نویں آں وکیل اسیں جونئیر کہلانے آں
دو سو روزانہ گھروں منگ کے لیانے آں
بارہ بجے ڈیڑھ سو روپیہ جاندا مُک اے
گھراں آلے کہندے تہاڈا روزانہ دا کی تُک اے
چھڈّوں اے وکالتاں دوکان کوئی چلاندے آں
نویں آں وکیل اسیں جونئیر کہلانے آں
کادیاں وکالتاں آنے آں تے جانے آں
ٹکے دی نئی آمدن جُتیاں کسانے آں
فیس دین آلا کوئی گاہک ہلے آندا نہیں
سنئیر تے سانوں کوئی چاہ وی پلاندا نہیں
مفت اچ کام اسیں لوکاں دے کراندے آں
نویں آں وکیل اسیں جونئیر کہلانے آں
منتاں جے کر کر ووٹ پاویں منگے نے
سیکرٹری تے صدر آلے عہدے بڑے چنگے نے
جج کولے جانا ہووے جاندے اے ڈائرکٹ نے
ایناں دے جے کم ہون ہوندے اوہ کریکٹ نے
اسیں وی کوئی بندہ ہُن صدر تے لیاندے آں
نویں آں وکیل اسیں جونئیر کہلانے آں
ریڈر دا اے کام جیہڑا سارے آں توں ٹھیک اے
پیشی کوئی لینی ہووے ایک سو فیس اے
کم کوئی اوکھا ہووے فیس فیر ودھا لو
جیہڑا جج نہ کرے کم اوہ کرا لو
سٹینو نوں وی سو دے کے آرڈر اوہ بنانے آں
نویں آں وکیل اسیں جونئیر کہلانے آں
جونئیر توں منشی تے علمند چنگے نے
ہر آندے جاندے کولوں دس وی منگے نے
پنج سو چھاپ دے نے اپنا اوہ دیہاڑی دا
جونئیر نوں ہوندا ڈیلی مسئلہ سواری دا
مفت اچ سنیئر تو چرکاں وی کھاندے آں
نویں آں وکیل اسیں جونئیر کہلانے آں
فی میل وکلا نے رولا چنگا پایا اے
جیہڑے جج کولے گئیاں ہس کے وکھایا اے
جج صاحب ہوراں کیس ڈگری فرما تا
مخالف سی وکیل جیہڑا اوہدا بھیرا بھا تا
اسیں وی کوئی کُری اپنے نال رلانے آں
نویں آں وکیل اسیں جونئیر کہلانے آں
سنیئر جے سانوں کوئی کرایہ بھارا دیں تے
جج صاحب تھوڑا جیا کمیشن جے کہن تے
ریگولر اسیں فیر آندے جاندے رواں گے
اسیں آں وکیل نالے لوکاں نوں وی کہواں گے
ساریاں نوں طاہر اج نظم سنانے آں
نویں آں وکیل اسیں جونئیر کہلانے آں
جج نے کمیشن لئی کمیشن جے مُکایا اے
بنانا اے کمیشن اوہنے سیکرٹری سدایا اے
صدر صاحب جیہڑا میں بنایا تہدا بندا اے
ہنیں جا کے ملوں اوہنوں آدھو آدھ چندہ اے
وو لین لئی ہن گھرو گھری جانے آں
نویں آں وکیل اسیں جونئیر کہلانے آں
میترو پنجاب دیو کام کوئی کرا دیو
وکلا نوں دو چار سہولتاں دوا دیو
سیٹاں اسیں لئیے جے تے مہنگیاں نے بہتیاں
قسطاں تے سانوں کوئی سیٹاں ای دوا دیو
ہیلتھ لئی ساڈا وی کوئی کارڈ ہونا چاہیدا
اک ادھی کوئی سانوں بس تاں جلوا دیو
آن جان لئی اسیں اوکھے بڑے ہونے آں
نویں آں وکیل اسیں جونئیر کہلانے آں
