”ﻣﺮﯾﻢ! ﮐﯿﺎ ﺁﺯﺭ ﻭﺍﻗﻌﯽ ﻋﯿﻨﯽ ﺳﮯ ﻣﺤﺒﺖ ﮐﺮﺗﺎ ﮨﮯ؟“ ﺍﺱ ﺭﻭﺯ ﺍﮐﯿﮉﻣﯽ ﺟﺎﺗﮯ ﮨﻮﺋﮯ ﻣﻮﻣﯽ ﻧﮯ ﻣﺮﯾﻢ ﺳﮯ ﭘﻮﭼﮭﺎ ﺗﮭﺎ ﺟﺐ ﻭﮦ ﺑﻮﻟﯽ۔
”ﻧﮩﯿﮟ۔ ﻣﯿﺮﺍ ﻧﮩﯿﮟ ﺧﯿﺎﻝ ﮐﮧ ﺍﯾﺴﺎ کچھ ﮨﮯ۔“
”ﮐﯿﻮﮞ؟ ﺗﻢ ﺍﺗﻨﮯ ﻭﺛﻮﻕ ﺳﮯ ﮐﯿﺴﮯ ﮐﮩﮧ ﺳﮑﺘﯽ ﮨﻮ؟“ ﻭﮦ ﺑﮯ ﭼﯿﻦ ﺗﮭﯽ۔ ﻣﺮﯾﻢ ﺍﺳﮯ دیکھ ﮐﺮ ﺭﮦ ﮔﺌﯽ۔
”ﻋﯿﻨﯽ، ﺑﮭﺎﺋﯽ ﺳﮯ ﺑﺎﺕ ﮐﺮ ﺭﮨﯽ ﺗﮭﯽ۔
ﮐﮩﮧ ﺭﮨﯽ ﺗﮭﯽ ﻭﮦ ﺗﻢ ﺳﮯ ﺑﮩﺖ ﭘﯿﺎﺭ ﮐﺮﺗﯽ ﮨﮯ۔ ﺁﺯﺭ! ﺧﯿﺎﻝ ﮐﯿﺎ ﮐﺮﻭ ﺍﺱ ﮐﺎ ﺍﺱ ﺳﮯ ﻣﺠﮭﮯ ﭘﺘﮧ ﻟﮕﺎ ﮐﮧ ﺑﮭﺎﺋﯽ ﮐﯽ ﺯﻧﺪﮔﯽ ﻣﯿﮟ ﻭﮦ ﻧﮩﯿﮟ ﮨﮯ۔“
”ﮔﮉ ﻣﯿﮟ ﺍﯾﻮﯾﮟ ﺧﺎﺭ ﮐﮭﺎﺗﯽ ﮨﻮﮞ ﺑﮯ ﭼﺎﺭﯼ ﺳﮯ۔ ﻭﯾﺴﮯ ﭘﮭﺮ ﻭﮦ ﮐﻮﻥ ﮨﮯ ﺟﺲ ﮐﯽ ﻭﮦ ﺳﻔﺎﺭﺵ ﮐﺮ ﺭﮨﯽ ﺗﮭﯽ؟
ﯾﮧ ﺗﻮ ﻣﺠﮭﮯ ﭘﺘﮧ ﮨﮯ ﮐﮧ ﻭﮦ ﻣﯿﺮﯼ ﺳﻔﺎﺭﺵ ﮐﺴﯽ ﺻﻮﺭﺕ ﻧﮩﯿﮟ ﮐﺮ ﺳﮑﺘﯽ۔
ﮐﯿﻮﻧﮑﮧ ﻣﯿﺮﺍ ﺍﺱ ﺳﮯ ﺍﺏ ﺗﮏ ﺑﮩﺖ ﻏﻠﻂ ﺑﯽ ﮨﯿﻮ ﺭﮨﺎ ﮨﮯ۔“
”ﯾﮧ ﺗﻮ ﺍﺏ ﻭﮨﯽ ﺟﺎﻧﮯ۔ ﻣﮕﺮ ﯾﮧ ﮨﮯ ﮐﮧ ﺑﮭﺎﺋﯽ ﮐﺴﯽ ﻧﮧ ﮐﺴﯽ ﺳﮯ ﻣﺤﺒﺖ ﮐﺮﺗﮯ ﺿﺮﻭﺭ ﮨﯿﮟ۔“
”ﮐﯿﺴﮯ؟ ﻣﯿﺮﺍ ﻣﻄﻠﺐ ﮨﮯ ﺗﻤﮩﯿﮟ ﮐﯿﺴﮯ ﭘﺘﮧ؟“
”ﺍﺑﮭﯽ ﭘﺮﺳﻮﮞ ﭘﺘﮧ ﭼﻼ ﮨﮯ، ﺟﺐ ﻣﯿﮟ ﺍﻧﮩﯿﮟ ﺷﺎﻡ ﮐﮯ ﺑﻌﺪ ﭼﺎﺋﮯ ﺩﯾﻨﮯ ﮔﺌﯽ۔
ﺑﮭﺎﺋﯽ ﮐﮯ ہاتھ ﻣﯿﮟ ﮐﺴﯽ ﻟﮍﮐﯽ ﮐﯽ ﺗﺼﻮﯾﺮ ﺗﮭﯽ ﺍﻭﺭ ﻭﮦ ﺍﮐﯿﻠﮯ ﻣﯿﮟ ﺍﺱ ﺳﮯ ﺑﺎﺗﯿﮟ ﮐﺮ ﺭﮨﮯ ﺗﮭﮯ۔ ﻣﯿﮟ ﮔﺌﯽ ﺗﻮ ﺟﻠﺪﯼﺳﮯ ﺗﺼﻮﯾﺮ ﮈﺍﺋﺮﯼ ﻣﯿﮟ ﭼﮭﭙﺎ ﮐﺮ ﺭﮐﮫ ﺩﯼ۔ ﺟﮩﺎﮞ ﺗﮏ ﻣﯿﺮﺍ ﺧﯿﺎﻝ ﮨﮯ، ﻭﮦ ﮐﻮﺋﯽ ﻟﻨﺪﻥ ﮐﯽ ﻟﮍﮐﯽ ﮐﯽ ﮨﮯ۔ ﮐﯿﻮﻧﮑﮧ ﺑﮭﺎﺋﯽ ﮐﮯ ﺳﯿﻞ ﭘﺮ ﺁﻧﮯ ﻭﺍﻟﯽ ﺯﯾﺎﺩﮦ ﺗﺮ ﮐﺎﻟﺰ ﻟﻨﺪﻥ ﮐﯽ ﮨﯽ ﮨﻮﺗﯽ ﮨﯿﮟ۔“
”ﮨﺎﺋﮯ، ﻧﮩﯿﮟ ﻣﺮﯾﻢ! ﻣﯿﺮﮮ ﮨﻮﺗﮯ ﺍﮔﺮ ﮐﺴﯽ ﻧﮯ ﻣﯿﺮﮮ ﺣﻖ ﭘﺮ ﮈﺍﮐﮧ ﮈﺍﻻ ﺗﻮ ﻣﯿﮟ ﺍﺱ ﮐﯽ ﺍﯾﻨﭧ ﺳﮯ ﺍﯾﻨﭧ ﺑﺠﺎ ﮐﺮ ﺭﮐﮫ ﺩﻭﮞ ﮔﯽ۔“ ﻭﮦ ﺟﺬﺑﺎﺗﯽ ﮨﻮﺋﯽ ﺗﮭﯽ۔ ﻣﺮﯾﻢ ﻧﮯ ﻧﻈﺮ ﭘﮭﯿﺮ ﻟﯽ۔
”ﺑﺲ ﺭﮨﻨﮯ ﺩﻭ۔ ﺩﻟﻮﮞ ﮐﯽ ﺳﻠﻄﻨﺖ ﻏﻨﮉﮦ ﮔﺮﺩﯼ ﺳﮯ ﻧﮩﯿﮟ ﺟﯿﺘﯽ ﺟﺎﺗﯽ۔ ﺍﺱ ﻣﻌﺎﻣﻠﮯ ﻣﯿﮟ ﺻﺮﻑ ﻋﺎﺟﺰﯼ ﭼﻠﺘﯽ ﮨﮯ۔“
”ﺗﻤﮩﺎﺭﮮ ﺑﮭﺎﺋﯽ ﮐﺎ ﺩﻝ ﻋﺎﺟﺰﯼ ﺳﮯ ﻗﺎﺑﻮ ﻣﯿﮟ ﺁﻧﮯ ﻭﺍﻻ ﻧﮩﯿﮟ ﮨﮯ، ﺍﭼﮭﺎ۔“ ﻭﮦ ﭼﮍﯼ ﺗﮭﯽ۔ ﻣﺮﯾﻢ ﺧﻔﺎ ﮨﻮ ﮔﺌﯽ۔
”ﺍﯾﮏ ﺗﻮ ﺗﻢ ﻓﺘﻮﮮ ﺑﮍﯼ ﺟﻠﺪﯼ ﺟﺎﺭﯼ ﮐﺮ ﺩﯾﺘﯽ ﮨﻮ۔ ﺫﺭﺍ ﺟﻮ ﮐﺴﯽ ﮐﯽ ﺑﺎﺕ ﺳﻤﺠﮫ ﻣﯿﮟ ﺁ ﺟﺎﺋﮯ ﺗﻤﮩﺎﺭﮮ۔“
”ﻣﺠﮭﮯ ﻧﮩﯿﮞﺴﻤﺠﮭﻨﯽ ﺍﯾﺴﯽ ﮐﻮﺋﯽ ﺑﺎﺕ، ﺟﺲ ﺳﮯ ﺍﺳﮯ ﻣﺰﯾﺪ ﺍﮐﮍﻧﮯ ﮐﺎ ﻣﻮﻗﻊ ﻣﻠﮯ۔ ﺍﯾﮏ ﺗﻮ ﭘﮩﻠﮯ ﮨﯽ ﺍﺱ ﮐﯽ ﮔﺮﺩﻥ ﻣﯿﮟ ﺧﻢ ﻧﮩﯿﮟ ﮨﮯ، ﺍﻭﭘﺮ ﺳﮯ ﺗﻢ ﻣﺠﮫ ﺳﮯ ﻣﻨﺘﯿﮟ ﮐﺮﻭﺍ ﺭﮨﯽ ﮨﻮ۔ ﻧﮧ ﺑﺎﺑﺎ!
