اُردو ناول کھوج

ﺁﺝ ﻋﺒﺪﺍﻟﻠﮧ ﺑﮩﺖ ﭘُﺮﺟﻮﺵ ﺗﮭﺎ، ﻭﮦ ﺻﻮﺑﺎﺋﯽ ﺣﮑﻮﻣﺖ ﮐﮯ ﺍﯾﮏ ﺍﻋﻠﯽٰ ﻋﮩﺪﯾﺪﺍﺭ ﺳﮯ ﻣﻠﻨﮯ ﻻﮨﻮﺭ ﺟﺎ ﺭﮨﺎ ﺗﮭﺎ ﺍﭘﻨﮯ ﺳﺎﻓﭧ ﻭﺋﯿﺮ ﮐﯽ Presentation ﮐﮯ ﻟﺌﮯ۔ ﻣﯿﭩﻨﮓ ﮐﮯ ﺑﻌﺪ ﻭﮦ ﺍﻋﻠﯽٰ ﻋﮩﺪﯾﺪﺍﺭ ﻣﺨﺎﻃﺐ ﮨﻮﺋﮯ، ﻋﺒﺪﺍﻟﻠﮧ ﺁﭖ ﮐﺎ ﮐﺎﻡ ﺑﮩﺖ ﺷﺎﻧﺪﺍﺭ ﮨﮯ، ﮨﻢ ﭼﺎﮨﺘﮯ ﮨﯿﮟ ﮐﮧ ﺁﭖ ﻣﻠﮏ ﻭ ﻗﻮﻡ ﮐﮯ ﮐﺎﻡ ﺁﺋﯿﮟ۔ ﺟﯽ ﻣﯿﮟ ﺑﮭﯽ ﯾﮩﯽ ﭼﺎﮨﺘﺎ ﮨﻮﮞ، ﺁﭖ ﺑﺘﺎﺋﯿﮯ ﮐﺐ ﺳﮯ ﮐﺎﻡ ﺷﺮﻭﻉ ﮐﺮﯾﮟ؟ ﻋﺒﺪﺍﻟﻠﮧ ﻧﮯ ﮐﮩﺎ۔ ﻣﮕﺮ ﻣﯿﮟ ﺍﯾﮏ ﺑﺎﺕ ﺑﺘﺎﻧﺎ ﭼﺎﮨﺘﺎ ﮨﻮﮞ۔ ﻋﮩﺪﯾﺪﺍﺭ ﺻﺎﺣﺐ ﮔﻮﯾﺎ ﮨﻮﺋﮯ، ﻭﮦ ﯾﮧ ﮐﮧ ﮐﺎﻡ ﻓﯽ ﺳﺒﯿﻞ ﺍﻟﻠﮧ ﮐﺮﻧﺎ ﮨﻮﮔﺎ۔ ﭘﯿﺴﮯ ﮐﻮﺋﯽ ﻧﮩﯿﮟ ﻣﻠﯿﮟ ﮔﮯ، ﺣﺐ ﺍﻟﻮﻃﻨﯽ ﮐﺎ ﺟﺬﺑﮧ ﯾﮩﯽ ﺗﻘﺎﺿﺎ ﮐﺮﺗﺎ ﮨﮯ۔ ﻋﺒﺪﺍﻟﻠﮧ ﻧﮯ ﺑﺎﺕ ﺳﻨﯽ ﺍﻭﺭ ﮨﻨﺴﺘﮯ ﮨﻮﺋﮯ ﮐﮩﻨﮯ ﻟﮕﺎ ﮐﮧ ﺟﻨﺎﺏ ﻣﯿﮟ ﺍﭘﻨﺎ ﮨﻮﻡ ﻭﺭﮎ ﮐﺮﮐﮯ ﺁﺗﺎ ﮨﻮﮞ، ﺍﻟﻞ ﭨﭗ ﮐﻮﺋﯽ ﺑﺎﺕ ﻧﮩﯿﮟ ﮐﺮﺗﺎ۔ ﺁﭖ ﮐﮯ ﭘﺎﺱ 40 ﮐﺮﻭﮌ ﮐﺎ ﺑﺠﭧ ﮨﮯ ﺍﺱ ﺍﺩﺍﺭﮮ ﮐﮯ ﻟﯿﮯ، 22 ﺑﻨﺪﮮ ﺁﭘﮑﮯ ﭘﺮﺳﻨﻞ ﺍﺳﭩﺎﻑ ﻣﯿﮟ ﮨﯿﮟ، ﺍﯾﮏ ﮔﮭﺮ ﺍﻭﺭ 2 ﮔﺎﮌﯾﺎﮞ ﺍﻭﺭ ﺍﭼﮭﯽ ﺧﺎﺻﯽ ﺗﻨﺨﻮﺍﮦ۔ ﺍﺳﯽ ﺳﺎﻓﭧ ﻭﯾﺌﺮ ﮐﮯ ﻟﺌﮯ ﺁﭖ ﮐﯿﻨﯿﮉﯾﻦ ﮐﻤﭙﻨﯽ ﮐﻮ 3 ﻣﻠﯿﻦ ﮈﺍﻟﺮ ﺳﺎﻻﻧﮧ ﺩﯾﻨﮯ ﮐﻮ ﺗﯿﺎﺭ ﮨﯿﮟ ﻣﮕﺮ ﺟﺐ ﺑﺎﺕ ﺁﺋﯽ ﺍﭘﻨﮯ ﻟﻮﮔﻮﮞ ﮐﯽ، ﻣﻠﮑﯽ ﺍﺳﺘﻌﺪﺍﺩ ﮐﯽ ﺗﻮ ﺁﭖ ﺑﻦ ﮔﺌﮯ ﻋﺒﺪﺍﻟﺴﺘﺎﺭ ﺍﯾﺪﮬﯽ۔
ﺍﮔﺮ ﺁﭖ ﺍﯾﺪﮬﯽ ﮨﻮﺗﮯ ﺗﻮ ﻣﯿﮟ ﻣﻔﺖ ﻣﯿﮟ ﮐﺎﻡ ﮐﺮﻟﯿﺘﺎ، ﺟﻨﺎﺏ ﻭﺍﻻ ﺣﺐّ ﺍﻟﻮﻃﻨﯽ ﺍﻭﺭ ﻏﻼﻣﯽ ﻣﯿﮟ ﻓﺮﻕ ﮨﮯ۔ ﻣﯿﮟ ﻏﻼﻡ ﻧﮩﯿﮟ ﺁﺯﺍﺩ ﺁﺩﻣﯽ ﮨﻮﮞ۔ ﻋﮩﺪﯾﺪﺍﺭ ﺻﺎﺣﺐ ﺳﮯ ﺁﺝ ﺗﮏ ﮐﺴﯽ ﻧﮯ ﺍﺱ ﻟﮩﺠﮯ ﻣﯿﮟ ﺑﺎﺕ ﻧﮧ ﮐﯽ ﺗﮭﯽ ﻭﮦ ﺳﯿﺦ ﭘﺎ ﮨﻮﮔﺌﮯ۔ ﮐﮩﻨﮯ ﻟﮕﮯ ﺍﮔﺮ ﺁﭖ ﻧﮯ ﻻﻟﭻ ﮐﺎ ﻣﻈﺎﮨﺮﮦ ﮐﺮﻧﺎ ﮨﮯ ﺍﻭﺭ ﭘﯿﺴﮯ ﮨﯽ ﮐﻤﺎﻧﮯ ﮨﯿﮟ ﺗﻮ ﺩﻓﻊ ﮨﻮﺟﺎﺋﯿﮯ ﺍﺱ ﻣﻠﮏ ﺳﮯ، ﯾﮧ ﺍﻟﻠﮧ ﮐﮯ ﻧﺎﻡ ﭘﺮ ﺑﻨﺎ ﮨﮯ ﺍﻭﺭ ﺍﻟﻠﮧ ﮨﯽ ﺍﺱ ﮐﺎ ﻧﮕﮩﺒﺎﻥ ﮨﮯ، ﯾﮧ ﻣﯿﺮﺍ ﻣﻠﮏ ﮨﮯ، ‏( ﻋﺒﺪ ﺍﻟﻠﮧ ﮔﺮﺟﺎ ‏) ﺣﺐ ﺍﻟﻮﻃﻨﯽ ﻣﯿﺮﮮ ﺧﻮﻥ ﻣﯿﮟ ﮨﮯ، ﻣﯿﮟ ﮐﯿﻮﮞ ﮐﺴﯽ ﮐﻮ ﺛﺎﺑﺖ ﮐﺮﻭﮞ ﮐﮧ ﻣﯿﮟ ﮐﺘﻨﺎ ﺣﺐ ﺍﻟﻮﻃﻦ ﮨﻮﮞ۔ ﻣﯿﮟ ﺍﺩﮬﺮ ﮨﯽ ﮨﻮﮞ۔ ﮐﯿﻮﻧﮑﮧ ﺁﭖ ﺑﻮﮌﮬﮯ ﮨﯿﮟ، ﮐﭽﮫ ﺳﺎﻟﻮﮞ ﻣﯿﮟ ﺭﯾﭩﺎﺋﺮ ﮨﻮﺟﺎﺋﯿﮟ ﮔﮯ ﭘﮭﺮ ﮐﭽﮫ ﺳﺎﻟﻮﮞ ﻣﯿﮟ ﻣﺮﺟﺎﺋﯿﮟ ﮔﮯ، ﻣﯿﮟ ﺍﻧﺘﻈﺎﺭ ﮐﺮﻭﮞ ﮔﺎ ﺍﺱ ﺩﻥ ﮐﺎ ﺗﺎﮐﮧ ﻣﻠﮏ ﺍﺱ ﮈﮔﺮ ﭘﮧ ﭼﻞ ﺳﮑﮯ ﺟﮩﺎﮞ ﭼﻠﻨﺎ ﭼﺎﮨﺌﮯ ﺍﻭﺭ ﺗﺐ ﺗﮏ ﻣﯿﮟ ﻭﮦ ﻧﺴﻞ ﺗﯿﺎﺭ ﮐﺮﻭﮞ ﮔﺎ ﺟﻮ ﺁﭖ ﮐﯽ ﺍﻧﺎ ﮐﻮ ﭼﯿﻠﻨﺞ ﮐﺮﺗﯽ ﺭﮨﮯ۔
ﻋﺒﺪﺍﻟﻠﮧ ﮐﯽ ﺑﺎﺕ ﻣﮑﻤﻞ ﮨﻮﺋﯽ ﺍﻭﺭ ﻣﻐﻠّﻈﺎﺕ ﮐﺎ ﺍﮎ ﻃﻮﻓﺎﻥ ﺟﻨﺎﺏ ﻭﺍﻻ ﮐﯽ ﺯﺑﺎﻥ ﺳﮯ ﺟﺎﺭﯼ ﮨﻮﺍ ﺍﻭﺭ ﻋﺒﺪﺍﻟﻠﮧ ﮐﻮ ﺩﮬﮑﮯ ﺩﮮ ﮐﺮ ﻧﮑﺎﻝ ﺩﯾﺎ ﮔﯿﺎ۔
ﻋﺒﺪﺍﻟﻠﮧ ﮔﺎﮌﯼ ﻣﯿﮟ ﺑﯿﭩﮫ ﮐﺮ ﻭﺍﭘﺲ ﭼﻼ ﮔﯿﺎ۔ ﺑﻠّﻮ ﻧﮯ ﺑﮍﺍ ﺩﻻﺳﮧ ﺩﯾﺎ ﺍﻭﺭ ﮐﮩﺎ ﮐﻮﺋﯽ ﺑﺎﺕ ﻧﮩﯿﮟ، ﺁﺋﻨﺪﮦ ﺍﯾﺴﺎ ﻧﮩﯿﮟ ﮨﻮﮔﺎ، ﺗﻤﮩﯿﮟ ﺯﯾﺎﺩﮦ ﻧﮩﯿﮟ ﺑﻮﻟﻨﺎ ﭼﺎﮨﯿﺌﮯ ﺗﮭﺎ، ﻣﮕﺮ ﺑِّﻠﻮ ﺍﻧﮩﯿﮟ ﺗﻮ ﮔﺎﻟﯽ ﺩﯾﻨﮯ ﺗﮏ ﮐﺎ ﺫﻭﻕ ﻧﮩﯿﮟ ﺗﮭﺎ۔ ﮐﻤﯿﻨﮧ ﺍﺱ ﺷﺨﺺ ﮐﻮ ﮐﮩﺘﮯ ﮨﯿﮟ ﺟﺲ ﺳﮯ ﮐﺴﯽ ﮐﻮ ﻓﺎﺋﺪﮦ ﻧﮧ ﭘﮩﻨﭻ ﺳﮑﮯ۔ ﺧﺒﯿﺚ ﺍﺳﮯ ﮐﮩﺘﮯ ﮨﯿﮟ ﺟﺲ ﻣﯿﮟ ﺷﯿﻄﺎﻧﯽ ﺻﻔﺎﺕ ﮨﻮﮞ۔ ﮔﺎﻟﯽ ﮐﺴﯽ ﮐﻮ ﺍﺷﺘﮩﺎ ﺩﻻﻧﮯ ﮐﮯ ﻟﯿﮯ ﺩﯼ ﺟﺎﺗﯽ ﮨﮯ ﻣﯿﮟ ﺗﻮ ﻣﺤﻈﻮﻅ ﮨﻮﺗﺎ ﺭﮨﺎ۔ ﻣﺮﺯﺍ ﻏﺎﻟﺐ ﮐﮩﺘﮯ ﮨﯿﮟ ﺑﭽﮯ ﮐﻮ ﻣﺎﮞ ﮐﯽ ﮔﺎﻟﯽ، ﺟﻮﺍﻥ ﮐﻮ ﺑﯿﻮﯼ ﮐﯽ ﺍﻭﺭ ﺑﻮﮌﮬﮯ ﮐﻮ ﺑﯿﭩﯽ ﮐﯽ ﮔﺎﻟﯽ ﺩﯾﻨﯽ ﭼﺎﮨﺌﯿﮯ۔ ﺍﺗﻨﯽ ﺍﺭﺩﻭ ﺗﻮ ﺁﺗﯽ ﻧﮩﯿﮟ ﺟﻨﺎﺏ ﻭﺍﻻ ﮐﻮ، ﭘﺘﮧ ﻧﮩﯿﮟ ﺍﺗﻨﮯ ﺑﮍﮮ ﺍﻓﺴﺮ ﮐﯿﻮﻧﮑﺮ ﺑﻨﮯ۔ ﻧﮧ ﮐﻮﺋﯽ ﺳﻤﺠﮫ، ﻧﮧ ﺫﻭﻕ، ﻧﮧ ﺍﭨﮑﻞ، ﻧﮧ ﻃﻨﺰ، ﻧﮧ ﺍﺳﺘﻌﺎﺭﮦ ﺑﺲ ﻟﺸﺘﻢ ﭘﺸﺘﻢ ﺁﻓﯿﺴﺮﯼ ﮨﻮﮔﺌﯽ۔ ﺑﺎﻟﮑﻞ ﮨﯽ ﺍﮐﻞ ﮐﮭﺮﮮ ﺗﮭﮯ ﻭﮦ، ﺑِﻠّﻮ ﮨﻤﯿﺸﮧ ﮐﯽ ﻃﺮﺡ ﮨﻨﺲ ﮐﮯ ﺧﺎﻣﻮﺵ ﮨﻮﮔﺌﯽ۔
ﺍُﻭﭘﺮ ﺗﻠﮯ ﺍﯾﺴﮯ ﺑﮩﺖ ﺳﮯ ﻭﺍﻗﻌﺎﺕ ﮨﻮﺗﮯ ﭼﻠﮯ ﮔﺌﮯ، ﮐﺒﮭﯽ ﮐﺴﯽ ﻧﮯ ﮐﺎﻡ ﮐﺮﻭﺍ ﮐﺮ ﭘﯿﺴﮯ ﻧﮧ ﺩﯾﺌﮯ ﺗﻮ ﮐﺒﮭﯽ ﺑﻼﻭﺟﮧ contract ﮐﯿﻨﺴﻞ ﮐﺮﺩﯾﺎ، ﮐﺒﮭﯽ contract ﮐﻮ ﺍﭘﻨﮯ ﮐﺴﯽ ﺭﺷﺘﮧ ﺩﺍﺭ ﮐﻮ ﺟﺎﺏ ﺩﯾﻨﮯ ﺳﮯ ﻣﺸﺮﻭﻁ ﮐﺮﺩﯾﺎ ﺗﻮ ﮐﺒﮭﯽ ﺑﯿﭩﯽ ﯾﺎ ﺑﯿﻮﯼ ﮐﮯ ﻟﺌﮯ ﻟﯿﭗ ﭨﺎﭖ ﮐﯽ ﻓﺮﻣﺎﺋﺶ ﮐﺮﺩﯼ ﺍﻭﺭ ﺳﺐ ﺳﮯ ﺯﯾﺎﺩﮦ ﺩﮐﮫ ﺟﺐ ﮐﻮﺋﯽ ﺳﯿﮑﯿﻮﺭﭨﯽ ﺭﺳﮏ ﻗﺮﺍﺭ ﺩﮮ ﮐﮧ ﻋﺒﺪﺍﻟﻠﮧ ﺍﻣﺮﯾﮑﮧ ﺳﮯ ﭘﮍﮬﺎ ﮨﮯ۔ ﻋﺒﺪﺍﻟﻠﮧ ﺍﯾﮏ ﺩﻥ ﺑِﻠّﻮ ﺳﮯ ﮐﮩﻨﮯ ﻟﮕﺎ ﮐﮧ ﺑﺎ ﺿﻤﯿﺮ ﺷﺨﺺ ﮐﻮ ﻣﺎﺭﻧﮯ ﮐﮯ ﻟﯿﮯ ﮔﻮﻟﯽ ﮐﯽ ﺿﺮﻭﺭﺕ ﺗﮭﻮﮌﺍ ﮨﯽ ﮨﻮﺗﯽ ﮨﮯ، ﮨﻤﺎﺭﮮ ﻣﻌﺎﺷﺮﮮ ﻣﯿﮟ ﻭﮦ ﺭﻭﺯ ﻣﺮﺗﺎ ﮨﮯ، ﺍﻭﺭ ﺑﺎ ﺿﻤﯿﺮ ﻭﮦ ﮨﻮﺗﺎ ﮨﮯ ﺟﺴﮑﯽ ﺁﻧﮑﮫ ﺩﻝ ﺑﻦ ﺟﺎﺋﮯ ﺍﻭﺭ ﺩﻝ ﺁﻧﮑﮫ۔، ﻧﮧ ﮨﯽ ﻭﻗﺖ ﮐﻮﺋﯽ ﺯﺧﻢ ﺑﮭﺮﺗﺎ ﮨﮯ، ﻧﮧ ﮨﯽ ﮐﻮﺋﯽ ﺍﺫﯾﺖ ﺑﮭﻼﺋﯽ ﺟﺎﺗﯽ ﮨﮯ، ﮨﺎﮞ ﺍﮔﺮ ﮐﺴﯽ ﮐﯽ ﯾﺎ ﺩﺍﺷﺖ ﮐﻤﺰﻭﺭ ﭘﮍﺟﺎﺋﮯ ﺗﻮ ﺍﻭﺭ ﺑﺎﺕ ﮨﮯ۔ ﺑِﻠّﻮ ﺗﻮ ﺩﯾﮑﮭﻨﺎ ﯾﮧ ﺳﺐ ﻟﻮﮒ ﺍﯾﮏ ﺩﻥ ﺁﺋﯿﮟ ﮔﮯ ﻣﯿﺮﺍ ﺳﺎﻓﭧ ﻭﺋﯿﺮ ﺧﺮﯾﺪﻧﮯ۔ ﺍﻟﻠﮧ ﻣﻈﻠﻮﻣﯿﺖ ﮐﮯ ﻧﺸﺎﻧﺎﺕ ﮐﻮ ﺑﺎﻗﯽ ﺭﮐﮭﺘﺎ ﮨﮯ۔ ﺁﺝ ﺗﮏ ﻇﮩﺮ ﻭ ﻋﺼﺮ ﻣﯿﮟ ﻗﺮﺁﻥ ﮐﯽ ﺗﻼﻭﺕ ﺁﮨﺴﺘﮧ ﺁﻭﺍﺯ ﻣﯿﮟ ﮨﻮﺗﯽ ﮨﮯ۔ ﺁﺝ ﺗﮏ ﺻﻔﺎ ﻭ ﻣﺮﻭﮦ ﮐﮯ ﺑﯿﭻ ﻣﯿﮟ ﻟﻮﮒ ﺑﮭﺎﮔﺘﮯ ﮨﯿﮟ۔ ﺍﻥ ﻟﻮﮔﻮﮞ ﮐﻮ ﻣﯿﺮﺍ ﺻﺒﺮ ﭘﮍﺟﺎﺋﮯ ﮔﺎ۔
ﻣﻠﮑﯽ ﺣﺎﻻﺕ ﻭ ﻣﻌﺎﻣﻼﺕ ﺳﮯ ﺩﻟﺒﺮﺩﺍﺷﺘﮧ ﮨﻮﮐﺮ ﻋﺒﺪ ﺍﻟﻠﮧ ﻧﮯ ﺍﻧﭩﺮﻧﯿﺸﻨﻞ consulting ﺷﺮﻭﻉ ﮐﺮﺩﯼ۔ ﺁﺋﯿﮉﯾﺎ ﯾﮧ ﺗﮭﺎ ﮐﮧ ﺳﺎﻝ ﻣﯿﮟ 3 ﻣﺎﮦ ﺑﺎﮨﺮ ﮐﺎﻡ ﮐﺮﮮ ﮔﺎ ﺍﻭﺳﻄﺎََ ﺍﻭﺭ ﺑﺎﻗﯽ 9 ﻣﺎﮦ ﻣﻠﮏ ﻣﯿﮟ ﺟﻮ ﭼﺎﮨﮯ ﮐﺮﮮ۔ ﺑﺎﮨﺮ ﭘﯿﺴﮧ ﺍﭼﮭﺎ ﻣﻠﺘﺎ ﮨﮯ ﺗﻮ 3 ﻣﺎﮦ ﻣﯿﮟ ﭘﻮﺭﮮ ﺳﺎﻝ ﮐﺎ ﺑﻨﺪﻭﺑﺴﺖ ﮨﻮﺟﺎﺋﮯ ﮔﺎ۔ ﺁﺝ ﻋﺒﺪ ﺍﻟﻠﮧ ﺍﭘﻨﮯ ﭘﮩﻠﮯ ﺑﮍﮮ contract ﭘﮧ ﮐﺎﻡ ﮐﺮﻧﮯ ﻟﺘﮭﻮﻧﯿﺎ ﺭﻭﺍﻧﮧ ﮨﻮﺍ۔ Vilnius ﺑﮍﺍ ﺧﻮﺑﺼﻮﺭﺕ ﺷﮩﺮ ﮨﮯ۔ ﻋﺒﺪﺍﻟﻠﮧ ﻧﮯ ﮔﯿﺴﭧ ﮨﺎﺅﺱ ﻣﯿﮟ ﺳﺎﻣﺎﻥ ﺭﮐﮭﺎ ﺍﻭﺭ ﺑﺎﮨﺮ ﮔﺮﻭﺳﺮﯼ ﺍﺳﭩﻮﺭ ﺳﮯ ﮐﮭﺎﻧﮯ ﮐﺎ ﺳﺎﻣﺎﻥ ﺧﺮﯾﺪﻧﮯ ﭼﻼ ﮔﯿﺎ۔ ﮐﭽﮫ ﻓﺮﻭﭦ، ﻣﻮﺑﺎﺋﻞ ﮐﯽ ﺳﻢ، ﭘﺎﻧﯽ ﻭﻏﯿﺮﮦ ﻟﮯ ﮐﮯ ﺟﺐ cash counter ﭘﺮ ﭘﮩﻨﭽﺎ ﺗﻮ ﻣﻌﻠﻮﻡ ﮨﻮﺍ ﮐﮧ ﺍﻥ ﮐﯽ ﮐﺮﯾﮉﭦ ﮐﺎﺭﮈ ﮐﯽ ﻣﺸﯿﻦ ﺧﺮﺍﺏ ﮨﮯ۔ ﻋﺒﺪ ﺍﻟﻠﮧ ﻧﮯ ﯾﻮﺭﻭ ﻧﮑﺎﻝ ﮐﮯ ﺩﺋﯿﮯ ﺗﻮ ﻣﻌﻠﻮﻡ ﮨﻮﺍ ﮐﮧ ﻟﯿﺘﮭﻮﻧﯿﺎ ﯾﻮﺭﭘﯽ ﯾﻮﻧﯿﻦ ﻣﯿﮟ ﺗﻮ ﮨﮯ ﻣﮕﺮ ﯾﻮﺭﻭ ﯾﮩﺎﮞ ﻧﮩﯿﮟ ﭼﻠﺘﮯ، ﺍﺏ ﻋﺒﺪﺍﻟﻠﮧ ﺑﮍﺍ ﭘﺮﯾﺸﺎﻥ ﺍﯾﮏ ﺁﺩﮬﺎ ﻓﺮﻭﭦ ﻭﮦ ﮐﮭﺎ ﭼﮑﺎ ﺗﮭﺎ۔ ﺳﻢ ﻣﻮﺑﺎﺋﻞ ﻣﯿﮟ ﮈﺍﻝ ﭼﮑﺎ ﺗﮭﺎ ﺍﻭﺭ ﭘﺎﻧﯽ ﮐﯽ ﺑﻮﺗﻞ ﺑﮭﯽ ﮐﮭﻮﻝ ﭼﮑﺎ ﺗﮭﺎ۔
ﺍﺳﮯ ﭘﺮﯾﺸﺎﻥ ﺩﯾﮑﮫ ﮐﮯ ﺍﯾﮏ ﺍﻭﺭ ﻟﺘﮭﻮﻧﯿﻦ ﺷﺨﺺ ﺁﯾﺎ، ﺍﺳﮯ ﺍﻧﮕﺮﯾﺰﯼ ﺑﺎﻟﮑﻞ ﻧﮩﯿﮟ ﺁﺗﯽ ﺗﮭﯽ۔ ﺍﺱ ﻧﮯ ﭘﯿﺴﮯ ﺍﺩﺍ ﮐﺌﮯ ﺍﻭﺭ ﻋﺒﺪ ﺍﻟﻠﮧ ﮐﻮ ﮨﺎﺗﮫ ﭘﮑﮍ ﮐﮯ ﺑﺎﮨﺮ ﻟﮯ ﮔﯿﺎ۔ ﺍﺷﺎﺭﻭﮞ ﺳﮯ ﭘﻮﭼﮭﺎ ﮐﭽﮫ ﺍﻭﺭ ﭼﺎﮨﺌﯿﮯ؟ ﻋﺒﺪﺍﻟﻠﮧ ﻧﮯ ﮐﺎﻏﺬ ﭘﮧ STARBUCKS ﻟﮑﮫ ﺩﯾﺎ ﺍﻭﺭ ﻭﮦ ﮐﺎﻓﯽ ﮨﺎﺅﺱ ﭘﮩﻨﭻ ﮔﺌﮯ، ﭘﮭﺮ ﺍﺱ ﻧﮯ ﺍﺳﮯ ﮔﯿﺴﭧ ﮨﺎﺅﺱ ﭼﮭﻮﮌ ﺩﯾﺎ۔ ﭘﯿﺴﮯ ﮐﻮﺋﯽ ﻧﮩﯿﮟ ﻟﺌﮯ۔ ﻋﺒﺪﺍﻟﻠﮧ ﻧﮯ ﮔﯿﺴﭧ ﮨﺎﺅﺱ ﮐﯽ ﻣﺎﻟﮑﮧ ﺳﮯ ﮐﮩﺎ ﮐﮧ ﺍﺳﮯ ﻓﻮﻥ ﮐﺮﮐﮯ ﭘﻮﭼﮭﮯ ﮐﮧ ﮐﯿﺎ ﮨﻮﺍ ﮨﮯ؟ ﻟﺘﮭﻮﻧﯿﻦ ﺯﺑﺎﻥ ﻣﯿﮟ، ﻣﺎﻟﮑﻦ ﻧﮯ ﭘﻮﭼﮭﺎ ﺗﻮ ﺍﺱ ﺷﺨﺺ ﻧﮯ ﺟﻮﺍﺏ ﺩﯾﺎ۔ ﺁﺝ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﮐﺴﯽ ﺩﺍﮌﮬﯽ ﻭﺍﻟﮯ ﺍﻭﺭ ﻣﺴﻠﻤﺎﻥ ﺳﮯ ﻣﻼ، ﭘﺎﮐﺴﺘﺎﻧﯽ ﺑﮭﯽ ﭘﮩﻠﯽ ﺑﺎﺭ ﻣﻼ، ﻣﯿﮟ ﻧﮯ ﺳﻮﭼﺎ ﻣﻠﮏ ﻣﯿﮟ ﭘﮩﻠﯽ ﺑﺎﺭ ﺁﯾﺎ ﮨﮯ ﮐﯿﺎ ﺗﺎﺛﺮ ﻟﮯ ﮐﺮ ﺟﺎﺋﮯ ﮔﺎ ﺗﻮ ﮐﭽﮫ ﻣﮩﻤﺎﻥ ﻧﻮﺍﺯﯼ ﮐﺮﺩﯼ۔ ﮔﮭﺮ ﺟﺎ ﮐﺮ ﺑﭽﻮﮞ ﮐﻮ ﺑﺘﺎﯾﺎ ﻭﮦ ﮐﻞ ﺍﺳﮑﻮﻝ ﻣﯿﮟ ﺑﺘﺎﺋﯿﮟ ﮔﮯ، ﻣﯿﮟ ﮐﻞ ﺁﻓﺲ ﻣﯿﮟ ﯾﮧ ﻗﺼﮧ ﺳﻨﺎﺅﮞ ﮔﺎ، ﺑﯿﻮﯼ ﻣﺤﻠﮯ ﻭﺍﻟﻮﮞ ﮐﻮ ﺑﺘﺎﺋﮯ ﮔﯽ ﺗﻮ ﺳﻮﺳﺎﺋﭩﯽ ﻣﯿﮟ ﺧﯿﺮ ﭘﮭﯿﻠﮯ ﮔﯽ ﺍﻭﺭ ﯾﮧ ﺟﺐ ﺍﭘﻨﮯ ﻣﻠﮏ ﻭﺍﭘﺲ ﺟﺎﺋﮯ ﮔﺎ ﺗﻮ ﮨﻤﺎﺭﮮ ﻣﻠﮏ ﮐﯽ ﺗﻌﺮﯾﻒ ﮐﺮﮮ ﮔﺎ، ﯾﮩﺎﮞ ﺍﻭﺭ ﺳﯿﺎﺡ ﺁﺋﯿﮟ ﮔﮯ۔
ﺁﺝ ﻋﺒﺪﺍﻟﻠﮧ ﮐﻮ ﻣﻌﻠﻮﻡ ﮨﻮﺍ ﮐﮧ ﺍﻧﺴﺎﻥ ﮐﺴﮯ ﮐﮩﺘﮯ ﮨﯿﮟ۔ ﻭﮦ ﻋﺮﺻﮯ ﺳﮯ ﺍﻧﺴﺎﻥ ﮈﮬﻮﻧﮉ ﺭﮨﺎ ﺗﮭﺎ۔ ﺍﺳﮯ ﮨﻤﯿﺸﮧ ﺷﮑﻮﮦ ﺭﮨﺘﺎ ﮨﮯ ﮐﮧ ﺍﻧﺴﺎﻥ ﻧﮯ ﭘﺮﻧﺪﻭﮞ ﮐﯽ ﻃﺮﺡ ﮨﻮﺍ ﻣﯿﮟ ﺍﮌﻧﺎ ﺳﯿﮑﮫ ﻟﯿﺎ۔ ﻣﭽﮭﻠﯽ ﮐﯽ ﻃﺮﺡ ﺩﺭﯾﺎ ﻣﯿﮟ ﺗﯿﺮﻧﺎ ﺳﯿﮑﮫ ﻟﯿﺎ، ﻣﮕﺮ ﺍﺳﮯ ﺍﻧﺴﺎﻧﻮﮞ ﮐﯽ ﻃﺮﺡ ﺯﻣﯿﻦ ﭘﺮ ﭼﻠﻨﺎ ﻧﮩﯿﮟ ﺁﯾﺎ۔
ﺍﯾﮏ ﺍﯾﺴﺎ ﺍﻧﺴﺎﻥ ﺟﺲ ﺳﮯ ﮐﺴﯽ ﮐﻮ ﺩﮐﮫ ﻧﮧ ﭘﮩﻨﭽﮯ، ﺟﻮ ﻧﻔﻊ ﺑﺨﺶ ﮨﻮ، ﻧﻔﻊ ﺧﻮﺭ ﻧﮩﯿﮟ۔ ﺟﻮ ﺩﺭﺧﺖ ﮐﯽ ﻃﺮﺡ ﮐﻢ ﻟﮯ ﺍﻭﺭ ﺯﯾﺎﺩﮦ ﺩﮮ، ﺍﺳﮯ ﺑﮭﯽ ﭼﮭﺎﺅﮞ ﺩﮮ ﺟﻮ ﺍﺳﮯ ﮐﺎﭨﻨﮯ ﺁﺋﮯ۔ ﻭﮦ ﮨﯿﺮﺍ ﮨﻮ ﺟﻮ ﺳﺐ ﮐﻮ ﭼﻤﮏ ﺩﮮ ﺍﺳﮯ ﺑﮭﯽ ﺟﻮ ﺍﺳﮯ ﭘﺘﮭﺮ ﮐﮩﮯ۔ ﻭﮦ ﺍﻧﺴﺎﻥ ﺟﺴﮯ ﺍﻧﺴﺎﻧﯿﺖ ﮐﺎ ﻏﻢ ﮨﻮ، ﺟﻮ ﺍﻭﺭﻭﮞ ﮐﮯ ﻟﯿﮯ ﺭﻭﺋﮯ، ﺟﻮ ﻣﺮﮐﺐ ﮨﻮ ﮨﻤﺖ ﺍﻭﺭ ﻣﺤﺒﺖ ﮐﺎ، ﺟﺲ ﮐﻮ ﻣﮑﻤﻞ ﻗﺎﺑﻮ ﮨﻮ ﻧﻔﺲ، ﻏﺼﮯ ﺍﻭﺭ ﻋﻘﻞ ﭘﺮ۔ ﺟﺲ ﮐﻮ ﺯﻧﺪﮔﯽ ﻧﮧ ﺑﮭﮕﺎﺋﮯ ﺑﻠﮑﮧ ﺯﻧﺪﮔﯽ ﮐﯽ ﮐﻤﺎﻧﯿﮟ ﺟﺲ ﮐﮯ ﮨﺎﺗﮫ ﻣﯿﮟ ﮨﻮﮞ۔
