اُردو ناول کھوج

ﺍﻣﯿﻦ ﺑﮭﺎﺋﯽ ﻧﮯ ﺳﯿﺸﻦ ﮐﻮ ﭘﮭﺮ ﺳﮯ ﺷﺮﻭﻉ ﮐﯿﺎ۔
ﭼﺎﺭ ﭘﻮﻧﯽ ﮨﯿﮟ ﺟﻮ ﺳﺐ ﺳﮯ ﭘﮩﻠﮯ ﻭﮊﻥ ﭘﺮ ﺍﺛﺮ ﺍﻧﺪﺍﺯ ﮨﻮﺗﮯ ﮨﯿﮟ۔
1 ۔ ﺯﻧﺪﮔﯽ Life
2 ۔ ﺧﺎﻧﺪﺍﻥ Family
3 ۔ ﻭﻗﺖ Time
4 ۔ ﺟﮕﮧ Space
ﮨﻢ ﮐﻮﺋﯽ ﻭﮊﻥ ﺳﻮﭺ ﻟﯿﮟ ﻭﮦ ﮨﻤﺎﺭﯼ ﺍﭘﻨﯽ ﺯﻧﺪﮔﯽ، ﺧﺎﻧﺪﺍﻥ ﺍﻭﺭ ﺟﮕﮧ ﮐﮯ ﺍِﺭﺩ ﮔﺮﺩ ﮔﮭﻮﻣﺘﺎ ﮨﮯ ﺍﻭﺭ ﮨﻢ ﺍﺳﮯ ﮐﺴﯽ ﻧﮧ ﮐﺴﯽ ﻭﻗﺖ ﮐﮯ ﺳﺎﺗﮫ ﻗﯿﺪ ﺑﮭﯽ ﮐﺮﺩﯾﺘﮯ ﮨﯿﮟ۔ ﻣﺜﻼََ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﻣﯿﮟ ﮐﺮﺍﭼﯽ ﮐﺎ ﺳﺐ ﺳﮯ ﺑﮍﺍ ﺗﺎﺟﺮ ﺑﻨﻮﮞ، ﺍﺏ ﺑﺬﺍﺕِ ﺧﻮﺩ ﺍِﺳﯽ ﻭﮊﻥ ﻣﯿﮟ ﮐﻮﺋﯽ ﺑﺮﺍﺋﯽ ﻧﮩﯿﮟ ﻣﮕﺮ ﯾﮧ ﮐﺮﺍﭼﯽ ﮐﯽ ﺣﺪﻭﺩ ﻣﯿﮟ ﻗﯿﺪ ﮨﮯ۔ ﻣﺜﻼََ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﺍﭘﻨﮯ ﺑﯿﻮﯼ ﺑﭽﻮﮞ ﮐﻮ ﺗﻤﺎﻡ ﺧﻮﺷﯿﺎﮞ ﺩﻭﮞ، ﺍﺱ ﻣﯿﮟ ﺑﮭﯽ ﮐﻮﺋﯽ ﺑُﺮﺍﺋﯽ ﮐﻮﺋﯽ ﻣﻀﺎﺋﻘﮧ ﻧﮩﯿﮟ ﻣﮕﺮ ﯾﮧ ﺍﭘﻨﮯ ﺧﺎﻧﺪﺍﻥ ﺳﮯ ﺑﺎﮨﺮ ﻧﮩﯿﮟ ﺁﺭﮨﺎ۔ ﺍﮔﺮ ﺑﮍﺍ ﮐﺎﻡ ﮐﺮﻧﺎ ﮨﻮ ﺗﻮ ﺍﻥ ﭼﺎﺭﻭﮞ ﺳﮯ ﺑﺎﮨﺮ ﻧﮑﻞ ﮐﺮ ﺳﻮﭼﻨﺎ ﮨﻮﮔﺎ، ﻣﺜﺎﻝ ﮐﮯ ﻃﻮﺭ ﭘﺮ ﮨﻤﺎﺭﮮ ﭘﯿﺎﺭﮮ ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﺎ ﻭﮊﻥ ﮐﮧ ﻟﻮﮔﻮﮞ ﮐﻮ ﷲ ﮐﺎ ﭘﯿﻐﺎﻡ ﭘﮩﻨﭽﺎﻧﺎ ﮨﮯ ﺍﻥ ﭼﺎﺭﻭﮞ ﺳﮯ ﺁﺯﺍﺩ ﺗﮭﺎ۔
ﺍﻧﮩﻮﮞ ﻧﮯ ﺍﭘﻨﮯ ﺧﺎﻧﺪﺍﻥ ﻭﺍﻟﻮﮞ ﭘﺮ ﺑﮭﯽ ﮐﺎﻡ ﮐﯿﺎ ﺍﻭﺭ ﻏﯿﺮ ﺧﺎﻧﺪﺍﻥ ﻭﺍﻟﻮﮞ ﭘﺮ ﺑﮭﯽ، ﻣﮑّﺘﮧ ﺍﻟﻤﮑﺮﻣﮧ ﻣﯿﮟ ﺑﮭﯽ ﮐﺎﻡ ﮐﯿﺎ ﺍﻭﺭ ﺩﻧﯿﺎ ﺑﮭﺮ ﻣﯿﮟ ﺑﮭﯽ ﺻﺤﺎﺑﮧ ﮐﺮﺍﻡ ﺭﺿﯽ ﷲ ﻋﻨﮩﺎ ﮐﻮ ﺑﮭﯿﺠﺎ ﺍﻭﺭ ﯾﮧ ﮐﺎﻡ ﺍﻧﮑﯽ ﺯﻧﺪﮔﯽ ﮐﮯ ﺑﻌﺪ ﺑﮭﯽ 14 ﺳﻮ ﺳﺎﻟﻮﮞ ﺳﮯ ﭼﻞ ﺭﮨﺎ ﮨﮯ۔ ﺍﺱ ﺟﯿﺴﯽ ﻣﺜﺎﻟﻮﮞ ﺍﻭﺭ ﺣﻮﺍﻟﻮﮞ ﺳﮯ ﺁﺝ ﮐﺎ ﺩﻥ ﺧﺘﻢ ﮨﻮﺍ ﺍﻭﺭ ﻋﺒﺪﷲ ﺁﺝ ﭘﮭﺮ ﺟﺎﺋﮯﻧﻤﺎﺯ ﭘﺮ ﺍﭘﻨﮯ ﺍﻟﻠﮧ ﺳﺎﺋﯿﮟ ﺳﮯ ﺩﻋﺎ ﻣﺎﻧﮓ ﺭﮨﺎ ﺗﮭﺎ،
ﺍﭘﻨﯽ ﺭﺣﻤﺖ ﮐﮯ ﺧﺰﺍﻧﻮﮞ ﺳﮯ ﻋﻄﺎ ﮐﺮ ﻣﺎﻟﮏ
ﺧﻮﺍﺏ ﺍﻭﻗﺎﺕ ﻣﯿﮟ ﺭﮦ ﮐﺮ ﻧﮩﯿﮟ ﺩﯾﮑﮭﮯ ﺟﺎﺗﮯ
’’ ﷲ ﺳﺎﺋﯿﮟ ! ﺁﭘﺲ ﮐﯽ ﺑﺎﺕ ﮨﮯ، ﺍﺑﮭﯽ ﺗﮏ ﮐﯽ ﺯﻧﺪﮔﯽ ﺗﻮ ﺿﺎﺋﻊ ﮨﻮﺋﯽ، ﺁﮔﮯ ﮐﯽ ﮐﺴﯽ ﮐﺎﻡ ﻟﮓ ﺟﺎﻭﮮ ﯾﮩﯽ ﺑِﻨﺘﯽ ﮨﮯ۔ ﺁﺝ ﺗﮏ ﺻﺮﻑ ﺍﻭﺭ ﺻﺮﻑ ﺍﭘﻨﯽ ﺫﺍﺕ ﮐﺎ ﺳﻮﭼﺎ، ﮐﻮﺋﯽ ﮐﺎﻡ ﮐﺮﻧﺎ ﭼﺎﮨﺘﺎ ﮨﻮﮞ ﺟﻮ ﻟﻮﮔﻮﮞ ﮐﻮ ﻓﺎﺋﺪﮦ ﭘﮩﻨﭽﺎﺋﮯ۔ ﻋﻤﺮ ﺑﮭﺮ ﻧﻔﻊ ﺧﻮﺭ ﺭﮨﺎ ﺍﺏ ﻧﻔﻊ ﺑﺨﺶ ﺑﻨﻨﺎ ﭼﺎﮨﺘﺎ ﮨﻮﮞ۔ ﺍﻣﯿﻦ ﺑﮭﺎﺋﯽ ﮐﮩﺘﮯ ﮨﯿﮟ ﮐﮧ ﻭﮊﻥ ﭼﺎﮦ ﮐﺎ ﻧﺎﻡ ﮨﮯ۔ ﭘﯿﺸﯿﻦ ﮔﻮﺋﯽ ﻧﮩﯿﮟ، ﻣﯿﺮﯼ ﭼﺎﮦ ﮨﮯ ﮐﮧ ﺍﯾﺴﮯ ﻟﻮﮒ ﺗﯿﺎﺭ ﮐﺮﻭﮞ ﺟﻨﮭﯿﮟ ﮐﻤﭙﯿﻮﭨﺮ ﺳﺎﺋﻨﺲ ﻣﯿﮟ ﻣﮩﺎﺭﺕ ﮨﻮ ﺗﺎﮐﮧ ﻭﮦ ﺍﭘﻨﮯ ﭘﺮﻭﮔﺮﺍﻣﺰ ﮐﮯ ﺫﺭﯾﻌﮯ ﺍﻧﺴﺎﻧﯿﺖ ﮐﯽ ﺧﺪﻣﺖ ﮐﺮﺳﮑﯿﮟ، ﻣﯿﮟ ﭼﺎﮨﺘﺎ ﮨﻮﮞ ﮐﮧ ﮐﻮﺋﯽ ﺑﮍﺍ ﺍﺩﺍﺭﮦ ﺑﻨﺎﺅﮞ ﺍﺱ ﮐﺎﻡ ﮐﮯ ﻟﯿﮯ، ﻧﮧ ﻋﻘﻞ ﮨﮯ ﻧﮧ ﭘﯿﺴﮧ ﻧﮧ ﺗﺠﺮﺑﮧ، ﺗﻮ ﻣﺪﺩ ﮐﺮ ﻣﯿﺮﮮ ﻣﺎﻟﮏ !
ﺗﯿﺮﮮ ﻟﯿﮯ ﮐﯿﺎ ﻣُﺸﮑﻞ، ﺗﺠﮭﮯ ﮐﻮﺋﯽ ﺍﺳﻤﺒﻠﯽ ﺳﮯ ﺑﻞ ﺗﮭﻮﮌﺍ ﮨﯽ ﭘﺎﺱ ﮐﺮﺍﻧﺎ ﮨﻮﺗﺎ ﮨﮯ،
ﻣﯿﺮﯼ ﻣﺪﺩ ﮐﺮ ﻣﯿﺮﮮ ﻣﺎﻟﮏ ! ﻣﯿﺮﺍ ﮨﺎﺗﮫ ﭘﮑﮍ ﺍﻭﺭ ﺩﯾﮑﮫ ﭘﻠﯿﺰ ﺍﺱ ﺑﺎﺭ ﺻﺤﯿﺢ ﻻﺋﻦ ﭘﺮ ﭼﻼ ﺩﮮ، ﺁﻣﯿﻦ ‘‘
ﺁﺝ ﭨﺮﯾﻨﻨﮓ ﮐﺎ ﺁﺧﺮﯼ ﺩﻥ ﺗﮭﺎ ﺍﻭﺭ ﺍﻣﯿﻦ ﺑﮭﺎﺋﯽ ﮐﺎ ﺟﻮﺵِ ﺧﻄﺎﺑﺖ ﻋﺮﻭﺝ ﭘﺮ ﺗﮭﺎ۔ ﺍﻧﮩﻮﮞ ﻧﮯ ﭨﺮﯾﻨﻨﮓ ﮐﻮ ﺁﮔﮯ ﺑﮍﮬﺎﯾﺎ، ﺁﺩﻣﯽ ﺯﻧﺪﮔﯽ ﻣﯿﮟ ﻣﺨﺘﻠﻒ ﮐﺮﺩﺍﺭ ﻧﺒﮭﺎﺗﺎ ﮨﮯ ﺟﻨﮩﯿﮟ ﮨﻢ roles ﮐﮩﮧ ﻟﯿﺘﮯ ﮨﯿﮟ۔ ﺍﻥ ﮐﯽ ﺩﻭ ﺍﻗﺴﺎﻡ ﮨﯿﮟ ﻻﺯﻣﯽ ﯾﺎ mandated ﺭﻭﻟﺰ ﺍﻭﺭ ﺍﺧﺘﯿﺎﺭﯼ ﯾﺎ electives ۔ ﻻﺯﻣﯽ ﮐﺮﺩﺍﺭ ﻭﮦ ﮨﯿﮟ ﺟﻮ ﺁﭖ ﭼﺎﮨﺘﮯ ﮨﻮﺋﮯ ﺑﮭﯽ ﻧﮧ ﭼﮭﻮﮌ ﺳﮑﯿﮟ ﻣﺜﻼً ﺑﺎﭖ ﮐﺎ ﺭﻭﻝ۔ ﺍﺏ ﺁﭖ ﺍﭘﻨﮯ ﺑﯿﭩﮯ ﺳﮯ ﺟﺎ ﮐﺮ ﺍﮔﺮ ﮐﮩﯿﮟ ﮐﮧ ﺁﺝ ﮐﮯ ﺑﻌﺪ ﺗﻢ ﻣﯿﺮﮮ ﺑﯿﭩﮯ ﻧﮩﯿﮟ ﺗﻮ ﺁﭖ ﮐﮯ ﺻﺮﻑ ﮐﮩﻨﮯ ﺳﮯ ﮐﭽﮫ ﺑﮭﯽ ﻧﮧ ﮨﻮﮔﺎ، ﺭﺷﺘﮯ ﺟﻮﮞ ﮐﮯ ﺗﻮﮞ ﻗﺎﺋﻢ ﺭﮨﯿﮟ ﮔﮯ۔ ﺍﺧﺘﯿﺎﺭﯼ ﻭﮦ ﺭﻭﻟﺰ ﺟﻮ ﺁﭖ ﮐﯽ ﺻﻮﺍﺑﺪﯾﺪ ﭘﺮ ﮨﻮﮞ ﻣﺜﻼً ﺩﻭﺳﺖ۔ ﺁﭖ ﺟﺐ ﭼﺎﮨﯿﮟ ﺟﯿﺴﮯ ﭼﺎﮨﯿﮟ ﺩﻭﺳﺖ ﺑﺪﻝ ﺳﮑﺘﮯ ﮨﯿﮟ۔ ﻣﺜﻼً ﺟﺎﺏ، ﺁﭖ ﭼﺎﮨﯿﮟ ﺗﻮ ﺍﺳﺘﻌﻔﯽٰ ﺩﮮ ﺩﯾﮟ ﺍﻭﺭ ﮐﺴﯽ ﺍﻭﺭ ﺟﮕﮧ ﻧﻮﮐﺮﯼ ﮐﺮﻟﯿﮟ، ﺗﻮ ﺁﭖ ﺳﺐ ﻟﻮﮒ ﺍﭘﻨﮯ ﺗﻤﺎﻡ ﺭﻭﻟﺰ ﮐﯽ ﺍﯾﮏ ﻓﮩﺮﺳﺖ ﺑﻨﺎﺋﯿﮟ۔ ﻋﺒﺪﷲ ﻧﮯ ﻗﻠﻢ ﻧﮑﺎﻻ ﺍﻭﺭ ﮐﭽﮫ ﺍﯾﺴﯽ ﻓﮩﺮﺳﺖ ﺗﯿﺎﺭ ﮐﺮ ﻟﯽ،
ﻻﺯﻣﯽ Mandated ﺍﺧﺘﯿﺎﺭﯼ Electives
ﺑﺎﭖ ﻧﻮﮐﺮ
ﺑﯿﭩﺎ ﺩﻭﺳﺖ
ﺑﮭﺎﺋﯽ ﺍُﺳﺘﺎﺩ
ﺍﭘﻨﯽ ﺫﺍﺕ ﺷﺎﮔﺮﺩ
ﺩﺍﻣﺎﺩ ﮐﮭﻼﮌﯼ
ﮐﻔﯿﻞ ﺗﯿﺮﺍﮎ
ﺍﻣﺘﯽ ﺷﻮﮨﺮ
ﻋﺒﺪﺍﷲ ﺍﻧﭩﺮﻧﯿﭧ ﺳﺮﻓﺮ
ﻣﺤﻠﮧ ﮐﻤﯿﭩﯽ
ﻣﺴﺠﺪ ﮐﻤﯿﭩﯽ
ﻻﺋﺒﺮﯾﺮﯼ ﻣﻤﺒﺮ
ﻭﻏﯿﺮﮦ ﻭﻏﯿﺮﮦ
ﺍﻣﯿﻦ ﺑﮭﺎﺋﯽ ﭘﮭﺮ ﮔﻮﯾﺎ ﮨﻮﺋﮯ، ﺗﻘﺮﯾﺒﺎً ﻭﮦ ﺗﻤﺎﻡ ﮐﺎﻡ ﺟﻮ ﺁﭖ 24 ﮔﮭﻨﭩﻮﮞ ﻣﯿﮟ ﮐﺴﯽ ﻧﮧ ﮐﺴﯽ roles ﮐﮯ ﺗﺤﺖ ﮐﺮﺗﮯ ﮨﯿﮟ ﻭﮦ ﯾﮩﺎﮞ ﺁﺋﯿﮟ ﮔﮯ، ﺍﺏ ﻻﺯﻣﯽ ﮐﺮﺩﺍﺭﻭﮞ ﮐﻮ ﺗﻮ ﺁﭖ ﮐﭽﮫ ﮐﮩﮧ ﻧﮩﯿﮟ ﺳﮑﺘﮯ ﺗﻮ ﺍﺧﺘﯿﺎﺭﯼ ﺭﻭﻟﺰ ﻣﯿﮟ ﺳﮯ ﮨﺮ ﻭﮦ ﺭﻭﻝ ﺟﻮ ﺁﭘﮑﮯ ﻭﮊﻥ ﮐﺎ ﺣﺼﮧ ﻧﮩﯿﮟ ﯾﺎ ﺍُﺳﮯ ﮐﺴﯽ ﻧﮧ ﮐﺴﯽ ﻃﻮﺭ support ﻧﮩﯿﮟ ﮐﺮ ﺭﮨﺎ، ﺁﭖ ﺍﺳﮯ ﺍُﮌﺍ ﺩﯾﮟ، ﮨﺮ ﺟﻨﮓ ﻟﮍﻧﮯ ﻭﺍﻟﯽ ﻧﮩﯿﮟ ﮨﻮﺗﯽ۔ ﻣﺜﻼً ﺍﮔﺮ ﮐﺴﯽ ﮐﺎ ﻭﮊﻥ ﺷﺎﮨﺪ ﺁﻓﺮﯾﺪﯼ ﺑﻨﻨﺎ ﮨﮯ ﺗﻮ ﺍُﺳﮯ 4 ﮔﮭﻨﭩﮯ ﺭﻭﺯ ﮔﺎﻧﺎ ﮔﺎﻧﮯ ﮐﯽ ﮐﯿﺎ ﺿﺮﻭﺭﺕ ﮨﮯ ﻭﮦ ﮐﺮﮐﭧ ﮐﮭﯿﻠﮯ۔ ﺁﭖ ﺧﻮﺩ ﮨﯽ ﻣﻨﺼﻒ ﺑﻦ ﺟﺎﺋﯿﮟ ﺍﭘﻨﮯ ﺍﺧﺘﯿﺎﺭﯼ ﺭﻭﻟﺰ ﺍﻭﺭ ﺍﭘﻨﮯ ﻭﮊﻥ ﮐﮯ ﺑﯿﭻ۔ ﺍﺱ ﻃﺮﺡ ﮐﺮﻧﮯ ﺳﮯ ﺁﭘﮑﯽ ﺯﻧﺪﮔﯽ ﻣﯿﮟ Focus ﯾﮑﺴﺎﻧﯿﺖ ﺑﮭﯽ ﺁﺋﮯ ﮔﯽ ﺍﻭﺭ ﻭﻗﺖ ﺑﮭﯽ ﺑﭽﮯ ﮔﺎ۔
ﻭﻗﻔﮯ ﻣﯿﮟ ﻋﺒﺪﷲ ﻣﻌﻠﻮﻣﺎﺕ ﮐﮯ ﺍﺱ ﻃﻮﻓﺎﻥ ﮐﻮ ﮈﺍﺋﯽ ﺳﯿﮑﭧ ﮐﺮ ﺭﮨﺎ ﺗﮭﺎ، ﭨﮭﯿﮏ ﮨﯽ ﺗﻮ ﮐﮩﺘﮯ ﮨﯿﮟ ﺍﺗﻨﯽ ﺳﯽ ﺯﻧﺪﮔﯽ ﻣﯿﮟ ﮐﯿﺎ ﮐﯿﺎ ﮐﺮﻭﮞ۔ ﺑﯿﻮﺍﺅﮞ ﮐﯽ ﺧﺪﻣﺖ ﮐﺮﻭﮞ، ﯾﺘﯿﻤﻮﮞ ﮐﺎ ﺧﯿﺎﻝ ﺭﮐﮭﻮﮞ، ﮐﺘﺎﺑﯿﮟ ﻟﮑﮭﻮﮞ، ﭘﮍﮬﺎﺅﮞ، ﮐﻤﭙﻨﯽ ﮐﮭﻮﻟﻮﮞ، ﺍﯾﺪﮬﯽ ﮐﮯ ﻟﯿﮯ ﺍﯾﻤﺒﻮﻟﯿﻨﺲ ﭼﻼﺅﮞ، ﭘﮍﮬﻮﮞ ﯾﺎ ﻣﻠﮑﯽ ﺳﯿﺎﺳﺖ ﻣﯿﮟ ﺣﺼﮧ ﻟﻮﮞ !
