ساغرؔ صدّیقی کا یومِ وفات

آج – ١٩؍جولائی ١٩٧٤

مقبول نغمہ نگار ،اردو کے نامور صوفی منش اور گمنام شاعر ” ساغرؔ صدّیقی صاحب “ کا یومِ وفات…

نام مّحمد اختر اور تخلص ساغرؔ تھا۔ ۱۹۲۸ء میں امرتسر میں پیدا ہوئے۔گھر میں بہت تنگ دستی تھی اس لیے ان کی تعلیم واجبی سی ہوئی۔۱۵؍بر س کی عمر میں شعر کہنے لگے تھے۔ شروع میں قلمی نام ناصر حجازی تھا لیکن جلد ہی بدل کر ساغرؔ صدیقی ہوگئے۔ترنم بہت اچھا تھا۔ لطیف گورداس پوری سے اصلاح لینے لگے۔۱۹۴۷ء میں وہ لاہور آگئے۔ ان کا کلام مختلف پرچوں میں چھپنے لگا۔ انھوں نے متعدد فلموں کے گانے لکھے جو بہت مقبول ہوئے۔ ۱٩؍جولائی ۱۹۷۴ء کو لاہور میں انتقال کرگئے۔ا ن کی تصانیف کے نام یہ ہیں:

’زہر آرزو‘، ’غمِ بہار‘، شبِ آگہی‘، ’تیشۂ دل‘، ’لوحِ جنوں‘، ’سبزِ گنبد‘، ’مقتلِ گل‘۔’’کلیاتِ ساغر ‘‘ بھی چھپ گئی ہے۔ بحوالۂ:پیمانۂ غزل(جلد دوم)،محمد شمس الحق،صفحہ:229

