ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑﮭﻠﺪﮮ

ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑﮭﻠﺪﮮ
ﺟﮉﺍﮞ ﺗﮭﮕﮍﯾﺎﮞ ﺑﺪﮪ ﮐﮯ ﮐﺎﻧﮯ ﺗﮯ
ﺑﮭﺎﮦ ﻟﯿﻨﺪﮮ ﮨﺎﺳﮯ ﮐﮭﮑﮭﺮﯾﮟ ﮐﻮﮞ
ﺟﮉﺍﮞ ﭘﮩﻠﯽ ﻭﺍﺭﯼ ﻭﺳﺘﯽ ﻭﭺ
ﺑﺲ ﮨﺎﺭﻥ ﺁﻥ ﻭﮔﺎﯾﺎ ﮨﺎ
ﺍﻭﮞ ﺳﺎﮈﺍ ﻣﺎﻝ ﮈﺭﺍﯾﺎ ﮨﺎ
ﺟﮉﺍﮞ ﭨﻮﮐﺮﮮ ﻻ ﮐﮯ ﻭﯾﮩﮍﮮ ﻭﭺ
ﮐﺌﯽ ﭼﻠﮑﺪیاں ﭼﮍﯾﺎﮞ ﻧﭗ ﻧﭗ ﮐﮯ
ﮐﻮﺋﯽ ﺧﺎﺹ ﻧﺸﺎﻧﯽ ﻻ ﮈﯾﻮﻧﮍ
ﭘﭽﮫ ﭘﭧ ﮐﮯ ﺍﻧﺖ ﺍﮈﺍ ﮈﯾﻮﻧﮍ
ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑُﮭﻠﺪﮮ
ﺍﻭ ﭼﯿﮏ چہاڑاچلھے ﺗﮯ
ﺍﮮ ﭘﮩﻠﯽ ﺭﻭﭨﯽ ﻣﯿﮟ ﮐﮭﺎﺳﺎﮞ
ﺍﯾﮟ ﮔﺎل ﺗﮯ ﺭﻭﻟﮯ ﮨﻮﻧﺪﮮ ﮨﻦ
ﺟﮉﺍﮞ ﺳﮑﮭﻨﮍے ﭼﻮﻟﮯ ﮨﻮﻧﺪﮮ ﮨﻦ
ﺟﮉﺍﮞ ﮨﻦ ﺧﺰﺍﻧﮯ ﭘﻠﻮ ﻭﭺ
ﺍﻭ ﻟﮏ ﭼﮭﭗ ﻟﮏ ﭼﮭﭗ ﮐﮭﯿﮉﺩﯾﮟ ﮨﻮﺋﯿﮟ
ﮐﮉﯼ لوکڑاں ﻧﺎﻝ ﮐﻠﻮﭨﮭﯽ ﺩﮮ
ﮐﮉﯼ ﻃﺎﻕ ﺩﮮ ﺍﻭﮈﮬﺮ ﻟﮏ ﻭﻧﺠﮍﺍﮞ
ﺳﺎﮦ ﺳﮏ ﻭﻧﺠﮍﺍﮞ
ﺟﮉﺍﮞ ﭘﻮﮦ ﺩﯾﺎﮞ ﻟﺴﯿﺎﮞ
ﮐﮭﻤﮍﯾﺎﮞ ﻭﭺ
ﮐﻮﺋﯽ ﭘﯿﻨﮕﮫ ﻓﻠﮏ ﺗﮏ ﺁﻭﮮ ﮨﺎ
ﺳﺎﮈﯼ ﺗﺎﮌﯼ ﭘﯿﻨﮕﮫ ﺗﺌﯿﮟ ﻭﯾﻨﺪﯼ ﮨﺎﺋﯽ
ﺍﻭ ﺭﺍﺕ ﺩﯼ ﻣﺎ ﺩﮮ ﮈﺭ ﮐﻮﻟﻮﮞ
ﺳﺎﮈﺍ ﺷﺎﻡ ﺗﻮﮞ پہلے ﺳﻢ ﻭﻧﺠﮍﺍﮞ
ﮨﺎئے ﮨﺎئے ﺍﻭ ﻭﯾﻠﮯ ﻧﺌﯿﮟ ﺑﮭﻠﺪﮮ
ﺍﻭ ﻭﯾﻠﮯ ﮐﯿﻮﯾﮟ ﺑﮭﻞ ﺳﮕﺪﻥ
ﺟﮉﺍﮞ ﺁﮐﮭﯿﺎ ﮨﺎ ﺍﺳﺘﺎﺩ ﺳﺎﮐﻮﮞ
ﭼﻠﻮ ﺗﺨﺘﯽ ﭼﺎﺅ ﺍﻣﻼﺀ ﻟﮑﮭﻨﮍﮮ
ﻣﯿﮉﯼ ﻣﺲ ﮐﻮﺋﯽ ﻧﺎہئی… ﻣﯿﮟ ﺭﻧﺎ ﮨﻢ
ﻣﯿﮉﯾﺎﮞ ﮨﻨﺠﻮﮞ ﭘﻮﻧﺠﮫ ﮐﮯ
ﺗﺌﯿﮟ ﺳﺎﻧﻮﻝ ﮈﻭ ﭘﮍﯾﺎﮞ
ﻣﯿﮑﻮﮞ ﮈﺗﯿﺎﮞ ﮨﻦ
ﺗﯿﮉﯾﺎﮞ ﮈﻭ ﭘﮍﯾﺎﮞ… ﻣﯿﮟ ﮨﺎﻟﯽ ﺗﺎﺋﯿﮟ مخمور قلندری ﮈﯾﻮﯾﻨﮍﯾﺎﮞ ﮨﻦ …..