نظر کی کمزوری، اثمد، مچھلی کے سر کا سوپ اور عینک!
کیا واقعی ایسا کوئ نسخہ ہے جو عینک ترک کروادے؟
اثمد آنکھوں کے لئے بہترین ہے،
بہترین سرمہ بنانے کا طریقہ!
بسکھپرا کے عینک توڑ فوائد!
مچھلی کے سر کا سوپ بینائ کے لئے بہت مفید!
عینک ترک کرنے والی مشقیں!
ہومیوپیتھی میں نظر کی درستگی کے لئے ایک پودے کے عرق سے تیارشدہ دوا
رفریکٹو اینڈ لیسک سرجری: Refective and Lasik Surgery
ہمارے ایک ہمہ گیر و ہمہ جہت خوبیوں کے مالک دوست نظر کی کمزوری کے بارے میں اپنا تجربہ بیان کرتے ہوئے لکھتے ہیں کہ۔
فرمان نبوی. …اثمد کا سرمہ نظر کو تیز کرتا ہے
اثمد= antimony
ہمدرد مطب سے کحل الجواہر اور بنگر نامی دو عدد سرمہ لے لیں. ..کحل الجواہر رات کو لگائیں اور بنگر صبح..سحر انگیز خوبصورتی خواص کے علاوہ بونس میں پائیں
کم از تین ماہ استعمال کریں۔
کحل الجواہر: وہ سرمہ جس میں تقویت کے واسطے مروارید ناسُفتہ اور دیگر جواہر ڈالتے ہیں، جواہرات کا سرمہ۔
بنگر: تقویت چشم،تحفظ بصارت اور اضافہ حسن و جمال کے لیۓ سرمہ کا استعمال زمانہ قدیم سے آ ج تک کیا جا رہا ہے۔اطبا ٔ اور ماہرین چشم نے اپنے تجربات کی روشنی میںسرمہ کے ساتھ مفید اضافات کیۓ ہیں اور اسے مفید تر بنایا ہے ہمدرد میں بھی اس پر عرصہ دراز سے غوروفکر ہوا اور بالآخر ایک موثر و مفید فارمولا مرتب ہوااور اب بنگر کے نام سے استعمال عام کے لیۓ پیش کر دیا گیا ہے۔ بنگر آنکھوں کے نور اور حسن کو قایٔم رکھتا ہے بصا رت کی حفاظت کرتا ہے اور ضعف بصارت کو دور کرنے میں مدد دیتا ہے۔بنگر آنکھوں کو امراض سے محفوظ رکھتا ہے۔ اضافہ حسن کے لیۓ حسب موقع اورحفظ بصر و چشم کے لیۓ رات کو ضرور لگانا چاہیۓ۔
ایک بات واضح کردوں کہ میری نظر مچهر مار کوائل اور اگر بتی کے دهویں سے متاثر ہوئی تهی جو بند کمرے میں دوران چلہ استعمال کیا تها…اور ایک ہی رات میں بہت زیادہ پانی بہا تها..صبح تک نظر بلکل دهندلا گئی تهی….عینک لگوائ تو نمبر تین نکلا…پهر تحقیق کر کر کے اوپر بتائے ہوئے سرمہ استعمال کیا پهر تین مہینے بعد عینک بدلوانے گیا تو ڈاکٹر کمپیوٹرائزڈ چیک کے بعد کہنے لگا ماشاءاللہ آپکی آنکھیں بہت صاف ستهری اور ہر بیماری سے مبرا ہیں اور نظر عمر کی وجہ سے کمزور ہے . ..عینک نمبر 2.25 آیا مگر میں نے 2.0 نمبر عینک بنوائ…اب سات سال گزرنے کے بعد 2.5 عینک ہی پڑهنے کی. ..دور کی نظر بهی کمزور ہے مگر اتنی زیادہ نہیں. …
معلوم ہوا کے اگر بصارت 'آنکھ کی وجہ سے کمزور ہو تو سرمہ بہترین چیز ہے اور اگر آپٹک نرو یا پردہ بصارت کمزور ہو تو سرمہ کے ساتھ اندرونی علاج بهی ناگزیر ہے. ..
