میں اور سائرہ۔۔۔۔ایک کہانی
ہر طرف خاموشی تھی ۔۔۔۔۔چاروں اطراف کینڈل لائیٹس کا بسیرا تھا ۔۔۔۔۔۔۔۔ٹیبلز انواع و اقسام کے کھانوں سے مزین تھے ۔۔۔۔۔۔۔۔۔کنیرڈ کالج کے بلکل سامنے ۔۔۔۔نئیرنگ آرٹ گیلری کے کیفے۔۔۔۔۔۔۔میں خوبصورت دماغوں اور پریوں نے دلکش میلہ سجایا ہوا تھا ۔۔۔۔۔۔۔۔۔۔۔۔۔۔۔آرٹ گیلری دلکش پینٹگز سے مسکرا رہی تھی ۔۔۔۔۔۔نایاب گیلری کے چاروں اطراف دلکش رنگ برنگی برقی قمقمے قہقہے بکھیررہے تھے ۔۔۔۔۔۔۔یہ برقی قمقمے آرٹسٹوں کے آرٹ کو مزید دلکش اور خوبصورت بنا رہے تھے ۔۔۔۔۔۔۔۔حسن اور خوبصورتی تھی کہ ہر طرح سے مجھے اور اسے ورغلا رہی تھی ۔۔۔۔حسین لڑکے اور لڑکیوں کا کینڈل لائیٹس میں روح پرور رومانس اور ان کے بیچ و بیچ ادیبوں کا میلہ ۔۔۔۔واہ کیا رونق تھی ۔۔۔۔۔رومانوی جوڑیوں کے ٹیبلز پر مغربی مشروبات جبکہ ادیبوں کے ٹیبلز پر چائے ۔۔کافی۔۔۔چل رہی تھی ۔۔۔۔۔۔۔ہلکی آواز میں موسیقی دلوں کو چھو رہی تھی ۔۔۔۔ایسے محسوس ہوریا تھا جیسے ہم واقعی کسی خیالی تخلیقی جنت کے خوبصورت حصے میں آچکے ہیں ۔۔۔۔۔۔کافرانہ ادائیں ۔۔کافرانہ خیالات اور کافرانہ ،قاتلانہ حسین چہرے،پراسرار خاموشی میں دھیمے لہجے میں بولتے نوجوان لڑکے لڑکیاں اور ادیب ۔۔۔۔۔۔۔۔۔۔۔۔واہ کیا منظر تھا ۔۔۔نئیرنگ آرٹ گیلری کا ۔۔۔۔۔۔۔مجھے اور اسے کسی ایسی جگہ کی ضرورت تھی ۔۔۔۔پتہ نہیں کیوں اور کیسے وہ مجھے اپنے ساتھ اس آرٹ گیلری میں لے آئی تھی ۔۔۔۔۔۔۔۔۔۔تازگی اور دلکشی چیختی چلاتی نظر آرہی تھی ۔۔۔۔۔۔۔ہم دونوں کینڈل لائیٹس سے مزین ایک ٹیبل کے آمنے سامنے پڑی دو کلاسیکل کرسیوں پر براجمان ہوگئے ۔۔۔۔۔وہ میرے سامنے بیٹھی خاموشی سے مسکراتی نظر آرہی تھی ۔۔۔۔۔۔موم بتیوں سے نکلتی فطری روشنیوں میں اس حسین و جمیل ۔لمبی پتلی لبرل خاتون کا چہرہ چمکتا نظر آرہا تھا اور میں اس کی کافرانہ اداؤں میں ڈوبا ہوا تھا ۔۔۔۔۔۔وہ جب بولتی تو میں اس کے سحر میں ڈوب جاتا ۔۔۔۔وہ جب مسکراتی اور اس کے ہونٹوں اور دانتوںٕ کی سفیدی میری آنکھوں سے ٹکڑاتی تو میری روح وجدانی کیفیت کا شکار ہوجاتی ۔۔۔۔۔۔اس کا مسکرا کر کھکلا اٹھنا مجھے بیقرار کر رہا تھا ۔۔۔لیکن یہ ایسی نیقراری تھی جو مجھے روحانی سکون فراہم کررہی تھی تھی ۔۔۔۔۔۔۔رومان زدہ اس ماحول میں محبت ،امن ،پیار اور عشق کا بسیرا تھا ۔۔۔میں ملامتی صوفی کے روپ میں شیطانی سرور کا مزہ لے رہا تھا ۔۔۔۔۔ہم دونوں کی سامنے والی ٹیبل پر ادیب گفتگو کررہے تھے تھے ۔۔۔۔۔