اُردو رسالہ شناخت ۲

بقائے نفس ہی محصولِ زندگانی ہے
بجز ! زیاں ہے ، تمناؤں کی گرانی ہے
بتا حوادثِ ایام اب سنیں کس کی
نظر نظر سے بیاں اک نئی کہانی ہے
ہے مول اشک کا مشروط جذبہِ دل سے
وگرنہ آنکھ سے ٹپکے جو۔۔صرف پانی ہے
بجھا ہے اپنا دیا تب خبر ہوئی تم کو !!
روش ہواؤں کی ہرچند یہ پرانی ہے
دِکھا گئے ہیں زمانے کو تین سو تیرہ
کہ حق نے کب بھلا باطل سے ہار مانی ہے
کتابِ زیست پہ روشن حروفِ لافانی
ہے عجز دائمی۔۔۔۔فرعونیت زمانی ہے
غزلؔ ملا نہ اگر سایہِ شجر تو کیا
زہے نصیب مقدر میں باغبانی ہے
٭٭٭