آخر ہم کدھر جا رہے ہیں؟ آج پوری دنیا جس طرح معاشی، معاشرتی اور سماجی محاذ پر برسرٍ پیکار ہے۔ کوویڈ جیسی آفت نے ساری دنیا کو دیوالیہ کر رکھا ہے۔ اپنے پیاروں کے کھونے کے غم نے روح کو پارا پارا کر دیا ہے۔ ایسے میں حیرت کی بات یہ ہے اور بے حسی کی انتہا ہے کہ گل چھرے اڈانے کے لٸے خاتون اپنے ہی دعوت نامے پر آنے والوں کے ہاتھوں رسواٸی کا تماشا بن کر بھی سبق حاصل نہ کر پاٸی اور اپنے اس وطن کی ناموس کو جو ہزاروں قربانیوں سے حاصل ہوا ۔اس کی آبرو خاک میں ملانے چلی۔ چلیے ٹین ایجرز اگر ایسی حرکتیں کریں تو انہیں نا سمجھ سمجھ کے اگنور کیا جا سکتا ہے۔ لیکن ایسی میچور خاتون جو ایک سرکاری ادارے کی ملازم ہو۔ وہ اپنے اکاٶنٹ سے فحش وڈیوز اپلوڈ کر کے انہی اوباشوں کو صلاٸے عام دے پھر یہ امید بھی رکھے کہ وہاں سب حاجی و نمازی آٸیں گے اور اس کی دعوتِ نظارا پر آنکھ تک اٹھا کر نہیں دیکھیں گے۔ واللہ رے خوش فہمی۔۔۔ پھر وہ عورت جسے بقول اس کے چارسو افراد نے ہراس کیا۔ تشدد کیا۔ ہوا میں اچھالا۔ وہ پھر بھی اتنی سخت جان نکلی کہ چار دن میں ہی پھر سے تازہ دم ہو گٸی۔ واللہ۔۔۔۔ مجھے اس صورتِ احوال پر یا اس قبیل کے اور خواتین و حضرات سے کچھ نہیں کہنا نہ ہی میں کوٸی ناصح ہوں ۔ ہاں اتنا ضرور کہوں گی یہ درست ہے کہ ہمارا معاشرہ بہت گراوٹ کا شکار ہے۔ سماجی شکست و ریخت نے اخلاقیات کا دیوالیہ نکال دیا ہے۔ یہ منزل تو اور بھی کٹھن ہے۔ یہ دنیا ایک پل صراط ہے جس پر سے گزرنے کے لٸے ایمان و ایقان کی تازگی درکار ہے۔ مردوں کو تنقید کا نشانہ بنا کے خواتین کو سو فیصد پارساٸی کا سرٹیفیکیٹ دینا کسی طرح مناسب نہیں۔ اپنا جاٸزہ لیجٸیے۔ میرا تو ذاتی تجربہ ہے ۔ ہم نے ساری زندگی حصولِ تعلیم سے لے کر پریکٹیکل لاٸف تک انہی مردوں سے عزت کراٸی ہے۔ ہاتھ اور زبان سے تو دور کی بات کبھی اونچی نظر سے بھی آج تک کسی نے نہیں دیکھا۔ بلکہ اگر کبھی بھی سڑک پر گاڑی خراب ہو گٸی یا اور ایسا ہی ناگہانی مسٸلہ درپیش ہوا یہی مرد فرشتہ بن کے مسٸلے کو سلجھانے کا باعث بنتے ہیں۔ پبلک مقامات کا ایک تقدس ہے۔ خدارا اس کو مجروح نہ کیجٸیے۔ اور اپنی پروموشن کے لٸے باعزت راستہ اختیار کیجٸیے پھر دیکھٸیے کس طرح خداٸی مدد شاملٍ حال ہوتی ہے اور کس طرح وہ کریم فرشتوں کے روپ میں اپنے بندوں میں سے انہی مردوں کو آپ کا محافظ و نگران بنا کر بھیجتا ہے۔ ضرورت اس امر کی ہے کہ ایک تماشا لگانے کی بجاٸے اپنا جاٸزہ لیجٸیے اور خود سے سوال کیجٸیے کیا
آپ درست سمت میں جا رہی ہیں؟ اپنی نیت کا ایمانداری سے جاٸزہ لیجٸیے۔ اس بحث کو چھوڑیٸے کہ مرد غلط ہیں یا خواتین۔ یقین جانٸیے خود احتسابی ہی آپ کو بڑی سے بڑی آزماٸش سے نبرد آزما ہونے کا حوصلہ عطا کر کے سرخروٸی کی منزلوں کو ہم رکاب کرتی ہے۔