 پیشکش : اعجاز زیڈ ایچ

مقبول ترین شاعر ساغرؔ صدّیقی کے یومِ وفات پر منتخب اشعار بطورِ خراجِ عقیدت…

اے دلِ بے قرار  چپ ہو جا

جا چکی ہے بہار چپ ہو جا

—

رودادِ محبّت کیا کہیئے کچھ یاد رہی کچھ بھول گئے

دو دن کی مسرت کیا کہیئے  کچھ یاد رہی کچھ بھول گئے

—

چراغِ طور جلاؤ بڑا اندھیرا ہے

ذرا نقاب اٹھاؤ بڑا اندھیرا ہے

—

جس عہد میں لٹ جائے فقیروں کی کمائی

اس عہد کے سلطان سے کچھ بھول ہوئی ہے

—

آج پھر بجھ گئے جل جل کے امیدوں کے چراغ

آج پھر تاروں بھری رات نے دم توڑ دیا

—

بھولی ہوئی صدا ہوں مجھے یاد کیجئے

تم سے کہیں ملا ہوں مجھے یاد کیجئے

—

پھر یوں ہوا کہ ہاتھ سے کشکول گر پڑا

خیرات لے کر مجھ سے چلا تک نہیں گیا

—

کانٹے تو خیر کانٹے ہیں اس کا گلہ ہی کیا

پھولوں کی واردات سے گھبرا کے پی گیا

—

کل جنہیں چھو نہیں سکتی تھی فرشتوں کی نظر

آج وہ رونقِ بازار نظر آتے ہیں

—

ﺗﺎﺭﻭﮞ ﺳﮯ ﻣﯿﺮﺍ ﺟﺎﻡ ﺑﮭﺮﻭ ﻣﯿﮟ ﻧﺸﮯ ﻣﯿﮟ ﮨﻮﮞ

ﺍﮮ ﺳﺎﮐﻨﺎﻥِ ﺧﻠﺪ ﺳﻨﻮ ﻣﯿﮟ ﻧﺸﮯ ﻣﯿﮟ ﮨﻮﮞ

—

بے ساختہ بکھر گئی جلووں کی کائنات

آئینہ ٹوٹ کر تری انگڑائی بن گیا

—

ﺍﺱ ﺩﺭﺟﮧ ﻋﺸﻖ ﻣﻮﺟﺐ ﺭﺳﻮﺍﺋﯽ ﺑﻦ ﮔﯿﺎ

ﻣﯿﮟ ﺁﭖ ﺍﭘﻨﮯ ﮔﮭﺮ ﮐﺎ ﺗﻤﺎﺷﺎﺋﯽ ﺑﻦ ﮔﯿﺎ

—

ﺳﺎﻗﯽ ﮐﯽ ﺍﮎ ﻧﮕﺎﮦ ﮐﮯ ﺍﻓﺴﺎﻧﮯ ﺑﻦ ﮔﺌﮯ

ﮐﭽﮫ ﭘﮭﻮﻝ ﭨﻮﭦ ﮐﺮ ﻣﺮﮮ ﭘﯿﻤﺎﻧﮯ ﺑﻦ ﮔﺌﮯ

—

زندگی جبرِ مسلسل کی طرح کاٹی ہے

جانے کس جرم کی پائی ہے سزا یاد نہیں

—

ہے دعا یاد مگر حرفِ دعا یاد نہیں