ﻋﺒﺪﺍﻟﻠﮧ ﮐﻮ ﯾﮩﺎﮞ ﮐﺎ ﻣﻌﺎﺷﺮﮦ ﺑﮩﺖ ﭘﺴﻨﺪ ﺁﯾﺎ، ﮨﺮ ﮔﮭﺮ ﻣﯿﮟ ﮔﮭﻮﮌﺍ ﺭﮐﮭﻨﮯ ﮐﺎ ﺭﻭﺍﺝ ﺍﻭﺭ ﮨﺮ ﺷﺨﺺ ﻧﺸﺎﻧﮧ ﺑﺎﺯﯼ ﺳﯿﮑﮭﻨﮯ ﮐﺎ ﺷﻮﻗﯿﻦ، ﻋﺒﺪﺍﻟﻠﮧ ﺷﮩﺮ ﮐﯽ ﮐﺘﺎﺑﻮﮞ ﮐﯽ ﺩﮐﺎﻥ ﭘﺮ ﮔﯿﺎ ﺍﻭﺭ ﻗﺮﺁﻥ ﻃﻠﺐ ﮐﯿﺎ، ﮐﯿﺎ ﮨﯽ ﺧﻮﺑﺼﻮﺭﺕ ﻗﺮﺁﻥِ ﭘﺎﮎ ﺗﮭﺎ، ﻟﺘﮭﻮﻧﯿﻦ ﺗﺮﺟﻤﮯ ﮐﮯ ﺳﺎﺗﮫ 50 ﭘﺎﺅﻧﮉﺯ ﮐﺎ۔ ﻋﺒﺪﺍﻟﻠﮧ ﻧﮯ ﭘﻮﭼﮭﺎ ﺍﺗﻨﺎ ﻣﮩﻨﮕﺎ ﮐﯿﻮﮞ؟ ﺗﻮ ﺩﮐﺎﻧﺪﺍﺭ ﻧﮯ ﺑﺘﺎﯾﺎ ﮐﮧ ﺟﺐ ﻣﺎﺭﮐﯿﭧ ﻣﯿﮟ ﺁﯾﺎ ﺗﻮ 2 ﭘﺎﺅﻧﮉ ﮐﺎ ﺗﮭﺎ، ﻃﻠﺐ ﺑﮍﮪ ﮔﺌﯽ ﺗﻮ ﭘﺒﻠﺸﺮ ﻧﮯ 50 ﮐﺎ ﮐﺮ ﺩﯾﺎ ﮨﮯ۔ ﺍﺏ ﮐﻮﺋﯽ ﻧﮩﯿﮟ ﻟﯿﺘﺎ۔ ﻋﺒﺪﺍﻟﻠﮧ ﮐﻮ ﺍﭘﻨﺎ ﻭﺟﻮﺩ ﺯﻣﯿﮟ ﻣﯿﮟ ﮔﮍﺗﺎ ﮨﻮﺍ ﻣﺤﺴﻮﺱ ﮨﻮﺍ۔ ﺍﮔﻠﮯ ﺩﻥ ﻋﺒﺪﺍﻟﻠﮧ ﺷﮩﺮ ﮐﮯ ﻣﺸﮩﻮﺭ ﻣﯿﻮﺯﯾﻢ ﻣﯿﮟ ﮔﯿﺎ ﺗﻮ ﺷﻮ ﮐﯿﺲ ﻣﯿﮟ ﭨﻮﭘﯽ، ﻗﺮﺁﻥ، ﺟﺎﺋﮯ ﻧﻤﺎﺯ ﺍﻭﺭ ﺗﺴﺒﯿﺢ ﺍﻭﺭ ﻭﺿﻮ ﮐﺎ ﻟﻮﭨﺎ ﺩﯾﮑﮭﺎ۔ ﭘﻮﭼﮭﻨﮯ ﭘﺮ ﻣﻌﻠﻮﻡ ﮨﻮﺍ ﮐﮧ ﺟﺐ vilnius ﭘﺮ ﮐﭽﮫ ﺳﻮ ﺳﺎﻝ ﭘﮩﻠﮯ ﺣﻤﻠﮧ ﮨﻮﺍ ﺗﻮ ﺍﻧﮩﻮﮞ ﻧﮯ ﻋﺮﺏ ﻓﻮﺟﻮﮞ ﮐﻮ ﯾﮩﺎﮞ ﺑﻼﯾﺎ ﺗﮭﺎ ﺩﻓﺎﻉ ﮐﮯ ﻟﺌﮯ ﯾﮧ ﺍﻧﮑﯽ ﺑﺎﻗﯿﺎﺕ ﮨﯿﮟ۔ ﻋﺒﺪﺍﻟﻠﮧ ﮐﻮ ﺟﺴﺘﺠﻮ ﮨﻮﺋﯽ ﮐﮧ ﻭﮦ ﻟﻮﮒ ﺁﺋﯿﮟ ﮨﻮﻧﮕﮯ ﺗﻮ ﺭﮨﮯ ﮨﻮﻧﮕﮯ، ﺷﺎﺩﯾﺎﮞ ﮐﯽ ﮨﻮﻧﮕﯽ، ﺁﺧﺮ ﮈﮬﻮﻧﮉﺗﮯ ﮈﮬﺎﻧﮉﺗﮯ ﻭﮦ ﺍﯾﮏ ﻗﺮﯾﺒﯽ ﺷﮩﺮ ﭘﮩﻨﭻ ﮔﯿﺎ ﺟﻮ ﺍﻥ ﻋﺮﺏ ﻣﺠﺎﮨﺪﻭﮞ ﮐﯽ ﺫﺭّﯾﺎﺕ ﻣﯿﮟ ﺳﮯ ﺗﮭﺎ، ﻭﮨﺎﮞ ﻟﻮﮔﻮﮞ ﮐﻮ ﺍﺳﻼﻡ ﺗﮏ ﮐﺎ ﭘﺘﮧ ﻧﮩﯿﮟ ﺗﮭﺎ۔ ﺍﯾﮏ ﺑﻮﮌﮬﯽ ﻋﻮﺭﺕ ﮐﮯ ﮨﺎﺗﮫ ﻣﯿﮟ ﺗﺴﺒﯿﺢ ﺩﯾﮑﮫ ﮐﺮ ﻋﺒﺪﺍﻟﻠﮧ ﻧﮯ ﭘﻮﭼﮭﺎ ﯾﮧ ﮐﯿﺎ ﮨﮯ؟ ﺗﻮ ﮐﮩﻨﮯ ﻟﮕﯽ ﮐﮧ ﺟﺐ ﺩﻋﺎ ﻣﺎﻧﮕﻨﯽ ﮨﻮﺗﯽ ﮨﮯ ﺗﻮ ﺍﺱ ﭘﺮ ﻟِﻠّٰﮧ ( lillah) ﭘﮍﮬﺘﯽ ﮨﻮﮞ۔ ﯾﮧ ﻟﻔﻆ ﮐﯿﺎ ﮨﮯ ﻭﮦ ﺍﺳﮯ ﻣﻌﻠﻮﻡ ﻧﮧ ﺗﮭﺎ۔
ﻋﺒﺪﺍﻟﻠﮧ ﮐﻮ ﺍﭘﻨﮯ ﺁﭖ ﭘﺮ ﺑﮍﺍ ﻏﺼﮧ ﺁﯾﺎ ﮐﮧ ﺍﯾﮏ ﺧﺪﺍﺋﯽ ﮨﮯ ﺟﻮ ﺩﯾﻦ ﺳﻨﻨﮯ ﮐﮯ ﻟﺌﮯ ﺑﮯ ﺗﺎﺏ ﮨﮯ ﻣﮕﺮ ﮨﻢ ﺍﻧﮩﯿﮟ ﮐﺎﻓﺮ ﮐﮩﺘﮯ ﻧﮩﯿﮟ ﺗﮭﮑﺘﮯ۔ ﺍﭘﻨﮯ ﺑﭽﻮﮞ ﮐﻮ ﮈﺍﮐﭩﺮ ﺍﻧﺠﻨﺌﯿﺮ ﺑﻨﺎ ﺩﯾﮟ ﮔﮯ ﻣﮕﺮ ﻋﺎﻟﻢ ﻧﮩﯿﮟ ﺟﻮ ﯾﮩﺎﮞ ﺁﮐﺮ ﺍﻥ ﮐﯽ ﺯﺑﺎﻥ ﻣﯿﮟ ﺍﻧﮑﻮ ﺍﻟﻠﮧ ﮐﺎ ﭘﯿﻐﺎﻡ ﭘﮩﻨﭽﺎ ﺳﮑﮯ۔ ﻣﺴﻠﻤﺎﻥ ﮔﯿﺲ ﺍﺳﭩﯿﺸﻦ ﮐﮭﻮﻝ ﻟﮯ ﮔﺎ، ﺭﯾﺴﭩﻮﺭﻧﭧ ﭼﻼﺋﮯ ﮔﺎ، ﮔﺎﮌﯾﺎﮞ ﺩﮬﻮ ﻟﮯ ﮔﺎ، ﻭﯾﭩﺮ ﺑﻦ ﺟﺎﺋﮯ ﮔﺎ ﻣﮕﺮ ﺍﭘﻨﮯ ﺑﭽﻮﮞ ﮐﻮ ﺍﭼﮭﺎ ﻋﺎﻟﻢ ﻧﮩﯿﮟ ﺑﻨﺎﺋﮯ ﮔﺎ۔ ﻣﺪﺭﺳﻮﮞ ﻣﯿﮟ ﺯﮐﻮٰۃ ﮐﺎ ﭘﯿﺴﮧ ﺩﯾﺘﮯ ﮨﯿﮟ ﺍﻭﺭ ﺍﺏ ﺗﻮ ﺯﮐﻮٰۃ ﺑﮭﯽ ﺣﻼﻝ ﻣﺎﻝ ﮐﯽ ﻧﮩﯿﮟ ﺭﮨﯽ۔ ﺯﮐﻮٰۃ ﻣﯿﻞ ﮨﻮﺗﯽ ﮨﮯ ﻭﮦ ﺑﮭﯽ ﺣﺮﺍﻡ ﮐﺎ۔ ﺳﯿﻨﮑﮍﻭﮞ ﺑﭽﮯ ﮐﺴﻤﭙﺮﺳﯽ ﻣﯿﮟ ﭘﻞ ﺑﮍﮪ ﮐﮯ، ﺟﮭﻮﭨﺎ ﮐﮭﺎ ﮐﮯ ﺑﮭﯽ ﺍﮔﺮ ﻗﺮﺁﻥ ﺣﻔﻆ ﮐﺮﺟﺎﺋﯿﮟ ﺗﻮ ﺳﻼﻡ ﮨﮯ ﺍﻥ ﮐﯽ ﻋﻈﻤﺖ ﮐﻮ، ﺍﻭﺭ ﮨﻢ ﭘﮍﮬﮯ ﻟﮑﮭﮯ، ﭘﯿﺴﮯ ﻭﺍﻟﮯ ﺳﻮﺍﺋﮯ ﺑﻐﺾ ﻭﻋﻨﺎﺩ ﮐﮯ ﻣﻮﻟﻮﯼ ﺳﮯ ﮐﭽﮫ ﻧﮩﯿﮟ ﺭﮐﮭﺘﮯ، ﮐﯿﻮﮞ ﻧﮧ ﺍﯾﮏ ﺍﺳﮑﻮﻝ ﯾﺎ ﻣﺪﺭﺳﮧ ﺑﻨﺎﯾﺎ ﺟﺎﺋﮯ ﺟﮩﺎﮞ ﭘﻮﺭﯼ ﮐﮭﯿﭗ ﺗﯿﺎﺭ ﮨﻮ ﺍﯾﺴﮯ ﺑﭽﻮﮞ ﮐﯽ ﺟﻦ ﮐﺎ ﮐﺎﻡ ﮨﯽ ﺩﻧﯿﺎ ﮐﮯ ﻣﻠﮑﻮﮞ ﻣﯿﮟ ﺟﺎ ﮐﮯ ﻭﮨﺎﮞ ﺩﯾﻦ ﮐﺎ ﮐﺎﻡ ﭘﮭﯿﻼﻧﺎ ﮨﻮ، ﺍﻥ ﮐﯽ ﺍﭘﻨﯽ ﺯﺑﺎﻥ ﻣﯿﮟ۔
ﻣﻐﺮﺏ ﮐﮯ ﭘﺎﺱ ﺳﺐ ﮐﭽﮫ ﮨﮯ ﺳﻮﺍﺋﮯ ﺍﯾﻤﺎﻥ ﮐﮯ، ﺍﮔﺮ ﻣﺸﺮﻕ ﯾﮧ ﻧﻌﻤﺖ ﺍﻥ ﺗﮏ ﭘﮩﻨﭽﺎ ﺩﮮ ﺗﻮ ﮐﯿﺎ ﮐﮩﻨﮯ ! ﻣﻐﺮﺏ ﺍﯾﮏ ﺍﯾﺴﺎ ﺑﭽﮧ ﮨﮯ ﺟﻮ ﺑﻨﺎ ﻣﺎﮞ ﺑﺎﭖ ﮐﮯ ﮨﯽ ﺑﮍﺍ ﮨﻮﮔﯿﺎ ﮨﮯ۔ ﺍﺳﻼﻡ ﻭﮦ ﺗﻤﯿﺰ ﻭﮦ ﻣﺰﺍﺝ، ﻭﮦ ﺭﻧﮓ ﮨﮯ ﺟﻮ ﺍﺳﮯ ﺑﮩﺘﺮﯾﻦ ﺑﻨﺎ ﺩﮮ۔ ﺳﯿﺮﺕِ ﻣﺤﻤﺪﯼ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﻣﯿﮟ ﺁﺝ ﺑﮭﯽ ﺍﺗﻨﯽ ﺟﺎﻥ ﺑﺎﻗﯽ ﮨﮯ ﮐﮧ ﻭﮦ ﺍﯾﮏ ﻧﺌﯽ ﺍﻣﺖ ﺗﺸﮑﯿﻞ ﺩﮮ ﺳﮑﮯ۔ ﻋﺒﺪﺍﻟﻠﮧ ﮐﯽ ﺳﻮﭺ ﮐﺎ ﺩﮬﺎﺭﺍ ﮐﮩﯿﮟ ﺍﻭﺭ ﮨﯽ ﭼﻞ ﻧﮑﻼ۔
* ۔۔۔ * ۔۔۔ *
ﻋﺒﺪ ﺍﻟﻠﮧ ﻧﮯ ﻟﺘﮭﻮﻧﯿﺎ ﻣﯿﮟ ﺍﭘﻨﺎ ﮐﺎﻡ ﺑﮩﺘﺮﯾﻦ ﻃﻮﺭ ﭘﺮ ﻣﮑﻤﻞ ﮐﯿﺎ ﮐﮧ ﻭﮦ ﻟﻮﮒ ﺑﮭﯽ ﺍﯾﮏ ﭘﺎﮐﺴﺘﺎﻧﯽ ﮐﯽ ﺗﻌﺮﯾﻒ ﮐﺮﻧﮯ ﭘﺮ ﻣﺠﺒﻮﺭ ﮨﻮﮔﺌﮯ ﺍﻭﺭ ﭘﮭﺮ ﻋﺒﺪ ﺍﻟﻠﮧ ﻟﺘﮭﻮﻧﯿﺎ ﺳﮯ Estonia, Latvia Poland ﺍﻭﺭ Finland ﮐﯽ ﺳﯿﺎﺣﺖ ﭘﺮ ﻧﮑﻞ ﮔﯿﺎ۔ Latvia ﺍﻭﺭ Estonia ﮐﯽ ﺳﺮﺣﺪ ﭘﺮ ﺍﺱ ﮐﺎ ﻗﯿﺎﻡ ﺍﯾﮏ ﻣﺪﺭﺳﮯ ﻧﻤﺎ ﮨﻮﭨﻞ ﻣﯿﮟ ﮨﻮﺍ ﺟﺲ ﮐﮯ ﻧﭽﻠﮯ ﺩﻭ ﻓﻠﻮﺭ ﮨﻮﭨﻞ ﺗﮭﮯ ﺍﻭﺭ ﺍﻭﭘﺮ ﮐﮯ ﺩﻭ ﯾﮩﻮﺩﯾﻮﮞ ﮐﮯ ﺍﺳﮑﻮﻝ۔ ﮨﻮﭨﻞ ﺳﮯ ﮨﻮﻧﯿﻮﺍﻟﯽ ﮐﻤﺎﺋﯽ ﺳﮯ ﺍﺳﮑﻮﻝ ﭼﻠﺘﺎ ﺗﮭﺎ۔ ﻋﺒﺪﺍﻟﻠﮧ ﮐﻮ ﯾﮧ ﺁﺋﯿﮉﯾﺎ ﺑﮍﺍ ﭘﺴﻨﺪ ﺁﯾﺎ۔ ﻋﺒﺪﺍﻟﻠﮧ ﻧﮯ ﺍﺱ ﺳﻔﺮ ﻣﯿﮟ ﺑﮩﺖ ﮐﭽﮫ ﺳﯿﮑﮭﺎ، ﺧﻮﺏ ﭘﯿﺴﮧ ﮐﻤﺎﯾﺎ ﺍﻭﺭ ﺧﻮﺏ ﺳﯿﺎﺣﺖ ﮐﯽ۔ ﻭﺍﭘﺴﯽ ﻣﯿﮟ ﺗُﺮﮐﯽ ﺑﮭﯽ ﺭُﮐﺎ ﺍﻭﺭ ﺩﻭ ﮨﻔﺘﻮﮞ ﻣﯿﮟ ﺗُﺮﮐﯽ ﺍﯾﮏ ﮐﻮﻧﮯ ﺳﮯ ﺩﻭﺳﺮﮮ ﮐﻮﻧﮯ ﺗﮏ ﮔﮭﻮﻡ ﻟﯿﺎ ۔
ﻋﺒﺪﺍﻟﻠﮧ ﺳﻮﭺ ﺭﮨﺎ ﺗﮭﺎ ﮐﮧ ﺍﮔﺮ ﺯﯾﺎﺩﮦ ﻧﮩﯿﮟ ﺻﺮﻑ 10 ﻣﺴﻠﻤﺎﻥ ﻣِﻞ ﺟﺎﺋﯿﮟ ﺗﻮ ﻭﮦ ﻟﺘﮭﻮﻧﯿﺎ ﺟﯿﺴﮯ ﻣﻠﮏ ﮐﻮ، 10 ﺳﺎﻝ ﻣﯿﮟ ﻣﺴﻠﻤﺎﻥ ﮐﺮﺳﮑﺘﮯ ﮨﯿﮟ ﺍﻭﺭ ﯾﻮﺭﭖ ﻣﯿﮟ ﺩﯾﻦ ﮐﯽ ﺩﺍﻍ ﺑﯿﻞ ﮈﺍﻝ ﺳﮑﺘﮯ ﮨﯿﮟ۔ ﻋﺒﺪﺍﻟﻠﮧ ﻧﮯ ﺁﺱ ﭘﺎﺱ ﻧﻈﺮ ﺩﻭﮌﺍﺋﯽ ﻣﮕﺮ ﻣﺴﻠﻤﺎﻥ ﮨﯿﮟ ﮐﮩﺎﮞ؟ ﺟﻨﮩﯿﮟ ﺧﻮﺩ ﺫﮐﺮِ ﺍﻟٰﮩﯽ ﭘﮧ ﯾﻘﯿﻦ ﻧﮧ ﮨﻮ، ﮐﻠﻤۂ ﺣﻖ ﭘﮧ ﺍﻋﺘﺒﺎﺭ ﻧﮧ ﮨﻮ، ﺍﻟﻠﮧ ﮐﮯ ﺭﺏ ﮨﻮﻧﮯ ﭘﺮ ﯾﻘﯿﻦ ﻧﮧ ﮨﻮ، ﻧﻤﺎﺯﻭﮞ ﮐﯽ ﺍﮨﻤﯿﺖ ﺑﮭﻮﻝ ﮔﺌﯽ ﮨﻮ، ﺩﻋﺎ ﮐﯽ ﻃﺎﻗﺖ ﺳﮯ ﻧﺎ ﺁﺷﻨﺎ ﮨﻮ، ﺩﺭﺩ ﮐﯽ ﻟﺬﺕ ﺳﮯ ﻧﺎﻭﺍﻗﻒ ﮨﻮﮞ، ﺭﺕ ﺟﮕﻮﮞ ﮐﯽ ﻋﺎﺩﺕ ﻧﮧ ﺭﮨﯽ ﮨﻮ، ﻭﮦ ﮐﺲ ﮐﻮ ﺍﻭﺭ ﮐﯿﺴﮯ ﺍﯾﻤﺎﻥ ﮐﯽ ﺩﻋﻮﺕ ﺩﯾﮟ ﮔﮯ۔
ﺁﺝ ﻋﺒﺪﺍﻟﻠﮧ ﮐﻮ ﺷﺪﺕ ﺳﮯ ﺍﮨﻞِ ﺩﻝ ﮐﯽ ﮐﻤﯽ ﻣﺤﺴﻮﺱ ﮨﻮﺭﮨﯽ ﺗﮭﯽ۔ ﻭﮦ ﺳﻮﭺ ﺭﮨﺎ ﺗﮭﺎ ﮐﮧ ﮨﻤﺎﺭﺍ ﺍﻟﻤﯿﮧ ﯾﮧ ﻧﮩﯿﮟ ﮐﮧ ﮨﻢ ﺁﻻﺕ ﻭ ﻣﺼﻨﻮﻋﺎﺕ ﮐﮯ ﻣُﻮﺟﺪ ﻧﮧ ﺑﻨﺎﺳﮑﮯ، ﺍﻟﻤﯿﮧ ﺗﻮ ﯾﮧ ﮨﮯ ﮐﮧ ﮨﻢ ﻧﯿﮏ ﺍِﺭﺍﺩﻭﮞ ﮐﮯ، ﺧﺎﻟﺺ ﻧﯿﺖ ﮐﮯ، ﺍﻋﻠﯽٰ ﻣﻘﺎﺻﺪ ﮐﮯ ﺍﻭﺭ ﺍﺧﻼﺹ ﮐﮯ ﻣُﻮﺟﺪ ﺑﮭﯽ ﻧﮧ ﺑﻨﺎﺳﮑﮯ۔
ﺁﺝ ﻋﺒﺪﺍﻟﻠﮧ ﭘﮭﺮ ﺍﭘﻨﯽ ﺣﺎﻟﺖ ﭘﮧ ﺭﻭ ﺭﮨﺎ ﺗﮭﺎ ﮐﮧ ﺯﻧﺪﮔﯽ ﻋﺒﺚ ﮐﺎﻣﻮﮞ ﻣﯿﮟ ﺿﺎﺋﻊ ﮐﺮﺩﯼ۔ ﮐﺎﺵ ﺍﺗﻨﺎ ﻭﻗﺖ ﺍﭘﻨﮯ ﺁﭖ ﭘﺮ ﻟﮕﺎﯾﺎ ﮨﻮﺗﺎ ﺗﻮ ﻣﻠﮑﻮﮞ ﭘﺮ ﺑﮭﺎﺭﯼ ﮨﻮﺗﺎ۔ ﺟﺘﻨﯽ ﺗﺮﻗﯽ ﺍِﻧﺴﺎﻥ ﮐﮯ ﺍِﺭﺩﮔﺮﺩ ﻣﻮﺟﻮﺩ ﻣﺎﺣﻮﻝ ﻧﮯ ﮐﯽ ﮨﮯ ﺍﺗﻨﯽ ﮨﯽ ﺍﮔﺮ ﺍِﻧﺴﺎﻥ ﺧﻮﺩ ﮐﺮﺟﺎﺗﺎ ﺗﻮ ﮐﯿﺎ ﺑﺎﺕ ﺗﮭﯽ ﺍﻭﺭﻋﺒﺪﺍﻟﻠﮧ ﺧﻮﺩ ﺑﮭﯽ ﺗﻮ ﺁﻻﺕ ﺑﻨﺎﻧﮯ ﮐﺎ ﺍﯾﮏ ﭘُﺮﺯﮦ ﮨﯽ ﺗﻮ ﺗﮭﺎ۔
* ۔۔۔ * ۔۔۔ *
ﻋﺒﺪﺍ ﻟﻠﮧ ﮐﯽ ﮔﻨﮕﻨﺎﮨﭧ ﮐﻮ ﺳﺎﺗﮫ ﺑﯿﭩﮭﮯ ﻣﺴﺎﻓﺮ ﻧﮯ ﺗﻮﮌﺍ ﻭﮦ ﺍﯾﻤﺴﭩﺮﮈﯾﻢ ﺳﮯ ﭘﺎﮐﺴﺘﺎﻥ ﺟﺎ ﺭﮨﮯ ﺗﮭﮯ ﺍﻭﺭ ﭘﺎﮐﺴﺘﺎﻧﯽ ﮨﯽ ﺗﮭﮯ، ﮐﮩﻨﮯ ﻟﮕﮯ، ﻣﺴﭩﺮ ﺁﭖ ﻧﮯ ﺩﺍﮌﮬﯽ ﺭﮐﮭﯽ ﮨﮯ۔ ﺁﭖ ﭘﯿﺪﺍﺋﺸﯽ ﻣﺴﻠﻤﺎﻥ ﮨﯿﮟ، ﺍﺻﻞ ﻣﺰﮦ ﺗﻮ ﺟﺐ ﮨﮯ ﺟﺐ ﺁﭖ ﮐﮭﻠﮯ ﺩﻝ ﺳﮯ ﻏﯿﺮ ﻣﺴﻠﻢ ﮨﻮﺟﺎﺋﯿﮟ۔ ﺍﺩﯾﺎﻥ ﺍﺳﻼﻡ ﮐﺎ ﻣﻄﺎﻟﻌﮧ ﮐﺮﯾﮟ ﭘﮭﺮ ﺳﻮﭺ ﺳﻤﺠﮫ ﮐﮯ ﻋﻘﻞ ﮐﮯ ﻣﻄﺎﺑﻖ ﮐﻮﺋﯽ ﺩﯾﻦ ﮐﺎ ﺍﻧﺘﺨﺎﺏ ﮐﺮﯾﮟ۔ ﯾﮧ ﺟﻮ ﺍﺳﻼﻡ ﺁﭖ ﻧﮯ ﻟﯿﺎ ﮨﻮﺍ ﮨﮯ ﯾﮧ ﺗﻮ ﺗﻠﻮﺍﺭﻭﮞ ﮐﮯ ﺯﻭﺭ ﭘﺮ ﺁﯾﺎ ﺗﮭﺎ۔ ﻋﺒﺪ ﺍﻟﻠﮧ ﻧﮯ ﻋﻘﻞ ﮐﯽ ﺷﻮﺧﯿﺎﮞ ﭘﮩﻠﮯ ﮨﯽ ﺩﯾﮑﮫ ﺭﮐﮭﯽ ﺗﮭﯿﮟ، ﻣﺴﮑﺮﺍﺗﮯ ﮨﻮﺋﮯ ﮐﮩﻨﮯ ﻟﮕﺎ ﮐﮧ ﮐﮩﺎﮞ ﮨﮯ ﻭﮦ ﺗﻠﻮﺍﺭ، ﻭﮦ ﻻ ﺩﯾﮟ ﻣﺠﮭﮯ، ﻣﯿﮟ ﺍﺱ ﮐﺎ ﻣﻨﮧ ﭼﻮﻡ ﻟﻮﮞ۔ ﺍﺳﯽ ﮐﮯ ﺯﻭﺭ ﺳﮯ ﯾﮧ ﺑﻨﺪﮦ ﻣﺴﻠﻤﺎﻥ ﺗﻮ ﮨﻮﺍ ﺟﮩﻨﻢ ﮐﯽ ﺁﮒ ﺳﮯ ﺗﻮ ﺑﭽﺎ۔ ﺍﻥ ﺻﺎﺣﺐ ﺳﮯ ﮐﻮﺋﯽ ﺟﻮﺍﺏ ﻧﮧ ﺑﻦ ﭘﮍﺍ ﺗﻮ ﺧﺎﻣﻮﺵ ﮨﻮ ﺭﮨﮯ۔
* ۔۔۔ * ۔۔۔ *
ﺁﺝ ﺟﻤﻌﮧ ﮐﺎ ﺩﻥ ﺗﮭﺎ۔ ﻋﺒﺪﺍﻟﻠﮧ ﮐﻮ ﺑﭽﻮﮞ ﮐﮯ ﺍﺳﮑﻮﻝ ﺟﺎﻧﺎ ﺗﮭﺎ ﮐﺴﯽ ﮐﺎﻡ ﺳﮯ ۔ﺍﺱ ﻧﮯ ﺳﻮﭼﺎ ﻧﻤﺎﺯ ﻭﮨﯿﮟ ﻗﺮﯾﺐ ﮐﯽ ﻣﺴﺠﺪ ﻣﯿﮟ ﭘﮍﮪ ﻟﻮﮞ ﮔﺎ، ﺍﺏ ﺷﺎﻣﺖ ﯾﮧ ﺁﺋﯽ ﮐﮧ ﻋﺒﺪﺍﻟﻠﮧ ﻧﮯ youtube ﮐﯽ t-shirt ﭘﮩﻦ ﺭﮐﮭﯽ ﺗﮭﯽ ﺟﻮ ﻭﮦ ﺍﭘﻨﮯ ﺳﺎﺑﻘﮧ ﺩﻭﺭۂ ﺍﻣﺮﯾﮑﮧ ﻣﯿﮟ ﺑﮍﮮ ﺷﻮﻕ ﺳﮯ ﺧﺮﯾﺪ ﮐﺮ ﻻﯾﺎ ﺗﮭﺎ ﺍﻭﺭ ﺁﺝ ﻣﻮﻟﻮﯼ ﺻﺎﺣﺐ ﮐﺎ ﺑﯿﺎﻥ youtube ﮐﮯ ﮨﯽ ﺧﻼﻑ ﺗﮭﺎ۔ ﻣﺴﻠﻤﺎﻧﻮﮞ ﮐﮯ ﺟﺬﺑﺎﺕ ﮐﻮ ﭨﮭﯿﺲ ﭘﮩﻨﭽﺎﻧﮯ ﮐﮯ ﻟﯿﮯ ﺟﻮ ﻭﯾﮉﯾﻮ ﻭﮨﺎﮞ ﺍﭖ ﻟﻮﮈ ﮐﯽ ﮔﺌﯽ ﺗﮭﯽ ﭘﻮﺭﮮ ﻋﺎﻟﻢِ ﺍﺳﻼﻡ ﻣﯿﮟ ﺍﯾﮏ ﺁﮒ ﺑﺮﭘﺎ ﺗﮭﯽ۔ ﻣﻮﻟﻮﯼ ﺻﺎﺣﺐ ﻧﮯ ﺍﭘﻨﮯ ﺩﻝ ﮐﯽ ﺑﮭﮍﺍﺱ ﻧﮑﺎﻝ ﻟﯽ ﺗﻮ ﮐﮩﺎ ﮐﮧ ﯾﮧ ﭘﮍﮬﮯ ﻟﮑﮭﮯ ﻟﻮﮒ ﺩﻟﯿﻠﯿﮟ ﻣﺎﻧﮕﺘﮯ ﮨﯿﮟ ﺑﺤﺚ ﮐﺮﺗﮯ ﮨﯿﮟ۔ ﺟﺲ ﻧﮯ ﻗﺮﺁﻥ ﻣﯿﮟ ﺑﺤﺚ ﮐﯽ ﯾﺎ ﺩﻟﯿﻞ ﻣﺎﻧﮕﯽ ﻭﮦ ﮐﺎﻓﺮ، ﺳﺐ ﻟﻮﮒ ﮨﺎﺗﮫ ﺍﭨﮭﺎﺋﯿﮟ ﺍﻭﺭ ﮐﮩﯿﮟ ﮐﮧ ﻭﮦ ﮐﺎﻓﺮ۔ ﻋﺒﺪﺍﻟﻠﮧ ﻧﮯ ﮨﺎﺗﮫ ﺍﭨﮭﺎﻧﺎ ﺗﮭﺎ ﻧﮧ ﺍﭨﮭﺎﯾﺎ۔ ﭼﭗ ﭼﺎﭖ ﻧﻤﺎﺯ ﭘﮍﮬﯽ ﺍﻭﺭ ﻓﺮﺽ ﮐﮯ ﺑﻌﺪ ﻧﮑﻞ ﺁﯾﺎ۔ ﺍﺳﮯ ﺑﺎﺭ ﺑﺎﺭ ﺳﻮﺭۃ ﻓﺮﻗﺎﻥ ﮐﯽ 73 ﻭﯾﮟ ﺁﯾﺖ ﯾﺎﺩ ﺁﺭﮨﯽ ﺗﮭﯽ۔
’’ ﺍﻭﺭ ﻭﮦ ﮐﮧ ﺟﺐ ﺍﻧﮑﻮ ﭘﺮﻭﺭﺩﮔﺎﺭ ﮐﯽ ﺑﺎﺗﯿﮟ ﺳﻤﺠﮭﺎﺋﯽ ﺟﺎﺗﯽ ﮨﯿﮟ ﺗﻮ ﺍﻥ ﭘﺮ ﺍﻧﺪﮬﮯ ﺑﮩﺮﮮ ﮨﻮ ﮐﺮ ﻧﮩﯿﮟ ﮔﺮﺗﮯ ‏( ﺑﻠﮑﮧ ﻏﻮﺭ ﺳﮯ ﺳﻨﺘﮯ ﮨﯿﮟ ‘‘( ۔
ﻋﺒﺪﺍﻟﻠﮧ ﺳﻮﭼﻨﮯ ﻟﮕﺎ ﮐﮧ ﮐﭽﮫ ﻟﻮﮔﻮﮞ ﮐﻮ ﺩﯾﻦ ﮐﺎ ﮨﯿﻀﮧ ﮨﻮﺟﺎﺗﺎ ﮨﮯ ﺍﻭﺭ ﺍﺱ ﮐﮯ ﺑﻌﺪ ﻭﮦ ﭘﻮﺭﮮ ﻣﻌﺎﺷﺮﮮ ﮐﮯ ﻟﯿﮯ ﻭﺑﺎﻝ ﺑﻦ ﺟﺎﺗﮯ ﮨﯿﮟ ﺍﻭﺭ ﮐﭽﮫ ﻟﻮﮔﻮﮞ ﮐﻮ ﻭﻟﯽ ﺍﻟﻠﮧ ﮨﻮﻧﮯ ﮐﯽ ﻏﻠﻂ ﻓﮩﻤﯽ ﮨﻮﺟﺎﺗﯽ ﮨﮯ ﺍﻭﺭ ﻭﮦ ﺍﺳﯽ ﻏﻠﻂ ﻓﮩﻤﯽ ﻣﯿﮟ ﺩﻭ ﭼﺎﺭ ﻟﻮﮔﻮﮞ ﮐﻮ ﻣﺮﯾﺪ ﺑﻨﺎ ﻟﯿﺘﮯ ﮨﯿﮟ ﺍﻭﺭ ﭘﮭﺮ ﺍﻥ ﺗﻤﺎﻡ ﻟﻮﮔﻮﮞ ﻣﯿﮟ ﺍﯾﮏ ﻣﯿﮟ ﺑﭻ ﺟﺎﺗﺎ ﮨﻮﮞ، ﺳﯿﺎﮦ ﮐﺎﺭ ﺍﻭﺭ ﺳﻮﭺ ﮐﺎ ﮐﺎﻓﺮ۔
