راولپنڈی سے 39 میل دور اور سطح سمندر سے ساڑھے سات ہزار فٹ بلند۔۔۔مری ۔۔۔ملکہ کوہسار مجھے ایک تاریخی پس منظر کی وجہ سے ہمیشہ عزیز رہا ہے۔۔۔۔۔۔۔
1956ء میں دارلحکومت ابھی کراچی میں تھا۔۔۔۔۔چوہدری محمد علی وزیراعظم تھے ۔ انہوں نے نیا آئین تشکیل دینے کے لیے مجلس آئین ساز کے تمام اجلاس ۔۔۔مری کلب ہال ۔۔۔۔میں منعقد کروائے۔۔۔اس آئین کے تحت ابھی انتخاب ہونے تھے کہ۔۔۔ایوب خان کے مارشل لاء نے بساط ہی الٹ دی ۔۔۔۔۔سیاست دان پہلے سبز باغ دکھانے میں مشہور تھے ، ایوب خان نے ہمیں کالا باغ دکھایا ۔۔۔ویسے ہی جیسے لڑکپن میں ہم مری دیکھنے کے لیے مرے جاتے تھے۔۔۔۔۔۔۔۔۔۔۔۔۔۔ مری ۔۔۔قدرتی حسن کے حسن کو ہم نے خود اپنے ہاتھوں سے بٹری حد تک برباد کر دیا ہے۔۔۔۔ہاں موسم اب بھی دلکش ہے۔۔۔۔۔!!
۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
رب العزت نے ایک شادمانی کی تقریب میں مری ، شرکت کو جواز بنایا تو خوشگوار موسم میں ،، قدرتی حسن کی دلکشی کی تلاش میں چیڑ، دیودار، کائل وغیرہ کے درختوں اور تقریباً 700 انواع کے پودوں کی زیبائی کی کھوج میں ۔۔۔۔۔۔خانس پور، ایوبیہ، ٹھنڈیانی ، نتھیاگلی سے ہمکلام ہونے چلے گئے۔۔۔۔۔۔۔۔۔۔چند ہمدمِ دیرینہ کے جھرمٹ میں ستر گھنٹے ملکہ کوہسار کی گلیات میں یوں گزرے کہ ہر بن مو سے آوازِ دوست نکلی کہ۔۔تم خدا کی کن کن نعمتوں کا شکر ادا کر سکتے ہو ۔۔۔۔۔۔
ٹی ڈی سی کے کمرہ نمبر 212 اور 210 کے رفیقان سفر ۔۔۔۔لاہور ، احمد پور سیال، ملتان کے لیے رخت سفر باندھ کر طبل رخصت بجا چکے ہیں۔۔۔۔۔۔۔۔۔۔
چائے کے خالی فنجان، ایش ٹرے میں سگریٹوں کے ٹوٹوں کے ڈھیر اور پر تکلف ناشتہ کے اثرات اسی کمرے میں ہیں اور اب ، سفر اختیار کرتا ہوں۔۔۔۔پاکستان کی شہہ رگ۔۔۔۔کشمیر کی طرف۔۔۔۔جہاں شہر یار تغزل ، جان بہاراں ۔۔۔۔فاروق حسین کاشمیری، مظفرآباد میں اپنی آنکھیں دہلیز پہ دھر چکا ہے۔۔۔۔۔۔۔۔۔۔جی بسم اللّٰہ۔۔۔۔چند تصاویر ۔۔۔۔ساڈے ول تک سجنا !!