ﻣﺠﮭﮯ ﺗﻤﮩﺎﺭﯼ ﯾﮧ ﻧﺎﺩﺭ ﺭﺍﺋﮯ ﻣﻨﻈﻮﺭ ﻧﮩﯿﮟ۔“ ﻭﮦ ﮨﭩﻠﺮ ﺳﻮﭺ ﮐﯽ ﻣﺎﻟﮏ ﺗﮭﯽ۔
ﻣﺮﯾﻢ ﻣﻨﮧ ﭘﮭﯿﺮ ﮐﺮ ﺍﭘﻨﯽ ﺟﻤﺎﻋﺖ ﮐﯽ ﻃﺮﻑ ﺑﮍﮪ ﮔﺌﯽ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔۔۔
ﺁﺫﺭ ﮐﺎ ﺁﺋﯽ ﮈﯼ ﮐﺎﺭﮈ ﺍﻭﺭ ﺍﮮ ﭨﯽ ﺍﯾﻢ ﮐﺎﺭﮈ ﺍﮐﭩﮭﮯ ﮔﻢ ﮨﻮ ﮔﯿﺎ ﺗﮭﺎ، ﺳﺎﺭﺍ ﮐﻤﺮﮦ ﭼﮭﺎﻥ ﻣﺎﺭﺍ ﻣﮕﺮ ﮐﮩﯿﮟ ﺳﮯ ﻭﺻﻮﻝ ﯾﺎﺑﯽ ﻧﮧ ﮨﻮ ﺳﮑﯽ۔ ﺗﺒﮭﯽ ﺍﺱ ﻧﮯ ﻣﺮﯾﻢ ﺳﮯ ﭘﻮﭼﮫ ﺗﺎﭼﮫ ﮐﯽ ﺗﮭﯽ، ﻣﮕﺮ ﻭﮦ ﺻﺎﻑ ﻣُﮑﺮ ﮔﺌﯽ ﯾﮧ ﮐﮩﮧ ﮐﺮ ﮐﮧ ﺑﮭﺎﺋﯽ! ﻣﯿﮟ ﺗﻮ ﺁﭖ ﮐﮯ ﮐﻤﺮﮮ ﻣﯿﮟ ﺟﺎﺗﯽ ﮨﯽ ﻧﮩﯿﮟ ﮨﻮﮞ۔
”ﭘﮭﺮ ﺟﻦ ﺍُﭨﮭﺎ ﮐﺮ ﻟﮯ ﮔﺌﮯ ﯾﺎ ﺍﻧﮩﯿﮟ ﭘﺎﺅﮞ ﻟﮓ ﮔﺌﮯ؟“
ﺍﺱ ﮐﺎ ﻏﺼﮧ ﮐﻢ ﻧﮩﯿﮟ ﮨﻮﺍ ﺗﮭﺎ۔ ﻣﺮﯾﻢ ﮐﻮ ﯾﺎﺩ ﺁ ﮔﯿﺎ ﮐﮧ ﺻﺒﺢ ﺍﺱ ﮐﮯ ﺁﻓﺲ ﺟﺎﻧﮯ ﮐﮯ ﺑﻌﺪ ﻣﻮﻣﯽ ﻭﮨﺎﮞ ﺁﺋﯽ ﺗﮭﯽ۔ ﺗﺒﮭﯽ ﻭﮦ ﺑﻮﻝ ﺍُﭨﮭﯽ ﺗﮭﯽ۔
”ﺑﮭﺎﺋﯽ! ﺻﺒﺢ ﻣﻮﻣﯽ ﯾﮩﺎﮞ ﺁﺋﯽ ﺗﮭﯽ۔ ﺷﺎﯾﺪ ﺍُﺱ ﻧﮯ ﺍِﺩﮬﺮ ﺍُﺩﮬﺮ ﺭﮐﮫ ﺩﯾﺌﮯ ﮨﻮﮞ۔“ ﻣﻮﻣﯽ ﮐﯽ ﺷﺮﺍﺭﺗﯿﮟ ﺑﮩﺖ ﺑﮍﮪ ﮔﺌﯽ ﺗﮭﯿﮟ۔ ﺁﺯﺭ ﺁﺝ ﺍﺳﮯ ﺭﻋﺎﯾﺖ ﺩﯾﻨﮯ ﮐﮯ ﻣﻮﮈ ﻣﯿﮟ ﻧﮩﯿﮟ ﺗﮭﺎ۔
”ﺍﻭﮐﮯ ﻓﻮﺭﯼ ﺑﻼ ﮐﺮ ﻻﺅ ﺍﺳﮯ۔“ ﻣﻮﻣﯽ ﺑﻠﯿﮏ ﻣﯿﮑﺴﯽ ﻣﯿﮟ ﻧﮏ ﺳﮏ ﺳﯽ ﺗﯿﺎﺭ ﮐﮩﯿﮟ ﺟﺎﻧﮯ ﮐﻮ ﭘَﺮ ﺗﻮﻝ ﺭﮨﯽ ﺗﮭﯽ، ﺟﺐ ﺁﺯﺭ ﮐﮯ ﺑﻼﻭﮮ ﭘﺮ ﺑِﻨﺎ ﮐﺴﯽ ﮨﭽﮑﭽﺎﮨﭧ ﮐﮯ ﺍﺱ ﮐﮯ ﺣﻀﻮﺭ ﭘﯿﺶ ﮨﻮ ﮔﺌﯽ۔
”ﮐﮩﺎﮞ ﺟﺎ ﺭﮨﯽ ﮨﻮ؟“ ﺍﺳﮯ ﺑﻨﮯ ﺳﻨﻮﺭﮮ دیکھ ﮐﺮ ﻭﮦ ﺍﭘﻨﺎ ﻣﺴﺌﻠﮧ ﻓﻮﺭﯼ ﺑﮭﻮﻝ ﮨﯽ ﮔﯿﺎ۔ ﻣﺮﯾﻢ ﮐﺎ ﺩﻝ ﺑﮯ ﺗﺤﺎﺷﺎ ﮨﻨﺴﻨﮯ ﮐﻮ ﭼﺎﮦ ﺭﮨﺎ ﺗﮭﺎ ﻣﮕﺮ ﻭﮦ ﺿﺒﻂ ﮐﺌﮯ ﺭﮨﯽ۔
”ﺍﯾﮏ ﻓﺮﯾﻨﮉ ﮐﯽ ﺑﺮﺗﮫ ﮈﮮ ﭘﺎﺭﭨﯽ ﮨﮯ، ﻭﮨﯿﮟ ﺟﺎ ﺭﮨﯽ ﮨﻮﮞ۔ ﮐﯿﺎ ﯾﮩﯽ ﭘﻮﭼﮭﻨﮯ ﮐﮯ ﻟﺌﮯ ﺑﻼﯾﺎ ﮨﮯ؟“
”ﺟﯽ ﻧﮩﯿﮟ۔ ﻣﯿﺮﺍ ﺁﺋﯽ ﮈﯼ ﮐﺎﺭﮈ ﺍﻭﺭ ﺍﮮ ﭨﯽ ﺍﯾﻢ ﮐﺎﺭﮈ ﮐﮩﺎﮞ ﮨﮯ؟“
”ﻣﺠﮭﮯ ﮐﯿﺎ ﭘﺘﮧ؟ ﻣﺠﮭﮯ ﺗﻮ ﻧﮩﯿﮟ ﭘﮑﮍﺍﺋﮯ ﺗﮭﮯ۔“
”ﻣﻮﻣﯽ! ﻣﯿﮟ ﺍﺱ ﻭﻗﺖ ﭨﯿﻨﺸﻦ ﻣﯿﮟ ﮨﻮﮞ، ﻣﺠﮭﮯ ﺗﻨﮓ ﻣﺖ ﮐﺮﻭ۔“ ﻭﮦ ﺷﺪﯾﺪ ﻏﺼﮯ ﻣﯿﮟ ﺗﮭﺎ۔ ﻣﻮﻣﯽ ﭨﮭﭩﮏ ﮐﺮ ﺭﮦ ﮔﺌﯽ۔
”ﺟﻮ ﺳﭻ ﮨﮯ، ﻣﯿﮟ ﻭﮨﯽ ﮐﮩﮧ ﺭﮨﯽ ﮨﻮﮞ۔“
