ﺁﺑﺸﺎﺭﮐﯽ ﺯﯾﺮﯾﮟ ﻟﮩﺮﻭﮞ ﮐﯽ ﺑﺎﺯﮔﺸﺖ ﻭﺻﺎﻝ ﻭ ﻓﺮﺍﻕ ﮐﮯ ﺯﻣﺰﻣﮯﺳﻨﺎﺭﮨﯽ ﺗﮭﯽ ،ﺩﯾﻮﺩﺍﺭ ﮐﮯ ﭘﺘﻮﮞ،ﮈﺍﻟﯿﻮﮞ ﺍﻭﺭﺟﮍﻭﮞ ﭘﺮﺟﻤﯽ ﮨﻮﺋﯽ ﺑﺮﻑ ﺑﺘﺪﺭﯾﺞ ﭘﮕﮭﻞ ﮐﺮﺯﻣﯿﻦ ﻣﯿﮟ ﺟﺬﺏ ﮨﻮﺭﮨﯽ ﺗﮭﯽ ، ﺳﺮﺩﯼ ﮨﮉﯾﻮﮞ ﻣﯿﮟ ﺍﺗﺮﺭﮨﯽ ﺗﮭﯽ،ﺳﻮﯾﭩﺮ،ﻣﻔﻠﺮﺍﻭﺭﺩﺳﺘﺎﻧﮯﺧﻮﺩﺁﺗﺶ ﺑﺪﻥ ﻣﺎﻧﮓ ﺭﮨﮯﺗﮭﮯﺍﻭﺭﺩﻭﺭ ﺑﮩﺖ ﺩﻭﺭﭼﻨﺎﺭﮐﮯ ﻧﺮﻡ ﭘﺘﻮﮞ ﮐﻮ ﭼﻮﻡ ﮐﺮﺁﻧﮯ ﻭﺍﻟﯽ ﻧﯿﻢ ﺑﺮﻓﺎﻧﯽ ﮨﻮﺍﺋﯿﮟ ﺷﮩﺮﻭﺍﭘﺴﯽ ﮐﺎ ﻭﻗﺖ ﺑﺘﺎﺭﮨﯽ ﺗﮭﯿﮟ ۔ ﺳﻄﺢ ﺳﻤﻨﺪﺭﺳﮯ ﮐﻮﺋﯽ ۱۵ ﮨﺰﺍﺭ ﻓﭧ ﺍﻭﭘﺮﯾﮧ ﺍﯾﮏ ﺑﮯﺁﺏ ﻭ ﮔﯿﺎﮦ ﻭﺍﺩﯼ ﺗﮭﯽ،ﺍﯾﮏ ﺷﻮﺭﺵ ﺯﺩﮦ ﺭﯾﺎﺳﺖ ﻣﯿﮟ ’ ﺷﯿﻦ ‘ ﮐﯽ ﺳﺮﺩ ﺗﭙﺶ ﺳﮯ ﻧﺼﻒ ﺳﻮﺧﺘﮧ ﻣﺮﻏﺰﺍﺭ ﻭﺍﺩﯼ ﺟﮩﺎﮞ ﺻﺮﻑ ﺑﺮﻓﺎﺏ ﺗﮭﮯ،ﺟﮭﺮﻧﮯ ﺗﮭﮯ،ﺳﺮﻭﺻﻨﻮﺑﺮﺍﻭﺭﭼﮭﻮﭨﮯ ﭼﮭﻮﭨﮯ ﮐﻮﮨﺴﺘﺎﻧﯽ ﭘﯿﮍﺟﻦ ﮐﮯ ﭘﺘﻮﮞ ﮐﻮ ﮐﺴﯽ ﺯﻣﺎﻧﮯ ﻣﯿﮟ ﻟﮑﮭﻨﮯﮐﮯ ﻟﺌﮯﺍﺳﺘﻌﻤﺎﻝ ﮐﯿﺎ ﺟﺎﺗﺎ ﺗﮭﺎ،ﺟﻨﮕﻠﯽ ﺟﺎﻧﻮﺭﻭﮞ ﮐﯽ ﺁﻭﺍﺯ ﻧﮩﯿﮟ ﺁﺭﮨﯽ ﺗﮭﯽ،ﺷﺎﯾﺪ ﻭﮦ ﺩﻥ ﮈﮬﻠﻨﮯ ﮐﺎ ﺍﻧﺘﻈﺎﺭﮐﺮﺭﮨﮯ ﺗﮭﮯ،ﺩﻥ ﮈﮬﻞ ﺭﮨﺎﺗﮭﺎ ،ﺷﺎﻡ ﮐﮯﻣﮩﯿﺐ ﺳﺎﺋﮯﺩﺭﺍﺯ ﮨﻮﺭﮨﮯ ﺗﮭﮯﺍﻭﺭﺧﻮﺭﺷﯿﺪﺭﺍﺕ ﮐﯽ ﻭﺳﯿﻊ ﻗﺒﺮﻣﯿﮟ ﺩﺍﺧﻞ ﮨﻮﻧﮯ ﮐﯽ ﺗﯿﺎﺭﯼ ﮐﺮﺭﮨﺎ ﺗﮭﺎ ۔ ﯾﮧ ﺍﯾﮏ ﻣﺸﮩﻮﺭ ﺳﯿﺎﺣﺘﯽ ﻣﻘﺎﻡ ﺗﮭﺎ ۔ﺯﻣﺴﺘﺎﻥ ﻣﯿﮟ ﺩﻭﺭﺩﻭﺭﺳﮯ ﻟﻮﮒ ﺑﺮﻓﺎﻧﯽ ﮐﮭﯿﻠﻮﮞ ﮐﺎ ﻟﻄﻒ ﻟﯿﻨﮯ ﺁﺗﮯ ﺗﮭﮯ ۔
’’ ﮐﯿﺎﮐﮩﺎﺗﻢ ﻧﮯ ’ ﺗﮭﺎ ‘ ؟ ﺭﺍﻭﯼ ! ﻣﺠﮭﮯﺍﺱ ’ ﺗﮭﺎ ‘ ﭘﺮﺷﺪﯾﺪﺍﻋﺘﺮﺍﺽ ﮨﮯ۔ ﺳﺐ ﮐﭽﮫ ﺣﺎﻝ ﻣﯿﮟ ﭼﻠﻨﺎ ﭼﺎﮨﺌﮯ۔ﺟﮕﮧ ﺍﺑﮭﯽ ﺯﻧﺪﮦ ﮨﮯ،ﺍﺱ ﮐﯽ ﺭﻭﺡ ﮨﻤﺎﺭﯼ ﺭﻭﺡ ﺳﮯﮔﺮﭼﮧ ﮐﮩﯿﮟ ﮐﮩﯿﮟ ﺯﯾﺎﺩﮦ ﺑﻮﮌﮬﯽ ﮨﮯ ﻣﮕﺮﺗﻮﺍﻧﺎ ﺍﻭﺭﺯﻧﺪﮔﯽ ﺳﮯ ﻟﺒﺮﯾﺰﮨﮯ ۔ﯾﺎﺩ ﺭﮨﮯﺟﮕﮧ ﻧﮩﯿﮟ ﻣﺮﺗﯽ،ﮨﻤﺎﺭﮮ ﻣﺮﺟﺎﻧﮯ ﮐﮯﺑﻌﺪﺑﮭﯽ ﺯﻧﺪﮦ ﺭﮨﮯ ﮔﯽ ﺍﻭﺭﺍﺱ ﻓﺴﺎﻧﮯ ﮐﮯ ﺧﺘﻢ ﮨﻮﺟﺎﻧﮯ ﮐﮯ ﺑﻌﺪﺑﮭﯽ۔ ﺗﻤﮩﺎﺭﯼ ﺍﺱ ﮐﮩﺎﻧﯽ ﻣﯿﮟ ﻣﯿﺮﯼ ﻣﺪﺍﺧﻠﺖ ﮐﭽﮫ ﻏﯿﺮﺍﺧﻼﻗﯽ ﮨﮯ ﻟﯿﮑﻦ ﺍﻣﯿﺪ ﮨﮯ ﮐﮧ ﺍﺱ ﺩﺧﻞ ﺩﺭﻣﻌﻘﻮﻻﺕ ﮐﻮ ﺑﺮﺩﺍﺷﺖ ﮐﺮﯾﮟ ﮔﮯ۔ﻣﯿﮟ ﺍﭘﻨﺎ ﺍﺣﺘﺠﺎﺝ ﺩﺭﺝ ﮐﺮﻭﺍﭼﮑﯽ ﮨﻮﮞ ﺍﺏ ﺗﻢ ﺷﻮﻕ ﺳﮯ ﺍﭘﻨﯽ ﮐﮩﺎﻧﯽ ﺟﺎﺭﯼ ﺭﮐﮫ ﺳﮑﺘﮯ ﮨﻮ ۔۔ﮨﺎﮞ ﺗﻮﺗﻢ ﮐﯿﺎ ﮐﮩﮧ ﺭﮨﮯ ﺗﮭﮯ ’’ ﺯﻣﺴﺘﺎﻥ ﻣﯿﮟ ﺩﻭﺭﺩﻭﺭﺳﮯ ﻟﻮﮒ ﺑﺮﻓﺎﻧﯽ ﮐﮭﯿﻠﻮﮞ ﮐﺎ ﻟﻄﻒ ﻟﯿﻨﮯ ﺁﺗﮯ ﺗﮭﮯ ‘‘ ۔ﭘﮭﺮ ﻭﮨﯽ ﻣﺎﺿﯽ ﮐﺎ ﺟﺒﺮ ﻣﺴﻠﻂ ﮐﺮﺭﮨﮯ ﮨﻮ۔ ﮐﯿﺎ ﯾﮧ ’ ﺗﮭﺎﺍﻭﺭ ﺗﮭﮯ ‘ ﺗﻤﮩﺎﺭﮮ ﺷﻌﻮﺭﮐﺎ ﺟﺰﺀ ﻻﯾﻨﻔﮏ ﻧﮩﯿﮟ ﺑﻦ ﭼﮑﮯ ﮨﯿﮟ؟ﺩﺍﺳﺘﺎﮞ ﮔﻮ ! ﻣﺎﺿﯽ،ﻣﻮﺕ ﺍﻭﺭﻣﺤﺮﻭﻣﯽ ﯾﺎ ﮨﺮ ﻭﮦ ﭼﯿﺰ ﺟﻮ ﺗﻤﮩﺎﺭﮮ ﻗﺒﻀﮧ ﻗﺪﺭﺕ ﺳﮯ ﻧﮑﻞ ﭼﮑﯽ ﮨﻮ ﻋﺰﯾﺰ ﮐﯿﻮﮞ ﮨﻮﺟﺎﺗﯽ ﮨﮯ؟۔ﮨﻢ ﺣﺎﻝ ﻣﯿﮟ ﺟﯿﻨﺎ ﭼﺎﮨﺘﮯ ﮨﯿﮟ۔ﯾﮧ ﻻﺯﻡ ﺗﻮ ﻧﮩﯿﮟ ﮐﮧ ﺳﺐ ﮐﻮ ﻣﺎﺿﯽ ﻋﺰﯾﺰ ﮨﻮ ﺍﺱ ﻟﺌﮯ ’ ﺗﮭﺎ ﺍﻭﺭ ﺗﮭﮯ ‘ ﺍﺱ ﻓﺴﺎﻧﮯﮐﺎ ﻣﺤﻮﺭ ﮐﯿﻮﮞ ﮨﯿﮟ؟ﻣﯿﮟ ﺑﮭﯽ ﺍﯾﮏ ﮐﮩﺎﻧﯽ ﺗﮭﯽ؟ ﺍﻥ ﮐﮩﯽ؟ﺍﻥ ﺳﻨﯽ ؟ﺍﻭﺭ ﺍﻥ ﺩﯾﮑﮭﯽ؟۔۔۔۔۔۔ ’ ﺗﮭﺎ ‘ ﺩﺭﺍﺻﻞ ﺗﻤﮩﺎﺭﯼ ﺍﺟﺘﻤﺎﻋﯽ ﻓﮑﺮ ﮐﺎ ﻧﭽﻮﮌ ﮨﮯﺍﻭﺭ ﯾﮧ ﺻﺮﻑ ﭼﻨﺪ ﻟﻤﺤﻮﮞ ﮐﮯ ﮔﺰﺭﺟﺎﻧﮯ ﭘﺮ ﻣﺤﯿﻂ ﻧﮩﯿﮟ ﺑﻠﮑﮧ ﭘﻮﺭﯼ ﺯﻧﺪﮔﯽ ﭘﺮ ﺩﺍﻝ ﮨﮯ ۔ ﺯﻧﺪﮔﯽ ﺟﻮ ﮐﺒﮭﯽ ’ ﮨﻤﺎﺭﯼ ‘ ﺩﺳﺘﺮﺱ ﻣﯿﮟ ﺗﮭﯽ ﮨﯽ ﻧﮩﯿﮟ ۔ ﮐﯿﺎ ﺗﻢ ﻣﺎﺿﯽ ،ﺣﺎﻝ ﺍﻭﺭ ﻣﺴﺘﻘﺒﻞ ﺗﯿﻨﻮﮞ ﮐﻮ ﻣﻼﮐﺮ ﮐﻮﺋﯽ ﺍﯾﮏ ﺍﯾﺴﺎ ﻭﻗﺖ ﭘﯿﺪﺍﻧﮩﯿﮟ ﮐﺮﺳﮑﺘﮯ ﺟﺲ ﻣﯿﮟ ﺳﺐ ﮐﭽﮫ ’ ﺣﺎﻝ ‘ ﻣﯿﮟ ﮨﻮﺍﻭﺭ ﺣﺴﺐ ﺣﺎﻝ ﮨﻮ؟ ﻭﯾﻞ ! ﻣﯿﮟ ﻧﮯ ﺍﭘﻨﺎ ﺍﺣﺘﺠﺎﺝ ﺩﺭﺝ ﮐﺮﺍﺩﯾﺎ ﮨﮯ ﺍﺏ ﺗﻢ ﺷﻮﻕ ﺳﮯ ﺍﭘﻨﯽ ﮐﮩﺎﻧﯽ ﺟﺎﺭﯼ ﺭﮐﮫ ﺳﮑﺘﮯ ﮨﻮ ۔۔ﻣﻌﺬﺭﺕ ! ﻣﯿﺮﯼ ﮐﮩﺎﻧﯽ۔۔۔۔۔ﮨﺎﮞ ﺗﻮﺗﻢ ﮐﯿﺎ ﮐﮩﮧ ﺭﮨﮯ ﺗﮭﮯ۔۔۔
ﻗﺪﺳﯽ ﮐﺎ ﺍﺣﺘﺠﺎﺝ ﻧﻮﭦ ﮐﺮﻟﯿﺎ ﮔﯿﺎ ﮨﮯ۔ ﮨﺎﮞ ﺗﻮ ﻣﯿﮟ ﯾﮧ ﮐﮩﮧ ﺭﮨﺎ ﺗﮭﺎ ﮐﮧ۔۔۔
ﺯﻣﺴﺘﺎﻥ ﻣﯿﮟ ﺩﻭﺭﺩﻭﺭﺳﮯ ﻟﻮﮒ ﺑﺮﻓﺎﻧﯽ ﮐﮭﯿﻠﻮﮞ ﮐﺎ ﻟﻄﻒ ﻟﯿﻨﮯ ﺁﺗﮯﺗﮭﮯ ۔ﺍﺱ ﻭﻗﺖ ﺑﮭﯽ ﮐﺎﻓﯽ ﺗﻌﺪﺍﺩ ﻣﯿﮟ ﻣﻘﺎﻣﯽ،ﮨﻨﺪﻭﺳﺘﺎﻧﯽ ﺍﻭﺭﺑﯿﺮﻭﻧﯽ ﺳﯿﺎﺡ ﺁﺋﮯ ﮨﻮﺋﮯ ﺗﮭﮯ۔ ﻭﮦ ﻣﻘﺎﻣﯽ ﻧﮩﯿﮟ ﺗﮭﺎ ﻟﯿﮑﻦ ﺍﺏ ﺗﮏ ﯾﮧ ﺳﻤﺠﮫ ﻧﮩﯿﮟ ﭘﺎﯾﺎ ﺗﮭﺎ ﮐﮧ ﻭﮦ ﺑﯿﺮﻭﻧﯽ ﺗﮭﺎ ﯾﺎ ﮨﻨﺪﺳﺘﺎﻧﯽ؟ ﯾﮧ ﺳﯿﺎﺣﺘﯽ ﻣﻘﺎﻡ ﺍﭘﻨﮯ ﺳﯿﺎﺣﻮﮞ ﺳﮯﺍﯾﮏ ﺍﯾﮏ ﮐﺮﮐﮯﺧﺎﻟﯽ ﮨﻮﺭﮨﺎ ﺗﮭﺎ،ﺗﻘﺮﯾﺒﺎً ﺧﺎﻟﯽ ﮨﻮﭼﮑﺎ ﺗﮭﺎ،ﺍﺏ ﺻﺮﻑ ﻭﮨﯽ ﻟﻮﮒ ﺑﭽﮯ ﺗﮭﮯ ﺟﻦ ﮐﯽ ﺍﭘﻨﯽ ﺩﮐﺎﻧﯿﮟ ﺗﮭﯿﮟ ۔ ﻭﮦ ﮐﯿﻮﮞ ﻧﮩﯿﮟ ﺁﺋﯽ؟ ﺟﮕﮧ ﺗﻮ ﯾﮩﯽ ﺗﮭﯽ،ﻭﻗﺖ ﺍﻭﺭ ﻣﻘﺎﻡ ﺍﺳﯽ ﻧﮯ ﻣﺘﻌﯿﻦ ﮐﯿﺎ ﺗﮭﺎ ۔