کجھ نہ کجھ تے ڈیلی لبّھے

روپیہ نہ سہی ڈھیلی لبّھے

کجھ نہ کجھ تے ڈیلی لبّھے

جدھوں کھلوئیے ناکے اُتّے

اَکھ ہوندی ہر کاکے اُتّے

اوہو مُنڈا پھڑ لیندے آں

جیڑا اپنی سہیلی لبّھے

کجھ نہ کجھ تے ڈیلی لبّھے

ویکھیے کوئی سبزی والا

کُمدے رہی دا آلا دوالا

دبکا مار کے لے لیندے آں

پالک پاویں کریلی لبّھے

کجھ نہ کجھ تے ڈیلی لبّھے

بکری کِسے دی ہو جائے چوری

گَل کری دی اُتھے کوری

کہ بکری تانوں تاں دینی آں

جے سانوں ایدی لیلی لبّھے

کجھ نہ کجھ تے ڈیلی لبّھے

چودھراں دا ہووے کاماں

ساڈیاں اونو ستّ سلاماں

تے اپنا غصہ کَڈ لیندے آں

جے کوئی موچی تیلی لبّھے

کجھ نہ کجھ تے ڈیلی لبّھے

تے سُن لے گَل نشئیاں والی

چَوّل جئے ہوندے جیبو خالی

جیب دے وِچوں نِکلے کُجھ نہ

چرس یا افیم دی ڈھیلی لبّھے

کجھ نہ کجھ تے ڈیلی لبّھے

سکوٹر پھڑیے اپلائیڈ فار

مالک کھڑ نئیں سکدا گھر

جدوں تک ضمانت دے لئی

ساڈا نہ کوئی بیلی لبّھے

کجھ نہ کجھ تے ڈیلی لبّھے

سٹوڈنٹ توں ہاں اسی چالو

مارن ہورے پا دین آلو

پاسا وٹّ لے لنگھ جاندے آں

اینھا دی جے کوئی ریلی لبّھے

کجھ نہ کجھ تے ڈیلی لبّھے

شاعر جے کوئی چڑھ جائے ڈھائے

لکھ او اپنی جان چھڑائے

شاعری سُنن لئی بھا لیندے آں

جگہ جِتھے کوئی ویلی لبّھے

کجھ نہ کجھ تے ڈیلی لبّھے

صحافیاں توں اسی کنّی کھائیے

قسمیں اپنی جان چھڑائیے

اے تے گوگیا لبھدے پھردے

خبر کوئی نئی نویلی لبّھے