خوردنی نسخہ:
مصری ، سونف ، خشخاش، بادام مغز ، ثابت دھنیا تمام 100 گرام ، سفید زیرہ 50 گرام ، کالی مرچ 25 گرام ، تمام اجزاء کو پیس کر یکجان کر لیں ۔ اور شیشی میں بند کر لیں ۔اوپر دی ہوئی تمام چیزوں کو گرائنڈ کر لیں ۔ ایک پائوڈر سا بن جائے گاروزانہ صبح ناشتے سے پہلے یا رات کو سونے سے پہلے ایک کھانے کا چمچ ایک گلاس دودھ کے ساتھ کھائیں۔ کم ازکم ایک ماہ تک اس کا لگاتار استعمال کریں ۔انشاء اللہ نظر کی کمزوری دور ہو جائے گی۔ پورے چالیس دن استعمال کے بعد ڈیڑھ نمبر کی عینک انشاءاللہ اتر جائے گی۔
میرا ذاتی مشورہ ہے کہ…ایک خاص قسم کی چهوٹی مچھلی ہوتی ہے جو تل کر کهاتے ہیں اور اسکو اسکی آنکھوں سمیت کهاتے ہیں جس سے اعضاء بصارت کو تقویت ملتی ہے. ..مچھلی کا نام میں بهول گیا جو مجهے ایک بنگالن ساحرہ نے کهلایا اور بتایا تها کہ اس کے کهانے سے سو سال میں بهی اندها نہیں ہوتا …مگر وہ انگلی برابر مچھلی موسیٰ کالونی میں مل جائے گئ۔
خاص مچهلی جو انگلی کے برابر ہوتی ہے بہت چمکدار جهلکے والی اور سیدھے منہ والی اسکی آنکھ کالی سفید منعکس ہو. ..
اب بام مچهلی کسی اور جگہ کے لئے اور رہو دو شاخہ کانٹے والی اور مقصد کیلئے اور سرمئ جلد کے لئے مفید ہے۔ اصل میں یہ مماثلت اور طبیعت کا قانون ہے کہ جو اعضاء کمزور ہو اسکی دوا وہی اعضا ہیں، آخر رب نے کوئ چیز بیکار پیدا نہیں کی..
…فی سبیل الله فلاح انسانیت کے لئے بیان کردیا…والله اعلم الصواب!
یہ تو تھی ہمارے دوست کی روداد اور مشورہ۔
ہماری ایک فیسبک فرینڈ نے کمنٹ دیا کہ بھلا آنکھیں کون کھا سکتا ہے؟ میں نے مچھلی کے سر کا سوپ پیا تھا لیکن آنکھیں صاف کروادی تھیں۔ جس کا جواب میں نے یہ دیا کہ
نہیں۔ آنکھیں صاف نہیں ہونی چاہئیں بلکہ مچھلی کے سر کا سوپ آنکھوں سمیت بنانا چاہئے۔..
….فرمان نبوی….جب بهی جانور کا گوشت کهاو تو اسکا سر بهی کهاو اور پهینکو نہیں کیونکہ سر سید الاعضاء ہے اور پورا جسم اسی کے طابع ہے…لوگ تو گائے بکرے تک کی آنکھوں کی ڈش کھا جاتے ہیں۔
بکرے کا دماغ کھائیے دماغ کو طاقت ملے گی۔ بکرے کے پائے کھائیے ہڈیوں کو طاقت ملے گی۔ بکرے کی کلیجی کھائیے تو جگر صحتمند ہوگا خون بنے گا۔ اسی طرح مرد حضرات کپورے کھا کر اپنی مردانہ صلاحیت میں چار چاند لگا کر اپنا سکون اور دوسری کا آرام چین برباد کرتے ہیں تو پھر بھلا کیوں نہ آنکھ کھانے سے آنکھوں کو فائدہ ہوگا؟؟؟
مچھلی کے سر کا سوپ:
بہت آسان طریقہ ہے کہ مچھلی کے تین چار سر معہ آنکھوں کے دو دوٹکڑے کروا لیجئے۔ اب ان کو اچھی طرح دھو کر پانی میں نمک کالی مرچ زرا سا ثابت گرم مصالحہ اور ھلدی لہسن ادرک ڈال کر ہلکی آنچ پر کافی دیر پکائیں اور نہار منہ و وقت عصر روزانہ ایک پیالی نوش فرمائیں۔ اور کافی عرصہ تک پابندی سے جاری رکھئے۔
بتانے والے تو یہی بتاتے ہیں کہ یہ سوپ واقعی بینائ کے لئے انتہائ مفید ہے اور چشمہ ترک کروادیتا ہے۔
رب نے ہزاروں اقسام کی مچھلیاں بنائ ہیں سب کے کام افعال تاثیرات علیحدہ علیحدہ ہیں. ..
