یہ آرٹیکل ان لوگوں کے لئے رہنمائی کا کام کریں گا جو لوگ نئے ہیں اور پولٹری فارم کا کاروبار شروع کرنا چاہ رہے ہیں۔ پولٹری فارم ایک نہایت منافع بخش کاروبار ہے اور یہ کاروبار اپنی مثال آپ ہے۔ اکثر لوگ پولٹری فارم کا کاروبار اپنی آمدنی بڑھانے کے لئے کرتے ہیں۔
پولٹری فارم کے کاروبار سے مراد ایسا کاروبار جس میں حلال اور کھائے جانے والے پرندوں کو گوشت کی پیدوار کے لئے یا ان کے انڈے حاصل کرنے لئے گھریلو یا تجارتی پیمانے پر پالے جاتے ہیں۔ لیکن اس آرٹیکل میں مرغیاں پالنے کے حوالے سے پولٹری فارم کا کاروبار کرنے کے لئے رہنمائی ملے گی۔ مرغی دوسرے جانوروں کی نسبت سستا ذریعہ ہے گوشت اور انڈوں کی پیدوار کے ساتھ ساتھ پروٹین وغیرہ حاصل کرنے کا۔ اور مرغیاں انسان کی غزا کا ایک اہم جزو بن چکی ہے۔ گھریلو اور چھوٹے پیمانے پر مرغیاں پالنے سے ایک خاندان کے لئے گوشت اور انڈے وغیرہ ملنے سے پروٹینز وغیرہ کی ضرورت پوری ہو جاتی ہے۔ لیکن بڑے اور تجارتی پیمانے پر مرغیاں پالنے سے آمدنی میں اضافے کا ایک بہترین ذریعہ بنتا ہیں۔ یہی وجہ ہے کہ آج کے اس جدید دور میں بھی چھوٹے اور بڑے پیمانے پر مرغیاں پالنے کا کاروبار کیا جا رہا ہیں۔ پولٹری فارم کا کاروبار ان لوگوں کے لئے بہترین ہے جن کو پرندوں اور جانور پالنے کا شوق ہوتا اور وہ ان کے باڑے میں آسانی سے رہ سکتےہیں۔ پولٹری فارم کا کاروبار ایک منافع بخش کاروبار ہے اگر آپ اس کو اچھے طریقے سے چلا سکے اور پولٹری فارم کے پرندوں کی اچھی دیکھ بھال کر سکیں۔اپنے پولٹری فارم کے کاروبار کو شروع کرنے لئے تمام طریقہ کار پر مرحلہ وار عمل کریں۔ پولٹری فارم کا کاروبار شروع کرنا بہت آسان ہے لیکن اس میں روزمرہ کے بہت سے کام ایک ہی وقت پر کئیے جاتے ہیں پولٹری فارم کا کاروبار بہت زیادہ سرمایہ کاری مانگتا ہے۔ آپ اپنی مدد آپ کے تحت سرمایہ کاری کے لئے رقم اکھٹی کر سکتے ہیں یا پھر کسی بنک سے قرضہ لے سکتے ہیں۔ حکومتی اور پرائیویٹ دونوں سطع پر پولٹری فارم کا کاروبار کرنے کے لئے قرضہ دیا جاتا ہے۔ آپ اپنے پسند کے بنک سے قرضہ حاصل کرنے کے لئے رابطہ کر سکتے ہیں۔ آپ اس کاروبار میں نئے ہیں اس لئے کوشش کریں کہ کم سے کم پرندوں کے ساتھ اپنے کاروبار کا آغاز کریں۔ اس سے رقم کی ضرورت کم سے کم پڑئے گی پولٹری کے پرندوں کی صنعت کی بات کریں تواس کی وصت بہت زیادہ ہیں۔ لیکن عام طور پر پولٹری کے پرندوں کودومقاصد کے طورپرپالا جاتا ہے۔ ان میں ایک مقصد گوشت کی پیداروار یعنی برائلر(broiler) اوردوسرا انڈوں کو حاصل کرنے کے لئے(layer) پالا جاتا ہے۔ اور اس کے علاوہ انڈوں میں سے پرندوں کے پچے نکلونا (incubating the eggs) اور بچوں کو پال کر کھانے یا فروخت کرنے لائق بنانا بہت سارے لوگ پولٹری کے پرندوں کا کام کرنے والے ایک ہی وقت میں بہت سارے حلقوں / شعبوں میں کاروبار کر رہے ہیں۔ اگرآپ ان لوگوں کی طرح تمام حلقوں / شعبوں میں اپنا کاروبار کرنا چاہتے ہیں تو شروعات میں آپ کو ایک یا دو حلقوں / شعبوں میں سخت محنت کر کے مکمل مہارت حاصل کر لینی چائیے۔ پولٹری کے پرندوں کے حوالے سے چند حلقے یا شعبے درج ذیل ہیں۔
گوشت کی پیداوار کے لئے پرندہ پالنا – (broiler breeding)
انڈے دینے کے لئے پرندے پالنا – (layer breeding)
پولٹری کے پرندوں کے لئے خوراک (فیڈٌ) تیار کرنا
پولٹری کے انڈوں سے بچے نکوانا – (Hatchery)
انڈوں اور گوشت کو محفوظ کر کے فروخت کرنا
پولٹری فارم کے لئے جگہ کا انتخاب اور موذوع بنانا:
پولٹری فارم کے کاروبار کے لئے مناسب جگہ کا انتخاب بہت اہمیت رکھتا ہے۔ آپ کو ایسی جگہ کا انتخاب کرنا چائیے جہاں ساری سہولتیں میسر ہوں اور آپ آسانی سے کاروبار کر سکیں۔ یہ شہر یا آبادی سے تھوڑے فاصلے پر ہونا چائیے جہاں پولٹری فارم کے لیے زمین سستی ملنے کے ساتھ ساتھ مزدوری پر بھی زیادہ لاگت نہ آئے۔ لیکن شہر یا آبادی سے زیادہ دور پولٹری فارم مت بنائے کیونکہ آخر آپ نے شہر یا آبادی میں آکر ہی اپنے پولٹری فارم کی مصنوعات کو فروخت کرنا ہے۔ اور نہ ہی شہری یا آبادی کے اندر پولٹری فارم بنائے کیونکہ پولٹری فارم کے پرندوں کے گند سے گندی اور نہ پسندیدہ بدبو آتی ہے۔ ایسی جگہ کا انتخاب کریں جہاں سے آپ آسانی سے نقل وحمل (transportation) کرنے کے ساتھ ساتھ پرندوں کے لئے ادویات بھی آسانی دستیاب ہوسکے۔
پولٹری فارم پر مرغیوں کے لئے باڑہ یا شیڈ بنانا :
پولٹری فارم کے لئے جگہ کے انتخاب کے بعد اپنے پرندوں کے لئے اچھا سا باڑہ یا شیڈ بنائے۔ اس بات کا لازمی دھان رکھیں کہ پرندوں کے لئے بنائے گئے باڑے یا شیڈ میں تمام ضروری سہولتیں میسر ہیں یا نہیں۔ پولٹری فارم پر باڑہ یا شیڈ پرتقریباً تین طرح سے بنائے جاتے ہیں۔ جو درج ذیل ہیں۔
کھلے آسمان تلے اور دور تک پھیلا ہوا یا وسیع پیمانے پرپرندوں کو پالنا – (Extensive Farming) ۔
کچھ حصے میں شیڈ بنا کر اور کچھ حصہ کھلے آسمان تلے پرندوں کو پالنا – (Semi-Intensive Farming) ۔
باڑہ یا شیڈ میں پرندوں کو پالنا – (Intensive) ۔
تجارتی پیمانے پر پرندوں کو پالنے کے لئے باڑہ یا شیڈ بنا کر پالا (Intensive Farming) جاتا ہے۔ آپ پرندوں کو پنجرے میں یا زمین پر دونوں طرح سے پال سکتے ہیں۔ گوشت کی پیداوار کے لئے (برائلر) مرغی کو تقریباً آڑھائی (2.5) مربع فٹ جگہ چائیے ہوتی ہے اور انڈے دینے والی مرغی (Layer chicken) کو تقریباً چار (4) مربع فٹ جگہ چائیے ہوتی ہے۔