”ﺍﻭﮐﮯ ﭘﮭﺮ ﺁﺅ ﻣﯿﺮﮮ ساتھ۔“ ﻟﭙﮏ ﮐﺮ ﺁﮔﮯ ﺑﮍﮬﺘﮯ ﮨﻮﺋﮯ ﺍﺱ ﻧﮯ ﻣﻮﻣﯽ ﮐﺎ ﺑﺎﺯﻭ ﺗﮭﺎﻣﺎ ﺍﻭﺭ ﺍﺳﮯ ﺯﺑﺮﺩﺳﺘﯽ ﺍﭘﻨﮯ ساتھ ﮔﮭﺴﯿﭩﺘﺎ ﺍﻭﭘﺮﮐﯽ ﺑﺎﻻﺋﯽ ﻣﻨﺰﻝ ﭘﺮ ﻟﮯ ﺁﯾﺎ۔
ﻣﻮﻣﯽ ﺍﺱ ﻭﻗﺖ ﺍﺱ ﮐﺎ ﻣﻮﮈ ﺳﻤﺠﮭﻨﮯ ﺳﮯ ﻗﻄﻌﯽ ﻗﺎﺻﺮ ﺗﮭﯽ۔ ﻭﮦ ﭨﯿﺮﺱ ﮐﮯ ﻗﺮﯾﺐ ﺁﯾﺎ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﻣﻮﻣﯽ ﺍﺱ ﮐﺎ ﺍﺭﺍﺩﮦ ﺟﺎﻧﺘﯽ، ﺍﺱ ﻧﮯ ﺍﺳﮯ ﺑﺎﺯﻭﺅﮞ ﺳﮯ ﭘﮑﮍ ﮐﺮ ﭨﯿﺮﺱ ﺳﮯ ﻧﯿﭽﮯ ﻟﭩﮑﺎ ﺩﯾﺎ۔ ﻭﮦ ﭼﯿﺨﯽ ﺗﮭﯽ ﺍﻭﺭ ﺍﺱ ﮐﺎ ﺩﻝ ﻟﻤﺤﮯ ﻣﯿﮟ ﺧﺸﮏ ﭘﺘﮯ ﮐﯽ ﻣﺎﻧﻨﺪ ﮐﺎﻧﭗ ﮐﺮ ﺭﮦ ﮔﯿﺎ ﺗﮭﺎ۔
”ﺍﺏ ﺑﻮﻟﻮ! ﻣﺠﮭﮯ ﺗﻨﮓ ﮐﺮﻧﮯ ﺳﮯ ﺑﺎﺯ ﺁﺅ ﮔﯽ ﯾﺎ ﻧﮩﯿﮟ؟“
”ﺁﺯﺭ“ ﻭﮦ ﺧﻮﻑ ﺳﮯ ﭼﯿﺦ ﺭﮨﯽ ﺗﮭﯽ، ﻣﮕﺮ ﻭﮦ ﺑﮯ ﻧﯿﺎﺯ ﺗﮭﺎ۔
”ﻣﯿﺮﮮ ﮐﺎﺭﮈ ﻭﺍﭘﺲ ﮐﺮﺗﯽ ﮨﻮ ﯾﺎ ﭘﮭﯿﻨﮏ ﺩﻭﮞ ﻧﯿﭽﮯ؟“
ﺁﺯﺭ“ ﻣﻮﻣﯽ ﮐﺎ ﻟﮩﺠﮧ ﺧﻮﻑ ﺍﻭﺭ دکھ ﺳﮯ ﭘﮭﭧ ﺭﮨﺎ ﺗﮭﺎ۔ ﻭﮦ ﺟﯿﺴﮯ ﺁﺯﺭ ﮐﯽ ﮐﻮﺋﯽ ﺑﺎﺕ ﻧﮩﯿﮟ ﺳﻦ ﭘﺎ ﺭﮨﯽ ﺗﮭﯽ۔ ﻣﺮﯾﻢ ﺑﮭﺎﮔﺘﮯ ﮨﻮﺋﮯ ﺍﻭﭘﺮ ﺁﺋﯽ ﺗﮭﯽ ﺍﻭﺭ ﭘﮭﺮ ﺳﺎﻣﻨﮯ ﮐﺎ ﻣﻨﻈﺮ دیکھ ﮐﺮ ﻭﮦ ﺑﮭﯽ ﭘﺮﯾﺸﺎﻥ ﮨﻮ ﮔﺌﯽ۔ ﻣﻮﻡ ﮐﮯ ﺳﺎﻧﭽﮯ ﻣﯿﮟ ﮈﮬﻠﯽ ﺍﺱ ﮐﯽ ﻭﮦ ﭘﯿﺎﺭﯼ ﺳﯽ ﮐﺰﻥ، ﺁﺯﺭ ﻋﺒﺎﺱ ﮐﮯ ﺩﻭ ﻣﻀﺒﻮﻁ ﺑﺎﺯﻭﺅﮞ ﮐﮯ ﺳﮩﺎﺭﮮ ﻓﻀﺎ ﻣﯿﮟ ﻟﭩﮑﯽ ﮨﻮﺋﯽ ﺗﮭﯽ۔
”ﺑﮭﺎﺋﯽ! ﯾﮧ ﮐﯿﺎ ﮐﺮ ﺭﮨﮯ ﮨﯿﮟ؟“ ﻭﮦ ﭘﺮﯾﺸﺎﻥ ﺳﯽ ﺍﺱ ﮐﮯ ﻗﺮﯾﺐ ﺁﺋﯽ ﺗﮭﯽ ﺟﺐ ﻭﮦ ﺑﻮﻻ۔
”ﺗﻢ ﭼﭗ ﺭﮨﻮ ﻣﺮﯾﻢ! ﺍﺳﮯ ﺍﺱ ﮐﯽ ﺷﯿﻄﺎﻧﯿﻮﮞ ﮐﯽ ﺳﺰﺍ ﻣﻠﻨﯽ ﭼﺎﮨﺌﮯ۔“
ﻣﻮﻣﯽ ﮐﺎ ﺭﻧﮓ ﺍﺏ ﺳﻔﯿﺪ ﭘﮍ ﺭﮨﺎ ﺗﮭﺎ۔ ﺁﺯﺭ ﮐﻮ ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﺍﺳﮯ ﻭﺍﭘﺲ ﮐﮭﯿﻨﭽﻨﺎ ﭘﮍﺍ۔
”ﺑﻮﻟﻮ ﺑﺎﺯ ﺁﺅ ﮔﯽ ﺍﭘﻨﯽ ﺣﺮﮐﺘﻮﮞ ﺳﮯ ﮐﮧ ﻧﮩﯿﮟ؟“ ﻭﮦ ﺫﺭﺍ ﺳﺎ ﻧﺮﻡ ﭘﮍﺍ ﺗﮭﺎ۔ ﻣﻮﻣﯽ ﺳﮯ ﺍﭘﻨﯽ ﺳﺎﻧﺴﯿﮟ ﺩﺭﺳﺖ ﮐﺮﻧﺎ ﺩﺷﻮﺍﺭ ﮨﻮ ﮔﯿﺎ۔
”ﻣﻮﻣﯽ! ﺗﻢ ﭨﮭﯿﮏ ﮨﻮ؟“ ﻣﺮﯾﻢ ﭘﺮﯾﺸﺎﻧﯽ ﺳﮯ ﺁﮔﮯ ﺑﮍﮬﯽ ﺗﮭﯽ ﻣﮕﺮ ﻣﻮﻣﯽ ﻧﮯ ﺍﺱ ﮐﺎ ہاتھ ﺟﮭﭩﮏ ﺩﯾﺎ۔ ﺍﻭﺭ ﺍﺏ ﺭﻭ ﺭﮨﯽ ﺗﮭﯽ۔ ﺁﺯﺭ ﻋﺒﺎﺱ ﮐﯽ ﭨﯿﻨﺸﻦ ﻣﺰﯾﺪ ﺑﮍﮪ ﮔﺌﯽ۔
