دلیلِ وجودی کی ری کنسٹرکشن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خلا میں ہرجگہ سے روشنی گزر رہی ہے
خلا تاریک ہے
چنانچہ روشنی خود روشن وجود نہیں رکھتی
۔۔۔۔۔۔۔۔۔۔
روشنی خلا میں ہرجگہ سے گزر رہی ہے
خلا میں موجود مادی اجسام روشنی کی وجہ سے روشن ہیں
چنانچہ روشنی کا روشن ہونا مادی اجسام کی موجودگی کی وجہ سے ہے
۔۔۔۔۔۔۔۔۔۔
تمام تر مادی اجسام حجم رکھتے ہیں
ہرجسم جو حجم رکھتاہو اس کی شبیہہ تصور میں لائی جاسکتی ہے
چنانچہ تمام تر مادی اجسام کی شبیہہ تصور میں لائی جاسکتی ہے
۔۔۔۔
تمام تر حجم رکھنے والے اجسام ایک شبیہہ کے طورپر تصور میں لائے جاسکتے ہیں
روشنی حجم نہیں رکھتی
چنانچہ روشنی ایک شبیہہ کے طور پر تصور میں نہیں لائی جاسکتی
۔۔۔
مادی اجسام کی عدم موجودگی میں روشنی کے روشن ہونے کا علم ناممکن ہے
روشنی کے روشن نہ ہونے سے روشنی کا انکار لازم نہیں آتا
چنانچہ مادی اجسام کی عدم موجودگی میں روشنی کا انکار لازم نہیں آتا
۔۔۔۔۔۔۔۔۔
روشنی کی شبیہہ تصور میں نہیں لائی جاسکتی لیکن اس کے وجود سے انکار ممکن نہیں
روشنی کائناتی حقائق میں سے ایک حقیقت ہے
چنانچہ کچھ حقیقتیں جن کی شبییہیں تصور میں نہیں لائی جاسکتیں ان کے وجود سے انکار ممکن نہیں
۔۔۔۔۔
کچھ انسانوں کے ذہن میں اُڑنے والے گھوڑے کا تصور ہے
اُڑنے والے گھوڑے کا خارجی وجود ممکن نہیں
چنانچہ کچھ انسانوں کے ذہن میں ایسے تصورات بھی ہیں جن کا خارجی وجود ممکن نہیں۔
۔۔۔
تمام انسانوں کے ذہن پانی کا تصور موجود ہے
پانی کا خارجی وجود بھی موجود ہے
چنانچہ تمام انسانوں کے ذہن میں موجود پانی کے تصور کا خارجی وجود بھی موجود ہے۔
۔۔۔۔
تمام انسانوں کے ذہن میں کامل ترین کا تصور مشترکہ طورپر موجود ہے
کامل ترین کا تصور خدا کا تصور ہے
چنانچہ تمام انسانوں کے ذہن میں خدا کا تصورمشترکہ طورپر موجود ہے
۔۔۔
کسی انسان نے خدا کی شبیہہ نہیں دیکھی
کسی شئے کی شبیہہ نہ ہو تو اس کے وجود سے انکار لازم نہیں آتا
چنانچہ خدا کے وجود سے انکار لازم نہیں آتا
۔۔۔
تمام انسانوں کے ذہن میں کوئی مشترکہ تصور ایسا نہیں جس کا وجود ِ خارجی نہ ہو
تمام انسانوں کے ذہن میں خدا کا تصور مشترکہ طورپر موجود ہے
چنانچہ یہ ممکن نہیں کہ خدا کا وجودِ خارجی نہ ہو
یہ تحریر فیس بُک کے اس پیج سے لی گئی ہے۔
“
