(Last Updated On: )
ہائے نی! اج انبر لِسّے لِسّے
ہائے نی! اج تارے ہِسّے ہِسّے
ہائے نی! اج موئِیاں موئِیاں پوناں،
ہائے نی! جگ وسدا قبراں دِسے۔
ہائے نی! اج پتھر ہوئیاں جِیبھاں
ہائے نی! دِل بھریا پل پل پِھسے۔
ہائے نی! میری رِیس نہ کریو کوئی،
ہائے نی! عشقے دے پانی رِسے۔
ہائے نی! ایہہ ڈاڈھے پینڈے لمے،
ہائے نی! نِریاں سُولاں گِٹے گِٹے۔
ہائے نی! ایتھے سب کجھ لُٹیا جاندا۔
ہائے نی! ایتھے موت نہ آوندی حِصے۔
ہائے نی! اج پریت دے نغمے کوڑے،
ہائے نی! ایہہ زہر نیں مِٹھے مِٹھے۔۔۔۔۔