ﻋﺒﺪﺍﷲ ﻧﮯ ﮐﺎﻏﺬ ﭘﺮ ﻟﮑﮭﻨﺎ ﺷﺮﻭﻉ ﮐﺮﺩﯾﺎ۔ ﭘﺎﮐﺴﺘﺎﻥ ﻣﯿﮟ ﻣﺮﺩ ﮐﯽ ﺍﻭﺳﻂ ﻋﻤﺮ 62 ﺳﺎﻝ ﺍﻭﺭ ﻋﻮﺭﺕ ﮐﯽ 65 ﺳﺎﻝ، ﺍﺏ ﯾﮧ ﮐﮩﺘﮯ ﮨﯿﮟ ﮐﮧ ﻋﻤﺮ ﭘﮍﯼ ﮨﮯ ﻭﮦ ﮨﮯ ﮐﮩﺎﮞ؟ ﺷﺮﻭﻉ ﮐﮯ 12 ﺳﺎﻝ ﺗﻮ ﺑﭽﭙﻨﮯ ﮐﯽ ﻧﺬﺭ ﮨﻮﺟﺎﺗﮯ ﮨﯿﮟ۔ ﺍﺏ ﺍﮔﺮ ﮐﻮﺋﯽ 70 ﺳﺎﻝ ﺑﮭﯽ ﺟﺌﮯ ﺗﻮ 58 ﺑﺎﻗﯽ ﺑﭽﮯ، ﮨﻢ ﺩﻥ ﻣﯿﮟ ﮐﻢ ﺍﺯ ﮐﻢ 8 ﮔﮭﻨﭩﮯ ﺳﻮﺗﮯ ﮨﯿﮟ۔ 24 ﮔﮭﻨﭩﻮﮞ ﻣﯿﮟ ﺳﮯ ﯾﮧ ﺍﯾﮏ ﺗﮩﺎﺋﯽ ﺑﻨﺘﺎ ﮨﮯ ﺗﻮ ﮐﻮﺋﯽ 23 ﺳﺎﻝ 4 ﻣﺎﮦ ﮨﻢ ﺳﻮ ﺭﮨﮯ ﮨﯿﮟ۔ 8 ﮨﯽ ﮔﮭﻨﭩﮯ ﮐﻢ ﺍﺯ ﮐﻢ ﺁﻓﺲ ﻣﯿﮟ ﺟﺎﺗﮯ ﮨﯿﮟ ﮨﺮ ﺭﻭﺯ، 23 ﺳﺎﻝ 4 ﻣﺎﮦ ﻭﮨﺎﮞ ﮔﺌﮯ۔ ﭘﺎﮐﺴﺘﺎﻧﯽ ﺍﻭﺳﻄﺎََ 4 ﮔﮭﻨﭩﮯ TV ﺩﯾﮑﮭﺘﮯ ﮨﯿﮟ ﺩﻥ ﻣﯿﮟ، ﯾﮧ ﮐﻮﺋﯽ ﺳﺎﮌﮬﮯ 11 ﺳﺎﻝ ﺑﻨﺘﮯ ﮨﯿﮟ، 4 ﮔﮭﻨﭩﮯ ﮨﻢ ﺍﻭﺳﻄﺎََ ﺍﻧﭩﺮﻧﯿﭧ ﮐﻮ ﺩﯾﺘﮯ ﮨﯿﮟ ﺳﺎﮌﮬﮯ 11 ﺳﺎﻝ ﺍِﺩﮬﺮ ﮔﺌﮯ، ﺍﯾﮏ ﺳﺎﻝ ﺯﻧﺪﮔﯽ ﻣﯿﮟ ﮨﻢ ﻃﺒﻌﯽ ﺿﺮﻭﺭﯾﺎﺕ ﻣﯿﮟ ﺑﺎﺗﮫ ﺭﻭﻡ ﻣﯿﮟ ﮔﺬﺍﺭﺗﮯ ﮨﯿﮟ۔ 12 ﺳﺎﻝ ﮐﯽ ﻋﻤﺮ ﻣﯿﮟ ﺍﮔﺮ ﻧﻤﺎﺯ ﻓﺮﺽ ﮨﻮ ﺍﻭﺭ ﮨﻢ 5 ﻭﻗﺖ ﺭﻭﺯﺍﻧﮧ ﻧﻤﺎﺯ ﭘﮍﮬﯿﮟ ﺍﻭﺭ ﺩﻥ ﻣﯿﮟ ﺍﯾﮏ ﮔﮭﻨﭩﮧ ﺑﮭﯽ ﻟﮕﺎ ﺩﯾﮟ ﺗﻮ 70 ﺳﺎﻝ ﮐﯽ ﻋﻤﺮ ﻣﯿﮟ ﮐﻮﺋﯽ ﮈﮬﺎﺋﯽ ﺳﺎﻝ ﷲ ﮐﻮ ﺩﯾﻨﮕﮯ ﺟﺲ ﻧﮯ ﭘﯿﺪﺍ ﮐﯿﺎ ﺍﭘﻨﯽ ﻋﺒﺎﺩﺕ ﮐﮯ ﻟﺌﮯ، 613,000 ﮔﮭﻨﭩﻮﮞ ﮐﯽ ﺯﻧﺪﮔﯽ ﻣﯿﮟ ﺳﮯ ﺻﺮﻑ 20 ﮨﺰﺍﺭ ﮔﮭﻨﭩﮯ؟ ﮐﻮﺋﯽ ﺑﺎﺕ ﺑﻨﯽ ﻧﮩﯿﮟ۔ ﭘﻮﺭﯼ ﺯﻧﺪﮔﯽ ﺟﺐ ﺗﮏ ﻋﺒﺎﺩﺕ ﮐﮯ ﻣﻔﮩﻮﻡ ﮐﮯ ﺗﺤﺖ ﻧﮩﯿﮟ ﺁﺟﺎﺗﯽ ﺗﺐ ﺗﮏ ﺣﻖ ﺗﻮ ﺍﺩﺍ ﻧﮧ ﮨﻮﺳﮑﮯ ﮔﺎ ﮐﯿﺎ ﺁﭖ ﮐﻮﺋﯽ ﺍﯾﺴﺎ ﻧﻮﮐﺮ ﺭﮐﮭﻮ ﮔﮯ ﺟﻮ ﺍﭘﻨﮯ ﺍﺻﻞ ﮐﺎﻡ ﮐﻮ ﺻﺮﻑ % 3.5 ﻭﻗﺖ ﺩﮮ ﺍﻭﺭ ﺑﺎﻗﯽ ﺑﮯ ﮐﺎﺭ ﺑﯿﭩﮭﺎ ﺭﮨﮯ؟ ﺍﻭﺭ ﯾﮧ % 3.5 ﻭﻗﺖ ﺑﮭﯽ ﮨﻢ ﮐﺐ ﺩﯾﺘﮯ ﮨﯿﮟ، ﻣﮩﯿﻨﻮﮞ ﮔﺬﺭ ﺟﺎﺗﮯ ﮨﯿﮟ ﻣﺴﺠﺪ ﮐﺎ ﻣﻨﮧ ﺩﯾﮑﮭﮯ ﮨﻮﺋﮯ۔
ﺟﺘﻨﯽ ﺗﯿﺰﯼ ﺳﮯ ﻋﺒﺪﷲ ﮐﺎ ﻗﻠﻢ ﭼﻞ ﺭﮨﺎ ﺗﮭﺎ ﺍﺱ ﺳﮯ ﮐﮩﯿﮟ ﺯﯾﺎﺩﮦ ﺭﻓﺘﺎﺭ ﺳﮯ ﺍُﺱ ﮐﺎ ﺩﻣﺎﻍ ﺍﻭﺭ ﺩﻝ۔
ﭨﮭﯿﮏ ﮨﮯ ﺍﻣﯿﻦ ﺑﮭﺎﺋﯽ ! ﺁﺝ ﭘﮭﺮ ﺭﺕ ﺟﮕﺎ ﺍﻭﺭ electives ﮐﺎ ﻣﺬﺑﺢ ﺧﺎﻧﮧ، ﻭﻗﻔﮯ ﺳﮯ ﺁﺗﮯ ﮨﯽ ﺍﻣﯿﻦ ﺑﮭﺎﺋﯽ ﻧﮯ ﺍﯾﮏ ﺍﻭﺭ ﮐﺎﺭﯼ ﻭﺍﺭ ﮐﯿﺎ۔ ﺁﭖ ﻟﻮﮔﻮﮞ ﮐﻮ ﻣﺎﺋﯿﮑﺮﻭ ﺳﺎﻓﭧ ﺍﯾﮑﺴﻞ ﺗﻮ ﺁﺗﯽ ﮨﻮﮔﯽ؟ ﺗﻮ ﺍﯾﮏ ﺑﺎﺭ ﭼﺎﺭﭦ ﺑﻨﺎﺋﯿﮟ ﺍﻭﺭ ﻧﯿﭽﮯ ﻟﮑﮫ ﺩﯾﮟ ﺗﻤﺎﻡ ﺭﻭﻟﺰ ﺟﻮ ﺑﺎﻗﯽ ﺑﭻ ﮔﺌﮯ ﮨﯿﮟ۔
ﺑﺎﭖ ﺑﯿﭩﺎ ﺍُﻣﺘﯽ ﻋﺒﺪﷲ ﭘﮍﻭﺳﯽ، ﮨﻤﯿﮟ ﺍﻥ ﺗﻤﺎﻡ ﺭﻭﻟﺰ ﮐﻮ ﮐﺴﯽ ﻧﮧ ﮐﺴﯽ، ﮐﻢ ﺍﺯ ﮐﻢ ﻣﻌﯿﺎﺭ ﭘﺮ ﻧﺒﮭﺎﻧﺎ ﭼﺎﮨﺌﯿﮯ، ﺟﯿﺴﺎ ﮐﮧ ﺍﺳﮑﻮﻝ ﻣﯿﮟ 33% ﻧﻤﺒﺮﻭﮞ ﭘﺮ ﭘﺎﺱ ﮨﻮﺗﺎ ﮨﮯ ﯾﺎ ﯾﻮﻧﯿﻮﺭﺳﭩﯽ ﻣﯿﮟ 2.2 GPA ﭘﺮ، ﺍﺳﯽ ﻃﺮﺡ ﮨﺮ ﺭﻭﻝ ﮐﺎ ﺍﯾﮏ (MPL Minimum Perfomance Level) ﮨﻮﺗﺎ ﮨﮯ۔ ﺍﮔﺮ ﺍﺱ ﺳﮯ ﻧﯿﭽﮯ ﺁﺋﮯ ﺗﻮ ﻇﻠﻢ ﻣﯿﮟ ﺷﻤﺎﺭ ﮨﻮﮔﺎ، ﺍُﻭﭘﺮ ﮔﺌﮯ ﺗﻮ ﺍﺣﺴﺎﻥ۔ ﻇﻠﻢ ﮐﺎ ﻣﻄﻠﺐ ﮨﮯ ﮐﺴﯽ ﭼﯿﺰ ﮐﻮ ﺍﺳﮑﯽ ﺟﮕﮧ ﺳﮯ ﮨﭩﺎ ﺩﯾﻨﺎ، ﻣﺜﻼً ﻣﺎﮞ ﺑﺎﭖ ﮐﮯ ﻟﯿﮯ MPL ﮨﮯ ﮐﮧ ﺍﻧﮩﯿﮟ ﺍُﻑ ﺑﮭﯽ ﻧﮧ ﮐﯽ ﺟﺎﺋﮯ۔ ﺍﺏ ﺁﭖ ﺧﻮﺩ ﺍﻧﺪﺍﺯﮦ ﻟﮕﺎﻟﯿﮟ ﮐﮧ ﺑﺎﺭ ﭼﺎﺭﭦ ﻣﯿﮟ ﺁﭖ ﮐﮩﺎﮞ ﮨﯿﮟ؟ ﺍﺣﺴﺎﻥ ﮐﺎ ﻣﻄﻠﺐ ﮨﮯ ﻭﮦ ﭼﯿﺰ ﺟﻮ ﻣﻮﺟﻮﺩﮦ ﺭﯾﺴﻮﺭﺳﺰ ﻣﯿﮟ ﺍُﺱ ﺳﮯ ﺑﮩﺘﺮ ﻣﻤﮑﻦ ﻧﮧ ﮨﻮ۔ ﻏﺮﺽ ﺁﭖ ﮐﯽ ﺳﺐ ﺳﮯ ﺑﮩﺘﺮ ﮐﺎﻭﺵ۔
ﮐﺴﯽ ﺁﺩﻣﯽ ﮐﮯ ﭘﺎﺱ 10 ﺭﻭﭘﮯ ﮨﯿﮟ ﺍﻭﺭ ﻭﮦ 10 ﺭﻭﭘﮯ ﺻﺪﻗﮧ ﮐﺮﺩﯾﺘﺎ ﮨﮯ ﺗﻮ ﺍُﺱ ﺁﺩﻣﯽ ﺳﮯ ﺑﮩﺘﺮ ﮨﻮﮔﺎ ﺟﻮ ﻻﮐﮫ ﺭﻭﭘﮯ ﺩﮮ 10 ﮐﺮﻭﮌ ﻣﯿﮟ ﺳﮯ، ﺍﺏ ﺁﭖ ﮐﻮ ﺗﻤﺎﻡ ﺭﻭﻟﺰ ﮐﮯ MPL ﻣﻌﻠﻮﻡ ﮐﺮﻧﮯ ﮨﯿﮟ ﺍﻭﺭ ﺍﻥ MPLs ﮐﻮ ﭘﻮﺭﺍ ﮐﺮﺗﮯ ﮨﻮﺋﮯ ﻣﺮﮔﺌﮯ ﺗﻮ ﮐﺎﻣﯿﺎﺏ ﻭﺭﻧﮧ ﻧﺎﮐﺎﻡ۔ ﺍﺱ ﮐﮯ ﺑﻌﺪ ﺍﻣﯿﻦ ﺑﮭﺎﺋﯽ ﻧﮯ ﻣﻮﻻﻧﺎ ﺗﻘﯽ ﻋﺜﻤﺎﻧﯽ ﺻﺎﺣﺐ ﮐﺎ ﺷﻌﺮ ﺑﮭﯽ ﺳﻨﺎ ﺩﯾﺎ۔
ﻗﺪﻡ ﮨﻮﮞ ﺭﺍﮦِ ﺍﻟﻔﺖ ﻣﯿﮟ ﺗﻮ ﻣﻨﺰﻝ ﮐﯽ ﮨﻮﺱ ﮐﯿﺴﯽ
ﯾﮩﺎﮞ ﺗﻮ ﻋﯿﻦ ﻣﻨﺰﻝ ﮨﮯ ﺗﮭﮑﻦ ﺳﮯ ﭼﻮﺭ ﮨﻮﺟﺎﻧﺎ
ﺍﻣﯿﻦ ﺑﮭﺎﺋﯽ ﻧﮯ ﭨﺮﯾﻨﻨﮓ ﮐﺎ ﺍﺧﺘﺘﺎﻡ ﮐﯿﺎ۔ ﺗﻮ ﺁﭖ ﻟﻮﮒ ﮔﮭﺮ ﺟﺎﺋﯿﮟ۔ ﺭﻭﻟﺰ ﻟﮑﮭﯿﮟ MPL ﮈﮬﻮﻧﮉﯾﮟ ﺍﻭﺭ ﻭﮊﻥ ﺑﻨﺎﺋﯿﮟ ﮐﮧ 100 ﺳﺎﻝ ﺑﻌﺪ ﺁﭖ ﺍﭘﻨﮯ ﺁﭖ ﮐﻮ ﮐﺲ ﺭﻭﻝ ﻣﯿﮟ ﮐﺲ ﺟﮕﮧ ﺩﯾﮑﮭﻨﺎ ﭼﺎﮨﺘﮯ ﮨﯿﮟ۔ ﺍﯾﺴﺎ ﻧﮧ ﮨﻮ ﮐﮧ ﺍﭘﻨﯽ ﺫﺍﺕ ﮐﮯ ﺭﻭﻝ ﻣﯿﮟ ﺗﻮ ﺑﺰﻧﺲ ﻣﯿﻦ ﺑﻦ ﺟﺎﺋﯿﮟ ﻣﮕﺮ ﺑﺎﭖ، ﺑﮭﺎﺋﯽ ﻋﺒﺪﷲ ﮐﮯ ﺳﺎﺭﮮ ﺭﻭﻟﺰ ﻣﺘﺎﺛﺮ ﮨﻮﺟﺎﺋﯿﮟ۔ ﭘﮭﺮ ﺳﻮﭼﯿﮟ ﮐﮧ 50 ﺳﺎﻝ ﻭﺍﻻ ﻭﮊﻥ ﮐﯿﺎ ﮨﻮﮔﺎ؟ 25 ﻣﯿﮟ ﮐﮩﺎﮞ ﮨﻮﮞ ﮔﮯ؟ ﺍﻭﺭ 10 ،5 ﺍﻭﺭ 1 ﺳﺎﻝ ﮐﺎ ﭘﻼﻥ ﺑﻨﺎﻟﯿﮟ ﺣﺘﯽ ﮐﮧ ﻣﮩﯿﻨﻮﮞ ﮨﻔﺘﻮﮞ ﺍﻭﺭ ﺩﻧﻮﮞ ﮐﯽ ﮐﻮﺷﺶ ﮐﺮﯾﮟ، ﺗﺎﮐﮧ ﺁﺝ ﺁﭖ ﺟﻮ ﮐﺎﻡ ﮐﺮ ﮨﮯ ﮨﯿﮟ ﻭﮦ ﺁﭘﮑﮯ 100 ﺳﺎﻝ ﻭﺍﻟﮯ ﻭﮊﻥ ﺳﮯ connect ﮨﻮﺳﮑﮯ۔
* ۔۔۔ * ۔۔۔ *
ﺍﺱ ﭨﺮﯾﻨﻨﮓ ﺳﮯ ﻋﺒﺪﷲ ﮐﻮ ﺍﭘﻨﮯ ﺑﮩﺖ ﺳﮯ ﺳﻮﺍﻟﻮﮞ ﮐﮯ ﺟﻮﺍﺏ ﻣﻞ ﮔﺌﮯ۔ ﻭﮦ ﮐﺴﯽ ﺣﺪ ﺗﮏ ﻣﻄﻤﺌﻦ ﺗﮭﺎ ﮐﮧ ﭼﻠﻮ ﺯﻧﺪﮦ ﺭﮨﻨﮯ ﮐﺎ ﮐﻮﺋﯽ ﺑﮩﺎﻧﮧ ﺗﻮ ﻣِﻼ، ﮐﻮﺋﯽ ﺭﺍﺳﺘﮧ ﺗﻮ ﻧﻈﺮ ﺁﯾﺎ، ﻣﯿﺮﺍ ﮐﻮﺋﯽ ﻣﻘﺼﺪ ﺣﯿﺎﺕ ﺗﻮ ﮨﮯ۔ ﺯﻧﺪﮔﯽ ﮐﮯ ﺍﻧﺪﮬﯿﺮﻭﮞ ﻣﯿﮟ ﯾﮧ ﭼﮭﻮﭨﯽ ﺳﯽ ﮐﺮﻥ ﻋﺒﺪﷲ ﮐﮯ ﻟﯿﮯ ﮈﻭﺑﺘﮯ ﮐﻮ ﺗﻨﮑﮯ ﮐﺎ ﺳﮩﺎﺭﺍ ﮐﯽ ﻣﺎﻧﻨﺪ ﺗﮭﯽ۔ ﺁﺝ ﺭﺍﺕ ﺍﺱ ﻧﮯ ﺍﺣﻤﺪ ﺻﺎﺣﺐ ﮐﻮ ﻓﻮﻥ ﮐﺮﮐﮯ ﺷﮑﺮﯾﮧ ﺍﺩﺍ ﮐﯿﺎ ﺍﻭﺭ ﮐﮩﺎ ﮐﮧ ﻭﮦ ﺍﻧﮑﯽ ﺑﺎﻗﯽ ﭨﺮﯾﻨﻨﮕﺰ ﺑﮭﯽ ﮐﺮﻧﺎ ﭼﺎﮨﺘﺎ ﮨﮯ، ﻣﮕﺮ ﻓﯽ ﺍﻟﺤﺎﻝ ﭘﯿﺴﮯ ﻧﮩﯿﮟ ﮨﯿﮟ۔ ﺍﺣﻤﺪ ﺻﺎﺣﺐ ﻧﮯ ﺁﻓﺮ ﺩﯼ ﮐﮧ ﺁﭖ ﮐﻮﺭﺳﺰ ﮐﺮﻟﯿﮟ ﭘﯿﺴﮯ ﺟﺐ ﮨﻮﮞ ﺗﺐ ﺩﮮ ﺩﯾﻨﺎ۔ ﯾﻮﮞ ﻋﺒﺪﷲ ﮐﯽ ﺯﻧﺪﮔﯽ ﻣﯿﮟ ﺍﯾﮏ ﺑﺎﺏ ﺍﻭﺭ ﺷﺮﻭﻉ ﮨﻮﺍ، ﭨﺮ ﯾﻨﻨﮕﺰ ﺍﻭﺭ ﻭﮊﻥ ﮐﺎ۔
* ۔۔۔ * ۔۔۔ *
