(Last Updated On: )
ہاتھی اُنٹ پٹھان تے جٹ سنڈھا
ساری عمر نہ کھور گواندے نے
سیانے آکھدے نائی تے باز کُتا
مومن رجّے تے کم نہ آوندے نے
کُتا کاں کرار جے ہون سُتّے
تاویں بے اعتبار کہاوندے نے
جٹ بیل بکرا تے رن گنڈی
چارے رج کے مستیاں چاندے نے
کنجری وید سنیارہ تے ٹھگ ٹھاکر
اوہ نہ ای دلوں پریت لگاوندے نے
یارو کمبوہ کشمیری افغان تینے
سجن بن کے دغا کماوندے نے
جٹ کپڑا دھوتیاں صاف ہوندا اے
رانگھڑ قید کیتے قابو آوندے نے
پُتّر کھوجے دا کدی نہ یار بن دا
تے کئی لوگ دانی فرماوندے نے
مُلّا پٹ براہمن تے ڈوم چارے
تے نہ ای منگتیاں نوں خیر پاوندے نے
عارف یار اے خان سیانیاں دا
جٹ پھٹ پھدّے قابو آوندے نے
جیہڑی وچ ملاح تے جٹ بنّے
ہٹّی وچ کڑار نہ چھیڑیے جی
حاکم شیر تے چیتے نوں چھیڑیے نہ
کنڈے ندی دے لال نہ ڑیڑئیے جی
اوہ بڑیاں جٹ قصائی دے یار ہووے
قصہ اپنا آپ نبھڑئیے جی
چُوڑے افسر نوں کدی نہ قرض دئیے
تے ساون وچ نہ چھت اُدھیڑئیے جی
کھوتے گھوڑے تے مگر کھلووئیے نہ
اوہ لُچے نال نہ کدی کھیڈئیے جی
عارف یار پیشاب تے مار وٹّا
نہ ای دامن آلود لبھیڑئے جی