ﺳﻠﻤﺎﻥ ﺭُﺷﺪﯼ ﮐﻮ Satanic Verses ﻟﮑﮭﮯ ﮨﻮﺋﮯ 26 ﺳﺎﻝ ﮨﻮﮔﺌﮯ ﻣﮕﺮ 44 ﺍﺳﻼﻣﯽ ﻣﻠﮑﻮﮞ ﺳﮯ ﮐﻮﺋﯽ ﺍﺱ ﮐﺎ ﺟﻮﺍﺏ ﺍﺳﮑﯽ ﺯﺑﺎﻥ ﻣﯿﮟ ﻧﮧ ﻟﮑﮫ ﺳﮑﺎ۔ ﮈﻧﻤﺎﺭﮎ ﮐﮯ ﺧﻼﻑ ﻣﻈﺎﮨﺮﮮ ﮨﻮﺋﮯ ﺗﻮ ﺑﯿﻨﺮﺯ ﭘﮧ ﮈﻧﻤﺎﺭﮎ ﮐﮯ ﺍﺳﭙﯿﻠﻨﮓ ﺗﮏ ﻏﻠﻂ ﻟﮑﮭﮯ ﺗﮭﮯ۔ ﺍﺳﺮﺍﺋﯿﻞ ﮐﻮ ﻟﻌﻦ ﻃﻌﻦ ﻣﯿﮟ ﺳﺐ ﺳﮯ ﺁﮔﮯ ﻣﮕﺮ ﺍﺱ ﮐﮯ ﻣﯿﺰﺍﺋﻞ ﮈﯾﻔﻨﺲ ﺳﺴﭩﻢ Iron dome ﮐﯽ ﺍﻟﻒ ﺏ ﺑﮭﯽ ﻧﮩﯿﮟ ﭘﺘﮧ۔ ﺩﻧﯿﺎ ﺍﺳﺒﺎﺏ ﮐﯽ ﺩﻧﯿﺎ ﮨﮯ، ﺍﯾﺴﺎ ﮨﻮ ﻧﮩﯿﮟ ﺳﮑﺘﺎ ﮐﮧ ﺗﯿﺮﺍﮐﯽ ﻧﮧ ﺳﯿﮑﮭﯿﮟ ﺍﻭﺭ ﺳﻤﻨﺪﺭ ﻣﯿﮟ ﮐﻮﺩ ﭘﮍﯾﮟ۔ ﮨﻢ ﺍﺳﻼﻡ ﮐﻮ ﮨﺮ ﺍﺱ ﺟﮕﮧ ﺍﺳﺘﻌﻤﺎﻝ ﮐﺮﺗﮯ ﮨﯿﮟ ﺟﮩﺎﮞ ﮐﺎﻡ ﻧﮧ ﮐﺮﻧﺎ ﭘﮍﮮ۔
ﺍﻟﻠﮧ ﮐﮯ ﻧﺎﻡ ﭘﺮ ﺗﻘﺮﯾﺮﯾﮟ ﮐﺮﻧﺎ ﺳﺐ ﭼﺎﮨﺘﮯ ﮨﯿﮟ۔ ﮨﺠﻮﻡ ﮐﮯ ﺩﻟﻮﮞ ﮐﻮ ﮔﺮﻣﺎﻧﮯ ﮐﺎ ﻣﻨﮑﮧ ﺳﺐ ﮐﮯ ﭘﺎﺱ ﮨﮯ، ﻟﻮﮔﻮﮞ ﮐﻮ ﺟﻨﺖ ﻭ ﺟﮩﻨﻢ ﮐﮯ ﺣﻘﺪﺍﺭ ﺛﺎﺑﺖ ﮐﺮﺗﮯ ﺭﮨﯿﮟ ﮔﮯ، ﺍﻭﺭ ﺻﺒﺢ ﻭ ﺷﺎﻡ ﻓﺘﻮﯼٰ ﺑﮭﯽ ﻟﮕﺎﺗﮯ ﺭﮨﯿﮟ ﮔﮯ، ﻣﮕﺮ ﺍﺗﻨﯽ ﺷﺮﻡ ﻧﮩﯿﮟ ﺁﺗﯽ ﮐﮧ ﺟﺲ ﺍﻟﻠﮧ ﺳﺒﺤﺎﻧﮧ ﻭ ﺗﻌﺎﻟﯽٰ ﮐﺎ ﻧﺎﻡ ﺩﺭﻣﯿﺎﻥ ﻣﯿﮟ ﻻﺗﮯ ﮨﯿﮟ ﺍﺳﯽ ﮐﯽ ﮐﻮﺋﯽ ﻻﺝ ﺭﮐﮫ ﻟﯿﮟ۔ ﺑﮯ ﺷﮏ ﺍﻟﻠﮧ ﮐﺎ ﻧﺎﻡ ﺑﮍﺍ ﮨﮯ، ﮨﺮ ﻋﯿﺐ ﺳﮯ ﭘﺎﮎ ﮨﮯ، ﺑﺮﮐﺖ ﻭﺍﻻ ﮨﮯ۔
ﻣﮕﺮ ﺍﻟﻠﮧ ﮐﮯ ﻧﺎﻡ ﭘﮧ ﮐﻮﺋﯽ ﮐﻤﭙﯿﻮﭨﺮ ﺳﺎﺋﻨﺲ ﻧﮩﯿﮟ ﭘﮍﮬﺘﺎ ﺍﻧﮕﺮﯾﺰﯼ ﮨﯽ ﭘﮍﮪ ﻟﻮ، ﻓﺮﻧﭻ ﺳﯿﮑﮫ ﻟﻮ، ﮐﺘﺎﺑﯿﮟ ﮨﯽ ﭘﮍﮪ ﮈﺍﻟﻮ۔ ﺍﺭﮮ ﺑﮭﺌﯽ ﺩﻋﺎ ﻣﺎﻧﮕﻨﺎ ﮨﯽ ﺳﯿﮑﮫ ﻟﻮ۔ ﺍﮔﺮ ﺩﻋﺎ ﻣﺎﻧﮕﻨﺎ ﮨﯽ ﺁﺟﺎﺋﮯ ﺗﻮ ﺁﭖ ﮐﺴﯽ ﺩﻭﺭ ﺟﻨﮕﻞ ﻣﯿﮟ ﺑﯿﭩﮫ ﺟﺎﺋﯿﮟ ﺍﯾﮏ ﭘﮕﮉﻧﮉﯼ ﺧﻮﺩ ﺑﺨﻮﺩ ﭼﻠﺘﯽ ﮨﻮﺋﯽ ﺁﭖ ﮐﮯ ﮔﮭﺮ ﺗﮏ ﭘﮩﻨﭻ ﺟﺎﺋﮯ ﮔﯽ ﺍﻭﺭ ﺍﯾﮏ ﻣﺨﻠﻮﻕ ﮐﺎ ﺗﺎﻧﺘﺎ ﺑﻨﺪﮪ ﺟﺎﺋﮯ ﮔﺎ۔ ﻣﮕﺮ ﻣﻦ ﺣﯿﺚ ﺍﻟﻘﻮﻡ ﺟﺐ ﺳﺐ ﮔﺬﺍﺭﮦ ﮐﺮﻧﮯ ﻟﮓ ﺟﺎﺋﯿﮟ ﺗﻮ ﺻﻼﺣﯿﺘﻮﮞ ﮐﻮ ﺳﺴﺘﯽ ﮐﯽ ﺩﯾﻤﮏ ﺗﻮ ﭼﺎﭦ ﮨﯽ ﻟﮯ ﮔﯽ ﻧﺎﮞ، ﮨﻮﺍ ﮐﺮﺗﮯ ﺗﮭﮯ ﺍﯾﺴﮯ ﻟﻮﮒ ﺟﻮ ﮔﺬﺍﺭﮦ ﻧﮩﯿﮟ ﮐﺮﺗﮯ ﺗﮭﮯ ﻭﮦ ﺣﻮﺍﻟﮧ ﺑﻦ ﺟﺎﺗﮯ ﺗﮭﮯ۔ ﺁﺝ ﮐﻞ ﻣﺴﻠﻤﺎﻥ ﺗﻮ ﺣﺎﺷﯿﻮﮞ ﻣﯿﮟ ﺑﮭﯽ ﻧﮩﯿﮟ ﻣﻠﺘﮯ۔ ﻋﺒﺪ ﺍﻟﻠﮧ ﻧﮯ ﺩﮐﮭﯽ ﺩﻝ ﮐﮯ ﺳﺎﺗﮫ ﺁﺝ ﭘﮭﺮ ﮨﺎﺗﮫ ﺍُﭨﮭﺎﺋﮯ۔
’’ ﺍﮮ ﺍﻟﻠﮧ ﻣﯿﺮﯼ ﻣﺜﺎﻝ ﺍﯾﺴﮯ ﺍﻧﺪﮬﮯ ﮐﯽ ﺳﯽ ﮨﮯ ﺟﻮ ﺑﯿﭻ ﭼﻮﮎ ﭘﮧ ﮐﮭﮍﺍ ﮨﻮﺟﺎﺋﮯ ﮐﮩﯿﮟ ﺟﺎﻧﮯ ﮐﮯ ﻟﺌﮯ، ﺍﺏ ﺟﻮ ﮐﻮﺋﯽ ﺑﮭﯽ ﺍﺱ ﮐﯽ ﻣﻨﺰﻝ ﮐﯽ ﻃﺮﻑ ﺁﻭﺍﺯ ﻟﮕﺎﺋﮯ ﯾﮧ ﺍﺱ ﮐﮯ ﭘﯿﭽﮭﮯ ﭼﻞ ﭘﮍﺗﺎ ﮨﮯ۔ ﺁﮔﮯ ﺟﺎ ﮐﺮ ﭘﺘﮧ ﻟﮕﺘﺎ ﮨﮯ ﮐﮧ ﯾﮧ ﺗﻮ ﮐﮭﻮﭨﯽ ﺭﺍﮦ ﮨﮯ، ﭘﮭﺮ ﻭﺍﭘﺲ ﺁﺗﺎ ﮨﮯ، ﭘﮭﺮ ﭼﻮﺭﺍﮨﮯ ﭘﮧ ﮐﮭﮍﺍ ﮨﻮﺟﺎﺗﺎ ﮨﮯ ﺍﻭﺭ ﭘﮭﺮ ﮐﺴﯽ ﺍﻭﺭ ﮐﮯ ﭘﯿﭽﮭﮯ ﭼﻞ ﭘﮍﺗﺎ ﮨﮯ۔ ﺍﮮ ﻣﯿﺮﮮ ﺍﻟﻠﮧ ﺗﻮ ﻣﺠﮭﮯ ﮐﻦ ﻟﻮﮔﻮﮞ ﮐﮯ ﺣﻮﺍﻟﮯ ﮐﺮﺩﯾﺘﺎ ﮨﮯ۔ ﯾﮧ ﺳﺎﺭﯼ ﺑﮯ ﺭﺍﮦ ﺭﻭﯾﺎﮞ، ﯾﮧ ﺳﺎﺭﯼ ﺩﺭﺑﺪﺭﯼ ﺗﯿﺮﮮ ﮨﯽ ﭨﮭﮑﺎﻧﮯ ﮐﮯ ﻟﯿﮯ ﮨﮯ۔ ﺗﯿﺮﯼ ﮨﯽ ﺟﺴﺘﺠﻮ ﮨﮯ۔ ﻣﯿﮟ ﺟﺐ ﺭﺍﮦ ﺳﮯ ﮨﭩﺎ ﺗﯿﺮﮮ ﻟﯿﮯ۔ ﺟﺐ ﺭﺍﮦ ﭘﮧ ﺁﯾﺎ ﺗﯿﺮﮮ ﻟﯿﮯ۔ ﺗﻮ ﺗﻮ ﺟﺎﻧﺘﺎ ﮨﮯ۔ ﻣﺠﮭﮯ ﻣﻌﺎﻑ ﮐﺮﺩﮮ، ﻣﺠﮭﮯ ﺍﭘﻨﺎ ﻟﮯ، ﻣﺠﮭﮯ ﻭﺍﭘﺲ ﻧﮧ ﮐﺮ، ﻣﯿﺮﮮ ﺳﺎﺭﮮ ﺭﺍﺳﺘﮯ ﺍﭘﻨﯽ ﮨﯽ ﺟﺎﻧﺐ ﻣﻮﮌ ﺩﮮ۔ ﺗﻮ ﺗﻮ ﺑﮯ ﻧﯿﺎﺯ ﮨﮯ ﺍﺱ ﺳﮯ ﮐﮧ ﻣﻨﺰﻝ ﻣﯿﮟ ﻣﻘﯿﺪ ﮨﻮ۔ ﺍﮮ ﻣﯿﺮﮮ ﺣﺎﺿﺮ ﻭ ﻧﺎﻇﺮ ﺍﻟﻠﮧ ﻣﺠﮭﮯ ﻣﻞ ﺟﺎ ‘‘ ۔
ﺁﺝ ﻋﺒﺪﺍﻟﻠﮧ ﭘﮭﺮ ﻣﻔﺘﯽ ﺻﺎﺣﺐ ﮐﮯ ﭘﺎﺱ ﺑﯿﭩﮭﺎ ﺗﮭﺎ، ﻣﻔﺘﯽ ﺻﺎﺣﺐ، ﻗﯿﺎﻣﺖ ﮐﺎ ISO standard ﮐﯿﺎ ﮨﮯ؟
ﺍﯾﻤﺎﻥ، ﺟﻮ ﺷﺨﺺ ﺍﯾﻤﺎﻥ ﺳﻼﻣﺖ ﻟﮯ ﮐﮯ ﺁﮔﯿﺎ ﺍﺱ ﮐﺎ ﺑﯿﮍﮦ ﭘﺎﺭ ﮨﮯ۔
ﺍﻭﺭ ﺯﻧﺪﮔﯽ ﮐﯽ TDL ﮐﯿﺎ ﮨﻮﻧﯽ ﭼﺎﮨﺌﯿﮯ؟
ﮨﺮ ﮐﺎﻡ ﺳﻨﺖ ﮐﮯ ﻣﻄﺎﺑﻖ ﮨﻮ، ﺯﻧﺪﮔﯽ ﺧﻮﺩ ﺑﺨﻮﺩ ﭨﮭﯿﮏ ﮨﻮﺗﯽ ﭼﻠﯽ ﺟﺎﺗﯽ ﮨﮯ۔
ﻧﻔﺲ ﮐﻮ ﻗﺎﺑﻮ ﻣﯿﮟ ﮐﯿﺴﮯ ﮐﺮﯾﮟ؟
ﺿﺮﻭﺭﺕ ﮨﯽ ﮐﯿﺎ ﮨﮯ۔ ﺟﺐ ﻧﻔﺲ ﺑﺮﺍﺋﯽ ﮐﺎ ﮐﮩﮯ ﺗﻮ ﻧﮧ ﮐﺮﻭ۔ ﻧﯿﮑﯽ ﺳﮯ ﺭﻭﮐﮯ ﺗﻮ ﮐﺮﻟﻮ۔ ﺍﺗﻨﯽ ﺳﯽ ﺑﺎﺕ ﮨﮯ۔ ﻧﻔﺲ ﮐﯽ ﮐُﺸﺘﯽ ﺯﻧﺪﮔﯽ ﺑﮭﺮ ﭼﻠﺘﯽ ﮨﮯ، ﺍﺱ ﮐﺎ ﺑﺲ ﭼﻠﮯ ﺗﻮ ﺁﺩﻣﯽ ﮐﻮ ﻓﺮﻋﻮﻥ ﺑﻨﺎ ﮐﮯ ﭼﮭﻮﮌﮮ۔ ﮐﺒﮭﯽ ﮐﺒﮭﯽ ﻧﻔﺲ ﺿﺪ ﭘﮧ ﺁﺟﺎﺗﺎ ﮨﮯ ﺑﺮﺍﺋﯽ ﮐﯽ، ﭘﮭﺮ ﻋﻤﺮ ﺑﮭﺮ ﻣﺠﺎﮨﺪﮦ ﮐﺮﻧﺎ ﭘﮍﺗﺎ ﮨﮯ۔
ﺍﻟﻠﮧ ﮐﮯ ﭘﺎﺱ ﭘﮩﻨﭽﻨﮯ ﮐﺎ ﺷﺎﺭﭦ ﮐﭧ ﮐﯿﺎ ﮨﮯ؟
ﭘﮩﻼ ﭘﺎﺅﮞ ﻧﻔﺲ ﮐﯽ ﮔﺮﺩﻥ ﭘﮧ ﺩﻭﺳﺮﺍ، ﺍﻟﻠﮧ ﮐﮯ ﺻﺤﻦ ﻣﯿﮟ۔
ﯾﮧ ﺟﻮ ﻟﻮﮒ ﺟﺎﺩﻭ ﭨﻮﻧﮯ ﮐﯽ ﮐﺎﭦ ﮐﮯ ﻟﯿﮯ ﺍُﻟﭩﮯ ﺳﯿﺪﮬﮯ ﻋﺎﻣﻠﻮﮞ ﮐﮯ ﭘﺎﺱ ﺟﺎﺗﮯ ﮨﯿﮟ ﮐﯿﺎ ﯾﮧ ﭨﮭﯿﮏ ﮨﮯ؟
ﺍﻟﻠﮧ ﭘﺎﮎ ﮐﮯ ﻧﺒﯽ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﻧﮯ ﺟﻮ ﺩﻋﺎﺋﯿﮟ ﺑﺘﺎﺋﯽ ﮨﯿﮟ ﻭﮦ ﻣﺎﻧﮕﯿﮟ ﺍﻭﺭ ﭘﮭﺮ ﺑﮭﯽ ﺍﮔﺮ ﺍﻓﺎﻗﮧ ﻧﮧ ﮨﻮ ﺗﻮ ﺑﮭﻠﮯ ﻣﺮﺟﺎﺋﮯ ﯾﮧ ﺍﭼﮭﺎ ﮨﮯ ﻣﮕﺮﻋﺎﻣﻞ ﮐﮯ ﭘﺎﺱ ﻧﮧ ﺟﺎﺋﮯ۔
ﮨﻤﺖ ﮐﯿﺎ ﮨﮯ؟
ﮨﻤﺖ ﮐﻨﻮﯾﮟ ﮐﺎ ﭘﺎﻧﯽ ﮨﮯ ﺟﻮ ﺍﻧﺪﺭ ﺳﮯ ﻧﮑﻠﺘﺎ ﮨﮯ، ﺑﺎﮨﺮ ﺳﮯ ﻓﺎﺋﺮ ﺑﺮﯾﮕﯿﮉ ﻧﮩﯿﮟ ﮈﺍﻟﺘﯽ۔ ﺍﻧﺴﺎﻥ ﺩﻭ ﮨﯽ ﭼﯿﺰﻭﮞ ﮐﺎ ﺗﻮ ﻧﺎﻡ ﮨﮯ ﮨﻤﺖ ﺍﻭﺭ ﻣﺤﺒﺖ۔ ﺍﻟﻠﮧ ﮐﯽ ﺗﻮﻓﯿﻖ ﻣﻨﺘﻈﺮ ﺭﮨﺘﯽ ﮨﮯ ﺍﺱ ﺑﺎﺕ ﮐﯽ ﮐﮧ ﺑﻨﺪﮦ ﮨﻤﺖ ﮐﺮﮮ۔ ﺁﺩﻣﯽ ﮨﻤﺖ ﮐﺮﺗﺎ ﮨﮯ ﺗﻮ ﺍﻟﻠﮧ ﺗﻮﻓﯿﻖ ﺩﮮ ﺩﯾﺘﺎ ﮨﮯ ﺍﻭﺭ ﻣﺪﺩ ﺑﮭﯽ ﮐﺮﺗﺎ ﮨﮯ۔
ﺣﻀﺮﺕ ﺣﺴﻦؓ ﺳﮯ ﺭﻭﺍﯾﺖ ﮨﮯ ﮐﮧ ﺍﻟﻠﮧ ﭘﺴﻨﺪ ﮐﺮﺗﺎ ﮨﮯ ﺑﮍﮮ ﮐﺎﻣﻮﮞ ﮐﻮ ﺍﻭﺭ ﺧﺪﺍ ﮐﻮ ﺑُﺮﯼ ﻟﮕﺘﯽ ﮨﮯ ﺳﺴﺘﯽ ﺍﻥ ﺑﮍﮮ ﮐﺎﻣﻮﮞ ﻣﯿﮟ۔
ﺍﻭﺭ ﮨﻤﺖ ﺍﻭﺭ ﺷﻮﻕ ﮐﮯ ﭘَﺮ ﺑﺮﺍﺑﺮ ﮨﻮﻧﮯ ﭼﺎﮨﺌﯿﮟ ﻭﺭﻧﮧ ﺍُﮌﺍ ﻧﮩﯿﮟ ﺟﺎﺳﮑﺘﺎ۔
ﻋﺒﺪﺍﻟﻠﮧ ﮐﯽ ﻣﺼﺮﻭﻓﯿﺎﺕ ﺭﻭﺯ ﺑﺮﻭﺯ ﺑﮍﮬﺘﯽ ﮨﯽ ﭼﻠﯽ ﺟﺎ ﺭﮨﯽ ﺗﮭﯿﮟ۔ ﮐﻤﭙﻨﯽ ﮐﺎ ﮐﺎﻡ، ﺍﻧﭩﺮﻧﯿﺸﻨﻞ ﮐﻨﺴﻠﭩﻨﮓ ﺍﺳﺎﺋﻨﻤﻨﭩﺲ ﺍﻭﺭ ﮐﺘﺎﺑﻮﮞ ﮐﺎ ﻣﻄﺎﻟﻌﮧ ﺟﻮ ﺍﺱ ﮐﺎ ﮨﻤﯿﺸﮧ ﺳﮯ ﺷﻮﻕ ﺭﮨﺎ ﮨﮯ۔ ﮐﻤﭙﻨﯽ ﻣﯿﮟ ﻣﻼﺯﻣﻮﮞ ﮐﯽ ﺗﻌﺪﺍﺩ ﺑﮍﮪ ﮐﺮ 21 ﮨﻮﭼﮑﯽ ﺗﮭﯽ ﺍﻭﺭ ﻋﺒﺪ ﺍﻟﻠﮧ ﮐﻮﺷﺸﯿﮟ ﮐﺮﮐﮯ ﺍﻧﮩﯿﮟ ﺑﮩﺘﺮﯾﻦ ﭘﺮﻭﮔﺮﺍﻣﺮ ﺑﻨﺎﻧﮯ ﻣﯿﮟ ﻟﮕﺎ ﮨﻮﺍ ﺗﮭﺎ۔
ﺗﻤﺎﻡ ﻟﻮﮔﻮﮞ ﮐﻮ ﻭﮦ ﺍﻣﯿﻦ ﺑﮭﺎﺋﯽ ﺍﻭﺭ ﺍﺣﻤﺪ ﺑﮭﺎﺋﯽ ﮐﯽ ﭨﺮﯾﻨﻨﮕﺰ ﻣﯿﮟ ﺑﮭﯽ ﺑﮭﯿﺞ ﭼﮑﺎ ﺗﮭﺎ۔ ﺍﺳﮯ ﺫﺍﺗﯽ ﻃﻮﺭ ﭘﺮ ﺟﻮ ﻓﺎﺋﺪﮦ ﯾﺎ ﻧﻘﺼﺎﻥ ﮨﻮﺍ ﻭﮦ ﺍﭘﻨﯽ ﺟﮕﮧ، ﺍﺳﮯ ﺍﻥ ﺩﻭﻧﻮﮞ ﮐﮯ ﺍﺧﻼﺹ ﭘﮧ ﮐﻮﺋﯽ ﺷﮏ ﻧﮩﯿﮟ ﺗﮭﺎ ﺍﻭﺭ ﻭﯾﺴﮯ ﺑﮭﯽ ﺟﻮ articulation ﻭﮦ ﺳﮑﮭﺎﺗﮯ ﮨﯿﮟ ﻭﮦ ﺁﮔﮯ ﭼﻞ ﮐﮯ ﺑﮍﮮ ﮐﺎﻡ ﺁﺗﯽ ﮨﮯ۔ ﻣﺜﻼً ﻋﺒﺪﺍﻟﻠﮧ ﮐﻮ ﺍﭘﻨﮯ ﺍﻧﺪﺭ ﻣﻮﺟﻮﺩ ’’ ﻣﯿﮟ ‘‘ ﮐﺎ ﭘﺘﮧ ﺍﺳﯽ ﻭﮊﻥ ﮐﯽ Articulation ﮐﮯ ﺑﻌﺪ ﻟﮕﺎ۔ ﮐﭽﮫ ﺑﻨﯿﺎﺩﯼ ﺑﺎﺗﻮﮞ ﻣﯿﮟ ﺍﺧﺘﻼﻑ ﮐﮯ ﻋﻼﻭﮦ ﺟﻮ ﮐﭽﮫ ﺑﮭﯽ ﻭﮦ ﭘﮍﮬﺎ ﺭﮨﮯ ﺗﮭﮯ۔ ﺑﻨﻔﺴﮧ ﺗﻮ ﺍﺱ ﻣﯿﮟ ﮐﻮﺋﯽ ﻗﺒﺎﺣﺖ ﻧﮩﯿﮟ ﺗﮭﯽ۔
ﻋﺒﺪﺍﻟﻠﮧ ﮐﯽ ﺳﻮﭺ ﺍﭘﻨﮯ ﺁﭖ ﺳﮯ ﺷﺮﻭﻉ ﮨﻮﺗﯽ ﺗﮭﯽ، ﻭﮦ ﭼﺎﮨﺘﺎ ﺗﮭﺎ ﮐﮧ ﭘﮩﻠﮯ ﺧﻮﺩ ﻭﮦ ﺍﺱ ﻗﺎﺑﻞ ﮨﻮﺟﺎﺋﮯ ﮐﮧ ﻟﻮﮔﻮﮞ ﮐﻮ ﻧﺼﯿﺤﺖ ﮐﺮﺳﮑﮯ ﺍﻭﺭ ﻭﮦ ﺍﭘﻨﮯ ﺁﭘﮑﻮ ﺍﺱ ﻣﻘﺎﻡ ﺳﮯ ﮨﺰﺍﺭﻭﮞِ ﻣﯿﻞ ﺩﻭﺭ ﭘﺎﺗﺎ ﺗﮭﺎ۔
ﮨﻤﺎﺭﮮ ﻣﻠﮏ ﻣﯿﮟ ﺍﺧﺘﻼﻑ ﺍﻭﺭ ﺍﺩﺏ ﺟﻤﻊ ﻧﮩﯿﮟ ﮨﻮﺗﮯ۔ ﺟﺐ ﮐﺴﯽ ﺳﮯ ﻣﺤﺒﺖ ﮨﻮﺗﯽ ﮨﮯ ﯾﺎ ﮐﺴﯽ ﮐﮯ ﻣﻌﺘﻘﺪ ﮨﻮﺗﮯ ﮨﯿﮟ ﺗﻮ ﺍﺳﮯ ﻧﺒﻮﺕ ﺳﮯ ﺑﺲ ﺍﯾﮏ ﺁﺩﮪ ﺍﻧﭻ ﮨﯽ ﻧﯿﭽﮯ ﻟﮯ ﺟﺎ ﮐﮯ ﭼﮭﻮﮌﺗﮯ ﮨﯿﮟ ﺍﻭﺭ ﮐﺴﯽ ﺳﮯ ﺍﺧﺘﻼﻑ ﮨﻮﺟﺎﺋﮯ ﺗﻮ ﮐﺎﻓﺮ ﺑﻨﺎ ﮐﮩﮯ ﺑﮭﯽ ﭼﯿﻦ ﻧﮩﯿﮟ ﺁﺗﺎ۔
ﺍﻥ ﺗﻤﺎﻡ ﻣﺼﺮﻭﻓﯿﺎﺕ ﮐﮯ ﺑﺎﻭﺟﻮﺩ ﻋﺒﺪﺍﻟﻠﮧ ﻧﮯ ﺍﭘﻨﮯ ﺫﮐﺮ ﭘﺮ ﺗﻮﺟﮧ ﺭﮐﮭﯽ ﮨﻮﺋﯽ ﺗﮭﯽ۔ ﮐﻠﻤﮯ ﮐﺎ ﺟﻮ ﺫﮐﺮ ﻣﻔﺘﯽ ﺻﺎﺣﺐ ﻧﮯ ﺗﺠﻮﯾﺰ ﮐﯿﺎ ﺗﮭﺎ ﻭﮦ ﺗﮭﻮﮌﯼ ﺑﮩﺖ ﻗﺮﺁﻥ ﺷﺮﯾﻒ ﮐﯽ ﺗﻼﻭﺕ، ﻣُّﻼ ﻋﻠﯽ ﻗﺎﺭﯼ ﮐﯽ ﺣﺰﺏ ﺍﻻﻋﻈﻢ ﺍﻭﺭ ﺑﮩﺖ ﺳﺎﺭﯼ ﺩﻋﺎﺋﯿﮟ ﺍﺱ ﮐﺎ ﺭﻭﺯ ﮐﺎ ﻣﻌﻤﻮﻝ ﺗﮭﺎ۔ ﺧﺼﻮﺻﺎً ﺗﮩﺠﺪ ﮐﮯ ﻭﻗﺖ، ﻓﺠﺮ ﮐﮯ ﺑﻌﺪ ﺍﻭﺭ ﻋﺼﺮ ﮐﮯ ﺑﻌﺪ ﮐﮯ ﺍﻭﻗﺎﺕ ﻭﮦ ﻓﻮﻥ ﺗﮏ ﻧﮧ ﺍﭨﮭﺎﺗﺎ ﺗﮭﺎ۔ ﻭﮦ ﺳﺠﺪﮮ ﻣﯿﮟ ﺩﯾﺮ ﺗﮏ ﭘﮍﺍ ﺩﻋﺎﺋﯿﮟ ﻣﺎﻧﮕﺘﺎ ﺭﮨﺘﺎ۔ ﻋﺒﺪﺍﻟﻠﮧ ﮐﻮ ﻣﺴﻨﻮﻥ ﺩﻋﺎﺋﯿﮟ ﺑﮩﺖ ﭘﺴﻨﺪ ﺗﮭﯿﮟ، ﻭﮦ ﮐﮩﺘﺎ ﺗﮭﺎ ﮐﮧ ﺍﻥ ﺩﻋﺎﺅﮞ ﻧﮯ ﻗﺒﻮﻟﯿﺖ ﮐﮯ ﺭﺍﺳﺘﮯ ﺩﯾﮑﮭﮯ ﮨﻮﺗﮯ ﮨﯿﮟ۔ ﺑﻨﺪﮮ ﮐﮯ ﺩﻭ ﮨﯽ ﺗﻮ ﮐﺎﻡ ﮨﻮﺗﮯ ﮨﯿﮟ، ﻋﻠﻢ ﺣﺎﺻﻞ ﮐﺮﻧﺎ ﺍﻭﺭ ﺍﻟﻠﮧ ﮐﯽ ﯾﺎﺩ ۔
ﻋﻤﺮﮔﺰﺭﯼ ﮨﮯ ﺗﯿﺮﯼ ﯾﺎﺩ ﮐﺎ ﻧﺸﮧ ﮐﺮﺗﮯ
ﺍﺏ ﺗﯿﺮﺍ ﺫﮐﺮ ﻧﮧ ﭼﮭﯿﮍﯾﮟ ﺗﻮ ﺑﺪﻥ ﭨﻮﭨﺘﺎ ﮨﮯ
ﺁﺝ ﺭﺍﺕ ﻋﺒﺪﺍﻟﻠﮧ ﻧﮯ ﭘﮭﺮ ﺩﻋﺎ ﻣﺎﻧﮕﯽ۔
’’ ﺍﮮ ﺍﻟﻠﮧ ! ﺗﻮ ﻣﮑﻤﻞ ﮨﮯ، ﺗﯿﺮﯼ ﺫﺍﺕ، ﺗﯿﺮﯼ ﺻﻔﺎﺕ، ﺗﯿﺮﯼ ﻗﺪﺭﺕ، ﺗﯿﺮﺍ ﺭﺣﻢ، ﺗﯿﺮﺍ ﮐﺮﻡ، ﺗﯿﺮﯼ ﻋﻄﺎ، ﺗﯿﺮﺍ ﻓﻀﻞ، ﺗﯿﺮﯼ ﻗﺪﺭﺕ، ﺗﯿﺮﯼ ﺟﻨﺖ، ﺗﯿﺮﯼ ﻣﺤﺒﺖ، ﺗﯿﺮﯼ ﺑﺎﺩﺷﺎﮨﺖ، ﺗﯿﺮﺍ ﻋﺮﻭﺝ، ﺗﻮ ﻣﮑﻤﻞ ﮨﮯ، ﻣﯿﺮﮮ ﺍﻟﻠﮧ ﺍﯾﮏ ﭼﯿﺰ ﺟﻮ ﻧﺎﻣﮑﻤﻞ ﺭﮦ ﮔﺌﯽ ﮨﮯ ﻭﮦ ﮨﮯ ﺗﯿﺮﺍ ﺍﻭﺭ ﻣﯿﺮﺍ ﺗﻌﻠﻖ۔ ﺗﯿﺮﯼ ﻃﺮﻑ ﺳﮯ ﮐﺮﻡ ﮐﯽ ﻋﻨﺎﯾﺎﺕ، ﻣﺠﮫ ﺳﮯ ﺷﮑﺮ ﮨﯽ ﺍﺩﺍ ﻧﮩﯿﮟ ﮨﻮﭘﺎﺗﺎ، ﺗﯿﺮﺍ ﻓﻀﻞ ﻣﯿﺮﮮ ﮔﻨﺎﮦ، ﺗﯿﺮﺍ ﺭﺣﻢ ﻣﯿﺮﯼ ﺳﺮﮐﺸﯽ، ﺗﯿﺮﯼ ﻣﺤﺒﺖ ﻣﯿﺮﯼ ﻻ ﭘﺮﻭﺍﮨﯽ، ﯾﮧ ﺗﻌﻠﻖ ﻭﻥ ﺳﺎﺋﯿﮉﮈ ﻟﮕﺘﺎ ﮨﮯ۔ ﻣﯿﺮﮮ ﺍﻟﻠﮧ ﺍﺳﮯ ﺑﮭﯽ ﻣﮑﻤﻞ ﮐﺮﺩﮮ ﮐﮧ ﻣﯿﮟ ﺑﻨﺪﮔﯽ ﮐﺎ ﺣﻖ ﺍﺩﺍ ﮐﺮ ﺳﮑﻮﮞ۔ ﻣﯿﺮﯼ ﺗﺠﮫ ﺳﮯ ﺟﻮ ﺑﮭﯽ ﭨﻮﭨﯽ ﭘﮭﻮﭨﯽ ﻣﺤﺒﺖ ﮐﺎ ﺟﮭﻮﭨﺎ ﺳﭽﺎ ﺩﻋﻮﯼٰ ﮨﮯ، ﺍﺳﮯ ﻣﮑﻤﻞ ﮐﺮﺩﮮ ﻣﯿﺮﮮ ﺭﺑّﺎ، ﺍﻭ ﺭﺏّ، ﺍﻭ ﺳﻨﻨﮯ ﻭﺍﻟﮯ، ﺍﻭ ﮐﻤﺰﻭﺭﻭﮞ ﭘﺮ ﺍﭘﻨﺎ ﺧﺎﺹ ﻓﻀﻞ ﮐﺮﻧﮯ ﻭﺍﻟﮯ، ﻣﺠﮭﮯ ﺗﮑﻤﯿﻞ ﺩﮮ، ﻣﺠﮭﮯ ﺍﺩﮬﻮﺭﺍ ﻧﮧ ﭼﮭﻮﮌﯾﻮ، ﻣﺠﮭﮯ ﮐﺎﻣﻞ ﮐﺮ ﺩﮮ ‘‘ ۔
ﺁﻣﯿﻦ !
