پریس فار پیس فاؤنڈیشن برطانیہ کے زیر اہتمام اردو زبان میں بچوں کے ادب کے فروغ کی خدمات کے اعتراف میں بچوں کے معروف ادیب اور سکرپٹ رایئٹر ابن آس محمدکوخراج تحسین پیش کرنے اور بچوں کے ادب کے فروغ کے لئے نوجوان اہل قلم کے مابین مضمون نویسی کے مقابلے کا اعلان کر دیا گیا ہے-پریس فار پیس فاؤنڈیشن کے زیر اہتمام معروف ادیب ، مصنف اور سکرپٹ رائٹر جناب ابن آس محمد کے حوالے سے تحریری ( مضمون نویسی) مقابلے کے نتائج کا اعلان کر دیا گیا ہے۔
منصفین کے فیصلے کے مطابق پہلی پوزیشن خالد دانش ( کراچی) نے حاصل کی ہے- مادیبہ انور (یونان)دوسری پوزیشن کی حقدار ٹھہری ہیں جبکہ قانتہ رابعہ (گوجرہ) اور ظفر احمد چوہان ( کراچی) تیسری پوزیشن کے مستحق قرار پاۓ۔ امجد جاوید ( حاصل پور) اور محمد عثمان ذوالفقار (ساہیوال) نے چوتھی پوزیشن حاصل کی ہے-احمد حاطب صدیقی ( اسلام آباد ) ، رخشندہ بیگ( کراچی)، سجاد عباسی (کراچی)،احمد ابو اسامہ انصاری (کراچی) اور ندیم اختر (لیہ) کی تحریریں خصوصی ایوارڈ کی حقدار قرار پا ئی ہیں۔
پریس فا ر پیس فاؤنڈیشن کے زیراہتمام“ابن آس محمد :شخصیت اور فن” کے حوالے سے ہونے والے اس تحریر ی مقابلے میں پاکستان ، انڈیا اور یورپ سے ساٹھ کے لگ بھگ قلمکاروں اور ادیبوں نے حصہ لیا جنہوں نے معروف ادیب ، مصنف اور سکرپٹ رائٹر جناب ابن آس محمد کی شخصیت و فن اور ادبی ، صحافتی خدمات پر مقالے ، مضامین اور تاثراتی تحریریں لکھیں- جناب ابن آس محمد کو خراج تحسین پیش کرنے کے لیے پریس فا ر پیس فاؤنڈیشن کے زیراہتمام اس تحریری مقابلے کا انعقاد کیا گیا۔ اس مقابلے کے رابطہ کار معروف نوجوان قلم کار اور ادیب جناب ذوالفقار علی تھے جنھوں نے اس مقابلے کو کامیاب بنانے کے لیے فعال کردار ادا کیا۔ انعام یافتگان کو ایوارڈز اور تمام شرکا مقابلہ کو تعریفی اسناد تقسیم کی جائیں گی ۔ پریس فا ر پیس فاؤنڈیشن برطانیہ کے ڈائرکٹر پروفیسر ظفر اقبال نے کہا کہ دانشور اور تخلیق کار کسی بھی معاشرے کی پہچان ہوتے ہیں ان کی پزیرائی سماج کا فرض ہے – نئی نسل کا رشتہ کتاب سے جوڑنا اخلاقی اور معاشرتی ترقی کے لئے ضروری ہے مثبت سر گرمیوں کا سلسلہ مستقبل میں بھی جاری رہے گا یاد رہے پریس فا ر پیس فاؤنڈیشن ایک خالصتا رضا کار ادارہ ہے جو برطانیہ ، پاکستان اور آزاد کشمیر ممیں فلاحی سر گرمیوں کے ساتھ ساتھ
علم و ادب کے فروغ کے لئے بھی گزشتہ تئیس سالوں سے مصروف خدمت ہے-اس مقابلے کے ایوارڈ یافتگان کے تعارف اور مقابلے کی مزید تفصیلات کے لیے
پریس فا ر پیس فاؤنڈیشن کی ویب سائٹ پر دستیاب ہیں۔
پریس فا ر پیس فاؤنڈیشن کے زیر اہتمام منعقدہ ابن آس محمد تحریری مقابلے کے نتائج کا اعلان
