جناب طارق محمود مرزا

جناب طارق محمود مرزا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آسٹریلیا کے شہر سڈنی میں ہوتے ہیں ، شاعر ادیب، افسانہ نگار ، صحافی اور سفر نامہ نگار ہیں 1994ء میں آسٹریلیا کی شہریت کے ساتھ بطور آباد کار آسٹریلیا گئے تھے مکینیکل انجینئرنگ اور ایم اے اسلامیات ہیں ، ابتدائی تعلیم ضلع راولپنڈی کی تحصیل گوجر خان کے موضع کھرالی مغل متال، سے حاصل کی جہاں یکم جون 1961ء کوان کی ولادت جناب محمد افسرکے ہاں ہوئی تھی، 
تین کتابوں کے مصنف ہیں ، جو آپ کے لئے فردوس نظر بنیں ، جاپان، بنکاک اور نیوزی لینڈ کی سیاحت پر مشتمل ان کا ایک سفر نامہ زیر طبع ھے ، آسٹریلیا گائیڈ بک بھی تصنیف کے مرحلے میں ھے اس میں آسٹریلیا میں جانے والے پاکستانی نو واردوں کے لئے مفید معلومات ہونگی ، آسٹریلیا سے ایک ،، اردو انٹر نیشنل ،، سہہ ماہی ادبی میگزین بھی جاری کئے ہوئے ہیں ، 
اردو انٹر نیشنل 
۔۔۔۔۔۔۔۔۔۔۔۔۔۔۔۔۔
ادبی تنظیم کے بھی روح رواں ہیں جواس سے پیشتر ،، اردو سوسائیٹی آف آسٹریلیا کے نام سے 25 سال تک متحرک رہی ، 
جناب طارق محمود مرزا 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اور ان کے رفقاء کار ہر سال سڈنی میں ایک بین الاقوامی مشاعرہ کراتے ہیں ، جس میں دنیا بھر سے ہر صنف سخن کےاردو قلم کار وں کو مدعو کیا جاتا ھے اور پھر ان کی دامے درمے سخنے خوب میزبانی بھی کی جاتی ھے ، اس ادبی فسٹیول کے لئے 
اردو انٹرنیشل 
۔۔۔۔۔۔۔۔۔۔۔۔۔۔۔
ادبی تنظیم کے ممبران اپنی مدد آپ کے تحت آسٹریلیا میں اردو کا پرچم سر بلند کئے ہوئے ہیں اگلے برس مشاعر ے کے ساتھ ساتھ کتاب میلہ کرانے کا پروگرام بھی تشکیل دئیے ہوئے ہیں ، ہر چند کہ 
جناب طارق محمود مرزا 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گزشتہ ربع صدی سے آسٹریلیا کے شہر سڈنی میں مقیم ہیں ، مگر وہ آج بھی اپنی دھرتی اور اپنے وطن سے جڑ ے ہوئے ہیں ، پاکستان میں کئی فلاحی اداروں میں بے سہارا بچوں کی کفالت کا ذمہ لئیے ہوئے ہیں ، اور اپنے گاؤں کی مسجد کی ضروریات کا بیڑہ اٹھائے ہوئے ہیں ، وہ اپنی سالانہ زکوات بھی گاؤں کے ضرورت مندوں کو بھجوا دیتے ہیں ، 
میں نے انہیں مشورہ دیا ھے کہ ، ہر سال اردو کی محفل سجانا احسن اقدام سہی مگر زیادہ بہتر یہ ھے کہ اپنے خاندان کے ضرورت مندوں اور دیگر علاقائی باشندوں کو اپنے پاؤں پر کھڑا ہونے میں مدد کریں ، کسی کو چھوٹا موٹا کاروبار شروع کرادیں ، کسی کو رکشہ لے دیں کسی بیوہ کی بیٹی رخصت کرا دیں ، کسی ضرورت مند طالب علم کو اس کے لئے علم کا حصول آسان بنا دیں ، 
جناب طارق محمود مرزا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نے آمدہ برس مجھے بھی آسٹریلیا کے بین الاقوامی مشاعرے کی دعوت دی ھے ، مگر میری ان سے دست بستہ ، درخواست ھے کہ مجھ پر اٹھنے والے ہوائی ٹکٹ سمیت سارے اخراجات کا ایک ڈرافٹ ،، ڈاکٹر اے کیو خان ہاسپٹل ٹرسٹ ،، میں دے دیں جہاں آپ کے مرحوم والدین کے نام کا ایک کمرہ بن جائے جو صدقۂ جاریہ رہے گا، میں اپنے خرچ پر آسٹریلیا پہنچ جاؤنگا ! 
۔۔۔۔۔۔ جبار مرزا ۔۔۔۔۔۔ 
24 اکتوبر 2017ء 
۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ تحریر فیس بُک کے اس پیج سے لی گئی ہے۔