر بھی اک نظر کر
تیرا مکہ رہے آباد مولا
(شیعب بن عزیز)
۔۔۔۔۔۔۔۔۔۔۔۔۔۔۔۔
(ﺍﯾﮏ ﺩﻓﻌﮧ ﺍﮐﺒﺮ ﺍﻟٰﮧ ﺁﺑﺎﺩﯼ ﻧﮯ ﻋﻼﻣﮧ ﺍﻗﺒﺎﻝ ﮐﻮ ﺍﻟٰﮧ ﺁﺑﺎﺩ ﺳﮯ ﻟﻨﮕﮍﺍ ﺁﻡ ﺑﮭﺠﻮﺍﯾﺎ۔ ﻋﻼﻣﮧ ﺍﻗﺒﺎﻝ ﻧﮯ ﺷﮑﺮﯾﮯ ﮐﮯ ﺳﺎﺗﮫ ﺍﭘﻨﮯ ﺑﺰﺭﮒ ﺩﻭﺳﺖ ﮐﻮ ﯾﮧ ﺷﻌﺮ ﻟﮑﮫ ﺑﮭﯿﺠﺎ)
ﺍﺛﺮ ﯾﮧ ﺗﯿﺮﮮ ﺍﻋﺠﺎﺯ ﻣﺴﯿﺤﺎﺋﯽ ﮐﺎ ﮨﮯ ﺍﮐﺒﺮؔ
ﺍﻟﮧ ﺁﺑﺎﺩ ﺳﮯ ﻟﻨﮕﮍﺍ ﭼﻼ ﻻﮨﻮﺭ ﺗﮏ ﺁﯾﺎ
(علامہ اقبال)
۔۔۔۔۔۔۔۔۔۔۔۔۔۔۔۔
ﮨﻢ ﺩﻟﯽ ﺑﮭﯽ ﮨﻮ ﺁﺋﮯ ﮨﯿﮟ ﻻﮨﻮﺭ ﺑﮭﯽ ﮔﮭﻮﻣﮯ
ﺍﮮ ﯾﺎﺭ ﻣﮕﺮ ﺗﯿﺮﯼ ﮔﻠﯽ ﺗﯿﺮﯼ ﮔﻠﯽ ﮨﮯ
(ﺑﺸﯿﺮ ﺑﺪﺭ)
۔۔۔۔۔۔۔۔۔۔۔۔۔۔۔۔۔
ﺳﻮﻧﮯ ﭘﮍﮮ ﮨﯿﮟ ﺩﻝ ﮐﮯ ﺩﺭ ﻭ ﺑﺎﻡ ﺍﮮ ﻇﮩﯿﺮؔ
ﻻﮨﻮﺭ ﺟﺐ ﺳﮯ ﭼﮭﻮﮌ ﮐﮯ ﺟﺎﻥ ﻏﺰﻝ ﮔﯿﺎ
(ﻇﮩﯿﺮ ﮐﺎﺷﻤﯿﺮﯼ)
۔۔۔۔۔۔۔۔۔۔۔۔۔۔۔۔۔
ﺷﮩﺮ ﻻﮨﻮﺭ ﺳﮯ ﮐﭽﮫ ﺩﻭﺭ ﻧﮩﯿﮟ ﮨﮯ ﺩﮨﻠﯽ
ﺍﯾﮏ ﺳﺮﺣﺪ ﮨﮯ ﮐﺴﯽ ﺭﻭﺯ ﺑﮭﯽ ﻣﭧ ﺳﮑﺘﯽ ﮨﮯ
(ﮐﻤﯿﻞ ﺭﺿﻮﯼ)
۔۔۔۔۔۔۔۔۔۔۔۔۔۔۔۔۔
یہ جو لاہور سے محبت ہے
یہ کسی اور سے محبت ہے
(ڈاکٹر فخر عباس)
۔۔۔۔۔۔۔۔۔۔۔۔۔۔۔۔۔
شہر لاہور تیری گلیوں میں
ایک سادہ مکان ہوتا تھا
(عطاء الحق قاسمی)
۔۔۔۔۔۔۔۔۔۔۔۔۔۔۔۔۔
جب اس کی زندگی میں کوئی اور آ گیا
تب میں بھی گاؤں چھوڑ کے لاہور آ گیا
(رحمٰن فارس)
۔۔۔۔۔۔۔۔۔۔۔۔۔۔۔۔۔۔
وہاں پر اب اکیلے کیا کرو گے
یہیں لاہور ہی میں آ بسو نا
(ندیم شیخ)
۔۔۔۔۔۔۔۔۔۔۔۔۔۔۔
کھینچا نہ کبھی ہاتھ روایات سے طارق
لاہور میں رہتا ہوں مگر میر کی صورت
(طارق چغتائی)
۔۔۔۔۔۔۔۔۔۔۔۔۔۔۔۔
ﻻﮨﻮﺭ ﭘﯿﭽﮭﮯ ﺭﮦ ﮔﯿﺎ ﮨﻢ ﺑﺎﻭﻓﺎ ﻣﮕﺮ
ﺍﺱ ﺷﮩﺮ ﺑﮯ ﻣﺜﺎﻝ ﺳﮯ ﺁﮔﮯ ﻧﮩﯿﮟ ﮔﺌﮯ
(شبنم شکیل)
۔۔۔۔۔۔۔۔۔۔۔۔۔۔۔۔۔
ﺷﮩﺮِ ﻻﮨﻮﺭ ﺗﯿﺮﯼ ﺭﻭﻧﻘﯿﮟ ﺩﺍﺋﻢ ﺁﺑﺎﺩ
ﺗﯿﺮﯼ ﮔﻠﯿﻮﮞ ﮐﯽ ﮨَﻮﺍ ﮐﮭﯿﻨﭻ ﮐﮯ ﻻﺋﯽ ﻣﺠﮫ ﮐﻮ
(ناصر کاظمی)
۔۔۔۔۔۔۔۔۔۔۔۔۔۔۔۔۔
لا مکاں ہے واسطے ان کی مقام بود و باش
گو بظاہر کہنے کو کلکتہ اور لاہور ہے
(شاہ آثم)
۔۔۔۔۔۔۔۔۔۔۔۔۔۔۔
