میرے شیر دیاں کیا باتاں نے
ایتھے ون سونیاں ذاتاں نے
اسی سارے منگدے ہاں خیر جی
ایتھے تیلی، موچی، مہر جی
انصاریاں لائیاں لُماں نے
جتھے لگدے دن تے راتاں نے
میرے شہر دیاں کیا باتاں نے
ایتھے انت نئی کوئی جیباں دے
ایتھے مسلئے کرن حبیباں دے
ایتھے لیڑے لان غریباں دے
ایتھے سچیاں پڑھدے نعتاں نے
میرے شہر دیاں کیا باتاں نے
ایتھے دے لوگ بڑے ہشیار نے
ایسے ہیں یاراں دے یار نے
اے نظراں پھیر دے اس طراں
جس طراں پھردی کوئی تلوار جے
ایدے سوہنے آٹھ بازار جے
جگ مگ کریاں لائٹاں لگن
جیویں فیر آیاں شبراتاں نے
میرے شہر دیاں کیا باتاں نے
ایتھے کھوکھراں نال کموکے لاگے چڈے نے
لڑ پین چھوٹے بال تے آندے وڈے نے
بڑی کر کے گل پرانی چھڈی ماتا نے
میرے شہر دیاں کیا باتاں نے
ایتھے پھلاں دے نال خار وی نے
ایتھے چیراں لاگے ڈار وی نے
ایتھے فنکاراں وِچ کمہار وی نے
ایتھے باجے نال چڑھن باراتاں نے
میرے شہر دیاں کیا باتاں نے
ایتھے وکھری بستی عیسائیاں دی
جتھے چلدی تڑی قصائیاں دی
کیا بات ایتھوں دے نائیاں دی
جیہڑے حجامت کرن بھرائیاں دی
ایتھے ایہو جئیاں وی قوماں نے
پُچھ لیندیاں ایتھے کی ہویا
جتھے لگیاں ہوں کناتاں نے
میرے شہر دیاں کیا باتاں نے
ایتھے لوہار ترکھان وی گھٹ نے
ایتھے ذات بدلدے چٹ نے
سیداں نال پھردے بٹ نے
ایتھے جیلاں دے وچ جٹ نے
منہ متھے لگدیاں بڑھیاں نوں
دے چھڈدے شیخ زکوٰتاں نے
میرے شیر دیاں کیا باتاں نے
ایتھے رانے رول فقیر وی نے
گل کر چھڈدے اخیر دی نے
ایتھے گجر چوندے دودھ جی
فیر ماری جاندی بدھ جی
اک کلو دا دے کے تین پاء
فیر پچھے ویکھے پھاتاں جی
میرے شہر دیاں کیا باتاں نے
ایتھے چیمے، چوہان تے گِل وی نے
دے چھڈدے کسے نوں دل وی نے
نئی لیندے اودا بل وی نے
لا چھڈدے پُٹھی چھل وی نے
ایتھے سنیاریاں نال بھروالے نے
اُتوں گورے اندروں کالے نے
چھڈ زُلفی کسے تے گِلہ کی کرنا
سب مکسچر ہویاں ذاتاں نے
میرے شہر دیاں کیا باتاں نے
“
