ہمارے وطن عزیز کے کچھ ایسے حکمران گزرے ہیں کہ ان کے دور میں کوٸی ایک چیز زیادہ مہنگی ، ناپید یا نایاب ہو گٸی اور حکمران اس حوالے سے عوام کی من پسند گالیوں اور القابات و خطابات سے نوازے گٸے . سابق وزیر اعظم ذوالفقار علی بھٹو کے دور میں جوتے مہنگے ہو گٸے جس کے باعث عام آدمی یا غریب شہری جوتا خریدنے کی قوت سے محروم ہو گیا . اکثر لوگ ننگے پاٶں اپنی زندگی کو دھکے دے کر گزارنے مجبور ہو گٸے . نوبت یہاں تک آ گٸی کہ ملک کے پہلے منتخب وزیراعظم اور مقبول ترین عوامی رہنما کو عوام جلسوں میں جوشیلے اور دھواں دھار خطاب کے دوران جوتے لہرا لہرا کر اس طرف توجہ دلانے کی کوشش کرنے لگے . ایک جلسے کے دوران بھٹو صاحب کی لہراتے ہوٸے جوتوں پر نظر پڑ ہی گٸی جس کے جواب میں انہوں نے کہا کہ مجھے معلوم ہے کہ چمڑا مہنگا ہو گیا ہے اس کو اب سستا کریں گے .
سابق صدر و آرمی چیف جنرل ضیا ٕ الحق کے دور میں چینی نایاب ہو گٸی جس کی وجہ سے اس کی قیمت بہت زیادہ بڑھ گٸی. چینی مہنگی ہونے کے باعث عوام کی اکثریت گُڑ کی چاٸے بنا کر پینے لگی. جنرل ضیا نے کم قیمت پر عوام کو چینی فراہم کرنے کی غرض سے راشن ڈپو قاٸم کیٸے جہاں سے شہری اپنا قومی شناختی کارڈ دکھا کر چینی خریدنے لگے مگر چینی کم اور قومی شناختی کارڈ نہ ہونے کے باعث قاٸم کردہ ڈپوز پر عوام لمبی قطاریں بنا کر پولیس کے دھکے اور لاٹھیاں کھا کر اور بھیڑ کے باعث اپنی ٹوپیاں اور پگڑیاں گرا کر واپس ہو جاتے . بڑے عرصے بعد کہیں جا کر چینی کی قلت پر قابو پایا گیا . 1997 میں سابق وزیراعظم نواز شریف کے دور میں آٹے کی شدید قلت پیدا ہو گٸی جس سے ملک میں آٹے کا بڑا بحران پیدا ہو گیا. آٹے سے محروم بھوکے عوام نے ” شیر آٹا کھا گیا شیر آٹا کھا گیا “ کا نعرہ ایجاد کر لیا . نواز شریف نے بھی بڑی مشکل سے آٹے کے بحران پر قابو پایا . 2008 کے عام انتخابات کے نتیجے میں وجود میں آنے والے آصف علی زرداری کے دور میں آلو بہت مہنگا ہو گیا جس کی قیمت 8 یا 10 روپے فی کلو گرام تھی وہ ان کے دور میں فی کلو 70 سے 100 روپے تک پہنچ گیا جس پر حکومت نے کوٸی توجہ نہیں دی اور 2008 سے 2013 تک پی پی پی کے 5 سال تک آلو غریب عوام کی پہنچ سے دور ہی رہا .
پاکستان تحریک انصاف کے موجودہ عوام اس لیٸے خوش نصیب ہیں کہ ” نیا پاکستان“ میں کسی ایک چیز کے مہنگی ہونے کی کوٸی اہمیت ہی نہیں رہی ہے . مہنگاٸی کا یہ ختم نہ ہونے والا سہانا سفر امریکی ڈالر کی ویلیو بڑھنے اور پاکستانی روپیہ کی قدر کم ہونے سے شروع ہوا . جس کے بعد ڈیزل ، پیٹرول ، بجلی اور گیس کی قیمتوں میں مسلسل اضافہ ہوتا رہا جن کا اثر عام آدمی کی زندگیوں پر ضرور پڑا لیکن اس سے عوام کو اپنے ملک کی مہنگی چیزوں کی قدر کا احساس پیدا ہوا ورنہ اس سے پہلے بے قدری اور نا شکری کا رجحان پیدا ہو چکا تھا. مہنگاٸی کی برکتوں سے عوام کو اللّٰہ تبارک و تعالیٰ زیادہ یاد آنے لگا ہے جس کے ذکر سے عبادت بھی ہو رہی ہے اور اپنے ربّ سے قربت بھی بڑھ گٸی ہے . اللّٰہ اور اس کے بندوں کا تعلق اب مزید بڑھ گیا ہے کہ روز مرہ کے استعمال میں آنے والی تمام تر سبزیوں اور آٹے کی قیمت تصور اور توقع سے بڑھ گٸی ہے جن میں سے ٹماٹر کی قیمت نے میدان مار لیا ہے اور وہ پاکستان میں ڈالر کو پیچھے چھوڑ کر ” فاتحِ زمانہ“ بن چکا ہے. ملک کے وفاقی مشیر خزانہ عبدالحفیظ شیخ صاحب نے بڑے آرام اور اطمنان سے میڈیا کو بتایا ہے کہ کراچی کی سبزی منڈی میں 17 روپے ٹماٹر فی کلو گرام فروخت ہو رہا ہے آپ جا کر چیک کرلیں . لیکن کراچی سمیت ملک بھر میں ٹماٹر 200 سے 300 روپے فی کلو فروخت ہو رہا ہے . ٹماٹر کی بڑھتی ہوٸی قدر کو دیکھ کر کچھ سیانے لوگوں نے تبصرہ کیا ہے کہ اس دور میں اگر بیاہی جانے والی دلہنوں کو جہیز میں ٹماٹر دیٸے جاٸیں تو دلہن اپنے سسرال میں بڑی قدر پاٸے گی اور سسرال والے بڑے فخر سے اس کے لاٸے ہوٸے ٹماٹرز کا تذکرہ کریں گے . اور یہ بھی یاد رہے کہ وزیر اعظم عمران خان کا یہ بھی کہنا ہے کہ
چاہے کچھ بھی ہو تم نے گھبرانا نہیں ہے
اس لیٸے موجودہ حالات میں گھبرانے والی کی ضرورت نہیں ہے