”ﺗﻮ ﺗﻢ ﺍﭘﻨﯽ ﻓﻀﻮﻝ ﺣﺮﮐﺘﻮﮞ ﺳﮯ ﺑﺎﺯ ﻧﮩﯿﮟ ﺁﺅ ﮔﯽ؟“
”ﺷﭧ ﺍﭖ ﻣﺠﮭﮯ ﻧﮩﯿﮟ ﭘﺘﮧ ﺗﮭﺎ ﮐﮧ ﻣﯿﮟ ﺗﻤﮩﺎﺭﮮ ﻟﺌﮯ ﺍﺗﻨﯽ ﺳﺴﺘﯽ ﮨﻮﮞ۔ ﺧﺒﺮﺩﺍﺭ ﺟﻮ ﮐﺒﮭﯽ ﺩﻭﺑﺎﺭﮦ ﻣﺠﮭﮯ ﭼﮭﻮﻧﮯ ﮐﯽ ﮐﻮﺷﺶ ﮐﯽ۔“ ﺍُﺱ ﮐﯽ ﺑﮭﯿﮕﯽ ﺁﻧﮑﮭﻮﮞ ﻣﯿﮟ ﺟﯿﺴﮯ ﺁﮒ ﺩﮨﮏ ﺭﮨﯽ ﺗﮭﯽ۔ ﺁﺯﺭ کچھ ﺩﯾﺮ ﺍﺳﮯ ﺳﻨﺠﯿﺪﮔﯽ ﺳﮯ ﺩﯾﮑﮭﺘﺎ ﻭﺍﭘﺲ ﭘﻠﭧ ﮔﯿﺎ ﺗﮭﺎ۔ ﺟﺒﮑﮧ ﻣﺮﯾﻢ ﺍﺏ ﺍﺱ ﮐﯽ ﺩﮨﮑﯽ ﮨﻮﺋﯽ ﺁﮒ ﮐﻮ ﺳﺮﺩ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔
ﭨﯽ ﻭﯼ ﻻﺅﻧﺞ ﻣﯿﮟ ﭨﯿﻠﯽ ﻭﯾﮋﻥ ﻓﻞ ﺁﻭﺍﺯ ﮐﮯ ساتھ ﭼﻞ ﺭﮨﺎ ﺗﮭﺎ۔ ﺟﺒﮑﮧ ﻭﮦ ﺍﺱ ﮐﮯ ﺳﺎﻣﻨﮯ ﺑﯿﭩﮭﯽ ﺟﯿﺴﮯ ﻭﮨﺎﮞ ﮨﻮﺗﮯ ﮨﻮﺋﮯ ﺑﮭﯽ ﻭﮨﺎﮞ ﻧﮩﯿﮟ ﺗﮭﯽ۔
ﻭﮦ ﭼﮭﻮﭨﯽ ﺳﯽ ﺗﮭﯽ ﺟﺐ ﺍﺱ ﮐﯽ ﻣﺎﮞ ﺯﺑﺮﺩﺳﺘﯽ ﺍﺱ ﮐﮯ ﭘﺎﭘﺎ ﺳﮯ ﮈﺍﺋﯿﻮﺭﺱ ﻟﮯ ﮐﺮ ﻋﻠﯿﺤﺪﮦ ﮨﻮ ﮔﺌﯽ۔ ﻗﺮﺓ ﺍﻟﻌﯿﻦ ﮐﮯ ﻟﺌﮯ ﻭﮦ ﻭﻗﺖ ﺯﻧﺪﮔﯽ ﮐﺎ ﺳﺐ ﺳﮯ ﮐﭩﮭﻦ ﻭﻗﺖ ﺗﮭﺎ۔ ﻣﮕﺮ ﭘﮭﺮ ﺍﺱ ﺳﮯ ﺑﮭﯽ ﺑﺮﺍ ﻭﻗﺖ ﺗﺐ ﺁﯾﺎ ﺟﺐ ﺍﺱ ﮐﮯ ﭘﺎﭘﺎ ﻧﮯ ﺑﮭﯽ ﺩﻭﺳﺮﯼ ﺷﺎﺩﯼ ﮐﺮ ﻟﯽ۔ ﻭﮦ ﺟﯿﺴﮯ ﺍﭘﻨﮯ ﮨﯽ ﮔﮭﺮ ﻣﯿﮟ ﺍﯾﮏ ﻓﺎﻟﺘﻮ ﺷﮯ ﮐﯽ ﺣﯿﺜﯿﺖ ﺍﺧﺘﯿﺎﺭ ﮐﺮ ﮔﺌﯽ ﺗﮭﯽ۔ ﺍﯾﺴﮯ ﻣﯿﮟ ﺁﺯﺭ ﮐﯽ ﻓﯿﻤﻠﯽ ﺍﻭﺭ ﺩﻭﺳﺘﯽ ﻧﮯ ﺍﺳﮯ ﺑﮩﺖ ﺳﮩﺎﺭﺍ ﺩﯾﺎ ﺗﮭﺎ۔ ﻭﮦ ﺟﻮ ﻣﺎﯾﻮﺳﯿﻮﮞ ﺍﻭﺭ ﻏﻤﻮﮞ ﮐﮯ ﺣﺼﺎﺭ ﻣﯿﮟ ﻗﯿﺪ ﮨﻮ ﭼﻠﯽ ﺗﮭﯽ، ﺁﺯﺭ ﮐﮯ ساتھ ﻧﮯ ﺍﺳﮯ ﺩﻭﺑﺎﺭﮦ ﺯﻧﺪﮔﯽ ﮐﯽ ﻃﺮﻑ ﻭﺍﭘﺲ ﮐﮭﯿﻨﭻ ﻟﯿﺎ۔
ﻭﻗﺖ ﮔﺰﺭﻧﮯ ﮐﮯ ساتھ ساتھ ﻭﮦ ﺟﯿﺴﮯ ﺍﺱ ﮐﯽ ﻓﯿﻤﻠﯽ ﮐﺎ ﺣﺼﮧ ﺑﻨﺘﯽ ﭼﻠﯽ ﮔﺌﯽ ﺗﮭﯽ۔ ﺍﺳﮯ ﺍﺱ ﺗﻨﮩﺎﺋﯽ ﺍﻭﺭ ﻭﺣﺸﺖ ﮐﺎ ﺍﺣﺴﺎﺱ ﮨﯽ ﻧﮧ ﺭﮨﺎ، ﺟﻮ کچھ ﺭﻭﺯ ﭘﮩﻠﮯ ﺍﺳﮯ ﺩﯾﻤﮏ ﮐﯽ ﻃﺮﺡ ﭼﺎﭦ ﺭﮨﺎ ﺗﮭﺎ۔ ﻭﮦ ﭘﮭﺮ ﺳﮯ ﺟﯿﻨﮯ ﻟﮕﯽ ﺗﮭﯽ۔
ﺍﺱ ﺭﻭﺯ ﺑﮭﯽ ﺁﺯﺭ ﺍﭘﻨﮯ ﺳﺎﺭﮮ ﮐﺎﻡ ﺍﻟﺘﻮﺍ ﻣﯿﮟ ﮈﺍﻝ ﮐﺮ ﺍﺱ ﮐﯽ ﺳﺎﻟﮕﺮﮦ ﺩﮬﻮﻡ ﺩﮬﺎﻡ ﺳﮯ ﻣﻨﺎﻧﮯ ﮐﮯ ﻟﺌﮯ ﮔﮭﺮ ﮐﺎ ﮐﻮﻧﺎ ﮐﻮﻧﺎ ﺳﺠﺎ ﺭﮨﺎ ﺗﮭﺎ۔ ﻣﻮﻣﯽ ﮨﺮ ﺑﺎﺕ ﺳﮯ ﺑﮯ ﺧﺒﺮ ﺍﺱ ﺭﻭﺯ ﺍﮐﯿﻠﯽ ﮨﯽ ﺍﮐﯿﮉﻣﯽ ﮔﺌﯽ ﺗﮭﯽ۔ ﺟﺒﮑﮧ ﻣﺮﯾﻢ ﻧﮯ ﮔﮭﺮ ﻣﯿﮟ ﮐﺎﻡ ﮐﺎ ﺑﮩﺎﻧﮧ ﺑﻨﺎ ﮐﺮ ﭼﮭﭩﯽ ﮐﺮ ﻟﯽ۔ ﻭﮦ ﺍﮐﯿﮉﻣﯽ ﺳﮯ ﻭﺍﭘﺲ ﺁﺋﯽ ﺗﻮ ﺁﺯﺭ، ﻣﺮﯾﻢ ﮐﮯ ساتھ