ﻋﺒﺪﺍﻟﻠﮧ ﻧﮯ ﭘﺎﺭﭦ ﭨﺎﺋﻢ ﺍﯾﮏ ﯾﻮﻧﯿﻮﺭﺳﭩﯽ ﻣﯿﮟ ﺟﺎﺏ ﮐﺮﻟﯽ ﺗﮭﯽ ﺍﻭﺭ ﮨﻔﺘﮯ ﺩﻭ ﮨﻔﺘﮯ ﻣﯿﮟ ﮐﭽﮫ ﻟﯿﮑﭽﺮﺯ ﺩﮮ ﺁﺗﺎ ﺗﮭﺎ۔ ﺍﺱ ﻃﺮﺡ ﺍﺳﮯ ﻃﺎﻟﺐ ﻋﻠﻤﻮﮞ ﺳﮯ ﺑﺎﺕ ﮐﺮﻧﮯ ﮐﺎ ﻣﻮﻗﻊ ﻣﻞ ﺟﺎﺗﺎ ﺗﮭﺎ ﺍﻭﺭ ﺟﻮ ﮐﭽﮫ ﻭﮦ ﺳﯿﮑﮫ ﺭﮨﺎ ﺗﮭﺎ ﺍﺳﮯ ﺷﯿﺌﺮ ﮐﺮﮐﮯ ﺑﮭﯽ ﺩﻟﯽ ﺧﻮﺷﯽ ﻣﺤﺴﻮﺱ ﮨﻮﺗﯽ۔ ﺁﺝ ﻟﯿﮑﭽﺮ ﺳﮯ ﻭﺍﭘﺴﯽ ﭘﺮ ﻣﯿﻦ ﺭﻭﮈ ﭘﺮ ﺍﺳﮯ 3 ﻣﻮﻟﻮﯼ ﺣﻀﺮﺍﺕ ﻧﻈﺮ ﺁﺋﮯ ﺟﻨﮩﻮﮞ ﻧﮯ ﺍﭘﻨﺎ ﺳﺎﻣﺎﻥ ﺍﭘﻨﮯ ﮐﻨﺪﮬﻮﮞ ﭘﺮ ﺍﭨﮭﺎ ﺭﮐﮭﺎ ﺗﮭﺎ۔ ﺍﻧﮩﻮﮞ ﻧﮯ ﮔﺎﮌﯼ ﮐﻮ ﻟﻔﭧ ﮐﺎ ﺍﺷﺎﺭﮦ ﺩﯾﺎ ﺍﻭﺭ ﻋﺒﺪﺍﻟﻠﮧ ﻧﮯ ﮔﺎﮌﯼ ﺭﻭﮎ ﻟﯽ، ﺗﯿﻨﻮﮞ ﺣﻀﺮﺍﺕ ﺳﻼﻡ ﻭ ﺷﮑﺮﯾﮧ ﮐﮩﮧ ﮐﺮ ﮔﺎﮌﯼ ﻣﯿﮟ ﺑﯿﭩﮫ ﮔﺌﮯ۔ ﺗﻌﺎﺭﻑ ﮐﮯ ﺑﻌﺪ ﻋﺒﺪﺍﻟﻠﮧ ﻧﮯ ﻣﻨﺰﻝ ﭘﻮﭼﮭﯽ ﺗﻮ ﻭﮦ ﺑﮭﯽ ﺍﺳﯽ ﺟﮕﮧ ﮐﮯ ﭘﺎﺱ ﺟﺎﺭﮨﮯ ﺗﮭﮯ ﺟﮩﺎﮞ ﻋﺒﺪﺍﻟﻠﮧ ﮐﻮ ﺟﺎﻧﺎ ﺗﮭﺎ۔ ﺳﻔﺮ ﻟﻤﺒﺎ ﺗﮭﺎ، ﺑﺎﺕ ﺷﺮﻭﻉ ﮨﻮﺋﯽ۔ ﻣﺴﺎﻓﺮ ﺻﺎﺣﺐ ﮔﻮﯾﺎ ﮨﻮﺋﮯ، ﮨﻢ ﺳﺐ ﻟﻮﮒ ﺍﻟﻠﮧ ﮐﯽ ﺭﺍﮦ ﻣﯿﮟ ﻧﮑﻠﮯ ﮨﯿﮟ ﺗﺒﻠﯿﻎ ﮐﮯ ﻟﺌﮯ، ﺯﺍﺩِ ﺭﺍﮦ ﭘﻨﮉﯼ ﭘﮩﻨﭻ ﮐﺮ ﺧﺘﻢ ﮨﻮﮔﯿﺎ ﺗﻮ ﺍﺏ ﻣﺮﯼ ﮐﮯ ﻟﯿﮯ ﭘﯿﺪﻝ ﻧﮑﻠﮯ ﮨﯿﮟ، ﺁﭖ ﮐﯽ ﺑﮍﯼ ﮔﺎﮌﯼ ﺩﯾﮑﮭﯽ ﺗﻮ ﻟﻔﭧ ﻣﺎﻧﮓ ﻟﯽ۔
ﺟﯽ، ﻣﺠﮭﮯ ﺑﮍﯼ ﺧﻮﺷﯽ ﮨﮯ ﮐﮧ ﻣﯿﮟ ﻧﯿﮏ ﻟﻮﮔﻮﮞ ﮐﮯ ﮐﭽﮫ ﮐﺎﻡ ﺁﺳﮑﺎ۔ ﻋﺒﺪﺍﻟﻠﮧ ﻧﮯ ﮐﮩﺎ۔ ﻣﺴﺎﻓﺮ ﺻﺎﺣﺐ ﻧﮯ ﺑﺎﺕ ﺟﺎﺭﯼ ﺭﮐﮭﯽ، ﺟﻨﺎﺏ،
’’ ﺍﻟﻠﮧ ﺳﮯ ﺳﺐ ﮐﭽﮫ ﮨﻮﻧﮯ ﮐﺎ ﯾﻘﯿﻦ ﺍﻭﺭ ﻏﯿﺮ ﺍﻟﻠﮧ ﺳﮯ ﮐﭽﮫ ﻧﮧ ﮨﻮﻧﮯ ﮐﺎ ﯾﻘﯿﻦ ﭘﮑﺎ ﮨﻮﻧﺎ ﭼﺎﮨﺌﯿﮯ۔ ‘‘
ﻋﺒﺪﺍﻟﻠﮧ ﺍﺱ ﺟﻤﻠﮯ ﺳﮯ ﺑﮩﺖ ﺩﯾﺮ ﺗﮏ ﻣﺤﻈﻮﻅ ﮨﻮﺗﺎ ﺭﮨﺎ، ﻭﮦ ﺻﺎﺣﺐ ﺁﮔﮯ ﺑﮭﯽ ﺑﮩﺖ ﮐﭽﮫ ﺑﻮﻟﺘﮯ ﺭﮨﮯ ﻣﮕﺮ ﻋﺒﺪﺍﻟﻠﮧ ﺗﻮ ﺍﺑﮭﯽ ﺍﺳﯽ ﺟﻤﻠﮯ ﻣﯿﮟ ﮔُﻢ ﺗﮭﺎ۔ ﮐﯿﺎ ﺑﺎﺕ ﮐﯽ ﮨﮯ، ﯾﮧ ﺟﻤﻠﮧ ﺗﻮ ﺗﻮﺣﯿﺪ ﮐﯽ ﺟﺎﻥ ﮨﮯ۔ ﻋﺒﺪ ﺍﻟﻠﮧ ﻧﮯ ﺩﻝ ﻣﯿﮟ ﺳﻮﭼﺎ۔ ﻋﺒﺪﺍﻟﻠﮧ ﺳﻮﭼﻨﮯ ﻟﮕﺎ ﮐﮧ ﺭﻭﭨﯽ ﮐﯽ ﻃﺮﺡ ﻋﻠﻢ ﺑﮭﯽ ﺭﺯﻕ ﮨﮯ ﺟﻮ ﭘﮩﻨﭻ ﮐﺮ ﺭﮨﺘﺎ ﮨﮯ۔ ﺍﻟﻠﮧ ﺧﻮﺏ ﺟﺎﻧﺘﺎ ﮨﮯ ﮐﮧ ﮐﺲ ﻃﺮﺡ ﺭﺯﻕ ﺩﯾﻨﺎ ﮨﮯ، ﺑﺎﻟﮑﻞ ﺍِﺳﯽ ﻃﺮﺡ ﺟﯿﺴﮯ ﺍﺳﮯ ﭘﺘﮧ ﮨﮯ ﮐﮧ ﮐﺲ ﻃﺮﺡ ﭘﯿﺪﺍ ﮐﺮﻧﺎ ﮨﮯ۔
ﻋﺒﺪﺍﻟﻠﮧ ﭘﮭﺮ ﻣﺴﺎﻓﺮ ﮐﯽ ﻃﺮﻑ ﻣﺘﻮﺟﮧ ﮨﻮﺍ۔ ﺣﻀﺮﺕ ﺁﭖ ﻟﻮﮔﻮﮞ ﻧﮯ ﮐﭽﮫ ﮐﮭﺎﻧﺎ ﮐﮭﺎﯾﺎ ﮨﮯ؟ ﺟﯽ ﺑﺲ ﺻﺒﺢ ﺳﻮﯾﺮﮮ ﻧﺎﺷﺘﮧ ﮐﯿﺎ ﺗﮭﺎ۔ ﻣﺴﺎﻓﺮ ﻧﮯ ﺟﻮﺍﺏ ﺩﯾﺎ، ﻋﺒﺪ ﺍﻟﻠﮧ ﻧﮯ ﺗﮭﻮﮌﯼ ﮨﯽ ﺩﯾﺮ ﻣﯿﮟ ﮔﺎﮌﯼ ﺍﯾﮏ ﺍﭼﮭﮯ ﺳﮯ ﮨﻮﭨﻞ ﮐﮯ ﺳﺎﻣﻨﮯ ﺭﻭﮎ ﺩﯼ، ﺳﺐ ﮐﻮ ﺍﻧﺪﺭ ﻟﮯ ﮐﺮ ﮔﯿﺎ ﺍﻭﺭ ﭘﻮﭼﮭﺎ ﺁﭖ ﮐﯿﺎ ﮐﮭﺎﺋﯿﮟ ﮔﮯ؟
ﺟﯽ ﺑﺲ ﺍﯾﮏ ﺩﺍﻝ ﺍﻭﺭ ﺩﻭ ﺭﻭﭨﯽ، ﮨﻢ ﺗﯿﻨﻮﮞ ﮐﻮ ﮐﺎﻓﯽ ﮨﻮﺟﺎﺋﮯ ﮔﺎ۔
ﻣﮕﺮ ﺣﻀﺮﺕ ﯾﮩﺎﮞ ﻣﺮﻍ ﻣﺴﻠﻢ، ﺑﺮﯾﺎﻧﯽ، ﺑﺎﺭﺑﯽ ﮐﯿﻮ ﺳﺐ ﻣﻮﺟﻮﺩ ﮨﮯ۔ ﮐﻮﻟﮉ ﮈﺭﻧﮑﺲ ﺑﮭﯽ ﺍﻭﺭ ﻣﯿﭩﮭﺎ ﺑﮭﯽ۔ ﻧﮩﯿﮟ ﺟﻨﺎﺏ ﺩﻧﯿﺎ ﺗﻮ ﺑﺲ ﮔﺰﺍﺭﮦ ﮨﮯ، ﺁﺧﺮﺕ ﻣﯿﮟ ﮐﮭﺎﺋﯿﮟ ﮔﮯ۔
ﺍﺭﮮ ﺣﻀﺮﺕ ! ﺟﻮ ﷲ ﺁﺧﺮﺕ ﻣﯿﮟ ﮐﮭﻼﺋﮯ ﮔﺎ ﻭﮦ ﯾﮩﺎﮞ ﺑﮭﯽ ﮐﮭﻼ ﺭﮨﺎ ﮨﮯ، ﮐﯿﻮﮞ ﮐﻔﺮﺍﻥِ ﻧﻌﻤﺖ ﮐﺮﺗﮯ ﮨﯿﮟ۔ ﻋﺒﺪﺍﻟﻠﮧ ﻧﮯ ﺍﯾﮏ ﺍﭼﮭﺎ ﺧﺎﺻﺎ ﺁﺭﺩﮌ ﻟﮑﮭﻮﺍ ﺩﯾﺎ۔
ﮐﮭﺎﻧﮯ ﮐﮯ ﺩﻭﺭﺍﻥ ﻣﺴﺎﻓﺮ ﺻﺎﺣﺐ ﭘﮭﺮ ﮔﻮﯾﺎ ﮨﻮﺋﮯ ﮐﮩﻨﮯ ﻟﮕﮯ ﮐﮧ ﺁﭖ ﻧﮯ ﻭﻗﺖ ﺩﯾﺎ، ﻟﻔﭧ ﺩﯼ ﺍﻭﺭ ﺍﺏ ﮐﮭﺎﻧﺎ ﺑﮭﯽ ﮐﮭﻼ ﺭﮨﮯ ﮨﯿﮟ، ﺁﭖ ﺗﻮ ﻭﻟﯽ ﺍﻟﻠﮧ ﮨﻮﺋﮯ۔
ﻋﺒﺪ ﺍﻟﻠﮧ ﮐﻮ ﯾﮧ ﺑﺎﺕ ﺍﺗﻨﯽ ﺑُﺮﯼ ﻟﮕﯽ ﮐﮧ ﺍﺳﮑﯽ ﺁﻧﮑﮫ ﺳﮯ ﺁﻧﺴﻮ ﻧﮑﻞ ﭘﮍﮮ، ﺍُﺱ ﻧﮯ ﮐﭽﮫ ﺳﻮﭼﺘﮯ ﮨﻮﺋﮯ ﮐﮩﺎ ﮐﮧ ﺟﺲ ﻣﻠﮏ ﮐﯽ ﺣﺎﻟﺖ ﯾﮧ ﮨﻮ ﺍﺱ ﻣﯿﮟ ﺷﺎﯾﺪ ﻣﯿﺮﮮ ﺟﯿﺴﮯ ﮨﯽ ﻟﻮﮔﻮﮞ ﮐﻮ ﻭﻟﯽ ﺍﻟﻠﮧ ﮐﮩﺘﮯ ﮨﻮﮞ ﮔﮯ۔
ﻋﺒﺪﺍﻟﻠﮧ ﻧﮯ ﺑﺎﺕ ﺟﺎﺭﯼ ﺭﮐﮭﯽ، ﻣﻮﻻﻧﺎ ﺻﺎﺣﺐ ﺁﭖ ﮐﻮ ﺍﯾﮏ ﮐﮩﺎﻧﯽ ﺳﻨﺎﺅﮞ، ﺟﯽ ﺿﺮﻭﺭ۔
ﺍﯾﮏ ﺟﻨﮕﻞ ﻣﯿﮟ ﺳﺐ ﮨﯽ ﺟﺎﻧﻮﺭ ﺗﮭﮯ ﺳﻮﺍﺋﮯ ﮔﺪﮬﮯ ﮐﮯ، ﺍﯾﮏ ﺩﻥ ﺍﯾﮏ ﮔﺪﮬﺎ ﮐﮩﯿﮟ ﺳﮯ ﻧﮑﻞ ﺁﯾﺎ، ﺳﺐ ﺟﺎﻧﻮﺭ ﺍﺳﮑﮯ ﺍﺭﺩ ﮔﺮﺩ ﺍﮐﭩﮭﮯ ﮨﻮﮔﺌﮯ ﮐﮧ ﺍﺱ ﮐﺎ ﺗﻮ ﺟﺜﯽّٰ ﺍﻟﮓ ﮨﮯ۔ ﺁﻭﺍﺯ ﺑﮭﯽ ﺑﮍﯼ ﻣﻨﻔﺮﺩ ﮨﮯ۔ ﺍﺏ ﮔﺪﮬﮯ ﻧﮯ ﺟﻮ ﺍﭘﻨﯽ ﺍﺗﻨﯽ ﺁﺅ ﺑﮭﮕﺖ ﺩﯾﮑﮭﯽ ﺗﻮ ﻭﮦ ﺑﮍﺍ ﺍﺗﺮﺍﯾﺎ، ﺟﺐ ﺍﺱ ﺳﮯ ﭘﻮﭼﮭﺎ ﮔﯿﺎ ﺗﻮ ﮐﻮﻥ ﮨﮯ ﺗﻮ ﺍﺱ ﻧﮯ ﮐﮩﺎ ﮐﮧ ﻭﮦ ’’ ﺍﻧﺴﺎﻥ ‘‘ ﮨﮯ، ﺍﺏ ﺭﻭﺯ ﺟﻨﮕﻞ ﻣﯿﮟ ﺍﺳﮑﯽ ﺧﺎﻃﺮ ﻣﺪﺍﺭﺕ ﮨﻮﻧﮯ ﻟﮕﯽ، ﻟﻮﻣﮍﯼ ﺍﻭﺭ ﺷﯿﺮ ﻣﺸﻮﺭﮮ ﮐﺮﻧﮯ ﻟﮕﮯ۔ ﮐﺌﯽ ﺳﺎﻝ ﮔﺬﺭ ﮔﺌﮯ ﺍﻭﺭ ﺍﮨﻞِ ﺟﻨﮕﻞ ﮐﺎ ﺍﺗﻔﺎﻕ ﮨﻮﮔﯿﺎ ﮐﮧ ﯾﮧ ﮔﺪﮬﺎ ﮨﯽ ﺍﻧﺴﺎﻥ ﮨﮯ۔
ﺍﺏ ﮐﭽﮫ ﺳﺎﻟﻮﮞ ﺑﻌﺪ ﻭﮨﺎﮞ ﺍﯾﮏ ﺍﺻﻞ ﺍﻧﺴﺎﻥ ﺁﻧﮑﻠﺘﺎ ﮨﮯ، ﭘﮭﺮ ﮔﮭﯿﺮﺍﺅ ﮨﻮﺗﺎ ﮨﮯ، ﺍﺏ ﺟﺐ ﺍﻧﺴﺎﻥ ﺩﻋﻮﯼٰ ﮐﺮﺗﺎ ﮨﮯ ﺗﻮ ﺍﮨﻞِ ﺟﻨﮕﻞ ﮔﺪﮬﮯ ﮐﻮ ﺁﮔﮯ ﮐﺮ ﺩﯾﺘﮯ ﮨﯿﮟ ﺍﻭﺭ ﮐﮩﺘﮯ ﮨﯿﮟ ﺍﻧﺴﺎﻥ ﺗﻮ ﺍﯾﺴﮯ ﮨﻮﺗﮯ ﮨﯿﮟ۔ ﺟﺮﮔﮧ ﺑﯿﭩﮭﺘﺎ ﮨﮯ ﺍﻭﺭ ﻓﯿﺼﻠﮧ ﺳﻨﺎﯾﺎ ﺟﺎﺗﺎ ﮨﮯ ﮐﮧ ﮔﺪﮬﺎ ﮨﯽ ﺍﺻﻞ ﻣﯿﮟ ﺍﻧﺴﺎﻥ ﮨﮯ ﺍﻭﺭ ﺍﻧﺴﺎﻥ ﺟﮭﻮﭦ ﺑﻮﻝ ﺭﮨﺎ ﮨﮯ، ﺍﺏ ﯾﺎ ﺗﻮ ﻭﮦ ﺟﮭﻮﭦ ﮐﺎ ﺍﻗﺮﺍﺭ ﮐﺮﮐﮯ ﻣﻌﺎﻓﯽ ﻣﺎﻧﮕﮯ ﯾﺎ ﺳﺰﺍﺋﮯ ﻣﻮﺕ۔
ﺑﺎﻵﺧﺮ ﺍﻧﺴﺎﻥ ﺑﮯ ﭼﺎﺭﮦ ﯾﮧ ﮐﮩﺘﮯ ﮐﮩﺘﮯ ﻣﺮﺟﺎﺗﺎ ﮨﮯ ﮐﮧ ﯾﮧ ﺍﻧﺴﺎﻥ ﻧﮩﯿﮟ ﮔﺪﮬﺎ ﮨﮯ۔
ﺍﺱ ﮐﺎ ﻣﺴﺌﻠﮧ ﺑﮩﺖ ﺁﺳﺎﻥ ﺗﮭﺎ، ﺟﺲ ﻧﮯ ﺍﯾﮏ ﺑﺎﺭ ﺍﻧﺴﺎﻥ ﺩﯾﮑﮫ ﻟﯿﺎ ﮨﻮ ﻭﮦ ﮐﺴﯽ ﺍﻭﺭ ﺷﮯ ﮐﻮ ﺍﻧﺴﺎﻥ ﻣﺎﻥ ﻧﮩﯿﮟ ﺳﮑﺘﺎ۔ ﮨﻤﺎﺭﮮ ﻣﻠﮏ ﺳﮯ ﺍﻧﺴﺎﻥ ﺧﺘﻢ ﮨﻮﮔﺌﮯ، ﻭﻟﯽ ﺍﻟﻠﮧ ﺗﻮ ﺩﻭﺭ ﮐﯽ ﺑﺎﺕ ﮨﮯ۔ ﻟﮩٰﺬﺍ ﺟﺐ ﺑﮭﯽ ﻣﯿﺮﮮ ﺟﯿﺴﮯ ﮔﺪﮬﮯ ﻧﻈﺮ ﺁﺗﮯ ﮨﯿﮟ ﻟﻮﮒ ﺍﻧﺴﺎﻥ ﮐﮯ ﻧﻌﺮﮮ ﻣﺎﺭﻧﮯ ﻟﮕﺘﮯ ﮨﯿﮟ۔ ﯾﮧ ﻣﯿﮟ ﮐﻮﺋﯽ ﮐﺴﺮِ ﻧﻔﺴﯽ ﺳﮯ ﮐﺎﻡ ﻧﮩﯿﮟ ﻟﮯ ﺭﮨﺎ، ﺍﺻﻞ ﻭﺍﻗﻌﮧ ﯾﮩﯽ ﮨﮯ۔
* ۔۔۔ * ۔۔۔ *
ﻣﺴﺎﻓﺮ ﺣﻀﺮﺍﺕ ﮐﭽﮫ ﺳﻤﺠﮫ ﮐﭽﮫ ﻧﮧ ﺳﻤﺠﮭﺘﮯ ﮨﻮﺋﮯ ﮨﻨﺴﻨﮯ ﻟﮕﮯ، ﭘﮭﺮ ﻣﺨﺎﻃﺐ ﮨﻮﺋﮯ ﮐﮧ ﺁﭖ ﺍﭼﮭﮯ ﺁﺩﻣﯽ ﮨﯿﮟ، ﻣﮕﺮ ﯾﮧ ﮐﺎﻓﺮﺍﻧﮧ ﻟﺒﺎﺱ ‏( ﺟﯿﻨﺰ ﺍﻭﺭ ﭨﯽ ﺷﺮﭦ ‏) ﻧﮧ ﭘﮩﻨﺎ ﮐﺮﯾﮟ، ﺁﭘﮑﮯ ﻣﻮﺑﺎﺋﻞ ﻣﯿﮟ ﺗﺼﻮﯾﺮ ﺑﮭﯽ ﺟﺎﺋﺰ ﻧﮩﯿﮟ، ﺍﻭﺭ ﺍﺳﻄﺮﺡ ﮐﮭﻠﻢ ﮐﮭﻼ ﺩﯾﻦ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﻮﮞ ﮐﺎ ﻣﺬﺍﻕ ﺍﮌﺍﻧﺎ ﺗﻮ ﮐﻔﺮ ﺗﮏ ﭘﮩﻨﭽﺎ ﺩﯾﺘﺎ ﮨﮯ ‏( ﻭﮦ ﺷﺎﯾﺪ ﭘﻮﺭﯼ ﮐﮩﺎﻧﯽ ﮐﻮ ﺍﭘﻨﮯ ﭘﮧ ﭼﻮﭦ ﺳﻤﺠﮭﮯ ﺗﮭﮯ ‏) ۔ ﻋﺒﺪ ﻟﻠﮧ ﺑﮍﺍ ﺳﭩﭙﭩﺎﯾﺎ ﮐﮧ ﺍﺏ ﺁﺩﻣﯽ ﺑﺎﺕ ﺑﮭﯽ ﮐﺮﮮ ﺗﻮ ﮐﺲ ﺳﮯ، ﺍﺱ ﻣﻠﮏ ﻣﯿﮟ ﺁﺩﻣﯽ ﺍﮔﺮ ﻏﻠﻄﯽ ﺳﮯ ﭘﮍﮪ ﻟﮑﮫ ﺟﺎﺋﮯ ﺗﻮ ﮔﻮﻧﮕﺎ ﮨﻮﺟﺎﺋﮯ ﮐﮧ ﮐﻮﺋﯽ ﺑﺎﺕ ﺳﻤﺠﮭﻨﮯ ﻭﺍﻻ ﻣﺸﮑﻞ ﺳﮯ ﮨﯽ ﻣﻠﺘﺎ ﮨﮯ۔
ﻋﺒﺪ ﺍﻟﻠﮧ ﻧﮯ ﻣﻌﺬﺭﺕ ﮐﯽ، ﺍﻧﮩﯿﮟ ﺑﺎﻗﯽ ﻣﺎﻧﺪﮦ ﺳﻔﺮ ﮐﺎ ﺧﺮﭼﮧ ﺩﯾﺎ ﺍﻭﺭ ﺧﺪﺍ ﺣﺎﻓﻆ ﮐﮩﮧ ﮐﺮ ﭼﻼ ﺁﯾﺎ۔ ﻣﮕﺮ ﺩﻝ ﭘﻮﺭﮮ ﺩﻥ ﺑﻮﺟﮭﻞ ﮨﯽ ﺭﮨﺎ۔
ﻭﮦ ﺳﻮﭼﻨﮯ ﻟﮕﺎ ﮐﮧ ﺩﺍﻋﯽ ﮐﻮ ﻟﻮﮔﻮﮞ ﭘﺮ ﻟﻌﻦ ﻃﻌﻦ ﻧﮩﯿﮟ ﮐﺮﻧﯽ ﭼﺎﮨﺌﮯ، ﺍﻧﮩﯿﮟ ﭼﭗ ﭼﺎﭖ ﮐﺎﻡ ﮐﺮﺗﮯ ﺭﮨﻨﺎ ﭼﺎﮨﯿﮯ۔ ﺩﺍﻋﯽ ﮐﯽ ﻧﻈﺮ ﺟﺘﻨﯽ ﻭﺳﯿﻊ ﮨﻮﮔﯽ ﺍﺗﻨﮯ ﮨﯽ ﻟﻮﮔﻮﮞ ﭘﺮ ﺍﻋﺘﺮﺍﺿﺎﺕ ﮐﻢ ﮨﻮﺟﺎﺋﯿﮟ ﮔﮯ۔ ﻭﮦ ﺳﻮﭼﻨﮯ ﻟﮕﺎ ﮐﮧ ﺩﺍﻋﯽ ﮐﮯ ﻓﺮﺍﺋﺾ ﻣﯿﮟ ﺳﮯ ﺍﯾﮏ ﻓﺮﯾﻀﮧ ﯾﮧ ﺑﮭﯽ ﮨﻮﻧﺎ ﭼﺎﮨﺌﮯ ﮐﮧ ﺩﻋﻮﺕ ﺳﻨﻨﮯ ﻭﺍﻟﮯ ﮐﯽ ﺍﻧﺎ (ego) ﮐﻮ ﻧﮧ ﭼﮭﯿﮍﮮ، ﺟﺐ ﮐﮧ ﮨﻤﺎﺭﮮ ﯾﮩﺎﮞ ﺩﻋﻮﺕ ﮐﺎ ﮐﺎﻡ ﮨﯽ ﮐﺴﯽ ﮐﻮ ﺫﻟﯿﻞ ﮐﺮﻧﮯ ﺳﮯ ﺷﺮﻭﻉ ﮨﻮﺗﺎ ﮨﮯ۔ ﺁﭖ ﻧﮯ ﮐﭙﮍﮮ ﮐﯿﺴﮯ ﭘﮩﻨﮯ ﮨﻮﺋﮯ ﮨﯿﮟ؟ ﯾﮩﺎﮞ ﺁﭖ ﭨﯽ ﻭﯼ ﮐﯿﻮﮞ ﺩﯾﮑﮭﺘﮯ ﮨﯿﮟ؟ ﺁﭖ ﻓﻼﮞ ﺟﮕﮧ ﮐﯿﻮﮞ ﺟﺎﺗﮯ ﮨﯿﮟ؟ ﻓﻼﮞ ﺳﮯ ﮐﯿﻮﮞ ﻣﻠﺘﮯ ﮨﯿﮟ؟ ﻓﻼﮞ ﺳﮯ ﮐﯿﻮﮞ ﻧﮩﯿﮟ ﻣﻠﺘﮯ؟ ﭘﮩﻠﮯ ﺩﻥ ﮨﯽ ﺩﺍﻋﯽ ﺻﺎﺣﺐ ﮨﺮ ﺍﺱ ﭼﯿﺰ ﮐﮯ ﺩﺷﻤﻦ ﮨﻮﺟﺎﺗﮯ ﮨﯿﮟ ﺟﻮ ﺁﭖ ﮐﻮ ﻣﺤﺒﻮﺏ ﮨﻮ۔ ﺍﺭﮮ ﺑﮭﺎﺋﯽ، ﺍﺳﮯ ﺑﮩﺘﺮ ﻣﺤﺒﺖ ﮐﺎ ﺑﺘﺎﺅ، ﺍﺳﮯ ﺑﮩﺘﺮ ﺫﮐﺮ ﺳﮑﮭﺎﺅ۔ ﺩﻝ ﺧﻮﺩ ﺑﺨﻮﺩ ﺍﭼﮭﯽ ﭼﯿﺰﻭﮞ ﭘﺮ ﻣﺎﺋﻞ ﮨﻮﺟﺎﺋﮯ ﮔﺎ، ﭘﮭﺮ ﺑﺘﺎﺗﮯ ﺭﮨﻨﺎ ﭼﮭﻮﭨﮯ ﻣﻮﭨﮯ ﻣﺴﺎﺋﻞ۔ ﺩﺍﻋﯽ ﺍﯾﺴﺎ ﺑﻨﺪﮦ ﮨﻮﺗﺎ ﮨﮯ ﺟﻮ ﺑﻨﺪﮮ ﺍﻭﺭ ﺍﻟﻠﮧ ﮐﮯ ﺑﯿﭻ ﻣﯿﮟ ﺁﺟﺎﺗﺎ ﮨﮯ۔ ﺍﺏ ﺍﮔﺮ ﻏﻠﻂ ﺭﺍﺳﺘﮧ ﺑﺘﺎﺅ ﮔﮯ ﺗﻮ ﭘﻮﭼﮫ ﺗﻮ ﺗﻤﮩﺎﺭﯼ ﺑﮭﯽ ﮨﻮﮔﯽ ﻧﺎﮞ؟ ﺍﮔﺮ ﺍﺟﺎﺯﺕ ﻣﻠﯽ ﺗﻮ ﻣﯿﮟ ﺻﺎﻑ ﮐﮩﮧ ﺩﻭﮞ ﮔﺎ ﮐﮧ ﺍﻟﻠﮧ ﺍﺱ ﮐﮯ ﭘﺎﺱ ﺁﯾﺎ ﺗﮭﺎ ﺗﯿﺮﺍ ﭘﻮﭼﮭﻨﮯ ﺍﺱ ﻧﮯ ﭨﺮﮎ ﮐﯽ ﻻﻝ ﺑﺘﯽ ﮐﮯ ﭘﯿﭽﮭﮯ ﻟﮕﺎ ﺩﯾﺎ۔
