فاروق ستار اور الطاف حسین کی خیالی خفیہ گفتگو

ہیلو۔۔۔بھائی؟
ہاں ں ں ں ں ں ں ں ں ں
بھائی آپ کی طبیعت ٹھیک ہے؟
ہاں ں ں ں ں ں ں ں ں
بھائی وہ۔۔۔کہنا تھا کہ آپ نے اچھا نہیں کیا۔۔۔پاکستان مردہ باد کے نعرے سرعام لگوانے کی کیا ضرورت تھی؟
ابے تم کون ہو مجھے سبق پڑھانے والے ۔۔۔اور یہ جو تم نے مجھ سے لاتعلقی کا اعلان کیا ہے یاد رکھنا عنقریب تمہاری شاپر بند لاش ملے گی۔
شاپر بند لاش؟ بھائی شاید آپ بوری بند کہنا چاہتے تھے۔۔۔!!!
نہیں۔۔۔میں نے شاپر بند ہی کہا ہے۔۔۔ تمہارے سائز کی بوری نہیں مل سکتی۔۔۔!!!
بھائی معاف کردیں، لوگوں کو ٹھنڈا کرنا تھا اس لیے ایسا کرنا پڑا۔۔۔!!!
بے فکر رہو۔۔۔تم نے لوگوں کو ٹھنڈا کیا، اب میں تمہیں ٹھنڈا کروں گا!تم نے ایم کیو ایم پاکستان کیوں بنائی؟
بنائی کہاں ہے بھائی، ایسے ہی اعلان کیا ہے۔۔۔ایم کیو ایم صرف ایک ہی ہے۔۔۔ایم کیو ایم لندن۔۔۔!!!
یہ بات تم نے میڈیا میں کیوں نہیں کہی؟
بھائی یقین کریں حکم وہی چلے گا جو آپ دیں گے، اگر میں ایسا نہ کرتا تو آپ سے پہلے لوگوں نے میری چٹنی بنا دینی تھی۔
تم غدار ہو۔۔۔!!!
Same to you بھائی۔۔۔!!!
کیا؟؟؟
مم۔۔۔میرا مطلب ہے بھائی آپ نے ٹی وی پر دیکھا تو ہوگا ، جس رینجر اہلکار نے مجھے حراست میں لیا تھا ذرا اس کا قد کاٹھ اور مونچھیں ملاحظہ فرمائیں، خدا جانتا ہے میری روح فنا ہوگئی تھی۔
میرے ساتھی ہوتے ہوئے تم اتنے بزدل کیسے ہوگئے؟ تمہیں تو شیر دل ہونا چاہیے، پتھر دل ہونا چاہیے۔۔۔!!!
معاف کردیں بھائی! اب وہ وقت نہیں رہا، اب ہم پتھر دل نہیں لوگ پتھر دل ہوگئے ہیں۔۔۔!!!
اس کا مطلب ہے اِس بار عید پر قربانی کی کھالیں ہمیں نہیں ملیں گی؟
بھائی آپ قربانی کی کھالوں کی بات کرتے ہیں، اِدھر ہماری کھال اتر رہی ہے۔۔۔!!!
بکواس بند کرو۔۔۔تم لوگوں کو کوئی خیال نہیں کہ میرا خرچہ کیسے پورا ہوگا؟ چھ ماہ سے ایک روپیہ تک مجھ تک نہیں پہنچا، وہ تو اللہ بھلا کرے ’را‘ کا جو ہر ماہ میرے کھانے ’’پینے‘‘ کا انتظام کر دیتی ہے لیکن کب تک۔۔۔آخر کب تک۔۔۔مجھے پیسے چاہئیں!
بھائی پیسے کہاں سے لائیں، سارے بندے تو رینجرز نے پکڑ لیے ہیں، دفتر گرا دیے ہیں، اب تو یہ حالت ہے کہ جہاںآپ کی تصویر لگی نظر آتی ہے لوگ سمجھ جاتے ہیں کہ پبلک ٹوائلٹ یہی ہے۔
