(Last Updated On: )
موٹروے تے ڈیوو ٹھنڈی ہوا دیوے
اس دا میں نوکر جیڑا میرا سجن منا دیوے
کوٹھے تے چڑھ بھینا،
سوہنیا گِلے کردا رہنا
اپنے بھلے دسیندا رہنا
موٹروے تے ڈیوو چلدی جم جم کے
قدر گھٹا آئے بوہے سجنا دے ونج ونج کے
بازار وکیندے چھولے
سانو گلّاں کرایاں ڈھولے
لگی وے بازار، ملے ہٹیاں توں گھنڈ دانا
دل میرا شیشہ وے، کدی تُساں ڈھا کے بھن دینا
بازار وکیندے چھولے
رُسے ہوئے سجن کدی نہ بولے
کر کے قیدی گھوڑی اسی راہاں تے لا چھوڑے
مُک گئے سنگ یا سجنا آپ مُکا چھوڑے
چَلوے تھلے بنین وے
نِکّا جیہا چوچا وے ٹوکرے تھلے لُکائی رکھیا
اَج ساڈے دشمن، کل تائیں ہتھاں اُتے چائی راکھیا
میرے ڈھولے دے ناباس
کل مینوں گھڑا چوایا ناس
اللہ جانے رنج گئی جیہڑی ہاسوں
اِک گھڑا چایا کر، دوہیں گھڑے لگدے بہت بھارے
توں سانوں کتھے ملنا تیرے لگدے بہت سارے