ﭘﺘﮧ ﻧﮩﯿﮟ ﮨﺮ ﺩﯾﻨﯽ ﺁﺩﻣﯽ ﮐﻮ، ‏( ﻣﻮﻻﻧﺎ ﮐﮩﻨﺎ ﺗﻮ ﻇﻠﻢ ﮨﻮﮔﺎ، ﮨﺮ ﺷﺨﺺ ﺟﻮ ﺩﺍﮌﮬﯽ ﺭﮐﮫ ﮐﮯ ﺩﯾﻦ ﮐﯽ ﺗﺒﻠﯿﻎ ﺷﺮﻭﻉ ﮐﺮﺩﯾﺘﺎ ﮨﮯ ﻭﮦ ﻣﻮﻟﻮﯼ ﺗﮭﻮﮌﺍ ﮨﯽ ﮨﻮﺗﺎ ﮨﮯ، ﻣﻮﻟﻮﯼ ﮐﮯ ﻟﺌﮯ ﺗﻮ ﺑﮩﺖ ﭘﮍﮬﻨﺎ ﭘﮍﺗﺎ ﮨﮯ ‏) ﮨﺎﮞ ﺑﺎﺗﻮﻧﯽ ﮐﮩﮧ ﺳﮑﺘﮯ ﮨﯿﮟ، ﺗﻮ ﮨﺮ ﺑﺎﺗﻮﻧﯽ ﺁﺩﻣﯽ ﮐﻮ ﻣﯿﺮﯼ ﺟﯿﻨﺰ ﺳﮯ ﮨﯽ ﺩﺷﻤﻨﯽ ﮐﯿﻮﮞ ﮨﻮﺗﯽ ﮨﮯ؟ ﺍﻭﺭ ﺍﯾﺴﺎ ﮨﯽ ﮐﯿﻮﮞ ﮨﮯ ﮐﮧ ﻇﺎﮨﺮﯼ ﺷﮑﻞ ﻭ ﺻﻮﺭﺕ ﮐﻮ ﺑﺎﻃﻦ ﭘﺮ ﺗﺮﺟﯿﺢ ﮨﮯ۔ ﺍﻟﻠﮧ ﻣﯿﺎﮞ ﮨﻤﺎﺭﮮ ﺍﻧﺪﺍﺯﻭﮞ ﺳﮯ ﮐﺘﻨﮯ ﻣﺨﺘﻠﻒ ﮨﯿﮟ۔ ﻋﺒﺪﺍﻟﻠﮧ ﺍﭘﻨﯽ ﺫﮨﻨﯽ ﺭﻭ ﻣﯿﮟ ﺑﮩﺘﺎ ﮨﯽ ﭼﻼ ﮔﯿﺎ۔
ﻣﺠﮭﮯ ﺍﯾﺴﺎ ﻟﮕﺘﺎ ﮨﮯ ﮐﮧ ﻗﯿﺎﻣﺖ ﮐﮯ ﺭﻭﺯ ﺑﮩﺖ ﺳﮯ ﻟﻮﮔﻮﮞ ﮐﻮ ﺳﺮﭘﺮﺍﺋﺰ ﻣﻠﮯ ﮔﺎ، ﺑﮩﺖ ﺳﯽ ﻧﯿﮑﯿﺎﮞ ﺟﻨﮩﯿﮟ ﻭﮦ ﻧﯿﮑﯿﺎﮞ ﺳﻤﺠﮫ ﺭﮨﮯ ﮨﻮﻧﮕﮯ ﻭﮨﺎﮞ ﺳﺮﮮ ﺳﮯ ﺷﺎﯾﺪ ﮨﻮﮞ ﮨﯽ ﻧﮩﯿﮟ ﺍﻭﺭ ﺑﮩﺖ ﺳﮯ ﮔﻨﺎﮦ ﺷﺎﯾﺪ ﮔﻨﺎﮦ ﮐﮯ ﺧﺎﻧﻮﮞ ﻣﯿﮟ ﻧﮧ ﮨﻮﮞ ﺍﻭﺭ ﺑﮩﺖ ﺳﯽ ﻧﯿﮑﯿﺎﮞ ﺷﺎﯾﺪ ﮔﻨﺎﮦ ﻣﯿﮟ ﻟﮑﮫ ﺩﯼ ﺟﺎﺋﯿﮟ ‏( ﺟﻮ ﺍﻟﻠﮧ ﮐﮯ ﻟﺌﮯ ﻧﮩﯿﮟ ﮨﻮﮞ ‏) ﺍﻭﺭ ﺑﮩﺖ ﺳﮯ ﮔﻨﺎﮦ ﺷﺎﯾﺪ ﻧﯿﮑﯿﻮﮞ ﻣﯿﮟ ﻟﮑﮫ ﺩﺋﯿﮯ ﺟﺎﺋﯿﮟ۔ ﺍﻟﻠﮧ ﮐﯽ ﻣﺮﺿﯽ ﮨﮯ، ﻭﮦ ﺩﻟﻮﮞ ﮐﮯ ﺑﮭﯿﺪ ﺟﺎﻧﺘﺎ ﮨﮯ، ﺍﺏ ﺍﮔﺮ ﺻﺤﺎﺑﮧ ﮐﺮﺍﻡ ﺳﮯ ﻏﻠﻄﯿﺎﮞ ﺳﺮﺯﺩ ﻧﮧ ﮨﻮﺗﯿﮟ ﺗﻮ ﺳﺰﺍﺋﯿﮟ ﮐﺴﮯ ﻣﻠﺘﯿﮟ؟ ﺍﻭﺭ ﺍﮔﺮ ﺷﺮﻋﯽ ﺣﺪﻭﺩ ﺍﺱ ﻭﻗﺖ ﻧﮧ ﻟﮕﺘﯿﮟ ﺗﻮ ﺁﺝ 1400 ﺳﺎﻝ ﺑﻌﺪ ﮐﻮﻥ ﻟﮕﺎﺗﺎ؟
ﺣﺪﯾﺚ ﻣﯿﮟ ﺁﺗﺎ ﮨﮯ ﮐﮧ ﻗﯿﺎﻣﺖ ﮐﮯ ﺭﻭﺯ ﺍﯾﮏ ﺑﻨﺪﮦ ﺁﺋﮯ ﮔﺎ، ﺍﻟﻠﮧ ﺳﺒﺤﺎﻧﮧ ﻭ ﺗﻌﺎﻟﯽٰ ﺍﺳﮑﮯ ﺗﻤﺎﻡ ﮔﻨﺎﮨﻮﮞ ﮐﻮ ﻧﯿﮑﯿﻮﮞ ﺳﮯ ﺑﺪﻝ ﺩﯾﮟ ﮔﮯ ﺗﻮ ﻭﮦ ﮐﮩﮯ ﮐﮧ ﺍﻟﻠﮧ ﺗﻌﺎﻟﯽٰ ﺁﭖ ﻧﮯ ﻓﻼﮞ ﻓﻼﮞ ﮔﻨﺎﮦ ﺗﻮ ﮔﻨﮯ ﮨﯽ ﻧﮩﯿﮟ؟ ﺑﺲ ﺁﺩﻣﯽ ﮐﻮ ﺍﮔﺮ ﺑُﺮﺍﺋﯿﺎﮞ ﮨﯽ ﮔﻨﻨﯽ ﮨﻮﮞ ﺗﻮ ﮐﯿﺎ ﺍﭘﻨﺎ ﻧﻔﺲ ﮐﺎﻓﯽ ﻧﮩﯿﮟ ﮨﮯ؟ ﮐﺴﯽ ﺩﻭﺳﺮﮮ ﮐﮯ ﺑﺎﺭﮮ ﻣﯿﮟ ﮨﻤﯿﺸﮧ ﮔﻤﺎﻥ ﺭﮐﮭﻨﺎ ﭼﺎﮨﯿﺌﮯ ﮐﮧ ﺑﺨﺸﺎ ﺟﺎﺋﮯ ﮔﺎ، ﮐﻮﺋﯽ ﺍﯾﺴﯽ ﻧﯿﮑﯽ ﮐﺮﺟﺎﺋﮯ ﮔﺎ ﮐﮧ ﺍﮔﻼ ﭘﭽﮭﻼ ﺳﺐ ﺑﺮﺍﺑﺮ ﮨﻮﺟﺎﺋﮯ ﮔﺎ ﺍﻭﺭ ﺍﭘﻨﮯ ﻧﻔﺲ ﺳﮯ ﺍِﺗﻨﯽ ﺑﺪﮔﻤﺎﻧﯽ ﮨﻮﻧﯽ ﭼﺎﮨﯿﮯ ﮐﮧ ﯾﮧ ﮐﺎﻓﺮ ﮐﺮﮐﮯ ﭼﮭﻮﮌﮮ ﮔﺎ، ﺑﺲ ﷲ ﮨﯽ ﺑﭽﺎﻟﮯ۔
ﻋﺒﺪﷲ ﮐﺎ ﺫﮨﻦ ﺭُﮐﻨﮯ ﮐﺎ ﻧﺎﻡ ﮨﯽ ﻧﮩﯿﮟ ﻟﮯ ﺭﮨﺎ ﺗﮭﺎ، ﺍُﺱ ﮐﮯ ﺁﻧﺴﻮ ﺍُﺳﮑﮯ ﺫﮨﻦ ﮐﯽ ﺭﻓﺘﺎﺭ ﮐﺎ ﺳﺎﺗﮫ ﺩﮮ ﺭﮨﮯ ﺗﮭﮯ، ﻭﮦ ﺍﭘﻨﮯ ﺁﭖ ﮐﻮ ﮨﯽ ﻣﻼﻣﺖ ﮐﺮ ﺭﮨﺎ ﺗﮭﺎ ﮐﮧ ﺍُﺳﮯ ﺍِﻥ ﻧﯿﮏ ﺁﺩﻣﯿﻮﮞ ﺳﮯ ﺳﺨﺖ ﺑﺎﺕ ﻧﮩﯿﮟ ﮐﺮﻧﯽ ﭼﺎﮨﯿﺌﮯ ﺗﮭﯽ۔ ﺳﺎﺭﯼ ﻧﯿﮑﯽ ﺑﮭﯽ ﺑﺮﺑﺎﺩ ﮨﻮﺋﯽ۔ ﮐﺎﺵ ﺧﺎﻣﻮﺵ ﺭﮨﺘﺎ۔ ﺟﺐ ﺑﻮﻟﺘﺎ ﮨﮯ ﮐﻮﺋﯽ ﻧﮧ ﮐﻮﺋﯽ ﻓﺴﺎﺩ ﮐﺎ ﺳﺎﻣﺎﻥ ﮨﻮﺗﺎ ﮨﮯ۔ ﺍﭘﻨﯽ ﺫﺍﺕ ﺳﮯ ﺑﮍﺍ ﻓﺘﻨﮧ ﺩﻧﯿﺎ ﻣﯿﮟ ﮐﻮﺋﯽ ﻧﮩﯿﮟ ﮨﻮﺗﺎ۔ ﺁﺝ ﻋﺒﺪﷲ ﮐﻮ ﺍِﺱ ﺑﺎﺕ ﮐﺎ ﻣﮑﻤﻞ ﯾﻘﯿﻦ ﮨﻮﮔﯿﺎ۔ ﻋﺒﺪﷲ ﻧﮯ ﺁﺝ ﺗﻤﺎﻡ ﻟﻮﮔﻮﮞ ﮐﻮ ﺻﺪﻕِ ﺩﻝ ﺳﮯ ﻣﻌﺎﻑ ﮐﺮﺩﯾﺎ ﮐﮧ ﺩﻝ ﺻﺮﻑ ﷲ ﮐﯽ ﯾﺎﺩ ﮐﮯ ﻟﺌﮯ ﮨﻮﺗﺎ ﮨﮯ ﻧﮧ ﮐﮧ ﺍِﺱ ﻟﯿﮯ ﮐﮧ ﻟﻮﮔﻮﮞ ﮐﯽ ﺑﺎﺗﯿﮟ ﺍُﺱ ﻣﯿﮟ ﺭﮐﮭﯽ ﺟﺎﺋﯿﮟ۔ ﻋﺒﺪﷲ ﺁﺝ ﭘﮭﺮ ﺳﺮﺍﭘﺎ ﺩﻋﺎ ﺗﮭﺎ،
’’ ﺍﮮ ﺩﻋﺎﺅﮞ ﮐﻮ ﻗﺒﻮﻟﯿﺖ ﺑﺨﺸﻨﮯ ﻭﺍﻟﮯ ﷲ، ﺍﮮ ﺗﺮﺱ ﮐﮭﺎﻧﮯ ﻭﺍﻟﻮﮞ ﻣﯿﮟ ﺳﺐ ﺳﮯ ﺯﯾﺎﺩﮦ ﺗﺮﺱ ﮐﮭﺎﻧﮯ ﻭﺍﻟﮯ ﷲ، ﺍﮮ ﺁﺳﻮﮞ ﮐﮯ ﺁﺱ ﻭﺍﻟﮯ ﷲ، ﺍﮮ ﻋﺎﺻﯿﻮﮞ ﮐﮯ ﺁﺱ ﻭﺍﻟﮯ ﷲ، ﺍﮮ ﻭﮦ ﷲ ﮐﮧ ﺟﺲ ﺳﮯ ﺳﺐ ﮐﻮ ﺁﺱ ﮨﻮﺗﯽ ﮨﮯ۔ ﭼﺮﻧﺪ، ﭘﺮﻧﺪ، ﺍﻧﺴﺎﻥ، ﻣﻼﺋﮑﮧ ﺍﻭﺭ ﺟﻦ ﺳﺐ ﮐﯽ ﻧﻈﺮﯾﮟ، ﺳﺐ ﮐﯽ ﺁﺱ ﺻﺮﻑ ﺗﺠﮫ ﭘﺮ ﮨﯽ ﺁﮐﺮ ﺭﮐﺘﯽ ﮨﯿﮟ۔ ﻣﯿﺮﯼ ﺁﺱ ﻧﮧ ﺗﻮﮌﯾﻮ۔ ﺍﮮ ﻋﺰﺕ ﻭﺍﻟﮯ ﷲ، ﻣﯿﺮﯼ ﻻﺝ ﺭﮐﮫ ﻟﮯ۔ ‘‘
ﷲ ﺳﺎﺋﯿﮟ، ﻣﺨﻤﻞ ﻣﯿﮟ ﭨﺎﭦ ﮐﺎ ﭘﯿﻮﻧﺪ ﻧﮧ ﮨﻮ ﻭﮮ ﮨﮯ۔ ﺍُﻣّﺖِ ﻣﺤﻤﺪ ﺻﻠّﯽ ﷲ ﻋﻠﯿﮧ ﻭﺍٓﻝ ﻭﺳﻠّﻢ ﻣﯿﮟ ﺳﮯ ﮨﻮﮞ۔ ﯾﮧ ﺳﺎﺭﮮ ﻣﺨﻤﻞ ﻟﻮﮒ ﮨﯿﮟ۔ ﺩﯾﻦ ﮐﺎ ﮐﺎﻡ ﮐﺮﺗﮯ ﮨﯿﮟ، ﻣﯿﮟ ﺍِﮎ ﭨﺎﭦ ﺭﮦ ﮔﯿﺎ۔ ﺩﻧﯿﺎ ﮐﯿﺎ ﮐﮩﮯ ﮔﯽ۔ ﺗﺠﮭﮯ ﺍﭘﻨﮯ ﻧﺒﯽ ﺻﻠّﯽ ﷲ ﻋﻠﯿﮧ ﻭﺍٓﻝ ﻭﺳﻠّﻢ ﺳﮯ ﻣﺤﺒﺖ ﮐﺎ ﻭﺍﺳﻄﮧ ﻣﺠﮭﮯ ﺑﮭﯽ ﻣﺨﻤﻞ ﮐﺮﺩﮮ۔ ﺍﮮ ﷲ ﺗُﻮ ﺻﻤﺪ ﮨﮯ، ﮐﯿﺎ ﮨﯽ ﺧﻮﺑﺼﻮﺭﺕ ﻧﺎﻡ ﮨﮯ ﺗﯿﺮﺍ، ﺧﻮﻑ ﻭ ﺍُﻣﯿﺪ ﺩﻭﻧﻮﮞ ﺍِﺱ ﻣﯿﮟ ﯾﮑﺠﺎ ﮨﻮﮔﺌﮯ ﮨﯿﮟ۔ ﺟﺐ ﺗﯿﺮﯼ ﺑﮯ ﻧﯿﺎﺯﯼ ﭘﺮ ﻧﻈﺮ ﭘﮍﺗﯽ ﮨﮯ ﺗﻮ ﮈﺭ ﺟﺎﺗﺎ ﮨﻮﮞ ﮐﮧ ﺳﺎﺭﮮ ﺍﻋﻤﺎﻝ ﺳﮯ ﺑﮯ ﻧﯿﺎﺯ ﮨﻮﮔﯿﺎ ﮐﮧ ﻣﯿﺮﮮ ﻟﯿﮯ ﺗﮭﻮﮌﺍ ﮨﯽ ﮐﯽ ﺗﮭﯿﮟ ﺗﻮ ﻣﺎﺭﺍ ﺟﺎﺅﮞ ﮔﺎ، ﮨﺎﮞ ﺍﮔﺮ ﺭﺣﻤﺖ ﮐﯽ ﻧﻈﺮ ﮐﯽ ﺍﻭﺭ ﺑﮯ ﻧﯿﺎﺯﯼ ﻣﯿﮟ ﮐﻮﺋﯽ ﭘﺮﻭﺍﮦ ﻧﮧ ﮐﯽ ﮐﮧ ﮐﺘﻨﮯ ﮔﻨﺎﮦ ﻟﮯ ﮐﮯ ﺁﯾﺎ ﮨﻮﮞ ﺗﻮ ﺑﯿﮍﮦ ﭘﺎ ﺭ ﮨﮯ۔
ﺍﮮ ﷲ ! ﻣﯿﮟ ﺑﺎﺭ ﺑﺎﺭ ﮔﻨﺎﮦ ﮐﺮﺗﺎ ﮨﻮﮞ۔ ﮔﻨﺎﮦ ﺩﮨﺮﺍﯾﺎ ﺟﺎﺋﮯ ﺗﻮ ﻏﻠﻄﯽ ﻧﮩﯿﮟ ﻣﺮﺿﯽ ﺑﻦ ﺟﺎﺗﯽ ﮨﮯ، ﺍﮮ ﷲ ! ﻣﻌﺎﻑ ﮐﺮ ﺩﮮ۔ ﻣﺠﮭﮯ ﺗﮭﻮﮌﮮ ﻟﻮﮔﻮﮞ ﻣﯿﮟ ﺳﮯ ﮐﺮﺩﮮ ﺟﻦ ﮐﮯ ﺑﺎﺭﮮ ﻣﯿﮟ ﺗﻮ ﺑﺸﺎﺭﺗﯿﮟ ﺩﯾﺘﺎ ﮨﮯ ﻗﺮﺁﻥ ﻣﯿﮟ ﮐﮧ ﻭﮦ ﺟﻨّﺖ ﻣﯿﮟ ﺟﺎﺋﯿﮟ ﮔﮯ، ﻭﮦ ﺟﻮ ﺗﯿﺮﺍ ﺷﮑﺮ ﺍﺩﺍ ﮐﺮﺗﮯ ﮨﯿﮟ، ﻭﮦ ﺟﻮ ﺗﯿﺮﮮ ﺣﮑﻢ ﭘﺮ ﭼﻠﺘﮯ ﮨﯿﮟ۔ ﺍُﻥ ﺯﯾﺎﺩﮦ ﻣﯿﮟ ﺳﮯ ﻧﮧ ﮐﺮﻧﺎ ﺟﻮ ﺣﮑﻢ ﻋﺪﻭﻟﯽ ﮐﺮﺗﮯ ﮨﯿﮟ ﺟﻮ ﺟﮩﻨﻢ ﻣﯿﮟ ﺟﺎﺋﯿﮟ ﮔﮯ، ﺟﻮ ﻧﺎﻓﺮﻣﺎﻥ ﮨﯿﮟ۔
ﺍﮮ ﷲ، ﮐﻮﺋﯽ ﺍﮔﺮ ﮨﻮﺗﺎ ﺗﯿﺮﮮ ﻋﻼﻭﮦ ﺗﻮ ﻣﯿﮟ ﻗﺴﻢ ﮐﮭﺎ ﮐﮯ ﮐﮩﺘﺎ ﮨﻮﮞ ﮐﮧ ﻋﺒﺎﺩﺕ ﺗﯿﺮﯼ ﮐﺮﺗﺎ ﺍﻭﺭ ﻧﺎﻓﺮﻣﺎﻧﯽ ﺍُﺱ ﮐﯽ ﮐﺮﺗﺎ ﻣﮕﺮ ﮐﻮﺋﯽ ﮨﮯ ﮨﯽ ﻧﮩﯿﮟ، ﮐﻮﺋﯽ ﭼﻮﺍﺋﺲ ﻧﮩﯿﮟ ﮨﮯ۔ ﻧﻔﺲ ﮐﮯ ﮨﺎﺗﮭﻮﮞ ﻣﺠﺒﻮﺭ ﮨﻮ ﮐﺮ ﻧﺎﻓﺮﻣﺎﻧﯽ ﺑﮭﯽ ﺗﯿﺮﯼ ﮨﯽ ﮨﻮﺟﺎﺗﯽ ﮨﮯ۔ ﺗُﻮ ﻣﻌﺎﻑ ﮐﺮﺩﮮ، ﺩﺭﮔﺰﺭ ﻓﺮﻣﺎ ﺩﮮ۔ ﺁ ﺋﻨﺪﮦ ﻧﮩﯿﮟ ﮐﺮﻭﮞ ﮔﺎ ﺍﻭﺭ ﺁﺋﻨﺪﮦ ﮐﺮﻟﻮﮞ ﺗﻮ ﭘﮭﺮ ﺳﮯ ﻣﻌﺎﻑ ﮐﺮﺩﯾﻨﺎ۔ ﮔﻨﺎﮦ ﺑﮭﯽ ﺗﻮ ﺍﯾﮏ ﺗﻌﻠﻖ ﮨﮯ ﻧﺎ ﻣﯿﺮﮮ ﷲ، ﺍﺳﺘﻐﻔﺎﺭ ﺑﮭﯽ ﺗﻮ ﺍﯾﮏ ﺗﻌﻠﻖ ﮨﮯ ﻧﺎ ﻣﯿﺮﮮ ﺁﻗﺎ، ﯾﮧ ﺭﻭﺗﺎ، ﭘﯿﭩﺘﺎ، ﮔﺮﺗﺎ، ﭘﮍﺗﺎ ﺑﻨﺪﮦ ﺑﮭﯽ ﺗﻮ ﺗﯿﺮﺍ ﮨﮯ ﻧﺎ ﻣﯿﺮﮮ ﷲ۔ ﺧﯿﺎﻝ ﺭﮐﮭﻨﺎ ﻣﯿﺮﮮ ﻣﺎﻟﮏ، ﻧﺎ ﻓﺮﻣﺎﻥ ﮨﻮﮞ ﻣﮕﺮ ﮨﻮﮞ ﺗﯿﺮﮮ ﺩﺭ ﮐﺎ، ﺗﯿﺮﯼ ﮨﯽ ﻧﺎﻓﺮﻣﺎﻧﯽ ﮨﻮﺟﺎﺗﯽ ﮨﮯ ﮐﺴﯽ ﺍﻭﺭ ﮐﯽ ﻧﮩﯿﮟ۔
ﺍﮮ ﷲ، ﻣﯿﮟ ﺩِﻥ ﮐﮯ ﺍﺟﺎﻟﮯ ﻣﯿﮟ ﻏﺮﻭﺭ ﮐﺮﺗﺎ ﮨﻮﮞ ﺍﻭﺭ ﺭﺍﺕ ﮐﯽ ﺗﺎﺭﯾﮑﯿﻮﮞ ﻣﯿﮟ ﮔﻨﺎﮦ۔ ﻣﯿﮟ ﺗﻮ ﮐﺴﯽ ﭘﻞ ﺑﮭﯽ ﺗﯿﺮﺍ ﻓﺮﻣﺎﻧﺒﺮﺩﺍﺭﻧﮧ ﺭﮨﺎ، ﻣﯿﮟ ﺗﻮ ﻣﺎﺭﺍ ﺟﺎﺅﮞ ﮔﺎ۔
ﺗﻮ ﻣﺠﮭﮯ ﻣﯿﺮﮮ ﮔﻨﺎﮨﻮﮞ ﭘﺮ ﻣﻌﺎﻑ ﻓﺮﻣﺎ،
ﺗﻮ ﻣﺠﮭﮯ ﻣﯿﺮﮮ ﻧﯿﮑﯿﻮﮞ ﭘﺮ ﺑﮭﯽ ﻣﻌﺎﻑ ﮐﺮﺩﮮ۔
ﺁﺋﻨﺪﮦ ﻏﻠﻂ ﺑﺎﺕ ﻧﮩﯿﮟ ﮐﺮﻭﮞ ﮔﺎ۔
ﻣﻦ ﺟﺎ ﻣﯿﺮﮮ ﺭﺑّﺎ، ﻣﻦ ﺟﺎ ﻣﯿﺮﮮ ﺭﺑّﺎ۔ ”
* ۔۔۔ * ۔۔۔ *
ﻋﺒﺪﷲ ﮐﯽ ﺯﻧﺪﮔﯽ ﻟﺸﺘﻢ ﭘﺸﺘﻢ ﮔﺰﺭ ﺭﮨﯽ ﺗﮭﯽ۔ ﻣﺠﻤﻮﻋﯽ ﻃﻮﺭ ﭘﺮ ﻭﮦ ﻟﮑﮭﻨﮯ ﭘﮍﮬﻨﮯ ﺩﺭﺱ ﻭ ﺗﺪﺭﯾﺲ ﺍﻭﺭ ﺳﻮﭼﻨﮯ ﻣﯿﮟ ﮨﯽ ﻣﺼﺮﻭﻑ ﮨﻮﺗﺎ ﺍﻭﺭ ﺍﮔﺮ ﮐﭽﮫ ﭨﺎﺋﻢ ﺑﭻ ﺟﺎﺗﺎ ﺗﻮ ﮐﻮﺋﯽ ﻧﮧ ﮐﻮﺋﯽ ﻭﺍﻗﻌﮧ ﺍُﺳﮯ ﺗﻤﺎﻡ ﺩِﻥ ﺗﮏ ﻣﺤﻮ ﺭﮐﮭﺘﺎ۔
ﻋﺒﺪﷲ ﮐﻮ ﻣﻠﮏ ﮐﯽ ﺳﺐ ﺳﮯ ﺑﮍﯼ ﮈﯾﻔﻨﺲ ﯾﻮﻧﯿﻮﺭﺳﭩﯽ ﺳﮯ ﺍﯾﮏ ﺑﮩﺖ ﺍﮨﻢ ﮐﻮﺭﺱ ﮐﺮﻧﮯ ﮐﺎ ﺩﻋﻮﺕ ﻧﺎﻣﮧ ﻣِﻼ، ﺟِﺴﮯ ﺍُﺱ ﻧﮯ ﺑﺨﻮﺷﯽ ﻗﺒﻮﻝ ﮐﺮﻟﯿﺎ۔ ﮐﭽﮫ ﮨﯽ ﮨﻔﺘﻮﮞ ﮐﮯ ﺍﺱ ﮐﻮﺭﺱ ﻣﯿﮟ ﻋﺒﺪﷲ ﮐﻮ ﻣﻠﮏ ﮐﯽ ﺗﻤﺎﻡ ﺩﻓﺎﻋﯽ ﺗﻨﺼﯿﺒﺎﺕ ﺩﯾﮑﮭﻨﮯ ﮐﺎ ﻣﻮﻗﻊ ﻣﻼ، ﺗﻤﺎﻡ ﺩِﻓﺎﻋﯽ ﺍﺩﺍﺭﻭﮞ ﺍﻭﺭ ﺳِﻮﻝ ﮔﻮﺭﻧﻤﻨﭧ ﮐﮯ ﺣﮑّﺎﻡ ﺳﮯ ﻣﻼ، ﭼﺎﺭﻭﮞ ﻭﺯﺭﺍﺋﮯ ﺍﻋﻠﯽٰ ﺳﮯ ﻣﻼﻗﺎﺕ ﮨﻮﺋﯽ ﺍﻭﺭ ﻭﻃﻦِ ﻋﺰﯾﺰ ﮐﮯ ﺗﻤﺎﻡ ﺻﻮﺑﻮﮞ ﺍﻭﺭ ﻗﺒﺎﺋﻠﯽ ﻋﻼﻗﮧ ﺟﺎﺕ ﻣﯿﮟ ﺭﮨﻨﮯ ﮐﺎ ﻣﻮﻗﻌﮧ ﻣِﻼ۔ ﻋﺒﺪﷲ ﻧﮯ ﺟﺘﻨﺎ ﭘﺎﮐﺴﺘﺎﻥ ﮐﻮ ﺍِﻥ ﭼﻨﺪ ﮨﻔﺘﻮﮞ ﻣﯿﮟ ﺟﺎﻧﺎ ﺍﺗﻨﺎ ﮐﺒﮭﯽ ﻧﮧ ﺟﺎﻧﺎ ﺗﮭﺎ۔ ﺍﺳﮯ ﺷﺪﺕ ﺳﮯ ﺍﺱ ﺑﺎﺕ ﮐﺎ ﺍﺣﺴﺎﺱ ﮨﻮ ﺍ ﮐﮧ ﻭﻃﻦِ ﻋﺰﯾﺰ ﻣﯿﮟ ﮐﺴﯽ ﭼﯿﺰ ﮐﯽ ﮐﻤﯽ ﻧﮩﯿﮟ ﮨﮯ۔
ﺑﻐﯿﺮ ﺍﻋﻠﯽٰ ﺗﻌﻠﯿﻢ ﮐﮯ، ﺑﻐﯿﺮ ﺯﻧﺪﮔﯽ ﮐﯽ ﺑﻨﯿﺎﺩﯼ ﺳﮩﻮﻟﺘﻮﮞ ﮐﮯ ﺑﮭﯽ ﺍﮔﺮ ﯾﮧ ﻗﻮﻡ ﯾﮧ ﺳﺐ ﮐﭽﮫ ﮐﺮﺳﮑﺘﯽ ﮨﮯ۔ ﻧﯿﻮ ﮐﻠﺌﯿﺮ ﭘﺎﻭﺭ ﺑﻦ ﺳﮑﺘﯽ ﮨﮯ، ﮨﺮ ﭼﮭﭩﮯ ﺭﻭﺯ ﺍﯾﮏ ﺧﻮﺩ ﮐﺶ ﺣﻤﻠﮯ ﺍﻭﺭ ﮨﺮ ﭼﮭﭩﮯ ﺭﻭﺯ ﮈﺭﻭﻥ ﺣﻤﻠﮯ ﻣﯿﮟ ﻣﺮﻧﮯ ﮐﮯ ﺑﺎﻭﺟﻮﺩ ﺯﻧﺪﮦ ﺭﮦ ﺳﮑﺘﯽ ﮨﮯ ﺗﻮ ﻭﮦ ﮐﯿﺎ ﭼﯿﺰ ﮨﮯ ﺟﻮ ﯾﮧ ﻧﮩﯿﮟ ﮐﺮ ﺳﮑﺘﯽ۔