راز کی بات یہ ہے کہ مچھلی پانی سے باہر ہوا میں دیکھ سکتی ہے. ..مگر…رہ نہیں سکتی…تو کچھ تو ہے… جسکی پردہ داری ہے ….کہ موسیٰ جیسے جلیل القدیر پیغمبر کو خضر کا راستہ ایک مچهلی بتائے گی….وہ بهی باسی تلی ہوئی. ..تو یونس جیسے کو رب کی معرفت کروائے گی وہ بهی تین اندھیروں کے بیچ…اور یحییٰ جیسے کو رموز زندگی و موت سمجھائے گی وہ بهی بیاباں میں. ..
مچهلی رے مچهلی کتنا پانی… 
☝ اتنا پانی ! واللہ عالم بالصواب!
اثمد کیا ہے؟
یعنی ہمیشہ اثمد سرمہ لگایا کرو۔اثمد الف اور میم کے کسرہ ث کے سکون سے ایک خاص سرمہ کا نام ہے جسے اصفہانی سرمہ کہا جاتا ہے یہ ہلکے سرخ رنگ کا سرمہ ہوتا ہے۔بعض شارحین کا قول ہے کہ عام سیاہ سرمہ کو ہی اثمد کہتے ہیں۔بعض نے کہا کہ تیہ کا نام اثمد ہے،بعض نے کہا کہ جس سرمہ میں تھوڑا مشک حل کرلیا جاوے وہ اثمد ہے مگر پہلا قول زیادہ قوی ہے، عرب میں اب بھی اسی خاص لال سرمہ کو اثمد کہا جاتا ہے۔
یعنی اثمد سرمہ آنکھوں کی روشنی زیاہ کرتا ہے،پلک کے بال دراز کرتا ہے اگر نہ ہوں تو اگاتا ہے۔مرقات میں ہے کہ یہ آنکھ کا پانی خشک کرتا ہے،آنکھ کے زخم اچھے کرتا ہے،نگاہ قائم رکھتا ہے غرضکہ اس میں بہت فائدے ہیں مگر اس کے لیے جسے موافق آجاوے بعض لوگوں کو موافق نہیں آتا۔غرضکہ طبیب کی رائے سے اسے استعمال کرنا چاہیے۔
اس طرح کہ پہلے داہنی آنکھ میں دو سلائیاں پھر بائیں آنکھ میں تین پھر داہنی میں ایک اس طرح کہ ابتداءبھی داہنی سے ہو انتہاءبھی داہنی پر،ہمیشہ رات کو سوتے وقت اس طرح سرمہ لگانا فقیری اور ضعف بصر کو دور کرتا ہے۔بعض روایات میں ہے حضور انورصلی اللہ علیہ وسلم رات کو سوتے وقت داہنی آنکھ میں تین سلائیاں اور بائیں میں دو لگایاکرتے تھے ہوسکتا ہے کہ کبھی یہ عمل ہو کبھی وہ لہذا احادیث میں تعارض نہیں۔
حکما کےنزدیک سرمہ سیاہ رنگ کا چمکدار وزنی پتھر ہے جس کو عام طور پر باریک کھرل کرکے زینت و آرائش کی غرض سے آنکھوں میں ڈالتے ہیں۔ پاکستان میں سرمہ کا پتھر چترال اور کوہستان کے علاقہ میں پایا جاتا ہے۔ کہتے ہیں کہ دنیا کا بہترین سرمہ اصفہان اور چترال میں پایا جاتا ہے۔
احادیث میں اس کا ذکر
حضرت عبداللہ بن عباس روایت فرماتے ہیں کہ رسول اللہ نے ارشاد فرمایا۔ “تمہارے سرموں میں سب سے بہترین اثمد ہے۔ یہ بینائی کو روشن کرتا اور بال اگاتا ہے۔“ (ابن ماجہ ۔ ترمذی۔ مسند احمد۔ طبرانی)
سرمہ کے طبی فوائد
سرمہ زیادہ تر آنکھوں کو قوت دینے، تنہا یا مناسب ادویہ کے ہمراہ کھرل کرکے آنکھوں میں لگاتے ہیں۔ مسلمانوں میں سرمہ سنت نبوی کے طور پر رائج ہوا۔ اسے کروڑوں نہیں اربوں افراد نے استعمال کیا اور اتنے طویل عرصہ کے مشاہدات کے بعد بھی اس کے مضر اثرات کے بارے میں کوئی شہادت میسر نہیں۔ سنت کے شیدائی ساری عمر باقاعدگی سے سرمہ لگاتے رہے۔ ان کی بینائی نہ تو بڑھاپے میں کمزور ہوئی اور نہ پلکوں کے بارے گرے۔