ﭘﺎﻧﭻ ﺑﺞ ﺭﮨﮯﮨﯿﮟ،ﻓﻮﻥ ﻧﮩﯿﮟ ﺍﭨﮭﺎ ﺭﮨﯽ ﮨﮯ،ﺍﺏ ﺗﻮ ﻣﻮﺑﺎﺋﻞ ﺑﮭﯽ ’ ﺁﺅﭦ ﺁﻑ ﮐﻮﺭﯾﺞ ﺍﯾﺮﯾﺎ ‘ ﺑﺘﺎﺭﮨﺎ ﮨﮯ،ﺍﺏ ﻧﮩﯿﮟ ﺁﺋﮯ ﮔﯽ ۔ ﻭﮦ ﺍﺿﻄﺮﺍﺏ ﻭ ﺍﺿﻤﺤﻼﻝ ﮐﮯ ﺟﺎﮞ ﮔﺴﻞ ﻟﻤﺤﻮﮞ ﻣﯿﮟ ﺭﯾﺴﺘﻮﺭﺍﮞ ﺳﮯ ﺑﺎﮨﺮﺁﺗﺎ ،ﺳﮕﺮﯾﭧ ﺳﻠﮕﺎﺗﺎ، ﺍﯾﮏ ﮨﯽ ﮐﺶ ﻣﯿﮟ ﭘﻮﺭﺍﺳﮕﺮﯾﭧ ﭘﯽ ﻟﯿﻨﺎ ﭼﺎﮨﺘﺎ ، ﺩﮬﻮﺋﯿﮟ ﮐﮯ ﺩﺑﯿﺰ ﻣﺮﻏﻮﻟﮯ ﻓﻀﺎﻣﯿﮟ ﯾﻮﮞ ﺭﻗﺺ ﮐﺮﺗﮯ ﻧﻈﺮﺁﺗﮯﮔﻮﯾﺎ ﺩﮬﻨﺪﻟﮯ ﺑﺎﺩﻟﻮﮞ ﻣﯿﮟ ﺗﺤﻠﯿﻞ ﮨﻮﻧﮯ ﮐﯽ ﺧﻮﺷﯽ ﻣﻨﺎﺭﮨﮯ ﮨﻮﮞ،ﮔﻮﯾﺎ ﺑﺎﺩﻟﻮﮞ ﮐﻮ ﺑﺮﺷﮕﺎﻝ ﮐﯽ ﺩﻋﻮﺕ ﺭﮨﮯ ﮨﻮﮞ،ﻭﺻﺎﻝ ﮐﯽ ﺩﻋﻮﺕ ۔ﺁﺧﺮﯼ ﮐﺶ ﺗﮏ ﺍﭘﻨﮯ ﺧﯿﺎﻟﻮﮞ ﻣﯿﮟ ﮔﻢ ﺭﮨﺘﺎ ﺍﻭﺭ ﺳﮕﺮﯾﭧ ﺧﺘﻢ ﮨﻮﺗﮯ ﮨﯽ ﺍﺳﮯ ﺷﺪﺕ ﺳﮯﺳﺮﺩﯼ ﮐﺎ ﺍﺣﺴﺎﺱ ﮨﻮﻧﮯ ﻟﮕﺘﺎ،ﮨﻮﺍﺋﯿﮟ ﮨﮉﯾﻮﮞ ﮐﮯ ﺍﻧﺪﺭ ﺍﺗﺮﺗﯽ ﮨﻮﺋﯽ ﻣﺤﺴﻮﺱ ﮨﻮﺗﯿﮟ، ﻋﺠﯿﺐ ﺳﯽ ﺍﻟﺠﮭﻦ،ﺑﮯ ﭼﯿﻨﯽ،ﺗﺸﻮﯾﺶ،ﺗﺮﺩﺩ ﺍﻭﺭﺗﻔﮑﺮﮐﯽ ﻟﮑﯿﺮﯾﮟ ﺍﺱ ﮐﮯ ﭼﮩﺮﮮﭘﺮﺑﻨﺘﯽ ﺍﻭﺭ ﻣﭩﺘﯽ ﺭﮨﺘﯿﮟ ،ﮐﯿﺎ ﮨﻮﺍ ﮨﻮﮔﺎ،ﻧﮩﯿﮟ ﻧﮩﯿﮟ ﺍﯾﺴﺎ ﻧﮩﯿﮟ ﮨﻮﺳﮑﺘﺎ،ﺍﯾﮏ ﻣﺜﺒﺖ ﺍﭘﺮﻭﭺ ﺍﯾﮏ ﻣﻨﻔﯽ ﺧﯿﺎﻝ ﮐﯽ ﻧﻔﯽ ﮐﺮﺭﮨﺎ ﺗﮭﺎ۔ﺣﺎﻻﺕ ﺍﺗﻨﮯ ﺧﺮﺍﺏ ﻧﮩﯿﮟ ﻟﯿﮑﻦ ﭘﺮﺁﺷﻮﺏ ﺭﯾﺎﺳﺖ ﮐﮯ ﺷﻮﺭﺵ ﺯﺩﮦ ﺣﺎﻻﺕ ﻣﯿﮟ ﻭﺳﻮﺳﮯﺍﻭﺭ ﻭﺍﮨﻤﮯﺑﮭﯽ ﺷﻮﺭﺵ ﺯﺩﮦ ﺍﻭﺭﻣﺘﻮﺣﺶ ﮨﻮﺗﮯ ﮨﯿﮟ ۔ﻭﮦ ﺳﻮﭺ ﺭﮨﺎ ﺗﮭﺎ ﺍﻭﺭﭘﮭﺮ ﺍﻧﺘﻈﺎﺭ ﮐﺎ ﺍﺿﻄﺮﺍﺏ ﮐﺴﯽ ﺍﯾﮏ ﺟﮕﮧ ﺳﮑﻮﻥ ﺳﮯ ﮐﮩﺎﮞ ﺑﯿﭩﮭﻨﮯﺩﯾﺘﺎﮨﮯ۔ﻭﯼﭨﺮ ﺑﮭﯽ ﭼﺎﺋﮯ ﭘﻼﭘﻼﮐﺮﻋﺎﺟﺰﻧﻈﺮ
ﺁﺭﮨﺎﺗﮭﺎ، ﻏﻠﮯ ﭘﺮ ﺑﯿﭩﮭﺎ ﮨﻮﺍﺷﺨﺺ ﺍﺏ ﻋﺠﯿﺐ ﺩﺯﺩﯾﺪﮦ ﻧﮕﺎﮨﻮﮞ ﺳﮯ ﺩﯾﮑﮫ ﺭﮨﺎ ﺗﮭﺎ ﺍﻭﺭ ﭘﮭﺮ ﺍﺱ ﻧﮯ ﻣﺤﺴﻮﺱ ﮐﯿﺎ ﮐﮧ ﺭﯾﺴﺘﻮﺭﺍﮞ ﻣﯿﮟ ﻣﻮﺟﻮﺩ ﺗﻤﺎﻡ ﻟﻮﮒ ﺍﺳﮯ ﻣﺸﮑﻮﮎ ﻧﮕﺎﮨﻮﮞ ﺳﮯ ﺩﯾﮑﮭﻨﮯ ﻟﮕﮯ ﮨﯿﮟ۔ ﺍﺱ ﻧﮯ ﻣﺤﺴﻮﺱ ﮐﯿﺎﮐﮧ ﻭﮦ ﻏﯿﺮﻣﺮﺋﯽ ﻃﻮﺭ ﭘﺮ ﺭﺍﮈﺍﺭﭘﺮﮨﮯ، ﮐﻮﺋﯽ ﺍﯾﮏ ﺳﺎﯾﮧ ﺍﺱ ﮐﺎ ﭘﯿﭽﮭﺎ ﮐﺮﺭﮨﺎ ﮨﮯ ۔ ﻧﮩﯿﮟ ﮐﻮﺋﯽ ﺍﯾﮏ ﻧﮩﯿﮟ ﺑﻠﮑﮧ ﮐﺌﯽ ﺳﺎﺋﮯ ﺍﺱ ﮐﺎ ﺗﻌﺎﻗﺐ ﮐﺮﺭﮨﮯ ﮨﯿﮟ۔۔۔ ﺑﺎﺱ،ﺁﺭﻣﯽ،ﺍﯾﺠﻨﺴﯽ،ﺍﺳﮑﯽ ﺍﭘﻨﯽ ﺷﻮﺭﯾﺪﮔﯽ ﺍﻭﺭ ’ ﻗﺪﺳﯽ ‘ ۔ ﺁﺯﻣﺎﺋﺸﻮﮞ ﮐﻮ ﺩﻋﻮﺕ ﺩﯾﻨﺎ ﮐﻮﺋﯽ ﺍﭼﮭﯽ ﺑﺎﺕ ﻧﮩﯿﮟ ﺍﻭﺭ ﯾﮧ ﺳﻮﭼﺘﮯ ﮨﻮﺋﮯ ﺑﮯ ﺟﺎﻥ ﻗﺪﻣﻮﮞ ﺳﮯﻧﯿﭽﮯ ﺍﺗﺮﻧﮯ ﻟﮕﺎ۔ﺁﺑﺎﺩﯼ،ﮐﯿﻤﭗ،ﮨﻮﭨﻞ ﺍﻭﺭ ﻓﺮﺩﻭﺱ ﺑﺮﯾﮟ ﺗﯿﻦ ﮨﺰﺍﺭ ﻓﭧ ﻧﯿﭽﮯ ﺗﮭﮯ۔ﮐﭽﮫ ﭼﮩﺮﮮ ﻧﻈﺮﺁﺋﮯ ﺗﺮﻭﺗﺎﺯﮦ،ﮨﺸﺎﺵ ﺑﺸﺎﺵ ﺍﻭﺭ ﮐﭽﮫ ﺟﻮﮌﮮ ﺑﮭﯽ ﺗﮭﮑﮯ ﮨﻮﺋﮯ،ﺑﻮﺟﮭﻞ ﻣﮕﺮ ﺯﻧﺪﮔﯽ ﺳﮯ ﺑﮭﺮﭘﻮﺭ۔۔۔۔۔
ﻗﺪﺳﯿﮧ ﺳﮯ ﻣﻠﻨﮯ ﮐﯽ ﯾﮧ ﺁﺧﺮﯼ ﮐﻮﺷﺶ ﺗﮭﯽ ﺟﻮﺭﺍﺋﮕﺎﮞ ﭼﻠﯽ ﮔﺌﯽ ۔ ﻭﮦ ﺳﻮﭼﻨﮯ ﻟﮕﺎ ﮐﮧ ﺳﻮﺷﻞ ﻧﯿﭧ ﻭﺭﮐﻨﮓ ﺳﺎﺋﭩﺲ ﭘﺮ ﺟﻮﺍﻥ ﮨﻮﻧﮯﻭﺍﻟﯽ ﻣﺤﺒﺘﯿﮟ ﻗﺎﺑﻞ ﺍﻋﺘﻨﺎ ﺀ ﮨﯿﮟ ؟ ﺗﻘﺮﯾﺒﺎ ﺍﯾﮏ ﺳﺎﻝ ﺍﭼﮭﺎ ﺧﺎﺻﺎ ﻭﻗﺖ ﺳﺎﺗﮫ ﻣﯿﮟ ﮔﺰﺍﺭﻧﮯ ﮐﮯﺑﻌﺪﺑﮭﯽ ﺳﺐ ﮐﭽﮫ ﺧﯿﺎﻟﯽ،ﻭﮨﻤﯽ ﺍﻭﺭﭘﺮﻓﺮﯾﺐ ﮨﯽ ﺭﮨﺎ۔ﮐﮩﻨﮯ ﮐﻮ ﺗﻮ ﺳﺐ ﮐﭽﮫ ﺍﯾﮏ ﮐِﻠِﮏ ﮐﯽ ﺩﻭﺭﯼ ﭘﺮ ﺗﮭﺎ ﻣﮕﺮﻭﮦ ﺍﯾﮏ ﮐﻠﮏ؟ﺳﺐ ﻓﺮﯾﺐ ﺧﯿﺎﻝ ﮨﮯ ﺍﻭﺭ ﺷﺎﯾﺪ ﯾﮩﯽ ﺣﻘﯿﻘﺖ ﮨﮯ۔
۔۔۔۔۔۔۔۔۔۔۔۔
ﺗﻘﺮﯾﺒﺎًﺳﺎﻝ ﺑﮭﺮ ﭘﮩﻠﮯ ﮐﯽ ﺑﺎﺕ ﮨﮯ،ﺍﺳﮯﺷﮩﺮﻣﯿﮟ ﺁﺋﮯ ﮨﻮﺋﮯ ﮐﻮﺋﯽ ﺩﻭ ﺗﯿﻦ ﻣﺎﮦ ﮨﻮﺋﮯ ﺗﮭﮯ۔ ﺍﺱ ﻧﮯ ﺑﻮﺭﯾﺖ ﺳﮯ ﺑﭽﻨﮯ ﮐﮯ ﻟﺌﮯ ﺍﭘﻨﮯ ﺷﺐ ﻭﺭﻭﺯ ﮐﻮﺗﯿﻦ ﺣﺼﻮﮞ ﻣﯿﮟ ﺑﺎﻧﭧ ﺩﯾﺎ ۔ ﺻﺒﺢ ﺩﺱ ﺳﮯ ﭼﺎﺭ ﺑﺠﮯ ﺗﮏ ﻓﯿﻠﮉ ﻣﯿﮟ ﮨﻮﺗﺎ،ﺑﮭﺎﻧﺖ ﺑﮭﺎﻧﺖ ﮐﮯ ﻟﻮﮔﻮﮞ ﺳﮯ ﻣﻼﻗﺎﺕ ﺍﻭﺭ ﺑﮭﺎﻧﺖ ﺑﮭﺎﻧﺖ ﮐﯽ ﮐﮩﺎﻧﯿﺎﮞ،ﻗﺼﮯ ﺍﻭﺭ ﻣﺤﺎﮐﺎﺕ۔ﺟﻨﮕﺠﻮﺋﯿﺖ،ﻓﻮﺝ،ﺍﻧﺴﺎﻧﯽ ﺣﻘﻮﻕ ﮐﯽ ﭘﺎﻣﺎﻟﯽ،ﺍﻧﻔﺎﺭﻣﺮ،ﮐﻮﻟﯿﺒﻮﺭﯾﭩﺮ ﺍﻭﺭ ﺳﯿﺎﺳﯽ ﻣﻘﺎﻣﺮﯼ ﯾﮧ ﭘﺴﻨﺪﯾﺪﮦ ﻣﻮﺿﻮﻋﺎﺕ ﺗﮭﮯ۔ﭘﺎﻧﭻ ﺳﮯ ﺩﺱ ﺑﺠﮯ ﺗﮏ ﺁﻓﺲ ﻣﯿﮟ ﺍﻭﺭ ﺩﺱ ﺳﮯﺑﺎﺭﮦ ﺑﺠﮯ ﺗﮏ ﺳﻮﺷﻞ ﻧﯿﭧ ﻭﺭﮐﻨﮓ ﺳﺎﺋﭩﺲ ﭘﺮ ’ ﺩﺍﻧﺸﻮﺭﯼ ‘ ۔ ﺩﻓﺘﺮ ﭘﮩﻨﭽﺘﮯ ﮨﯽ ﺳﺐ ﺳﮯ ﭘﮩﻠﮯ ﻣﯿﻞ،ﺁﺭﮐﭧ ﺍﻭﺭ ﻓﯿﺴﺒﮏ ﭼﯿﮏ ﮐﺮﺗﺎ ﺍﻭﺭ ﺍﺱ ﮐﮯ ﺑﻌﺪ ﻣﻌﻤﻮﻝ ﮐﮯ ﮐﺎﻡ ﻣﯿﮟ ﻣﺼﺮﻭﻑ ﮨﻮﺟﺎﺗﺎ۔ ﺩﻓﺘﺮﯼ ﻋﻤﻠﮯ ﮐﮯﻋﻼﻭﮦ ﺩﻭ ﭼﺎﺭ ﻟﻮﮔﻮﮞ ﺳﮯ ﺷﻨﺎﺳﺎﺋﯽ ﺗﮭﯽ ﺑﺮﺍﺋﮯ ﻧﺎﻡ ﺍﻭﺭ ﺑﺮﺍﺋﮯ ﮐﺎﻡ ۔ ﻭﯾﭩﺮ ﺍﻭﺭ ﮐﻤﭙﻮﺯﺭﺻﺤﺎﻓﯽ ﺑﻦ ﺑﯿﭩﮭﮯ ﺗﮭﮯ، ﻭﮦ ﺳﺐ ﭘﺴﺖ ﺫﮨﻦ ﺗﮭﮯ۔ﻣﺤﺪﻭﺩ ﺟﻐﺮﺍﻓﯿﺎﺋﯽ ﻭﺳﺎﺋﻞ ﻣﯿﮟ ﭘﻠﻨﮯ ﻭﺍﻟﮯ ﻣﺤﺪﻭﺩﻓﮑﺮ ﮐﮯ ﻟﻮﮒ۔ﭼﮭﻮﭨﮯ ﺷﮩﺮﻭﮞ ﮐﯽ ﺍﭘﻨﯽ ﻣﺤﺮﻭﻣﯿﺎﮞ ﮨﻮﺗﯽ ﮨﯿﮟ ﺍﻭﺭ ﯾﮧ ﺍﻧﮩﯿﮟ ﻣﺤﺮﻭﻣﯿﻮﮞ ﮐﯽ ﭘﯿﺪﺍﻭﺍﺭ ﺗﮭﮯ۔ﻗﺪﺳﯽ ﺑﮭﯽ ﺍﻧﮩﯽ ﺩﻧﻮﮞ ﮐﯽ ﺍﯾﮏ ﺍﻣﯿﺪ ﺗﮭﯽ۔ ﺍﺱ ﻧﮯ ﺍﻧﺒﺎﮐﺲ ﭼﯿﮏ ﮐﯿﺎ ،ﺍﯾﮏ ﻧﯿﺎ ﻣﯿﻞ ﻣﻨﺘﻈﺮ ﺗﮭﺎ۔