ﺍﮔﺮ ﺑﻨﺪﮦ ﮨﻤﺖ ﮐﺮﮮ ﺍﻭﺭ ﻣﺤﻨﺖ ﮐﺮﮮ ﺗﻮ ﻧﺒﻮﺕ ﮐﮯ ﻋﻼﻭﮦ ﻭﮦ ﮐﻮﻧﺴﺎﺍﯾﺴﺎ ﻣﻘﺎﻡ ﮨﮯ ﺟﻮ ﺣﺎﺻﻞ ﻧﮧ ﮐﯿﺎ ﺟﺎﺳﮑﮯ۔ ﺳُﭙﺮ ﭘﺎﻭﺭ ﺑﻨﻨﮯ ﺳﮯ ﺧُﺪﺍ ﮐﯽ ﻭﻻﯾﺖ ﺍﻭﺭ ﺩﻭﺳﺘﯽ ﺗﮏ ﺳﺐ ﮨﻤﺖ ﻭ ﺍُﻣﯿﺪ ﮐﮯ ﮨﯽ ﺗﻮ ﻣﺮﮨﻮﻥِ ﻣﻨّﺖ ﮨﯿﮟ ﺍﻭﺭ ﺳﺐ ﺳﮯ ﺑﮍﺍ ﻇﻠﻢ ﺟﻮ ﺍِﺱ ﻗﻮﻡ ﭘﺮ ﮨﻮﺍ ﻭﮦ ﺍُﻣﯿﺪ ﮐﯽ ﻏﺮﺑﺖ ﮨﮯ، ﻧﺎ ﺍُﻣﯿﺪﯼ ﮐﺎ ﯾﻘﯿﻦ ﮨﮯ۔ ﺍﻧﺪﮬﯿﺮﮮ ﮐﯽ ﻧﻮﯾﺪ ﮨﮯ ﺟﻮ ﮨﻤﺎﺭﮮ ﭨﯽ ﻭﯼ ﭼﯿﻨﻠﺰ ﮨﻤﺎﺭﮮ ﺟﻮﺍﻧﻮﮞ ﮐﯽ ﺭﮔﻮﮞ ﻣﯿﮟ ﮨﺮ ﺭﻭﺯ ﻧﺸﮯ ﮐﯽ ﻃﺮﺡ ﺍُﺗﺎﺭ ﺭﮨﮯ ﮨﯿﮟ۔ ﭘﮩﻠﮯ ﮐﻮﺋﯽ ﺳﻮﭼﺘﺎ ﺗﮭﺎ ﮐﮧ ﺍﯾﺴﮯ ﺑﻮﻟﯿﮟ ﮔﮯ ﺗﻮ ﮐﻮﺋﯽ ﮐﯿﺎ ﮐﮩﮯ ﮔﺎ، ﺟﺐ ﺳﮯ ﻣﯿﮉﯾﺎ ﺁﺯﺍﺩ ﮨﻮﺍ ﮨﮯ ﻭﮦ ﮐﻮﺋﯽ ﺑﮭﯽ ﻣﺮﮔﺌﯽ۔ ﮨﻤﺎﺭﮮ ﻣﻠﮏ ﻣﯿﮟ ﻟﻮﮒ ﺯﻧﺪﮔﯽ ﮐﮯ ﺧﻮﺍﺏ ﺩﯾﮑﮭﺘﮯ ﮨﯿﮟ، ﺑﺎﮨﺮ ﻭﺍﻟﮯ ﺧﻮﺍﺑﻮﮞ ﮐﯽ ﺯﻧﺪﮔﯽ ﮔﺬﺍﺭﺗﮯ ﮨﯿﮟ، ﺍﻭﺭ ﺍﺏ ﺗﻮ ﺧﻮﺍﺏ ﺩﯾﮑﮭﻨﮯ ﻭﺍﻟﮯ ﺑﮭﯽ ﮐﻢ ﮨﯽ ﺭﮦ ﮔﺌﮯ ﮨﯿﮟ۔ ﻣﮩﻨﮕﮯ ﺧﻮﺍﺏ ﺩﯾﮑﮭﻨﮯ ﮐﮯ ﻟﺌﮯ ﺁﻧﮑﮭﯿﮟ ﺑﯿﭽﻨﺎ ﭘﮍﺗﯽ ﮨﯿﮟ، ﺩﻥ ﻭ ﺭﺍﺕ ﺍﯾﮏ ﮐﺮﻧﮯ ﭘﮍﺗﮯ ﮨﯿﮟ، ﭘّﺘﮧ ﻣﺎﺭﯼ ﮐﯽ ﻣﺤﻨﺖ ﮨﻮﺗﯽ ﮨﮯ، ﻣﮕﺮ ﺟﻮ ﻟﻮﮒ ﮨﻤﺖ ﻧﮩﯿﮟ ﮐﺮﺗﮯ ﻭﮦ ﭘﮭﺮ ﮐﺮﺍﻣﺎﺕ / ﻣﻌﺠﺰﺍﺕ ﮐﺎ ﺍﻧﺘﻈﺎﺭ ﮐﺮﺗﮯ ﮨﯿﮟ ﺍﻭﺭ ﺍﻧﺘﻈﺎﺭ ﮐﺮﺗﮯ ﮐﺮﺗﮯ ﻓﻨﺎ ﮨﻮﺟﺎﺗﮯ ﮨﯿﮟ۔
ﻋﺒﺪﷲ ﺁﺝ ﺳﻮﭼﻨﮯ ﻟﮕﺎ ﮐﮧ ﮨﻤﺎﺭﮮ ﻣﻠﮏ، ﮨﻤﺎﺭﮮ ﻣﻌﺎﺷﺮﮮ ﮐﺎ ﺍﮔﺮ ﮐﻮﺋﯽ ﺗﺠﺰﯾﮧ ﮐﺮﮮ ﯾﺎ ﺗﺎﺭﯾﺦ ﻟﮑﮭﮯ ﺗﻮ ﻭﮦ ﮐﯿﺎ ﻟﮑﮭﮯ ﮔﺎ، ﺷﺎﯾﺪ ﻭﮦ ﻟﮑﮭﮯ ﮐﮧ ﯾﮧ ﺍﯾﮏ ﺍﯾﺴﺎ ﻣﻌﺎﺷﺮﮦ ﺗﮭﺎ،ﺟِﺲ ﻣﯿﮟ ﺗﺮﯼ ﺑﺎﻗﯽ ﺗﮭﯽ، ﺟﺲ ﻣﯿﮟ ﺍﯾﻤﺎﻥ ﮐﯽ ﺭﻣﻖ ﻣﻮﺟﻮﺩ ﺗﮭﯽ، ﺟﺲ ﻣﯿﮟ ﺩﯾﻦ ﮐﯽ ﭼﻨﮕﺎﺭﯼ ﭘﻨﮩﺎﮞ ﺗﮭﯽ۔ ﺍﯾﮏ ﺍﯾﺴﯽ ﻗﻮﻡ ﺗﮭﯽ ﺟﻮ ﺭﻭﺯ ﻣﺮﺗﯽ ﺗﮭﯽ ﻣﮕﺮ ﺟﯿﻨﺎ ﻧﮩﯿﮟ ﭼﮭﻮﮌﺗﯽ ﺗﮭﯽ، ﺟﻮ ﻟﭩﺎﻧﮯ ﭘﺮ ﺁﺋﮯ ﺗﻮ ﺳﺐ ﮐﭽﮫ ﻟﭩﺎ ﺩﯾﺘﯽ ﺗﮭﯽ، ﺟﻮ ﺟﯿﺘﺘﯽ ﺗﮭﯽ ﺗﻮ ﺑﭽﻮﮞ ﮐﯽ ﻃﺮﺡ ﮔﻠﯿﻮﮞ ﻣﯿﮟ ﺁﺟﺎﺗﯽ ﺗﮭﯽ۔ ﺟﻮ ﻧﺎﭼﺘﯽ ﺗﮭﯽ ﺗﻮ ﻣﻮﺳﻢ ﺑﺪﻝ ﺩﯾﺘﯽ ﺗﮭﯽ ﺍﻭﺭ ﺟﺐ ﺭﻭﺗﯽ ﺗﮭﯽ ﺗﻮ ﺁﺳﻤﺎﻧﻮﮞ ﮐﻮ ﺭُﻻ ﺩﯾﺘﯽ ﺗﮭﯽ، ﻣﮕﺮ ﺍﯾﮏ ﻗﻮﻡ ﺍﯾﺴﯽ ﺟﺲ ﻣﯿﮟ ﺷﺪﺕ ﺗﮭﯽ، ﻣﺤﺒﺖ ﻣﯿﮟ ﺑﮭﯽ ﺍﻭﺭ ﻧﻔﺮﺕ ﻣﯿﮟ ﺑﮭﯽ، ﺟﺲ ﮐﻮ ﮐﭽﮫ ﺩﯾﻨﮯ ﺍﻭﺭ ﺳﺐ ﮐﭽﮫ ﺩﯾﻨﮯ ﮐﺎ ﻓﻦ ﺁﺗﺎ ﺗﮭﺎ، ﺟﺲ ﮐﮯ ﺑﭽﮯ ﮐﺎﻧﮯ ﺍﻭﺭ ﺗﺨﺘﯽ ﺳﮯ ﭘﮍﮪ ﮐﮯ ﻧﮑﻠﮯ ﺍﻭﺭ ﺍﯾﭩﻢ ﺑﻢ ﺑﻨﺎ ﮈﺍﻻ، ﺟﻮ ﺑﻐﯿﺮ ﭼﮭﺖ ﮐﮯ ﺳﻮﺟﺎﺗﯽ ﺗﮭﯽ، ﺟﻮ ﺑﻨﺎ ﭘﯿﮯ ﺑﮭﯽ ﺳﯿﺮﺍﺏ ﺗﮭﯽ، ﺍﻭﺭ ﺟﻮ ﺍﯾﮏ ﺑﺎﺭ ﭨﮭﺎﻥ ﻟﮯ ﺍﺱ ﮐﻮ ﭘﻮﺭﺍ ﮐﺮﻧﮯ ﻣﯿﮟ ﭘﻮﺭﯼ ﮐﺎﺋﻨﺎﺕ ﺍﺱ ﮐﺎ ﺳﺎﺗﮫ ﺩﯾﺘﯽ ﺗﮭﯽ۔
ﻣﮕﺮ،
ﺍﺱ ﻗﻮﻡ ﮐﻮ ﺍﭘﻨﯽ ﻗﻮﺕ ﮐﺎ ﺍﻧﺪﺍﺯﮦ ﮨﯽ ﻧﮧ ﮨﻮﺍ، ﺍﺳﮯ ﻣﻌﻠﻮﻡ ﮨﯽ ﻧﮧ ﮨﻮﺳﮑﺎ ﮐﮧ ﻭﮦ ﮐﺲ ﺧﻤﯿﺮ ﮐﯽ ﻣﭩﯽ ﺳﮯ ﺑﻨﯽ ﮨﮯ، ﺍﺱ ﮐﻮ ﻟﻮﮔﻮﮞ ﻧﮯ، ﻟﯿﮉﺭﻭﮞ ﻧﮯ ﺍﭘﻨﯽ ﺍﭘﻨﯽ ﻣﻨﺸﺎﺀ ﮐﮯ ﻣﻄﺎﺑﻖ ﺑﺎﻧﭩﺎ ﺍﻭﺭ ﺗﻘﺴﯿﻢ ﮐﯿﺎ۔ ﺍﺱ ﻧﮯ ﺍﭘﻨﮯ ﻣﺤﺴﻨﻮﮞ ﮐﻮ ﺑﮭﻼ ﺩﯾﺎ ﺍﻭﺭ ﻧﺠﺎﺕ ﺩﮨﻨﺪﮦ ﮐﻮ ﺭﺩ ﮐﺮ ﺩﯾﺎ۔ ﺍﺱ ﻧﮯ ﺍﭘﻨﮯ ﺩﯾﻦ ﮐﻮ ﺑﮭﻼ ﺩﯾﺎ، ﺍﭘﻨﮯ ﺍﯾﻤﺎﻥ ﮐﻮ ﺑﯿﭻ ﺩﯾﺎ ﺍﻭﺭ ﺍﭘﻨﮯ ﺍﻭﭘﺮ ﭘﮍﮬﻨﺎ ﻟﮑﮭﻨﺎ ﺍﻭﺭ ﺳﭻ ﺑﻮﻟﻨﺎ ﺣﺮﺍﻡ ﮐﺮ ﻟﯿﺎ۔
ﭘﺎﮐﺴﺘﺎﻧﯽ ﺑﮭﯽ ﻋﺠﯿﺐ ﻗﻮﻡ ﮨﮯ ﯾﮧ ﺑﯿﮏ ﻭﻗﺖ ﻇﺎﻟﻢ ﺑﮭﯽ ﮨﮯ ﺍﻭﺭ ﻣﻈﻠﻮﻡ ﺑﮭﯽ ﮨﮯ، ﮨﺮ ﺷﺨﺺ ﺍﭘﻨﮯ ﭘﮧ ﮨﻮﻧﮯ ﻭﺍﻟﮯ ﻣﻈﺎﻟﻢ ﮐﯽ ﺩﺍﺳﺘﺎﻥ ﺳُﻨﺎﺗﺎ ﮨﮯ، ﻣﮕﺮ ﺟﺐ ﺟﮩﺎﮞ ﻣﻮﻗﻊ ﻣﻠﺘﺎ ﮨﮯ ﺍﭘﻨﮯ ﺳﮯ ﮐﻤﺰﻭﺭ ﮐﻮ ﭘﯿﺲ ﺩﯾﺘﺎ ﮨﮯ ﺍﻭﺭ ﮐﻮﺋﯽ ﺭﻋﺎﯾﺖ ﻧﮩﯿﮟ ﭼﮭﻮﮌﺗﺎ، ﭘﺮﺩﮮ ﮐﮯ ﮨﻠﻨﮯ ﺳﮯ ﮈﺭﻧﮯ ﻭﺍﻻ ﻣﺴﻠﻤﺎﻥ ﷲ ﺳﮯ ﻧﮩﯿﮟ ﮈﺭﺗﺎ ﺍﻭﺭ ﺍﺱ ﻣﻠﮏ ﻣﯿﮟ ﻟﻮﮈ ﺷﯿﮉﻧﮓ ﺑﮭﯽ ﺑﮩﺖ ﮨﮯ۔ ﺻﺮﻑ ﺑﺠﻠﯽ ﮐﯽ ﮨﯽ ﻧﮩﯿﮟ ﮐﮧ ﺑﻠﺐ ﺑﺠﮫ ﮔﺌﮯ ﮨﯿﮟ، ﺧﺎﻧﻘﺎﻭﮞ ﻣﯿﮟ ﭼﺮﺍﻍ ﺑﮭﯽ ﺑﺠﮫ ﮔﺌﮯ ﮨﯿﮟ، ﻣﺴﺠﺪﻭﮞ ﮐﯽ ﺭﻭﻧﻖ ﺑﮭﯽ ﺑﺠﮫ ﮔﺌﯽ ﮨﮯ، ﺑﭽﻮﮞ ﮐﮯ ﭼﮩﺮﮮ ﺑﮭﯽ ﺑﺠﮫ ﮔﺌﮯ ﮨﯿﮟ ﺍُﻣﯿﺪﻭﮞ ﮐﯽ ﺷﻤﻊ ﺑﮭﯽ ﮔﻞ ﮨﻮﮔﺌﯽ ﮨﮯ، ﺳﺘﺎﺭﻭﮞ ﮐﯽ ﭼﻤﮏ ﺑﮭﯽ ﻣﺎﻧﺪ ﭘﮍﮔﺌﯽ ﮨﮯ، ﭼﺎﻧﺪ ﮐﺎ ﺣُﺴﻦ ﺑﮭﯽ ﺯﺍﺋﻞ ﮨﻮﮔﯿﺎ ﮨﮯ۔ ﻣﻨﺒﺮ ﻭ ﻣﺤﺮﺍﺏ ﺑﮭﯽ ﺧﺎﻣﻮﺵ ﮨﯿﮟ ﺍﻟﻐﺮﺽ ﻧﺼﯿﺒﻮﮞ ﮐﯽ ﻟﻮﮈ ﺷﯿﮉﻧﮓ ﮨﻮﮔﺌﯽ ﮨﮯ۔
ﯾﮧ ﻗﻮﻡ ﻋﻠﻢ ﺳﮯ ﺍﯾﺴﮯ ﻣﺘﻨﻔﺮ ﮨﻮﺋﯽ، ﺍﯾﺴﯽ ﺑﮯ ﺗﻮﻓﯿﻖ ﮨﻮﺋﯽ ﮐﮧ ﮐﻮﺋﯽ ﻣﮩﯿﻨﮯ ﻣﯿﮟ 5 ﮨﺰﺍﺭ ﺻﻔﺤﺎﺕ ﺑﮭﯽ ﻧﮩﯿﮟ ﭘﮍﮬﺘﺎ، ﺻﺮﻑ ﻭﮦ ﻋﻠﻢ ﺣﺎﺻﻞ ﮐﺮﻧﺎ ﭼﺎﮨﺘﯽ ﮨﮯ ﺟﺲ ﺳﮯ ﭘﯿﺴﮧ ﮐﻤﺎ ﺳﮑﮯ، ﻣﻌﺎﺷﯽ ﺣﯿﻮﺍﻥ ﺑﻦ ﺟﺎﺋﮯ ﻣﮕﺮ ﮐﺎﺵ ﭘﯿﺴﮧ ﮨﯽ ﮐﻤﺎﻟﯿﺎ ﮨﻮﺗﺎ، ﻭﮦ ﺑﮭﯽ ﮐﮩﺎﮞ ﮐﻤﺎﯾﺎ؟
ﻣﺆﺭﺥ ﻟﮑﮭﮯ ﮔﺎ ﮐﮧ ﺟﺲ ﻗﻮﻡ ﮐﻮ ﺍﭘﻨﮯ ﭘﯿﭽﮭﮯ ﺍﺩﺍﺭﮮ، ﺍﻓﺮﺍﺩ، ﺍﻭﺭ ﻣﻨﺼﻮﺑﮯ ﭼﮭﻮﮌ ﮐﮯ ﺟﺎﻧﮯ ﺗﮭﮯ ﻭﮦ ﭘﻼﭨﺲ ﺍﻭﺭ ﺷﺎﭘﻨﮓ ﭘﻼﺯﮮ ﭼﮭﻮﮌ ﮔﺌﯽ۔ ﻣﺆﺭﺥ ﻟﮑﮭﮯ ﮔﺎ ﺟﺲ ﻗﻮﻡ ﻧﮯ ﺭﻭﭨﯽ ﺍﺱ ﻟﺌﮯ ﮐﮭﺎﻧﯽ ﺗﮭﯽ ﮐﮧ ﺭﺯﺍﻕ ﮐﺎ ﺷﮑﺮ ﺍﺩﺍ ﮐﺮﺳﮑﮯ، ﺭﻭﭨﯽ ﺍُﺱ ﻗﻮﻡ ﮐﻮ ﮐﮭﺎ ﮔﺌﯽ۔ ﻣﺆﺭﺥ ﻟﮑﮭﮯ ﮔﺎ ﺍﯾﮏ ﺍﯾﺴﯽ ﻗﻮﻡ ﺗﮭﯽ ﺟﻮ ﻓﻄﺮﺕ ﺳﮯ ﭨﮑﺮﺍ ﮔﺌﯽ ﺍﻭﺭ ﭘﮭﺮ ﻓﻄﺮﺕ ﻧﮯ ﺍُﺳﮯ ﭘﭽﮭﺎﮌ ﺩﯾﺎ۔ ﻣﺆﺭﺥ ﻟﮑﮭﮯ ﮔﺎ ﮐﮧ ﺟﺘﻨﺎ ﭼﮭﭙﺎ ﮐﮯ ﮔﻨﺎﮦ ﮐﺮﺗﯽ ﺗﮭﯽ ﺍﺗﻨﺎ ﭼﮭﭙﺎ ﮐﮯ ﻧﯿﮑﯿﺎﮞ ﮐﺮﮔﺌﯽ ﮨﻮﺗﯽ ﺗﻮ ﺳُﺮﺧﺮﻭ ﮨﻮﺟﺎﺗﯽ، ﺍﻭﺭ ﺷﺎﯾﺪ ﯾﮧ ﺑﮭﯽ ﻟﮑﮭﮯ ﮐﮧ ﺟﺲ ﺍﺳﻼﻡ ﮐﮯ ﻧﺎﻡ ﭘﺮ ﻣﻠﮏ ﻟﯿﺎ، ﺍﺳﯽ ﺍﺳﻼﻡ ﮐﻮ ﺍﺳﯽ ﻣﻠﮏ ﻣﯿﮟ ﺳﺐ ﺳﮯ ﺯﯾﺎﺩﮦ ﻧﻈﺮ ﺍﻧﺪﺍﺯ ﮐﯿﺎ۔
ﺍﯾﮏ ﺍﯾﺴﯽ ﻗﻮﻡ ﺟﺴﮯ ﻏﻼﻣﯽ ﺳﮯ ﻋﺸﻖ ﺗﮭﺎ، ﺟﺲ ﻧﮯ ﭘﻼﻧﻨﮓ ﮐﺎ ﺳﺎﺭﺍ ﮐﺎﻡ ﺍﭘﻨﮯ ﺁﻗﺎﺅﮞ ﮐﮯ ﺳﭙﺮﺩ ﮐﺮ ﺩﯾﺎ ﺗﮭﺎ ﮐﮧ ﻏﻼﻡ ﭘﻼﻧﻨﮓ ﺗﮭﻮﮌﺍ ﮨﯽ ﮐﺮﺗﺎ ﮨﮯ، ﺟﺲ ﮐﺎ ﺭﯾﺸﮧ ﺭﯾﺸﮧ ﻏﻼﻡ ﺗﮭﺎ، ﺟﺴﮯ ﻏﻼﻣﯽ ﺍﭼﮭﯽ ﻟﮕﻨﮯ ﻟﮕﯽ ﺗﮭﯽ، ﺟﺴﮯﻏﻼﻣﯽ ﺳﮯ ﻣﺤﺒﺖ ﮨﻮﮔﺌﯽ ﺗﮭﯽ، ﺟﺴﮑﯽ ﺭﮒ ﻭ ﭘﮯ ﻣﯿﮟ ﻏﻼﻣﯽ ﺳﺮﺍﯾﺖ ﮐﺮ ﮔﺌﯽ ﺗﮭﯽ، ﺟﺲ ﮐﺎ ﻣﺰﺍﺝ ﻏﻼﻣﺎﻧﮧ ﺑﻦ ﮔﯿﺎ ﺗﮭﺎ۔ ﺟﮩﺎﮞ ﻏﻼﻣﯽ ﮐﮯ ﺑﻐﯿﺮ ﺟﯿﻨﺎ ﻣﺸﮑﻞ ﺗﮭﺎ، ﺟﮩﺎﮞ ﺁﺯﺍﺩ ﺑﻨﺪﻭﮞ ﮐﺎ ﺳﺎﻧﺲ ﺭﮎ ﺟﺎﺗﺎ ﺗﮭﺎ ﯾﺎ ﺭﻭﮎ ﺩﯾﺎ ﺟﺎﺗﺎ ﺗﮭﺎ۔ ﺍﯾﮏ ﺍﯾﺴﯽ ﻗﻮﻡ ﺟﻮ ﻧﺎﺩﯾﺪﻧﯽ ﺯﻧﺠﯿﺮﻭﮞ ﻣﯿﮟ ﺟﮑﮍ ﺩﯼ ﮔﺌﯽ، ﺟﺴﮯ ﺷﮏ ﮐﯽ ﻭﺍﺩﯼ ﻣﯿﮟ ﮨﺎﻧﮏ ﺩﯾﺎ ﮔﯿﺎ، ﺟﺲ ﻣﯿﮟ ﺍﻋﺘﻤﺎﺩ ﻧﮧ ﺭﮨﺎ ﺍﻭﺭ ﺟﺐ ﺍﻋﺘﻤﺎﺩ ﻧﮧ ﺭﮨﮯ ﺗﻮ ﮐﯿﺴﮯ ﮐﻮﺋﯽ ﭘﮩﺎﮌﻭﮞ ﮐﺎ ﺳﯿﻨﮧ ﭼﺎﮎ ﮐﺮﮮ ﺍﻭﺭﮐﯿﺴﮯ ﮐﻮﺋﯽ ﮐﺎﺋﻨﺎﺕ ﮐﻮ ﻣﺴﺨﺮ ﮐﺮﮮ۔
ﻣﻮﺭﺥ ﺷﺎﯾﺪ ﯾﮧ ﺑﮭﯽ ﻟﮑﮭﮯ ﮐﮧ ﺍﺱ ﻗﻮﻡ ﻧﮯ ﺧﻮﺩ ﻣﺤﻨﺖ ﻧﮧ ﮐﯽ ﺑﻠﮑﮧ ﺑﯿﺎ ﮐﺎ ﮔﮭﺮ ﺑﮭﯽ ﺗﻮﮌ ﺩﯾﺎ، ﺟﺲ ﻧﮯ ﮐﻢ ﻇﺮﻓﻮﮞ ﮐﻮ ﺩﯾﻦ ﮐﯽ ﺗﻌﻠﯿﻢ ﺩﮮ ﺩﯼ ﺍﻭﺭ ﺑﺪﻋﻘﻠﻮﮞ ﮐﻮ ﺩﻧﯿﺎ ﮐﯽ، ﯾﮩﺎﮞ ﺑﮭﻨﻮﺭﮮ ﻣﯿﮟ ﭘﻠﮯ ﮨﻮﺋﮯ ﻟﻮﮔﻮﮞ ﮐﻮ ﺣﮑﻮﻣﺖ ﻣﻠﯽ ﺟﻨﮩﯿﮟ ﺧﺒﺮ ﮨﯽ ﻧﮧ ﮨﻮﺋﯽ ﮐﮧ ﮐﺴﯽ ﺍﻭﺭ ﮐﺎ ﺳﭻ ﺑﮭﯽ ﺳﭻ ﮨﻮﺳﮑﺘﺎ ﮨﮯ۔ ﺍﯾﮏ ﺍﯾﺴﺎ ﻣﻠﮏ ﺗﮭﺎ ﺟﮩﺎﮞ ﻏﺮﯾﺐ، ﮐﺴﻤﭙﺮﺳﯽ ﮐﯽ ﺣﺎﻟﺖ ﻣﯿﮟ ﮐﻢ ﻇﺮﻑ ﮐﮯ ﺁﮔﮯ ﮨﺎﺗﮫ ﭘﮭﯿﻼﻧﮯ ﭘﺮ ﻣﺠﺒﻮﺭ ﮨﮯ، ﺟﮩﺎﮞ ﮨﺮ ﮐﺎﻡ ﮐﮯ ﻟﺌﮯ ﻏﺮﯾﺐ ﮐﻮ ﺩﻥ ﻣﯿﮟ ﮨﺰﺍﺭﻭﮞ ﺳﺠﺪﮮ ﮐﺮﻧﮯ ﭘﮍﺗﮯ ﺗﮭﮯ، ﺟﮩﺎﮞ ﺳﭻ ﺑﻮﻟﻨﮯ ﮐﯽ ﺯﮐﻮٰۃ ﺗﻨﮩﺎﺋﯽ ﺗﮭﯽ، ﺟﮩﺎﮞ ﭨﮭﻨﮉﮮ ﻣﺰﺍﺝ ﻟﻮﮔﻮﮞ ﮐﻮ ﺑﮯﻏﯿﺮﺕ ﮐﮩﺎ ﺟﺎﺗﺎ ﺗﮭﺎ، ﺟﮩﺎﮞ ﮔﻨﺎﮦ ﺗﮑﺮﺍﺭ ﮐﮯ ﺑﺎﻋﺚ ﻋﺎﺩﺕ ﺑﻦ ﭼﮑﮯ ﺗﮭﮯ۔ ﺟﮩﺎﮞ ﻋﻠﻢ ﺑﻐﯿﺮ ﺗﺰﮐﯿﮯ ﮐﮯ ﭘﮭﯿﻼ ﺍﻭﺭ ﺟﮩﺎﮞ ﺫﮐﺮ ﺑﻐﯿﺮﻋﻠﻢ ﮐﮯ ﭘﺮﻭﺍﻥ ﭼﮍﮬﺎ، ﺍﯾﮏ ﺍﯾﺴﯽ ﻗﻮﻡ ﺟﺴﮯ ﺑﮯ ﻭﻗﻮﻓﯽ ﺍﻭﺭ ﺣُﺴﻦِ ﻇﻦ ﻣﯿﮟ ﻓﺮﻕ ﮨﯽ ﭘﺘﮧ ﻧﮧ ﭼﻞ ﺳﮑﺎ، ﺍﻭﺭ ﺍﯾﮏ ﺍﯾﺴﯽ ﻗﻮﻡ ﺟﻮ ﺳﻮﺍ ﺳﻮ ﺳﺎﻟﻮﮞ ﺳﮯ ﺗﺼﻮﯾﺮ ﮐﮯ ﺟﺎﺋﺰ ﯾﺎ ﻧﺎﺟﺎﺋﺰ ﮨﻮﻧﮯ ﮐﺎ ﻓﯿﺼﻠﮧ ﮨﯽ ﻧﮧ ﮐﺮﺳﮑﯽ، ﺍﯾﮏ ﺍﯾﺴﯽ ﻗﻮﻡ ﺟﺴﮯ ﷲ 67 ﺳﺎﻟﻮﮞ ﺳﮯ ﺩﺭﮔﺬﺭ ﮐﺮﺗﺎ ﭼﻼ ﺁﯾﺎ، ﺟﺲ ﮐﮯ ﺳﺎﺗﮫ ﻣﺎﻟﮏِ ﮐُﻞ ﻧِﺒﺎﮦ ﮐﺮﺗﺎ ﭼﻼ ﺁﯾﺎ ﻣﮕﺮ ﺍﺱ ﻧﮯ ﻧﺒﺎﮦ ﻧﮧ ﮐﯽ۔
ﻣﻮﺭﺥ ﺷﺎﯾﺪ ﯾﮧ ﺑﮭﯽ ﻟﮑﮭﮯ ﮐﮧ ﺍﺱ ﻗﻮﻡ ﻧﮯ ﺍﯾﮏ ﺑﭽﯽ ﮐﮯ ﺳﺮ ﻣﯿﮟ ﮔﻮﻟﯽ ﻣﺎﺭﯼ ﺗﮭﯽ ﺍﻭﺭ ﺍﺱ ﮐﺎ ﻋﻼﺝ ﺗﮏ ﻧﮧ ﮐﺮﺳﮑﯽ ﺍﻭﺭ ﺟﺐ ﺍﺱ ﻧﮯ ﻣﻠﮏ ﺳﮯ ﺑﺎﮨﺮ ﺟﺎ ﮐﮯ ﮐﺘﺎﺏ ﻟﮑﮭﯽ ﺗﻮ ﭘﻮﺭﮮ ﻣﻠﮏ ﻧﮯ ﮐﻔﺮ ﮐﮯ ﻓﺘﻮﮮ ﻟﮕﺎ ﺩﯾﺌﮯ ﻣﮕﺮ ﮐﺴﯽ ﺍﯾﮏ ﺑﭽﯽ ﮐﻮ ﺗﻌﻠﯿﻢ ﯾﺎ ﺯﻧﺪﮔﯽ ﮐﯽ ﮔﺎﺭﻧﭩﯽ ﻧﮧ ﺩﯼ۔ ﺍﯾﮏ ﺍﯾﺴﯽ ﻗﻮﻡ ﺟﻮ، ﺍﺳﮑﻮﻟﻮﮞ ﮐﻮ ﺑﻤﻮﮞ ﺳﮯ ﺍُﮌﺍ ﺩﯾﺎ ﮐﺮﺗﯽ ﺗﮭﯽ ﺍﻭﺭ ﺟﮩﺎﮞ ﻋﺎﻟﻢ ﭘﮍﮬﺎﺋﯽ ﮐﻮ ﺑﮯﻏﯿﺮﺗﯽ ﮐﯽ ﻭﺟﮧ ﺑﺘﺎﺗﮯ ﺗﮭﮯ، ﺍﯾﮏ ﺍﯾﺴﯽ ﻗﻮﻡ ﺟﮩﺎﮞ ﺟﮭﻮﭦ ﮐﯽ ﺑﯿﺴﯿﻮﮞ ﻗﺴﻤﯿﮟ ﺗﮭﯿﮟ، ﯾﮩﺎﮞ ﺗﮏ ﮐﮧ ﺟﺲ ﺷﺨﺺ ﭘﮧ ﺗﮭﻮﮐﻨﮯ ﮐﻮ ﺩﻝ ﻧﮧ ﭼﺎﮨﮯ ﺍﺱ ﮐﯽ ﺑﮭﯽ ﺧﻮﺷﺎﻣﺪ ﮐﺮﯾﮟ۔
ﺍﯾﮏ ﻗﻮﻡ ﺟﺲ ﮐﻮ ﮐﮩﺎﻧﯿﺎﮞ ﺳﻨﺎﻧﮯ ﮐﺎ ﺷﻮﻕ ﺗﮭﺎ ﻣﮕﺮﻋﻤﻞ ﮐﺎ ﻧﮩﯿﮟ، ﺟﻮ ﺳﭽﯽ ﺑﺎﺕ ﺳﮯ ﻣﻨﮧ ﭘﮭﯿﺮﻟﯿﺘﯽ ﺗﮭﯽ ﺍﻭﺭ ﮐِﺒﺮ ﮐﺮﺗﯽ ﺗﮭﯽ، ﺟﮩﺎﮞ ﺣﻖ ﮔﻮﺋﯽ ﻗﺎﺑﻞِ ﺗﻌﺰﯾﺮ ﺟﺮﻡ ﺗﮭﺎ ﺍﻭﺭ ﺟﮭﻮﭦ ﺑﻮﻟﻨﮯ ﻭﺍﻟﻮﮞ ﮐﯽ ﺟﮯ ﺟﮯ ﮐﺎﺭ، ﺟﮩﺎﮞ ﻟﻮﮔﻮﮞ ﻧﮯ ﺑﻮﻟﻨﺎ ﺍِﺱ ﻟﺌﮯ ﺳﯿﮑﮭﺎ ﮐﮧ ﺑﺎﻗﯽ ﻟﻮﮔﻮﮞ ﮐﻮ ﺑﯿﻮﻗﻮﻑ ﺑﻨﺎﺳﮑﯿﮟ ﺍﻭﺭ ﺣﺪﯾﺚ ﮐﯽ ﺭﻭﺷﻨﯽ ﻣﯿﮟ ﻣﻠﻌﻮﻥ ﭨﮭﮩﺮﮮ۔