ﻣﻞ ﮐﺮ ﮨﺎﻝ ﮐﻤﺮﮮ ﮐﯽ ﺳﺠﺎﻭﭦ ﮐﺮ ﺭﮨﺎ ﺗﮭﺎ۔ ﻭﮦ ﺫﺭﺍ ﺳﯽ ﺣﯿﺮﺍﻥ ﮨﻮﺋﯽ ﺗﮭﯽ۔
ﮐﮩﺎﮞ ﺗﻮ ﺍﺱ ﮐﯽ ﺍﺗﻨﯽ ﻣﺼﺮﻭﻓﯿﺖ ﮐﮧ ﺳﺮ ﮐﮭﺠﺎﻧﮯ ﮐﻮ ﭨﺎﺋﻢ ﻧﮩﯿﮟ۔ ﺍﻭﺭ ﮐﮩﺎﮞ ﺍﺏ ﻣﮑﻤﻞ ﻓﺮﺻﺖ ﺳﮯ ﺑﭽﻮﮞ ﮐﯽ ﻃﺮﺡ ﺩﯾﻮﺍﺭﻭﮞ ﭘﺮ ﺭﻧﮕﺎ ﺭﻧﮓ ﺭﺑﻦ ﻟﮕﺎ ﮐﺮ ﻭﮨﺎﮞ ﻏﺒﺎﺭﮮ ﺑﺎﻧﺪﮪ ﺭﮨﺎ ﺗﮭﺎ۔ ﺍﺳﮯ ﯾﺎﺩ ﺁﯾﺎ، ﻭﮦ ﻟﻨﺪﻥ ﻣﯿﮟ ﺻﺮﻑ ﺍُﺱ ﮐﯽ ﺳﺎﻟﮕﺮﮦ ﮐﮯ ﺭﻭﺯ ﺍﯾﺴﺎ ﺍﮨﺘﻤﺎﻡ ﮐﯿﺎ ﮐﺮﺗﺎ ﺗﮭﺎ۔ ﻣﮩﻤﺎﻧﻮﮞ ﮐﻮ ﻣﺪﻋﻮ ﮐﺮﻧﮯ ﮐﮯ ساتھ ساتھ ﮔﮭﺮ ﮐﻮ ﺳﺠﺎﻧﺎ ﺍﻭﺭ ﺳﻨﻮﺍﺭﻧﮯ ﺳﮯ ﻟﮯ ﮐﺮ، ﻣﺰﮮ ﻣﺰﮮ ﮐﮯ ﭘﮑﻮﺍﻥ ﺗﯿﺎﺭ ﮐﺮﻧﮯ ﻣﯿﮟ ﺑﮭﯽ ﻭﮦ ﮨﻤﯿﺸﮧ ﺳﺐ ﺳﮯ ﺁﮔﮯ ﺭﮨﺎ ﮐﺮﺗﺎ ﺗﮭﺎ۔
ﻣﻮﻣﯽ ﭼﺎﮦ ﮐﺮ ﺑﮭﯽ ﺍﻥ ﺩﻭﻧﻮﮞ ﮐﻮ ﺑﮭُﻼ ﻧﮩﯿﮟ ﭘﺎ ﺭﮨﯽ ﺗﮭﯽ ﺟﺐ ﻭﮦ ﺻﺮﻑ ﺍﻭﺭ ﺻﺮﻑ ﺍﺱ ﮐﺎ ﺗﮭﺎ۔ ﻭﮦ ﺁﮔﮯ ﺑﮍﮬﯽ ﺗﮭﯽ ﺍﻭﺭ ﻣﺮﯾﻢ ﮐﮯ ﻗﺮﯾﺐ ﺁ ﮐﮭﮍﯼ ﮨﻮﺋﯽ ﺗﮭﯽ۔
”ﮐﯿﺎ ﮨﻮ ﺭﮨﺎ ﮨﮯ؟ ﮐﻮﺋﯽ ﺁ ﺭﮨﺎ ﮨﮯ ﮐﯿﺎ؟“
”ﺍﺭﮮ ﻧﮩﯿﮟ ﯾﺎﺭ! ﺁﻧﺎ ﮐﺲ ﻧﮯ ﮨﮯ؟ ﻋﯿﻨﯽ ﮐﯽ ﺳﺎﻟﮕﺮﮦ ﮨﮯ ﺍﻭﺭ ﺁﺯﺭ ﺑﮭﯿﺎ ﺍُﺳﮯ ﺳﺮﭘﺮﺍﺋﺰ ﺩﯾﻨﺎ ﭼﺎﮦ ﺭﮨﮯ ﮨﯿﮟ۔“
ﻣﺮﯾﻢ ﮐﯿﮏ ﺳﺠﺎﻧﮯ ﻣﯿﮟ ﻣﺼﺮﻭﻑ ﺗﮭﯽ۔
ﻭﮦ دیکھ ﮨﯽ ﻧﮩﯿﮟ ﺳﮑﯽ ﮐﮧ ﺍﺱ ﮐﮯ ﺍﻟﻔﺎﻅ ﻧﮯ ﻣﻮﻣﯽ ﮐﮯ ﭼﮩﺮﮮ ﭘﺮ ﮐﯿﺎ ﺍﺛﺮ ﮈﺍﻻ ﮨﮯ۔ ﺁﺫﺭ ﺍﺏ ﻣﯿﺰ ﺳﮯ ُﮐﻮﺩ ﮐﺮ ﺍﺱ ﮐﮯ ﻣﻘﺎﺑﻞ ﺁ ﮐﮭﮍﺍ ﮨﻮﺍ ﺗﮭﺎ۔
”ﺗﻢ ﻧﮯ ﻋﯿﻨﯽ ﮐﮯ ﻟﺌﮯ ﮐﻮﺋﯽ ﮔﻔﭧ ﻭﻏﯿﺮﮦ ﺧﺮﯾﺪﺍ ﮨﮯ ﮐﮧ ﻧﮩﯿﮟ؟“
ﮐﺘﻨﯽ ﻓﮑﺮ ﺗﮭﯽ ﺍﺳﮯ ﻋﯿﻨﯽ ﮐﯽ ﺧﻮﺷﯽ ﺍﻭﺭ ﭘﺬﯾﺮﺍﺋﯽ ﮐﯽ۔ ﻣﻮﻣﯽ ﮐﮯ ﺍﻧﺪﺭ ﺟﯿﺴﮯ ﺩﮬﻮﺍﮞ ﺳﺎ ﺑﮭﺮ ﮔﯿﺎ۔
”ﻧﮩﯿﮟ۔“
”ﮐﯿﻮﮞ؟ ﺍﭘﻨﮯ ﻟﺌﮯ ﺗﻮ ﺑﮍﯼ ﮐﺎﻧﺸﺲ ﺭﮨﺘﯽ ﮨﻮ۔ ﮐﺒﮭﯽ ﺩﻭﺳﺮﻭﮞ ﮐﯽ ﺧﻮﺷﯽ ﮐﺎ ﺧﯿﺎﻝ ﺑﮭﯽ ﮐﺮ ﻟﯿﺎ ﮐﺮﻭ۔“
”ﺩﻭﺳﺮﻭﮞ ﮐﯽ ﺧﻮﺷﯽ ﮐﺎ ﺧﯿﺎﻝ ﺭﮐﮭﻨﮯ ﮐﮯ ﻟﺌﮯ ﺗﻢ ﮐﺎﻓﯽ ﮨﻮ ﺁﺯﺭ ﻋﺒﺎﺱ!“ ﺍﺳﯽ ﮐﮯ ﺍﻧﺪﺍﺯ ﻣﯿﮟ ﺗﭗ ﮐﺮ ﺟﻮﺍﺏ ﺩﯾﺘﮯ ﮨﻮﺋﮯ ﻭﮦ ﭘﮭﺮ ﻭﮨﺎﮞ ﭨﮭﮩﺮﯼ ﻧﮩﯿﮟ ﺗﮭﯽ۔
