بھائی دیکھو نا ۔۔۔۔۔ماں ۔۔۔۔۔بولتی بہت ہے۔۔۔۔صبح بستر سے اُٹھتے ہی ۔۔۔۔۔آوازیں لگانا شروع کرتی ہے۔۔۔۔۔
بیٹا ۔۔۔۔حسن۔۔۔۔اُٹھو!
اور میں سر تکیے کے نیچے کیئے ۔۔۔۔تکیے کو ۔۔۔۔کانوں کے قریب سے دَبا کر۔۔۔۔پھر سوجاتاہوں۔۔۔۔۔۔!میری ماں وضو کرنے کے بعد پھر آواز لگا دیتی ہے۔۔۔۔۔۔
بیٹا حسن۔۔۔۔۔!
میری آنکھ دوبارہ اُسی وقت لگتی ہے کہ۔۔۔۔۔پھر سے آواز۔۔۔۔۔نیند میں خلل اور بدن میں ہیجان پیدا کردیتی ہے۔۔۔۔۔جسم میں جھرجھری کی لہر ۔۔۔۔۔چیخنے پر مجبور کرتی ہے۔۔۔۔لیکن ۔۔۔۔ماں ہے نا کچھ کہہ بھی نہیںسکتا۔۔۔۔!
نماز پڑھ کر ۔۔۔۔دُعا مانگ کر ۔۔۔مُصلہ لپیٹتے ہوئے ۔۔۔۔۔پھر سے آواز۔۔۔۔
بیٹا ۔۔۔۔حسن ۔۔۔۔اُٹھ بھی جائو۔۔۔۔!
اور بالآخر صبر کا پیمانہ ٹوٹ جاتاہے۔۔۔۔۔اور ۔۔۔۔بستر سے ٹانگیں ۔۔۔۔جھاڑتے ہوئے۔۔۔۔ماتھے پرسلوٹیں۔۔۔۔چہرے پر غصہ۔۔۔۔کچن کا دروازہ زور سے بجاتے ہوئے۔۔۔۔چیخ کر کہہ دیتاہوں۔۔۔۔ماں۔۔۔۔۔بہت بولتی ہو آپ۔۔۔۔!
ماں ۔۔۔۔عادت کے مطابق۔۔۔۔اپنے دونوں ہاتھوں میں ۔۔۔۔سر پکڑ کر ۔۔۔۔۔میرا ماتھا چومتے ہوئے۔۔۔۔بس اتنا سا کہتی ہے ۔۔۔۔۔تیری ہی ۔۔۔۔ماں۔۔۔ہوں نا۔۔۔۔ ہلکی سی مسکراہٹ کی لیکر۔۔۔ماں۔۔۔کے چہرے پر نمایاں نظر آنے لگتی ہے۔۔۔۔اور پھر کچھ کہہ ہی نہیں سکتا۔۔۔۔
دیکھو نا بھائی۔۔۔۔ماں میرے ۔۔۔۔ہر کام ۔۔۔۔پر نظر کررکھتی ہے۔۔۔۔صابن لگا کر منہ دھویا کہ نہیں۔۔۔۔دانت برش کئیے کے نہیں۔۔۔۔کپڑے اچھے لگتے ہیں کہ نہیں۔۔۔۔شوز پالش کئیے کہ نہیں۔۔۔۔کھانا کتنا کھایاہے۔۔۔۔تھوڑا کھایا ۔۔۔۔تو اپنے ہاتھوں سے۔۔۔۔بچوں کی طرح کھلانا شروع کردیتی ہے۔۔۔۔اور ساتھ ساتھ ۔۔۔۔چہرے کو غور سے ۔۔۔۔تکتی جاتی ہے۔۔۔۔جیسے میراچہرہ پڑھنے کی کوشش کررہی ہو۔۔۔۔پھر سوال پر سوال۔۔۔۔
خیر تو ہے نا بیٹا۔۔۔۔؟
کچھ چاہیئے کیا۔۔۔۔۔؟
کسی نے کچھ کہا تو نہیں۔۔۔۔؟
ناراض ہو مجھ سے۔۔۔۔۔۔؟
کچھ تو۔۔۔۔۔۔!
میں ٹو ک کر کہہ ہی دیتاہوں۔۔۔۔۔۔
بس بھی کریں ۔۔۔۔ماں۔۔۔۔جی۔۔۔۔بہت بولتی ہیں آپ۔۔۔۔۔!