میں اور وہ رومانوی ماحول کو فراموش کرکے ادیبوں کی گفتگو کی دنیا کا حصہ بن گئے ۔۔۔ایسا کیوں اور کس طرح ہوا ۔۔ہم دونوں کو معلوم نہ ہوسکا؟ان ادیبوں میں ایک خاتون ۔۔۔۔ایک نوجوان اور دو بوڑھے تھے ۔۔۔نوجوان جدید دور کا منٹو محسوس ہورتھا ۔۔۔سفید کلاسیکل لباس ۔۔۔بڑی بڑی زلفیں اور پرانے زمانے کی عینک ۔۔۔۔۔۔نوجوان ادیب کے رنگ و ڈھنگ ہی نرالے تھے ۔۔۔۔۔۔شاید ان چاروں کے درمیان بحث کا موضوع تھا ۔۔۔۔کتاب سے محبت بھی شدت پسند سوچ کو بڑھاوا دے رہی ہے ۔۔۔۔۔ان کی ادبی سوچ اور خیالات کو ہم دونوں غور سے سننے لگے ۔۔۔۔۔۔۔۔کہیں روشنی اور کہیں سوچتا اندھیرا ۔۔۔۔۔ہم دونوں خاموشی سے سوچنے والے انسانوں کی سوچ کے عشق میں مکمل طور پر مبتلا تھے ۔۔۔۔۔۔۔۔۔بوڑھا ادیب کہہ رہ تھا ۔۔۔۔۔حضور والا اس وطن میں پچاس فیصد روحیں تعلیم سے محروم ہیں ۔۔۔۔۔جبکہ جو نام نہاد تعلیم یافتہ بھی ہیں وہ بھی جاہلوں سے بڑھ کر جاہل ہیں ۔۔۔۔انتہا پسندی ۔۔۔دہشت گردی ۔۔۔ان نام نہاد پڑھے لکھے لوگوں کی وجہ سے پھل پھول رہی ہے ۔۔۔۔تعلیم یافتہ جاہل ان پڑھ جاہلوں سے زیادہ خطرناک ہو چکے ہیں ۔۔۔۔ان جاہلوں کے قلم سے نکلے الفاظ پاکستان کے انسانوں کو بندوق اور نفرت کی طرف مائل کررہے ہیں ۔۔۔۔۔یہ ڈیجیٹل زمانہ بھی ہمارے معاشرتی ماحول اور اس کی فطرت کو تبدیل کرنے میں ناکام ہو چکا ہو ۔۔۔۔۔۔۔۔۔۔پاکستان اور دنیا میں کوئی ایسا دہشت گرد نہیں جو چٹا ان پڑھ ہو ۔۔۔۔۔۔ہر دہشت گرد پر تعلیم کا اثر ہوتا ہے ۔۔۔۔۔کسی نہ کسی جاہل کے زہر آلود نظریئے ہی نے دہشت گردوں کا دماغ خراب کیا ہوا ہے ۔۔۔۔۔۔۔اس ملک کے تعیم یافتہ دماغ ۔۔۔ریاستی ادارے اور خود ریاست اپنے مفادات کے لئے مرضی کے انسان پیدا کررہے ہیں ۔۔۔۔۔یہی وجہ ہے کہ پاکستان میں شعور بھی درندگی کی کیفیت میں ہے ۔۔۔۔۔۔۔۔علمی بددیانتی کی وجہ سے دہشت گردوں اور انتہا پسند عناصر کی تعداد میں اضافہ ہورہا ہے ۔۔۔۔بوڑھا ادیب غصے کی کیفیت میں تھا ۔۔۔۔اونچی آواز میں اس نے کہا ۔۔۔۔۔۔۔۔:قران سے لکر اقبال اور قائداعظم تک کے خیالات ونطریات کو ہر ایرہ غیرہ اپنی مرضی کے مطابق ڈھال رہا ہے ۔۔۔۔افراد ادارے سب کے سب علمی بددیانتی میں ملوث ہیں ۔۔۔۔۔بوڑھے ادیب کے خاموش ہونے کی دیر تھی کہ سامنے والے دوسرے بوڑھے ادیب نے گفتگو کو آگے بڑھاتے ہوئے کہا ۔۔۔۔۔۔۔۔۔۔اب اس ملک میں کہاں روشن خیال اور ترقی پسند ادب چھپتا اور بکتا ہے ۔۔۔۔۔۔معقول سوچ پر مبنی کتابیں بھی اب خال خال ہی چھپتی اور بکتی ہیں ۔۔۔۔