’’ ﺁﺩﺍﺏ ! ﺁﭖ ﺑﮩﺖ ﺍﭼﮭﺎ ﻟﮑﮭﺘﮯ ﮨﯿﮟ،ﺁﭖ ﮐﯽ ﺍﺳﭩﻮﺭﯾﺰ ﺍﻭﺭ ﻣﻀﺎﻣﯿﻦ ﺑﮩﺖ ﺑﻮﻟﮉ ﮨﻮﺗﮯ ﮨﯿﮟ ﻟﯿﮑﻦ ﺍِﻥ ﺟﻨﺮﻝ ،ﺍﻥ ﮐﺎ ﮐﻮﺋﯽ ﻓﺎﺋﺪ ﮦ ﻧﮩﯿﮟ،ﯾﮧ ﺻﺮﻑ ﺯﺧﻤﻮﮞ ﮐﻮ ﮐﺮﯾﺪﺗﮯ ﮨﯿﮟ ۔ﻭﮦ ﺯﺧﻢ ﺟﻮ ﮐﭽﮫ ﻣﻨﺪﻣﻞ ﮨﻮﺭﮨﮯ ﮨﻮﺗﮯ ﮨﯿﮟ ۔ ﯾﮧ ﮐﮩﻨﺎ ﮐﮧ ﻓﻮﺝ ﻧﮯ ﻇﻠﻢ ﮐﯿﺎ ﺑﮩﺖ ﺁﺳﺎﻥ ﮨﮯ،ﻓﻼﮞ ﮐﮯ ﺳﺎﺗﮫ ﻇﻠﻢ ﮨﻮﺍ ﮨﮯ ﯾﮧ ﺑﮭﯽ ﺁﺳﺎﻥ ﮨﮯ ﻟﯿﮑﻦ ﯾﮧ ﮐﮩﻨﺎ ﮐﮧ ﻓﻮﺝ ﮐﯽ ﻓﻼﮞ ﺑﭩﺎﻟﯿﻦ ﮐﮯ ﻓﻼﮞ ﮐﻤﺎﻧﮉﺭ ﯾﺎ ﻓﻼﮞ ﺳﭙﺎﮨﯽ ﻧﮯ ﻓﻼﮞ ﮐﺎ ﻗﺘﻞ ﮐﯿﺎ ﮨﮯ ﺍﻭﺭ ﻓﻼﮞ ﮐﺎ ﺭﯾﭗ ﮐﯿﺎ ﮨﮯ ﺗﻘﺮﯾﺒﺎً ﻧﺎﻣﻤﮑﻦ ﮨﮯ۔ﯾﮧ ﻟﮑﮭﻨﮯ ﮐﯽ ﮨﻤﺖ ﺁﭖ ﮐﮯ ﺍﻧﺪﺭ ﻧﻈﺮ ﻧﮩﯿﮟ ﺁﺭﮨﯽ ﮨﮯ۔ﺍﮔﺮ ﺁﭖ ﻟﻮﮔﻮﮞ ﻧﮯ ﯾﮧ ﻟﮑﮭﺎ ﮨﻮﺗﺎ ﺗﻮ ﺷﺎﯾﺪ ﺣﺎﻻﺕ ﻭﮦ ﻧﮩﯿﮟ ﮨﻮﺗﮯ ﺟﻮ ﻧﻈﺮﺁﺭﮨﮯ ﮨﯿﮟ۔ﻣﯿﮟ ﻭﮦ ﺗﺤﺮﯾﺮﯾﮟ ﺩﯾﮑﮭﻨﺎ ﭼﺎﮨﻮﮞ ﮔﯽ ﺟﻮ ’ ﺁﻓﯿﺸﯿﻞ ﭨﺮﻭﺗﮫ ‘ ﺳﮯ ﺍﻭﭘﺮ ﮨﻮﮞ۔ﮨﻤﺎﺭﯼ ﮨﻤﺪﺭﺩﯾﺎﮞ ﺣﺎﺻﻞ ﮐﺮﻧﺎ ﭼﺎﮨﺘﮯ ﮨﯿﮟ ﺗﻮ ﺍﺱ ﮐﯽ ﮐﭽﮫ ﻗﯿﻤﺖ ﺑﮭﯽ ﺍﺩﺍ ﮐﯿﺠﺌﮯ۔ ‘‘ ﻗﺪﺳﯿﮧ ﺍﻣﯿﻦ
’ ﻗﺪﺳﯿﮧ ﺍﻣﯿﻦ ﺻﺎﺣﺒﮧ ! ﺁﭖ ﮐﺎ ﻣﯿﻞ ﭘﮍﮬﺎ،ﯾﻘﯿﻦ ﮐﯿﺠﺌﮯ ﺣﯿﺮﺕ ﮐﮯ ﺳﺎﺗﮫ ﺳﺎﺗﮫ ﺑﮯ ﺍﻧﺘﮩﺎ ﺧﻮﺷﯽ ﺑﮭﯽ ﮨﻮﺋﯽ۔ﺁﭖ ﭨﮭﯿﮏ ﮐﮩﮧ ﺭﮨﯽ ﮨﯿﮟ ﻣﯿﺮﮮ ﺍﻧﺪﺭ ﮐﻤﭩﻤﻨﭧ ﮐﺎ ﻭﮦ ﻟﯿﻮﻝ ﻧﮩﯿﮟ ﺟﻮ ﺁﭖ ﺩﯾﮑﮭﻨﮯ ﮐﯽ ﻣﺘﻤﻨﯽ ﮨﯿﮟ۔ﻣﯿﮟ ﺑﻨﯿﺎﺩﯼ ﻃﻮﺭ ﺳﮯ ﺑﮩﺖ ﺑﺰﺩﻝ ﺁﺩﻣﯽ ﮨﻮﮞ،ﮐﻮﺋﯽ ﺩﺍﻧﺸﻮﺭ ﺑﮭﯽ ﻧﮩﯿﮟ ﮨﻮﮞ ۔ﺍﺑﮭﯽ ﺗﻮ ﻣﯿﺮﯼ ﮐﻞ ﻋﻤﺮ ﮨﯽ ۲۵ ﺳﺎﻝ ﮨﮯ،۱۵ ﺳﺎﻝ ﺑﻌﺪ ﮐﮩﯿﮟ ﻭﺟﺪﺍﻥ ﻭﻋﺮﻓﺎﻥ ﮐﺎ ﺩﻋﻮﯾﺪﺍﺭ ﮨﻮﺳﮑﺘﺎ ﮨﻮﮞ۔ ’ ﻧﺒﻮﺕ ‘ ﺍﺱ ﻟﺌﮯ ﻧﮩﯿﮟ ﮐﮩﺎ ﮐﮧ ﻣﺒﺎﺩﺍ ﮐﻔﺮ ﮐﺎ ﻓﺘﻮﯼٰ ﻧﮧ ﻋﺎﺋﺪ ﮐﺮﺩﯾﮟ۔ﻣﺠﮭﮯ ﺯﻧﺪﮔﯽ ﮨﺮﺻﻮﺭﺕ ﻋﺰﯾﺰ ﮨﮯ ﺍﺳﯽ ﻟﺌﮯ ﻣﻮﺕ ﮐﯽ ﺯﯾﺎﺩﮦ ﺑﺎﺕ ﮐﺮﺗﺎ ﮨﻮﮞ۔ ﻣﯿﮟ ﭼﯿﮏ ﺟﻤﮩﻮﺭﯾﮧ ﮐﮯ ﺍﯾﮏ ﺍﺩﯾﺐ ﮐﯽ ﺑﺎﺕ ﻧﻘﻞ ﮐﺮﻧﺎ ﭼﺎﮨﻮﮞ ﮔﺎ ’ ﺍﻗﺘﺪﺍﺭ ﮐﮯ ﺧﻼﻑ ﺍﯾﮏ ﺁﺩﻣﯽ ﮐﯽ ﺟﺪﻭ ﺟﮩﺪ ﻓﺮﺍﻣﻮﺷﯽ ﮐﮯ ﺧﻼﻑ ﯾﺎﺩ ﺩﺍﺷﺖ ﮐﯽ ﺟﺪﻭ ﺟﮩﺪ ﮨﮯ ‘ ﯾﻌﻨﯽ ﺟﺒﺮ ﮐﻮ ﯾﺎﺩ ﺭﮐﮭﻨﺎ ﺑﮭﯽ ﺍﻗﺘﺪﺍﺭ ﮐﮯ ﺧﻼﻑ ﺍﯾﮏ ﺟﺪﻭ ﺟﮩﺪ ﮨﮯ۔ﺍﻭﺭ ﺍﺱ ﻃﺮﺡ ﺟﺒﺮ ﮐﮯ ﺧﻼﻑ ﻣﯿﺮﯼ ﺟﺪﻭ ﺟﮩﺪﺟﺎﺭﯼ ﮨﮯ۔ﯾﮧ ﻏﻠﻂ ﻓﮩﻤﯽ ﮨﮯ ﮐﮧ ﻣﯿﮟ ﺁﭖ ﻟﻮﮔﻮﮞ ﮐﯽ ﮨﻤﺪﺭﺩﯾﺎﮞ ﺣﺎﺻﻞ ﮐﺮﻧﺎ ﭼﺎﮨﺘﺎ ﮨﻮﮞ۔ﻣﯿﺮﯼ ﺍﺱ ﮐﺎﻭﺵ ﮐﻮ ﺿﻤﯿﺮ ﮐﯽ ﻣﺠﺒﻮﺭﯼ ﮐﮩﮧ ﻟﯿﺠﺌﮯ ﯾﺎ ﻣﻼﺯﻣﺖ ﮐﯽ۔ﻭﯾﺴﮯ ﻣﯿﺮﯼ ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ ﮐﮧ ﻣﯿﮟ ﻧﮯ ﺁﭖ ﮐﻮ ﻭﺿﺎﺣﺖ ﮐﯿﻮﮞ ﭘﯿﺶ ﮐﯽ ﮨﮯ۔ﺧﯿﺮ ﺧﻮﺵ ﺭﮨﺌﮯ۔ ﺑﯿﺴﭧ ﺭﯾﮕﺎﺭﮈﺱ۔ ‘ ﺍﺣﻤﺪ ﺳﻌﯿﺪ
’ ﺧﻮﺵ ﮐﯿﺴﮯ ﺭﮦ ﺳﮑﺘﯽ ﮨﻮﮞ،ﭼﭙﮯ ﭼﭙﮯ ﭘﺮﻓﻮﺝ ﮨﮯ،ﭘﻮﻟﯿﺲ ﮨﮯ،ﻧﺎﮐﮧ ﺑﻨﺪﯼ ﮨﮯ،ﮔﮭﺮ ﮔﮭﺮ ﻣﯿﮟ ’ ﺟﻨﮕﺠﻮ ‘ ﮨﯿﮟ، ﮐﻮﺋﯽ ﺍﯾﺴﺎ ﮔﮭﺮ ﻧﮩﯿﮟ ﺟﺲ ﻣﯿﮟ ﮐﻮﺋﯽ ﺍﯾﮏ ﮐﺮﺳﯽ ﺧﺎﻟﯽ ﻧﮧ ﮨﻮ۔ﺩﻭ ﻣﺎﮦ ﺳﮯ ﮐﺮﻓﯿﻮﺯﺩﮦ ﺣﺎﻟﺖ ﻣﯿﮟ ﮨﯿﮟ ،ﺧﻮﺵ ﮐﯿﺴﮯ ﺭﮦ ﺳﮑﺘﯽ ﮨﻮﮞ؟ ‘‘
’ ﻣﯿﮟ ﺁﭖ ﮐﻮ ﺟﺎﻧﺘﺎ ﻧﮩﯿﮟ ﮨﻮﮞ ﺍﺱ ﻟﺌﮯ ﻣﺰﯾﺪ ﺑﺎﺕ ﻧﮩﯿﮟ ﮨﻮﺳﮑﺘﯽ،ﺁﭖ ﺍﭘﻨﺎ ﻧﻤﺒﺮ ﮈﺭﺍﭖ ﮐﺮﺩﯾﺠﺌﮯ،ﺍﻭﺭ ﮐﭽﮫ ﺗﺼﻮﯾﺮﯾﮟ ﺑﮭﯽ۔ﻣﺠﮭﮯ ﺑﮭﯽ ﺗﻮ ﻣﻌﻠﻮﻡ ﮨﻮﻧﺎ ﭼﺎﮨﺌﮯ ﮐﮧ ﻣﯿﮟ ﮐﺴﯽ ﺳﺎﺋﮯ،ﮐﺴﯽ ﺩﯾﻮﺍﺭﯾﺎ ﮐﺴﯽ ﮨﯿﻮﻟﯽٰ ﺳﮯ ﮨﻢ ﮐﻼﻡ ﻧﮩﯿﮟ ﮨﻮﮞ۔ﺍﮔﺮ ﻧﻤﺒﺮ ﻧﮩﯿﮟ ﺩﯾﻨﺎ ﭼﺎﮨﺘﯽ ﮨﯿﮟ ﺗﻮ ﯾﮧ ﻣﯿﺮﺍ ﻧﻤﺒﺮ ﮨﮯ۔ﮐﺒﮭﯽ ﺑﮭﯽ ﮐﺎﻝ ﮐﺮﺳﮑﺘﯽ ﮨﯿﮟ ‘
’’ ﻭﺍﮦ ﮐﯿﺎ ﺑﺎﺕ ﮨﮯ۔ ﺍﮔﺮ ﮐﺎﻝ ﮐﺮﻭﻧﮕﯽ ﺗﻮ ﻣﯿﺮﺍ ﻧﻤﺒﺮ ﺁﭖ ﺗﮏ ﻧﮩﯿﮟ ﭘﮩﻨﭻ ﺟﺎﺋﮯ ﮔﺎ؟ ﺍﭼﮭﺎ ﺣﺲ ﻣﺰﺍﺡ ﺭﮐﮭﺘﮯ ﮨﯿﮟ۔ ﯾﮧ ﻟﮕﮋﺭﯼ ﺻﺮﻑ ﺁﭖ ﮨﯽ ﻟﻮﮒ ﺍﻓﻮﺭﮈ ﮐﺮﺳﮑﺘﮯ ﮨﯿﮟ۔ ﺑﮩﺮ ﺣﺎﻝ ﯾﮧ ﺁﭖ ﮐﺎ escapism ﮨﮯ ۔ﻧﮧ ﻣﯿﮟ ﻧﻤﺒﺮ ﺩﻭﻧﮕﯽ ﺍﻭﺭ ﻧﮧ ﮨﯽ ﺗﺼﻮﯾﺮﯾﮟ۔ ﺍﻭﺭ ﮨﺎﮞ ﺁﭖ ﮨﯽ ﮐﯽ ﺯﺑﺎﻥ ﻣﯿﮟ ﻧﮧ ﻣﯿﮟ ﮐﻮﺋﯽ ﺳﺎﯾﮧ،ﮐﻮﺋﯽ ﺩﯾﻮﺍﺭ ﺍﻭﺭ ﮐﻮﺋﯽ ﮨﯿﻮﻟﯽٰ ﮨﻮﮞ، ﭘﻮﻟﯿﭩﯿﮑﻞ ﺳﺎﺋﻨﺲ ﺳﮯ ﺍﯾﻢ ﺍﮮ ﮐﯿﺎ ﮨﮯ ﺍﻭﺭ ﮨﯿﻮﻣﻦ ﺭﺍﺋﭩﺲ ﺍﯾﮑﭩﯽ ﻭﺳﭧ ﮨﻮﮞ۔ﻣﯿﺮﮮ ﻭﺍﻟﺪﯾﻦ ﭨﯿﭽﺮ ﺗﮭﮯ،ﺍﻧﺴﺮﺟﻨﺴﯽ ﮐﯽ ﻧﺬﺭ ﮨﻮﮔﺌﮯ ،ﻣﺎﻣﻮﮞ ﮐﯽ ﮐﻔﺎﻟﺖ ﻣﯿﮟ ﺭﮨﺘﯽ ﮨﻮﮞ،ﻣﯿﮟ ﻧﮯ ﭘﻮﭼﮭﺎ ﺗﮭﺎ ﮐﮧ ﺁﭖ ﯾﮩﺎﮞ ﮐﯿﻮﮞ ﺁﺋﮯ ﮨﯿﮟ؟ ‘‘
