وہ دونوں ہنوز اسی پوزیشن میں تھے،زمل نے کچھ کہنے کہ بجاۓ آنکھیں موند لیں تو ضامن کہ چہرے پہ تبسم بکھر گیا
جبھی کوئی کمرے کا دروازہ کھول کہ اندر داخل ہوا تھا
وہ دونوں فورا سے پہلے دور ہوۓ تھے
اور آنے والے کو دیکھ کہ پل میں زمل کا رنگ اڑا تھا
"کیا ہورہا ہے یہاں"
امل شرارت سے اندر آتے ہوۓ بولی۔،
زمل چہرے پہ ہاتھ پھیر کہ خود کو پرسکون کرنے لگی
جبکہ ضامن سرد نظروں سے اسے دیکھتا ہوا،نفی میں سر ہلاتا وہاں سے نکل گیا
"کیا ہوگیا"۔۔۔امل ہنسنے لگی
"جان نکال دی تھی تم نے میری"۔۔زمل بیڈ پہ بیٹھتے ہوۓ بولی
"دل دھک دھک ہورہا ہے کیا"۔۔۔امل شرارت میں آہستگی سے بولی
"بہت زور سے"۔۔۔زمل نے کہا تو امل ہنسنے لگی
"تم کیوں آئ تھی"۔۔۔ زمل لیٹتے ہوۓ پوچھنے لگی
"کیوں تمہارا مومنٹ خراب ہوگیا کیا"
"شٹ اپ امل"۔۔۔زمل آنکھیں دکھا کہ بولی،مگر اس کہ ہونٹ ایک خوبصورت مسکراہٹ کا احاطہ کیۓ ہوۓ تھے
"اوۓ ہوۓ کوئ تو روک لو"۔۔۔امل ہاتھ پہ ہاتھ مارتے ہوۓ بولی
"نکلو یہاں سے چلو"۔۔۔
"تم اٹھو میں اور آپی شاپنگ پہ جارہے ہیں تم بھی چلو"
امل اسے اٹھانے لگی
"نہیں،نہیں،نہیں مجھے نہیں جانا شاپنگ پہ"
وہ جو اٹھنے لگی تھی،امل کی بات سن کہ واپس سے لیٹ گئ
"چلو نہ مزا آئیگا"۔۔۔
"چلو یار"۔۔۔زمل منہ بناتے ہوۓ بولی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
"یار بس بھی کردو اب،اور زمل تم تو آہی نہیں رہی تھی،اب ختم ہی نہیں ہورہی تم لوگوں کی شاپنگ"
فجر جھنجھلا ک بولی
"آپی آپ فوڈ کورٹ میں جا کہ بیٹھیں،کچھ آرڈر کریں ہم بس ابھی آۓ"۔۔۔
امل نے کہہ کہ زمل کا ہاتھ تھاما اور ایک شاپ کی جانب بڑھ گئ
"حد ہے ویسے،پہلے ہی اتنی گرمی ہے"
فجر فوڈ کورٹ کی جانب جاتے ہوۓ بڑبڑائی،
وہ بےدھیانی میں چلتی ہوئ آرہی تھی اور نتیجتاَ کسی سے بری طرح ٹکرائ تھی،
مقابل نے بروقت اسے کندھوں سے تھاما تھا،ورنہ یقییناَ وہ زمین بوس ہوجاتی
"افف سوری سوری"۔۔۔۔وہ خجالت سے بولی
"اٹس اوکے،آپکو لگی تو نہیں"۔۔۔وہ اپنی سرمئی آنکھوں سے اسکی کالی آنکھوں میں دیکھتا ہوا بولا
"نہیں تھینکس"۔۔۔۔وہ ہلکا سامسکرا کہ کہتی آگے بڑھ گئی
پیچھے وہ وہیں کھڑا اسے دور تک جاتے دیکھتا رہا تھا
"اوو دانش وہ گئ،آجا بھائ ادھر"
وہاں موجود اس کہ دوستوں میں سے ایک نے آواز دی تو وہ چونک کہ ایک نظر اسی طرف ڈال کہ جہاں سے وہ گئی تھی انکی جانب چلاگیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
"آپی آپ اپنی پینٹگز دوبارہ اسٹارٹ کردیں نہ،بابا اس آرٹ کالج کا بتارہے تھے نہ"
زمل برگر سے خوب انصاف کرتے ہوۓ بولی
"ہاں نہ آپی ویسے بھی گھر پہ کیا کریں گی"۔۔امل نے بھی تائید کی
"ہاں کرتی ہوں بابا سے بات"۔۔۔۔
"ہاں اور ویسے بھی اب ہاشم بھائ کا چیپٹر تو کلوز ہے"۔۔۔
امل نے کہا تو دونوں نے اسکی جانب دیکھا
"کیا صحیح کہہ رہی ہوں جس چیز کا کوئی سر پیر نہیں اس حقیقت کو قبول کرلیا جاۓ تو بہتر ہے خود کو دلاسے دینے سے بہتر ہے کہ حقیقت کا سامنا کریں،حقیقت پسند بنیں خوش فہم نہیں"
آخری بات امل نے فجر کو دیکھ کہ کہی تھی،
"تم منہ بند کروگی اپنا"۔۔۔۔زمل نے اسے ڈپٹا
"صحیح کہہ رہی ہے وہ"۔۔۔فجر کہہ کہ چپ ہوگئ
"میں چاۓ لے کہ آتی ہوں"۔۔۔۔زمل نے کہا تو امل حیران ہوئ