ﺟﺒﮑﮧ ﺁﺯﺭ ﻋﺒﺎﺱ ﺍﺱ ﮐﯽ ﺑﮭﯿﮕﯽ ﭘﻠﮑﻮﮞ ﮐﺎ ﺗﺼﻮﺭ ﮐﺮ ﮐﮯ ﻣﺴﮑﺮﺍ ﺩﯾﺎ ﺗﮭﺎ۔
”ﯾﮧ ﭨﮭﯿﮏ ﻧﮩﯿﮟ ﮨﮯ ﺑﮭﺎﺋﯽ! ﺁﭖ ﮐﻮ ﭘﺘﮧ ﺑﮭﯽ ﮨﮯ ﮐﮧ ﻭﮦ ﺁﭖ ﺳﮯ ﮐﺘﻨﺎ ﭘﯿﺎﺭ ﮐﺮﺗﯽ ﮨﮯ، ﭘﮭﺮ ﺑﮭﯽ ﺁﭖ ﺍُﺳﮯ دکھ ﺩﯾﻨﮯ ﺳﮯ ﺑﺎﺯ ﻧﮩﯿﮟ ﺁﺗﮯ۔ ﮐﯿﻮﮞ؟“
”ﻣﺰﺍ ﺁﺗﺎ ﮨﮯ ﮈﯾﺌﺮ ﺳﺴﭩﺮ! ﺗﻤﮩﯿﮟ ﮐﯿﺎ ﭘﺘﮧ ﻭﮦ ﺳﮍ ﺳﮍ ﮐﺮﺗﯽ ﮐﺘﻨﯽ ﺍﭼﮭﯽ ﻟﮕﺘﯽ ﮨﮯ۔“ ﻭﮦ ﺍﺏ ﺑﮭﯽ ﻣﺴﮑﺮﺍ ﺭﮨﺎ ﺗﮭﺎ۔ ﻣﺮﯾﻢ ﺍﺳﮯ دیکھ ﮐﺮ ﺭﮦ ﮔﺌﯽ۔
”ﻣﻮﻣﯽ ﺻﺤﯿﺢ ﮐﮩﺘﯽ ﮨﮯ۔ ﺁﭖ ﻭﺍﻗﻌﯽ ﺑﮩﺖ ﺑﮯ ﺣِﺲ ﮨﯿﮟ۔“
ﮐﯿﮏ ﮐﯽ ﺳﺠﺎﻭﭦ ﮐﺎ ﮐﺎﻡ ﺍﺩﮬﻮﺭﺍ ﭼﮭﻮﮌ ﮐﺮ ﻭﮦ ﺑﮭﯽ ﻭﮨﺎﮞ ﺳﮯ ﻭﺍﮎ ﺁﺅﭦ ﮐﺮ ﮔﺌﯽ ﺗﮭﯽ۔ ﺗﺎﮨﻢ ﺁﺯﺭ، ﻣﻮﻣﯽ ﮐﯽ ﻣﺘﻮﻗﻊ ﻧﺎﺭﺍﺿﯽ ﮐﺎ ﺳﻮﭼﺘﮯ ﮨﻮﺋﮯ ﺩﯾﺮ ﺗﮏ ﻟﻄﻒ ﺍﭨﮭﺎﺗﺎ ﺭﮨﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
ﺍﺱ ﺭﻭﺯ ﺑﮩﺖ ﺑﺎﺭﺵ ﮨﻮﺋﯽ ﺗﮭﯽ۔
ﺭﺍﺕ ﺑﮭﺮ ﻭﻗﻔﮯ ﻭﻗﻔﮯ ﺳﮯ ﺑﺎﺭﺵ ﮐﺎ ﺳﻠﺴﻠﮧ ﺟﺎﺭﯼ ﺭﮨﺎ ﺗﮭﺎ۔ ﺩﻝ ﺁﻭﯾﺰ، ﮨﺎﺳﭙﭩﻞ ﺳﮯ ﮔﮭﺮ ﺷﻔﭧ ﮨﻮ ﭼﮑﯽ ﺗﮭﯽ۔ ﻟﮩٰﺬﺍ ﻋﻘﯿﻞ ﺟﻌﻔﺮﯼ ﺍﺏ ﺍﺱ ﮐﯽ ﺭﺧﺼﺘﯽ ﮐﺎ ﺳﻮﭺ ﺭﮨﮯ ﺗﮭﮯ۔ ﺍﺳﯽ ﻣﻘﺼﺪ ﮐﮯ ﻟﺌﮯ ﺭﺍﺣﯿﻞ ﺟﻌﻔﺮﯼ ﮐﯽ ﺷﮩﺮ ﺁﻣﺪ ﭘﺮ ﺍﯾﮏ ﻋﺮﺻﮯ ﮐﮯ ﺑﻌﺪ ﻭﮦ ﺍﻥ ﮐﮯ ﮔﮭﺮ ﻓﻀﯿﻠﮧ ﺑﯽ ﮐﮯ ﻣﻘﺎﺑﻞ ﺁﺋﮯ ﺗﮭﮯ۔
ﺑﺮﺳﺘﯽ ﺑﺎﺭﺵ ﻣﯿﮟ ﺑﮭﯿﮕﮯ ﺩﺭ ﻭ ﺩﯾﻮﺍﺭ، ﺣﺴﺮﺕ ﺳﮯ ﺗﮑﺘﯽ ﺍﻥ ﮐﯽ ﺁﻧﮑﮭﻮﮞ ﻣﯿﮟ ﻋﺠﯿﺐ ﺳﯽ ﺧﺎﻣﻮﺷﯽ ﺗﮭﯽ۔
ﺟﻮﺍﻧﯽ ﻣﯿﮟ ﻭﮦ ﻋﻮﺭﺕ ﮐﯿﺎ ﺗﮭﯽ ﺍﻭﺭ ﺍﺏ ﻭﻗﺖ ﺳﮯ ﭘﮩﻠﮯ ﺑﮍﮬﺎﭘﮯ ﻧﮯ ﺍﺱ ﺧﻮﺏ ﺻﻮﺭﺕ ﺳﺮﺍﭘﮯ ﻭﺍﻟﯽ ﻋﻮﺭﺕ ﮐﺎ ﮐﯿﺎ ﺣﺸﺮ ﮐﺮ ﺩﯾﺎ ﺗﮭﺎ ﮐﮧ ﺳﻨﺎﭨﻮﮞ ﮐﯽ ﭼﯿﺨﯿﮟ ﺍﻥ ﮐﯽ ﺁﻧﮑﮭﻮﮞ ﺳﮯ ﺑﺎﮨﺮ ﺁﺗﯽ ﺗﮭﯿﮟ۔ ﻭﮦ ﮨﺎﻝ ﮐﻤﺮﮮ ﻣﯿﮟ ﻟﯿﭩﯽ ﺑﺎﺭﺵ ﮐﻮ دیکھ ﺭﮨﯽ ﺗﮭﯽ، ﺟﺐ ﺍﻥ ﮐﮯ ﻗﺪﻡ ﺍﺱ ﮐﻤﺮﮮ ﮐﯽ ﺩﮨﻠﯿﺰ ﭘﺮ ﭘﮍﮮ ﺗﮭﮯ ﺍﻭﺭ ﭘﮭﺮ ﺟﯿﺴﮯ ﻭﺟﻮﺩ ﭘﺘﮭﺮ ﮐﺎ ﮨﻮ ﮔﯿﺎ ﺗﮭﺎ۔
ﺑﺎﺭﺷﻮﮞ ﮐﮯ ﻣﻮﺳﻢ ﻣﯿﮟ ﺗﻢ ﮐﻮ ﯾﺎﺩ ﮐﺮﻧﮯ ﮐﯽ ﻋﺎﺩﺗﯿﮟ ﭘﺮﺍﻧﯽ ﮨﯿﮟ ﺍﺏ ﮐﯽ ﺑﺎﺭ ﺳﻮﭼﺎ ﮨﮯ ﻋﺎﺩﺗﯿﮟ ﺑﺪﻝ ﮈﺍﻟﯿﮟ ﭘﮭﺮ ﺧﯿﺎﻝ ﺁﯾﺎ ﮐﮧ ﻋﺎﺩﺗﯿﮟ ﺑﺪﻟﻨﮯ ﺳﮯ ﺑﺎﺭﺷﯿﮟ ﻧﮩﯿﮟ ﺭُﮐﺘﯿﮟ!