’ ﺁﭖ ﮐﯿﻮﮞ ﺟﺎﻧﻨﺎ ﭼﺎﮨﺘﯽ ﮨﯿﮟ؟ﺍﺗﻨﯽ ﺟﻠﺪﯼ ﮐﺴﯽ ﻧﺘﯿﺠﮯﭘﺮ ﻧﮩﯿﮟ ﭘﮩﻨﭽﺘﮯ ﺍﻭﺭﻣﯿﮟ ﻣﺤﺴﻮﺱ ﮐﺮﺭﮨﺎ ﮨﻮﮞ ﮐﮧ ﺁﭖ ﻧﮧ ﺻﺮﻑ ﺍﯾﮏ ﻧﺘﯿﺠﮯ ﭘﺮ ﭘﮩﻨﭻ ﮔﺌﯽ ﮨﯿﮟ ﺑﻠﮑﮧ ﻣﯿﺮﮮ ﺍﻭﭘﺮ ﺍﻟﺰﺍﻡ ﺑﮭﯽ ﻟﮕﺎﺭﮨﯽ ﮨﯿﮟ۔ ﻧﺰﺍﻋﯽ ﯾﺎ ﺑﮩﺖ ﺯﯾﺎﺩﮦ ﺣﺴﺎﺱ ﻣﻌﺎﻣﻼﺕ ﭘﺮ ﻣﯿﺮﮮ ﺍﭘﻨﮯ ﺗﺤﻔﻈﺎﺕ ﮨﯿﮟ۔ ﮐﭽﮫ ﺳﻮﺍﻟﻮﮞ ﮐﺎ ﺟﻮﺍﺏ ﺁﭖ ﮐﻮ ﺧﻮﺩ ﺑﺨﻮﺩ ﻣﻞ ﺟﺎﺋﮯ ﮔﺎ۔ﺁﭖ ﭘﮍﮬﯽ ﻟﮑﮭﯽ ﺧﺎﺗﻮﻥ ﮨﯿﮟ ﻟﯿﮑﻦ ﻟﮩﺠﮯ ﺳﮯ ’ ﺍﻧﺪﺍﺯﮦ ‘ ﮨﻮﺭﮨﺎ ﮨﮯ ﮐﮧ ﺁﭖ ﻣﻔﺮﻭﺿﻮﮞ ﮐﻮ ﯾﻘﯿﻦ ﺳﻤﺠﮭﻨﮯ ﻟﮕﯽ ﮨﯿﮟ۔ﺍﺏ ﻣﯿﺮﮮﺟﺎﻧﮯ ﮐﺎ ﻭﻗﺖ ﮨﻮﮔﯿﺎ ﮨﮯ۔ﭘﮭﺮ ﮐﺒﮭﯽ ﺑﺎﺕ ﮨﻮﮔﯽ۔ﺍﻟﻠﮧ ﺣﺎﻓﻆ ‘
’’ ﺗﺤﻔﻈﺎﺕ ‘‘ ﮐﯿﺎ ﮨﯽ ﺟﺎﻣﻊ ﻟﻔﻆ ﮨﮯ۔ﮨﻢ ﻟﻮﮔﻮﮞ ﮐﯽ ﺗﺮﺟﻤﺎﻧﯽ ﮐﮯ ﻟﺌﮯ ﺁﭖ ﻟﻮﮔﻮﮞ ﮐﮯ ﭘﺎﺱ ﺍﺱ ﺳﮯ ﺑﮩﺘﺮ ﮐﻮﺋﯽ ﺍﻭﺭ ﻟﻔﻆ ﻧﮩﯿﮟ؟۔ﺑﮩﺖ ﺧﻮﺏ !ﻣﻔﺮﻭﺿﻮﮞ ﮐﻮ ﯾﻘﯿﻦ ﺳﻤﺠﮭﻨﮯ ﻟﮕﯽ ﮨﻮﮞ؟ ﯾﻘﯿﻦ ﮐﯿﺠﺌﮯ ﺍﺱ ﺳﮯ ﺑﮍﯼ ﮔﺎﻟﯽ ﮐﺴﯽ ﻧﮯ ﺁﺝ ﺗﮏ ﮨﻤﯿﮟ ﻧﮩﯿﮟ ﺩﯼ ﺗﮭﯽ۔ ‘‘
’ ﺁﭖ ﺍﭘﻨﯽ ﺑﺎﺕ ﮐﯿﺠﺌﮯ۔ ﻣﯿﺮﺍ ﺧﯿﺎﻝ ﺁﭖ ﮐﻮ ﮔﺎﻟﯽ ﻟﮕﺎ،ﻣﺠﮭﮯ ﺑﮯ ﺣﺪﺍﻓﺴﻮﺱ ﮨﮯ ‘ ۔
ﺍﺳﮯ ﺁﻓﺲ ﺳﮯ ﻧﮑﻠﮯ ﮨﻮﺋﮯ ﺍﺑﮭﯽ ﺩﺱ ﻣﻨﭧ ﮨﻮﺋﮯ ﮨﻮﮞ ﮔﮯ ﮐﮧ ﻣﻮﺑﺎﺋﻞ ﻭﺍﺋﺒﺮﯾﭧ ﮐﺮﻧﮯ ﻟﮕﺎ۔ﻏﯿﺮﻣﻌﻠﻮﻡ ﻧﻤﺒﺮ ﺳﮯ ﮐﺎﻝ ﺗﮭﯽ۔
’ ﮨﯿﻠﻮ ! ﺟﯽ ﻓﺮﻣﺎﺋﯿﮯ ﮐﺲ ﺳﮯ ﺑﺎﺕ ﮐﺮﻧﯽ ﮨﮯ ‘
’’ ﺁﭖ ﺳﮯ ﮨﯽ ﺑﺎﺕ ﮐﺮﻧﯽ ﮨﮯ۔ﻣﯿﮟ ﻗﺪﺳﯽ ﺑﻮﻝ ﺭﮨﯽ ﮨﻮﮞ ‘‘
’ ﻗﺪﺳﯽ ﮐﻮﻥ؟ ‘
ﻗﺪﺳﯽ ﺍﯾﮏ ﻣﺘﻮﺳﻂ ﺍﻭﺭﺧﻮﺷﺤﺎﻝ ﮔﮭﺮﺍﻧﮯ ﮐﯽ ﻟﮍﮐﯽ ﺗﮭﯽ ﺟﻮ ﺗﻌﻠﯿﻢ ﺳﮯ ﻓﺎﺭﻍ ﮨﻮﻧﮯ ﮐﮯ ﺑﻌﺪ ﻭﻗﺖ ﮔﺰﺍﺭﯼ ﮐﮯ ﻟﺌﮯﺟﺒﺮﯼ ﮔﻤﺸﺪﮦ ﺍﻓﺮﺍﺩ ﮐﯽ ﺗﻼﺵ ﺳﮯ ﻣﺘﻌﻠﻖ ﺍﯾﮏ ﺍﯾﻦ ﺟﯽ ﺍﻭ ﻣﯿﮟ ﺭﺍﺑﻄﮧ ﮐﺎﺭﮐﺎﻓﺮﯾﻀﮧ ﺍﻧﺠﺎﻡ ﺩﮮ ﺭﮨﯽ ﺗﮭﯽ . ﺍﺱ ﭘﺮ ﺟﺪﯾﺪ ﻓﯿﺸﻦ ﮐﺎﻟﻤﺲ ﻟﺌﮯ ﮨﻮﺋﮯ ﺩﯾﮩﯽ ﭘﯿﺮﮨﻦ ﺑﮩﺖ ﺍﭼﮭﮯ ﻟﮕﺘﮯﺗﮭﮯ، ﺧﺎﺹ ﻃﻮﺭ ﺳﮯ ﺗﮭﻮﮌﯼ ﻟﻤﺒﯽ ﺍﻭﺭ ﻗﺪﺭﮮ ﺍﺑﮭﺮﯼ ﮨﻮﺋﯽ ﻧﺎﮎ ﭘﺮﺳﺮﺧﯽ ﻣﺎﺋﻞ ﻧﺘﮭﻨﯽ ﺍﯾﮏ ﻋﺠﯿﺐ ﻭﺟﺪﺁﻣﯿﺰ ﮐﺸﺶ ﭘﯿﺪﺍ ﮐﺮﺗﯽ ﺗﮭﯽ . ﻭﮦ ﺍﭘﻨﮯ ﭘﮩﻨﺎﻭﮮ ﺍﻭﺭ ﺭﮐﮫ ﺭﮐﮭﺎﺅ ﻣﯿﮟ ﺍﺱ ﺑﺎﺕ ﮐﺎ ﺧﺎﺹ ﺧﯿﺎﻝ ﺭﮐﮭﻨﮯ ﮐﯽ ﮐﻮﺷﺶ ﮐﺮﺗﯽ ﺗﮭﯽ ﮐﮧ ﻭﮦ " ﻧﯿﻢ ﻭﺣﺸﯽ " ﻧﻈﺮ ﺁﺋﮯ ….. ﺍﯾﺴﮯ ﮨﯽ ﺟﯿﺴﮯ ﮨﻢ ﺷﮩﺮﻭﮞ ﻣﯿﮟ ﺭﮨﺘﮯ ﮨﻮﺋﮯ ﺍﭘﻨﮯ ﺩﻝ ﻣﯿﮟ ﺍﯾﮏ ﮔﺎﺅﮞ ﺑﺴﺎﺋﮯ ﺭﮐﮭﺘﮯﮨﯿﮟ ﻧﯿﻢ ﺩﮨﻘﺎﻧﯽ ﻧﻈﺮﺁﻧﮯ ﮐﮯ ﻟﺌﮯ ﯾﺎ ﭘﮭﺮ ﺍﯾﮏ ﺗﻌﻠﻖ ﮐﻮ ﻣﺮﻧﮯ ﺳﮯ ﺑﭽﺎﻧﮯ ﮐﮯ ﻟﺌﮯ ….. ﺍﻭﺭ ﻏﻮﺭ ﺳﮯ ﺩﯾﮑﮭﻨﮯ ﭘﺮ ﻧﻈﺮ ﺑﮭﯽ ﺁﺗﯽ ﺗﮭﯽ . ﺁﻧﮑﮭﯿﮟ ﺑﮍﯼ، ﻧﯿﻠﮕﻮﮞ ﺍﻭﺭ ﺣﺴﺐ ﺗﻨﺎﺳﺐ ﻧﮑﻠﯽ ﮨﻮﺋﯽ۔۔۔ﭼﻨﺎﺭ ﮐﮯ ﭘﺘﻮﮞ ﮐﯽ ﻃﺮﺡ ﺗﻤﺎﻡ ﭘﺘﻮﮞ ﺳﮯ ﺍﻟﮓ۔۔۔۔ﺍﺳﮑﺎ ﮐﮩﻨﺎ ﺗﮭﺎ ﭘﮩﺎﮌﯼ ﻟﮍﮐﯿﻮﮞ ﻣﯿﮟ ﺁﺑﺸﺎﺭ ﮐﯽ ﺁﻭﺍﺯ ﺟﯿﺴﯽ ﻣﯿﻮﺯﯾﮑﻞ ﺭﻭﺍﻧﯽ ﮨﻮﺗﯽ ﮨﮯ ﻟﮩٰﺬﺍ ﺍﮔﺮ ﻭﮦ ﻣﯿﻮﺯﯾﮑﻞ ﻧﻈﺮﺁﻧﮯ ﮐﯽ ﮐﻮﺷﺶ ﮐﺮﺗﯽ ﮨﮯ ﺗﻮ ﺍﺱ ﻣﯿﮟ ﻗﺒﺎﺣﺖ ﮐﯿﺎ ﮨﮯ؟ ﺣﺴﻦ ﺟﺒﻠﺖ ﺭﮐﮫ ﺭﮐﮭﺎﺅ ﮐﮯ ﺗﻌﻠﻖ ﺳﮯ ﺗﺒﺪﯾﻠﯿﺎﮞ ﭘﯿﺪﺍ ﮐﺮﺗﯽ ﺭﮨﺘﯽ ﺗﮭﯽ۔ ﺍﺳﮑﺎ ﮐﻮﺋﯽ ﺍﯾﮏ ﺭﻧﮓ ﺍﻭﺭ ﮐﻮﺋﯽ ﺍﯾﮏ ﻣﺰﺍﺝ ﻧﮩﯿﮟ ﺗﮭﺎ . ﮨﺮ ﺭﻧﮓ ﺍﻭﺭ ﮨﺮ ﻣﺰﺍﺝ ﻣﯿﮟ ﺍﯾﮏ ﺟﯿﺴﯽ ﮨﯽ ﺩﮐﮭﺘﯽ ﺗﮭﯽ ۔۔۔ﻧﯿﻢ ﺟﻨﮕﻠﯽ۔
’’ ﻣﯿﮟ ﻗﺪﺳﯿﮧ ﺍﻣﯿﻦ۔ﺍﺑﮭﯽ ﺁﭖ ﺳﮯ ﭼﯿﭧ ﮨﻮﺭﮨﯽ ﺗﯽ ‘‘
ﺍﻭﺭ ﭘﮭﺮ ﯾﮧ ﺳﻠﺴﻠﮧ ﭼﻞ ﻧﮑﻼ ۔ﻓﻮﻥ ﭘﺮ ﺑﺎﺕ ﮐﻢ ﮨﯽ ﮨﻮﺗﯽ ﺗﮭﯽ۔ﺭﺍﺕ ﺩﺱ ﺑﺠﮯﺍﯾﮏ ﻣﯿﺴﯿﺞ ﮐﮯ ﭘﺎﭖ ﺍﭖ ( Pop up ) ﮨﻮﻧﮯ ﮐﺎ ﺍﻧﺘﻈﺎﺭ ﺭﮨﺘﺎ۔ ﮐﺒﮭﯽ ﺍِﺱ ﻃﺮﻑ ﺍﻭﺭ ﮐﺒﮭﯽ ﺍُﺱ ﻃﺮﻑ۔ﻣﻨﺤﺼﺮ ﺗﮭﺎ ﮐﮧ ﺭﺍﺕ ﮐﺲ ﻧﮯ ﮐﺲ ﮐﻮﮐﺘﻨﺎ ﻧﺎﺭﺍﺽ ﮐﯿﺎ ﮨﮯ۔ﺯﻧﺪﮔﯽ،ﻣﻮﺕ،ﺟﺲﻡ،ﺭﻭﺡ،ﻋﺸﻖ،ﮨﻮﺱ،ﺱﯾﮑﺲ۔ﺧﺎﮐﺪﺍﮞ ﮐﺎ ﮐﻮﻧﺴﺎ ﺍﯾﺴﺎ ﻣﻮﺿﻮﻉ ﺗﮭﺎ ﺟﻮ ﺑﺎﻗﯽ ﺑﭽﺎ ﮨﻮ۔ﺍﮔﺮ ﺑﺎﺕ ﻧﮩﯿﮟ ﮨﻮﺗﯽ ﺗﮭﯽ ﺗﻮ ﺍﻥ ﺧﻮﻧﭽﮑﺎﮞ ﻭﺍﻗﻌﺎﺕ ﮐﯽ، ﺯﻣﯿﻦ ﺍﻭﺭﺍﺱ ﮐﯽ ﭘﺎﻣﺎﻟﯽ ﮐﯽ،ﻣﮑﯿﻨﻮﮞ ﺍﻭﺭ ﺍﻥ ﭘﺮﺟﺒﺮ ﮐﯽ،ﻓﻮﺝ ﺍﻭﺭ ﺍﻥ ﮐﮯ ﺳﯿﺎﺳﯽ ﺁﻗﺎﺅﮞ ﮐﯽ،ﺟﻨﮕﺠﻮ ﺍﻭﺭ ﺍﻥ ﮐﮯﻣﺮﺷﺪﯾﻦ ﮐﯽ ﺟﺲ ﮐﮯﺭﺍﻭﯼ ﭼﻨﺎﺭﮐﮯﭘﺘﮯ،ﺩﯾﻮﺩﺍﺭﮐﯽ ﮈﺍﻟﯿﺎﮞ،ﻓﻠﮏ ﺑﻮﺱ ﭘﮩﺎﮌﻭﮞ ﮐﯽ ﮔﭙﮭﺎﺋﯿﮟ،ﭼﻨﺎﺏ ﺍﻭﺭﺟﮩﻠﻢ ﺗﮭﮯ۔
ﺍﺏ ﻗﺪﺳﯽ ﺍﺣﻤﺪ ﮐﮯ ﺳﺎﺗﮫ ﺳﺎﺗﮫ ﭼﻠﻨﮯ ﻟﮕﯽ ﺗﮭﯽ۔ﺧﯿﺎﻟﻮﮞ ﻣﯿﮟ۔۔۔ﺗﻘﺮﯾﺒﺎً ﮨﺮﺟﮕﮧ۔ ﺭﺍﺕ ﺍﻭﺭ ﺩﻥ ﮐﺎ ﻓﺮﻕ ﻣﭧ ﭼﮑﺎ ﺗﮭﺎ۔ﺍﺏ ﺍﺱ ﮐﺎ ﺍﭘﻨﺎ ﮐﺎﻡ ﺑﺎﻗﺎﻋﺪﮦ ﮈﺳﭩﺮﺏ ﮨﻮﻧﮯ ﻟﮕﺎ ﺗﮭﺎ۔ﺍﯾﺴﮯ ﮨﯽ ﮐﺌﯽ ﻣﺎﮦ ﮔﺬﺭ ﮔﺌﮯ،ﺍﺏ ﺗﮏ ﻧﮧ ﺗﻮ ﺍﺱ ﻧﮯ ﻣﻠﻨﮯ ﮐﯽ ﮐﻮﺋﯽ ﺧﻮﺍﮨﺶ ﻇﺎﮨﺮ ﮐﯽ ﺗﮭﯽ ﺍﻭﺭ ﻧﮧ ﮨﯽ ﮐﻮﺋﯽ ﺣﻮﺻﻠﮧ ﺍﻓﺰﺍﺋﯽ۔ﺑﺎﻵﺧﺮ ﺍﯾﮏ ﺩﻥ ﻭﮦ ﮈﮬﯿﺮ ﺳﺎﺭﯼ ’ ﺑﺤﺜﺎﺑﺤﺜﯽ ‘ ،ﻭﻗﺘﯽ ﺟﮭﺠﮭﮏ ﺍﻭﺭ ﭨﺎﻝ ﻣﭩﻮﻝ ﮐﮯ ﺑﻌﺪﻣﻼﻗﺎﺕ ﭘﺮﺭﺍﺿﯽ ﮨﻮﮔﺌﯽ۔