ﻋﺒﺪﷲ ﯾﻮﻧﯿﻮﺭﺳﭩﯽ ﻣﯿﮟ ﻭﺍﭘﺲ ﺁﯾﺎ ﺍﻭﺭ ﺩﻥ ﺭﺍﺕ ﭘﮍﮬﺎﻧﮯ ﻣﯿﮟ ﻟﮓ ﮔﯿﺎ۔ ﺑﭽﻮﮞ ﮐﻮ ﭘﮍﮬﺎﻧﺎ ﺍﻭﺭ ﺍﭼﮭﺎ ﮐﻤﭙﯿﻮﭨﺮ ﺍﺳﺎﺋﻨﭩﺴﭧ ﺑﻨﺎﻧﺎ ﺍﺱ ﮐﮯ ﻭﮊﻥ ﮐﺎ ﺣﺼﮧ ﺗﮭﺎ۔ ﺍﺱ ﻧﮯ ﺍﭘﻨﯽ ﺭﯾﺴﺮﭺ ﻟﯿﺐ ﺑﻨﺎﺋﯽ ﺍﻭﺭ ﺭﯾﺴﺮﭺ ﭘﺮ ﺑﮩﺖ ﺯﻭﺭ ﺩﯾﻨﮯ ﻟﮕﺎ۔ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﯾﻮﻧﯿﻮﺭﺳﭩﯽ ﻋﺒﺪﷲ ﮐﯽ ﮔﺮﻭﯾﺪﮦ ﮨﻮﮔﺌﯽ۔ ﭘﺮﻭﻓﯿﺴﺮ ﻋﺒﺪﷲ ﮐﯽ ﮐﻼﺱ ﻣﯿﮟ ﭘﮍﮬﻨﺎ ﻃﺎﻟﺐ ﻋﻠﻤﻮﮞ ﮐﮯ ﻟﯿﮯ ﻭﺟﮧِ ﺍﻓﺘﺨﺎﺭ ﺳﻤﺠﮭﺎ ﺟﺎﻧﮯ ﻟﮕﺎ۔ ﺑﯿﭽﻠﺮﺯ ﮐﯽ ﺍﯾﮏ ﮐﻼﺱ ﻣﯿﮟ ﺳﮯ 13 ﺍﻧﭩﺮﻧﯿﺸﻨﻞ ﭘﺒﻠﯽ ﮐﯿﺸﻨﺰ ﺁﮔﺌﯿﮟ ﺍﻭﺭ ﻋﺒﺪﷲ ﮐﮯ ﺍﺳﭩﻮﮈﻧﭧ ﺩﻧﯿﺎ ﺑﮭﺮ ﻣﯿﮟ ﺍﺳﮑﺎﻟﺮ ﺷﭗ ﭘﺮ ﺟﺎﻧﮯ ﻟﮕﮯ۔ 4 ﻃﺎﻟﺐ ﻋﻠﻤﻮﮞ ﮐﻮ ﻭﮨﯽ ﺳﯿﻨﯿﭩﺮ ﺍﺳﮑﺎﻟﺮ ﺷﭗ ﻣﻠﯽ ﺟﺲ ﭘﺮ ﻋﺒﺪﷲ ﺧﻮﺩ ﮔﯿﺎ ﺗﮭﺎ۔ ﻋﺒﺪﷲ ﻧﮯ ﮈﯾﭙﺎﺭﭨﻤﻨﭧ ﮐﺎ curriculum ﺗﺒﺪﯾﻞ ﮐﺮﺩﯾﺎ ﺍﻭﺭ ﺩﻧﯿﺎ ﮐﮯ ﺑﮩﺘﺮﯾﻦ ﮐﻮﺭﺳﺰ ﻣﺘﻌﺎﺭﻑ ﮐﺮﻭﺍﺋﮯ۔ ﺍﺱ ﺷﮩﺮﺕ ﺍﻭﺭ ﮐﺎﻡ ﮐﯽ ﻭﺟﮧ ﺳﮯ ﻋﺒﺪﷲ ﺟﻠﺪ ﮨﯽ ﻧﻈﺮﻭﮞ ﻣﯿﮟ ﺁﮔﯿﺎ ﺍﻭﺭ ﺍﺳﮯ ﮨﺮ ﺍُﺱ ﮐﻤﯿﭩﯽ ﮐﺎ ﻣﻤﺒﺮ ﺑﻨﺎ ﺩﯾﺎ ﺟﺎﺗﺎ ﺟﺲ ﮐﺎ ﺍﺱ ﺳﮯ ﺩﻭﺭ ﺩﻭﺭ ﺗﮏ ﮐﺎ ﻭﺍﺳﻄﮧ ﻧﮧ ﮨﻮﺗﺎ۔ ﺍُﺳﮯ ﺳﺰﺍ ﮐﮯ ﻃﻮﺭ ﭘﺮ ﮈﺭﺍﺋﯿﻮﺭﺯ ﮐﻤﯿﭩﯽ، ﮔﺎﺭﮈﻥ ﮐﻤﯿﭩﯽ، ﺍﻭﭘﻦ ﮨﺎﺅﺱ ﮐﻤﯿﭩﯽ ﺍﻭﺭ ﺍِﺱ ﺟﯿﺴﯽ ﮨﯽ ﻧﺠﺎﻧﮯ ﮐﻮﻥ ﮐﻮﻥ ﺳﯽ ﮐﻤﯿﭩﯿﺎﮞ ﺟﺲ ﻣﯿﮟ ﺳﻮﺍﺋﮯ ﻭﻗﺖ ﺿﺎﺋﻊ ﮨﻮﻧﮯ ﮐﮯ ﮐﭽﮫ ﻧﮧ ﮨﻮﺗﺎ ﮐﯽ ﺫﻣﮧ ﺩﺍﺭﯼ ﺳﻮﻧﭗ ﺩﯼ ﺟﺎﺗﯽ۔
ﻋﺒﺪﷲ ﺟﻠﺪ ﮨﯽ ﺍِﺱ ﻋﻠﻢ ﺩﺷﻤﻦ ﻣﺎﺣﻮﻝ ﺳﮯ ﺑﯿﺰﺍﺭ ﮨﻮﻧﮯ ﻟﮕﺎ، ﺍﺱ ﺑﯿﺰﺍﺭﯾﺖ ﺳﮯ ﻧﺠﺎﺕ ﭘﺎﻧﮯ ﮐﮯ ﻟﺌﮯ ﺍﺱ ﻧﮯ ﺩﻥ ﺭﺍﺕ ﻭﮊﻥ ﭘﮍﮬﻨﺎ ﺷﺮﻭﻉ ﮐﺮﺩﯾﺎ۔ ﮨﻢ ﮐﺲ ﻃﺮﺡ ﻭﮊﻥ ﺑﻨﺎﺋﯿﮟ ﮐﯿﺴﮯ ﻋﻤﻞ ﮐﺮﯾﮟ۔ ﯾﮧ ﺍﺱ ﻣﻮﺿﻮﻉ ﭘﺮ ﺑﮭﯽ ﭼﯿﻤﭙﯿﻦ ﺑﻨﻨﺎ ﭼﺎﮨﺘﺎ ﺗﮭﺎ، ﺷﺎﯾﺪ ﮨﯽ ﮐﻮﺋﯽ ﺍﯾﺴﯽ ﮐﺘﺎﺏ ﮨﻮ ﺍﺱ ﻣﻮﺿﻮﻉ ﯾﺎ ﺍﺱ ﺳﮯ ﻣﺘﻌﻠﻘﮧ ﻣﻮﺿﻮﻉ ﭘﺮ ﺟﻮ ﻋﺒﺪﷲ ﻧﮯ ﻧﮧ ﭘﮍﮪ ﮈﺍﻟﯽ ﮨﻮ ﺍﻭﺭ ﺷﺎﻣﺖ ﺁﺋﯽ ﮨﻤﯿﺸﮧ ﮐﯽ ﻃﺮﺡ ﺑﮯ ﭼﺎﺭﯼ ﺑﻠّﻮ ﮐﯽ، ﺟﺴﮯ ﮔﮭﺮ ﺍﻭﺭ ﺑﭽﻮﮞ ﮐﮯ ﺗﻤﺎﻡ ﻣﻌﺎﻣﻼﺕ ﮐﮯ ﺳﺎﺗﮫ ﺳﺎﺗﮫ ﻋﺒﺪﷲ ﮐﻮ ﺑﮭﯽ manage ﮐﺮﻧﺎ ﭘﮍﺗﺎ، ﺍُﺱ ﻧﮯ ﻋﺒﺪﷲ ﮐﻮ ﻣﺰﯾﺪ ﭨﺮﯾﻨﻨﮕﺰ ﮐﺮﻭﺍﻧﮯ ﮐﮯ ﻟﯿﮯ ﺍﻭﺭ ﺍﺱ ﮐﯽ ﮐﺘﺎﺑﻮﮞ ﮐﺎ ﺧﺮﭼﮧ ﺑﺮﺩﺍﺷﺖ ﮐﺮﻧﮯ ﮐﮯ ﻟﯿﮯ ﺍﭘﻨﺎ ﺯﯾﻮﺭ ﺗﮏ ﺑﯿﭻ ﺩﯾﺎ ﺍﻭﺭ ﭘﺎﺭﭦ ﭨﺎﺋﻢ ﮐﺎﻡ ﺑﮭﯽ ﺷﺮﻭﻉ ﮐﺮﺩﯾﺎ ﮐﮧ ﻋﺒﺪﷲ ﻣﯿﮟ ﺯﻧﺪﮔﯽ ﮐﯽ ﺭﻣﻖ ﮨﯽ ﺍُﺱ ﮐﺎ ﺍﺛﺎﺛﮧ ﺗﮭﺎ۔ ﻋﺒﺪﷲ ﻧﮯ ﺑﺎﺭﮨﺎ ﮐﻮﺷﺶ ﮐﯽ ﮐﮧ ﺑﻠّﻮ ﺑﮭﯽ ﯾﮧ ﭨﺮﯾﻨﻨﮕﺰ ﮐﺮ ﻟﮯ، ﻭﮦ ﮔﺌﯽ ﺑﮭﯽ، ﻣﮕﺮ ﺍُﺱ ﮐﺎ ﺩﻝ ﻧﮧ ﻟﮕﻨﺎ ﺗﮭﺎ ﻧﮧ ﻟﮕﺎ۔ ﻭﮦ ﮨﻤﯿﺸﮧ ﺳﮯ ﺍﭘﻨﮯ ﺁﭘﮑﻮ ﺍﯾﮏ ﮐﻤﺰﻭﺭ ﺳﯽ ﮔﻨﺎﮦ ﮔﺎﺭ ﺍﻧﺴﺎﻥ ﮐﮩﺘﯽ ﺟﺲ ﺳﮯ ﮐﭽﮫ ﻧﮧ ﺑﻦ ﭘﮍﺗﺎ ﮨﻮ۔
ﻋﺒﺪﷲ ﻧﮯ ﯾﻮﻧﯿﻮﺭﺳﭩﯽ ﻣﯿﮟ ﮨﻮﻧﮯ ﻭﺍﻟﯽ ﮨﺮ ﺯﯾﺎﺩﺗﯽ ﮐﮯ ﺑﺪﻟﮯ ﻣﯿﮟ ﻣﺰﯾﺪ ﭘﮍﮬﻨﺎ ﺷﺮﻭﻉ ﮐﺮ ﺩﯾﺎ، ﺟﺲ ﺩﻥ ﯾﻮﻧﯿﻮﺭﺳﭩﯽ ﻣﯿﮟ ﮐﻮﺋﯽ ﺗﻠﺦ ﮐﻼﻣﯽ ﮨﻮﺗﯽ ﺍﻭﺭ ﺍﺱ ﺩﻥ ﮐﭽﮫ ﺍﻭﺭ ﻧﺌﯽ ﮐﺘﺎﺑﯿﮟ، ﻭﮦ ﺑﻠﻮ ﺳﮯ ﮐﮩﺎ ﮐﺮﺗﺎ ﮐﮧ ﺍﺱ ﻣﻠﮏ ﻣﯿﮟ ﮨﻮﻧﮯ ﻭﺍﻟﮯ ﻣﻈﺎﻟﻢ ﮐﺎ ﻭﺍﺣﺪ ﺍﻧﺘﻘﺎﻡ ﻋﻠﻢ ﮨﮯ۔ ﻋﺒﺪﷲ ﺟﺐ ﺑﮭﯽ ﭘﺎﻟﻮ ﺁﻟﭩﻮ، ﺭﻭﺑﻦ ﺷﺮﻣﺎ، ﺍﺳﭩﯿﻔﻦ ﮐﻮﯼ، ﺟﻢِ ﮐﻮﻟﻨﺰ ﯾﺎ ﺳﯿﻢ ﻭﺍﻟﭩﻦ ﮐﯽ ﮐﺘﺎﺑﯿﮟ ﭘﮍﮬﺘﺎ ﺗﻮ ﺁﮐﺮ ﺑﻠّﻮ ﺳﮯ ﮈﺳﮑﺲ ﮐﺮﺗﺎ۔ ﻭﮦ ﮨﻤﯿﺸﮧ ﮨﻨﺲ ﮐﮯ ﺧﺎﻣﻮﺵ ﮨﻮﺟﺎﺗﯽ ﻣﮕﺮ ﮐﻮﺋﯽ ﻧﮧ ﮐﻮﺋﯽ ﺟﻤﻠﮧ ﺍﯾﺴﺎ ﺑﻮﻝ ﺩﯾﺘﯽ ﮐﮧ ﻋﺒﺪﷲ ﮨﻔﺘﻮﮞ ﺳﺮ ﭘﯿﭩﺘﺎ ﺭﮨﺘﺎ، ﺍﯾﮏ ﺩﻥ ﮐﮩﻨﮯ ﻟﮕﯽ، ﻋﺒﺪﷲ ﺗﻢ ﺍﭘﻨﯽ ﺫﮨﺎﻧﺖ، ﺍﭘﻨﯽ ﺑﺎﺗﻮﮞ ﺍﻭﺭ ﻟﻔّﺎﻇﯽ ﺳﮯ ﮐﺴﯽ ﺷﺨﺺ ﮐﯽ ﺯﺑﺎﻥ ﭼﭗ ﮐﺮﻭﺍﺳﮑﺘﮯ ﮨﻮ، ﻣﮕﺮ ﺩﻝ ﻧﮩﯿﮟ ﺟﯿﺖ ﺳﮑﺘﮯ۔
ﺩﻝ ﺟﯿﺘﻨﺎ ﮨﻮ ﺗﻮ surrender ﮐﺮﻧﺎ ﺳﯿﮑﮭﻮ۔ ﺍﯾﮏ ﺩﻥ ﮐﮩﻨﮯ ﻟﮕﯽ، ﻋﺒﺪﷲ ﻣﯿﺮﺍ ﺩﻝ ﮨﺮ ﺍُﺱ ﭼﯿﺰ ﮐﻮ ﮐﺮﻧﮯ ﮐﺎ ﭼﺎﮨﺘﺎ ﮨﮯ ﺟﻮ ﷲ ﮐﻮ ﻧﺎﭘﺴﻨﺪ ﮨﮯ۔ ﺩﻝ ﮐﯽ ﺳﻨﻮﮞ ﺗﻮ ﷲ ﻧﺎﺭﺍﺽ، ﷲ ﮐﯽ ﺳﻨﻮﮞ ﺗﻮ ﺩﻝ ﻧﺎﺧﻮﺵ، ﯾﮧ ﭼﮑﯽ ﺗﻤﺎﻡ ﻋﻤﺮ ﯾﻮﻧﮩﯽ ﭼﻠﺘﯽ ﺭﮨﮯ ﮔﯽ۔ ﻭﮦ ﺍﮐﺜﺮ ﻋﺒﺪﷲ ﺳﮯ ﮐﮩﺘﯽ، ﻋﺒﺪﷲ ﺁﺭﺍﻡ ﮐﺮ ﻟﯿﺎ ﮐﺮﻭ، ﮐﭽﮫ ﺩﻧﻮﮞ ﮐﮯ ﻟﺌﮯ ﭼﮭﻮﮌ ﺩﻭ ﺍﺱ ﻭﮊﻥ ﮐﮯ ﭼﮑﺮ ﮐﻮ۔ ﺧﯿﺮ ﻭ ﺷﺮ ﮐﯽ ﺍﺯﻟﯽ ﻟﮍﺍﺋﯽ ﻣﯿﮟ ﺑﻨﺪﮦ ﺗﮭﮏ ﺑﮭﯽ ﺗﻮ ﺟﺎﺗﺎ ﮨﮯ، ﮐﭽﮫ ﺩﯾﺮ ﺁﺭﺍﻡ ﮐﺮﻟﮯ ﺗﻮ ﮐﯿﺎ ﻣﻀﺎﺋﻘﮧ؟
ﻣﮕﺮ ﻋﺒﺪﷲ ﮐﻮ ﺗﻮ ﺟﻮ ﺍﯾﮏ ﺩُﮬﻦ ﺳﻮﺍﺭ ﮨﻮﺟﺎﺋﮯ ﻭﮦ ﮨﻮﺟﺎﺋﮯ، ﺍﺳﯽ ﻋﻠﻢ ﻭ ﺷﻮﻕ ﻣﯿﮟ ﺯﻧﺪﮔﯽ ﮐﯽ ﮔﺎﮌﯼ ﺭﻭﺍﮞ ﺩﻭﺍﮞ ﺗﮭﯽ ﮐﮧ ﺍﯾﮏ ﺩﻥ ﺻﺒﺢ ﺻﺒﺢ ﻋﺒﺪﷲ ﮐﻮ ﺭﯾﮑﭩﺮ ﺁﻓﺲ ﺳﮯ ﮐﺎﻝ ﻣﻠﯽ، ﻭﮦ ﻣﻠﻨﮯ ﭘﮩﻨﭽﺎ ﺗﻮ ﺭﯾﮑﭩﺮﺻﺎﺣﺐ ﻧﮯ ﺧﻮﺷﺨﺒﺮﯼ ﺳﻨﺎﺋﯽ ﮐﮧ ﺁﭘﮑﯽ ﺗﻨﺨﻮﺍﮦ ﻣﯿﮟ 25 ﮨﺰﺍﺭ ﺭﻭﭘﮯ ﮐﺎ ﺍﺿﺎﻓﮧ ﮐﺮﺩﯾﺎ ﮔﯿﺎ ﮨﮯ۔ ﻋﺒﺪﷲ ﺍﺱ ﻏﯿﺮ ﻣﺘﻮﻗﻊ ﺧﺒﺮ ﭘﺮ ﭘﺮﯾﺸﺎﻥ ﮨﻮﺍ، ﮐﮩﻨﮯ ﻟﮕﺎ ﺁﺧﺮ ﮐﯿﻮﮞ؟
ﺟﯽ ﻭﮦ ﮨﻤﺎﺭﮮ ﺳﺴﭩﻢ ﺍﯾﮉ ﻣﻨﺴﭩﺮﯾﭩﺮ system administrator ﻧﮯ ﺍﺳﺘﻌﻔﯽٰ ﺩﮮ ﺩﯾﺎ ﮨﮯ ﺗﻮ، ﺁﺝ ﺳﮯ ﺁﭖ ﮐﮯ ﭘﺎﺱ system administrator ﮐﺎ ﺍﯾﮉﯾﺸﻨﻞ ﭼﺎﺭﺝ ﺑﮭﯽ ﮨﮯ۔
ﻣﺠﮭﮯ ﻗﺒﻮﻝ ﻧﮩﯿﮟ ﺭﯾﮑﭩﺮ ﺻﺎﺣﺐ۔ ﻣﮕﺮ ﮈﺍﮐﭩﺮﻋﺒﺪﷲ ﺁﭖ ﮐﻮ ﯾﮧ ﮐﺎﻡ ﺁﺗﺎ ﮨﮯ۔ ﺟﯽ ﻣﺠﮭﮯ ﮐﮭﺎﻧﺎ ﭘﮑﺎﻧﺎ ﺑﮭﯽ ﺁﺗﺎ ﮨﮯ ﺗﻮ ﺟﺲ ﺩﻥ ﺁﭖ ﮐﺎ ﺑﺎﻭﺭﭼﯽ ﭼﻼ ﺟﺎﺋﮯ ﺍُﺱ ﮐﺎ ﺍﯾﮉﯾﺸﻨﻞ ﭼﺎﺭﺝ ﺑﮭﯽ ﻓﺪﻭﯼ ﮐﻮ ﻋﻄﺎ ﮐﺮ ﺩﯾﺠﺌﮯ ﮔﺎ۔ ﺩﯾﮑﮭﺌﮯ ﺭﯾﮑﭩﺮ ﺻﺎﺣﺐ ﻣﯿﮟ ﻧﮯ PHD ﮐﯿﺎ ﮨﮯ، ﮐﻮﺷﺶ ﮨﮯ ﮐﭽﮫ ﺭﯾﺴﺮﭺ ﻭﺭﮎ ﮐﺮ ﻟﻮﮞ۔ ﺍﺯﺭﺍﮦِ ﮐﺮﻡ ﻣﯿﺮﮮ ﮐﯿﺮﺋﯿﺮ ﺳﮯ ﻣﺬﺍﻕ ﻧﮧ ﮐﺮﯾﮟ۔
ﮨﻢ ﻧﮯ ﺁﭘﮑﻮ ﻣﻄﻠﻊ ﮐﺮﻧﮯ ﮐﮯ ﻟﯿﮯ ﺑﻼﯾﺎ ﺗﮭﺎ، ﻣﺸﻮﺭ ﮮ ﮐﮯ ﻟﺌﮯ ﻧﮩﯿﮟ۔ ﺁﭖ ﺟﺎ ﺳﮑﺘﮯ ﮨﯿﮟ،
ﺭﯾﮑﭩﺮ ﻧﮯ ﮔﻮﯾﺎ ﺣﺘﻤﯽ ﻓﯿﺼﻠﮧ ﺳﻨﺎ ﺩﯾﺎ۔ ﻋﺒﺪﷲ ﻧﮯ ﮐﺎﻏﺬ ﻗﻠﻢ ﻧﮑﺎﻻ، ﻭﮨﯿﮟ ﺍﺳﺘﻌﻔﯽٰ ﻟﮑﮭﺎ ﺍﻭﺭ ﮔﮭﺮ ﻭﺍﭘﺲ۔ ﺑﻠﻮ ﻧﻈﺮ ﺁﺋﯽ ﺗﻮ ﻋﺒﺪﷲ ﻧﮯ ﺯﺑﺮﺩﺳﺘﯽ ﻣﺴﮑﺮﺍﺗﮯ ﮨﻮﺋﮯ ﻋﻨﺎﯾﺖ ﻋﻠﯽ ﺧﺎﮞ ﮐﺎ ﺷﻌﺮ ﭘﮍﮪ ﺩﯾﺎ۔
ﺟﻮ ﺳﺮ ﮐﭩﻨﮯ ﭘﮧ ﺭﺍﺿﯽ ﮨﻮﮞ، ﺍﻧﮭﯿﮟ ﺟﮭﮑﻨﺎ ﻧﮩﯿﮟ ﺁﺗﺎ
ﻭﮨﯽ ﻣﻨﺰﻝ ﮐﻮ ﭘﺎﺗﮯ ﮨﯿﮟ ﺟﻨﮭﯿﮟ ﺭﮐﻨﺎ ﻧﮩﯿﮟ ﺁﺗﺎ