ﺍﯾﮏ ﺍﯾﺴﺎ ﻣﻠﮏ ﺟﮩﺎﮞ 5 ﮨﺰﺍﺭ ﺑﭽﮯ ﺳﺎﻻﻧﮧ ﻧﺎﻟﯿﻮﮞ ﺍﻭﺭ ﮐﭽﺮﮮ ﮐﮯ ﮈﺑّﻮﮞ ﻣﯿﮟ ﭘﮭﯿﻨﮏ ﺩﯾﺌﮯ ﺟﺎﺗﮯ ﮨﻮﮞ، 6 ﮨﺰﺍﺭ ﻗﺘﻞ ﮨﻮﺟﺎﺗﮯ ﮨﻮﮞ، 10 ﻻﮐﮫ FIR ﮐﭩﺘﯽ ﮨﻮﮞ، 1500 ﺑﭽﯿﻮﮞ ﮐﮯ ﺳﺎﺗﮫ ﺯﻧﺎ ﺑﺎﻟﺠﺒﺮ ﮨﻮﺗﺎ ﮨﻮ، 80 ﮐﮯ ﺳﺎﺗﮫ ﺍﺟﺘﻤﺎﻋﯽ ﺯﯾﺎﺩﺗﯽ ﮨﻮﺟﺎﺗﯽ ﮨﻮ، ﻟﻮﮒ ﺑﭽﮯ ﺑﯿﭻ ﮐﮯ ﭘﯿﭧ ﺑﮭﺮﺗﮯ ﮨﻮﮞ ﺍﻭﺭ ﺍﯾﻤﺒﻮﻟﯿﻨﺲ ﻣﯿﮟ ﺍﻧﺘﻈﺎﺭ ﮐﺮﺗﺎ ﺑﯿﻤﺎﺭ، ﺻﺎﺣﺐ ﮐﮯ ﮔﺬﺭ ﺟﺎﻧﮯ ﺗﮏ ﻻﺵ ﺑﻦ ﺟﺎﺗﺎ ﮨﻮ۔
* ۔۔۔ * ۔۔۔ *
ﺁﺝ ﻋﺒﺪﷲ ﭘﮭﺮ ﻣﻔﺘﯽ ﺻﺎﺣﺐ ﮐﮯ ﺳﺎﻣﻨﮯ ﺑﯿﭩﮭﺎ ﮨﻮﺍ ﺗﮭﺎ، ﺍﭘﻨﮯ ﺳﻮﺍﻻﺕ ﮐﯽ ﻓﮩﺮﺳﺖ، ﮈﺍﺋﺮﯼ ﺍﻭﺭ ﻗﻠﻢ ﻟﮯ ﮐﺮ،
* ﻣﻔﺘﯽ ﺻﺎﺣﺐ ﺩﻧﯿﺎ ﮐﺴﮯ ﮐﮩﺘﮯ ﮨﯿﮟ؟
ﮨﺮ ﻭﮦ ﭼﯿﺰ ﺟﻮ ﷲ ﮐﯽ ﯾﺎﺩ ﮐﻮ ﺑﮭﻼ ﺩﮮ ﻭﮦ ﺩﻧﯿﺎ ﮨﮯ۔
* ﻧﺪﺍﻣﺖ ﮐﯽ ﺍﻧﺘﮩﺎ ﮐﯿﺎ ﮨﮯ؟
ﭼﮭﻮﮌ ﺩﮮ ﺍﺱ ﮐﺎﻡ ﮐﻮ، ﷲ ﮐﯽ ﯾﺎﺩ ﺑﮍﯼ ﭼﯿﺰ ﮨﮯ، ﷲ ﺑﮍﮮ ﮨﯿﮟ، ﮐﯿﺎ ﻣﻨﮧ ﺩﮐﮭﺎﺋﮯ ﮔﺎ؟ ﻧﮧ ﮐﺮﮮ ﺍﯾﺴﺎ۔
* ﺗﻮﺑﮧ ﮐﯽ ﺍﻧﺘﮩﺎ ﮐﯿﺎ ﮨﮯ؟
ﺁﺩﻣﯽ ﺍﭘﻨﯽ ﻧﯿﮑﯿﻮﮞ ﭘﮧ ﺑﮭﯽ ﺗﻮﺑﮧ ﮐﺮﮮ ﮐﮧ ﺍﻥ ﮐﺎ ﺣﻖ ﺍﺩﺍ ﻧﮩﯿﮟ ﮨﻮﺍ۔
* ﺁﭖ ﻟﻮﮒ ﮐﮩﺘﮯ ﮨﯿﮟ ﮐﮧ، ﮨﻢ ﺗﻮ ﮔﻨﺎﮦ ﮔﺎﺭ ﺑﻨﺪﮮ ﮨﯿﮟ، ﮐﭽﮫ ﺁﺗﺎ ﺟﺎﺗﺎ ﻧﮩﯿﮟ، ﯾﮧ ﮐﯿﺎ ﺑﺎﺕ ﮨﻮﺋﯽ؟
ﻣﯿﮟ ﮐﻤﭙﯿﻮﭨﺮ ﺳﺎﺋﻨﺲ ﮐﺎ ﺍُﺳﺘﺎﺩ ﮨﻮﮞ ﺍﺏ ﺍﮔﺮ ﻣﯿﮟ ﮐﻼﺱ ﻣﯿﮟ ﺟﺎ ﮐﺮ ﮐﮩﻮﮞ ﮐﮧ ﻣﺠﮭﮯ ﺗﻮ ﮐﭽﮫ ﺁﺗﺎ ﺟﺎﺗﺎ ﻧﮩﯿﮟ ﺗﻮ ﮐﻼﺱ ﭘﮍﮬﮯ ﮔﯽ ﮐﯿﻮﮞ؟ ﭼﻠﯿﮟ ﻣﺎﻥ ﻟﯿﺎ ﮐﮧ ﺁﭖ ﭘﻨﮉﯼ ﺍﻭﺭ ﺍﺳﻼﻡ ﺁﺑﺎﺩ ﮐﮯ ﺳﺐ ﺳﮯ ﮔﻨﺎﮦ ﮔﺎﺭ ﺁﺩﻣﯽ ﮨﯿﮟ ﺗﻮ ﺑﺘﺎﺋﯿﮯ ﻣﯿﮟ ﮐﯿﻮﮞ ﺁﺅﮞ ﺍِﺻﻼﺡ ﮐﮯ ﻟﺌﮯ ﺁﭘﮑﮯ ﭘﺎﺱ؟ ﯾﮧ ﺁﭖ ﻧﯿﮏ ﻟﻮﮒ ﺍﺗﻨﯽ confusion ﮐﯿﻮﮞ ﻣﭽﺎﺗﮯ ﮨﯿﮟ؟
ﺍﯾﺴﮯ ﮨﯽ ﮨﻮﺗﺎ ﮨﮯ ﻋﺒﺪﷲ، ﺑﺎﻟﮑﻞ ﺍﯾﺴﮯ ﮨﯽ ﮨﻮﺗﺎ ﮨﮯ۔ ﺟﻮ ﺷﺨﺺ ﺟﺘﻨﺎ ﭘﮍﮬﮯ ﮔﺎ ﺍﺗﻨﺎ ﮨﯽ ﺟﺎﮨﻞ ﺭﮦ ﺟﺎﺋﮯ ﮔﺎ۔ ﮨﺮ ﺷﺨﺺ ﮐﯽ ﻣﺠﮩﻮﻻﺕ ﺍﺱ ﮐﯽ ﻣﻌﻠﻮﻣﺎﺕ ﺳﮯ ﺯﯾﺎﺩﮦ ﮨﯿﮟ۔
ﺭﺳﺎﻟﺖِ ﭘﻨﺎﮦ ﺣﻀﺮﺕ ﻣﺤﻤﺪ ﺻﻠّﯽ ﷲ ﻋﻠﯿﮧ ﻭﺍٓﻝ ﻭﺳﻠّﻢ ﺩِﻥ ﻣﯿﮟ 70 ﺑﺎﺭ ﺍﺳﺘﻐﻔﺎﺭ ﮐﺮﺗﮯ ﺗﮭﮯ۔ ﻭﮦ ﺗﻮ ﻣﻌﺼﻮﻡ ﺗﮭﮯ ﺗﻮ ﭘﮭﺮ ﮐﺲ ﮔﻨﺎﮦ ﺳﮯ ﺍﺳﺘﻐﻔﺎﺭ ﮐﺮﺗﮯ ﺗﮭﮯ۔ ﺑﻨﺪﮦ ﺟﺐ ﻣﻌﺮﻓﺖ ﮐﮯ ﻣﯿﺪﺍﻥ ﻣﯿﮟ ﻗﺪﻡ ﺭﮐﮭﺘﺎ ﮨﮯ ﺗﻮ ﺍﺱ ﮐﺎ ﮨﺮ ﺁﻧﮯ ﻭﺍﻻ ﺩِﻥ ﺍﺳﮯ ﻭﮦ ﻣﻘﺎﻣﺎﺕ ﺩﮐﮭﺎﺗﺎ ﮨﮯ ﮐﮧ ﮔﺬﺷﺘﮧ ﺩﻥ ﮐﻮ ﺩﯾﮑﮫ ﮐﮯ ﺍﺱ ﭘﺮ ﺍﺳﺘﻐﻔﺎﺭ ﮨﯽ ﮐﺮﺳﮑﺘﺎ ﮨﮯ، ﺻﺮﻑ ﷲ ﮐﻮ ﭘﺘﮧ ﮨﮯ، ﮐﻮﻥ ﮐﺘﻨﺎ ﻣﺘﻘﯽ ﮨﮯ ﺑﻨﺪﮮ ﮐﻮ ﺗﻮ ﺍﭘﻨﮯ ﺑﺎﺭﮮ ﻣﯿﮟ ﮈﺭﺗﮯ ﮨﯽ ﺭﮨﻨﺎ ﭼﺎﮨﯿﺌﮯ۔ ﺟﻮﺍﻧﯽ ﭘﮧ ﺧﻮﻑ ﻏﺎﻟﺐ ﮨﻮ ﺗﻮ ﺑﮍﮬﺎﭘﮯ ﻣﯿﮟ ﺍُﻣﯿﺪ ﻗﺎﺋﻢ ﺭﮨﺘﯽ ﮨﮯ۔ ﺍِﻧﮩﯽ ﺩﻭ ﮐﯿﻔﯿﺎﺕ ﮐﮯ ﺩﺭﻣﯿﺎﻥ ﺭﮨﺘﮯ ﮨﻮﺋﮯ ﺯﻧﺪﮔﯽ ﮔﺬﺍﺭﻧﯽ ﭼﺎﮨﯿﮯ۔
* ﺍﭼﮭﺎ، ﺑﺮﮐﺖ ﮐﺴﮯ ﮐﮩﺘﮯ ﮨﯿﮟ؟
ﺑﺮﮐﮧ ﻋﺮﺑﯽ ﻣﯿﮟ ﺯﯾﺎﺩﮦ ﮐﻮ ﮐﮩﺘﮯ ﮨﯿﮟ، ﺗﮭﻮﮌﺍ ﺯﯾﺎﺩﮦ ﮨﻮﺟﺎﺋﮯ ﺗﻮ ﺍِﺳﮯ ﺑﺮﮐﺖ ﮐﮩﺘﮯ ﮨﯿﮟ۔ ﷲ ﺑﺮﮐﺖ ﺩﯾﻨﮯ ﻭﺍﻻ ﮨﮯ ﺍﻭﺭ ﮐﺒﺎﺋﺮ ﺳﮯ ﺑﺮﮐﺖ ﺍُﭨﮫ ﺟﺎﺗﯽ ﮨﮯ۔
* ﺍﭼﮭﯽ ﺻﺤﺒﺖ ﺍﻭﺭ ﻓﺮﺍﺋﺾ ﮐﯽ ﺗﮑﻤﯿﻞ ﮐﮯ ﻋﻼﻭﮦ ﮐﯿﺎ ﭼﺎﮨﯿﺌﮯ ﮨﻮﺗﺎ ﮨﮯ؟
ﺗﻘﻮﯼٰ ۔۔۔۔۔ ﺗﻘﻮﯼٰ ﺁﺩﻣﯽ ﮐﻮ ﺍﻧﺪﺭ ﺳﮯ ﻣﺎﻧﺠﮫ ﺩﯾﺘﺎ ﮨﮯ ﺍﻭﺭ ﺟﺐ ﺫﮨﺎﻧﺖ ﮐﮯ ﺳﺎﺗﮫ ﺗﻘﻮﯼٰ ﻣﻠﺘﺎ ﮨﮯ ﺗﻮ ﷲ ﺍِﻟﮩﺎﻡ ﮐﺮﺗﺎ ﮨﮯ۔ ﺗﻘﻮﯼٰ ﯾﮧ ﮨﮯ ﮐﮧ ﺟﻮ ﮐﺎﻡ ﮐﺮﮮ ﯾﮧ ﺳﻤﺠﮭﮯ ﮐﮧ ﷲ ﺩﯾﮑﮫ ﺭﮨﺎ ﮨﮯ ﺍﻭﺭ ﷲ ﮐﮯ ﻟﯿﮯ ﮨﯽ ﮐﺮﮮ ۔
* ﻣﯿﺮﺍ ﺑﯿﺮﻭﻥِ ﻣﻠﮏ ﺳﻔﺮ ﺭﮨﺘﺎ ﮨﮯ ﺍﻭﺭ ﺳﻔﺮ ﻣﯿﮟ ﻋﻤﻮﻣﺎً ﻧﺎﻣﺤﺮﻡ ﭘﺮ ﻧﻈﺮ ﭘﮍ ﮨﯽ ﺟﺎﺗﯽ ﮨﮯ، ﮐﯿﺎ ﮐﺮﻭﮞ؟
ﮐﻮﺷﺶ ﮐﺮﯾﮟ ﺟﺘﻨﺎ ﺑﭽﺎﺅ ﻣﻤﮑﻦ ﮨﮯ ﻭﮦ ﮐﺮﯾﮟ ﺍﻭﺭ ﺟﻮ ﺩﻥ ﻣﯿﮟ ﮐﺌﯽ ﺑﺎﺭ ﻧﻈﺮ ﺍﭘﻨﮯ ﺁﭖ ﭘﺮ ﭘﮍﺗﯽ ﮨﮯ ﺁﺋﯿﻨﮯ ﻣﯿﮟ ﺍﺱ ﮐﺎ ﮐﯿﺎ؟ ﺟﻮ ﺍﭘﻨﮯ ﺁﭖ ﺳﮯ ﮐﮩﺘﺎ ﮨﮯ ﮐﮧ ﻭﺍﮦ ﮐﯿﺎ ﻟﮓ ﺭﮨﮯ ﮨﻮ، ﮐﯿﺎ ﺑﺎﺕ ﮨﮯ؟ ﺍُﺱ ﮐﺎ ﺑﮭﯽ ﺗﻮ ﺳﻮﭼﮯ۔ ﮐﺌﯽ ﺍﯾﮏ ﺍﯾﺴﮯ ﮔﻨﺎﮦ ﮨﯿﮟ ﺟﻦ ﮐﻮ ﮨﻢ ﮔﻨﺎﮦ ﺳﻤﺠﮭﺘﮯ ﮨﯽ ﻧﮩﯿﮟ ﮨﯿﮟ۔ ﯾﮧ ﺟﻮ ﻧﻔﺲ ﺭﻭﺯ ﺍﻧﺴﺎﻥ ﺳﮯ ﺑﺎﺗﯿﮟ ﮐﺮﺗﺎ ﮨﮯ ﻧﺎ ﯾﮧ ﺟﻮ ﭘﭩﯿﺎﮞ ﭘﮍﮬﺎﺗﺎ ﮨﮯ ﯾﮧ ﺑﮩﺖ ﺧﻄﺮﻧﺎﮎ ﮨﯿﮟ۔ ﺑﺎ ﯾﺰﯾﺪ ﺑﺴﻄﺎﻣﯽؒ ﮐﮯ ﭘﺎﺱ ﺍﯾﮏ ﻟﮍﮐﺎ ﺁﯾﺎ ﺍﻭﺭ ﺭﻭﺋﮯ ﺟﺎﺭﮨﺎ ﺗﮭﺎ ﮐﮧ ﺣﻀﺮﺕ ﺑﺎﺕ ﺳﻦ ﻟﯿﮟ، ﮔﻨﺎﮦ ﮐﺮ ﺁﯾﺎ ﮨﻮﮞ۔ ﺍﮐﯿﻠﮯ ﻣﯿﮟ ﭘﻮﭼﮭﺎ ﺗﻮ ﮐﮩﻨﮯ ﻟﮕﺎ ﺣﻀﺮﺕ ﺷﺮﺍﺏ ﭘﯽ ﺁﯾﺎ ﮨﻮﮞ۔ ﺗﻮ ﺍﻧﮩﻮﮞ ﻧﮯ ﺟﻮﺍﺏ ﺩﯾﺎ ﺍﻭ ﮨﻮ، ﮨﻢ ﺳﻤﺠﮭﮯﻏﯿﺒﺖ ﮐﺮ ﺁﺋﮯ ﮨﻮ، ﺍﺏ ﺷﺮﺍﺏ ﭘﯿﻨﺎ ﺗﻮ ﺑُﺮﯼ ﺑﺎﺕ ﮨﮯ ﭘﺮ ﻣﮕﺮ ﻏﯿﺒﺖ ﺗﻮ ﺍﺱ ﺳﮯ ﺑﮭﯽ ﺑُﺮﯼ ﮨﻮﺋﯽ ﻧﺎ۔
* ﻣﻔﺘﯽ ﺻﺎﺣﺐ ﮐﺒﮭﯽ ﮐﺒﮭﯽ ﻧﻤﺎﺯ ﭘﮍﮬﺘﮯ ﮨﻮﺋﮯ ﮔﮭﺒﺮﺍﺗﺎ ﮨﻮﮞ ﮐﮧ ﷲ ﮐﺎ ﺳﺎﻣﻨﺎ ﮐﯿﺴﮯ ﮐﺮﻭﮞ؟ ﺍﺗﻨﮯ ﮔﻨﺎﮦ ﮨﯿﮟ۔
ﮔﻨﺎﮨﻮﮞ ﮐﮯ ﺍﯾﺴﮯ ﺗﺠﺰﯾﮯ ﮐﺮﻧﺎ ﮐﮧ ﺑﻨﺪﮦ ﷲ ﮐﯽ ﺭﺣﻤﺖ ﺳﮯ ﮨﯽ ﻣﺎﯾﻮﺱ ﮨﻮ
ﺍﻣﺮﯾﮑﮧ ﻧﮯ ﻧﺌﯽ ﮐﻤﭙﻨﯿﻮﮞ ﮐﮯ ﻟﺌﮯ ﺍﯾﮏ start up ﻣﻘﺎﺑﻠﮯ ﮐﺎ ﺍﻧﻌﻘﺎﺩ ﮐﯿﺎ، ﻣﻠﮏ ﺑﮭﺮ ﺳﮯ 400 ﮐﻤﭙﻨﯿﻮﮞ ﻧﮯ ﻣﺮﺣﻠﮧ ﻭﺍﺭ ﭘﺮﻭﮔﺮﺍﻡ ﻣﯿﮟ ﺷﺮﮐﺖ ﮐﯽ۔ ﻋﺒﺪﷲ ﮐﯽ ﮐﻤﭙﻨﯽ ﺑﮭﯽ ﺟﯿﺘﺘﮯ ﺟﯿﺘﺘﮯ ﻓﺎﺋﻨﻞ ﻣﯿﮟ ﭘﮩﻨﭻ ﮔﺌﯽ۔ ﺁﺝ ﺷﮩﺮ ﮐﮯ ﺳﺐ ﺳﮯ ﺑﮍﮮ ﮨﻮﭨﻞ ﻣﯿﮟ ﻓﺎﺋﻨﻞ ﺭﺯﻟﭧ ﮐﯽ ﺍﻧﺎﺅﻧﺴﻤﻨﭧ ﺗﮭﯽ۔ ﻋﺒﺪﷲ ﺗﯿﺎﺭ ﮨﻮﮐﺮ ﮔﯿﺎ۔ ﺑﻠّﻮ ﮐﻮ، ﺑﭽﻮﮞ ﮐﻮ، ﻣﻔﺘﯽ ﺻﺎﺣﺐ ﮐﻮ، ﮐﻤﭙﻨﯽ ﮐﮯ ﺗﻤﺎﻡ ﻟﻮﮔﻮﮞ ﮐﻮ ﻟﮯ ﮐﺮ ﮔﯿﺎ۔ ﺁﺝ ﺍُﺱ ﮐﺎ ﺩِﻝ ﺑﮩﺖ ﺯﻭﺭ ﺯﻭﺭ ﺳﮯ ﺩﮬﮍﮎ ﺭﮨﺎ ﺗﮭﺎ، ﭘﺮﻭﮔﺮﺍﻡ ﻣﯿﮟ ﺍُﺱ ﮐﯽ ﻓﯿﻠﮉ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﮯ ﭘﺎﮐﺴﺘﺎﻥ ﮐﮯ ﺗﻤﺎﻡ ﭼﻮﭨﯽ ﮐﮯ ﻟﻮﮒ ﻣﻮﺟﻮﺩ ﺗﮭﮯ، ﺗﻤﺎﻡ ﮐﻤﭙﻨﯿﺎﮞ ﺍﻭﺭ ﻋﺒﺪﷲ ﺳﻮﭺ ﺭﮨﺎ ﺗﮭﺎ ﮐﮧ ﺍﮔﺮ ﺁﺝ ﺍُﺳﮯ ﭘﮩﻼ ﺍﻧﻌﺎﻡ ﻣﻞ ﺟﺎﺋﮯ ﺗﻮ ﮐﻤﺎﻝ ﮨﻮﺟﺎﺋﮯ۔
ﺍِﺱ ﻣﻠﮏ ﻣﯿﮟ ﻟﻮﮒ ﺍﺱ ﮐﯽ ﮈﮔﺮﯾﺎﮞ ﺍﺱ ﮐﮯ ﻣﻨﮧ ﭘﺮ ﻣﺎﺭ ﮐﮯ ﻧﮑﺎﻝ ﺩﯾﺘﮯ ﺗﮭﮯ ﺍﻭﺭ ﮐﮩﺘﮯ ﺗﮭﮯ ﮐﮧ ﻋﺒﺪﷲ ﮐﺎ ﭘﮍﮪ ﺟﺎﻧﺎ ﺍﯾﺴﮯ ﮨﯽ ﮨﮯ، ﺟﯿﺴﮯ ﺳﻮﺭﺝ ﻣﻐﺮﺏ ﺳﮯ ﻧﮑﻠﮯ۔ ﻋﺒﺪﷲ ﻣﻔﺘﯽ ﺻﺎﺣﺐ ﮐﮯ ﺳﺎﺗﮫ ﺑﯿﭩﮭﺎ ﮨﻮﺍ ﺗﮭﺎ ﺍﻭﺭ ﺩِﻝ ﮨﯽ ﺩﻝ ﻣﯿﮟ ﺩﻋﺎ ﻣﺎﻧﮓ ﺭﮨﺎ ﺗﮭﺎ ﮐﮧ ﺍﮮ ﷲ ! ﺗُﻮ ﻧﮯ ﮐﮩﺎ، ﻣﺠﮭﮯ ﺑﮭﯽ ﺩﮐﮭﺎ ﺍﭘﻨﯽ ﺷﺎﻥ، ﺁﺝ ﻧﮑﺎﻝ ﮨﯽ ﺩﮮ ﺳﻮﺭﺝ ﮐﻮ ﻣﻐﺮﺏ ﺳﮯ۔
ﺁﺝ ﺟِﺘﺎ ﮨﯽ ﺩﮮ، ﺁﺝ ﺩﮐﮭﺎ ﮨﯽ ﺩﮮ، ﺍﭘﻨﯽ ﻗﺪﺭﺕ ﮐﺎ ﻣﻈﮩﺮ ﺑﻨﺎﺩﮮ، ﺍﺗﻨﮯ ﻣﯿﮟ ﭘﮩﻠﯽ ﭘﻮﺯﯾﺸﻦ ﮐﺎ ﺍﻋﻼﻥ ﮨﻮﺍ ﺍﻭﺭ ﻋﺒﺪﷲ ﮐﯽ ﮐﻤﭙﻨﯽ ﺍﻭّﻝ ﺁﺋﯽ، ﻋﺒﺪﷲ ﮐﮯ ﻣُﻨﮧ ﺳﮯ ﺻﺮﻑ ﺍﺗﻨﺎ ﻧﮑﻞ ﺳﮑﺎ۔
’’ ﮐﯿﺎ ﺑﺎﺕ ﮨﮯ ﻣﯿﺮﮮ ﷲ ‘‘ ﺟﺐ ﻭﮦ ﺍﺳﭩﯿﺞ ﮐﯽ ﻃﺮﻑ ﺟﺎﺭﮨﺎ ﺗﮭﺎ ﺗﻮ ﺩﻝ ﻣﯿﮟ ﮐﮩﺘﺎ ﺟﺎﺭﮨﺎ ﺗﮭﺎ۔ ﻣﻠﮏ ﮐﮯ ﺗﻤﺎﻡ ﺩﺍﻧﺸﻮﺭ ﺟﻮ ﻣﯿﺮﯼ ﻓﯿﻠﮉ ﻣﯿﮟ ﮨﯿﮟ ﺁﺝ ﻣﯿﺮﮮ ﭘﺎﺅﮞ ﮐﮯ ﻧﯿﭽﮯ ﺍﻭﺭ ﯾﮧ ﮨﮯ ﷲ ﮐﺎ ﻓﻀﻞ ﺟﻮ ﮐﺴﯽ ﻭﺟﮧ ﮐﺎ ﻣﺤﺘﺎﺝ ﻧﮩﯿﮟ ﮨﮯ۔
ﻋﺒﺪﷲ ﺁﺝ ﭘﮭﻮﻻ ﻧﮩﯿﮟ ﺳﻤﺎ ﺭﮨﺎ ﺗﮭﺎ، ﻭﮦ ﺳﻮﭺ ﺭﮨﺎ ﺗﮭﺎ ﮐﮧ ﺁﺝ ﺳﮯ ﺭﻭﺯ ﺍﯾﮏ ﺗﺴﺒﯿﺢ ﺍﺱ ﺟﻤﻠﮯ ﮐﯽ ﭘﮍﮬﮯ ﮔﺎ۔ ﮐﯿﺎ ﺑﺎﺕ ﮨﮯ ﻣﯿﺮﮮ ﷲ ! ﺗﺎ ﮐﮧ ﺭﺏّ ﮐﺎ ﺷﮑﺮﺍﺩﺍ ﮨﻮﺳﮑﮯ۔ ﭨﯽ ﻭﯼ ﻭﺍﻟﻮﮞ، ﺍﺧﺒﺎﺭ ﻭﺍﻟﻮﮞ ﺍﻭﺭ ﻓﻨﮑﺸﻦ ﺳﮯ ﻓﺮﺍﻏﺖ ﮐﮯ ﺑﻌﺪ ﻋﺒﺪﷲ ﮔﮭﺮ ﮐﻮ ﺭﻭﺍﻧﮧ ﮨﻮﺍ۔ ﺑﻠّﻮ ﺍﻭﺭ ﻋﺒﺪﺍﻟﺮﺣﻤﻦ ﮐﮯ ﺳﺎﺗﮫ ﻣﻐﺮﺏ ﮐﺎ ﻭﻗﺖ ﮨﻮ ﭼﻼ ﺗﮭﺎ۔ ﺍﺱ ﻧﮯ ﮔﺎﮌﯼ ﻣﺴﺠﺪ ﻣﯿﮟ ﺭﻭﮐﯽ، ﻧﻤﺎﺯ ﺍﺩﺍ ﮐﯽ، ﺷﮑﺮﺍﻧﮯ ﮐﮯ ﻧﻔﻞ ﭘﮍﮬﮯ ﺍﻭﺭ ﭘﮭﺮ ﭼﻞ ﭘﮍﺍ، ﺗﮭﻮﮌﺍ ﺳﺎ ﺁﮔﮯ ﭘﮩﻨﭽﺎ ﺗﻮ ﺭﻭﮈ ﺑﻼﮎ ﺗﮭﺎ ﺍﻭﺭ ﺁﮔﮯ ﭘﺘﮭﺮ ﺭﮐﮭﮯ ﮨﻮﺋﮯ ﺗﮭﮯ۔ ﻋﺒﺪﷲ ﺍﻭﺭ ﺍﺱ ﮐﺎ ﮈﺭﺍﺋﯿﻮﺭ ﮔﺎﮌﯼ ﺳﮯ ﺍﺗﺮ ﮐﺮ ﭘﺘﮭﺮ ﺍﭨﮭﺎﻧﮯ ﻟﮕﮯ ﺗﻮ ﺁﺱ ﭘﺎﺱ ﺳﮯ 6 ﻣﺴﻠﺢ ﮈﺍﮐﻮﺅﮞ ﻧﮯ ﮔﮭﯿﺮ ﻟﯿﺎ۔
ﺍﻧﻌﺎﻡ ﮐﯽ ﺭﻗﻢ، ﻟﯿﭗ ﭨﺎﭖ، ﺑﻠّﻮﮐﮯ ﺯﯾﻮﺭ، ﺑﭩﻮﮦ، ﻣﻮﺑﺎﺋﻞ ﻓﻮﻧﺰ ﺳﺐ ﮨﯽ ﮐﭽﮫ ﺗﻮ ﻟﮯ ﻟﯿﺎ۔ ﺟﺐ ﻭﮦ ﺟﺎﻧﮯ ﻟﮕﮯ ﺗﻮ ﻋﺒﺪﷲ ﻧﮯ ﮐﮩﺎ، ﺑﮭﺎﺋﯽ ! ﺑﺎﺕ ﺳﻨﻮ، ﻣﯿﺮﺍ ﺳﺎﻣﺎﻥ ﻭﺍﭘﺲ ﮐﺮﺩﻭ، ﺗﻮ ﻭﮦ ﮨﻨﺴﻨﮯ ﻟﮕﮯ ﺍﻭﺭ ﮐﮩﻨﮯ ﻟﮕﮯ ﺑﮑﻮﺍﺱ ﺑﻨﺪ ﮐﺮﻭ۔ ﮨﻢ ﺳﺎﻧﺲ ﺑﻌﺪ ﻣﯿﮟ ﻟﯿﺘﮯ ﮨﯿﮟ ﮔﻮﻟﯽ ﭘﮩﻠﮯ ﻣﺎﺭﺗﮯ ﮨﯿﮟ۔ ﻋﺒﺪﷲ ﻧﮯ ﮐﮩﺎ، ﷲ ﭘﻮﭼﮭﮯ ﮔﺎ۔