مثال کے طور پر آپ تقریباً 200 انڈے دینے والے مرغیاں پالنا چاہ رہے ہیں۔ تو اس کے لئے آپ کو 800 مربع فٹ جگہ چائیے ہو گی۔ اگر مرغیوں کو پنجرے میں پال رہے تو تقریباً 4 مربع فٹ جگہ ایک مرغی کے لئے درکار ہوگی۔ باڑہ یا شیڈ میں روشنی کا مناسب اتنظام کرنے کے ساتھ ساتھ ہوادار بنانا نہ بھولیں۔
پولٹری فارم کے لئے سازوسامان :
پولٹری فارم کے لئے کچھ ضروری سازوسامان (equipment) چائیے ہو گے۔ ان کو آپ اپنی مرضی کے ڈیزائن اور بازار سے خرید سکتے ہیں۔ ایک پولٹری فارم میں پرندوں کو پالنے کئے درج ذیل چیزوں کی ضرورت ہوگی جو فہرست میں دئیے گئے ہیں
خوراک دینے والے برتن – (Feeders)
پانی والی بولتیں – (Waterers)
گھونسلے – (Nests)
پنجرے – (Cages)
ڈبہ یا ٹوکرا – (Coop)
لکٹری کے کریٹس – (Crates)
انڈے سینے والی مشینیں – (Incubator)
انڈرے رکھنے والی ٹرے – (Egg tray)
روشنی کے لئے بلب وغیرہ – (Lighting instruments)
پرندوں کے لئے بیٹھنے کے لئے – (Perches)
پرندوں کو گرم رکھنے کے لئے ہیٹرز – (Heaters)
ہوادار بنانے کے لئے پنکھے – (Ventilation System)
کچرا پھکنے کے لئے – (Waste disposal system)
پولٹری فارم پر مزدور :
پولٹری فارم پر پالے جانے والے پرندوں کی تعداد کے مطابق مزدوروں کی ضرورت ہوتی ہے۔ اگر شروع میں آپ 200 سے 500 تک پرندا پالنا چاہ رہے ہیں تو اس کے لئے آپ کو کسی مزدور کی ضرورت نہیں ہے بلکہ یہ سارا کام آپ آسانی سے خود ہی کر لیں گے۔ اگر آپ اس سے زیادہ پرندے پالنے کا منصوبہ رکھتے ہیں تو اس کے لئے آپ کو مزدوروں کی ضرورت ہو گی۔ اس بات کا دھان رکھے کہ مزدور آپ کو سستے داموں میں مل جائے۔
پولٹری فارم کے لئے چوزوں کی خرید :
سب کچھ تیار کر لینے کے بعد کسی اچھے اور قابل اعتماد پولٹری فارم سے چوزوں کو خریدیں۔ چوزوں کو فارم پر لانے سے پہلے فارم کے درجہ حرارت کو چوزوں کے لئے مناسب بنائے۔ اگر آپ اس کاروبار میں نئے ہیں تو ایک دن کے چوزے سے شروعات کرنا بہ بانسبت بڑئے چوزوں کے مناسب رہے گا۔ اور اگر آپ اس کاروبار کے اصول و ضوابطوں کے بارئے میں بلکل نہ وقف ہیں تو آپ کم سے کم چوزوں سے شروعات کریں۔ جن کی تعداد 500 سے بلکل بھی زیادہ نہ ہو۔
پولٹری فارم کے پرندوں کے لئے خوراک :
پولٹری فارم کے پرندوں کے لئے خوراک سب سے اہم جزو ہوتا ہے۔ باڑہ یا شیڈ بنانے کے ساتھ ساتھ سازوسامان اور چوزوں کی خرید کے بعد چوزوں کی خوراک کے لئے سب زیادہ سرمایہ چائیے ہوتا ہے۔ کل خرچ کا تقریباً 70% پرندوں کی خوراک کے لئے چائیے ہوتا ہے۔ اور اس کاروبار میں کامیابی کا سہرا اچھی اور مناسب خوراک پر ہوتا ہے۔ آپ بازار سے مختلف اجزاء خرید کر پرندوں کے لئے اپنی خود کی خوراک بنا سکتے ہیں یا پھر بازار سے بنی بنائی خوراک بھی خرید سکتے ہیں۔ بازار میں تقریباً ہر پرندے کے لئے مختلف طرح کی خوراک دستیاب ہوتی ہیں۔ خوراک کے حوالے سے مزید تفصیل جاننے کے لئے نیچے دئیے گئے ویب سائیٹ کے پیجز کو پڑھے۔
