ادارہ، عالمی بیسٹ اردوپوئٹری

(( ادارہ، عالمی بیسٹ اردوپوئٹری)) ترقی کی راہوں پر گامزن ہے،

اور خدمات۔۔ اردوزبان وادب انجام دیتا جا رہا ہے،

اور اپنی انفرادیت کی وجہ سے آسمانِ اردوادب پر مثلِ کہکشاں روشن ہے،

اس ادارے کے بہت سارے گروپ ہیں، جن کی الگ الگ خصوصیات ہیں مثلاً ، نثرنگاری،   نوآموز لکھنے والوں کی صحیح ذہنی آبیاری،      تنقیدی اجلاس،    طرحی وغیرطرحی عالمی مشاعرے،       بیت بازی،     فی البدیہہ مشاعرے،      تقاسیم۔۔ اسنادواعزازات وایوارڈ    وغیرہ وغیرہ،

اسی سلسلے میں (( ادارہ، عالمی بیسٹ اردوپوئٹری))    کے   ( عالمی بیسٹ اردوپوئٹری، لیڈیز، گروپ ) میں بتاریخ 21 اپریل 2017 بروز جمعہ، پاکستانی وقت کے مطابق، شام سات بجے ( محفلِ النساء) کے نام سے صرف خواتین کا ایک غیرطرحی عالمی مشاعرہ منعقد کیا گیا، جس کے آرگنائزر ( ادارہ ) کے بانی وچیئرمین محترم توصیف ترنل تھے، اس پروگرام کی ( صدور ) تھیں محترمہ ڈاکٹر شہنازمزمل صاحبہ ( ریاض، سعودی عرب ) محترمہ مہ جبیں غزل انصاری صاحبہ ( انگلینڈ )

اس حسین پروگرام کی نظامت فرمائی، اسلم بنارسی ( بینگلور، ہندوستان ) نے

اس پروگرام میں بطور مہمانانِ خصوصی شریک تھیں، محترمہ زارافرازصاحبہ ( جمشیدپور، ہندوستان ) سے اور محترمہ اروی' سجل صاحبہ ( چکوال، پاکستان ) سے

اس پرلطف پروگرام میں بطور مہمانانِ اعزازی شریک تھیں، محترمہ غزالہ جلیل راؤصاحبہ ( اوکاڑہ، پاکستان ) سے اور محترمہ حیاءغزل صاحبہ ( کراچی، پاکستان ) سے اور محترمہ سمن شاہ صاحبہ ( فرانس ) سے،

سب سے پہلے (( ادارہ، عالمی بیسٹ اردوپوئٹری)) کے جنرل سیکریٹری و اس مشاعرہ کے ناظمِ مشاعرہ، اسلم بنارسی ( بینگلور، ہندوستان ) نےبہترین  قرأت  سے شعری محفل کا خوبصورت آغاز کیا،

اس کے بعد محترمہ ڈاکٹر شہنازمزمل صاحبہ ( ریاض، سعودی عرب ) نے ،       حمد و نعت ، کا خوبصورت ہدیہ   پیش فرمایا ،  اس کے بعد مدعو شاعرات نے اپنے اپنے خوبصورت کلام سے شاعرات و جملہ سامعین۔وکرام کو محظوظ فرمایا، اور دادوتحسین حاصل کی،   جن شاعرات نے اپنے کلام سے نوازا، ان کے نام واشعار یوں ہیں،         ملاحظہ فرمائیں،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ گل نسرین ( ملتان، پاکستان )

دو دلوں کا رابطہ ہے زندگی

چاہتوں سے آشنا ہے زندگی

زندگی کا بھید ہم پر کب کھلا

جانے کیسا سلسلہ ہے زندگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ طیبہ آزاد ( چیچہ وطنی ضلع ساہیوال )

روح سرشار عکسِِ یار میں اب

رات کا فکرِ روزگار سنو

ذوق رکھتے ہو زخمِ کاری گر

تو یہ افسانہ سوگوار سنو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ معصومہ ارشاد سولنگی ( سندھ، پاکستان )

یوں ہرکسی کےدوررہنےکےکارن بھی بہت تھے،

کہ دوستوں کی طرح ملےہمیں دشمن بھی بہت تھے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ ثمینہ ابرو ( لاڑکانہ ، پاکستان )

جھوٹی آن کے نام پہ لوگو

ناری ماری جائےکب تک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ کوکی گل، رحیم یارخان ( پاکستان )

، 'جرم کوئی بھی'مجھ سے نہ سر زد ہوا

سب سزائیں فقط  سوچ کی دی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ سیما گوہر( رامپور، ہندوستان )

کس نے الفت کےچراغوں کوبجھایا یارو،

آگ نفرت کی دلوں میں یہ لگادی کس نے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ ہاجرہ نورزریاب ( مہاراشٹر آکولہ ، ہندوستان )

لکھتی ہوں اشک وخوں سے حکایاتِ زندگی،

آرائشِ کتاب کی نوبت نہیں مجھے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ قدسیہ ندیم لالی ( الخبر، سعودی عرب )

