آ میں تیکوں تھل گھن جلاں
اتھاں تیکوں پتہ لگسی
سجھ دا سینہ تھل دا سینہ
ہکو جتلا تتا ہوندے
تھل دے کھگل ککر بیریں
اینویں لگدن جیویں
کہیں شمشان دے اندر
دھواں داری تھیندی پئی ءے
آ میں تیکوں تھل گھن جلاں
اتھاں تیکوں پتہ لگسی غربت کیا ہے
تھل دے واسی اللہ راسی
پیلے ذرد دھنواک دے مارے
چہرے چا کے ٹردے ودن
کنڈو رانڑے سرو ننگے
جتی کوئنی
پیراں تلے شاپر بھن کے
تھل دی ریتڑ جھاگدے ودن
آ میں تیکوں تھل گھن جلاں
تھل دا تیکوں مال ڈکھاواں
بھیڈاں دنبے بکریاں گانواں
اینویں سکین
جینویں سکی پنڈ دی ککھاں
بھک تے تس توں باک نی سنگدیاں
ٹر نی سنگدیاں
لیٹیاں پئین
آ میں تیکوں تھل گھن جلاں اتھاں تیکوں پتہ لگسی
پانڑی کتنی قیمتی شئے ءے
تھل دے ٹوبھے تل تائیں سکے
مینہہ دی آس ءچ
تھوڑے تھوڑے ساہکدے پئے ہن
متاں کیہں ڈہینہ بارش تھیوے
بوئیاں لانڑے تلہڑ دربھے
کتنیاں منتاں منی کھڑن
آ میں تیکوں تھل گھن جلاں
کیوں گھن جلاں
تیڈا کم نئی موت کوں ڈیکھنڑ
تیڈا بیٹ سلامت راھووے
اللہ کرے
میں ھاں تھل دی
میڈا تھل ءے
اللہ حافظ
ایہہ تحریر فیس بُک دے ایس پیج توں لئی گئی اے۔
“