ﺑﻠّﻮ ﺍﯾﮏ ﺷﻌﺮ ﻣﯿﮟ ﺳﺐ ﮐﭽﮫ ﺳﻤﺠﮫ ﮔﺌﯽ، ﺍﻭﺭ ﮔﮭﺮ ﮐﯽ ﭘﯿﮑﻨﮓ ﻣﯿﮟ ﻟﮓ ﮔﯽ ﮐﮧ ﯾﻮﻧﯿﻮﺭﺳﭩﯽ ﮐﺎ ﺩﯾﺎ ﮨﻮﺍ ﻣﮑﺎﻥ ﺧﺎﻟﯽ ﮐﺮﻧﺎ ﮨﮯ۔ ﺭﺍﺕ ﮐﮭﺎﻧﮯ ﭘﮧ ﻋﺒﺪﷲ ﺳﮯ ﭘﻮﭼﮭﺎ ﺍﺏ ﮐﯿﺎ ﮐﺮﻭ ﮔﮯ ﻋﺒﺪﷲ؟ ﷲ ﮐﯽ ﺯﻣﯿﻦ ﻭﺳﯿﻊ ﮨﮯ ﺑﻠّﻮ، ﮐﭽﮫ ﮐﺮﺗﮯ ﮨﯿﮟ۔ ﺳﻮﭺ ﺭﮨﺎ ﮨﻮﮞ ﮔﺎﺅﮞ ﺟﺎ ﮐﮯ ﺑﺮﺗﻨﻮﮞ ﮐﯽ ﺭﯾﮍﮬﯽ ﻟﮕﺎﻟﻮﮞ۔ ﯾﻮﻧﯿﻮﺭﺳﭩﯽ ﮐﺎ ﺍﭼﮭﺎ ﺧﺎﺻﮧ ﺗﺠﺮﺑﮧ ﺗﮭﺎ ﻭﮨﺎﮞ ﯾﮧ ﮨﻮﺍ، ﮐﺎﺭﭘﻮﺭﯾﭧ ﺳﯿﮑﭩﺮ ﮐﺎ ﺗﻮ ﺗﺠﺮﺑﮧ ﮨﯽ ﻧﮩﯿﮟ ﮨﮯ ﻭﮨﺎﮞ ﮐﯿﺎ ﮨﻮﮔﺎ۔ ﺁﺝ ﺟﻮ ﺍﺑﺎََ ﺑﻠّﻮ ﻧﮯ ﺑﮭﯽ ﺷﻌﺮ ﺳﻨﺎ ﺩﯾﺎ۔
ﺗﻮ ﻧﮯ ﺟﻮ ﮐﭽﮫ ﺑﮭﯽ ﮐﮩﺎ، ﻣﯿﮟ ﻧﮯ ﻭﮨﯽ ﻣﺎﻥ ﻟﯿﺎ
ﺣﮑﻢِ ﺣﻮﺍّ ﮐﯽ ﻗﺴﻢ، ﺟﺬﺑﮧِ ﺁﺩﻡ ﮐﯽ ﻗﺴﻢ
ﻋﺒﺪﷲ ﺁﺝ ﺍﯾﮏ ﺑﺎﺭ ﭘﮭﺮ ﺭﻭﮈ ﭘﺮ ﺗﮭﺎ۔ ﺟﮕﮧ ﺟﮕﮧ ﻧﻮﮐﺮﯼ ﮐﯽ ﺩﺭﺧﻮﺍﺳﺖ ﺩﮮ ﺭﮨﺎ ﺗﮭﺎ، ﻣﮕﺮ ﺍﻧﭩﺮﻭﯾﻮﺯ ﻣﯿﮟ ﮨﺮ ﺟﮕﮧ ﻓﯿﻞ۔ ﮐﭽﮫ ﻟﻮﮒ ﺍﺳﮑﯽ ﺫﮨﺎﻧﺖ ﺳﮯ ﺧﻮﻓﺰﺩﮦ ﮨﻮﺟﺎﺗﮯ، ﺗﻮ ﮐﭽﮫ ﮐﻮ ﺍﺳﮑﮯ ﻟﮩﺠﮯ ﮐﯽ ﮐﺎﭦ ﭘﺴﻨﺪ ﻧﮧ ﺁﺗﯽ، ﺍﯾﮏ HR ﻣﯿﻨﺠﺮ ﺗﻮ ﭘﮭﭧ ﮨﯽ ﭘﮍﮮ۔ ﮈﺍﮐﭩﺮ ﻋﺒﺪﷲ ﺁﭖ ﺑﮩﺖ ﺧﻄﺮﻧﺎﮎ ﺍﻧﺴﺎﻥ ﮨﯿﮟ۔ ﺁﭘﮑﻮ ﮐﻮﺋﯽ ﮐﯿﺴﮯ ﻗﺒﻮﻝ ﮐﺮﮮ۔ ﺍﭘﻨﮯ ﻣﻀﻤﻮﻥ ﻣﯿﮟ ﺁﭖ ﺧﻮﺩ ﺍﺗﮭﺎﺭﭨﯽ ﮨﯿﮟ ﺗﻮ ﮐﻮﺋﯽ ﺁﭘﮑﻮ Technically ﭼﯿﻠﻨﺞ ﻧﮩﯿﮟ ﮐﺮﺳﮑﺘﺎ۔ ﺭﻭﭘﮯ ﭘﯿﺴﻮﮞ ﮐﯽ ﻗﺪﺭ ﺁﭖ ﻧﮩﯿﮟ ﮐﺮﺗﮯ ﺗﻮ ﯾﮧ ﻃﺮﯾﻘﮧ ﺑﮭﯽ ﺑﮯ ﮐﺎﺭ ﻣﺮﻧﮯ ﺳﮯ ﺁﭘﮑﻮ ﮈﺭ ﻧﮩﯿﮟ ﻟﮕﺘﺎ۔ ﺗﻮ ﺟﻮ ﺁﭖ ﭼﺎﮨﯿﮟ ﮔﮯ ﻭﮦ ﮐﺮﯾﮟ ﮔﮯ۔ ﮨﻢ ﺁﭘﮑﻮ ﺟﺎﺏ ﻧﮩﯿﮟ ﺩﯾﮟ ﮔﮯ۔ ﺍﻭﺭ ﻋﺒﺪﷲ ﮔﮭﺮ ﺁﮐﮯ ﭘﮭﺮ ﺳﮯ ﺑِﻠّﻮ ﮐﻮ ﺭﻭﺩﺍﺩ ﺳﻨﺎ ﺩﯾﺘﺎ، ﺍﺱ ﺍﺛﻨﺎﺀ ﻣﯿﮟ ﻭﮦ ﺍﯾﮏ 200 ﺻﻔﺤﺎﺕ ﮐﺎ ﻭﮊﻥ ﮈﺍﮐﯿﻮﻣﻨﭧ ﻟﮑﮫ ﭼﮑﺎ ﺗﮭﺎ، ﺍﭘﻨﺎ ﺍﻭﺭ ﺍﭘﻨﯽ ﻓﯿﻤﻠﯽ ﮐﺎ ﮐﮧ ﺯﻧﺪﮔﯽ ﻣﯿﮟ ﮐﺮﻧﺎ ﮐﯿﺎ ﮨﮯ ﺟﺴﮯ ﻭﮦ ﻣﺎﺳﭩﺮ ﭘﻼﻥ ﮐﮩﺘﺎ ﺗﮭﺎ۔
ﺑﻠّﻮ ﺭﻭﺯ ﺍﺳﮑﯽ ﺗﯿﺎﺭﯼ ﮐﺮﻭﺍﺗﯽ۔ ﺍُﺳﮯ ﺯﯾﺎﺩﮦ ﺑﻮﻟﻨﮯ ﺳﮯ ﻣﻨﻊ ﮐﺮﺗﯽ، ﺁﺝ ﺍﯾﮏ ﮈﯾﻔﻨﺲ ﺁﺭﮔﻨﺎﺋﺰﯾﺸﻦ ﻣﯿﮟ ﺍﺱ ﮐﺎ ﺑﮩﺖ ﺍﮨﻢ ﺍﻧﭩﺮﻭﯾﻮ ﺗﮭﺎ۔ ﺟﺐ ﻋﺒﺪﷲ ﺍﭘﻨﮯ ﺳﺎﻓﭧ ﻭﺋﯿﺮ ﺍﻭﺭ ﻣﮩﺎﺭﺕ ﮐﯽ presentation ﺩﮮ ﭼﮑﺎ ﺗﻮ CEO ﻧﮯ ﮐﮩﺎ ﮐﮧ ﺁﭖ ﯾﮩﯿﮟ ﺟﻮﺍﺋﻦ ﮐﺮﻟﯿﮟ، ﺁﭖ ﺻﺮﻑ ﻣﺠﮭﮯ ﺭﭘﻮﺭﭦ ﮐﺮﯾﮟ ﮔﮯ۔ ﺁﭖ ﮐﻮ ﺍُﻥ ﭨﯿﮑﻨﺎﻟﻮﺟﯿﺰ ﭘﺮ ﮐﺎﻡ ﮐﺮﻧﺎ ﮨﻮﮔﺎ ﺟﻦ ﻣﯿﮟ ﺑﺤﯿﺜﯿﺖ ﻗﻮﻡ ﮨﻢ ﺩﻭﺳﺮﮮ ﻣﻤﺎﻟﮏ ﮐﮯ ﻣﺤﺘﺎﺝ ﮨﯿﮟ، ﮐﺐ ﺳﮯ ﺷﺮﻭﻉ ﮐﺮﯾﮟ؟
ﻋﺒﺪﷲ ﮐﯽ ﺧﻮﺷﯽ ﺍﻧﺘﮩﺎﺅﮞ ﮐﻮ ﭼﮭُﻮﺭﮨﯽ ﺗﮭﯽ۔ ﺍﭼﮭﯽ ﺗﻨﺨﻮﺍﮦ ﮔﮭﺮ، ﮔﺎﮌﯼ ﺍﻭﺭ ﮐﺎﻡ ﺑﮭﯽ 100 ﻓﯽ ﺻﺪ ﺍﺳﮑﮯ ﺍﭘﻨﮯ ﻭﮊﻥ ﺳﮯ ﻣﺘﻌﻠﻖ۔ ﻭﮦ ﺧﻮﺷﯽ ﺧﻮﺷﯽ ﮔﮭﺮ ﺁﯾﺎ ﺳﺒﮭﯽ ﺧﻮﺵ ﺗﮭﮯ، ﺳﻮﺍﺋﮯ ﺑﻠّﻮ ﮐﮯ۔ ﺑﻠّﻮ ﻧﮯ ﮐﮩﺎ، ﻋﺒﺪﷲ ﺍﺗﻨﮯ ﺧﻮﺵ ﻧﮧ ﮨﻮ، ﺧﻮﺷﯽ ﺗﻤﮩﯿﮟ ﮐﻢ ﮨﯽ ﺭﺍﺱ ﺁﺗﯽ ﮨﮯ۔
ﯾﮧ ﺩﯾﮑﮭﻮ ﺗﻢ ﻧﮯ ﮐﯿﺎ ﮐﺮﻧﺎ ﮨﮯ، ﺗﻤﮭﯿﮟ ﺍﭘﻨﮯ ﺁﭖ ﺳﮯ ﮐﯿﺎ ﭼﺎﮨﯿﮯ؟ ﯾﮧ ﺑﮭﻮﻝ ﺟﺎﺅ ﺩﻧﯿﺎ ﺗﻢ ﺳﮯ ﮐﯿﺎ ﭼﺎﮨﺘﯽ ﮨﮯ۔ ﻭﺭﻧﮧ ﮨﻤﯿﺸﮧ ﺍُﺩﺍﺱ ﮨﯽ ﺭﮨﻮ ﮔﮯ۔ ﻋﺒﺪﷲ ﻧﮯ ﺟﻮﺍﺏ ﻣﯿﮟ ﻟﻤﺒﯽ ﭼﻮﮌﯼ ﺗﻘﺮﯾﺮ ﮐﺮ ﮈﺍﻟﯽ ﮐﮧ ﻭﮦ ﮐﺴﯽ ﻃﺮﺡ ﺍﺱ ﻭﮊﻥ ﺳﮯ ﭘﺎﮐﺴﺘﺎﻥ ﮐﻮ ﺗﺒﺪﯾﻞ ﮐﺮﺩﮮ ﮔﺎ ﺍﻭﺭ ﺑﻠﻮ ﮨﻤﯿﺸﮧ ﮐﯽ ﻃﺮﺡ ﮨﻨﺴﺘﮯ ﮨﻮﺋﮯ ﮐﮭﺎﻧﺎ ﻟﮕﺎﻧﮯ ﭼﻠﯽ ﮔﺌﯽ۔
ﺯﻧﺪﮔﯽ ﭘﮭﺮ ﺳﮯ ﻣﮑﻤﻞ ﺭﻓﺘﺎﺭ ﺳﮯ ﺩﻭﮌﯼ ﭼﻠﯽ ﺟﺎﺭﮨﯽ ﺗﮭﯽ۔ ﮐﺎﻡ ﮐﮯ ﺳﻠﺴﻠﮯ ﻣﯿﮟ ﻋﺒﺪﷲ ﺍﮐﺜﺮ ﻣﻠﮏ ﺳﮯ ﺑﺎﮨﺮ ﭼﻼ ﺟﺎﺗﺎ ﺍﻭﺭ ﺳﺎﺗﮫ ﻣﯿﮟ ﮐﻮﺋﯽ ﻧﮧ ﮐﻮﺋﯽ ﮐﻮﺭﺱ ﺑﮭﯽ ﮐﺮ ﺁﺗﺎ، ﺍﺏ ﺗﻮ ﺍﺣﻤﺪ ﺻﺎﺣﺐ ﻧﮯ ﺍُﺳﮯ ﺍﭘﻨﮯ ﻟﯿﮑﭽﺮﺯ ﻣﯿﮟ ﺑﮭﯽ ﺑﻼﻧﺎ ﺷﺮﻭﻉ ﮐﺮ ﺩﯾﺎ ﺗﮭﺎ ﺟﮩﺎﮞ ﻭﮦ ﮐﻼﺱ ﺳﮯ ﮐﭽﮫ ﺑﺎﺗﯿﮟ ﮐﺮﻟﯿﺘﺎ ﺍﻭﺭ ﯾﻮﮞ ﻋﺒﺪﷲ ﮐﯽ ﺷﮩﺮﺕ ﺩﻭﺭ ﺩﻭﺭ ﺗﮏ ﺟﺎﻧﮯ ﻟﮕﯽ۔
ﺑِﻠّﻮ ﮨﺮ ﺭﺍﺕ ﮐﻮ ﺻﺮﻑ ﯾﮧ ﺩﻋﺎ ﻣﺎﻧﮕﺘﯽ ﮐﮧ ﺍﮮ ﷲ ! ﻣﯿﺮﮮ ﻋﺒﺪﷲ ﮐﺎ ﺧﯿﺎﻝ ﺭﮐﮭﻨﺎ، ﺍﺳﮑﯽ ﺭﻓﺘﺎﺭ ﻣﺠﮭﮯ ﮨﻤﯿﺸﮧ ﭘﺮﯾﺸﺎﻥ ﮐﺮﺗﯽ ﮨﮯ، ﺍﺱ ﻣﯿﮟ ﭨﮭﮩﺮﺍﺅ ﻻ، ﯾﮧ ﭘﺎﺭﮦ ﮐﯽ ﻃﺮﺡ ﺍﭼﮭﻠﺘﺎ ﭘﮭﺮﺗﺎ ﮨﮯ ﺍﻭﺭ ﻟﻮﮔﻮﮞ ﮐﮯ ﺣﺴﺪ ﺍﻭﺭ ﻧﻈﺮ ﮐﺎ ﺷﮑﺎﺭ ﮨﻮﺟﺎﺗﺎ ﮨﮯ، ﺍﺱ ﮐﯽ ﻃﺒﯿﻌﺖ ﺑﮩﺖ ﺗﮭﺮ ﺩﯾﻠﯽ ﮨﮯ ﺍُﺱ ﭘﮧ ﺭﺣﻢ ﮐﺮ۔
* ۔۔۔ * ۔۔۔ *
ﺍﯾﮏ ﺩﻥ ﻋﺒﺪﷲ ﮐﮯ ﺍﯾﮏ ﺩﻭﺳﺖ ﮈﺍﮐﭩﺮ ﺭﻣﻀﺎﻥ ﺍﺳﮯ ﺍﯾﮏ ﻣﻔﺘﯽ ﺻﺎﺣﺐ ﮐﮯ ﭘﺎﺱ ﻟﮯ ﮔﺌﮯ، ﻋﺒﺪﷲ ﺟﺎﻧﺎ ﻧﮩﯿﮟ ﭼﺎﮨﺘﺎ ﺗﮭﺎ ﺍُﺳﮯ ﺍﺏ ﻣﻮﻟﻮﯼ ﺣﻀﺮﺍﺕ ﺍﻭﺭ ﻣﻔﺘﯿﺎﻥِ ﮐﺮﺍﻡ ﺳﮯ ﮈﺭ ﺳﺎ ﻟﮕﻨﮯ ﻟﮕﺎ ﺗﮭﺎ ﻣﮕﺮ، ﺍﺱ ﺩﻥ ﻭﮦ ﺍﭘﻨﮯ ﺩﻭﺳﺖ ﮐﮯ ﺍﺻﺮﺍﺭ ﭘﺮ ﭼﻼ ﮔﯿﺎ۔ ﺟﺐ ﺗﮏ ﻋﺒﺪﷲ ﭘﮩﻨﭽﺎ ﻣﻔﺘﯽ ﺻﺎﺣﺐ ﺍﭘﻨﺎ ﻟﯿﮑﭽﺮ ﺧﺘﻢ ﮐﺮ ﮐﮯ ﺟﺎ ﺭﮨﮯ ﺗﮭﮯ۔ ﻋﺒﺪﷲ ﻧﮯ ﺍﻥ ﺳﮯ ﻣﻼﻗﺎﺕ ﮐﯽ ﺍﺟﺎﺯﺕ ﻣﺎﻧﮕﯽ ﺍﻭﺭ ﺩﻭ ﮨﻔﺘﻮﮞ ﮐﮯ ﺑﻌﺪ ﮐﺎ ﻭﻗﺖ ﻣﻘﺮﺭ ﮨﻮﺍ۔ ﻋﺒﺪﷲ ﺩﻭ ﮨﻔﺘﻮﮞ ﺑﻌﺪ ﻣﻘﺮﺭﮦ ﻭﻗﺖ ﭘﺮ ﻣﻔﺘﯽ ﺻﺎﺣﺐ ﮐﮯ ﮔﮭﺮ ﭘﮩﻨﭻ ﮔﯿﺎ ﯾﮧ ﺳﻮﭼﺘﺎ ﮨﻮﺍ ﮐﮧ، ﺍﻧﮩﯿﮟ ﻭﻗﺖ ﺍﻭﺭ ﺩﻥ ﺩﻭﻧﻮﮞ ﺑﮭﻮﻝ ﭼﮑﮯ ﮨﻮﮞ ﮔﮯ ﻣﮕﺮ ﻣﻔﺘﯽ ﺻﺎﺣﺐ ﻣﻮﺟﻮﺩ ﺑﮭﯽ ﺗﮭﮯ ﺍﻭﺭ ﻣﻨﺘﻈﺮ ﺑﮭﯽ۔
ﻣﻔﺘﯽ ﺻﺎﺣﺐ ﮐﮯ ﮔﮭﺮ ﻣﯿﮟ ﻟﮓ ﺑﮭﮓ 40 ﮨﺰﺍﺭ ﮐﺘﺎﺑﯿﮟ ﺗﮭﯿﮟ ﺟﻨﮩﯿﮟ ﺩﯾﮑﮫ ﮐﺮ ﮨﯽ ﻋﺒﺪﷲ ﮐﺎ ﺩﻝ ﺑﻠﯿﻮﮞ ﺍُﭼﮭﻠﻨﮯ ﻟﮕﺎ، ﺍُﺱ ﻧﮯ ﺑﮯ ﺳﺎﺧﺘﮧ ﮐﮩﺎ ۔
ﺻﺮﻑ ﺍِﺗﻨﺎ ﮨﮯ ﻭﺍﻗﻌﮧ ﺩِﻝ ﮐﺎ
ﮨﻢ ﻧﮯ ﮐﮭﻮﯾﺎ ﮨﮯ ﺗﻢ ﻧﮯ ﭘﺎﯾﺎ ﮨﮯ
ﯾﮧ ﻣﻔﺘﯽ ﺻﺎﺣﺐ ﻋﺒﺪﷲ ﮐﻮ ﺑﮩﺖ ﭘﺴﻨﺪ ﺁﺋﮯ، ﭘﮍﮬﮯ ﻟﮑﮭﮯ، ﺍﻧﮕﺮﯾﺰﯼ ﺑﮭﯽ ﺟﺎﻧﺘﮯ ﺗﮭﮯ ﺍﻭﺭ ﮐﺌﯽ ﻣﻤﺎﻟﮏ ﮐﺎ ﺳﻔﺮ ﺑﮭﯽ ﮐﯿﺎ ﺗﮭﺎ۔ ﻧﮧ ﺳﯿﮑﺮﭨﺮﯼ، ﻧﮧ ﺩﺍﺋﯿﮟ ﺑﺎﺋﯿﮟ ﻣﺮﯾﺪﻭﮞ ﮐﺎ ﺟﻤﮕﮭﭩّﺎ ﻧﮧ ﺗﺼﻨّﻊ، ﻧﮧ ﺑﻨﺎﻭﭦ ﺍﻭﺭ ﻧﮧ ﮨﯽ ﻟﻔّﺎﻇﯽ، ﺩﻭ ﭼﺎﺭ ﺑﺎﺗﯿﮟ ﺳﯿﺪﮬﮯ ﺳﺎﺩﮬﮯ ﺍﻟﻔﺎﻅ ﻣﯿﮟ ﮐﺮﺩﯾﮟ ﺍﻭﺭ ﺑﺲ۔ ﻋﺒﺪﷲ ﮐﺎ ﺩﻝ ﺍﻥ ﮐﯽ ﺟﺎﻧﺐ ﮐﮭﻨﭽﺘﺎ ﭼﻼ ﮔﯿﺎ۔ ﻋﺒﺪﷲ ﮐﻮ ﺍﻥ ﮐﯽ ﺷﺨﺼﯿﺖ ﺍﭘﻨﮯ ﻣﻮﻻﻧﺎ ﻋﺒﺪﺍﻟﺮﺣﻤﻦ ﺻﺎﺣﺐ ﺟﯿﺴﯽ ﻟﮕﯽ، ﺍﻭﭘﺮ ﺳﮯ ﺍﻥ ﮐﯽ ﺯﺑﺎﻥ ﺍﻭﺭ ﺍُﺭﺩﻭ ﻣﯿﮟ ﺑﮩﺖ ﭼﺎﺷﻨﯽ ﺗﮭﯽ۔
ﺑﻘﻮﻝ ﺷﺎﻋﺮ،
