کدی فیصل دے دروازے تے
کدی عابدہ مائی دی چوکھٹ تے
کدی ایم پی اے دے بنگلے تے
کدی شیخ وقاص توں پُوچھدا اے
کدی پُوچھدا اے اعظم چیلے توں
میری انج قسمت بدلی گئی اے
میتھوں کہیڑی غلطی تھی گئی اے
میری ہر پے سی کھسی گئی اے
کدی شیخ یعقوب توں پُوچھدا اے
کدی ونج خالد سردار ایندا
دروازہ نِت کھڑکھیندا اے
کدی رو کے حال دسیندا اے
میرے حال تے کرم کما لیو ہا
میں بُھل تے ہا سمجھا لیو ہا
مینوں دیگر راہ تے لا لیو ہا
مینوں باہر دے لوگ خریدو ہن
مینوں ویکن توں آپ بچا لیو ہا
میں جتویاں دا جھنگ ہاں ویکھ لیو
میں جو ڈھہ پیاں ہاں مینوں چاہ لیو ہا
جدوں دیکھن بال جہازاں نوں
پیچھاں ہٹدے ہٹدے ڈھہ ویندے ہن
کِتھے ہوندے نے گھر جہازاں دے
ہک میتوں پُوچھدے رے ویندن
ہک میکوں روک کے آکھدے ہن
ایتھے سچ آکھن دی وا کئی نی
ایتھے بنگلے ہن سارے لیڈراں دے
ایتھے ائیر پورٹ دی جا کئی نی
سارا مسئلہ اے یار نصیباں دا
کہیڑا جُرم اے یار غریباں دا
رو رو کے نِت فریاد کرن
جدوں گُزریا ویلا یاد کرن
بل جھنگ وچ دیون بجلیاں دے
مزدوریاں فیصل آباد کرن