”ﻋﻘﯿﻞ!“ ﻓﻀﯿﻠﮧ ﺑﯽ ﮐﯽ ﻧﮕﺎﮦ ﺍُﻥ ﭘﺮ ﭘﮍﯼ ﺗﮭﯽ ﺍﻭﺭ ﻟﺐ ﺟﯿﺴﮯ ﭘﮭﮍﭘﮭﮍﺍ ﮐﺮ ﺭﮦ ﮔﺌﮯ ﺗﮭﮯ۔
ﺍﺱ ﻧﮯ ﭼﮭﻮ ﮐﺮ ﻣﺠﮭﮯ ﭘﺘﮭﺮ ﺳﮯ ﭘﮭﺮ ﺍﻧﺴﺎﻥ ﮐﯿﺎ ﻣﺪﺗﻮﮞ ﺑﻌﺪ ﻣﯿﺮﯼ آنکھ ﻣﯿﮟ ﺁﻧﺴﻮ ﺁﺋﮯ ﻭﮦ ﺳﺴﺖ ﺭﻭﯼ ﺳﮯ ﻗﺪﻡ ﺍﭨﮭﺎﺗﮯ ﺍﻥ ﮐﯽ ﻃﺮﻑ ﺁﺋﮯ ﺗﮭﮯ۔
”ﮐﯿﺴﯽ ﮨﻮ ﻓﻀﯿﻠﮧ؟“
”ﭘﺘﮧ ﻧﮩﯿﮟ۔ ﺑﺲ ﺍﯾﮏ ﺑﮯ ﻧﺎﻡ ﺍُﺩﺍﺳﯽ ﺳﯽﮨﮯ ﺟﻮ ﮐﺴﯽ ﻟﻤﺤﮧ ﭘﯿﭽﮭﺎ ﻧﮩﯿﮟ ﭼﮭﻮﮌﺗﯽ۔ ﺍﯾﮏ ﺧﻠﺶ ﮨﮯ ﻋﻘﯿﻞ! ﺟﻮ
ﮐﺴﯽ ﭘﻞ ﺳﮑﻮﻥ ﺳﮯ ﺟﯿﻨﯽ ﻧﮩﯿﮟ ﺩﯾﺘﯽ۔
ﺗﻢ ﺗﻢ ﺍﻋﻠﯽٰ ﻇﺮﻑ ﮨﻮ، ﻣﻌﺎﻑ ﮐﺮ ﺩﻭ ﻣﺠﮭﮯ ﭘﻠﯿﺰ۔“ ﺍﻥ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﺑﮭﺮﯼ ﺗﮭﯿﮟ۔ ﻋﻘﯿﻞ ﺟﻌﻔﺮﯼ ﻧﮯ ﺑﮯ ﺳﺎﺧﺘﮧ ﺭُﺥ ﭘﮭﯿﺮ ﻟﯿﺎ۔
”ﮐﺲ ﺑﺎﺕ ﮐﯽ ﻣﻌﺎﻓﯽ ﭘﮕﻠﯽ! ﺍﭘﻨﮯ ﻗﺎﻧﻮﻥ ﮨﻮﺗﮯ ﮨﯿﮟ ﻣﺤﺒﺖ ﮐﮯ ﺍﻭﺭ ﺳﺰﺍﺋﯿﮟ ﺑﮭﯽ۔
ﻣﯿﮟ ﺗﻮ ﺍﺏ ﻭﮦ ﺳﺰﺍ ﭘﻮﺭﯼ ﺑﮭﯽ ﮐﺮ ﭼﮑﺎ۔“ ﺍﻥ ﮐﯽ ﺁﻭﺍﺯ ﺑﮭﺎﺭﯼ ﮨﻮﺋﯽ ﺗﮭﯽ۔
ﻓﻀﯿﻠﮧ ﺑﯽ ﮐﯽ ﺁﻧﮑﮭﻮﮞ ﺳﮯ ﮐﺌﯽ ﻗﻄﺮﮮ ﺍﯾﮏ ساتھ ﭘﮭﺴﻞ ﮐﺮ ﭼﮩﺮﮮ ﮐﻮ ﺑﮭﮕﻮ ﮔﺌﮯ۔
”ﮔﮭﺮ ﻭﺍﻟﮯ ﮐﮩﺎﮞ ﮨﯿﮟ؟“ ﻓﻮﺭﺍً ﺳﮯ ﭘﯿﺸﺘﺮ ﺳﻨﺒﮭﺎﻻ ﺗﮭﺎ ﺍﻧﮩﻮﮞ ﻧﮯ ﺧﻮﺩ ﮐﻮ ﺟﺐ ﻭﮦ ﺑﻮﻟﯿﮟ۔
”ﮐﮩﯿﮟ ﺑﺎﮨﺮ ﮔﺌﮯ ﮨﯿﮟ۔ ﺳﻮﯾﺪ ﺍﻭﺭ ﻋﺒﯿﺮﮦ ﺑﯿﭩﯽ ﺍﻭﭘﺮ ﮨﯿﮟ۔“
”ﭨﮭﯿﮏ ﮨﮯ، ﭘﮭﺮ ﻣﯿﮟ ﭼﻠﺘﺎ ﮨﻮﮞ۔ ﺭﺍﺣﯿﻞ ﺑﮭﺎﺋﯽ ﺁﺋﯿﮟ ﺗﻮ ﻣﯿﺮﺍ ﺑﺘﺎ ﺩﯾﻨﺎ ﺍﻭﺭ ﮐﮩﻨﺎ ﮐﮧ ﺳﻮﯾﺪ ﺍﻭﺭ ﺩﻝ ﺁﻭﯾﺰ ﮐﯽ ﺑﺎﻗﺎﻋﺪﮦ ﺷﺎﺩﯼ ﮐﯽ ﺗﯿﺎﺭﯼ ﮐﺮ ﻟﮯ۔“
”ﻋﻘﯿﻞ“
”ﮨﻮﮞ۔“ ﻓﻀﯿﻠﮧ ﺑﯽ ﮐﮯ ﭘﮑﺎﺭﻧﮯ ﭘﺮ ﻭﮦ ﺟﯿﺴﮯ ﭼﻮﻧﮑﺘﮯ ﮨﻮﺋﮯ ﺍﻥ ﮐﯽ ﻃﺮﻑ ﻣﺘﻮﺟﮧ ﮨﻮﺋﮯ ﺗﮭﮯ۔
ﻋﻘﯿﻞ! ﺳﻮﯾﺪ ﻣﯿﺮﯼ ﺑﯿﭩﯽ ﮐﯽ ﻣﺤﺒﺖ ﮨﮯ۔
ﻣﯿﺮﯼ ﻋﺒﯿﺮﮦ ﺑﮩﺖ ﭼﺎﮨﺘﯽ ﮨﮯ ﺍﺳﮯ۔“ ﻭﮦ ﺑﮯ ﻗﺮﺍﺭﯼ ﺳﮯ ﺑﻮﻟﯽ ﺗﮭﯿﮟ ﺍﻭﺭ ﻋﻘﯿﻞ ﺟﻌﻔﺮﯼ ﺟﯿﺴﮯ ﭘﮭﺮ ﺳﮯ ﺷﺎﮐﮉ ﺭﮦ ﮔﺌﮯ ﺗﮭﮯ۔
”ﮐﯿﺎ ﮐﮩﮧ ﺭﮨﯽ ﮨﻮ ﻓﻀﯿﻠﮧ؟“
”ﻭﮨﯽ ﺟﻮ ﺳﭻ ﮨﮯ۔“ ﺍﻧﮩﯿﮟ ﺟﯿﺴﮯ ﺑﮩﺖ ﺟﻠﺪﯼ ﺗﮭﯽ۔ ﻋﻘﯿﻞ ﺟﻌﻔﺮﯼ ﮐﺘﻨﯽ ﮨﯽ ﺩﯾﺮ ﺗﮏ ﺣﯿﺮﺍﻥ ﺣﯿﺮﺍﻥ ﺳﯽ ﭘﺸﯿﻤﺎﻥ ﻧﮕﺎﮨﻮﮞ ﺳﮯ ﺍﻥ ﮐﯽ ﻃﺮﻑ ﺩﯾﮑﮭﺘﮯ ﺭﮦ ﮔﺌﮯ ﺗﮭﮯ۔ ﺑﺎﮨﺮ ﺑﺎﺭﺵ ﭘﮭﺮ ﺯﻭﺭ ﭘﮑﮍ ﮔﺌﯽ ﺗﮭﯽ۔