ﺳﻠﯿﻘﮯ ﺳﮯ ﮨﻮﺍﺅﮞ ﻣﯿﮟ ﺟﻮ ﺧﻮﺷﺒﻮ ﮔﮭﻮﻝ ﺳﮑﺘﮯ ﮨﯿﮟ
ﺍﺑﮭﯽ ﮐﭽﮫ ﻟﻮﮒ ﺑﺎﻗﯽ ﮨﯿﮟ ﺟﻮ ﺍُﺭﺩﻭ ﺑﻮﻝ ﺳﮑﺘﮯ ﮨﯿﮟ
ﮐﭽﮫ ﮨﯽ ﻋﺮﺻﮯ ﻣﯿﮟ ﺍﺱ ﺟﺎﺏ ﻣﯿﮟ ﺑﮭﯽ ﻭﮨﯽ ﻣﺴﺎﺋﻞ ﮨﻮﻧﺎ ﺷﺮﻭﻉ ﮨﻮﮔﺌﮯ، ﺍﺱ ﺑﺎﺭ ﻗﺼﻮﺭ ﻋﺒﺪﷲ ﮐﺎ ﮨﯽ ﺗﮭﺎ، ﺍﺱ ﮐﮯ ﺭﻭﯾﮯ ﻣﯿﮟ ﻟﭽﮏ ﻧﮧ ﺗﮭﯽ، ﮐﯿﻮﻧﮑﮧ ﻭﮦ ﺍﭘﻨﯽ ﺯﻧﺪﮔﯽ ﮐﺎ ﺍﯾﮏ ﻓﮑﺴﮉ ﮈﺍﮐﯿﻮﻣﻨﭧ ﺑﻨﺎ ﭼﮑﺎ ﺗﮭﺎ۔ ﻟﮩٰﺬﺍ ﮐﺴﯽ ﮐﮯ ﮐﮩﻨﮯ ﭘﺮ ﺍﺱ ﻣﯿﮟ ﮐﻮﺋﯽ ﺭﺩﻭ ﺑﺪﻝ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﮭﺎ۔ ﻣﺰﯾﺪ ﯾﮧ ﮐﮧ ﺣﺎﺳﺪﻭﮞ ﮐﯽ ﺣﺴﺪ ﮐﺎ ﺑﮭﯽ ﮐﻮﺋﯽ ﭨﮭﮑﺎﻧﮧ ﻧﮩﯿﮟ ﮨﻮﺗﺎ۔ ﺻﺒﺢ ﺷﺎﻡ ﮐﻮﺋﯽ ﻧﮧ ﮐﻮﺋﯽ ﻣﺴﺌﻠﮧ ﮐﻮﺋﯽ ﻧﮧ ﮐﻮﺋﯽ ﺟﮭﻮﭦ ﺟﺴﮯ ﺑﺮﺩﺍﺷﺖ ﮐﺮﻧﮯ ﺍﻭﺭ ﺍﭘﻨﯽ ﺻﻔﺎﺋﯽ ﻣﯿﮟ ﻋﺒﺪﷲ ﮐﺎ ﭘﻮﺭﺍ ﺩﻥ ﻧﮑﻞ ﺟﺎﺗﺎ۔
ﺩﺭﺍﺻﻞ ﺟﮭﻮﭦ ﺑﻮﻟﻨﺎ ﺑﮭﯽ ﺍﯾﮏ ﺻﻼﺣﯿﺖ ﮨﮯ ﺟﺴﮯ ﺧﺪﺍ ﮐﺴﯽ ﮐﺴﯽ ﮐﻮ ﻧﮩﯿﮟ ﺑﮭﯽ ﺩﯾﺘﺎ ﻣﮕﺮ ﻋﻤﻮﻣﺎََ ﻋﺒﺪﷲ ﮐﺎ ﻭﺍﺳﻄﮧ ﺑﺎﺻﻼﺣﯿﺖ ﻟﻮﮔﻮﮞ ﺳﮯ ﮨﯽ ﭘﮍﺍ۔ ﻋﺒﺪﷲ ﮐﺎ ﺍﺏ ﺗﮏ ﻣﺼﻤّﻢ ﯾﻘﯿﻦ ﮨﻮﮔﯿﺎ ﺗﮭﺎ ﮐﮧ ﭘﺎﮐﺴﺘﺎﻥ ﻣﯿﮟ ﮐﺴﯽ ﺑﭽﮯ ﮐﻮ ﻧﻔﺴﯿﺎﺗﯽ ﻣﺮﯾﺾ ﺑﻨﺎﻧﺎ ﮨﻮ ﺗﻮ ﮐﺴﯽ ﮐﻤﭙﻨﯽ ﻣﯿﮟ ﺟﺎﺏ ﮐﺮﻭﺍ ﺩﻭ۔ ﺍﯾﮏ ﮨﯽ ﺳﺎﻝ ﻣﯿﮟ ﺟﮭﻮﭦ، ﻣﮑﺎﺭﯼ، ﻏﯿﺒﺖ، ﺣﺴﺪ ﺍﻭﺭ ﻇﻠﻢ ﺍﺳﮑﯽ ﻓﻄﺮﺕِ ﺛﺎﻧﯿﮧ ﺑﻦ ﺟﺎﺋﮯ ﮔﯽ۔ ﺑﺎﮨﺮ ﻣﻤﺎﻟﮏ ﻣﯿﮟ ﮐﺎﻡ ﻣﯿﮟ ﺍﯾﻤﺎﻧﺪﺍﺭﯼ ﻣﻠﺘﯽ ﮨﮯ۔ ﮨﻤﺎﺭﮮ ﻣﻠﮏ ﻣﯿﮟ ﻣﺬﮨﺒﯿﺖ، ﷲ ﮐﮯ ﺍﻭﺭ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﮯ ﻧﺎﻡ ﭘﺮ ﮔﺮﺩﻧﯿﮟ ﮐﺎﭦ ﺩﯾﮟ ﮔﮯ ﻣﮕﺮ ﺍﺳﻼﻡ ﭘﺮ ﻋﻤﻞ ﻧﮩﯿﮟ ﮐﺮﯾﮟ ﮔﮯ۔ ﮨﻢ ﺍﺳﻼﻡ ﮐﻮ ﮐﺎﻡ ﻧﮧ ﮐﺮﻧﮯ ﮐﮯ ﻟﺌﮯ ﺍﺳﺘﻌﻤﺎﻝ ﮐﺮﺗﮯ ﮨﯿﮟ۔ ﻋﺎﺷﻖ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﺳﺎﺭﮮ ﮨﯿﮟ، ﺍُﻣﺘﯽ ﮐﻮﺋﯽ ﻧﮩﯿﮟ۔
ﺫﻭﻕِ ﺟﻨﻮﮞ ﺳﺘﻢ ﮐﯽ ﺣﺪﻭﮞ ﺳﮯ ﮔﺰﺭ ﮔﯿﺎ
ﮐﻢ ﻇﺮﻑ ﺯﻧﺪﮦ ﺭﮦ ﮔﺌﮯ ﺍِﻧﺴﺎﻥ ﻣﺮ ﮔﯿﺎ
ﺗﺠﺮﺑﺎﺕ ﮐﯽ ﯾﮧ ﺍﺫﯾﺘﯿﮟ ﺍﺏ ﺗﻠﺨﯿﺎﮞ ﺑﻦ ﮐﺮ ﻋﺒﺪﷲ ﮐﯽ ﺯﺑﺎﻥ ﭘﺮ ﺁﭼﮑﯽ ﺗﮭﯿﮟ۔
ﻭﮦ ﺟﺘﻨﺎ ﺯﯾﺎﺩﮦ ﮐﺎﻡ ﮐﺮﻧﺎ ﭼﺎﮨﺘﺎ ﺍُﺳﮯ ﺍﺗﻨﯽ ﭘﺮﯾﺸﺎﻧﯿﻮﮞ ﺍﻭﺭ ﺭﮐﺎﻭﭨﻮﮞ ﮐﺎ ﺳﺎﻣﻨﺎ ﮐﺮﻧﺎ ﭘﮍﺗﺎ، ﻭﮦ ﮨﺮ ﺍﯾﮏ ﺳﮯ ﺍُﻣﯿﺪ ﻟﮕﺎﺗﺎ ﮐﮧ ﻭﮦ ﺍﺣﺴﺎﻥ excellence ﮐﮯ ﺩﺭﺟﮯ ﭘﺮ ﮐﺎﻡ ﮐﺮﮮ ﮔﺎ۔ ﺟﻮﺍﺏ ﻇﻠﻢ ﻣﯿﮟ ﺁﺗﺎ ﺗﻮ ﻋﺒﺪﷲ ﺗﻠﺦ ﮨﻮﺟﺎﺗﺎ۔
ﻋﺒﺪﷲ ﺑﺎﻗﺎﻋﺪﮔﯽ ﺳﮯ ﻣﻔﺘﯽ ﺻﺎﺣﺐ ﮐﮯ ﭘﺎﺱ ﺟﺎﻧﮯ ﮔﺎ، ﮐﺒﮭﯽ ﮐﭽﮫ ﭘﻮﭼﮫ ﻟﯿﺘﺎ، ﮐﺒﮭﯽ ﺻﺮﻑ ﺟﻮ ﺑﮭﯽ ﺑﺎﺕ ﭼﯿﺖ ﭼﻞ ﺭﮨﯽ ﮨﻮﺗﯽ ﻭﮦ ﺳﻦ ﮐﮯ ﺁﺟﺎﺗﺎ ﺍﻭﺭ ﮈﺍﺋﺮﯼ ﻣﯿﮟ ﻟﮑﮫ ﻟﯿﺘﺎ۔ ﺍﯾﮏ ﺩﻥ ﻣﻔﺘﯽ ﺻﺎﺣﺐ ﮐﮩﻨﮯ ﻟﮕﮯ۔
’’ ﮈﺍﮐﭩﺮ ﺻﺎﺣﺐ ﺯﻧﺪﮔﯽ ﮐﺎ ﻣﻘﺼﺪ ﷲ ﮐﯽ ﺭﺿﺎ ﮨﮯ ﺍﻭﺭ ﺍﮔﺮ ﺣﺸﺮ ﮐﮯ ﺭﻭﺯ ﮨﻢ ﷲ ﮐﻮ ﺩﯾﮑﮫ ﮐﮯ ﻣُﺴﮑﺮﺍﺋﮯ ﺍﻭﺭ ﻭﮦ ﮨﻤﯿﮟ ﺩﯾﮑﮫ ﮐﮯ ﻣﺴﮑﺮﺍﺋﮯ ﺗﻮ ﯾﮧ ﮨﻮﮔﯽ ﮐﺎﻣﯿﺎﺑﯽ، ﺍﻭﺭ ﯾﮧ ﮨﮯ ﻭﮦ ﺍﺻﻞ ﮐﺎﻣﯿﺎﺑﯽ ﮐﮧ ﺟﺲ ﭘﺮ ﻓﺨﺮ ﮐﯿﺎ ﺟﺎﺳﮑﮯ ‘‘ ۔
ﻋﺒﺪﷲ ﻧﮯ ﺑﺎﺕ ﻟﮑﮫ ﻟﯽ ﻣﮕﺮ ﺳﻮﭼﻨﮯ ﻟﮕﺎ ﮐﮧ ﻭﮦ ﺍﯾﺴﺎ ﮐﯿﺎ ﮐﺮﮮ ﮐﮧ ﯾﮧ ﻧﺘﯿﺠﮧ ﻧﮑﻠﮯ۔
ﺍﯾﮏ ﺩﻥ ﻣﻔﺘﯽ ﺻﺎﺣﺐ ﺳﮯ ﭘﻮﭼﮭﺎ ﮐﮧ ﺍﻧﺴﺎﻥ ﺍﻭﺭ ﺑﻨﺪﮮ ﻣﯿﮟ ﮐﯿﺎ ﻓﺮﻕ ﮨﮯ؟ ﺍﻭﺭ ﺑﻨﺪﮔﯽ ﮐﺴﮯ ﮐﮩﺘﮯ ﮨﯿﮟ؟ ’’ ﺍﻧﺴﺎﻥ ﻭﮦ ﮨﮯ ﺟﻮ ﮐﺴﯽ ﮐﻮ ﺩﮐﮫ ﻧﮧ ﭘﮩﻨﭽﺎﺋﮯ ﺟﻮ ﺁﺩﻣﯽ ﻏﺼﮯ، ﻋﻘﻞ ﺍﻭﺭ ﺟﻨﺲ ﮐﻮ ﮐﻨﮍﻭﻝ ﻣﯿﮟ ﺭﮐﮫ ﺳﮑﮯ ﻭﮦ ﮨﮯ ﺍﻧﺴﺎﻥ ‘‘ ۔
ﺍﻭﺭ ﺑﻨﺪﮔﯽ ﻧﺎﻡ ﮨﮯ ﺍﭘﻨﮯ ﺁﭖ ﮐﻮ ﻣﻌﺒﻮﺩ ﮐﮯ ﺣﻮﺍﻟﮯ ﮐﺮ ﺩﯾﻨﮯ ﮐﺎ، ﺍﺏ ﯾﮧ ﺍﻟﮓ ﺑﺎﺕ ﮨﮯ ﮐﮧ ﺍﺱ ﻧﮯ ﻣﻌﺒﻮﺩ ﮐﺲ ﮐﻮ ﭼﻨﺎ ﮨﻮﺍ ﮨﮯ۔
ﺁﺝ ﻋﺒﺪﷲ ﭘﮭﺮ ﺳﮯ ﺑﺠﮫ ﮔﯿﺎ ﺁﺝ ﺑِﻠّﻮ ﮐﻮ ﭘﮭﺮ ﭘﺘﮧ ﺗﮭﺎ ﮐﮧ ﺭﺕ ﺟﮕﺎ ﮨﻮﮔﺎ۔
ﯾﺎﷲ ! ﻣﯿﮟ ﺗﻮ ﺁﺝ ﺗﮏ ﺍﻧﺴﺎﻥ ﺑﮭﯽ ﻧﮧ ﺑﻦ ﺳﮑﺎ، ﻧﮧ ﮨﯽ ﻋﻘﻞ ﭘﺮ ﮐﻨﭩﺮﻭﻝ ﮨﮯ، ﻧﮧ ﮨﯽ ﺟﻨﺲ ﭘﺮ ﻧﮧ ﻏﺼﮯ ﭘﺮ، ﯾﮧ ﮐﯿﺎ ﮨﻮﮔﯿﺎ؟ ﻣﯿﮟ ﺗﻮ ﺑﮍﺍ ﺧﻮﺵ ﺗﮭﺎ ﮐﮧ ﺑﮍﮮ ﺑﮍﮮ ﮐﺎﻡ ﮐﺮ ﺭﮨﺎ ﮨﻮﮞ۔ ﻭﮊﻥ ﮨﮯ ﻣﮕﺮ ﻣﯿﮟ ﺗﻮ ﺑﻨﺪﮦ ﺑﮭﯽ ﻧﮧ ﺑﻦ ﺳﮑﺎ۔ ﻣﯿﮟ ﻧﮯ ﺗﻮ ﺍﭘﻨﮯ ﺁﭖ ﮐﻮ، ﻣﯿﮟ ﮐﮯ ﺣﻮﺍﻟﮯ ﮐﺮﺩﯾﺎ ﮨﮯ ﺍﻭﺭ ﺩﻥ ﺭﺍﺕ ﺍﺳﯽ ﻣﯿﮟ ﻣﮕﻦ ﮨﻮﮞ۔ ﻣﺠﮫ ﺳﮯ ﺯﯾﺎﺩﮦ ﭼﺎﻻﮎ ﺗﻮ ﺑﻠّﻮ ﻧﮑﻠﯽ ﺟﻮ ﭘﮩﻠﮯ ﺩﻥ ﺳﮯ ﮨﯽ ﺍﭘﻨﮯ ﺁﭖ ﮐﯽ ﻧﻔﯽ ﮐﺮﺗﯽ ﺁﺋﯽ ﮨﮯ۔
ﻣﯿﺮﮮ ﷲ ! ﭘﮭﺮ ﮐﻮﺋﯽ ﻃﻮﻓﺎﻥ ﻭﺍﭘﺲ ﮨﮯ ﺧﯿﺎﻝ ﺭﮐﮭﻨﺎ۔
ﻣﯿﮟ ﺍﯾﺴﮯ ﺟﻤﮕﮭﭩﮯ ﻣﯿﮟ ﮐﮭﻮ ﮔﯿﺎ ﮨﻮﮞ
ﺟﮩﺎﮞ ﻣﯿﺮﮮ ﺳﻮﺍ ﮐﻮﺋﯽ ﻧﮩﯿﮟ ﮨﮯ
ﺍﺏ ﻋﺒﺪﷲ ﮐﮯ ﺳﻮﺍﻟﻮﮞ ﻣﯿﮟ ﺗﯿﺰﯼ ﺁﮔﺌﯽ ﺗﮭﯽ ﺍﻭﺭ ﻭﮦ ﮨﺮ ﻣﻼﻗﺎﺕ ﻣﯿﮟ ﻣﻔﺘﯽ ﺻﺎﺣﺐ ﭘﺮ ﺳﻮﺍﻟﻮﮞ ﮐﯽ ﺑﻮﭼﮭﺎﮌ ﮐﺮﺩﯾﺘﺎ۔ ﺯﻧﺪﮔﯽ ﮐﺴﮯ ﮐﮩﺘﮯ ﮨﯿﮟ ﻣﻔﺘﯽ ﺻﺎﺣﺐ؟
’’ ﺯﻧﺪﮔﯽ ﺟﻞ ﺍﭨﮭﻨﮯ ﯾﺎ ﺑﺠﮫ ﺟﺎﻧﮯ ﮐﺎ ﻧﺎﻡ ﻧﮩﯿﮟ ﮨﮯ، ﯾﮧ ﻧﺎﻡ ﮨﮯ ﺳُﻠﮕﺘﮯ ﺭﮨﻨﮯ ﮐﺎ ‘‘
ﻣﻔﺘﯽ ﺻﺎﺣﺐ ﮐﯿﺴﮯ ﭘﺘﮧ ﻟﮕﮯ ﮐﮧ ﺑﻨﺪﮮ ﮐﺎ ﷲ ﮐﮯ ﭘﺎﺱ ﮐﯿﺎ ﻣﻘﺎﻡ ﮨﮯ؟ ﺑﮍﺍ ﺁﺳﺎﻥ ﮨﮯ، ﺑﻨﺪﮦ ﯾﮩﯽ ﺩﯾﮑﮫ ﻟﮯ ﮐﮧ ﷲ ﮐﺎ ﺍﺱ ﮐﮯ ﭘﺎﺱ ﮐﯿﺎ ﻣﻘﺎﻡ ﮨﮯ۔
’’ ﺍﮔﺮ ﷲ ﮐﻮ ﮨﺮ ﺷﮯ ﭘﮧ ﻓﻮﻗﯿﺖ ﺩﯾﺘﺎ ﮨﮯ ﮐﮧ ﭘﮩﻠﮯ ﷲ ﭘﮭﺮ ﺑﯿﻮﯼ، ﭘﮩﻠﮯ ﷲ ﭘﮭﺮ ﺟﺎﺏ ﺗﻮ ﷲ ﮐﮯ ﯾﮩﺎﮞ ﺑﮭﯽ ﻣﻘﺪﻡ ﮨﮯ ﺍﻭﺭ ﺍﮔﺮ ﷲ ﮐﯽ ﭘﺮﻭﺍ ﻧﮩﯿﮟ ﮐﺮﺗﺎ ﺗﻮ ﻋﯿﻦ ﻣﻤﮑﻦ ﮨﮯ ﮐﮧ ﻭﮨﺎﮞ ﺑﮭﯽ ﺍﺷﺮﺍﻓﯿﮧ ﻣﯿﮟ ﺳﮯ ﺗﻮ ﻧﮧ ﮨﻮﮔﺎ ‘‘ ۔
ﺍﻭﺭ ﭘﮭﺮ ﺭﺕ ﺟﮕﺎ۔۔۔۔ ﷲ ! ﻣﯿﮟ ﻧﮯ ﺗﻮ ﺁﺝ ﺗﮏ ﮐﻮﺋﯽ ﮐﺎﻡ ﺗﯿﺮﮮ ﻟﯿﮯ ﮐﯿﺎ ﮨﯽ ﻧﮩﯿﮟ، ﺁﺝ ﺗﮏ ﺗﯿﺮﺍ ﺧﯿﺎﻝ ﮨﯽ ﻧﮧ ﺁﯾﺎ، ﺗﯿﺮﺍ ﻧﺎﻡ ﻟﮯ ﮐﮯ ﮐﺎﻡ ﺍﭘﻨﮯ ﻟﺌﮯ ﮐﺮﺗﺎ ﺭﮨﺎ، ﮐﻤﭙﯿﻮﭨﺮ ﺳﺎﺋﻨﺲ ﺁﺗﯽ ﮨﮯ ﻭﮨﯽ ﭘﮍﮬﺎﺋﯽ ﺍﻭﺭ ﻃﺮﮦّ ﯾﮧ ﮐﮧ ﻭﮊﻥ ﮐﺎ ﻟﻔﺎﻓﮧ ﻟﭙﯿﭧ ﮐﺮ ﯾﮧ ﺳﻤﺠﮫ ﻟﯿﺎ ﮐﮧ ﺳﺐ ﮐﭽﮫ ﺗﯿﺮﮮ ﻟﯿﮯ ﮨﮯ ﺍﻭﺭ ﺟﺐ ﮐﮧ ﺍﯾﺴﺎ ﻧﮩﯿﮟ ﮨﮯ، ﺑﮍﯼ ﺧﯿﺎﻧﺖ ﮨﻮﮔﺌﯽ ﻣﯿﺮﮮ ﷲ، ﻣﻌﺎﻓﯽ ﺩﮮ ﺩﮮ۔ ﺳﻮﺍﻝ ﺩﯾﻨﮯ ﻭﺍﻟﮯ ﷲ، ﺟﻮﺍﺏ ﺑﮭﯽ ﺩﮮ ﺩﮮ ﺁﻣﯿﻦ !