نوٹ: اپنے پولٹری فارم پر اپنے پرندوں کو ایسی خوراک دیں جو آپ کے پرندوں کے ساتھ ساتھ انسانوں کی صحت لئے مفید ہو۔ زیادہ منافع کے کوشش میں آپ جانے انجانے میں انسانی صحت کے ساتھ تو نہیں کھیل رہے۔ اس بات کا لازمی خیال رکھیں۔ اوراس بات کو لازمی ذہن نشین رکھیں کہ قدرت کا قانون ہے کہ جو بیج بو رہے ہو وہ کاٹنا ضرور ہے۔ دوسروع کو خیال کرو گے تو اللہ آپ کا خیال کریں گا ورنہ اس کو آپ کی کوئی پراہ نہیں۔ کیونکہ کہ آپ کو اس کی پیداکردا مخلوق کی پرواہ نہیں۔
گوشت کی پیداروار (برائلر) کے لئے خوراک
انڈے دینے والی پرندے کے لئے خوراک
پولٹری فارم کے پرندوں کی صحت کا خیال :
جیسا کہ پہلے بتا چکے ہیں کہ ایسی جگہ کا انتخاب کریں جہاں سے پرندوں کے لئے آسانی سے ادویات دستیاب ہو۔ پولٹری فارم کے پرندوں کو مختلف طرح کی بیماریاں لگتی ہے جن کے لئے آپ کو تیار رہنا چائیے۔ ہم جانتے ہیں کہ پرہیز علاج سے بہتر ہے۔ لیکن پھر بھی پرندوں کے دیکھ بھال کے ساتھ ساتھ ان کی اچھی صحت کے لئے صاف ستھرا ماحول ہونا لازمی چائیے۔ اپنے پرندوں کو تازہ اور صاف پانی مہیاکریں اور ان کو صاف ستھری اور تازہ خوراک دیں۔ اگر آپ بازاری خوراک دے رہے تو اس پر دی گئی ہدایات کو غور سے پڑھ لیں اور اس کے استعمال کی میاد ختم (expiry date) کو لازمی دیکھ لیں۔ پولٹری فارم کے پرندوں کو وقت پر وٹامنز اور ادویات دیں۔ اور کچھ ادویات اپنے پاس ذخیرہ کر لیں تاکہ بروقت کام آسکیں۔
پولٹری فارم کی مصنوعات کو فروخت کرنا :
پولٹری فارم کی مصنوعات کو فروخت کرنے کے لئے بہتر منصوبہ بندی کر کے فروخت کیا جائے تو اس سے اچھا منافع حاصل ہوتا ہے۔ اگر آپ بازار میں آسانی سے اپنی مصنوعات کو فروخت کر سکتے ہیں تو اس سے آپ کی حوصلہ افزائی ہو گی اور آپ زیادہ محنت کریں گے۔ پولٹری فارم کے کاروبار کو شروع کرنے سے پہلے شہر یا آبادی میں پولٹری فارم کی مصنوعات کے حوالے سے جائزہ ضرور لے لیں اس سے کاروبار کرنے میں آسانی رہے گی۔ اگر آپ اپنی مصنوعات کو آسانی سے فروخت نہیں کر پائے گے تو آپ کو اچھا منافع حاصل نہیں ہو گا۔
تجزیہ :
مجھے اُمید ہے اس آرٹیکل کے ذریعے آپ کو اپنے پولٹری فارم کا کاروبار کرنے میں ضرور راہنمائی ملیں گئ۔ کوشش کریں کہ پولٹری فارم کا کاروبار شروع کرنے سے پہلے اس کے بارے تفصیل سے علم حاصل کریں اور دوسرے پولٹری فارمز کو ضرور دیکھیں کہ وہ اپنا کاروبار کیسے کر رہے ہیں اور ان کے انتظامات کے بارے میں جاننے کی زیادہ سے زیادہ کوشش کریں۔ اس سے آپ کو بہت کچھ سیکھنے کو ملے گا