اصفہان کا سرمہ سب سے زیادہ عمدہ ہوتا ہے۔ یہ آنکھوں اور ان کے اعصاب کو تقویت دیتا ہے۔ زخموں کے اوپر اور آس پاس جو فالتو گوشت نمودار ہوتا ہے، سرمہ اسے زائل کرتا ہے۔ ان کو مندمل کرتا ہے۔ ان سے غلاظت نکالتا ہے اور بند راستے کھول دیتا ہے۔
اگر پانی آمیزہ شہد میں سرمے کو ملا کر استعمال کیا جائے تو درد سر ختم ہو جاتا ہے۔ خاص طور پر بوڑھوں اور کمزور نگاہ والے لوگوں کے لئے اکسیر کا حکم رکھتا ہے۔ اگر اس کے ساتھ تھوڑا سا مشک ملا کر استعمال کیا جائے تو ضعیف البصر کے لئے تریاق کا کام کرتا ہے۔
نظر کی کمزوری کا دوسرا طِبِّی عِلاج یہ ہے کہ اگر خالِص جنگلی چھتے کا شہد میسر ہو تو سوتے وقت اس کی سَلائی آنکھوں میں لگا لیجیے کہ یہ آنکھوں کے لیے بہت مُفید اور بہترین سُرمہ ہے۔ اس کے اِستعمال سے اِنْ شَآءَ اللہ عَزَّ وَجَلَّ نظر کی کمزوری کے عِلاوہ دِیگر اَمراض سے بھی نجات پائیں گے۔
حکومت ہند کے یونانی ادویہ کے شعبہ کی تحقیقات کے مطابق آنکھوں کے لئے سرمہ بنانے کا بہترین نسخہ ہے۔ سرمے کے پتھر کو پہلے آگ میں سرخ کر لیا جائے۔ پھر اکیس دن بارش کے پانی میں بگھو کر رکھیں۔ پھر اسے 12 گھنٹے تک تر پھلا کے پانی میں جوش دیں۔ وہاں سے نکال کر خشک کرکے سونف کے عرق میں اتنا کھرل کریں کہ باریک ریشمی کپڑے سے چھن کر نکل جائے۔ اب یہ آنکھوں میں لگانے کے قابل ہوگیا۔ (طب نبوی اور جدید سائنس)
بینائی لوٹانا:
بسکھیرا بوٹی : 5گرام ( کسی بھی اچھے پنسار سٹور سے مل جائے گی)
سرمہ سیاہ خالص : ایک چھوٹی شیشی(خود بنا لیں تو زیادہ بہتر ہے ورنہ اچھے پنسار کی دوکان سے مل جائے گا)
ترکیب اور طریقہ استعمال
بسکھپرا بوٹی کو پھول ، پتوں اور ڈنڈی سمیت کونڈے میں کوٹ لیں ۔اس کو کوٹنے پر اس کا پیسٹ سا بن جائے گا۔ اس پیسٹ میں سیاہ سرمہ شامل کر لیں اور اس کو خشک ہونے کے لیے رکھ دیں ۔ سرمہ خشک ہو جائے تو کسی بھی شیشی میں ڈال لیں ۔ روزانہ رات کو سوتے وقت لگانے سے بینائی تیزہو جائے گی۔ایک ہفتہ میں نظر کافی حد تک ٹھیک ہو جائے گی۔اور ایک ماہ کے استعمال سے عینک تک اتر جائے گی۔
بسکھپراتازہ بوٹی کوٹ کر رس نکال لیں۔ اس میں سرمہ سیاہ کھرل کریں۔ سرمہ خشک ہو جائے تو شیشی میں ڈال دیں۔ روزانہ کے استعمال سے بینائی تیز ہوجائے گی۔
ہومیو پیتھی میں سنیریا میری ٹیما
Cineraria Maritima
نامی دوا جو سلور ریگورٹ
Silver Ragwort
نامی پودے کے عرق سے بنائ جاتی ہے کو بینائ کی بحالی اور موتیا وغیرہ کے امراض میں استعمال کیا جاتا ہے۔ اس پودے کے تازہ پتوں کا عرق صدیوں سے آنکھوں کی مختلف بیماریوں کے لئے استعمال ہوتا آیا ہے۔ اس دوا کا مستقل استعمال آنکھوں کو صحتمند اور بینائ کی حفاظت کرتا ہے۔ اس کے لئے آپ شوابے جرمنی کی ڈراپس
Cineraria Maritima Schwabe Eye Drops
استعمال کیجئے۔
بینائ کی مشقیں:
دراصل ہمارے اندر نظر کا ’’فوکس‘‘ خراب ہوجاتا ہے‘ عینک کے لینز اسی فوکس کو قائم کردیتے ہیں جس کی وجہ سےنظر ٹھیک آنے لگتا ہے۔ لیکن اگر ہم کسی بھی طریقے سےنظر کے فوکس کو ٹھیک کرلیں تونظر کی کمزوری بھی ٹھیک ہوکر عینک اتر جاتی ہے۔ اگر کچھ احتیاطی تدابیر اختیار کی جائیں‘ کچھ مشقیں کی جائیں اور علاج کرلیا جائےتو نظر کی کمزوری لامحالہ ٹھیک ہوسکتی ہے۔مندرجہ ذیل علاج مروجہ طریقوں سےہٹ کر ہے۔ نظر کی کمزوری دور کرنے کا فارمولا یہ ہے:۔
موٹے اور چکنے کاغذ پر دو گول دائرے بنائے جائیں۔ ایک دائرےمیں سرخ رنگ بھرلیں اور دوسرے میں نیلا رنگ۔ اب اس کاغذ کو کسی گتے‘ ہارڈبورڈ‘ فارمیکا وغیرہ پر چپکا کر سامنے آنکھوںکے برابر دیوار وغیرہ پر لٹکالیں۔یہ خیال رہےکہ دائروں والا یہ چارٹ آنکھوں کے بالکل سامنے لیول پر لٹکا ہوا ہو۔ اب پہلے سرخ رنگ کے دائرے کو دس منٹ دیکھیں اور پھر نیلے رنگ کے دائرے کو دس منٹ۔ کوشش کریں کہ دیکھتے ہوئے آنکھ نہ جھپکے۔ تاہم پہلے پہل آنکھ جھپک بھی جائے تو کوئی حرج نہیں۔بس آپ دائروں کو دیکھنے کی پریکٹس کرتے رہیں۔ دوران پریکٹس آنکھیں جھپکتی ہوں توجبر نہ کریں آپ صرف ہلکی پھلکی کوشش جاری رکھیں کہ ٹکٹکی بندھی رہے۔ چند ہی روز میں نظر میں ٹھہراؤ پیدا ہونا شرو ع ہوجائے گا۔ یہاں تک کہ دس دس منٹ آپ پلک جھپکائے بغیردائروں کو دیکھ سکیں گے۔
دوسرا کام یہ کرنا ہے کہ طلوع آفتاب سے پانچ منٹ قبل کسی ایسی جگہ کھڑے ہوجائیں یا بیٹھ جائیں کہ جہاں سے سورج نکلتا ہوا نظر آئے۔ اب سورج نکلنے والی فضا کو دیکھتے رہیں جونہی سورج کی نارنجی ٹکیہ افق سےنمودار ہونا شروع ہو تو اس کو تیس سیکنڈ تک دیکھیں اور پھر وہاں سےہٹ جائیں۔ سورج افق سےبلند ہوجائے تو اسے ہرگز نہ دیکھیں۔ سورج کی نارنجی ٹکیہ کو آدھ منٹ (30 سیکنڈ) سے زیادہ دیکھنا قطعی منع ہے۔ جس روز بادل ہوں اس روز صرف اس فضا کو دیکھتے رہیں کہ جہاں سے سورج نکلنےکی جگہ ہے۔ طلوع آفتاب کے وقت سورج کی شعاعیں بہت نرم ہوتی ہیں تاہم ایک منٹ کے بعد تیز ہونا شروع ہوجاتی ہیں۔ نرم شعاعیں نظر کو صحت دیتی ہیں لیکن جب لہروں اور شعاعوں میں تیزی آجاتی ہے تو یہ نقصان دیتی ہیں۔
تیسرا کام یہ کریں کہ صبح نو دس بجے تا شام تین چار بجے تک آسمانی شیشوں والی عینک استعمال کریں۔ عینک نظر کی ہو یا سادہ لیکن شیشوں کارنگ بالکل ہلکا آسمانی ہو۔
رات سوتے وقت پابندی سے پائوں کے تلووں میں خالص سرسوں یا مالکنگنی کے تیل کی مالش سے بھی بینائ بہتر رہتی ہے۔
اور اگر یہ سارے جھنجھٹ نہیں پالنے اور اگر عینک زیادہ ہی نا پسند ہے تو ریفریکشن یا لیسک سرجری کروا لیں۔ آجکل عام ہے۔ لیکن اس کے بعد بھی کافی احتیاطیں کرنی پڑتی ہیں۔
اگر آپ نظر کی کمزوری دور کرنے کا کوئ مجرب نسخہ جانتے ہیں تو کمنٹس میں شیئر کیجئے۔
یہ تحریر فیس بُک کے اس پیج سے لی گئی ہے۔