ﻋﺒﺪﷲ ﻧﮯ ﺑﮭﺮﭘﻮﺭ ﮐﻮﺷﺶ ﮐﯽ ﮐﮧ ﺟﺎﺏ ﭼﻠﺘﯽ ﺭﮨﮯ ﺍﻭﺭ ﻭﮦ ﺑﮩﺖ ﺩﻝ ﻟﮕﺎ ﮐﮯ ﮐﺎﻡ ﮐﺮﻧﮯ ﻟﮕﺎ، ﻭﮊﻥ ﮐﯽ ﺑﺎﺕ ﺍﺱ ﻧﮯ ﺗﻘﺮﯾﺒﺎً ﮐﺮﻧﯽ ﭼﮭﻮﮌ ﮨﯽ ﺩﯼ۔ ﺍﺣﻤﺪ ﺻﺎﺣﺐ ﺍﻭﺭ ﺍﻣﯿﻦ ﺻﺎﺣﺐ ﺳﮯ ﺗﻌﻠﻖ ﺑﮭﯽ ﺑﺲ ﻭﺍﺟﺒﯽ ﺳﺎ ﺭﮦ ﮔﯿﺎ۔
ﻋﺒﺪﺍﷲ ﮐﯽ ﺗﯿﺰ ﻃﺒﯿﻌﺖ ﻣﻔﺘﯽ ﺻﺎﺣﺐ ﮐﯽ ﺩﮬﯿﻤﯽ ﻃﺒﯿﻌﺖ ﺳﮯ ﻣﻮﺍﻓﻖ ﻧﮩﯿﮟ ﺗﮭﯽ، ﻭﮦ ﭼﺎﮨﺘﺎ ﺗﮭﺎ ﮐﮧ ﺍﺱ ﮐﮯ ﺳﺎﺭﮮ ﺳﻮﺍﻟﻮﮞ ﮐﮯ ﺟﻮﺍﺏ ﺍﯾﮏ ﻧﺸﺴﺖ ﻣﯿﮟ ﻣﻞ ﺟﺎﺋﯿﮟ، ﻣﻔﺘﯽ ﺻﺎﺣﺐ ﮐﮩﺘﮯ ﺗﮭﮯ ﮐﮧ ﺍُﻣﺘّﻮﮞ ﮐﺎ ﻣﺰﺍﺝ ﺻﺪﯾﻮﮞ ﻣﯿﮟ ﺑﻨﺘﺎ ﮨﮯ۔ ﺗﻘﻮﯼٰ ﺍﺧﺘﯿﺎﺭ ﮐﺮﻭ۔ ﯾﮧ 4 ﭼﯿﺰﯾﮟ ﺩﯾﺘﺎ ﮨﮯ،
ﺗﻘﻮﯼٰ ﺳﻮﺍﻝ ﺳﮑﮭﺎﺗﺎ ﮨﮯ
ﺗﻘﻮﯼٰ ﺟﻮﺍﺏ ﺩﯾﺘﺎ ﮨﮯ
ﺗﻘﻮﯼٰ ﻋﻠﻢ ﺩﯾﺘﺎ ﮨﮯ ﺍﻭﺭ
ﭘﮭﺮ ﺍﺱ ﻋﻠﻢ ﺳﮯ ﻣﻠﻨﮯ ﻭﺍﻟﮯ ﻏﺮﻭﺭ ﮐﺎ ﺳﺪِِّ ﺑﺎﺏ ﺑﮭﯽ ﮐﺮﺗﺎ ﮨﮯ۔
ﻧﻮﮐﺮﯼ ﮐﮯ ﻣﻌﺎﻣﻼﺕ ﭨﮭﯿﮏ ﮨﻮﺋﮯ ﺗﻮ ﻋﺒﺪﷲ ﮐﻮ ﭘﮭﺮ ﺳﮯ ﺟﻮﺍﺑﺎﺕ ﮐﯽ ﺗﻼﺵ ﮨﻮﺋﯽ، ﺟﮭﻮﭦ ﮐﯿﺎ ﮨﮯ؟
MPL ﮐﯿﺴﮯ ﭘﻮﺭﮮ ﮨﻮﮞ؟
vision ﭘﮧ ﮐﺎﻡ ﮐﯿﺴﮯ ﮨﻮ؟
ﺟﻦ ﻟﻮﮔﻮﮞ ﮐﺎ vision ﻧﮧ ﮨﻮ ﺍُﻥ ﺳﮯ ﮐﯿﺎ ﻣﻌﺎﻣﻠﮧ ﮨﻮ؟
ﻣﯿﺮﯼ ﺑِﻠّﻮ ﺟﻮ ﭘﮍﮬﺎﺋﯽ ﮐﯽ ﺍﺯﻟﯽ ﺩﺷﻤﻦ ﮨﮯ ﺍُﺱ ﺳﮯ ﺳﺎﺗﮫ ﮐﯿﺴﮯ ﭼﻠﮯ؟
ﺍﺏ ﻣﯿﺮﯼ ﻧﺌﯽ TDL ﮐﯿﺎ ﮨﻮ؟
ﻋﺒﺪﷲ ﺍﻥ ﺳﻮﺍﻟﻮﮞ ﮐﮯ ﺟﻮﺍﺏ ﭼﺎﮨﺘﺎ ﺗﮭﺎ ﻣﮕﺮ ﻣﻔﺘﯽ ﺻﺎﺣﺐ ﺳﮯ ﻧﮩﯿﮟ۔ ﺍُﻥ ﮐﮯ ﭘﺎﺱ ﺟﺎﻧﮯ ﺳﮯ ﻧﻔﺲ ﭘﺮ ﭼﻮﭦ ﭘﮍﺗﯽ ﺗﮭﯽ ﺍﻭﺭ ﯾﮧ ﺑﺎﺕ ﻋﺒﺪﷲ ﺟﯿﺴﮯ ﭘﮍﮬﮯ ﻟﮑﮭﮯ ﺁﺩﻣﯽ ﮐﻮ ﻗﺒﻮﻝ ﻧﮩﯿﮟ ﺗﮭﯽ۔ ﻭﮦ ﭼﺎﮨﺘﺎ ﺗﮭﺎ ﮐﮧ ﮐﺴﯽ ﮐﮭﻮﻧﭩﮯ ﺳﮯ ﺑﻨﺪﮬﮯ ﺑﻐﯿﺮ ﺳﺐ ﮐﭽﮫ ﺳﯿﮑﮫ ﺟﺎﺋﮯ ﺍﻭﺭ ﺳﺎﻟﻮﮞ ﮐﯽ ﻣﻨﺰﻟﯿﮟ، ﺩﻧﻮﮞ ﻣﯿﮟ ﻃﮯ ﮐﺮﻟﮯ۔ ﻋﺒﺪﷲ ﮐﮯ ﺍﯾﮏ ﭘﺮﻭﻓﯿﺴﺮ ﺩﻭﺳﺖ ﺍﺳﮯ ﺍﭘﻨﮯ ﺳﺎﺗﮫ ﺟﻨﻮﺑﯽ ﭘﻨﺠﺎﺏ ﮐﮯ ﺍﯾﮏ ﮔﺎﺅﮞ ﻣﯿﮟ ﻟﮯ ﮔﺌﮯ ﺍﯾﮏ ﺷﯿﺦ ﮐﮯ ﭘﺎﺱ، ﺟﻦ ﮐﮯ ﺩﻧﯿﺎ ﺑﮭﺮ ﻣﯿﮟ ﻻﮐﮭﻮﮞ ﻣﺮﯾﺪ ﺗﮭﮯ۔ ﻋﺒﺪﷲ ﻧﮯ ﻭﮨﺎﮞ ﭘﮩﻨﭻ ﮐﺮ ﻣﻼﻗﺎﺕ ﮐﯽ ﮐﻮﺷﺶ ﮐﯽ ﻣﮕﺮ ﺍُﻥ ﮐﮯ ﮐﻼ ﺷﻨﮑﻮﻑ ﺑﺮﺩﺍﺭ ﻣﺤﺎﻓﻈﯿﻦ ﮐﯽ ﺟﻤﺎﻋﺖ ﻧﮯ ﺍﺳﮯ ﻣﻠﻨﮯ ﻧﮧ ﺩﯾﺎ ﺍﻭﺭ ﮐﮩﺎ ﮐﮧ ﻣﺴﺠﺪ ﻣﯿﮟ ﺟﺎ ﮐﮯ ﺑﯿﭩﮭﻮ۔
ﮐﻮﺋﯽ ﺩﻭ ﮔﮭﻨﭩﻮﮞ ﺑﻌﺪ ﻭﮦ ﺣﻀﺮﺕ ﺗﺸﺮﯾﻒ ﻻﺋﮯ، ﻧﻤﺎﺯ ﭘﮍﮬﺎﺋﯽ، ﺍﺑﮭﯽ ﻋﺒﺪﷲ ﺳﻨﺘﯿﮟ ﭘﮍﮪ ﮨﯽ ﺭﮨﺎ ﺗﮭﺎ ﮐﮧ ﻣﺠﻤﻊ ﻣﯿﮟ ﺳﮯ ﺍﯾﮏ ﺷﺨﺺ ﺍﺱ ﮐﮯ ﺍﻭﭘﺮ ﭨﺎﻧﮓ ﺭﮐﮭﺘﺎ ﮨﻮﺍ ﮔﺰﺭ ﮔﯿﺎ۔ ﻋﺒﺪﷲ ﻧﮯ ﺳﻼﻡ ﭘﮭﯿﺮﺗﮯ ﮨﯽ ﺍﺳﮯ ﺟﺎﻟﯿﺎ۔ ﺍُﻭﺑﮭﺎﺋﯽ ! ﮐﺪﮬﺮ ﺑﮭﺎﮒ ﺭﮨﮯ ﮨﻮ، ﺍﻧﺴﺎﻥ ﻧﻈﺮ ﻧﮩﯿﮟ ﺁﺗﺎ ﮐﯿﺎ؟ ﻣﯿﮟ ﺣﻀﺮﺕ ﮐﮯ ﺩِﯾﺪﺍﺭ ﮐﻮ ﺟﺎﺭﮨﺎ ﮨﻮﮞ۔ ﺁﺅ ﻻﺋﻦ ﻣﯿﮟ ﻟﮓ ﺟﺎﺅ، ﮨﺎﺗﮫ ﻣﻼ ﻟﻮ، ﮐﺌﯽ ﺭﻭﺯ ﺳﮯ ﺭﻭ ﺭﻭ ﮐﺮ ﺍﺱ ﺩﻥ ﮐﯽ ﺩﻋﺎ ﻣﺎﻧﮕﯽ ﮨﮯ۔
ﷲ ﮐﯽ ﻣﺴﺠﺪ ﻣﯿﮟ، ﷲ ﮐﯽ ﻧﻤﺎﺯ ﻣﯿﮟ، ﺭﻭ ﺭﻭ ﮐﺮ ﮐﺴﯽ ﺍﻭﺭ ﮐﻮ ﻣﺎﻧﮕﺘﮯ ﮨﻮ، ﺷﺮﻡ ﻧﮩﯿﮟ ﺁﺗﯽ۔ ﻋﺒﺪﷲ ﮐﯽ ﺁﻧﮑﮭﻮﮞ ﻣﯿﮟ ﺍﻧﮕﺎﺭﮮ ﺑﮭﺮ ﮔﺌﮯ ﺗﮭﮯ۔
ﺣﻀﺮﺕ ﺳﮯ ﻣﻞ ﻟﻮ، ﺩﻭ ﺟﮩﺎﮞ ﮐﺎﻣﯿﺎﺏ ﮨﻮﺟﺎﺋﯿﮟ ﮔﮯ، ﻭﮦ ﺷﺨﺺ ﺗﮍﭘﺎ۔
ﺑﮭﺎﮌ ﻣﯿﮟ ﮔﺌﮯ ﺗﻤﮭﺎﺭﮮ ﺣﻀﺮﺕ، ﻧﮩﯿﮟ ﻣﻼﺗﺎ ﮨﺎﺗﮫ۔، ﺳﺎﺗﮫ ﺟﺎﻧﯿﻮﺍﻟﮯ ﺩﻭﺳﺘﻮﮞ ﮐﮯ ﺑﮍﮮ ﺍﺻﺮﺍﺭ ﭘﺮ ﻋﺒﺪﷲ ﻧﮯ ﮨﺎﺗﮫ ﺗﻮ ﻣﻼ ﻟﯿﺎ ﻣﮕﺮ ﯾﮧ ﺍﺱ ﮐﯽ ﺣﻀﺮﺕ ﮐﮯ ﺳﺎﺗﮫ ﺁﺧﺮﯼ ﻣﻼﻗﺎﺕ ﺗﮭﯽ۔ ﻭﺍﭘﺴﯽ ﭘﺮ ﻭﮦ ﯾﮩﯽ ﺳﻮﭺ ﺭﮨﺎ ﺗﮭﺎ ﮐﮧ ﺍﺏ ﮐﺲ ﮐﮯ ﭘﺎﺱ ﺟﺎﺋﮯ۔
ﺧﺪﺍ ﻭﻧﺪﺍ ﯾﮧ ﺗﯿﺮﮮ ﺳﺎﺩﮦ ﺩﻝ ﺑﻨﺪﮮ ﮐﺪﮬﺮ ﺟﺎﺋﯿﮟ
ﮐﮧ ﺩﺭﻭﯾﺸﯽ ﺑﮭﯽ ﻋﯿّﺎﺭﯼ ﮨﮯ ﺳﻠﻄﺎﻧﯽ ﺑﮭﯽ ﻋﯿّﺎﺭﯼ
ﮐﭽﮫ ﺭﻭﺯ ﻣﯿﮟ ﻋﺒﺪﷲ ﮐﺎ ﮐﺮﺍﭼﯽ ﻣﯿﮟ ﺟﺎﻧﺎ ﮨﻮﺍ، ﺍﯾﮏ ﺩﻭﺳﺖ ﺍﭘﻨﮯ ﺍﯾﮏ ﺷﯿﺦ ﮐﮯ ﭘﺎﺱ ﻟﮯ ﮔﺌﮯ۔ ﻋﺒﺪﷲ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ ﺗﻮ ﺩﺭﺟﻨﻮﮞ ﻟﻮﮒ ﺑﮭﺮﮮ ﮨﻮﺋﮯ ﺗﮭﮯ۔ ﺷﯿﺦ ﺻﺎﺣﺐ ﺍﯾﮏ ﻧﺌﮯ ﺑﻨﺪﮮ ﮐﻮ ’’ ﻣﺮﯾﺪﻧﮯ ‘‘ ﻣﺮﯾﺪ ﺑﻨﺎﻧﮯ ﮐﯽ ﮐﻮﺷﺶ ﮐﺮ ﺭﮨﮯ ﺗﮭﮯ۔ ﺍﻧﮩﻮﮞ ﻧﮯ ﮨﻮﻧﮯ ﻭﺍﻟﮯ ﻣﺮﯾﺪ ﺳﮯ ﭘﻮﭼﮭﺎ۔ ﯾﮧ ﻧﯿﮏ ﻟﻮﮔﻮﮞ ﮐﯽ ﻣﺠﻠﺲ ﮨﮯ۔ ﺗﻢ ﺷﺮﺍﺏ ﺗﻮ ﻧﮩﯿﮟ ﭘﯿﺘﮯ؟ ﺟﯽ ﻧﮩﯿﮟ، ﺟﮭﻮﭦ؟ ﺑﺎﻟﮑﻞ ﻧﮩﯿﮟ، ﻏﯿﺒﺖ؟ ﺗﻮﺑﮧ ﮐﺮﯾﮟ ﺟﯽ ! ﮐﻮﺋﯽ ﻟﮍﮐﯽ ﻭﮌﮐﯽ؟ ﺍﺏ ﻣﺮﯾﺪ ﺻﺎﺣﺐ ﺧﺎﻣﻮﺵ۔ ﻋﺒﺪﷲ ﺳﮯ ﭘﮭﺮ ﺻﺒﺮ ﻧﮧ ﮨﻮﺳﮑﺎ ﺍﻭﺭ ﭘﮩﻨﭻ ﮔﯿﺎ ﺍﻥ ﺩﻭﻧﻮﮞ ﮐﮯ ﺳﺮ ﭘﺮ، ﺍﺭﮮ ﻣﻮﻟﻮﯼ ﺻﺎﺣﺐ، ﮐﯿﻮﮞ ﮈﮬﻨﮉﻭﺭﺍ ﭘﯿﭩﺘﮯ ﮨﻮ ﺍُﻥ ﭼﯿﺰﻭﮞ ﮐﺎ ﺟﻨﮩﯿﮟ ﺧﺪﺍ ﭼﮭﭙﺎﻟﯿﺘﺎ ﮨﮯ، ﺍﻭﺭ ﻣﺮﯾﺪ ﺳﮯ ﮐﮩﺎ ﮐﮯ ﺑﮭﺎﮒ ﺟﺎ ﯾﮩﺎﮞ ﺳﮯ، ﮐﯿﻮﮞ ﺯﻧﺪﮔﯽ ﺑﺮﺑﺎﺩ ﮐﺮﻧﮯ ﺁﯾﺎ ﮨﮯ ﺍﻭﺭ ﻣﻮﻟﻮﯼ ﺻﺎﺣﺐ ﻣﯿﺮﯼ ﺩﻋﺎ ﮨﮯ ﮐﮧ ﷲ ﺁﭖ ﺳﮯ ﯾﮧ ﺗﻤﺎﻡ ﮔﻨﺎﮦ ﮐﺮﻭﺍﺋﮯ ﺟﻦ ﮐﯽ ﮐﻨﻔﺮﻣﯿﺸﻦ ﺁﭖ ﺍﺱ ﺑﭽﮯ ﺳﮯ ﭼﺎﮦ ﺭﮨﮯ ﺗﮭﮯ۔
ﺍﻭﺭ ﺍﺱ ﮐﮯ ﺑﻌﺪ ﻇﺎﮨﺮ ﮨﮯ ﻧﮧ ﺷﯿﺦ ﺻﺎﺣﺐ ﻧﮯ ﮐﭽﮫ ’’ ﻋﻨﺎﯾﺖ ‘‘ ﮐﺮﻧﺎ ﺗﮭﯽ، ﺍﻭﺭ ﺗﻮ ﺍﻭﺭ ﺳﺎﺗﮫ ﻟﮯ ﺟﺎﻧﮯ ﻭﺍﻟﮯ ’’ ﺩﻭﺳﺖ ‘‘ ﺑﮭﯽ ﺯﻧﺪﮔﯽ ﺑﮭﺮ ﮐﻮ ﮐﻨﺎﺭﮦ ﮐﺶ ﮨﻮﮔﺌﮯ۔
* ۔۔۔ * ۔۔۔ *
ﺁﺝ ﻋﺒﺪﷲ ﮐﺎﻓﯽ ﻋﺮﺻﮯ ﺑﻌﺪ ﻣﻔﺘﯽ ﺻﺎﺣﺐ ﮐﮯ ﭘﺎﺱ ﺁﯾﺎ ﻭﮦ ﮐﺴﯽ ﺳﮯ ﺑﺎﺕ ﮐﺮ ﺭﮨﮯ ﺗﮭﮯ۔
ﮐﮩﻨﮯ ﻟﮕﮯ، ’’ ﺍﮔﺮ ﮐﻮﺋﯽ ﺷﺨﺺ ﯾﮧ ﭼﺎﮨﮯ ﮐﮧ ﻓﻼﮞ ﺷﺨﺺ ﺍﭘﻨﮯ ﺍﺧﺘﯿﺎﺭ، ﺍﺛﺮﻭ ﺭﺳﻮﺥ ﯾﺎ ﺩﻭﻟﺖ ﮐﯽ ﻭﺟﮧ ﺳﮯ ﻣﯿﺮﮮ ﺣﻠﻘﮯ ﻣﯿﮟ ﺁﺟﺎﺋﮯ ﯾﺎ ﻣﯿﺮﺍ ﻣﺮﯾﺪ ﺑﻦ ﺟﺎﺋﮯ ﺗﻮ ﯾﮧ ﺑﺎﺕ ﻃﺮﯾﻘﺖ ﻣﯿﮟ ﺷﺮﮎ ﮨﮯ ‘‘ ۔
ﻋﺒﺪﷲ ﺗﻮ ﮔﻮﯾﺎ ﺍﻧﺘﻈﺎﺭ ﻣﯿﮟ ﺗﮭﺎ، ﺍﺱ ﻧﮯ ﺳﻮﺍﻟﻮﮞ ﮐﯽ ﭘﻮﭨﻠﯽ ﭘﮭﺮ ﮐﮭﻮﻝ ﺩﯼ۔
ﻣﻔﺘﯽ ﺻﺎﺣﺐ، ﺟﮭﻮﭦ ﮐﯿﺎ ﮨﮯ؟