میرے نغمات کو اندازِ نوا یاد نہیں

—

ﻣﯿﮟ ﻧﮯ ﺟﻦ ﮐﮯ ﻟﯿﮯ ﺭﺍﮨﻮﮞ ﻣﯿﮟ ﺑﭽﮭﺎﯾﺎ ﺗﮭﺎ ﻟﮩﻮ

ﮨﻢ ﺳﮯ ﮐﮩﺘﮯ ﮨﯿﮟ ﻭﮨﯽ ﻋﮩﺪ ﻭﻓﺎ ﯾﺎﺩ ﻧﮩﯿﮟ

—

ﺍﺷﺎﺭﻭﮞ ﺳﮯ ﺩﻟﻮﮞ ﮐﻮ ﭼﮭﯿﮍ ﮐﺮ ﺍﻗﺮﺍﺭ ﮐﺮﺗﯽ ﮨﯿﮟ

ﺍﭨﮭﺎﺗﯽ ﮨﯿﮟ ﺑﮩﺎﺭِ ﻧﻮ ﮐﮯ ﻧﺬﺭﺍﻧﮯ ﺗﺮﯼ ﺁﻧﮑﮭﯿﮟ

—

ﭼﮭﻠﮑﮯ ﮨﻮﺋﮯ ﺗﮭﮯ ﺟﺎﻡ ﭘﺮﯾﺸﺎﮞ ﺗﮭﯽ ﺯﻟﻒِ ﯾﺎﺭ

ﮐﭽﮫ ﺍﯾﺴﮯ ﺣﺎﺩﺛﺎﺕ ﺳﮯ ﮔﮭﺒﺮﺍ ﮐﮯ ﭘﯽ ﮔﯿﺎ

—

ﺣﻮﺭﻭﮞ ﮐﯽ ﻃﻠﺐ ﺍﻭﺭ ﻣﮯ ﻭ ﺳﺎﻏﺮ ﺳﮯ ﮨﮯ ﻧﻔﺮﺕ

ﺯﺍﮨﺪ ﺗﺮﮮ ﻋﺮﻓﺎﻥ ﺳﮯ ﮐﭽﮫ ﺑﮭﻮﻝ ﮨﻮﺋﯽ ﮨﮯ

—

ﮨﻢ ﺑﻨﺎﺋﯿﮟ ﮔﮯ ﯾﮩﺎﮞ ﺳﺎﻏﺮؔ ﻧﺌﯽ ﺗﺼﻮﯾﺮِ ﺷﻮﻕ

ﮨﻢ ﺗﺨﯿﻞ ﮐﮯ ﻣﺠﺪﺩ ﮨﻢ ﺗﺼﻮﺭ ﮐﮯ ﺍﻣﺎﻡ

—

ﻧﻐﻤﻮﮞ ﮐﯽ ﺍﺑﺘﺪﺍ ﺗﮭﯽ ﮐﺒﮭﯽ ﻣﯿﺮﮮ ﻧﺎﻡ ﺳﮯ

ﺍﺷﮑﻮﮞ ﮐﯽ ﺍﻧﺘﮩﺎ ﮨﻮﮞ ﻣﺠﮭﮯ ﯾﺎﺩ ﮐﯿﺠﺌﮯ

—

ﮐﻠﯿﻮﮞ ﮐﯽ ﻣﮩﮏ ﮨﻮﺗﺎ ﺗﺎﺭﻭﮞ ﮐﯽ ﺿﯿﺎ ﮨﻮﺗﺎ

ﻣﯿﮟ ﺑﮭﯽ ﺗﺮﮮ ﮔﻠﺸﻦ ﻣﯿﮟ ﭘﮭﻮﻟﻮﮞ ﮐﺎ ﺧﺪﺍ ﮨﻮﺗﺎ

—

ﻧﻈﺮ ﻧﻈﺮ ﺑﯿﻘﺮﺍﺭ ﺳﯽ ﮨﮯ ﻧﻔﺲ ﻧﻔﺲ ﻣﯿﮟ ﺷﺮﺍﺭ ﺳﺎ ﮨﮯ

ﻣﯿﮟ ﺟﺎﻧﺘﺎ ﮨﻮﮞ ﮐﮧ ﺗﻢ ﻧﮧ ﺁﺅ ﮔﮯ ﭘﮭﺮ ﺑﮭﯽ ﮐﭽﮫ ﺍﻧﺘﻈﺎﺭ ﺳﺎ ہے

—

ﺟﻦ ﺳﮯ ﺯﻧﺪﮦ ﮨﻮ ﯾﻘﯿﻦ ﻭ ﺁﮔﮩﯽ ﮐﯽ ﺁﺑﺮﻭ

ﻋﺸﻖ ﮐﯽ ﺭﺍﮨﻮﮞ ﻣﯿﮟ ﮐﭽﮫ ﺍﯾﺴﮯ ﮔﻤﺎﮞ ﮐﺮﺗﮯ ﭼﻠﻮ

—

ﺟﻦ ﺳﮯ ﺍﻓﺴﺎﻧۂ ﮨﺴﺘﯽ ﻣﯿﮟ ﺗﺴﻠﺴﻞ ﺗﮭﺎ ﮐﺒﮭﯽ

ﺍﻥ ﻣﺤﺒﺖ ﮐﯽ ﺭﻭﺍﯾﺎﺕ ﻧﮯ ﺩﻡ ﺗﻮﮌ ﺩﯾﺎ

—

ﺣﺸﺮ ﻣﯿﮟ ﮐﻮﻥ ﮔﻮﺍﮨﯽ ﻣﺮﯼ ﺩﮮ ﮔﺎ ﺳﺎﻏﺮؔ

ﺳﺐ ﺗﻤﮩﺎﺭﮮ ﮨﯽ ﻃﺮﻓﺪﺍﺭ ﻧﻈﺮ ﺁﺗﮯ ﮨﯿﮟ

—

ﺗﻘﺪﯾﺮ ﮐﮯ ﭼﮩﺮﮦ ﮐﯽ ﺷﮑﻦ ﺩﯾﮑﮫ ﺭﮨﺎ ﮨﻮﮞ

ﺁﺋﯿﻨﮧٔ ﺣﺎﻻﺕ ﮨﮯ ﺩﻧﯿﺎ ﺗﯿﺮﯼ ﮐﯿﺎ ﮨﮯ

—

ﻗﻠﺰﻡِ ﺧﻠﺪ ﺳﮯ ﺳﺎﻏﺮؔ ﮐﯽ ﺻﺪﺍ ﺁﺗﯽ ﮨﮯ

ﺍﭘﻨﮯ ﺑﮯ ﺗﺎﺏ ﮐﻨﺎﺭﻭﮞ ﮐﯽ ﺭﺩﺍﺋﯿﮟ ﺳﯽ ﻟﻮ

—

اب اپنی حقیقت بھی ساغرؔ بے ربط کہانی لگتی ہے

دنیا کی حقیقت کیا کہیے کچھ یاد رہی کچھ بھول گئے

ساغرؔ صدّیقی 

انتخاب : اعجاز زیڈ ایچ