"یہاں بھی چاۓ،میری مت لانا"
"میرے لیۓ لے آنا"۔۔۔اسنے فجر کو سوالیہ نظروں سے دیکھا تو اسنے سرہلا کہ کہا
"آپی آپ برا مت مانیۓ گا"۔۔۔زمل کہ جانے کہ بعد امل نے کہا
"نہیں میری جان،تم نے جو سچ ہے وہی کہا"۔۔فجر نے اسکے ہاتھ پہ اپنا ہاتھ رکھ کہ کہا۔۔تبھی زمل کا موبائل بجنے لگا۔۔امل نے ہاتھ میں لیا تو اسکرین ضامن کہ نام سے جگمگا رہی تھی
"میں آئ"۔۔۔۔وہ موبائل لیۓ وہاں سے مسکراتے ہوۓ اٹھی
پیچھے فجر ایک گہرا سانس لیتی امل کی باتوں کو سوچتے ہوۓ باہر کی جانب دیکھنے لگی
"یاد رہے گا ہمیں بھی یہ دورِ حیات
کیا خوب ترسے تھے ایک شخص کی خاطر"
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
"اوۓ زمل یہ لو کال آرہی"۔۔۔امل اس کہ ہاتھ میں موبائل دیتے ہوۓ بولی
"کون تھا ضامن"۔۔۔زمل نے پوچھا
امل نے سر اثبات میں ہلایا
"آپی نے تو نہیں دیکھا"۔۔۔اسنے یقین دھیانی چاہی
"نہیں میں نے اٹھا لیا تھا"
"ٹھیک تم یہ چاۓ لے کہ چلو میں آتی ہوں"۔۔۔وہ ضامن کو کال ملاتے ہوۓ بولی
"کہاں ہو یار"۔۔۔کال ریسیو ہوتے ہی بولا
"تمہیں بتا کہ تو آئ تھی"۔۔۔زمل حیران ہوئ
"اتنی دیر لگتی ہے شاپنگ میں"۔۔۔وہ خفگی سے بولا
"ہاں مجھے لگتی ہے،اب جلدی سے کام کی بات پہ آؤ"
وہ اسے خاطر میں نہ لیتے ہوۓ بولی
دوسری جانب ضامن نے موبائل کو کان سے ہٹا کہ گھورا
"موبائل کو بعد میں گھورنا کام بتاؤ"۔۔۔زمل شرارت سے بولی،تو وہ ہنس پڑا
"گھر جلدی آؤ ایک سرپرائز ہے"
"کیسا سرپرائز ہے"۔۔۔۔وہ عجلت سے بولی
"یہ تو گھر آ کہ ہی معلوم ہوگا نہ"
"یار بتادو نہ"
"نہیں میری جان،آپ گھر پہ ہوتیں تو مزا آتا،مگر خیر اب گھر آؤ بس"۔۔۔ضامن نے پیار سے کہتے ہوۓ کال کاٹ دی۔۔
پیچھے وہ ضامن ضامن کرتی رہ گئی
"الّو کا کچھ لگتا"۔۔۔وہ دانت پیستے ہوۓ بولی
"کیا ہوا"۔۔۔۔وہ واپس آئ تو امل نے کان میں پوچھا
"پتہ نہیں کہہ رہا کچھ سرپرائز ہے"۔۔۔وہ سرگوشی کہ سے انداز میں بولی
"زینب بھابھی تو نہیں بھاگ گئیں"
"پاگل ہوکیا تم"۔۔۔زمل اس کہ اندازے پہ سر پیٹ کہ بولی۔۔
امل نے کندھے اچکادیۓ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ لوگ گھر پہنچی تو سب کو لاؤنج میں موجود پایا
"آؤ میرے بچو"۔۔۔سویرا بیگم انہیں دیکھ کہ بولیں
"یہ کیا ہورہا ہے"۔۔۔امل نے زمل کہ کان میں کہا
"مجھے خطرے کی گھنٹی بجتی محسوس ہورہی ہے"
"چلو تو صحیح"۔۔۔فجر نے آنکھیں دکھائیں
"کیا ہوا دادو"۔۔۔امل نے پوچھا
"بھئ ہماری فجر کیلیۓ بہت اچھا رشتہ آیا ہے"
دادو نے بتایا،باقی سب مسکرادیۓ،جبکہ فجر سن کھڑی رہی
"واہ بھئ کون ہے"۔۔۔امل نے پوچھا
"کل آئینگے وہ لوگ،سب صحیح رہا تو اسی مہینے اس کو رخصت کردینگے،اور ایک فیصلہ اور ہم سب نے کیا ہے"
"کیسا فیصلہ"۔۔۔۔
"فجر کی شادی کہ ساتھ ساتھ ہاشم کا ولیمہ کردینگے اور ضامن اور زمل کا نکاح"۔۔۔۔
زمل نے حیران نظروں سے ضامن کو دیکھا،تو اسنے شرارت سے آنکھ ماری
"میری بیٹی بہت خوش رہیگی"آفندی صاحب فجر کو پیار کرتے ہوۓ بولے
"کبھی کوئ مجھ غریب کا نہیں سوچتا"۔۔۔امل منہ بنا کہ بڑبڑائ تو زمل ہنسنے لگی
"ہنسو نہیں تمہاری تو لاٹری لگ گئی ہے نہ"۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