انتہا پسندانہ لٹریچر لاکھوں کی تعداد میں شائع ہو ریا ہے ۔۔۔اردو زبان اب انتہاپسندوں کی زبان بن چکی ہے ۔۔۔۔۔انتہا پسندانہ ۔۔۔۔فرقہ وارانہ لٹریچر اردو زبان کی بدصورتی کا سبب ہے ۔۔۔صرف ایک چھوٹا سا منافق روشن خیال طبقہ ہے جو انگریزی میں سوچتا لکھتا اور پرھتا ہے ۔۔۔۔۔۔بہت دیر سے خاموش بیٹھی خاتون بھی بحث میں الجھ پڑی۔۔۔۔تین مردوں میں گھری خاتون ڈرتے ڈرتے بولی ۔۔۔۔۔۔۔۔یہ وہ زمانہ ہے جب اردو ادب میں ایسا اب سامنے آرہا ہے جس میں صرف یہ بتایا جارہا ہے کہ کس طرح یہودی ۔۔۔ہندو اور باقی تہذیبی یافتہ دنیا پاکستان اسلام اور مسلم امہ کے خلاف سازش کررہے ہیں ۔۔۔کس طرح اسلام اور پاکستان کے خلاف سازشیں کی جاتی ہیں ۔۔۔اب اردو ادب میں ان نام نہاد ادیبوں۔۔۔کالم نویسوں کی تعداد بڑھتی ہی چلی جارہی ہے جو یہ لکھ رہے کہ پاکستان اور اسلام کو دنیا سے کتنا بڑا خطرہ ہے ۔۔۔۔۔پوری عمارت ہی اسی بنیاد پر تعمیر کی جارہی ہے ۔۔۔۔انتظار حسین۔۔۔۔فیض احمد فیض۔۔۔مجید امجد ۔۔۔ن م راشد ۔۔۔۔قصہء پارینہ بن چکے ۔۔۔۔نسیم حجازی سے متاثر نام نہاد تعلیم یافتہ ادیب ایسا ادب تخلیق کررہے ہیں جو عوام کی طبعیت کو تو خوش کررہا ہے لیکن ایسا ادب صرف اور صرف جہالت کی نشوونما کررہا ہے ۔۔۔۔۔ادبی میلوں کا رواج تقریبا ناپید ہوتا جارہا ہے ۔۔۔۔ساحر لدھیانوی اور ابن صفی کو اب کون کمبخت جانتا ہے ۔۔۔۔ترقی پسندانہ ادب اب اردو میں کہاں ملتا ہے ۔۔۔۔انیس اور دبیر کے مرثیوں سے ہماری نوجوان نسل کہاں واقف ہے ۔۔۔۔جدید ناول نگاری ۔۔۔۔اشتراکیت۔۔۔لبرل ازم پر اب کونسا ادیب لکھ رہا ہے ۔۔۔ایک زمانہ تھا جب اردو ان موضوعات سے اٹکی پڑی تھی ۔۔۔انیس سو اناسی میں جب روس نے افغانستان پر قبضہ کیا اور اس کے بعد انکل سام کی افغانستان میں آمد ہوئی ۔۔۔پھر تو پاکستان میں تمام خیالات و نظریات اور بیانیئے ہی امریکہ کی مرضی سے تخلیق کئے گئے ۔۔۔۔اس کے بعد ہی سے اردو ادب میں ۔۔۔۔خ سے خنجر آیا ۔۔۔۔۔۔ب سے بم آیا ۔۔۔۔۔۔۔۔پاکستان کا نصاب بھی پھر امریکہ کی مرضی سے بنا ۔۔۔۔امریکہ نے ایسے لوگ پیدا کئے جو کمیونزم کی ایسی تیسی پھیر سکیں ۔۔۔۔روس کو افغانستان سے بھگا سکیں ۔۔۔۔ستر کی دہائی میں کتاب میلوں میں دس فیصد مذہبی لٹریچر ہوتا تھا ۔۔۔اور نوے فیصد کتابیں تعلیمی یا سیکولر نیچر کی ہوتی تھی ۔۔۔اس دور کے میلوں میں فیض ۔۔۔۔سعادت ھسن منٹو ۔۔۔عصمت چختائی ساحر لدھیانوی کے خیالات خوب بکتے تھے ۔۔۔۔لیکن اب تو سب خلت ملت ہوگیا ۔۔۔