گرہ لگائیں بہار آئی تو ہم گلستاں سے لوٹ آئے

وھاٹس ایپ گروپ: دیـــــارمیــــــــر
سلسلہ : گـــــــرہ لـــــــگائیں
تاریخ : 6.12.2022
مصرع نمبر : 204
بہار آئی تو ہم گلستاں سے لوٹ آئے
پورا شعر :
گلوں کی محفل رنگیں میں خار بن نہ سکے
بہار آئی تو ہم گلستاں سے لوٹ آئے
(خاطر غزنوی)
گــــــرہیں ۔۔۔۔۔۔۔
ہمارے زخمِ جگر کو ہرا نہ کردے کہیں
بہار آئی تو ہم گلستاں سے لوٹ آئے
(احمد کمال حشمی)

تمام عمر کیا ہم نے انتظار مگر
بہار آئی تو ہم گلستاں سے لوٹ آئے
(اصغر شمیم)

ہمیں تو دور ِ خزاں سے اسے بچانا تھا
بہار آئی تو ہم گلستاں سے لوٹ آئے
(شاداب انجم)

ہمارا حوصلہ دیکھو کہاں سے لوٹ آئے
بہار آئی تو ہم گلستاں سے لوٹ آئے
(احمد مشرف خاور)

تعلقات نبھانا تھا زرد پتوں سے
بہارآئی توہم گلستاں سےلوٹ آئے
(حماداحمدحماد)

کسی کا کوئی بھی احسان کب گوارا تھا
بہار آئی تو ہم گلستاں سے لوٹ آئے
(شمشاد علی منظری)

ہرایک پیڑ کو ہم نے خزاں تلک سینچا
بہار آئی تو ہم گلستاں سے لوٹ آئے
(مستحسن عزم)

خزاں کے خوف سے سب لوٹتے ہیں اے اشرف
بہار آئی تو ہم گلستان سے لوٹ آئے
(اشرف یعقوبی)

ہوئی جوسالی کی شادی کلیجہ پھٹنے لگا
بہار آئی تو ہم گلستاں سے لوٹ آئے
(م ، سرور پنڈولوی)

ستم جو ہم پہ ہوا تو وہاں سے لوٹ آئے
بہار آئی تو ہم گلستاں سے لوٹ آئے
(شہباز مظلوم پردیسی)

خزاں کی چاہ میں پھرتے رہے ہر ایک چمن
بہار آئی تو ہم گلستاں سے لوٹ آئے
(شیما نظیر)

گلوں کو کھلتے ہوے دیکھ کر جلن ہوتی
بہار آئ تو ہم گلستاں سے لوٹ آئے
(نذر فاطمی)

خزاں تلک ہی تعلق بحال تھا اس سے
بہار آئی تو ہم گلستاں سے لوٹ آئے
(حسن امام قاسمی)

کسی مقام پہ رکنا ہمیں پسند نہیں
بہار آئی تو ہم گلستاں سے لوٹ آۓ
(مشتاق انجم)

خزاں کے دور میں اک دوسرے کے ساتھ رہے
بہار آئی تو ہم گلستاں سے لوٹ آۓ
(مقصود عالم رفعت)

اُجاڑ رت میں فقط ہم تھے اسکے ساتھ مگر
بہار آئی تو ہم گلستاں سے لوٹ آئے
(مدثرحسن)

ہمارا درد غریب الوطن سمجھتے ہیں
بہار آئی تو ہم گلستاں سے لوٹ آئے
(غیاث انورشہودی)

یہ ہم نے مانا شکایت رہے گی تم کو مگر
بہار آئی تو ہم گلستاں سے لوٹ آئے
(جاوید مجیدی)

ابھر نہ جائے کہیں پھر سے درد سینے میں
بہار آئی تو ہم گلستاں سے لوٹ آئے
(حشمت علی حشمت)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتخـــاب : احمد کمال حشمی ( ایڈمن)