فاروق ستارررررررررررر۔۔۔۔۔۔میرے غصے کو آواز مت دو۔۔۔شہر میں خوف و ہراس کی فضا پیدا کرو ۔۔۔کراچی ہاتھ سے نہیں نکلنا چاہیے۔
بھائی کراچی ہاتھ سے نکلے نہ نکلے ہم ضرور لوگوں کے دلوں سے نکل گئے ہیں، میری مانیں آپ کچھ دنوں کے لیے بیان بازی بند کردیں۔
ابے میں کیوں بیان بازی بند کروں۔۔۔تمہارا فرض بنتا ہے کہ تم لوگوں کو سمجھاؤ کہ الطاف بھائی ذہنی دباؤ کی وجہ سے ایسی ویسی باتیں کرجاتے ہیں۔
بھائی میں نے یہی مؤقف اختیار کیا ہے لیکن لوگ کہتے ہیں کہ اگر الطاف بھائی ذہنی دباؤ کا شکار ہیں تو اپنے ماں باپ کو گالیاں کیوں نہیں دیتے، نشانہ صرف پاکستان کیوں ہے؟؟؟
اوئے جاگیردارا۔۔۔سارے سیکٹر انچارج اکٹھے کرو اور انہیں حکم دو کہ جو بھی ایم کیوایم کے خلاف بات کرتا نظر آئے اسے ٹھوک دیں!
بھائی خدا کے لیے حقائق کو سمجھیں، ہم خود ’’ٹھک‘‘ چکے ہیں، آدھے سے زیادہ سیکٹر انچارج پکڑے گئے ہیں اور جو بچ گئے ہیں انہوں نے دوبارہ پان سگریٹ کے کھوکھے لگا لیے ہیں۔۔۔بھائی ہم برباد ہوگئے ہیں، مصطفی کمال اچھا رہ گیا ہے، نئی پارٹی بھی بنا لی اور ہمارے بندے بھی سمیٹ لیے ۔
ابے۔۔۔اگر تم نے اب مصطفی کمال کا نام لیاتو میں تمہیں فون میں سے نکل کر چبا جاؤں گا۔۔۔!!!
بھائی میں مشکل سے مشکل حالات میں بھی آپ کے ساتھ کھڑا رہتاہوں، لوگوں کی باتیں سنتا ہوں، طعنے سنتا ہوں، لیکن آپ پھر بھی مجھ ہی پر غصہ ہوتے ہیں، حالانکہ آپ کو سب سے پہلے مصطفی کمال کا انتظام کرنا چاہیے جس نے آپ سے کھلی بغاوت کی ہے۔
ابے مصطفی کمال کا میں کیا بگاڑ سکتا ہوں، وہ بدبخت تو مجھے مانتا ہی نہیں۔۔۔!!!
ہیں؟ یعنی بھائی جو آپ کو مانے گا وہی پھنسے گا؟؟؟
کوئی نہیں پھنستا۔۔۔جاؤ حیدر عباس رضوی کو ڈھونڈو۔۔۔کمبخت جب سے مشکل پڑی ہے پتا نہیں کہاں گم ہوگیا ہے۔
بھائی ۔۔۔حیدر رضوی سے میری فون پر بات ہوئی تھی، آپ کا نام لیا تو کہنے لگے’’لعنت بھیجو‘‘۔۔۔!!!
یعنی مجھ پر۔۔۔الطاف حسین پر لعنت بھیج دی۔۔۔فاروق ستار۔۔۔حیدر رضوی کی بوری تیار کرو۔۔۔!!!
بھائی بوری کا ذکر چھوڑیں ‘ سارے بوریوں والے ہمارا ناپ لیتے پھر رہے ہیں،اب آپ ایک بھارتی جھنڈا خریدیں اور اُس سے اپنا کفن تیار کروائیں ، میں کوشش کروں گا کچھ دنوں تک آپ کے پاس پہنچ جاؤں، یہ عجیب ملک ہے جہاں غدار کو چین سے جینے بھی نہیں دیتے۔

http://www.dunyapakistan.com/107429/#.WRqGcJJ95dg

“