دوستوں کے بیچ میں ہم پھر تماشا بن گئے
اور ہمارے سارے ارمانوں کا قیما ہو گیا
اپنی محوبہ سے مِلوا کر اُسے پچھتائے ہم
تین دن کے بعد لندن کا ولیمہ ہو گیا
۔۔۔۔۔۔۔۔۔۔۔۔۔۔۔
اتنی کنجوسی پر آمادہ ہے سُسرال میری
راز کی بات بتاتے ہوئے ڈر لگتا ہے
ایسے کمرے میں سُلا دیتے ہیں مجھے
پاؤں پھیلاؤں تو دیوار میں سر لگتا ہے
۔۔۔۔۔۔۔۔۔۔۔۔۔۔
رہا کرتا ہے کھٹکا جانے کیا انجام ہو جائے
خبر یہ عام ہو جائے تو پھر کہرام ہو جائے
محبت ہو ھو گئی ہے ڈاکو سلطانہ کی بیٹی سے
نجانے کس گلی میں زندگی کی شام ہو جائے
۔۔۔۔۔۔۔۔۔۔۔۔۔
یہ عبارت اک چرچ کے گیٹ پر تحریر تھی
تھک چکے ہو گر گناہوں سے تو اندر آئیے
اُس ک نیچے ہی کسی نے لِپ سٹک سے لکھ دیا
اور تھکے اب تک نہ ہوں تو میرے گھر آئیے
۔۔۔۔۔۔۔۔۔۔۔۔۔
میکپ کی کر چکی ہو نمائش اِدھر اُدھر
اب تو نقاب چاند سے مکھڑے پر ڈال لو
بے پردہ دیکھ لے گا محلے کا کوئی شخص
اب گھر قریب آ گیا اب برقح نکال لو
۔۔۔۔۔۔۔۔۔۔۔۔۔
تقدیر کا کھوٹا ہے مقدر سے لڑا ہے
دنیا اُسے کہتی ہے کہ چالاک بڑا ہے
خود تیس کا ہے اور دُلہن ساٹھ برس کی
گِرتی ہوئی دیوار کے سائے میں کھڑا ہے
۔۔۔۔۔۔۔۔۔۔۔۔۔
بسوں میں بِکتی ہوئی شئے خرید مت لینا
کہیں یہ سوچتے رہ جاؤ کہ زندگی نہ رہی
بس ایک بار ان آنکھوں میں سرمہ ڈالا تھا
پھر اس کے بعد چراغوں میں روشنی نہ رہی
۔۔۔۔۔۔۔۔۔۔۔۔۔
خوب ہنستے ہیں تیرے ابّا جی
اُن کو میں غم سے آشنا کر دوں
میرے دل میں بس اتنی خواہش ہے
تیرے گھر میں مشاعرہ کر دوں
۔۔۔۔۔۔۔۔۔۔۔۔۔۔۔۔۔۔