ﮐﺎﺋﻨﺎﺕ ﮐﺎ ﺳﺐ ﺳﮯ ﺑﮍﺍ ﺟﮭﻮﭦ ’’ ﻣﯿﮟ ‘‘ ﮨﮯ۔ ﺁﺩﻣﯽ ﺳﺎﺭﮮ ﺑﺖ ﺗﻮﮌ ﺩﯾﺘﺎ ﮨﮯ۔ ﻋﻠﻢ ﮐﺎ، ﺩﻭﻟﺖ ﮐﺎ، ﺷﮩﺮﺕ ﮐﺎ، ﺍﻣﺎﺭﺕ ﮐﺎ، ﻋﮩﺪﮮ ﮐﺎ، ﺷﺮﮎ ﮐﺎ، ﻣﮕﺮ ﺍﭘﻨﯽ ﺫﺍﺕ ﮐﺎ ﺑﺖ ﺑﻨﺎ ﻟﯿﺘﺎ ﮨﮯ ﺍﻭﺭ ﺍِﺳﮯ ﭘﻮﺟﻨﺎ ﺷﺮﻭﻉ ﮐﺮﺩﯾﺘﺎ ﮨﮯ ﺍﻭﺭ ﺍﺱ ﮐﺎ ﭨﯿﺴﭧ ﯾﮧ ﮨﮯ ﮐﮧ ﺧﻼﻑِ ﻣﻌﻤﻮﻝ ﮐﻮﺋﯽ ﮐﺎﻡ ﮨﻮﺟﺎﺋﮯ، ﮐﻮﺋﯽ ﮔﻨﺎﮦ ﺳﺮ ﺯﺩ ﮨﻮﺟﺎﺋﮯ ﺗﻮ ﭘﮩﻼ ﺧﯿﺎﻝ ﯾﮩﯽ ﺁﺗﺎ ﮨﮯ ﮐﮧ ﮐﻞ ﺳﮯ ﮐﺴﯽ ﮐﻮ ﷲ ﮐﯽ ﻃﺮﻑ ﻧﮩﯿﮟ ﺑﻼﺅﮞ ﮔﺎ، ﺩﻋﻮﺕ ﻧﮩﯿﮟ ﺩﻭﮞ ﮔﺎ، ﭘﮍﮬﺎﺅﮞ ﮔﺎ ﻧﮩﯿﮟ، ﺍﭘﻨﮯ ﮐﺮﺗﻮﺕ ﺍﯾﺴﮯ ﺍﻭﺭ ﻧﺎﻡ ﷲ ﮐﺎ۔ ﯾﮧ ﮨﻮﺍ ﯾﻮﮞ ﮐﮧ ﻭﮦ ﭘﮩﻠﮯ ﺭﻭﺯ ﺳﮯ ﮨﯽ ﺍﭘﻨﺎ ﭘﯿﭧ ﺑﮭﺮ ﺭﮨﺎ ﺗﮭﺎ ﺍﻭﺭ ﺍﭘﻨﮯ ﻟﺌﮯ ﮨﯽ ﮐﺎﻡ ﮐﺮ ﺭﮨﺎ ﺗﮭﺎ۔ ﷲ ﮐﮯ ﻟﺌﮯ ﺗﻮ ﺗﮭﺎ ﮨﯽ ﻧﮩﯿﮟ۔ ﻋﺒﺪﷲ ﮐﻮ ﺩﻧﯿﺎ ﮔﮭﻮﻣﺘﯽ ﮨﻮﺋﯽ ﻣﺤﺴﻮﺱ ﮨﻮﺋﯽ، ﻭﮦ ﺍُﭨﮫ ﮐﮯ ﻭﺍﭘﺲ ﭼﻼ ﺁﯾﺎ۔
* ۔۔۔ * ۔۔۔ *
ﻋﺒﺪﷲ ﻧﮯ ﺍﭘﻨﮯ ﺁﭘﮑﻮ ﮐﭽﮫ ﺩﻧﻮﮞ ﮐﮯ ﻟﯿﮯ ﮐﻤﺮﮮ ﻣﯿﮟ ﻗﯿﺪ ﮐﯿﺎ ﺍﻭﺭ ﺷﺮﻭﻉ ﺳﮯ ﮨﺮ ﺑﺎﺕ ﮐﺎ ﺟﺎﺋﺰﮦ ﻟﯿﻨﮯ ﻟﮕﺎ ﮐﮧ ﮨﻮﺍ ﮐﯿﺎ ﮨﮯ؟ ﺍِﺳﮯ ﺍﺣﺴﺎﺱ ﮨﻮﺍ ﮐﮧ ﺍُﺱ ﻧﮯ ﻭﮊﻥ ﺑﻨﺎ ﮐﮯ ﺗﻤﺎﻡ ﺍﻥ ﻟﻮﮔﻮﮞ ﮐﯽ ﮔﺮﺩﻧﯿﮟ ﺍُﺗﺎﺭﻧﯽ ﺷﺮﻭﻉ ﮐﺮﺩﯼ ﺗﮭﯿﮟ ﺟﻦ ﮐﺎ ﻭﮊﻥ ﺑﻈﺎﮨﺮ ﮐﭽﮫ ﻧﮧ ﮨﻮ ﺍﻭﺭ ﻭﮦ ﺧﻮﺩ ﭘﺮﺳﺘﯽ ﮐﮯ ﺍﯾﺴﮯ ﮔﺮﺩﺍﺏ ﻣﯿﮟ ﭘﮭﻨﺴﺘﺎ ﭼﻼ ﮔﯿﺎ ﺟﺲ ﮐﺎ ﺍﻧﺪﺍﺯﮦ ﺍِﺳﮯ ﺧﻮﺩ ﺑﮭﯽ ﻧﮧ ﮨﻮﺳﮑﺎ۔ ﻣﻔﺘﯽ ﺻﺎﺣﺐ ﮐﮯ ﺩﻭ ﺟﻤﻠﮯ ﺍﺱ ﮐﮯ ﮐﺎﻧﻮﮞ ﻣﯿﮟ ﺯﮨﺮ ﮔﮭﻮﻝ ﺭﮨﮯ ﺗﮭﮯ۔
’’ ﻣﮯ ﮐﺎ ﻧﺸﮧ ﺍﯾﮏ ﺭﺍﺕ ﻣﯿﮟ ﺍُﺗﺮ ﺟﺎﺗﺎ ﮨﮯ ’’ ﻣﯿﮟ ‘‘ ﮐﺎ ﻧﺸﮧ ﺯﻧﺪﮔﯽ ﺑﮭﺮ ﻧﮩﯿﮟ ﺍُﺗﺮﺗﺎ۔ ‘‘
ﺍﻭﺭ ﻣﺮﻧﮯ ﮐﮯ ﺑﻌﺪ ﺳﺐ ﺳﮯ ﭘﮩﻠﮯ ﺟﻮ ﭼﯿﺰ ﭼﮭﻦ ﺟﺎﺗﯽ ﮨﮯ ﻭﮦ ﺍﺧﺘﯿﺎﺭ ﮨﮯ۔ ﺳﺎﺭﯼ ﺍَﮐﮍ، ﻓﻮﮞ ﻓﺎﮞ، ﭨﺎﮞ ﭨﺎﮞ ﺳﺐ ﮔﺌﯽ، ﺍﺏ ﮐﺮﻟﻮ ﺑﺎﺕ۔ ﺟﯿﺴﮯ ﺟﯿﺴﮯ ﻋﺒﺪﷲ ﺳﻮﭼﺘﺎ ﮔﯿﺎ ﻭﯾﺴﮯ ﻭﯾﺴﮯ ﺍﺱ ﮐﯽ ﺣﺎﻟﺖ ﻏﯿﺮ ﮨﻮﺗﯽ ﭼﻠﯽ ﮔﺌﯽ۔ ﺍﺗﻨﮯ ﻣﯿﮟ ﺩﺭﻭﺍﺯﮮ ﭘﺮ ﺩﺳﺘﮏ ﮨﻮﺋﯽ ﺍﻭﺭ ﺑﻠّﻮ ﺍﻧﺪﺭ ﺁﺋﯽ۔ ﻋﺒﺪﷲ ﮐﯽ ﺣﺎﻟﺖ ﺩﯾﮑﮭﺘﮯ ﮨﯽ ﺑﻠّﻮ ﻧﮯ ﭘﻮﭼﮭﺎ ﺍﺏ ﮐﯿﺎ ﮨﮯ ﻋﺒﺪﷲ، ﺍﺏ ﮐﯿﻮﮞ ﭘﺮﯾﺸﺎﻥ ﮨﻮ؟ ﮐﺲ ﭨﺮﮎ ﮐﯽ ﻻﻝ ﺑﺘﯽ ﮐﮯ ﭘﯿﭽﮭﮯ ﺑﮭﺎﮒ ﮐﺮ ﺁﺋﮯ ﮨﻮ؟ ﺍﻭﺭ ﻋﺒﺪﷲ ﺑﭽﻮﮞ ﮐﯽ ﻃﺮﺡ ﺑﻠﮏ ﺑﻠﮏ ﮐﮯ ﺭﻭﻧﮯ ﻟﮕﺎ۔ ﺟﺬﺑﺎﺕ ﮐﺎ ﺟﻮﺍﺭ ﺑﮭﺎﭨﺎ ﺗﮭﻤﺎ ﺗﻮ ﺑِﻠّﻮ ﻧﮯ ﮐﮩﺎ۔ ﺩﯾﮑﮭﻮ ﻋﺒﺪﷲ، ﺳﺐ ﺳﮯ ﭘﮩﻠﮯ ﺗﻮ ﺩﮬﯿﻤﮯ ﮨﻮﺟﺎﺅ، ﺗﺮﺑﯿﺖ ﺍﺳﯽ ﮐﻮ ﮐﮩﺘﮯ ﮨﯿﮟ۔ ’’ ﻣﯿﮟ ﮐﭽﮫ ﻧﮩﯿﮟ ‘‘ ﺳﮯ ﺑﮩﺘﺮﯼ ﮐﺎ ﺁﻏﺎﺯ ﮨﻮﺗﺎ ﮨﮯ۔ ﺍﭘﻨﮯ ﺁﭖ ﭘﮧ ﮐﺎﻡ ﮐﺮﻭ۔ ﺟﺐ ﺑﭽﮧ ﺟﻮﺍﻥ ﮨﻮﺟﺎﺗﺎ ﮨﮯ ﯾﺎ ﺗﻮ ﺍُﺳﮯ ﺁﮐﺮ ﻣﺎﮞ ﺑﺎﭖ ﮐﻮ ﺑﺘﺎﻧﺎ ﻧﮩﯿﮟ ﭘﮍﺗﺎ ﺑﻠﮑﮧ ﻣﺤﻠﮯ ﻭﺍﻟﮯ ﺁ ﮐﺮ ﺑﺘﺎ ﺟﺎﺗﮯ ﮨﯿﮟ۔
ﻣﯿﺮﮮ ﺧﯿﺎﻝ ﻣﯿﮟ ﺟﺐ ﺗﻢ ﺍﺱ ﻗﺎﺑﻞ ﮨﻮﺟﺎﺅ ﮔﮯ ﮐﮧ ﮐﺎﻡ ﻟﯿﺎ ﺟﺎﺋﮯ ﺗﻮ ﷲ ﮐﮯ ﯾﮩﺎﮞ ﺳﮯ ﺑﻼﻭﺍ ﺧﻮﺩ ﮨﯽ ﺁﺟﺎﺋﮯ ﮔﺎ، ﺍﺗﻨﯽ ﺑﮭﯽ ﮐﯿﺎ ﺟﻠﺪﯼ ﮨﮯ؟ ﻟﻮﮔﻮﮞ ﮐﻮ ﺣﻘﯿﺮ ﻣﺖ ﺟﺎﻧﻮ، ﮔﻨﺎ ﮨﮕﺎﺭﻭﮞ ﮐﯽ ﻋﺰﺕ ﮐﺮﻭ، ﮔﻨﺎﮦ ﺑﮭﯽ ﺗﻮ ﺍﯾﮏ ﺗﻌﻠﻖ ﮨﯽ ﮨﮯ۔ ﺍﭘﻨﮯ ﺭﺏ ﺳﮯ، ﺟﺲ ﷲ ﻧﮯ ﺗﻤﮩﯿﮟ ﯾﮧ ﻣﻘﺎﻡ ﺩﯾﺎ ﮨﮯ ﺍﺳﯽ ﷲ ﻧﮯ ﮐﺴﯽ ﮐﻮ ﮐﮩﯿﮟ ﺍﻭﺭ ﺭﮐﮫ ﭼﮭﻮﮌﺍ ﮨﮯ۔ ﺧﺪﺍﺋﯽ ﮐﺎﻣﻮﮞ ﻣﯿﮟ ﻋﻠّﺖ ﻧﮧ ﮈﮬﻮﻧﮉﺍ ﮐﺮﻭ، ﺍُﺱ ﮐﺎ ﻓﻀﻞ ﮐﺴﯽ ﻭﺟﮧ ﮐﺎ ﻣﺤﺘﺎﺝ ﻧﮩﯿﮟ ﮨﻮﺗﺎ۔
ﻋﺒﺪﺍﷲ ! ﮐﺒﮭﯽ ﮐﺒﮭﯽ ﮐﻮﺋﯽ ﺷﺨﺺ ﮐﭽﮫ ﻧﮧ ﮐﺮﮐﮯ ﺑﮭﯽ ﺍﭘﻨﺎ ﺣﺼﮧ ﮈﺍﻝ ﺭﮨﺎ ﮨﻮﺗﺎ ﮨﮯ، ﺍﺱ ﮐﯽ ﻣﺜﺎﻝ ﻣﯿﭻ ﮐﮯ ﺍُﺱ ﮐﮭﻼﮌﯼ ﮐﯽ ﺳﯽ ﮨﻮﺗﯽ ﮨﮯ ﺟﻮ ﭘﻮﺭﺍ ﻣﯿﭻ ﮐﭽﮫ ﻧﮩﯿﮟ ﮐﺮﺗﺎ ﺟﺴﮯ ﺗﻤﮩﺎﺭﮮ ﺟﯿﺴﮯ ﻟﻮﮒ vision less ﻣﺨﻠﻮﻕ ﮐﮩﺘﮯ ﮨﯿﮟ، ﻣﮕﺮ ﭘﮭﺮ ﺁﺧﺮﯼ ﺑﺎﻝ ﭘﮧ ﻟﮕﻨﮯ ﻭﺍﻻ ﺑﺎﺅﻧﮉﺭﯼ ﮐﺎ ﭼﮭﮑﺎ ﺍﺱ ﮐﮯ ﮨﺎﺗﮭﻮﮞ ﻣﯿﮟ ﺁﮐﺮ ﮔﺮﺗﺎ ﮨﮯ ﺍﻭﺭ ﻭﮦ ﺳﺮﺧﺮﻭ ﮨﻮﺟﺎﺗﺎ ﮨﮯ۔ ﻋﺒﺪﷲ، ﮔﻨﺎﮦ ﺑﮭﯽ ﷲ ﮐﯽ ﻧﻌﻤﺖ ﮨﻮﺗﮯ ﮨﯿﮟ، ﯾﮧ ﺑﻨﺪﮮ ﮐﻮ ﺑﻨﺪﮦ ﺑﻨﺎ ﮐﺮ ﺭﮐﮭﺘﮯ ﮨﯿﮟ۔ ﮔﻨﺎﮦ ﮨﻮ ﮨﯽ ﻧﮧ ﺗﻮ ﺑﻨﺪﮦ ﺍﻭ ﺗﺎﺭ ﺑﻦ ﺟﺎﺋﮯ۔ ﻣﯿﮟ ﺗﻮ ﮔﻨﺎﮨﮕﺎﺭ ﺑﻨﺪﯼ ﮨﻮﮞ ﻣﮕﺮ ﭘﺘﮧ ﻧﮩﯿﮟ ﮐﯿﻮﮞ ﻟﮕﺘﺎ ﮨﮯ ﮐﮧ ﭘُﺮﺳﮑﻮﻥ ﻗﻠﺐ ﻭﺍﻟﻮﮞ ﮐﯽ ﺗﮩﺠﺪ ﺳﮯ ﻧﺪﺍﻣﺖ ﻣﯿﮟ ﺗﮍﭘﻨﮯ ﻭﺍﻟﻮﮞ ﮐﯽ ﺭﺍﺗﯿﮟ ﺯﯾﺎﺩﮦ ﻣﻘﺒﻮﻝ ﮨﻮﺗﯽ ﮨﯿﮟ۔ ﻋﺒﺪﷲ ﮐﺎﻥ ﮐﮭﻮﻝ ﮐﮯ ﺳﻦ ﻟﻮ، ﻣﻨﺰﻝ ﺗﻮ ﺑﮯ ﻭﻗﻮﻓﻮﮞ ﮐﻮ ﻣﻠﺘﯽ ﮨﮯ، ﻋﻘﻠﻤﻨﺪ ﺁﺩﻣﯽ ﮨﻤﯿﺸﮧ ﺳﻔﺮ ﻣﯿﮟ ﺭﮨﺘﺎ ﮨﮯ۔
ﻋﺒﺪﷲ ﮐﻮ ﺑﻠﻮ ﺳﮯ ﺍﺱ ﻗﺴﻢ ﮐﯽ ﮔﻔﺘﮕﻮ ﮐﯽ ﻗﻄﻌﺎََ ﺍﻣﯿﺪ ﻧﮧ ﺗﮭﯽ۔ ﻭﮦ ﺣﯿﺮﺕ ﮐﮯ ﺟﮭﭩﮑﮯ ﺳﮯ ﺑﺎﮨﺮ ﻧﮑﻼ ﺗﻮ ﮐﮩﻨﮯ ﻟﮕﺎ، ﷲ ﮐﯽ ﻭﻟﯽ ﺗﺠﮭﮯ ﯾﮧ ﺳﺐ ﮐﺲ ﻧﮯ ﺳﮑﮭﺎﯾﺎ؟ ﺑﻠﻮ ﻧﮯ ﮨﻨﺴﺘﮯ ﮨﻮﺋﮯ ﮐﮩﺎ، ﮐﯿﻮﮞ ﮐﯿﺎ ﷲ ﺻﺮﻑ ﺗﻤﮭﺎﺭﺍ ﮨﮯ؟ ﮐﯿﺎ ﮐﺴﯽ ﺍﻭﺭ ﮐﻮ ﻣﺎﻧﮕﻨﺎ ﻧﮩﯿﮟ ﺁﺗﺎ؟ ﮐﯿﺎ ﮐﻮﺋﯽ ﮐﻨﻮﺍﮞ ﺩﯾﮑﮭﺎ ﮨﮯ ﺟﺲ ﻣﯿﮟ ﭘﺎﻧﯽ ﺑﺎﮨﺮ ﺳﮯ ﮈﺍﻟﺘﮯ ﮨﻮﮞ؟ ﻋﻠﻢ ﮨﻤﯿﺸﮧ ﺍﻧﺪﺭ ﺳﮯ ﺁﺗﺎ ﮨﮯ ﺑﺎﮨﺮ ﺳﮯ ﺗﻮ ﻣﻌﻠﻮﻣﺎﺕ ﻣﻠﺘﯽ ﮨﯿﮟ ﺍﻭﺭ ﻣﻔﺘﯽ ﺻﺎﺣﺐ ﺑﮭﯽ ﺻﺮﻑ ﺗﻤﮩﺎﺭﮮ ﺗﮭﻮﮌﺍ ﮨﯽ ﮨﯿﮟ ﺍﻥ ﮐﮯ ﻟﯿﮑﭽﺮﺯ ﻣﯿﮟ ﻧﮯ ﺗﻢ ﺳﮯ ﺯﯾﺎﺩﮦ ﺳﻨﮯ ﮨﯿﮟ۔
ﻋﺒﺪﷲ ! ﺍﯾﮏ ﮐﺎﻡ ﮐﺮﻭ ﻋﻤﺮﮮ ﭘﮧ ﭼﻠﮯ ﺟﺎﺅ، ﺷﺎﯾﺪ ﺗﻤﮩﺎﺭﺍ ﺩﻝ ﮐﭽﮫ ﮨﻠﮑﺎ ﮨﻮ۔
ﻋﺒﺪﷲ ﮐﻮ ﺁﺝ ﭘﮩﻠﯽ ﺑﺎﺭ ﺍﺣﺴﺎﺱ ﮨﻮﺍ ﮐﮧ ﮨﻨﺴﺘﯽ ﻣﺴﮑﺮﺍﺗﯽ ﺷﺮﺍﺭﺗﯿﮟ ﮐﺮﺗﯽ ﺑِﻠّﻮ ﺍﻧﺪﺭ ﺳﮯ ﮐﺘﻨﯽ ﮔﮩﺮﯼ ﮨﮯ ﺍﻭﺭ ﺍﭘﻨﮯ ﺁﭖ ﮐﯽ ﺟﺴﺘﺠﻮ ﻣﯿﮟ ﺍﺱ ﻧﮯ ﺁﺝ ﺗﮏ ﺑِﻠّﻮ ﮐﻮ ﺩﯾﮑﮭﺎ ﮨﯽ ﻧﮩﯿﮟ ۔