’’ ﻓﻼﮞ ﺗﺎﺭﯾﺦ ﮐﻮﮨﻢ ﻟﻮﮒ ﺍﯾﮏ ﺳﯿﻤﯿﻨﺎﺭﮐﺮﺭﮨﮯﮨﯿﮟ،ﮨﻢ ﭼﺎﮨﺘﮯ ﮨﯿﮟ ﮐﮧ ﺁﭖ ﺍﺱ ﻣﯿﮟ ﺷﺮﯾﮏ ﮨﻮﮞ ‘‘
’ ﻣﺠﮭﮯ ﺳﯿﻤﻨﺎﺭﻣﯿﮟ ﮐﻮﺋﯽ ﺩﻟﭽﺴﭙﯽ ﻧﮩﯿﮟ ﮨﮯ۔ﯾﮧ ﺻﺮﻑ ﻭﻗﺖ ﺍﻭﺭﭘﯿﺴﮯ ﮐﯽ ﺑﺮﺑﺎﺩﯼ ﮨﮯ ‘
’’ ﭘﮭﺮ ﮐﺲ ﻣﯿﮟ ﺩﻟﭽﺴﭙﯽ ﮨﮯ؟ ‘‘
’ ﺗﻢ ﻣﯿﮟ ‘
’’ ﺍﻭﮦ۔۔۔۔۔ﺍﻭﺭﯾﮧﺍﮞ ﮐﯽ ﺧﻮﺑﺼﻮﺭﺕ ﺟﮕﮩﻮﮞ ﻣﯿﮟ ﻧﮩﯿﮟ؟ ‘‘
’ ﺩﻧﯿﺎ ﮐﯽ ﮨﺮ ﻭﮦ ﺟﮕﮧ ﺧﻮﺑﺼﻮﺭﺕ ﮨﮯﺟﮩﺎﮞ ﻣﻮﺕ ﻧﮧ ﺁﺗﯽ ﮨﻮ ‘
’’ ﺍﻭﺭ ﻣﻮﺕ ﮐﯿﺎﮨﮯ؟ ‘‘
’ ﭘﺘﮧ ﻧﮩﯿﮟ ﺷﺎﯾﺪ ! A parting kiss of life
’’ ﮐﺒﮭﯽ ﻣﺤﺴﻮﺱ ﮐﺌﮯ ﮨﻮ؟ ‘‘
’ ﮨﻠﮑﺎﺍﺳﺎ،ﺍﺑﮭﯽ ﻻﺋﯿﻮﺍﻧﮑﺎﺅﻧﭩﺮﮐﻮﺭﮐﺮﮐﮯ ﺁﯾﺎ ﮨﻮﮞ ‘
’’ ﺍﻭﺭﺯﻧﺪﮔﯽ ﮐﯿﺎ ﮨﮯ؟ ‘‘
ﺑﻘﻮﻝ ﺍﯾﮏ ﺍﺩﯾﺐ ’ ﺍﯾﮏ ﻃﻮﯾﻞ ﻣﻮﺕ ﮐﺎ ﻧﺎﻡ ﮨﮯ ‘
’’ ﻟﯿﮑﻦ ﯾﮩﺎﮞ ﻣﻮﺕ ﻃﻮﯾﻞ ﻧﮩﯿﮟ ﮨﻮﺗﯽ ‘‘
’ ﮐﯿﺎ ﺳﺐ ﭘﯿﺪﺍ ﮨﻮﺗﮯﮨﯽ ﻣﺮﺟﺎﺗﮯ ﮨﯿﮟ؟ ‘
’’ ﻧﮩﯿﮟ ! ﺟﻮﺍﻥ ﮨﻮﺗﮯ ﮨﻮﺗﮯﻣﺎﺭﺩﯾﺌﮯﺟﺎﺗﮯ ﮨﯿﮟ۔ ‘‘
’ ﺍﯾﮏ ﺑﺎﺕ ﺑﺘﺎﺅ،ﺗﻢ ﭘﯿﺮﯾﮉ ﺳﮯ ﮨﻮ ﮐﯿﺎ؟ ‘
’’ ۔۔۔۔۔۔۔۔۔۔ﮨﺎﮞ ! ﭘﭽﮭﻠﮯ ﺑﯿﺲ ﺳﺎﻝ ﺳﮯ ‘‘
۔۔۔۔۔۔
ﮐﻮﺋﯽ ﺁﭨﮫ ﮔﮭﻨﭩﮯﮐﮯﻃﻮﯾﻞ ﺳﻔﺮﮐﮯ ﺑﻌﺪﻭﮦ ﺷﮩﺮﺁﺷﻮﺏ ﻣﯿﮟ ﺩﺍﺧﻞ ﮨﻮﺭﮨﺎ ﺗﮭﺎ،ﺍﯾﮏ ﻣﻨﺎﺳﺐ ﮨﻮﭨﻞ ﻣﯿﮟ ﮐﻤﺮﮦ ﺑﮏ ﮐﯿﺎ، ﺗﮭﮑﻦ ﮐﯽ ﮔﺮﺩ ﮐﻮﻏﺴﻞ ﺧﺎﻧﮯ ﻣﯿﮟ ﺟﮭﺎﮌ ﮐﺮﺳﯿﻤﯿﻨﺎﺭ ﻣﯿﮟ ﺷﺮﯾﮏ ﮨﻮﻧﮯ ﮐﮯ ﻟﺌﮯﭼﻼ ﮔﯿﺎ۔ﺳﯿﻤﻨﺎﺭﮨﺎﻝ ﻣﺨﺘﻠﻒ ﺷﻌﺒﮧ ﮨﺎﺋﮯ ﺟﺎﺕ ﮐﮯ ﺗﻌﻠﯿﻢ ﯾﺎﻓﺘﮧ ﺍﻓﺮﺍﺩ ﺳﮯ ﺑﮭﺮﺍ ﮨﻮﺍ ﺗﮭﺎ۔ ﺍﯾﮏ ﻧﻮﺟﻮﺍﻥ ﻟﮍﮐﯽ ﮐﻨﻮﯾﻨﺮﮐﺎ ﻓﺮﯾﻀﮧ ﺍﻧﺠﺎﻡ ﺩﮮ ﺭﮨﯽ ﺗﮭﯽ۔ ﻣﺎﻭﺭﺍﺋﮯﻋﺪﺍﻟﺖ ﻣﮩﻠﻮﮐﯿﻦ ﮐﺎ ﺍﻋﺪﺍﺩﻭﺷﻤﺎﺭﭘﯿﺶ ﮐﺮﺭﮨﯽ ﺗﮭﯽ۔ﺍﯾﮏ ﻻﮐﮫ ﺳﮯﺯﺍﺋﺪ ﺍﻓﺮﺍﺩ ﺍﺏ ﺗﮏ ’ ﺟﺎﮞ ﺑﺤﻖ ‘ ﮨﻮﭼﮑﮯ ﮨﯿﮟ،ﮐﭽﮫ ﻓﻮﺝ ﮐﮯ ﮨﺎﺗﮭﻮﮞ،ﮐﭽﮫ ﺟﻨﮕﺠﻮﺅﮞ ﮐﮯ ﮨﺎﺗﮭﻮﮞ ﺍﻭﺭﺍﯾﮏ ﺑﮍﯼ ﺗﻌﺪﺍﺩ ﮐﻮﻟﯿﭩﺮﻝ ﮈﯾﻤﯿﺞ ( Collateral Damage ) ﮐﺎ ﺷﮑﺎﺭ ﮨﻮﺋﯽ ﮨﮯ۔ ﻓﯿﮕﺮﮈﺭﺍﭖ ﮐﺮﺗﮯﮨﻮﺋﮯﺍﺱ ﮐﮯ ﭼﮩﺮﮮ ﭘﺮ ﺗﻐﯿﺮﭘﺬﯾﺮ ﺭﻣﻖ ﻭﺍﺿﺢ ﻃﻮﺭ ﺳﮯ ﺩﯾﮑﮭﯽ ﺟﺎﺳﮑﺘﯽ ﺗﮭﯽ۔ ﭘﮩﻠﮯ ﺗﻮﺍﺳﮯ ﻟﮕﺎ ﮐﮧ ﺷﺎﯾﺪ ﯾﮩﯽ ﻗﺪﺳﯿﮧ ﮨﮯ ﻟﯿﮑﻦ ﭘﮭﺮﺍﺱ ﻧﮯﺍﭘﻨﺎ ﺧﯿﺎﻝ ﻣﺴﺘﺮﺩ ﮐﺮﺩﯾﺎ ﮐﯿﻮﻧﮑﮧ ﺟﮭﻠﻤﻞ ﺩﻭﭘﭩﮯ ﺳﮯ ﺟﮭﺎﻧﮑﺘﮯ ﮨﻮﺋﮯﺍﺱ ﮐﮯ ﭘﺴﺘﺎﻥ ﮐﭽﮫ ﺯﯾﺎﺩﮦ ﺑﮍﮮ ﻧﻈﺮﺁﺭﮨﮯ ﺗﮭﮯ۔ﺍﻭﺭﻗﺪ ﺑﮭﯽ،ﺍﻭﺭﺷﮑﻞ ﺑﮭﯽ ﺑﯿﻀﻮﯼ ﻧﮩﯿﮟ ﺗﮭﯽ۔ ﯾﮧ ﯾﻘﯿﻨﺎ ًﻋﺮﻭﺳﮧ ﺍﺭﺳﻼﻥ ﮨﻮﮔﯽ۔ ﺍﯾﮏ ﮔﮭﻨﭩﮯ ﺑﻌﺪ ﻟﻨﭻ ﺑﺮﯾﮏ ﮨﻮﮔﯿﺎ۔
’ ﮨﺎﺋﮯ ! ﻣﯿﮟ ﺍﺣﻤﺪ ﺳﻌﯿﺪ،ﻗﺪﺳﯿﮧ ﻧﮯ ﻣﺪﻋﻮ ﮐﯿﺎ ﺗﮭﺎ ‘
’ ﺍﻭﮦ ﺗﻮ ﺁﭖ ﮨﯿﮟ ﻭﮦ ﺍﺳﭙﯿﺸﻞ ﮔﯿﺴﭧ ! ﺑﮩﺖ ﺧﻮﺷﯽ ﮨﻮﺋﯽ ﺁﭖ ﺳﮯ ﻣﻞ ﮐﺮ،ﭘﻠﯿﺰ ﻓﯿﻞ ﻓﺮﯼ، ﮐﮩﯿﮟ ﻣﺖ ﺟﺎﺋﯿﮯ ﮔﺎ۔ﭘﺮﻭﮔﺮﺍﻡ ﺧﺘﻢ ﮨﻮﻧﮯ ﮐﮯ ﺑﻌﺪﺁﺭﺍﻡ ﺳﮯ ﻣﻠﺘﯽ ﮨﻮﮞ،ﺍﻃﻤﯿﻨﺎﻥ ﺭﮐﮭﺌﮯ ﺁﭖ ﺑﻮﺭﻧﮩﯿﮟ ﮨﻮﮞ ﮔﮯ ‘‘ ﭘﮭﺮﺍﺱ ﻧﮯ ﺍﯾﮏ ﮨﯿﻨﮉﺳﻢ ﺟﻮﺍﻥ ﮐﻮ ﻣﺪﻋﻮ ﮐﯿﺎ ’’ ﺍﺭﺳﻼﻥ ! ﯾﮧ ﺍﺣﻤﺪ ﮨﯿﮟ، ﻭﮨﯽ ﺍﺣﻤﺪ ﺍﻭﺭﺍﺣﻤﺪ ! ﯾﮧ ﺍﺭﺳﻼﻥ ﮨﯿﮟ، ﻣﯿﺮﮮ ﮨﺰﺑﯿﻨﮉ ‘‘
ﺍﺣﻤﺪ ﺳﻤﺠﮫ ﻧﮩﯿﮟ ﭘﺎﯾﺎ ﮐﮧ ’ ﻭﮨﯽ ﺍﺣﻤﺪ ‘ ﺳﮯﮐﯿﺎ ﻣﺮﺍﺩ ﮨﮯ ﺍﻭﺭ ﭘﮭﺮﻋﺮﻭﺳﮧ ﮐﮯ ﭼﮩﺮﮮ ﮐﯽ ﻣﺴﮑﺮﺍﮨﭧ؟ ﻣﻌﻨﯽٰ ﺧﯿﺰ،ﺷﺮﺍﺭﺕ ﺁﻣﯿﺰ ﺍﻭﺭ ﺧﻮﻑ ﺍﻧﮕﯿﺰ ۔ﺍﺣﻤﺪ ﺍﺱ ﭘﺮﺍﺳﺮﺍﺭﻣﺴﮑﺮﺍﮨﭧ ﮐﻮﮐﻮﺋﯽ ﻣﻔﮩﻮﻡ ﻋﻄﺎ ﻧﮩﯿﮟ ﮐﺮﭘﺎﺭﮨﺎ ﺗﮭﺎ۔
’ ﺍﻭﮐﮯ ﻟﯿﮑﻦ ﻗﺪﺳﯽ ﮐﮩﯿﮟ ﻧﻈﺮﻧﮩﯿﮟ ﺁﺭﮨﯽ ﮨﮯ ۔ﺁﭖ ﻟﻮﮔﻮﮞ ﻧﮯ ﺍﺳﮯ ﮐﮩﺎﮞ ﻏﺎﺋﺐ ﮐﺮﺩﯾﺎ ‘
’ ﻭﮦ ﺍﭘﻨﯽ ﺍﯾﮏ ﮐﺰﻥ ﮐﯽ ﻣﻨﮕﻨﯽ ﻣﯿﮟ ﮔﺌﯽ ﮨﻮﺋﯽ ﮨﮯ،ﯾﮩﺎﮞ ﺳﮯ ﮐﻮﺋﯽ ﺳﻮ ﮐﻠﻮﻣﯿﭩﺮ ﺩﻭﺭ،ﺁﺝ ﻧﮩﯿﮟ ﺁﭘﺎﺋﮯ ﮔﯽ۔ﺗﺐ ﺗﮏ ﺁﭖ ﺍﺭﺳﻼﻥ ﮐﯽ ﮐﻤﭙﻨﯽ ﺍﻧﺠﻮﺍﺋﮯ ﮐﺮﯾﮟ۔ﯾﮧ ﺳﺎﻓﭧ ﻭﯾﺌﺮﺍﻧﺠﯿﻨﺌﺮﮨﯿﮟ، ﺑﯿﻨﮕﻠﻮﺭﮐﯽ ﺍﯾﮏ ﮐﻤﭙﻨﯽ ﻣﯿﮟ ﭘﺮﻭﺟﯿﮑﭧ ﻣﯿﻨﯿﺠﺮﮨﯿﮟ۔ ﻟﭩﺮﯾﭽﺮﺍﻭﺭﻓﻠﺴﻔﮯ ﺳﮯ ﺍﻥ ﮐﺎ ﮐﻮﺋﯽ ﺗﻌﻠﻖ ﻧﮩﯿﮟ ﮨﮯ ۔ ﯾﮧ ﻣﺠﮫ ﺳﮯ ﻣﺤﺒﺖ ﮐﺮﺗﮯ ﮨﯿﮟ ﺑﺎﻗﯽ ﺍﻭﺭ ﮐﻮﺋﯽ ﻧﻘﻄﮧٔ ﺍﺗﻔﺎﻕ ﻧﮩﯿﮟ ،ﺁﭖ ﮐﮯ ﻟﺌﮯﺍﻥ ﮐﺎ ﻭﺭﮊﻥ ﺷﺎﯾﺪ ﺯﯾﺎﺩﮦ ﺩﺭﺳﺖ ﺍﻭﺭ Unbiased ﮨﻮ۔
