پنجابی قوم پرستی دا مطلب صرف پنجابی زبان نئیں اے ۔ پنجابی قوم پرستی دا مطلب پنجابیاں دی سماجی عزت ' معاشی خوشحالی ' انتظامی بالادستی ' اقتصادی ترقی اے تے اے کم پنجابیاں وچ سیاسی شعور نوں ودھائے بغیر نئیں ھوسکدا۔
وسطی پنجاب وچ ریہن والے پنجابی ھجے تک اے ای طے نئیں کر پا رئے کہ او Punjabi Regionalist نے کہ Punjabi Nationalist نے۔ ایس لئی وسطی پنجاب دے پنجابی دا سارے پاکستان وچ ریہن والے پنجابیاں دی سماجی عزت ' معاشی خوشحالی ' انتظامی بالادستی ' اقتصادی ترقی والے پاسے دھیان نئیں اے تے نہ ای پنجابی قوم پرستی دا سیاسی شعور اے۔
وسطی پنجاب دے پنجابی نوں ھجے اے وی نئیں پتہ کہ؛ خیبر پختونخوا دی ' بلوچستان دے پشتون علاقے دی ' بلوچستان دے بلوچ علاقے دی ' سندھ دی تے کراچی دی دوجی وڈی آبادی پنجابی اے تے انہاں پنجابیاں دے نال دھائیاں توں ظلم تے زیادتی ھو رئی اے۔
خیبر پختونخوا ' بلوچستان دے پشتون علاقے ' بلوچستان دے بلوچ علاقے ' سندھ تے کراچی وچ ریہن والے پنجابیاں دی؛
1۔ تذلیل تے توھین کیتی جاندی اے۔
2۔ انہاں دی جان تے مال نوں نقصان پہنچایا جاندا اے۔
3۔ انہاں نوں دوجے درجے دا شھری بنا کے رکھیا ھویا اے۔
4۔ انہاں نوں انہاں دے بنیادی سماجی تے سیاسی حق نئیں دتے جاندے۔
5۔ انہاں نوں ذھنی طور تے حراساں رکھیا جاندا اے۔
وسطی پنجاب دا پنجابی ' پنجابی قوم پرستی دے ناں تے وسطی پنجاب توں بار وی پنجابی زبان دا کٹہ کھول کے بیٹھ جاندا اے تے اے سمجھن دی کوشش نئیں کردا کہ؛ وسطی پنجاب توں بار ریہن والے پنجابیاں تے خاص طور تے خیبر پختونخوا ' بلوچستان دے پشتون علاقے ' بلوچستان دے بلوچ علاقے ' سندھ تے کراچی وچ ریہن والے پنجابیاں دا مسئلہ زبان توں زیادہ سماجی عزت ' معاشی خوشحالی ' انتظامی بالادستی ' اقتصادی ترقی دا اے۔
وسطی پنجاب دے پنجابی نوں اے سمجھن دی لوڑ اے کہ؛ پنجابی قوم دے 10 وڈے مسئلے کیہڑے نے؟
01 . پنجاب دی تعلیمی تے دفتری زبان پنجابی ھووے۔
02 . پنجاب وچ پنجابی ادب نوں اگے ودھایا جاوے۔
03 . پنجاب وچ پنجابی ثقافت نوں اگے ودھایا جاوے۔
04 . پنجابیاں وچ سیاسی تے پنجابی قوم پرستی دا شعور بیدار کیتا جاوے۔
05 . پنجاب وچ ھون والی سرائیکی شازش دا مقابلہ کیتا جاوے۔
06 . بلوچستان وچ پنجابیاں نال ھون والے ظلم تے زیادتیاں دا مقابلہ کیتا جاوے۔
07 . خیبر پختونخوا وچ پنجابیاں نال ھون والے ظلم تے زیادتیاں دا مقابلہ کیتا جاوے۔
08 . سندھ وچ پنجابیاں نال ھون والے ظلم تے زیادتیاں دا مقابلہ کیتا جاوے۔
09 . کراچی وچ پنجابیاں نال ھون والے ظلم تے زیادتیاں دا مقابلہ کیتا جاوے۔
10 . پنجابیاں نوں ذات ' برادری ' نسل ' علاقے ' مذھب ' فرقے دی بنیاد تے تقسیم ھون توں بچا کے پنجابی قوم دی بنیاد تے کٹھا کیتا جاوے۔