دیکھو نا ۔۔۔۔پھر جا کر کہیں ۔۔۔۔ماں۔۔۔۔چُپ ہوتی ہے۔۔۔۔۔اور پھر وہ اُٹھ کر ۔۔۔۔کمرے میں چلی جاتی ہے۔۔۔۔۔مجھے تب کہیں ۔۔۔۔تھوڑا سا۔۔۔سکون ملتاہے۔۔۔۔لیکن یہ خاموشی ۔۔۔زیادہ دیر نہیں رہتی۔۔۔۔پھر سے روک ۔۔۔۔۔ٹوک شروع کردیتی ہے۔۔۔۔میں تنگ آچکا ہوں۔۔۔۔ماں۔۔۔۔کے بولنے سے۔۔۔۔!
حسن ۔۔۔۔یہ باتیں کرتا۔۔۔۔اور۔۔۔۔میں مسکراتارہتا۔۔۔۔میرے مسکراہٹ پر اُسے اور ۔۔۔۔غصہ آتا اور وہ ۔۔۔۔پیر پٹختا۔۔۔۔مجھے بھی ۔۔۔کوستاہوا۔۔۔۔گھر کو چل دیتا۔۔۔۔۔اور میں حیرت میں گُم ہوجاتا۔۔۔کہ۔۔۔۔ماں۔۔۔۔کی محبت۔۔۔۔کو سمجھنا اولاد کیلئے مشکل کیوں ہے۔۔۔۔؟
حسن کی ۔۔۔۔ماں۔۔۔۔بیمار ہوگئی۔۔۔۔حسن ۔۔۔۔کھویا کھویا سا رہنے لگا۔۔۔۔ماں کی بیماری بڑھتی گئی۔۔۔۔اور۔۔۔ماں۔۔۔۔نے بولنا بند کردیا۔۔۔۔۔اب حسن اور بھی غمزدہ رہنے لگا۔۔۔۔ہر روزصبح سویرے اُٹھتا۔۔۔۔اب کام ۔۔۔۔اچھے سے کرتا۔۔۔ماں۔۔۔کی خدمت میں کوئی کمی نہ رہنے دیتا۔۔۔۔ہر وقت ربورٹ۔۔۔کی طرح ۔۔۔۔ماں ۔۔۔۔کے دائیں بائیں گھومتارہتا۔۔۔۔۔ماں ۔۔۔کی آنکھیں پڑھنے کی کوشش کرتا۔۔۔لیکن یہ ہُنر تو صرف ۔۔۔۔اللہ۔۔۔۔نے ماں کو دیاہے۔۔۔۔۔لیکن ماں کی آنکھوں میں چمک۔۔۔۔اسے بتا دیتی تھی کہ۔۔۔۔ماں۔۔۔۔اس سے بہت خوش ہے۔۔۔۔ماں۔۔۔کبھی کبھی بولنے کی کوشش کرتی تھی۔۔۔۔لیکن ناجانے ۔۔۔ماں ۔۔۔۔کی آواز دُور کہیں گُم ہوچکی تھی۔۔۔۔
حسن ۔۔۔۔ماں۔۔۔۔کی آواز سننے کو بے تاب رہتا۔۔۔۔۔دُعائیں۔۔۔۔ذکر واذکار۔۔۔کے ساتھ ۔۔۔علاج میں کوئی کسر نہ رہنے دی۔۔۔۔۔لیکن خدا کی مرضی۔۔۔۔
حسن۔۔۔۔بہت دنوں بعدمیرے پاس آیا تھا۔۔۔۔یہ پہلے والاحسن نہیں تھا۔۔۔۔آج اُ س کی آنکھوں ۔۔۔۔۔میں آنسو۔۔۔۔چہرے پر شرمندگی ۔۔۔۔۔نظریں زمیں پر گاڑے۔۔۔۔۔وہ بولے جارہاتھا۔۔۔۔آج حسن کی ایک ایک بات میں ۔۔۔۔ماں سے محبت چھلک رہی تھی۔۔۔۔وہ ایک دم میرے گلے لگ کر ہچکیاں لے کر ۔۔۔رو رہاتھا۔۔۔۔روتے روتے کہہ رہا تھا۔۔۔۔!
بھائی ۔۔۔۔دیکھو نا ۔۔۔۔ماں ۔۔۔بولتی ہی نہیں ہے۔۔۔۔
ماں۔۔۔۔۔ما۔۔۔۔۔۔بو۔۔۔۔۔۔نہیں۔۔۔۔۔۔۔۔۔
ماں ۔۔۔۔تو ۔۔۔۔ماں ۔۔۔۔ہوتی ہے۔۔۔۔۔آج۔۔۔۔حسن ۔۔۔۔۔کی ماں۔۔۔۔۔خاموش ہوئی۔۔۔۔۔کل۔۔۔۔۔۔!
“