گفتگو کا سلسلہ جاری تھا ۔۔۔سائرہ اور میں ادبی لوگوں کے سحر میں گرفتار تھے ۔۔۔ہم دونوں رومانس اور محبت کی چاشنی لینے آئے تھے لیکن یہاں تو اب معاملہ ہی مختلف تھا ۔۔۔۔رومانس کو بھول کر ہم ادب کے سحر میں قید تھے ۔۔۔۔۔۔چوتھا ادیب جو بہت دیر سے بولنے کے لئے بیقرار تھا ۔۔۔۔اب اس کی باری تھی ۔۔۔صاحب اردو زبان میں بہت جان ہے ۔۔۔۔بڑی تعداد میں ترقی پسند ادب اس زبان میں لکھا گیا ۔۔۔۔مسئلہ یہ ہوا ہے کہ ترقی پسند ادیبوں اور روشن خیال دانشوروں نے اردو زبان میں لکھنا ہی چھوڑ دیا ہے ۔۔۔ریاست اور ریاستی اداروں نے جہادی اور ان اردو اخبارات اور میڈیا ہاوسز کی سرپرستی کی ہے جو جہادی لٹریچر پھیلا رہے ہیں ۔۔۔۔آج کے اردو اخبارت میں بھی نوے فیصد نسیم حجازی کے خیالات ملتے ہیں ۔۔۔۔اردو اخبارات میں آج بھی جناح کی گیارہ اگست کی تقریر کے وجود کو تسلیم کرنے سے انکار کیا جاتا ہے یا پھر اس تقریر کو سازش لکھا جاتا ہے ۔۔۔۔۔نیوز چینلز پر نفرت سےبھرپور تعصبانہ زہن کا قبضہ ہے ۔۔۔ہر سکرین پر ڈاکٹر شاہد مسعود،اوریا مقبول جان،عامر لیاقت جیسے نقلی دانشور حکماء نظر آتے ہیں ۔۔۔۔سازشی ایجنڈا ہی جن کا مقصد ہے ۔۔۔جوخیالات اور نظریات بنادیئے گئے ہیں اسی وجہ سے تشدد۔دہشت گردی اور انتہا پسند ہورہی ہے ۔۔۔۔منٹو اور فیض کی زبان جسے اردو کہتے ہیں اب وہ عامر لیاقت۔ڈاکٹرشاہد ،اوریا مقبول جان ۔۔۔ کی زبان بن چکی ہے ۔۔۔۔بڑی چالاکی سے اس زبان کو یرغمال بنایا گیا ہے ۔۔۔روشن خیال تو اب اس قدر منافق ہو چکے ہیں کہ اردو کتاب پڑھنے کو ہی اہنی توہین سمجھتے ہیں ۔۔۔صاحب یہ روشن خیال تو اب یہ تک کہتے ہیں ۔۔۔۔۔ان کے بچوں کی اردو بڑی کمزور ہے۔۔پاکستان میں نوجوان نسل کو پنجابی ۔۔۔۔پشتو۔۔۔۔سندھی۔۔۔۔بلوچی ۔۔۔سرائیکی زبانوں میں ادب مہیا کرنے کی ضروت ہے ۔۔۔ایک زمانہ تھا جب لیفٹ کے دانشوروں ،ادیبوں اور کالم نویسوں کی بھرمار تھی ۔۔۔رائیٹ کا کالم نویس خال خال ہی ملتا تھا ۔۔اب صورتحال مختلف ہے ۔۔۔۔اب لیفٹ کے ،اینٹی اسٹیبلشمنٹ سوچ رکھنے والے اور الگ سوچنے والے ادیب ۔۔۔کالم نویس ۔۔۔۔اینکرز نایاب ہو چکے ۔۔۔۔ گفتگو کا سلسلہ جاری تھا ۔۔۔۔سائرہ گفتگو سنتے سنتے تھک چکی تھی ۔۔۔رات کے دو بج چکے تھے ۔۔۔۔ہم دونوں نئیرنگ آرٹ گیلری کی خوبصورت دنیا سے باہر نکلے ۔۔۔۔سائرہ رکشے پر بیٹھ کر گھر کو چلی گئیں اور میں پیدل سڑکوں پر آوارہ گردی کرنے چل نکلا
یہ تحریر فیس بُک کے اس پیج سے لی گئی ہے۔