ﺍﺭﺳﻼﻥ ﻧﮩﺎﯾﺖ ﺯﻧﺪﮦ ﺩﻝ ﺍﻭﺭﺧﻮﺵ ﻣﺰﺍﺝ ﺗﮭﺎ۔ﻋﺮﻭﺳﮧ ﮐﯽ ﺍﻥ ﺳﺮﮔﺮﻣﯿﻮﮞ ﮐﻮ ﻭﮦ ﭘﺴﻨﺪ ﻧﮩﯿﮟ ﮐﺮﺗﺎ ﺗﮭﺎ۔ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﯾﮧ ﺍﺳﭩﯿﭩﺲ ﮐﻮﭘﭽﺎﺱ ﺳﺎﻝ ﮐﮯ ﺟﺒﺮ ﮐﯽ ﭘﯿﺪﺍﻭﺍﺭﮨﮯ۔ﺩﻭ ﻧﺴﻠﯿﮟ ﺗﺒﺎﮦ ﮨﻮﭼﮑﯽ ﮨﯿﮟ۔ﭘﮩﻠﯽ ﺩﻭ ﻧﺴﻠﯿﮟ ﺗﻨﺎﺯﻉ ﺍﻭﺭﺗﺬﺑﺬﺏ ﮐﯽ ﻧﺬﺭ ﮨﻮﺋﯽ ﮨﯿﮟ ﺍﻭﺭ ﯾﮧ ﺗﯿﺴﺮﯼ ﻧﺴﻞ ﻣﺘﻀﺎﺩ ﺫﮨﻨﯿﺖ ﮐﯽ ﺷﮑﺎﺭ ﮨﻮﺭﮨﯽ ﮨﮯ۔
’ ﯾﮧ ﻣﮩﻠﻮﮐﯿﻦ ﮐﺎ ﮈﯾﭩﺎ ﺁﭖ ﮐﮯ ﭘﺎﺱ ﮐﮩﺎﮞ ﺳﮯ ﺁﯾﺎ؟ ‘
’’ ﯾﮧ ﺳﺮﮐﺎﺭﯼ ﺍﻋﺪﺍﺩﻭﺷﻤﺎﺭ ﻧﮩﯿﮟ ﮨﯿﮟ، ﻟﯿﮑﻦ ﮨﻤﯿﮟ ﻣﻌﻠﻮﻡ ﮨﮯ ﮐﮧ ﮨﺮ ﮔﮭﺮ ﻣﯿﮟ ﺍﯾﮏ ﮐﺮﺳﯽ ﺧﺎﻟﯽ ﮨﮯ۔ ﮐﯿﺎ ﺍﺗﻨﮯ ﮔﮭﺮ ﻧﮩﯿﮟ ﮨﯿﮟ ﺍﺱ ﭘﻮﺭﯼ ﺭﯾﺎﺳﺖ ﻣﯿﮟ؟ ‘‘
’ ﻟﯿﮑﻦ ﮨﻢ ﺁﺋﮯ ﻧﮩﯿﮟ ﺗﮭﮯ،ﮨﻢ ﮐﻮ ﺑﻼﯾﺎ ﮔﯿﺎ ﺗﮭﺎ ‘ ﺍﺣﻤﺪ ﻧﮯ ﻓﻮﺝ ﮐﯽ ﺁﻣﺪ ﮐﮯ ﺗﻌﻠﻖ ﺳﮯ ﺍﯾﮏ ﺗﺎﺭﯾﺨﯽ ﺍﺷﺎﺭﮦ ﮐﯿﺎ
’’ ﺁﭖ ﻣﮩﻤﺎﻥ ﺗﮭﮯ ﻧﺎ،ﭼﻠﮯ ﺟﺎﺗﮯ ‘‘
ﺍﺱ ﻧﮯ ﻋﺮﻭﺳﮧ ﮐﮯ ﻟﮩﺠﮯ ﻣﯿﮟ ﺑﯿﮕﺎﻧﮕﯽ ﺍﻭﺭ ﺑﮯ ﺯﺍﺭﮔﯽ ﺩﻭﻧﻮﮞ ﮐﻮﻣﺤﺴﻮﺱ ﮐﯿﺎ ۔ﺑﺎﺕ ﺍﯾﮏ ﺗﻨﺎﺯﻋﮧ ﮐﯽ ﻃﺮﻑ ﺑﮍﮪ ﺭﮨﯽ ﺗﮭﯽ،ﭘﭽﺎﺱ ﺳﺎﻝ ﭘﯿﭽﮭﮯ،ﺩﺍﺋﺮﻭﮞ ﮐﺎ ﺳﻔﺮ ﺷﺮﻭﻉ ﮨﻮﻧﮯ ﻭﺍﻻ ﺗﮭﺎ ﺍﻭﺭﻭﮦ ﮈﻧﺮ ﮐﺎ ﻟﻄﻒ ﭘﮭﯿﮑﺎ ﻧﮩﯿﮟ ﮐﺮﻧﺎ ﭼﺎﮦ ﺭﮨﺎ ﺗﮭﺎ۔ﻭﮦ ﺳﻮﭺ ﺭﮨﺎ ﺗﮭﺎ ﮐﮧ ﺍﯾﮏ ﺧﻮﺑﺼﻮﺭﺕ ﺍﻭﺭ ﺧﻮﺵ ﺣﺎﻝ ﻟﮍﮐﯽ ﺍﯾﮏ ﭘﺮﺍﻣﻦ ﺯﻧﺪﮔﯽ ﮐﯿﻮﮞ ﻧﮩﯿﮟ ﮔﺬﺍﺭﻧﺎ ﭼﺎﮨﺘﯽ۔ ’ ﻗﻮﻣﯿﺖ ‘ ﮐﯿﺎ ﻭﺍﻗﻌﯽ ﺍﺗﻨﺎ ﺍﮨﻢ ﮨﮯ ﮐﮧ ﺍﺱ ﮐﮯ ﺑﻐﯿﺮ ﻣﺴﺘﻘﺒﻞ ﮐﺎ ﺗﺼﻮﺭ ﻧﺎ ﻣﻤﮑﻦ ﮨﮯ؟ ﺍﺭﺳﻼﻥ ﮐﻮ ﺍﻥ ﺑﺎﺗﻮﮞ ﺳﮯ ﮐﻮﺋﯽ ﺧﺎﺹ ﺩﻟﭽﺴﭙﯽ ﻧﮩﯿﮟ ﺗﮭﯽ۔ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﻧﯿﻠﻢ ﮐﺎ ﭘﺎﻧﯽ ﺍﺏ ﺍﺗﻨﺎ ﻣﭧ ﻣﯿﻼ ﻧﮩﯿﮟ ﮨﮯ۔
ﺭﺍﺕ ﻣﯿﮟ ﻋﺸﺎﺋﯿﮧ ﮐﮯ ﺑﻌﺪ ﺍﺱ ﻧﮯ ﻗﺪﺳﯽ ﮐﻮ ﻭﺍﭘﺲ ﺍﭘﺮﻭﭺ ﮐﯿﺎ ﺍﻭﺭ ﺩﻭﺳﺮﮮ ﺩﻥ ﺑﺎﺭﮦ ﺑﺠﮯ ﻣﻼﻗﺎﺕ ﻃﮯ ﭘﺎﺋﯽ ۔
۔۔۔۔۔۔۔۔۔۔۔۔۔۔۔
ﺍﻭﺭﻗﺪﺳﯽ ﻧﮩﯿﮟ ﺁﺋﯽ۔ ﺟﺐ ﻭﮦ ﺗﯿﻦ ﮨﺰﺍﺭﻓﭧ ﻧﯿﭽﮯ ﻣﺮﮐﺰ ﭘﺮ ﺁﯾﺎ ﺗﻮﻣﻌﻠﻮﻡ ﭘﮍﺍ ﮐﮧ ﭨﺮﺍﻧﺴﭙﻮﺭﭦ ﮐﯽ ﺳﮩﻮﻟﺖ ﻣﻨﻘﻄﻊ ﮐﺮﺩﯼ ﮔﺌﯽ ﮨﮯ۔ﺑﮩﺮﺣﺎﻝ ﮐﺴﯽ ﻃﺮﺡ ﺳﮯ ﻭﮦ ﺭﺍﺕ ۹ ﺑﺠﮯ ﺗﮏ ﺍﭘﻨﮯ ﮨﻮﭨﻞ ﭘﮩﻨﭽﻨﮯ ﻣﯿﮟ ﮐﺎﻣﯿﺎﺏ ﮨﻮﮔﯿﺎ۔ﺍﺳﺘﻘﺒﺎﻟﯿﮧ ﭘﺮﺩﺍﻧﺶ ﻣﻮﺟﻮﺩ ﺗﮭﺎ ، ﺍﺱ ﻧﮯ ﺧﺒﺮﺩﯼ ﮐﮧ ﺑﺲ ﺍﺑﮭﯽ ﮐﭽﮫ ﺩﯾﺮ ﭘﮩﻠﮯﮐﻮﺋﯽ ﺍﯾﮏ ﻟﮍﮐﯽ ﺁﭖ ﮐﮯ ﺑﺎﺭﮮ ﻣﯿﮟ ﭘﻮﭼﮫ ﺭﮨﯽ ﺗﮭﯽ۔ ﯾﮧ ﺧﺒﺮ ﺻﺪﯾﻮﮞ ﮐﯽ ﺗﮭﮑﺎﻥ ﺍﺗﺎﺭﻧﮯ ﮐﮯ ﻟﺌﮯ ﮐﺎﻓﯽ ﺗﮭﯽ ۔ ﺍﺱ ﻭﻗﺖ ﻭﮦ ﮐﻤﺮﮦ ﻧﻤﺒﺮ ۲۰۳ ﮐﮯ ﺑﺎﮨﺮ ﺗﮭﺎ۔
’’ ﮐﻮﻥ؟ ‘‘
’ ﺟﯽ ﻣﯿﮟ ﺍﺣﻤﺪ ﺳﻌﯿﺪ۔ ‘
ﺩﺭﻭﺍﺯﮦ ﮨﻠﮑﯽ ﺳﯽ ﺁﻭﺍﺯ ﮐﮯ ﺳﺎﺗﮫ ﮐﮭﻼ۔۔ ﺗﮭﻮﮌﺍ ﺗﮭﻮﮌﺍ ﮐﺮﮐﮯ۔۔۔ ﭘﮩﻠﯽ ﺑﺎﺭﺩﻭﻧﻮﮞ ﺁﻣﻨﮯ ﺳﺎﻣﻨﮯ ﺗﮭﮯ۔ﺩﻡ ﺑﺨﻮﺩ،ﺳﺎﮐﺖ۔ﺑﮭﺎﺭﯼ ﺳﺎﻧﺴﻮﮞ ﮐﮯ ﺳﺎﺗﮫ۔ ﺍﯾﺴﮯ ﮨﯽ ﻧﮧ ﺟﺎﻧﮯ ﮐﺘﻨﮯ ﺳﮑﻨﮉ ﮔﺬﺭﮔﺌﮯ۔ﮐﺴﯽ ﮐﮯ ﻟﺐ ﻧﮩﯿﮟ ﮨﻠﮯ۔
’ ﮐﯿﺎ ﺳﻮﭺ ﺭﮨﯽ ﮨﻮ؟ ﯾﻘﯿﻦ ﻧﮩﯿﮟ ﺁﺭﮨﺎ ﮨﮯ؟ ‘‘
’’ ﻧﮩﯿﮟ، ﺍﺏ ﺳﻮﭼﻨﮯ ﮐﮯ ﻟﺌﮯ ﮐﭽﮫ ﻧﮩﯿﮟ ﺑﭽﺎ ﮨﮯ ‘‘
’ ﻟﮕﺘﺎﮨﮯ ﺗﻢ ﺍﺑﮭﯽ ﺁﺋﯽ ﮨﻮ،ﺑﺎﻝ ﺍﺑﮭﯽ ﻣﮑﻤﻞ ﻃﺮﺡ ﺳﮯ ﺳﻮﮐﮭﮯ ﻧﮩﯿﮟ ﮨﯿﮟ ‘
’ ﺟﯽ۔ ﮨﻤﺎﺭﮮ ﯾﮩﺎﮞ ﺣﺎﻻﺕ ﺍﭼﺎﻧﮏ ﺧﺮﺍﺏ ﮨﻮﮔﺌﮯ ۔ﻣﻠﭩﺮﯼ ﻧﮯ ﭘﻮﺭﮮ ﺍﯾﺮﯾﺎ ﮐﻮ ﮐﻮﺭﮈﻥ ﺁﻑ ( ﮔﮭﯿﺮﮮ ﻣﯿﮟ ﻟﮯ ﻟﯿﻨﺎ ) ﮐﺮﻟﯿﺎ ۔ ﻣﻮﺑﺎﺋﻞ ﻧﯿﭧ ﻭﺭﮐﺲ ﺟﺎﻡ ﮐﺮﺩﯾﺌﮯ۔ﮐﺌﯽ ﮔﮭﻨﭩﻮﮞ ﺗﮏ ﻓﺎﺋﺮﻧﮓ ﮨﻮﺗﯽ ﺭﮨﯽ۔ﺑﺎﻵﺧﺮ ﺍﺱ ﻣﮑﺎﻥ ﮐﻮﺑﺎﺭﻭﺩ ﺳﮯ ﺍﮌﺍﺩﯾﺎﮔﯿﺎ ﺟﺲ ﻣﯿﮟ ﻣﻠﯽ ﭨﯿﻨﭧ ﭼﮭﭙﮯ ﮨﻮﺋﮯ ﺗﮭﮯ ۔ﺍﻭﺭﺟﺐ ﻭﮨﺎﮞ ﺳﮯ ﻧﮑﻠﻨﮯ ﮐﯽ ﭘﺮﻣﯿﺸﻦ ﻣﻠﯽ ﺗﻮ ﺭﺍﺳﺘﮯ ﻣﯿﮟ ﮔﺎﮌﯼ ﺧﺮﺍﺏ ﮨﻮﮔﺌﯽ۔ ﺣﺪ ﮨﮯ ﻣﯿﮟ ﻭﺿﺎﺣﺖ ﭘﯿﺶ ﮐﺮﺭﮨﯽ ﮨﻮﮞ ﺣﺎﻻﻧﮑﮧ ﺗﻢ ﮐﻮ ﺗﻮ ﺍﺏ ﺍﻥ ﺗﻤﺎﻡ ﭼﯿﺰﻭﮞ ﮐﯽ ﻋﺎﺩﺕ ﮨﻮﺟﺎﻧﯽ ﭼﺎﮨﺌﮯ ﺗﮭﯽ ‘‘
’ ﺗﮭﺎ،ﺗﮭﯽ ﺍﻭﺭ ﺗﮭﮯ ﭘﺮ ﺗﻤﮩﺎﺭﺍ ﺍﻋﺘﺮﺍﺽ ﻣﺠﮭﮯ ﯾﺎﺩ ﮨﮯ۔ﺍﺱ ﻟﺌﮯ ﻣﺠﮭﮯ ﻋﺎﺩﺕ ﮨﻮﮔﺌﯽ ﮨﮯ۔ﺟﺴﮯ ﺗﻢ ﺯﺑﺎﻥ ﮐﺎ ﺟﺒﺮ ﮐﮩﺘﯽ ﮨﻮ ﻭﮦ ﻣﺠﮭﮯ ﺗﻢ ﺳﮯ ﺳﯿﮑﮭﻨﺎ ﮨﮯ ﻟﯿﮑﻦ ﺑﺪﻥ ﮐﮯ ﺟﺒﺮ ﺳﮯ ﺁﺯﺍﺩ ﮨﻮﻧﮯ ﮐﮯ ﺑﻌﺪ ‘ ۔
ﺍﺱ ﻧﮯ ﻣﻌﻨﯽٰ ﺧﯿﺰ ﻣﺴﮑﺮﺍﮨﭧ ﮐﻮ ﻧﻮﭦ ﮐﺮﻟﯿﺎ ’ ﯾﻮ ﺁﺭ ﺳﻮ ﻭﻟﮕﺮ ‘
ﺩﻭﻧﻮﮞ ﮐﻮ ﺑﮭﻮﮎ ﻟﮕﯽ ﮨﻮﺋﯽ ﺗﮭﯽ۔ﺩﻭﻧﻮﮞ ﻧﮯ ﺳﺎﺗﮫ ﻣﯿﮟ ﮈﻧﺮ ﮐﯿﺎ ۔ﮈﻧﺮ ﺳﮯ ﻓﺎﺭﻍ ﮨﻮﻧﮯ ﮐﮯ ﺑﻌﺪﺍﺱ ﻧﮯ ﮨﻮﭨﻞ ﮐﮯ ﻻﻥ ﻣﯿﮟ ﺣﺴﺐ ﻣﻌﻤﻮﻝ ﭼﮩﻞ ﻗﺪﻣﯽ ﮐﯽ ﺧﻮﺍﮨﺶ ﻇﺎﮨﺮﮐﯽ ﺟﺴﮯ ﻗﺪﺳﯽ ﻧﮯ ﻣﻨﻊ ﮐﺮﺩﯾﺎ۔
’ ﮨﻨﯽ ! ﺣﺎﻻﺕ ﺍﺗﻨﮯ ﺧﺮﺍﺏ ﺗﻮ ﻧﮩﯿﮟ،ﺍﺱ ﻧﮯ ﮐﻤﺰﻭﺭ ﺳﺎ ﺍﺣﺘﺠﺎﺝ ﮐﯿﺎ۔