عمر بھر یہ سمجھ نہ پائےہم

۔بےوفائی ہےکیا، وفا کیا ہے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ ثمینہ گل ( پاکستان )

مجھکو نگاہِ یاردے جامِ شعوردے

خوشبو،خمارِ یارملاکر پلا مجھے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ رخسانہ نازی ( راولپنڈی، پاکستان )

روشنی شوق سےلےجاؤگھروں میں لیکن،

میرےحصے میں چراغوں کا دھواں رکھ دینا،

۔۔۔۔۔۔۔۔۔۔۔۔

محترمہ سمن شاہ فرانس

ترا مجھ سے خفا رہنا مجھے اچھا نہیں لگتا،

بتاؤں کیا کہ اب کیا کیا مجھے اچھا نہیں لگتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ حیاءغزل ( کراچی، پاکستان )

رشتوں میں ناپ تول کے جانچا گیا اسے

عورت بھی ایک فرد ہے سمجھا نہیں گیا

——————–

ورنہ وہ کھینچ کے لے جاتیں تہہ چشم انھیں

کھینچ کے ہم نے ان آنکھوں سے نکالی آنکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عندلیب صدیقی آسٹریلیا

وہ کرنے لگا مجھ سے

 اظہار الفت

نکلنے لگے اس کے پر دھیرے دھیرے

———————————-

محترمہ غزالہ جلیل راؤ( اوکاڑہ، پاکستان )

شام ہوتے ہی میں اکثرآسماں پر،

اپنی قسمت کا ستارادیکھتی ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ اروی سجل ( چکوال،پاکستان )

عشق سمندر میں جو ڈوبا، ڈوب گیا،

اس نگری کے پاراترکے دیکھا ہے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ زارافراز ( جمشیدپور،ہندوستان )

ادھراصرارہوتاتھا، ادھرانکارہوتاتھا،

کسی صورت محبت نےنہ مانی تھی محبت کی،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ  مہ جبیں غزل انصاری ( انگلینڈ )

الجھن اقرارکی ہے اور نہ انکارکی ہے،

اصل میں بات فقط جراتِ اظہار کی ہے

دل کے دروازےمقفل ہیں نہ دستک دیجے،

ایسی کوشش یہ سمجھ لیجئےبیکارکی ہے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترمہ ڈاکٹرشہنازمزمل ( ریاض،سعودی عرب )

یہ چشمِ ترمری پتھراگئی توکیاہوگا،

یقیں کی آخری حد آگئی توکیا ہوگا،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس کے بعد ( ادارے ) کی جانب سےمشاعرہ میں تشریف لانے پر، صدور،     مہمانانِ خصوصی،     مہمانانِ اعزازی کی خدمت میں ( توصیف نامہ ) پیش کیا گیا، جس کو مع صدُور سبھی مہمانان نے قبول کرتےہوئے، شکریہ کے ساتھ ساتھ اپنے تاثرات سے بھی نوازا،

مہمان اعزازی شاعرہ

حیاء غزل نے اس موقع

پر اپنے تاثرات کا اظہار کرتے ہوئے کہا کہ

ادب کی ترقی و ترویج کے لیئےادارہ،عالمی بیسٹ اردو پوئٹری

عالمی مشاعروں کے انعقاد کے ساتھ ساتھ تحقیقی اور علمی خدمات انجام دے رہا ہے  اسی سنجیدہ اور ادبی  رویے کی توقع ہم دیگر ادبی گروپس اور تنظیموں سے کرتے ہیں.

 محفل النساء کا کامیابی سے انعقاد برقی دنیا میں  اس سلسلے کی ایک اہم ،منفرد اور پہلی  پیش رفت ہے  جہاں زبان کی سادگی و بے تکلفی کے ساتھ ساتھ رومانوی اور دیگر موضوعات کا حصار کرتی شاعری اور اشعار  کی دلکشی و معنویت میں اضافہ کرتا انداز بیاں محفل نساء کا خاصہ تھا وہیں محترم اسلم بنارسی صاحب کی شاندار نظامت نے اس میں چار چاند لگادیئے ایسی محافل کا انعقاد آگے بھی ایسے ہی ہوتا رہنا چاہیئے.

اسکے لیئے ادارے کوتمام خواتین شاعرات کی جانب سے  تہہ دل سے مبارکباد پیش کرتے ہیں.

اخیر میں ( ادارہ ) کےبانی وچیرمین محترم توصیف ترنل اور جنرل سیکریٹری، اسلم بنارسی نے تمام شرکاءمحفل کا شکریہ ادا کرتےہوئے ( محفلِ النساءوغیرطرحی عالمی مشاعرہ ) کے اختتام کا اعلان کیا، اس طرح یہ شاندارپروگرام شام سات بجےشروع ہوکر رات ساڑھےدس بجے اختتام پزیر ہوا،

منجانب،        انتظامیہ

(( ادارہ، عالمی بیسٹ اردوپوئٹری))

“