جدوں چھنڑکے تیری ونگ عاشقاں دِے دِل دَھک دَھک کردے رَانجھے ہونٹر ملنگ
جدوں چھنڑکے تیری ونگ
قد سُرو د ِے بوٹے وَرگا نین نشیلے تیرے مُکھ دِی لالی چانٹر کِردی زُلفاں پونٹر ہنیرے
حُسن تیرے دِیاں دُمماں پئیاں عیسیٰ خیل تے جھنگ جدوں چھنڑکے تیری ونگ
گورے مُکھ تے کالے تِل نے پہرا خوب جمایا کالیاں زُلفاں سپنٹری بن کے ہک تے ڈیرا لایا
کی مجال کوئی میلی اَکھیں دِیکھ کے جاوے لَنگ جدوں چھنڑکے تیری ونگ
ریشمی لاچا پا کے جَد توں نکلیں شِکر دوپہرے سُورج ورگے تپدے روپ تے کسے دی اکھ نہ ٹھہرے
آوندے جاندے راہی تینوں وِیکھ کے ہوندے دَنگ جدوں چھنڑکے تیری ونگ
موراں نالوں وَدھ کے اَڑئیے ٹور سلکھڑی تیری جہیڑے دِن دَا وِیکھیا تینوں نیندر اُڈ گئی میری
عشق تیرے دِے ناگ نے ماریا دِل میرے تے ڈَنگ جدوں چھنڑکے تیری ونگ
لاہور دِی اِے پُھل جھڑیے سارا شہر تیرا دیوانہ مال روڈ توں لنگ جاویں تے ہو جانڑ بند دُو کاناں
اِچھرے موڑ تے پیر دھریں تے پیندی اِے دھمک مزنگ جدوں چھنڑکے تیری ونگ