ﮐﺘﻨﮯ ﺳﻠﺠﮭﮯ ﮨﻮﺋﮯ ﻃﺮﯾﻘﮯ ﺳﮯ
ﮨﻤﯿﮟ ﺍُﻟﺠﮭﻦ ﻣﯿﮟ ﮈﺍﻝ ﺟﺎﺗﮯ ﮨﻮ
ﺁﺝ ﻋﺒﺪﷲ ﮐﺎ ﺩﻥ ﺁﻓﺲ ﻣﯿﮟ ﺍﭼﮭﺎ ﻧﮩﯿﮟ ﮔﺬﺭﺍ، ﻭﺍﭘﺴﯽ ﭘﺮ ﻭﮦ ﺳﯿﺪﮬﺎ ﻣﻔﺘﯽ ﺻﺎﺣﺐ ﮐﮯ ﭘﺎﺱ ﭘﮩﻨﭻ ﮔﯿﺎ ﺍﻭﺭ ﭘﻮﭼﮭﻨﮯ ﻟﮕﺎ۔ ﻣﻔﺘﯽ ﺻﺎﺣﺐ ﯾﮧ ﻟﻮﮒ ﺍﺗﻨﺎ ﺗﻨﮓ ﮐﯿﻮﮞ ﮐﺮﺗﮯ ﮨﯿﮟ؟ ﻧﮧ ﮐﺎﻡ ﮐﺮﺗﮯ ﮨﯿﮟ ﻧﮧ ﮐﺮﻧﮯ ﺩﯾﺘﮯ ﮨﯿﮟ۔ ﮐﺲ ﻣﺼﯿﺒﺖ ﻣﯿﮟ ﭘﮭﻨﺲ ﮔﯿﺎ ﮨﻮﮞ۔ ﻋﺒﺪﷲ ﺟﯿﺴﮯ ﭘﯿﺴﻮﮞ ﮐﯽ ﺯﮐﻮٰۃ ﮨﻮﺗﯽ ﮨﮯ ﺑﺎﻟﮑﻞ ﺍِﺳﯽ ﻃﺮﺡ ﷲ ﺗﻌﺎﻟﯽٰ ﮐﮯ ﻓﻀﻞ ﮐﯽ ﯾﺎ success ﮐﯽ ﺑﮭﯽ ﺍﯾﮏ ﺯﮐﻮٰۃ ﮨﮯ ﺍﻭﺭ ﻭﮦ ﯾﮧ ﮐﮧ ﻟﻮﮔﻮﮞ ﮐﺎ ﻇﻠﻢ ﺟﮭﻮﭦ ﺍﻭﺭ ﺣﺴﺪ ﺑﺮﺩﺍﺷﺖ ﮐﯿﺎ ﺟﺎﺋﮯ ﺍﻭﺭ ﯾﮧ ﺍﯾﺴﮯ ﻧﮩﯿﮟ ﮐﮧ ﺳﺎﻝ ﺩﻭ ﺳﺎﻝ ﻣﯿﮟ ﮐﻮﺋﯽ ﻭﺍﻗﻌﮧ ﭘﯿﺶ ﺁﺟﺎﺋﮯ۔ ﯾﮧ ﺍﯾﺴﮯ ﺑﺮﺳﺘﺎ ﮨﮯ ﺟﯿﺴﮯ ﮐﮧ ﻣﻮﻥ ﺳﻮﻥ ﻣﯿﮟ ﺑﺎﺭﺵ، ﺗﻢ ﺯﮐﻮٰۃ ﺩﺋﯿﮯ ﺟﺎﺅ ﷲ ﮐﺎ ﻓﻀﻞ ﺑﮭﯽ ﻣﯿﻨﮧ ﺑﻦ ﮐﮯ ﺑﺮﺳﮯ ﮔﺎ۔
ﮨﺎﮞ ! ﻣﻔﺘﯽ ﺻﺎﺣﺐ ﻣﮕﺮ ﺟﻮ ﺗﻦ ﺑﯿﺘﮯ ﻭﮦ ﺗﻦ ﺟﺎﻧﮯ
ﯾﮧ ﺗﻮ ﮨﮯ ﻋﺒﺪﷲ، ﭘﺎﮐﺴﺘﺎﻥ ﻣﯿﮟ 3 ﭼﯿﺰﯾﮟ ﺣﺮﺍﻡ ﮨﯿﮟ۔ ﺳﻮﺭ ﮐﺎ ﮔﻮﺷﺖ، ﭘﮍﮬﻨﺎ ﺍﻭﺭ ﺳﭻ ﺑﻮﻟﻨﺎ۔ ﺍﻥ ﺗﻤﺎﻡ ﺑﺎﺗﻮﮞ ﺳﮯ ﻭﺍﺳﻄﮧ ﺗﻮ ﭘﮍﻧﺎ ﮨﯽ ﮨﮯ۔ ﺍﭼﮭﺎ ﺍﯾﮏ ﺑﺎﺕ ﺑﺘﺎﺋﯿﮟ ﯾﮧ ﮐﯿﺴﮯ ﭘﺘﮧ ﻟﮕﮯ ﮐﮧ ﺑﻨﺪﮦ ﺟﻮ ﮐﭽﮫ ﺑﮭﯽ ﮐﺮ ﺭﮨﺎ ﮨﮯ ﻭﮦ ﺻﺤﯿﺢ ﺭﺍﺳﺘﮯ ﭘﺮ ﮨﮯ ﺑﮭﯽ ﯾﺎ ﻧﮩﯿﮟ؟
ﺟﺐ ﮐﻮﺋﯽ ﺑﻨﺪﮦ ﺻﺤﯿﺢ ﺭﺍﺳﺘﮯ ﭘﺮ ﮨﻮﺗﺎ ﮨﮯ ﺗﻮ 3 ﻣﯿﮟ ﺳﮯ ﺍﯾﮏ ﮐﺎﻡ ﮨﻮﺗﺎ ﮨﮯ۔
1 ۔ ﷲ ﺍُﺱ ﮐﺎ ﺩﻝ ﮐﺴﯽ ﮐﺎﻡ ﮐﮯ ﻟﯿﮯ ﮐﮭﻮﻝ ﺩﯾﺘﺎ ﮨﮯ ﺍﻭﺭ ﭘﮭﺮ ﺩﻧﯿﺎ ﺍﯾﮏ ﻃﺮﻑ ﺍﻭﺭ ﻭﮦ ﺍﯾﮏ ﻃﺮﻑ۔ ﻭﮦ ﺻﺮﻑ ﻭﮨﯽ ﮐﺎﻡ ﮐﺮﺗﺎ ﺭﮨﺘﺎ ﮨﮯ۔
2 ۔ ﺍُﺱ ﮐﺎ ﺟﺲ ﺑﻨﺪﮮ ﺳﮯ ﺗﻌﻠﻖ ﮨﻮﺗﺎ ﮨﮯ ﻭﮦ ﺍُﺱ ﺳﮯ ﺟﺎ ﮐﮯ ﭘﻮﭼﮭﺘﺎ ﮨﮯ ﮐﮧ ﮐﯿﺎ ﮐﺮﻭﮞ ﺗﻮ ﷲ ﺍﺱ ﮐﮯ ﭨﯿﭽﺮ، ﺷﯿﺦ ﮐﮯ ﺩﻝ ﻣﯿﮟ ﮐﻮﺋﯽ ﺑﺎﺕ ﮈﺍﻝ ﺩﯾﺘﮯ ﮨﯿﮟ۔ ﻭﮦ ﺍُﺳﮯ ﻭﮨﯽ ﻣﺸﻮﺭﮦ ﺩﮮ ﺩﯾﺘﺎ ﮨﮯ ﺍﻭﺭ ﺑﻨﺪﮦ ﮐﺎﻡ ﺳﮯ ﻟﮓ ﺟﺎﺗﺎ ﮨﮯ۔
3 ۔ ﺗﯿﺴﺮﺍ case ﺑﮍﺍ interesting ﮨﮯ ﺑﻨﺪﮦ ﺑﮍﺍ ﮐﻤﺰﻭﺭ ﮨﻮﺗﺎ ﮨﮯ۔ ﷲ ﮐﻮ ﭘﺘﮧ ﮨﻮﺗﺎ ﮨﮯ ﮐﮧ ﮐﺴﯽ ﮐﺎﻡ ﻣﯿﮟ ﮈﺍﻝ ﺩﯾﺎ ﺗﻮ ﺑﮩﮏ ﺟﺎﺋﮯ ﮔﺎ۔ ﺍﺏ ﯾﮧ ﺑﻨﺪﮦ ﺗﻤﺎﻡ ﻋﻤﺮ ﭨﺎﻣﮏ ﭨﻮﺋﯿﺎﮞ ﻣﺎﺭﺗﺎ ﺭﮨﺘﺎ ﮨﮯ ﺍﻭﺭ ﮐﻮﺋﯽ ﺑﮍﺍ ﮐﺎﻡ ﻧﮩﯿﮟ ﮐﺮ ﭘﺎﺗﺎ ﻣﮕﺮ ﺟﺐ ﻣﺮﺗﺎ ﮨﮯ ﺗﻮ ﻓﻼﺡ ﭘﺎ ﺟﺎﺗﺎ ﮨﮯ۔
ﺍﭼﮭﺎ ﮨﮯ، ﯾﮧ ﺑﺘﺎﺋﯿﮯ ﭨﯿﭽﺮ، ﺍُﺳﺘﺎﺩ ﮐﻮﻥ ﮨﻮﺗﺎ ﮨﮯ؟
ﻧﻠﮑﺎ ﺩﯾﮑﮭﺎ ﮨﮯ ﮐﺒﮭﯽ ﺁﭖ ﻧﮯ، ﺩﮬﻮﭖ ﻣﯿﮟ ﮔﺮﻣﯽ ﮐﯽ ﺷﺪﺕ ﺳﮯ ﺗﭗ ﺭﮨﺎ ﮨﻮﺗﺎ ﮨﮯ۔
ﺍﺏ ﮐﻮﺋﯽ ﺁﺩﻣﯽ ﺁﺋﮯ ﺍﻭﺭ ﺍﺱ ﻣﯿﮟ ﺳﮯ ﭨﮭﻨﮉﺍ ﭘﺎﻧﯽ ﻧﮑﻠﮯ ﺗﻮ ﺑﻨﺪﮦ ﮐﺘﻨﺎ ﺧﻮﺵ ﮨﻮﮔﺎ۔
ﻣﮕﺮ ﺍﮔﺮ ﻧﻠﮑﮯ ﮐﯽ ﺯﺑﺎﻥ ﮨﻮﺗﯽ ﺗﻮ ﺑﻨﺪﮮ ﮐﺎ ﺷﮑﺮﯾﮧ ﺍﺩﺍ ﮐﺮﺗﺎ ﮐﮧ ﺗﻮ ﺁﯾﺎ ﺗﻮ ﻣﯿﺮﮮ ﻣﯿﮟ ﺳﮯ ﺑﮭﯽ ﭘﺎﻧﯽ ﮔﺬﺭ ﮔﯿﺎ۔ ﺍﺳﯽ ﻃﺮﺡ ﮨﺮ ﻃﺎﻟﺐ ﻋﻠﻢ ﺍﭘﻨﺎ ﺭﺯﻕ ﻟﮯ ﮐﺮ ﺁﺗﺎ ﮨﮯ۔ ﯾﮧ ﺍﺱ ﮐﯽ ﻃﻠﺐ ﮨﮯ ﺟﻮ ﭘﺎﻧﯽ ﮐﮭﻨﭽﺘﯽ ﮨﮯ، ﭨﻨﮑﯽ ﻣﯿﮟ ﺳﮯ۔ ﻧﻠﮑﮯ ﮐﻮ ﺍﺗﺮﺍﻧﺎ ﻧﮩﯿﮟ ﭼﺎﮨﯿﮯ۔ ﺍﮔﺮ ﻣﺎﻧﮕﻨﮯ ﻭﺍﻟﮯ ﮨﺎﺗﮫ ﻧﮧ ﺭﮨﯿﮟ ﺗﻮ ﺩﯾﻨﮯ ﻭﺍﻟﮯ ﮐﺎ ﻣﺼﺮﻑ ﻧﮩﯿﮟ ﺑﭽﺘﺎ۔ ﺑﺲ ﷲ ﺳﮯ ﻣﺎﻧﮕﺘﺎ ﺭﮨﮯ۔ ﺟﯿﺴﮯ ﭘﯿﭩﺮﻭﻝ، ﭘﯿﺴﮧ ﺧﺮﭺ ﮨﻮﺟﺎﺗﺎ ﮨﮯ، ﺍﺳﯽ ﻃﺮﺡ ﺭﻭﺣﺎﻧﯿﺖ ﺑﮭﯽ ﺧﺮﭺ ﮨﻮﺟﺎﯾﺎ ﮐﺮﺗﯽ ﮨﮯ، ﭘﮭﺮ ﺁﭖ ﻟﻮﮔﻮﮞ ﺳﮯ ﻣﻠﺘﮯ ﮨﯿﮟ ﺗﻮ ﻭﮦ ﺁﭘﮑﻮ consume ﮐﺮ ﻟﯿﺘﮯ ﮨﯿﮟ۔ ﺑﻨﺪﮮ ﮐﻮ ﭼﺎﮨﯿﮯ ﮐﮧ ﺭﺍﺕ ﮐﯽ ﺗﻨﮩﺎﺋﯽ ﻣﯿﮟ ﺍﭘﻨﮯ ﺭﺏ ﺳﮯ connect ﮨﻮ ﮐﺮ ﭼﺎﺭﺝ ﮨﻮ ﺟﺎﯾﺎ ﮐﺮﮮ۔
ﺍﭼﮭﺎ ﺗﻮ ﯾﮧ ﺑﺘﺎﺋﯿﮟ ﮐﮧ ﺭﺍﮨﺒﺮ mentor ﮐﺎ ﺍﻧﺘﺨﺎﺏ ﮐﯿﺴﮯ ﮐﯿﺎ ﺟﺎﺋﮯ؟
ﭼﻨﺪ ﺑﺎﺗﯿﮟ ﺩﯾﮑﮫ ﻟﯿﮟ۔
1 ۔ ﺗﺮﺑﯿﺖ ﮐﮩﺎﮞ ﺳﮯ ﮨﻮﺋﯽ ﮨﮯ؟ ﮐﺲ ﺳﮯ ﮐﮩﺎﮞ ﭘﮍﮬﺎ ﮨﮯ؟ ﺗﺮﺑﯿﺖ ﮐﮯ ﻟﯿﮯ ﺯﻧﺪﻭﮞ ﮐﮯ ﭘﺎﺱ ﺟﺎﻧﺎ ﮨﯽ ﭘﮍﺗﺎ ﮨﮯ۔
2 ۔ ﺗﻘﻮﯼٰ ﺍﻭﺭ ﺫﮐﺮ ﺳﮯ ﻭﺍﺳﻄﮧ ﮨﻮ۔
3 ۔ ﮐﺘﺎﺑﯿﮟ ﭘﮍﮬﺘﺎ ﮨﻮ، ﺁﺱ ﭘﺎﺱ ﻣﻮﺟﻮﺩ ﻣﻌﺎﺷﺮﮮ ﮐﮯ ﺍﺗﺎﺭ ﭼﮍﮬﺎﺅ ﮐﺎ ﻋﻠﻢ ﮨﻮ۔
4 ۔ ﺍﺱ ﮐﮯ ﭘﯿﭽﮭﮯ ﮐﻮﺋﯽ ﻧﮧ ﮐﻮﺋﯽ ﭨﯿﭽﺮ ﺿﺮﻭﺭ ﮨﻮ۔ ﺧﻮﺩ ﺳﮯ ﺍﺱ ﻓﯿﻠﮉ ﻣﯿﮟ ﭘﺨﺘﮕﯽ ﻧﮩﯿﮟ ﺁﺗﯽ۔
ﻋﺒﺪﷲ ! ﻣﻔﺘﯽ ﺻﺎﺣﺐ ﻧﮯ ﺑﺎﺕ ﺟﺎﺭﯼ ﺭﮐﮭﯽ، ﺻﺎﻟﺢ ﺳﮯ ﭘﮩﻠﮯ ﻣﺼﻠﺢ ﺑﻨﻨﮯ ﮐﺎ ﺷﻮﻕ ﺍﯾﺴﺎ ﮨﯽ ﮨﮯ ﺟﯿﺴﮯ ﮐﻮﺋﯽ ﮐﮩﮯ ﮐﮧ ﺍُﺳﮯ ﺑﯿﭩﮯ ﺳﮯ ﭘﮩﻠﮯ ﺑﺎﭖ ﺑﻨﻨﺎ ﮨﮯ۔ ﺍﯾﺴﺎ ﺁﺩﻣﯽ ﺍﯾﮏ ﭘﻮﺭﮮ ﺣﻠﻘﮯ ﮐﻮ ﺑﺮﺑﺎﺩ ﮐﺮ ﺟﺎﺗﺎ ﮨﮯ۔ ﻣﻔﺘﯽ ﺻﺎﺣﺐ ﮐﯿﺴﮯ ﯾﻘﯿﻦ ﺁﺋﮯ ﮐﮧ ﺑﻨﺪﮦ ﺟﻮ ﮐﭽﮫ ﮐﺮ ﺭﮨﺎ ﮨﮯ ﺑﺲ ﭨﮭﯿﮏ ﮨﮯ ﺍﻭﺭ ﺩﻝ ﺍﯾﮏ ﻃﺮﻑ ﮨﻮ ﺟﺎﺋﮯ؟
’’ ﯾﻘﯿﻦ ﮐﺎ ﻧﮧ ﺁﻧﺎ ﮨﯽ ﺑﮩﺘﺮﮨﮯ۔ ﯾﮧ ﮈﺭ ﻭ ﺧﻮﻑ ﺭﮨﮯ ﮐﮧ ﺟﻮ ﮐﭽﮫ ﺑﮭﯽ ﮐﺮ ﺭﮨﺎ ﮨﮯ ﭘﺘﮧ ﻧﮩﯿﮟ ﻗﺒﻮﻝ ﮨﻮﮔﺎ ﺑﮭﯽ ﮐﮧ ﻧﮩﯿﮟ ﺑﮍﯼ ﺍﭼﮭﯽ ﭼﯿﺰ ﮨﮯ۔ ﺍﺳﯽ ﺍﻣﯿﺪ ﻭ ﺧﻮﻑ ﮐﮯ ﺑﯿﭻ ﺯﻧﺪﮔﯽ ﮔﺬﺭ ﺟﺎﺋﮯ، ﺟﻮﺍﻧﯽ ﻣﯿﮟ ﺧﻮﻑ ﻏﺎﻟﺐ ﺭﮨﮯ ﺗﻮ ﺑﮍﮬﺎﭘﮯ ﻣﯿﮟ ﺍُﻣﯿﺪ، ﯾﻘﯿﻦ ﮐﺎ ﻧﮧ ﻣﻠﻨﺎ ﮨﯽ ﺍﭼﮭﯽ ﺑﺎﺕ ﮨﮯ ‘‘ ۔
ﺍﭼﮭﺎ ﺍﺏ ﺁﺧﺮﯼ ﺳﻮﺍﻝ، ﺟﯽ ﻓﺮﻣﺎﺋﯿﮯ ‏( ﻣﻔﺘﯽ ﺻﺎﺣﺐ ﻧﮯ ﻣﺴﮑﺮﺍﺗﮯ ﮨﻮﺋﮯ ﺟﻮﺍﺏ ﺩﯾﺎ ‏)
ﻣﯿﮟ ﮐﻮﺋﯽ ﺑﮍﺍ ﮐﺎﻡ ﮐﺮﻧﺎ ﭼﺎﮨﺘﺎ ﮨﻮﮞ، ﺩﻧﯿﺎ ﺑﮭﺮ ﻣﯿﮟ ﻣﺴﻠﻤﺎﻧﻮﮞ ﭘﺮ ﻇﻠﻢ ﮨﻮ ﺭﮨﮯ ﮨﯿﮟ ﻣﯿﮟ ﮐﯿﺎ ﮐﺮﻭﮞ؟ ﮐﻤﺮﮦ ﺑﻨﺪ ﮐﺮﮐﮯ ﮐﻨﮉﯼ ﻟﮕﺎ ﮐﮯ ﺑﯿﭩﮫ ﺟﺎﺋﯿﮟ۔ ﺍﭘﻨﮯ ﺁﭖ ﭘﺮ ﮐﺎﻡ ﮐﺮﯾﮟ۔ ﺟﺲ ﻓﯿﻠﮉ ﻣﯿﮟ ﺁﭖ ﮨﯿﮟ ﺍُﺱ ﻣﯿﮟ ﮐﻤﺎﻝ ﺣﺎﺻﻞ ﮐﺮﯾﮟ ﺍﻭﺭ ﻓﯽ ﺍﻟﺤﺎﻝ ﺑﺎﻗﯽ ﺳﺎﺭﯼ ﻓﮑﺮ ﯾﮟ ﭼﮭﻮﮌ ﺩﯾﮟ۔
* ۔۔۔ * ۔۔۔ *