ﺍﺱ ﭘﺮ ﺍﯾﮏ ﮈﺍﮐﻮ ﺑﮩﺖ ﻏﺼﮧ ﮨﻮﺍ، ﮐﮩﻨﮯ ﻟﮕﺎ ﺩﮬﻤﮑﯽ ﺩﯾﺘﮯ ﮨﻮ۔ ﻋﺒﺪﷲ ﻧﮯ ﺳﻮﭼﺎ ﺍﻭﺭ ﮐﮩﺎ ﮐﮧ ﮨﺎﮞ ﻏﺮﯾﺐ ﺁﺩﻣﯽ ﺩﮬﻤﮑﯽ ﺗﻮ ﺩﮮ ﮨﯽ ﺳﮑﺘﺎ ﮨﮯ۔ ﺑﺲ ﯾﮧ ﺳﻨﻨﺎ ﺗﮭﺎ ﮐﮧ ﻭﮦ ﺳﺐ ﻋﺒﺪﷲ ﭘﺮ ﭘﻞ ﭘﮍﮮ، ﻻﺗﯿﮟ، ﮔﮭﻮﻧﺴﯿﮟ ﻣﺸﯿﻦ ﮔﻦ ﮐﮯ ﺑﭧ، 3 ﺩﺍﻧﺖ ﺗﻮﮌﮮ، ﺍﯾﮏ ﭘﺴﻠﯽ ﺍﻭﺭ ﭼﮩﺮﮮ ﭘﮧ ﻣﺎﺭ ﻣﺎﺭ ﮐﮯ ﺑﮭﺮﺗﺎ ﺑﻨﺎ ﺩﯾﺎ، ﺑِﻠّﻮ ﮐﻮ ﺑﮭﯽ ﻣﺎﺭ ﭘﮍﯼ ﺍﻭﺭ ﺑﯿﭩﮯ ﮐﻮ ﺑﮭﯽ، ﺍﻭﺭ ﻋﺒﺪﷲ ﭨﻮﭨﯽ ﮨﻮﺋﯽ ﭨﺮﺍﻓﯽ ﮐﮯ ﺳﺎﺗﮫ ﮔﮭﺮ ﻭﺍﭘﺲ۔
ﺳﺐ ﻧﮯ ﮐﮩﺎ ﭘﻮﻟﯿﺲ ﮐﻮ ﻓﻮﻥ ﮐﺮﻭ۔ ﮐﭽﮫ ﮐﺮﻭ ﻣﮕﺮ ﻋﺒﺪﷲ ﺳﯿﺪﮬﺎ ﮐﻤﺮﮮ ﻣﯿﮟ ﮔﯿﺎ۔ ﺩﺭﻭﺍﺯﮦ ﺑﻨﺪ ﮐﯿﺎ۔ ﺧﻮﻥ ﺭﮐﻨﮯ ﮐﮯ ﺑﻌﺪ ﻭﺿﻮ ﮐﯿﺎ ﺍﻭﺭ ﺩﻭ ﺭﮐﻌﺖ ’’ ﻧﻤﺎﺯ ﺩﻭﺳﺘﯽ ‘‘ ﮐﯽ ﻧﯿﺖّ ﮐﺮﮐﮯ ﺟﺎﻧﻤﺎﺯ ﭘﺮ ﮐﮭﮍﺍ ﮨﻮﮔﯿﺎ۔ ﭘﺘﮧ ﻧﮩﯿﮟ ﮐﯿﺴﯽ ﻧﻤﺎﺯ ﭘﮍﮬﯽ ﮐﮧ ﻗﺮﺁﻥ ﮐﻢ ﺍﻭﺭ ﺁﻧﺴﻮ ﺯﯾﺎﺩﮦ ﺗﮭﮯ، ﺭﮐﻮﻉ ﻣﯿﮟ ﮔﯿﺎ ﺗﻮ ﺟﯿﺴﮯ ﺍُﭨﮭﻨﺎ ﮨﯽ ﺑﮭﻮﻝ ﮔﯿﺎ ﮨﻮ ﺍﻭﺭ ﺳﺠﺪﮮ ﻣﯿﮟ ﮔﯿﺎ ﺗﻮ ﺟﯿﺴﮯ ﺟﺴﻢ ﺍُﭨﮫ ﺟﺎﻧﮯ ﮐﮯ ﺑﺎﻭﺟﻮﺩ ﺩﻝ ﺳﺠﺪﮮ ﻣﯿﮟ ﮨﯽ ﭼﮭﻮﮌ ﺁﯾﺎ ﮨﻮ ﺗﻤﺎﻡ ﻋﻤﺮ ﮐﮯ ﻟﺌﮯ۔
ﭘﺘﮧ ﻧﮩﯿﮟ ﻧﻤﺎﺯ ﺗﻮ ﮔﮭﺮ ﭘﺮ ﭘﮍﮪ ﺭﮨﺎ ﺗﮭﺎ ﻣﮕﺮ ﺳﺠﺪﮮ ﮐﯽ ﺿﺮﺏ ﮐﮩﺎﮞ ﻟﮓ ﺭﮨﯽ ﺗﮭﯽ۔ ﺍِﺗﻨﯽ ﻟﻤﺒﯽ ﺩﻭ ﺭﮐﻌﺘﯿﮟ ﺍﺱ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﻧﮧ ﭘﮍﮬﯽ ﺗﮭﯿﮟ۔ ﻏﻢ ﺑﮭﯽ ﷲ ﺗﻌﺎﻟﯽٰ ﮐﯽ ﻧﻌﻤﺖ ﮨﻮﺗﮯ ﮨﯿﮟ ﮐﮧ ﺑﻨﺪﮦ ﺭﺟﻮﻉ ﮐﺮﺗﺎ ﮨﮯ۔
ﻋﺒﺪﷲ ﻧﮯ ﺩﻋﺎ ﮐﻮ ﮨﺎﺗﮫ ﺍُﭨﮭﺎﺋﮯ، ﺑِﻠّﻮ ﺑﮭﯽ ﭘﯿﭽﮭﮯ ﺁﮐﮯ ﺟﺎ ﻧﻤﺎﺯ ﺳﮯ ﻟﮓ ﮐﮯ ﺑﯿﭩﮫ ﮔﺌﯽ،
’’ ﺍﮮ ﻣﯿﺮﮮ ﷲ ! ﻣﯿﺮﺍ ﺗﯿﺮﮮ ﺳِﻮﺍ ﮐﻮﺋﯽ ﻧﮩﯿﮟ ﮨﮯ، ﻣﯿﺮﺍ ﺗﯿﺮﮮ ﺳِﻮﺍ ﮐﻮﺋﯽ ﻧﮩﯿﮟ ﮨﮯ، ﮐﻮﺋﯽ ﺑﮭﯽ ﺗﻮ ﻧﮩﯿﮟ ﮨﮯ۔ ﺍﮮ ﷲ ﺗﯿﺮﯼ ﺣﻤﺪ ﺑﯿﺎﻥ ﮐﺮﺗﺎ ﮨﻮﮞ۔ ﯾﺎ ﷲ ﺗﯿﺮﺍ ﺣﻖ ﺑﻨﺘﺎ ﮨﮯ ﮐﮧ ﺗﯿﺮﯼ ﻋﺒﺎﺩﺕ ﮐﯽ ﺟﺎﺋﮯ، ﻣﯿﺮﮮ ﻣﺎﻟﮏ ﺗﯿﺮﺍ ﺣﻖ ﺑﻨﺘﺎ ﮨﮯ ﮐﮧ ﺗﯿﺮﯼ ﺗﻌﺮﯾﻒ ﮐﯽ ﺟﺎﺋﮯ۔ ﻣﯿﺮﮮ ﺭﺑّﺎ ﺗﯿﺮﺍ ﺣﻖ ﺑﻨﺘﺎ ﮨﮯ ﮐﮧ ﺗﺠﮫ ﺳﮯ ﺩُﻋﺎ ﮐﯽ ﺟﺎﺋﮯ، ﺟﻮ ﮐﭽﮫ ﺑﮭﯽ ﮨﻮﺍ ﺑﮯ ﺷﮏ ﻣﯿﺮﯼ ﮔﻨﺎﮨﻮﮞ ﮐﯽ ﻧﺤﻮﺳﺖ ﺗﮭﺎ۔ ﻣﺠﮫ ﻣﯿﮟ ﺍﻭﺭ ﻣﯿﺮﮮ ﮔﻨﺎﮨﻮﮞ ﻣﯿﮟ ﺯﻣﯿﻦ ﻭ ﺁﺳﻤﺎﻥ ﮐﺎ ﻓﺎﺻﻠﮧ ﮐﺮﺩﮮ۔ ﻣﺸﺮﻕ ﻭ ﻣﻐﺮﺏ ﮐﺎ ﻓﺎﺻﻠﮧ ﮐﺮﺩﮮ، ﺩﮬﻮﺩﮮ ﻣﯿﺮﮮ ﮔﻨﺎﮦ ﻣﯿﺮﮮ ﷲ۔
ﻣﯿﺮﮮ ﷲ ! ﭘﯿﺎﺭﮮ ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﻧﮯ ﺗﯿﺮﯼ ﻗﺴﻢ ﮐﮭﺎ ﮐﮯ ﮐﮩﺎ ﺗﮭﺎ ﮐﮧ ﺟﻮ ﺧﺮﭺ ﮐﺮﮮ ﮔﺎ ﺗُﻮ ﺍﺱ ﮐﺎ ﻣﺎﻝ ﺑﮍﮬﺎ ﺩﮮ ﮔﺎ ﺍﻭﺭ ﺟﻮ ﻣﻌﺎﻑ ﮐﺮﮮ ﮔﺎ ﺗُﻮ ﺍِﺱ ﮐﯽ ﻋﺰّﺕ ﺑﮍﮬﺎ ﺩﮮ ﮔﺎ۔
ﺍﮮ ﷲ ﻣﯿﮟ ﻧﮯ ﺗﺠﮭﮯ ﺧﻮﺷﯽ ﻣﯿﮟ ﯾﺎﺩ ﺭﮐﮭﺎ ﺗﮭﺎ، ﺗُﻮ ﺧﻮﺏ ﺟﺎﻧﺘﺎ ﮨﮯ، ﺗُﻮ ﻣﺠﮭﮯ ﻏﻢ ﻣﯿﮟ ﻧﮧ ﺑُﮭﻼﻧﺎ، ﺗﻮ ﯾﻘﯿﻦ ﮐﯿﻮﮞ ﻧﮩﯿﮟ ﮐﺮﺗﺎ ﮐﮧ ﻣﯿﺮﺍ ﺗﯿﺮﮮ ﺳِﻮﺍ ﮐﻮﺋﯽ ﻧﮩﯿﮟ ﮨﮯ۔ ﺍﮮ ﷲ ﺗﯿﺮﮮ ﺳِﻮﺍ ﮐﻮﺋﯽ ﺑﭽﺎﻧﮯ ﻭﺍﻻ ﻧﮩﯿﮟ ﮨﮯ۔ ﮐﻮﺋﯽ ﻣﺎﺭﻧﮯ ﻭﺍﻻ ﺑﮭﯽ ﻧﮩﯿﮟ ﮨﮯ۔ ﻣﻮﺕ ﺳﮯ ﺑﻨﺪﮮ ﮐﻮ ﺻﺮﻑ ﻣﻮﺕ ﮨﯽ ﺗﻮ ﺑﭽﺎﺗﯽ ﮨﮯ۔ ﺍﻭ، ﻣﯿﺮﮮ ﷲ، ﻣﯿﺮﯼ ﺳﻦ، ﺳﺎﮈﯼ ﻭﯼ ﺳﻦ ﻟﮯ ﻣﯿﺮﮮ ﻣﺎﻟﮏ، ﺍﮮ ﺷﮩﻨﺸﺎﮦ ﯾﮧ ﺩﻭ ﺭﮐﻌﺖ ﻧﻔﻞ ﮨﮯ ﺗﯿﺮﮮ ﺩﺭﺑﺎﺭ ﻣﯿﮟ ﺗﯿﺮﮮ ﺑﻨﺪﮮ ﮐﯽ ﻃﺮﻑ ﺳﮯ، ﺍﮮ ﷲ، ﻣﻘﺪﺭ ﺍﺗﻨﯽ ﺑﺎﺭ ﺑﺪﻟﺘﺎ ﮨﮯ ﺟﺘﻨﯽ ﺑﺎﺭ ﺑﻨﺪﮦ ﺗﺠﮫ ﺳﮯ ﺭﺟﻮﻉ ﮐﺮﺗﺎ ﮨﮯ، ﺍﮮ ﷲ ﻣﯿﺮﯼ ﺳُﻦ، ﺩﯾﮑﮫ ﯾﮧ ﺑِﻠّﻮ ﺑﮭﯽ ﺳﺎﺗﮫ ﺑﯿﭩﮭﯽ ﮨﮯ، ﺍِﺳﮑﯽ ﺑﺎﻟﯿﺎﮞ ﻧﻮﭺ ﻟﯿﮟ، ﮐﺎﻥ ﺳﮯ ﺧﻮﻥ ﺑﮩﮧ ﺭﮨﺎ ﮨﮯ۔
ﷲ ! ﻣﯿﺮﯼ ﺳُﻦ، ﻣﯿﺮﯼ ﺳﻦ، ﺍﻭ ﺗﺮﺱ ﮐﮭﺎﻧﮯ ﻭﺍﻟﮯ ﷲ، ﺍﮮ ﷲ ﻣﯿﮟ ﺁﺝ ﺯﯾﺮ ﻭ ﺯﺑﺮ ﮨﻮﮔﯿﺎ، ﺗﯿﺮﮮ ﺳﺎﻣﻨﮯ ﺍﭘﻨﮯ ﺁﭖ ﮐﻮ ﭘﯿﺶ ﮐﺮﺗﺎ ﮨﻮﮞ۔ ﺍﮮ ﷲ ﺣﺴﺪ ﮐﯽ ﺁﻧﮑﮫ ﻟﮓ ﮔﺌﯽ، ﻓﻀﻞ ﮐﯽ ﺁﻧﮑﮫ ﺑﮭﯽ ﻟﮕﺎ۔ ﺍﮮ ﷲ ﻣﯿﮟ ﺍِﻗﺮﺍﺭ ﮐﺮ ﺭﮨﺎ ﮨﻮﮞ ﮐﮧ ﻣﯿﮟ ﮔﻨﺎ ﮨﮕﺎﺭ ﮨﻮﮞ، ﺍﺏ ﺗﻮ ﻣﻌﺎﻑ ﮐﺮ ﺩﮮ
ﯾﺎ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﺗﮑﻠﯿﻒ ﭘﮩﻨﭽﯽ ﮨﮯ
ﯾﺎ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﺩﺍﻧﺖ ﭨﻮﭦ ﮔﺌﮯ۔ ﯾﺎ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﻻﺗﻮﮞ ﺳﮯ ﻣﺎﺭﺍ ﮨﮯ۔
ﯾﺎ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﺧﻮﺷﯽ ﻧﮧ ﺩﯾﮑﮭﯽ ﮔﺌﯽ ﺍِﺱ ﻣﻠﮏ ﺳﮯ ﻣﯿﺮﯼ، ﯾﺎ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﻋﯿﻦ ﺧﻮﺷﯽ ﮐﮯ ﻭﻗﺖ ﭘﺮ ﻣﺎﺭﺍ ﮨﮯ۔ ﺍﮮ ﷲ ! ﺗﺠﮫ ﺳﮯ ﻣﺪﺩ ﻣﺎ ﻧﮕﺘﺎ ﮨﻮﮞ، ﻧﻤﺎﺯ ﮐﮯ ﺫﺭﯾﻌﮯ ﺍﻭﺭ ﺩﻋﺎ ﮐﮯ ﺫﺭﯾﻌﮯ، ﺍﮮ ﺑﻐﯿﺮ ﻣﻮﺳﻢ ﮐﮯ ﭘﮭﻞ ﺩﯾﻨﮯ ﻭﺍﻟﮯ ﷲ ﻣﯿﺮﯼ ﺳُﻦ۔ ﮐﺒﮭﯽ ﺑﮭﯽ ﮐﺴﯽ ﺍﯾﺴﮯ ﺑﻨﺪﮮ ﮐﻮ ﺗﻨﮓ ﻧﮩﯿﮟ ﮐﺮﻧﺎ ﭼﺎﮨﯿﺌﮯ ﺟِﺲ ﮐﺎ ﷲ ﮐﮯ ﺳِﻮﺍ ﮐﻮﺋﯽ ﻧﮧ ﮨﻮ، ﻣﯿﺮﺍ ﺗﻮ ﺗﯿﺮﮮ ﺳﻮﺍ ﮐﻮﺋﯽ ﻧﮩﯿﮟ ﮨﮯ، ﺗُﻮ ﺗﻮ ﺟﺎﻧﺘﺎ ﮨﮯ، ﻣﯿﺮﮮ ﺗﻮ ﻣﺎﮞ ﺑﺎﭖ ﺑﮭﯽ ﻣﺮﮔﺌﮯ۔ ﺩﻭﺳﺖ ﺑﮭﯽ ﮐﻮﺋﯽ ﻧﮩﯿﮟ۔ ﮨﻤﺮﺍﺯ ﺑﮭﯽ ﮐﻮﺋﯽ ﻧﮩﯿﮟ، ﮨﻢ ﭘﯿﺎﻟﮧ ﺑﮭﯽ ﮐﻮﺋﯽ ﻧﮩﯿﮟ۔ ﺳﻤﺠﮭﻨﮯ ﻭﺍﻻ ﺑﮭﯽ ﮐﻮﺋﯽ ﻧﮩﯿﮟ۔ ﭘﮑّﺎ ﯾﺘﯿﻢ ﮨﻮﮞ ﻣﯿﺮﮮ ﷲ ۔
ﷲ ﺯﻣﯿﻦ ﭘﺮ ﻇﻠﻢ ﮨﻮﺗﺎ ﮨﮯ ﺗﻮ ﺷﺎﯾﺪ ﺍﺱ ﮐﺎ ﺩﻝ ﺩﮬﮍﮐﺘﺎ ﮨﮯ ﺍﻭﺭ ﺯﻟﺰﻟﮯ ﺁﺟﺎﺗﮯ ﮨﯿﮟ ﺍﻭﺭ ﺟﺐ ﺍِﻧﺴﺎﻥ ﺍِﻧﺴﺎﻧﻮﮞ ﮐﮯ ﻟﯿﮯ ﻧﮩﯿﮟ ﺭﻭﺗﺎ ﺗﻮ ﭘﮩﺎﮌ ﺭﻭﺗﮯ ﮨﯿﮟ ﺍﻭﺭ ﺳﯿﻼﺏ ﺁﺟﺎﺗﮯ ﮨﯿﮟ۔ ﺍﮮ ﷲ ﺗﻮ ﭘﺎﮎ ﮨﮯ۔ ﺗﯿﺮﮮ ﺟﯿﺴﺎ ﮐﻮﺋﯽ ﻧﮩﯿﮟ ﮨﮯ ﺗﻮ ﺳﺐ ﮐﭽﮫ ﮨﮯ ﻣﯿﮟ ﮐﭽﮫ ﻧﮩﯿﮟ۔ ﺍﮮ ﷲ ﻣﯿﮟ ﺗﺠﮫ ﺳﮯ ﺩﻋﺎ ﻣﺎﻧﮕﺘﺎ ﮨﻮﮞ ﺑﻮﺳﯿﻠﮧ ﺍِﺱ ﮐﮯ ﮐﮧ ﺗُﻮ ﷲ ﮨﮯ۔ ﺍﮮ ﷲ ! ﺍﮮ ﻣﯿﺮﮮ ﻣﺎﻟﮏ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﺗﯿﺮﯼ ﺍﯾﺴﯽ ﺗﻌﺮﯾﻒ ﮐﺮﻭﮞ ﺟﯿﺴﺎ ﮐﮧ ﺗُﻮ ﺧﻮﺩ ﮨﮯ۔ ﺟﯿﺴﯽ ﮐﮧ ﺗﯿﺮﯼ ﺳﻠﻄﻨﺖ، ﺟﯿﺴﺎ ﮐﮧ ﺗﯿﺮﺍ ﭼﮩﺮﮦ، ﻣﯿﺮﮮ ﭘﺎﺱ ﮐﻮﺋﯽ ﺍﯾﺴﯽ ﭼﯿﺰ ﻧﮩﯿﮟ ﺟِﺲ ﺳﮯ ﻣﯿﮟ ﺗﺠﮭﮯ ﺍﺳﺘﻌﺎﺭﮦ ﺩﮮ ﺳﮑﻮﮞ، ﺑﺲ ﺟﯿﺴﺎ ﺗُﻮ ﮨﮯ ﻭﯾﺴﯽ ﮨﯽ ﺗﯿﺮﯼ ﺗﻌﺮﯾﻒ ﮐﺮﻧﺎ ﭼﺎﮨﺘﺎ ﮨﻮﮞ۔ ﺍﮮ ﷲ ! ﺷُﮑﺮ ﺍﺩﺍ ﮐﺮﻧﺎ ﺑﻨﺪﮔﯽ ﮐﺎ ﺛﺒﻮﺕ ﮨﮯ ﻣﯿﮟ ﺗﯿﺮﺍ ﮨﯽ ﺷﮑﺮ ﺍﺩﺍ ﮐﺮﺗﺎ ﮨﻮﮞ۔
ﷲ ! ﺗﻮ ﭼﮭﻮﮌﻧﺎ ﻧﮩﯿﮟ ﮈﺍﮐﻮﺅﮞ ﮐﻮ، ﯾﮧ ﺩﻧﯿﺎ ﮐﯿﺎ ﮐﮩﮯ ﮔﯽ؟ ﻣﯿﺮﯼ ﺩﻭﺳﺘﯽ ﮐﯽ ﻻﺝ ﺭﮐﮫ ﻟﮯ ﺍﮮ ﻻﺝ ﺭﮐﮭﻨﮯ ﻭﺍﻟﮯ، ﺗُﻮ ﻧﮯ ﮨﯽ ﺗﻮ ﮐﮩﺎ ﮨﮯ ﮐﮧ ﮨﻢ ﭼﺎﮨﺘﮯ ﮨﯿﮟ ﮐﮧ ﺍﭘﻨﺎ ﺧﺎﺹ ﻓﻀﻞ ﮐﺮﯾﮟ ﺍِﻥ ﺑﻨﺪﻭﮞ ﭘﺮ ﺟﻮ ﮨﻤﺎﺭﯼ ﺯﻣﯿﻦ ﻣﯿﮟ ﮐﻤﺰﻭﺭ ﮐﺮ ﺩﯾﺌﮯ ﮔﺌﮯ ﮨﯿﮟ ﺍﻭﺭ ﮨﻢ ﺍِ ﻧﮑﻮ ﺳﺮﺑﺮﺍﮦ ﺑﻨﺎﺋﯿﮟ ﺍﻭﺭ ﺍﻧﮩﯽ ﮐﻮ ﺯﻣﯿﻦ ﮐﺎ ﻭﺍﺭﺙ ﺑﻨﺎﺋﯿﮟ، ﻣﯿﺮﮮ ﷲ ﺩﯾﮑﮫ ﻣﯿﮟ ﮐﻤﺰﻭﺭ ﮨﻮﮞ، ﺍﺏ ﺗُﻮ ﻓﻀﻞ ﮐﺮ۔
ﷲ ﺗﻮ ﭼﮭﻮﮌﻧﺎ ﻧﮩﯿﮟ، ﺗُﻮ ﻣﯿﺮﺍ ﺑﺪﻟﮧ ﭘﻮﺭﺍ ﻟﯿﻨﺎ۔ ﺁﺝ ﺟﺲ ﻧﮯ ﺑﮭﯽ ﺣﺴﺪ ﮐﯿﺎ ﮨﻮ، ﺍﺱ ﺳﮯ ﺑﮭﯽ ﻟﯿﻨﺎ۔ ﺟﺲ ﺟﺲ ﻧﮯ ﺩﮐﮫ ﭘﮩﻨﭽﺎﯾﺎ ﮨﻮ ﺍﺱ ﺳﮯ ﺑﮭﯽ ﻟﯿﻨﺎ۔ ﺟﺲ ﻧﮯ ﻣﺎﺭﺍ ﺍﺱ ﺳﮯ ﺑﮭﯽ ﻟﯿﻨﺎ۔ ﺟﺲ ﻧﮯ ﻣﺎﺭﻧﮯ ﺩﯾﺎ ﺍﺱ ﺳﮯ ﺑﮭﯽ ﻟﯿﻨﺎ۔ ﺟﺲ ﻧﮯ ﻧﮧ ﺭﻭﮐﺎ ﺍﺱ ﺳﮯ ﺑﮭﯽ ﻟﯿﻨﺎ۔ ﺍِﻥ ﮈﺍﮐﻮﺅﮞ ﮐﻮ ﺿﺮﻭﺭ ﭘﮑﮍﻭﺍ ﺩﯾﻨﺎ۔ ﻣﯿﺮﺍ ﮐﯿﻤﺮﮦ ﻣﺠﮭﮯ ﺑﮩﺖ ﻋﺰﯾﺰ ﮨﮯ ﻭﮦ ﺑﮭﯽ ﻭﺍﭘﺲ ﺩﻟﻮﺍ ﺩﯾﻨﺎ۔ ﻣﯿﺮﺍ ﺳﺎﻣﺎﻥ ﺑﮭﯽ ﻣﯿﺮﮮ ﭘﯿﺴﮯ ﺑﮭﯽ۔
ﷲ ﻣﺠﮭﮯ ﺩﮮ ﻧﺎﮞ، ﺩﯾﮑﮫ ﻣﯿﮟ ﺩﻭﻧﻮﮞ ﮨﺎﺗﮫ ﭘﮭﯿﻼ ﮐﮯ، ﺟﮭﻮﻟﯽ ﭘﮭﯿﻼ ﮐﮯ ﻣﺎﻧﮓ ﺭﮨﺎ ﮨﻮﮞ۔ ﺗُﻮ ﺗﻮ ﻣﻀﻄﺮِﺏ ﮐﯽ ﺳﻨﺘﺎ ﮨﮯ ﻧﺎ۔ ﺗﻮ ﻣﯿﺮﯼ ﺑﮭﯽ ﺳﻦ ﺍﻭﺭ ﯾﻘﯿﻨﺎً ﺗُﻮ ﻣﯿﺮﯼ ﺿﺮﻭﺭ ﺳُﻨﮯ ﮔﺎ، ﺗﻮ ﺍﭘﻨﮯ ﺑﻨﺪﻭﮞ ﮐﻮ ﺗﻨﮩﺎ ﻧﮩﯿﮟ ﭼﮭﻮﮌﻧﺎ۔ ﮐﺎﺵ ﻣﯿﮟ ﺍﮌ ﺳﮑﺘﺎ ﺗﻮ ﺁﺝ ﻏﻼﻑِ ﮐﻌﺒﮧ ﭘﮑﮍ ﮐﺮ ﺭﻭﺗﺎ۔ ﺍﮮ ﻣﯿﺮﮮ ﷲ ! ﺁﺝ ﺍﮐﯿﻼ ﻧﮧ ﭼﮭﻮﮌﻧﺎ، ﺁﺝ ﺩﻟﻮﮞ ﭘﺮ ﺧﻮﻑ ﻃﺎﺭﯼ ﮨﮯ، ﺗﯿﺮﮮ ﺑﻨﺪﮮ ﮈﺭ ﮔﺌﮯ ﮨﯿﮟ، ﻟُﭧ ﮔﺌﮯ ﮨﯿﮟ، ﭘِﭧ ﮔﺌﮯ ﮨﯿﮟ۔ ﺍﻓﺴﺮﺩﮦ ﮨﯿﮟ، ﻏﻤﮕﯿﻦ ﮨﯿﮟ۔ ﺍﮮ ﺫُﻭﺍﻟﺠﻼ ﻝ ﻭﺍﻻﮐﺮﺍﻡ ﺗﺠﮭﮯ ﺗﯿﺮﯼ ﺍُﺱ ﻣﺤﺒﺖ ﮐﺎ ﻭﺍﺳﻄﮧ ﺟﻮ ﺗُﻮ ﻣﺠﮫ ﺳﮯ ﮐﺮﺗﺎ ﮨﮯ۔ ﺁﺝ ﻧﮧ ﭼﮭﻮﮌﯾﻮ، ﺁﺝ ﻣﯿﺮﮮ ﺁﻧﺴﻮ ﺿﺮﻭﺭ ﺧﺸﮏ ﮐﺮﻭﺍﻧﮯ ﺁ۔ ﺍﮮ ﷲ ! ﺁﭖ ﺗﻮ ﺿﺎﻣﻦ ﮨﯿﮟ ﮨﺮ ﭼﯿﺰ ﮐﮯ، ﺗﺠﮫ ﺳﮯ ﮨﯽ ﻣﺎﻧﮕﻨﮯ ﺁﯾﺎ ﮨﻮﮞ، ﺁﺝ ﺗﻮ ﻧﮯ ﻣﺪﺩ ﻧﮧ ﮐﯽ ﺗﻮ ﺩﻭﺳﺘﯽ ﮐﯽ ﻻﺝ ﻟﭧ ﺟﺎﺋﮯ ﮔﯽ ﻣﯿﺮﮮ ﺭﺏّ۔ ﺗُﻮ ﻣﺠﮭﮯ ﮐﻦ ﻟﻮﮔﻮﮞ ﮐﮯ ﺣﻮﺍﻟﮯ ﮐﺮ ﺩﯾﺘﺎ ﮨﮯ ﻣﯿﺮﮮ ﷲ۔
ﻣﯿﺮﯼ ﺳﻦ ﻣﯿﺮﮮ ﻣﺎﻟﮏ !
ﻣﯿﺮﯼ ﺳﻦ ﻣﯿﺮﮮ ﺭﺏ !
ﻣﯿﺮﯼ ﺳﻦ ﻣﯿﺮﮮ ﷲ
ﺍﮮ ﺷﮩﮧ ﺭﮒ ﺳﮯ ﻗﺮﯾﺐ ﷲ ﻣﯿﺮﯼ ﺳُﻦ !
* ۔۔۔ * ۔۔۔ *