پنجابی (دیسی) کیلنڈر

*پنجابی (دیسی) کیلنڈر*
پنجاب نوں ایہہ اعزاز حاصل اے جو ایس خطے دا دیسی کیلنڈر دنیا دے گنے چنے مڈھ قدیمی کیلنڈرز وچوں اک اے۔ ایس قدیمی کیلنڈر دا اغاز مسیح توں سو ورھے پہلاں ہوئیا۔ ایس کیلنڈر دا اصل نام بکرمی کیلنڈر اے، جد پنجابی کیلنڈر، دیسی کیلنڈر، تےجنتری دے ناواں توں وی جانا جاندا اے۔

بکرمی کیلنڈر دا آغاز 100 قبل مسیح وچ اُوس ویلے دے اک راجے"راجہ بکرم اجیت" دے دور وچ ہویا۔ *راجہ بکرم دے ناں سےنال ایہہ بکرمی ورھا مشہور ہویا۔ ایس شمسی تقویم وچ ورھا "ویساکھ" دے مہینے توں شروع ہوندا اے ۔*

تین سو پینسٹھ (365 )دناں دے ایس کلینڈر دے نو مہینے تریہہ تریہہ ڈیہاریاں دے ہوندے نیں، تے ااک مہینا وساکھ اکتیھ (31) ڈیہاریاں دا ہوندا اے، تے دو مہینے جیٹھ تے ہاڑ بتیھ (32) ڈیہاریاں دے ہوندے نیں۔

*1. ویساکھ ਵੈਸਾਖ*
(وچکارلا اپریل – وچکارلا مئی)

*2. جیٹھ ਜੇਠ* 
(وچکارلا مئی – وچکارلا جون)

*3. ہاڑھ ਹਾੜ* 
(وچکارلا جون – وچکارلا جولائی)

*4. ساون ਸਾਵਣ*
(وچکارلا جولائی – وچکارلا اگست)

*5. بھادوں ਭਾਦੋਂ*
(وچکارلا اگست – وچکارلا ستمبر)

*6. اسو ਅੱਸੂ* 
(وچکارلا ستمبر – وچکارلا اکتوبر)

*7. کاتک ਕੱਤਕ*
(وچکارلا اکتوبر – وچکارلا نومبر)

*8. مگھڑ ਮੱਘਰ*
(وچکارلا نومبر – وچکارلا دسمبر)

*9. پوہ ਪੋਹ*
(وچکارلا دسمبر – وچکارلا جنوری)

*10. ماگھ ਮਾ*
(وچکارلا جنوری – وچکارلا فروری)

*11. پھاگن ਫੱਗਣ* 
(وچکارلا فروری – وچکارلا مارچ)

*12. چیت ਚੇਤ*
(وچکارلا مارچ – وچکارلا اپریل)

بکرمی کلینڈر (پنجابی دیسی کیلنڈر) وچ اک ڈیہارے دے آٹھ پہر ہوندے نیں ، اک پہر تناں گھنٹیاں دا ہوندا اے .

*ایناں پہراں دےناں ایہہ نیں:*

*دھمی ویلا:* صبح 6 وجے توں 9 وجے تیک

*دوپہر ویلا:* صبح 9 وجے دوپہر 12 وجے تیک

*پیشی ویلا:* دوپہر دے 12 توں دن 3 وجےتیک

*ڈیگر ویلا:* سہ پہر 3 توں شام 6 بجے تیک

*نماشاںویلا:* ، شام 6 توں رات 9 وجے تیک

*کفتاں ویلا:* رات 9 توں رات 12وجے تیک

*ادھ رات ویلا:* رات 12 توں 3 بجے تیک

*اسور ویلا:* صبح دے 3 وجے توں 6 وجے تیک 
*

ایہہ تحریر فیس بُک سے ایس پیج توں لئی گئی اے