’’ ﺗﻤﮩﯿﮟ ﮐﭽﮫ ﭘﺘﮧ ﻧﮩﯿﮟ ،ﯾﮩﺎﮞ ﮐﺒﮭﯽ ﮐﺒﮭﯽ ﭘﺮﭼﮭﺎﺋﯿﺎﮞ ﺑﮭﯽ ﮔﻮﻟﯽ ﭼﻼﺗﯽ ﮨﯿﮟ ‘‘
ﺩﻭﻧﻮﮞ ﮐﻤﺮﮮ ﻣﯿﮟ ﺁﮔﺌﮯ۔۔۔ﺑﺎﺗﯿﮟ ﺗﮭﯿﮟ ﮐﮧ ﺧﺘﻢ ﻧﮩﯿﮟ ﮨﻮﺭﮨﯽ ﺗﮭﯿﮟ۔ﻣﺴﺎﻡِ ﺍﻧﺪﺍﻡ ﻣﺤﺒﺖ ﮐﮯ ﮨﺎﺭﻣﻮﻧﺰ ﮐﺎ ﺗﺒﺎﺩﻟﮧ ﮐﺮﺭﮨﮯ ﺗﮭﮯ۔ﺯﻧﺪﮔﯽ ﺑﮩﺖ ﺁﮔﮯ ﻧﮑﻞ ﭼﮑﯽ ﺗﮭﯽ۔ﺍﯾﮏ ﮨﻠﮑﯽ ﺳﯽ ﭼﯿﺦ،ﯾﮏ ﺳﺎﻋﺖ ﻣﯿﭩﮭﺎ ﺩﺭﺩ ﺍﻭﺭ ﺗﮭﭗ ﺗﮭﭗ ﮐﯽ ﮨﻢ ﻭﺯﻥ ﺁﻭﺍﺯﻭﮞ ﮐﮯ ﺳﺎﺗﮫ ﻣﮑﻤﻞ ﮨﻮﮔﺌﯽ ﺗﮭﯽ ۔ﺗﺸﻨﮕﯽ ﮐﮯ ﺻﺤﺮﺍ ﻣﯿﮟ ﺑﮭﭩﮑﻨﮯ ﻭﺍﻟﯽ ﺭﻭﺣﻮﮞ ﮐﻮ ’ ﺁﺏ ﺣﯿﺎﺕ ‘ ﻧﮯ ﺳﯿﺮﺍﺏ ﮐﺮﺩﯾﺎ ﺗﮭﺎ۔ ’ ﺗﻨﮕﻨﺎﺋﮯ ﻏﺰﻝ ‘ ﺳﮯ ﮐﭽﮫ ﻗﻄﺮﮮ ﻧﮑﻞ ﮐﺮ ﺗﭙﺘﯽ ﺭﺍﻧﻮﮞ ﮐﮯ ﺭﯾﮕﺰﺭﺍ ﭘﺮ ﻣﺼﺮﻋﻮﮞ ﮐﯽ ﺻﻮﺭﺕ ﭘﮭﯿﻞ ﭼﮑﮯ ﺗﮭﮯ۔ﻟﯿﮑﻦ ﺟﺐ ﭘﯿﺎﺱ ﻋﯿﻦ ﺷﺒﺎﺏ ﮐﯽ ﮨﻮ ﺗﻮ ﺍﯾﮏ ﺩﻭ ﻗﻄﺮﻭﮞ ﺳﮯ ﺑﺠﮭﺘﯽ ﻧﮩﯿﮟ ﺑﻠﮑﮧ ﺍﻭﺭ ﺑﮍﮪ ﺟﺎﺗﯽ ﮨﮯ۔ ﺍﻭﺭ ﭘﮭﺮ ﯾﮧ ﺗﻮ ﺭﯾﺖ ﮐﮯﺑﺪﻥ ﺗﮭﮯ ﺟﻮﺷﺐ ﺩﯾﺠﻮﺭﻣﯿﮟ ﺳﻤﻨﺪﺭ ﮐﺎ ﻣﺪﻭﺟﺰﺭ ﻣﺎﻧﮓ ﺭﮨﮯ ﺗﮭﮯ۔ ﮔﮭﮍﯼ ﭘﺮ ﺍﻥ ﮐﯽ ﻧﻈﺮ ﭘﮍﯼ، ﺭﺍﺕ ﮐﮯ ﭼﺎﺭ ﺑﺞ ﺭﮨﮯ ﺗﮭﮯ۔ﻭﻗﺖ ﺑﮩﺖ ﺗﯿﺰﯼ ﺳﮯ ﮔﺬﺭ ﮔﯿﺎ ﺗﮭﺎﺍﻭﺭ ﺳﺎﺗﮫ ﻣﯿﮟ ﺯﻧﺪﮔﯽ ﮐﺎ ﺳﺐ ﺳﮯ ﺑﮩﺘﺮﯾﻦ ﭘﻞ ﺑﮭﯽ۔
’ ﺗﻢ ﮐﻮ ﺍﻟﮓ ﺳﮯ ﺭﻭﻡ ﻟﯿﻨﮯ ﮐﯽ ﮐﯿﺎ ﺿﺮﻭﺭﺕ ﺗﮭﯽ؟ ‘
’’ ﺍﺑﮭﯽ ﺟﺐ ﺍﯾﮏ ﮔﮭﻨﭩﮯ ﺑﻌﺪ ﻣﻠﭩﺮﯼ ﻭﺍﻟﮯ ﺭﻭﻡ ﮐﯽ ﺗﻼﺷﯽ ﻟﯿﮟ ﮔﮯ ﺗﻮﺍﻥ ﮐﻮ ﮐﯿﺎ ﺟﻮﺍﺏ ﺩﻭﮔﮯ؟ ‘‘
’’ ﺑﻮﻝ ﺩﻭﮞ ﮔﺎ ۔ﯾﮧ ﻣﯿﺮﯼ ﺟﺎﻥ ﮨﮯ ﺍﻭﺭ ﯾﮧ ﻣﯿﺮﺍ ﮐﺎﺭﮈ ﮨﮯ ‘‘ ﺍﺱ ﻧﮯ ﺣﮑﻮﻣﺖ ﮐﯽ ﻃﺮﻑ ﺳﮯ ﺟﺎﺭﯼ ﮐﺮﺩﮦ ﻣﺮﺍﻋﺎﺕ ﯾﺎﻓﺘﮧ ﮐﺎﺭﮈ ﺩﮐﮭﺎﺗﮯ ﮨﻮﺋﮯ ﮐﮩﺎ۔
’ ﭘﮭﺮ ﻣﯿﺮﺍ ﮐﺎﺭﮈ ﻣﺎﻧﮕﮯ ﮔﺎ ﺍﻭﺭﭘﮭﺮ ﻣﯿﮟ ﺭﺍﮈﺍﺭﭘﺮﺁﺟﺎﺅﮞ ﮔﯽ۔ﺍﻭﺭﺍﺱ ﮐﮯ ﺑﻌﺪ ۔۔۔۔۔۔ ۔ ‘
ﺍﻭﺭﺍﺱ ﮐﮯ ﺑﻌﺪ ﺩﻭﻧﻮﮞ ﭘﮭﺮ ﮨﻢ ﺁﻏﻮﺵ ﮨﻮﮔﺌﮯ۔
ﺗﯿﻦ ﺩﻥ ﮐﺎ ﻗﯿﺎﻡ ﻋﺸﺮﮮ ﻣﯿﮟ ﺗﺒﺪﯾﻞ ﮨﻮﮔﯿﺎ۔ﺷﮩﺮ ﮐﮯ ﺳﺎﺭﮮ ﺍﭼﮭﮯ ﺭﯾﺴﺘﻮﺭﺍﻥ،ﺗﻔﺮﯾﺤﯽ ﺑﺎﻏﺎﺕ ، ﻣﻘﺎﻣﺎﺕ ﺍﻭﺭﭼﻨﺎﺭﮐﮯ ﭼﺎﺭﺑﮍﮮ ﭘﯿﮍﻭﮞ ﮐﯽ ﭼﮭﺎﻝ ﭘﺮﺭﻗﻢ Q.A ﺍﻥ ﮐﯽ ﻣﺤﺒﺖ ﻣﯿﮟ ﮨﻢ ﺯﻣﺰﻣﮧ ﺗﮭﮯ۔
’ ﻗﺪﺳﯽ ! ﺷﺎﺩﯼ ﮐﮯ ﺑﺎﺭﮮ ﻣﯿﮟ ﺗﻢ ﻧﮯ ﮐﭽﮫ ﺑﺘﺎﯾﺎ ﻧﮩﯿﮟ؟ ‘
’’ ﻣﺠﮭﮯ ﺍﯾﺴﺎ ﻟﮓ ﺭﮨﺎ ﮨﮯ ﮐﮧ ﺍﺱ ﺩﺱ ﺩﻥ ﻣﯿﮟ ﻣﯿﮟ ﻧﮯ ﭘﻮﺭﯼ ﺯﻧﺪﮔﯽ ﺟﯽ ﻟﯽ ﮨﮯ۔ ‘‘
’ ﻣﯿﮟ ﺳﻤﺠﮭﺎ ﻧﮩﯿﮟ ! ‘
’’ ﭘﮩﻠﮯ ﻣﯿﮟ ﺯﻧﺪﮔﯽ ﺳﮯ ﻧﮩﯿﮟ ﮈﺭﺗﯽ ﺗﮭﯽ ﺍﺏ ﮈﺭﻧﮯ ﻟﮕﯽ ﮨﻮﮞ۔ﺷﺎﯾﺪ ﯾﮩﯽ ﺩﺱ ﺩﻥ ﺟﯿﻨﮯ ﮐﮯ ﻟﺌﮯ ﻣﯿﮟ ﭘﯿﺪﺍ ﮨﻮﺋﯽ ﺗﮭﯽ ‘‘
۔۔۔۔۔۔۔۔
ﺷﮩﺮﺁﺷﻮﺏ ﺳﮯ ﻟﻮﭨﻨﮯ ﮐﮯ ﺑﻌﺪ ﻗﺪﺳﯽ ﺳﮯ ﮐﭽﮫ ﺩﻧﻮﮞ ﺗﮏ ﺭﺍﺑﻄﮧ ﺭﮨﺎ ﺍﻭﺭ ﭘﮭﺮ ﺍﭼﺎﻧﮏ ﺳﺎﺭﺍ ﺳﻠﺴﻠﮧ ﻣﻨﻘﻄﻊ ﮨﻮﮔﯿﺎ۔ﮔﮭﮍﯼ ﺳﮧ ﭘﮩﺮﺗﯿﻦ ﺑﺠﮯ ﮐﮯ ﮐﺎﻧﭩﮯ ﭘﺮ ﺁﮐﺮ ﺭﮎ ﮔﺌﯽ ﺗﮭﯽ۔ ﺟﺲ ﺍﯾﻦ ﺟﯽ ﺍﻭ ﻣﯿﮟ ﻭﮦ ﮐﺎﻡ ﮐﺮﺭﮨﯽ ﺗﮭﯽ ﻭﮨﺎﮞ ﻓﻮﻥ ﮐﺮﻧﮯ ﭘﺮ ﻣﻌﻠﻮﻡ ﭘﮍﺍ ﮐﮧ ﻧﮧ ﺗﻮ ﻣﺬﮐﻮﺭﮦ ﻧﺎﻡ ﮐﯽ ﮐﻮﺋﯽ ﻟﮍﮐﯽ ﯾﮩﺎﮞ ﮐﺎﻡ ﮐﺮﺗﯽ ﮨﮯ ﺍﻭﺭ ﻧﮧ ﮨﯽ ﮔﺰﺷﺘﮧ ﭼﺎﺭ ﺳﺎﻝ ﺳﮯ ﮐﻮﺋﯽ ﻧﯿﺎ ﺍﺳﭩﺎﻑ ﺑﮭﺮﺗﯽ ﮐﯿﺎ ﮔﯿﺎ ﮨﮯ ﺍﻭﺭﺟﻮ ﮨﯿﮟ ﻭﮦ ﺳﺐ ﺯﻧﺪﮦ ﺍﻭﺭﺻﺤﯿﺢ ﺳﺎﻟﻢ ﮨﯿﮟ۔ﻋﺮﻭﺳﮧ ﺁﺧﺮﯼ ﻟﻨﮏ ﺗﮭﯽ ﻟﯿﮑﻦ ﻭﮦ ﺑﮭﯽ ﺳﻮﺷﻞ ﻧﯿﭧ ﻭﺭﮐﻨﮓ ﺳﺎﺋﭩﺲ ﺳﮯ ﻏﺎﺋﺐ ﺗﮭﯽ۔ﻧﮧ ﺍﺱ ﻧﮯ ﻓﻮﻥ ﻧﻤﺒﺮ ﻣﺎﻧﮕﺎ ﺗﮭﺎ ﺍﻭﺭ ﻧﮧ ﻋﺮﻭﺳﮧ ﻧﮯ ﺩﯾﺌﮯ۔ﺍﺳﯽ ﺍﻧﺘﻈﺎﺭ،ﮐﺸﻤﮑﺶ ﺍﻭﺭﺍﻣﯿﺪﻭ ﺑﯿﻢ ﻣﯿﮟ ﺍﯾﮏ ﻣﺎﮦ ﺍﻭﺭ ﮔﺬﺭ ﮔﺌﮯ ﮐﮧ ﺷﺎﯾﺪ ﻗﻘﻨﺲ ﺍﭘﻨﯽ ﺭﺍﮐﮫ ﺳﮯ ﺩﻭﺑﺎﺭﮦ ﺟﻨﻢ ﻟﮯ۔ﺷﺎﯾﺪ ﮐﻮﺋﯽ ﻓﻮﻥ ﺁﺋﮯ۔۔۔ﺷﺎﯾﺪ
۔۔۔۔۔۔۔
’ ﮨﯿﻠﻮ ! ﺟﯽ ﺳﻮﺍﻣﯽ ﻧﺎﺗﮭﻦ ﺟﯽ ﮐﯿﺴﮯ ﮨﯿﮟ،ﺍﺗﻨﮯ ﺩﻧﻮﮞ ﺑﻌﺪ ﺍﭼﺎﻧﮏ ﮐﯿﺴﮯ ﯾﺎﺩ ﮐﯿﺎ؟ ‘
’ ﺻﺎﺣﺐ ﻣﻠﻨﺎ ﭼﺎﮨﺘﮯ ﮨﯿﮟ، ﮔﺎﮌﯼ ﻟﮯﮐﺮﺁ ﺭﮨﺎ ﮨﻮﮞ ﻓﻼﮞ ﺟﮕﮧ ﺳﮯ ﺁﭖ ﮐﻮ ﭘﮏ ﺍﭖ ﮐﺮﻟﯿﮟ ﮔﮯ ‘
ﻭﮦ ’ ﺻﺎﺣﺐ ‘ ﺳﮯ ﺩﻭﺳﺮﯼ ﺑﺎﺭ ﻣﻠﻨﮯ ﺟﺎﺭﮨﺎ ﺗﮭﺎ۔ ﭘﮩﻠﯽ ﺑﺎﺭ ﺍﺱ ﻭﻗﺖ ﻣﻼﻗﺎﺕ ﮨﻮﺋﯽ ﺗﮭﯽ ﺟﺐ ﺍﺱ ﻧﮯ ﮈﯾﻮﭨﯽ ﺟﻮﺍﺋﻦ ﮐﯽ ﺗﮭﯽ ﺍﻭﺭ ﺍﺏ۔۔۔ﭼﮭﭩﯽ ﺣِﺲ ﺑﯿﺪﺍﺭ ﮨﻮﮔﺌﯽ۔ﺍﻭﮦ ﻣﺎﺋﯽ ﮔﺎﮈ۔
ﺑﺮﯾﮕﯿﮉﯾﺌﺮﻣﻨﻮﺝ ﺷﺮﻣﺎ ﺍﺱ ﮐﮯ ﻋﻼﻗﮯ ﮐﮯ ﺭﮨﻨﮯ ﻭﺍﻟﮯ ﺗﮭﮯ۔ﻧﺮﻡ ﮔﻮ،ﺧﻠﯿﻖ ﺍﻭﺭ ﻣﻠﻨﺴﺎﺭ ﺁﻓﯿﺴﺮ ﺗﮭﮯ ۔ﺍﻧﮩﻮﮞ ﻧﮯ ﭼﺎﺋﮯ ﮐﺎ ﺁﺭﮈﺭ ﺩﯾﺎ ﺍﻭﺭ ﺳﯿﺪﮬﺎ ﺍﺻﻞ ﻣﺪﻋﺎ ﭘﺮﺁﮔﺌﮯ
’ ﺳﻨﺎ ﮨﮯ ﮐﻞ ﺁﭖ ﮐﺴﯽ ﺍﻓﻐﺎﻧﯽ ﮐﯽ ﻗﺒﺮ ﺗﻼﺵ ﮐﺮﺭﮨﮯ ﺗﮭﮯ؟ ﮨﻢ ﺳﮯ ﮐﮩﺎ ﮨﻮﺗﺎ ،ﮨﻢ ﺑﺘﺎﺩﯾﺘﮯ ‘ ۔ ’ ﮐﺴﯽ ‘ ﭘﺮ ﺍﻧﮩﻮﮞ ﻧﮯ ﺧﺎﺹ ﺯﻭﺭﺩﯾﺎ
’ ﺳﺮﺁﭖ ﮐﻮ ﮐﯿﺴﮯ ﻣﻌﻠﻮﻡ ﭘﮍﺍ؟ ‘ ﺍﺣﻤﺪ ﺣﯿﺮﺍﻥ ﺗﮭﺎ ﮐﮧ ﺟﺐ ﻭﮦ ﻗﺒﺮﺳﺘﺎﻥ ﮔﯿﺎ ﺗﮭﺎ ﺗﻮ ﺍﺱ ﻭﻗﺖ ﺍﺱ ﮐﮯ ﻓﻮﭨﻮﮔﺮﺍﻓﺮ ﻗﺎﺳﻢ ﭘﯿﺮﺯﺍﺩﮦ ﮐﮯ ﻋﻼﻭﮦ ﮐﻮﺋﯽ ﺍﻭﺭﻧﮩﯿﮟ ﺗﮭﺎ۔
’ ﺁﭖ ﮐﻮ ﻣﻌﻠﻮﻡ ﮨﮯ ﮐﮧ ﯾﮩﺎﮞ ﺗﻤﺎﻡ ﻗﺒﺮﺳﺘﺎﻧﻮﮞ ﮐﮯ ﺩﺭﻭﺍﺯﮮ ﮨﻤﺎﺭﯼ ﭼﺎﺑﯿﻮﮞ ﺳﮯ ﮐﮭﻠﺘﮯ ﺍﻭﺭ ﺑﻨﺪ ﮨﻮﺗﮯ ﮨﯿﮟ ‘
’ ﯾﮧ ﺗﻮ ﭘﻮﺭﯼ ﺩﻧﯿﺎ ﺟﺎﻧﺘﯽ ﮨﮯ ﺳﺮ ‘ ﺍﺣﻤﺪ ﻧﮯ ﺑﮭﯽ ﻟﻄﯿﻒ ﺳﺎ ﻃﻨﺰ ﮐﯿﺎ۔
’ ﺍﺣﻤﺪ ﺻﺎﺣﺐ ﯾﮧ ﻃﻨﺰ ﮐﺮﻧﮯ ﮐﺎ ﻭﻗﺖ ﻧﮩﯿﮟ ﺍﻭﺭ ﺁﭖ ﮐﮯ ﺍﺧﺘﯿﺎﺭﻣﯿﮟ ﺑﮭﯽ ﻧﮩﯿﮟ۔ ﺁﭖ ﮐﻮ ﭘﺘﮧ ﮨﻮﮔﺎ ﮐﮧ ﺁﭖ ﮐﻮ ﭨﺮﻣﯿﻨﯿﭧ ﮐﺮﺩﯾﺎ ﮔﯿﺎ ﮨﮯ۔ ‘
’ ﯾﮩﺎﮞ ﺗﻮ ﺳﺐ ﮐﭽﮫ ﺁﭖ ﮐﮯ ﺭﺣﻢ ﻭ ﮐﺮﻡ ﭘﺮ ﮨﮯ ‘ ﺍﺣﻤﺪ ﮐﻮﺍﺏ ﮐﻮﺋﯽ ﺣﯿﺮﺍﻧﯽ ﻧﮩﯿﮟ ﺗﮭﯽ۔ﺍﺳﮯ ﻣﺰﺍﺣﻤﺖ ﮐﺎﺭﻭﮞ،ﻓﻮﺝ ﺍﻭﺭ ﮐﻮﻟﯿﺒﻮﺭﯾﭩﺮﺯ ( ﺭﺍﺑﻄﮧ ﮐﺎﺭﻭﮞ ) ﮐﮯ ﻣﺎﯾﺒﻦ ﺳﻨﮉﯾﮑﯿﭧ ﮐﺎ ﮐﭽﮫ ﻣﺒﮩﻢ ﺍﺩﺭﺍﮎ ﮨﻮﻧﮯ ﻟﮕﺎ ﺗﮭﺎ۔
’ ﺁﭖ ﮐﺮﭘﭧ ﻧﮩﯿﮟ ﮨﯿﮟ،ﺍﻭﺭ ﯾﻘﯿﻦ ﮐﯿﺠﺌﮯﻣﯿﮟ ﺁﭖ ﺳﮯ ﺑﮩﺖ ﻣﺘﺎﺛﺮ ﮨﻮﮞ۔ﺍﺱ ﻟﺌﮯ ﻣﯿﺮﺍ ﻣﺸﻮﺭﮦ ﮨﮯ ﮐﮧ ﻧﺎﺷﮑﺮﻭﮞ ﮐﮯ ﺩﺭﻣﯿﺎﻥ ﺧﻮﺩ ﮐﻮ ﺿﺎﺋﻊ ﻣﺖ ﮐﯿﺠﺌﮯ۔ ‘
ﭼﺎﺋﮯ ﺧﺘﻢ ﮨﻮﮔﺌﯽ۔ﺟﺐ ﻭﮦ ﺑﺮﯾﮕﯿﮉﯾﺌﺮ ﺷﺮﻣﺎ ﮐﯽ ﺁﻓﺲ ﺳﮯ ﻧﮑﻞ ﺭﮨﺎ ﺗﮭﺎ ﺗﻮ ﭘﯿﭽﮭﮯ ﺳﮯ ﺍﻥ ﮐﯽ ﺁﻭﺍﺯ ﺁﺋﯽ۔
’ ﺍﺣﻤﺪﺻﺎﺣﺐ ! ﺁﭖ ﮐﻮ ﮐﻮﺋﯽ ﺍﻭﺭ ﻗﺒﺮ ﺗﻼﺵ ﮐﺮﻧﯽ ﭼﺎﮨﺌﮯ ﺗﮭﯽ۔ ﺁﭖ ﺑﮩﺖ ﺑﮭﻮﻟﮯ ﮨﯿﮟ ‘‘
’ ﺳﻤﺠﮭﺎ ﻧﮩﯿﮟ ﺳﺮ۔ﺁﭖ ﮐﺎ ﺍﺷﺎﺭﮦ ﮐﺲ ﻃﺮﻑ ﮨﮯ؟ ‘‘ ﺍﺣﻤﺪ ﮐﮯ ﻗﺪﻡ ﺟﮩﺎﮞ ﺗﮭﮯ ﻭﮨﯿﮟ ﺭﮎ ﮔﺌﮯ۔
’’ ﺟﻠﺪﮨﯽ ﺳﻤﺠﮫ ﺟﺎﺋﯿﮟ ﮔﮯ۔ ﻭﯾﺴﮯﻣﯿﮟ ﻧﮯ ﺟﻮ ﻣﺸﻮﺭﮦ ﺩﯾﺎ ﮨﮯ ﺍﺱ ﭘﺮ ﻏﻮﺭ ﮐﯿﺠﺌﮯ ﮔﺎ ‘‘ ۔ﺷﺮﻣﺎ ﺻﺎﺣﺐ ﮐﮯ ﻟﮩﺠﮯ ﻣﯿﮟ ﮐﻮﺋﯽ ﺩﮬﻤﮑﯽ ﻧﮩﯿﮟ ﺗﮭﯽ ﻟﯿﮑﻦ ﺍﮐﺜﺮ ﺑﮍﮮ ﻟﻮﮒ ﺣﮑﻢ ﯾﺎ ﺩﮬﻤﮑﯿﺎﮞ ﻣﺸﻮﺭﻭﮞ ﮐﯽ ﺷﮑﻞ ﻣﯿﮟ ﮨﯽ ﺩﯾﺘﮯ ﮨﯿﮟ۔ ﺟﺐ ﻭﮦ ﺷﺮﻣﺎ ﺻﺎﺣﺐ ﮐﮯ ﺩﻓﺘﺮ ﺳﮯ ﺑﺎﮨﺮ ﻧﮑﻼ ﺗﻮ ﺍﺱ ﮐﯽ ﻧﻈﺮ ﺩﻓﺘﺮﺭﺍﺑﻄﮧ ﻋﺎﻣﮧ ﮐﮯ ﺑﺎﮨﺮ ﭼﮩﻞ ﻗﺪﻣﯽ ﮐﺮﺗﯽ ﮨﻮﺋﯽ ﺍﯾﮏ ﺟﻮﺍﮞ ﺳﺎﻝ ﻋﻮﺭﺕ ﭘﺮ ﭘﮍﯼ۔ ﻭﮦ ﮔﻮﮔﻞ ﭘﮩﻨﮯ ﮨﻮﺋﯽ ﺗﮭﯽ ﺍﻭﺭ ﻣﻮﺑﺎﺋﻞ ﭘﺮ ﮐﺴﯽ ﺳﮯ ﺑﺎﺕ ﮐﺮﺭﮨﯽ ﺗﮭﯽ۔ ﻭﮦ ﻓﻮﺭﺍ ﮔﺎﮌﯼ ﺳﮯ ﺍﺗﺮ ﮔﯿﺎ۔ﭘﮩﻠﮯ ﺗﻮ ﺍﺳﮯ ﯾﻘﯿﻦ ﻧﮩﯿﮟ ﺁﯾﺎ ﭘﮭﺮﺣﯿﺮﺕ ﺍﻭﺭ ﺧﻮﺷﯽ ﺩﻭﻧﻮﮞ ﻧﮯ ﺍﺱ ﮐﮯ ﺟﺬﺑﺎﺕ ﮐﻮ ﺷﻞ ﮐﺮﺩﯾﺎ ۔ﺍﯾﮏ ’ ﺁﺯﺍﺩﻣﻠﮏ ‘ ﮐﯽ ﺍﯾﮏ ﮐﭩﺮ ﺣﺎﻣﯽ ﯾﮩﺎﮞ ﮐﯿﺎ ﮐﺮﺭﮨﯽ ﮨﮯ؟ ﻋﺮﻭﺳﮧ ﮐﮯ ﭼﮩﺮﮮ ﭘﺮ ﺍﯾﮏ ﺭﺳﻤﯽ ﺗﺎﺛﺮ ﺗﮭﺎ ﮔﻮﯾﺎ ﺍﺳﮑﺮﭘﭧ ﻣﯿﮟ ﯾﮧ ﻣﻼﻗﺎﺕ ﭘﮩﻠﮯ ﺳﮯ ﻟﮑﮭﯽ ﮨﻮﺋﯽ ﮨﻮ۔ﺍﺳﮯ ﻗﺪﺳﯽ ﮐﯽ ﺑﺎﺕ ﯾﺎﺩ ﺁﺋﯽ ’ ﻋﺮﻭﺳﮧ ﺳﮯ ﺫﺭﺍ ﻣﺤﺘﺎﻁ ﺭﮨﻨﺎ ‘ ﺍﻭﺭ ﺍﺱ ﻧﮯ ﮨﻨﺴﺘﮯ ﮨﻮﺋﮯ ﺑﺎﺕ ﮐﺎ ﺭﺥ ﭘﻠﭧ ﺩﯾﺎ ﺗﮭﺎ ’ ﺑﮯ ﻓﮑﺮ ﺭﮨﻮ ﻣﯿﮟ womanizer ﻧﮩﯿﮟ ﮨﻮﮞ ‘‘
’’ ﮨﺎﺋﮯ ! ﺁﭖ ﯾﮩﺎﮞ ﭘﺮ !!!!! ﺳﺐ ﺧﯿﺮﯾﺖ ؟ ‘‘
’’ ﺟﯽ ! ﺷﺮﻣﺎ ﺻﺎﺣﺐ ﺳﮯ ﻣﻠﻨﮯ ﺁﺋﯽ ﺗﮭﯽ ،ﮐﭽﮫ ﮈﯾﭩﺎ ﮐﮯ ﻟﺌﮯ ‘‘ ﺍﺱ ﮐﯽ ﺁﻭﺍﺯ ﻣﯿﮟ ﻟﺮﺯﺵ ﺗﮭﯽ۔ﻋﺮﻭﺳﮧ ﮐﻮ ﺩﯾﮑﮭﺘﮯ ﮨﯽ ﻗﺪﺳﯽ ﺍﺱ ﮐﮯ ﺫﮨﻦ ﻣﯿﮟ ﺩﻭﮌﻧﮯ ﻟﮕﯽ ۔ ﺍُﺱ ﻭﻗﺖ ﺍﺳﮯ ﻗﺪﺳﯽ ﮐﯽ ﺧﯿﺮﻭ ﻋﺎﻓﯿﺖ ﺟﺎﻧﻨﮯ ﮐﮯ ﻋﻼﻭﮦ ﮐﭽﮫ ﺍﻭﺭ ﺳﺠﮭﺎﺋﯽ ﻧﮩﯿﮟ ﺩﮮ ﺭﮨﺎ ﺗﮭﺎ۔
’ ﻗﺪﺳﯽ ﮐﺎ ﮐﭽﮫ ﭘﺘﮧ ﻧﮩﯿﮟ ﭼﻞ ﺭﮨﺎ ﮨﮯ۔ﺗﻤﮩﺎﺭﺍ ﻧﻤﺒﺮ ﻧﮩﯿﮟ ﺗﮭﺎ۔ ﺩﻓﺘﺮﻣﯿﮟ ﻓﻮﻥ ﮐﯿﺎ ﺗﻮ ﻣﻌﻠﻮﻡ ﮨﻮﺍ ﮐﮧ ﺗﻤﮩﺎﺭﺍ ﺍﻭﺭ ﺍﻥ ﮐﺎ ﺗﻌﻠﻖ ﺻﺮﻑ ﺍﯾﮏ ﺍﺳﺎﺋﻨﻤﻨﭧ ﺗﮏ ﺗﮭﺎ۔ ‘
’ ﺍﺣﻤﺪ ! ﻭﮦ ﺟﻨﮕﺠﻮﺅﮞ ﮐﮯ ﺳﺎﺗﮫ ﺍﯾﮏ ﻓﻮﺟﯽ ﮐﺎﺭﺭﻭﺍﺋﯽ ﻣﯿﮟ۔۔۔۔۔۔۔۔۔ ‘
۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔
ﻋﺮﻭﺳﮧ ﮐﮯ ﮔﻮﮔﻞ ﺳﮯ ﺍﺳﮯ ﯾﺎﺩ ﺁﯾﺎ ﮐﮧ ﯾﮩﯽ ﻭﮦ ﮔﻮﮔﻞ ﺗﮭﺎ ﺟﺲ ﻣﯿﮟ ﻭﮦ ﮐﺘﻨﯽ ﺳﻨﺪﺭ ﻟﮓ ﺭﮨﯽ ﺗﮭﯽ۔ ﺍﺏ ﺑﮭﯽ ﻟﮓ ﺭﮨﯽ ﮨﻮﮔﯽ؟؟؟؟ ﺍﯾﺘﮭﻨﮏ ﻟﺒﺎﺱ، ﺳﺮ ﭘﺮ ﺳﺮﺥ ﺩﻭﭘﭩﮧ، ﺟﺲ ﺳﮯ ﺗﮭﻮﮌﯼ ﻗﺪﺍﻣﺖ ﭘﺴﻨﺪ ﺍﻭﺭ ﭘﮭﺮﻭﮮ ﻓﯿﺮﺭ ﺳﯿﺮﯾﺰ ﮐﺎ ﺭﮮ ﺑﯿﻦ ﺟﺲ ﺳﮯﺗﮭﻮﮌﯼ ﻓﯿﺸﻦ ﭘﺮﺳﺖ ﺍﻭﺭ ﭘﮭﺮ ﺍﺱ ﺍﻣﺘﺰﺍﺝ ﺳﮯ ﭘﯿﺪﺍ ﮨﻮﻧﮯ ﻭﺍﻟﯽ ﺳﺎﺩﮔﯽ، ﺷﺎﺋﺴﺘﮕﯽ ﺍﻭﺭ ﻧﻔﺎﺳﺖ۔۔۔۔ﯾﮧ ﺧﻮﺵ ﺧﺮﺍﻡ ﻣﯿﺮﮮ ﻣﻘﺪﺭ ﻣﯿﮟ ﮐﯿﻮﮞ ﻧﮩﯿﮟ ﺗﮭﯽ؟
ﻗﺪﺳﯽ ﻗﻄﺮﮦ ﺑﻦ ﮐﺮ ﭘﻠﮑﻮﮞ ﭘﺮﺁﮐﺮﭨﮭﮩﺮﮔﺌﯽ۔
’’ ﺍﺣﻤﺪ ! ﺗﻢ ﮐﻮ ﻣﻌﻠﻮﻡ ﮨﮯ ﺯﻧﺪﮔﯽ ﮐﺎ ﺣﺴﻦ ﮐﯿﺎ ﮨﮯ؟ ﺍﯾﮏ ﺩﻥ ﺳﺐ ﮐﻮ ﻣﺮنا ہے."
https://www.facebook.com/groups/1690875667845800/permalink/1714406772159356/