ﺍﮔﻠﯽ ﺻﺒﺢ ﻋﺒﯿﺮﮦ ﺍﭘﻨﯽ ﻣﺎﮞ ﮐﻮ ”ﺻﺒﺢ ﺑﺨﯿﺮ“ ﮐﮩﻨﮯ ﮐﮯ ﻟﺌﮯ ﺍﻥ ﮐﮯ ﮐﻤﺮﮮ ﻣﯿﮟ ﺁﺋﯽ ﺗﻮ ﮔﺮﻡ ﺑﺴﺘﺮ ﻣﯿﮟ ﻓﻀﯿﻠﮧ ﺑﯽ ﮐﺎ ﺻﺮﻑ ﺟﺴﻢ ﭘﮍﺍ ﺗﮭﺎ، ﺭﻭﺡ ﻧﮩﯿﮟ ﺗﮭﯽ۔ ﻭﮦ ﺭﻭﺋﯽ ﺗﮭﯽ۔ ﺑﻠﮏ ﺑﻠﮏ ﮐﺮ ﺭﻭﺋﯽ ﺗﮭﯽ۔ ﻣﮕﺮ ﺍﺱ ﮐﮯ ﺁﻧﺴﻮ ﺑﮭﻼ ﺍﺱ ﮐﯽ ﻣﺎﻣﺘﺎ ﮐﻮ ﮐﮩﺎﮞ ﻭﺍﭘﺲ ﻻ ﺳﮑﺘﮯ ﺗﮭﮯ؟
ﺭﺍﺕ ﮐﮯ ﮐﺴﯽ ﭘﮩﺮ ﻓﺎﻟﺞ ﮐﮯ ﺩﻭﺳﺮﮮ ﺷﺪﯾﺪ ﺍﭨﯿﮏ ﻧﮯ ﺍﻥ ﮐﮯ ﺟﺴﻢ ﮐﮯ ﺑﺎﺋﯿﮟ ﻃﺮﻑ ﻭﺍﻟﮯ ﺣﺼﮯ ﮐﻮ ﻣﻔﻠﻮﺝ ﮐﺮ ﺩﯾﺎ ﺗﮭﺎ۔
ﺭﺍﺣﯿﻠﮧ ﯾﻮﮞ ﺳُﻦ ﮨﻮ ﮐﺮ ﺭﮦ ﮔﺌﯽ ﺗﮭﯿﮟ ﺟﯿﺴﮯ ﺍﻥ ﮐﺎ ﺩﻧﯿﺎ ﻣﯿﮟ کچھ ﺑﺎﻗﯽ ﺑﭽﺎ ﮨﯽ ﻧﮧ ﮨﻮ۔ ﺟﺒﮑﮧ ﺳﻮﯾﺪ ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁ ﺭﮨﺎ ﺗﮭﺎ ﮐﮧ ﻭﮦ ﺍﭘﻨﯽ ﺯﻧﺪﮔﯽ ﮐﯽ ﺍﻥ ﺩﻭ ﻋﺰﯾﺰ ﮨﺴﺘﯿﻮﮞ ﮐﺎ ﻏﻢ ﮐﯿﺴﮯ ﺑﺎﻧﭩﮯ۔ ﭼﺎﺭ ﻣﺎﮦ ﺍﺳﯽ ﻏﻢ ﻧﮯ ﭼﺎﭦ ﻟﺌﮯ۔ ﺳﻮﯾﺪ ﮐﮯ ساتھ ﺩﻝ ﺁﻭﯾﺰﮐﯽ ﺭﺧﺼﺘﯽ ﭘﮭﺮ ﺍﻟﺘﻮﺍ ﻣﯿﮟ ﭘﮍ ﮔﺌﯽ۔ ﻭﮦ ﻗﻄﻌﯽ ﮐﺴﯽ ﻧﺌﯽ ﺫﻣﮧ ﺩﺍﺭﯼ ﮐﻮ ﻗﺒﻮﻝ ﮐﺮﻧﮯﮐﯽ ﭘﻮﺯﯾﺸﻦ ﻣﯿﮟ ﻧﮩﯿﮟ ﺗﮭﺎ۔ ﺟﺒﮑﮧ ﻋﺒﯿﺮﮦ ﺳﮯ ﺍﺱ ﮐﺎ ﺗﻌﻠﻖ ﺑﮭﯽ، ﻋﺒﯿﺮﮦ ﮐﯽ ﭘﺮﯾﮕﻨﻨﺴﯽ ﮐﮯ ﺑﺎﻋﺚ ﻣﻨﻈﺮِ ﻋﺎﻡ ﭘﺮ ﺁ ﭼﮑﺎ ﺗﮭﺎ۔ ﺣﺎﻻﺕ ﻣﺨﺘﻠﻒ ﮨﻮﺗﮯ ﺗﻮ ﺷﺎﯾﺪ ﺭﺍﺣﯿﻞ ﺟﻌﻔﺮﯼ ﺻﺎﺣﺐ ﺷﻮﺭ ﻣﭽﺎﺗﮯ، ﻣﮕﺮ ﻋﺠﯿﺐ ﺳﯽ ﺳﻮﮔﻮﺍﺭﯼ ﮐﮯ ﺍﺱ ﻣﺎﺣﻮﻝ ﻣﯿﮟ ﻋﺒﯿﺮﮦ ﭘﺮ ﺍُﻧﮕﻠﯽ ﺍُﭨﮭﻨﮯ ﺳﮯ ﻗﺒﻞ ﮨﯽ ﺍﺱ ﻧﮯ ﺍﻧﮩﯿﮟ ﺳﺐ کچھ ﺻﺎﻑ ﺻﺎﻑ ﺑﺘﺎ ﮐﺮ، کچھ ﮐﮩﻨﮯ ﮐﮯ ﻻﺋﻖ ﻧﮩﯿﮟ ﭼﮭﻮﮌﺍ ﺗﮭﺎ۔
ﺍﺩﮬﺮ ﻋﻘﯿﻞ ﺟﻌﻔﺮﯼ ﻧﮯ ﻓﻀﯿﻠﮧ ﺑﯽ ﮐﯽ ﻣﻮﺕ ﮐﯽ ﺧﺒﺮ ﺑﮍﮮ ﺣﻮﺻﻠﮯ ﺳﮯ ﺳﻨﯽ ﺗﮭﯽ۔ ﻣﮕﺮ ﯾﮧ ﺣﻮﺻﻠﮧ ﺍﻧﺪﺭ ﮨﯽ ﺍﻧﺪﺭ ﺍُﻧﮩﯿﮟ ﮐﮭﺎﻧﮯ ﻟﮕﺎ ﺗﮭﺎ۔ ﺍﺳﯽ ﻟﺌﮯ ﻓﻀﯿﻠﮧ ﺑﯽ ﮐﯽ ﻭﻓﺎﺕ ﮐﮯ ﭨﮭﯿﮏ ﭼﺎﺭ ﻣﺎﮦ ﺑﻌﺪ ﺳﻮﯾﺪ ﮐﮯ ﻻﮐﮫ ﭘﺎﺅﮞ ﭘﭩﺨﻨﮯ ﮐﮯ ﺑﺎﻭﺟﻮﺩ ﺩﻝ ﺁﻭﯾﺰ ﮐﯽ ﺭﺧﺼﺘﯽ ﻃﮯ ﮐﺮ ﺩﯼ ﮔﺌﯽ۔ ﺭﺍﺕ ﺑﮭﺮ ﺟﺎﮔﻨﮯ ﺍﻭﺭ ﭨﯿﻨﺸﻦ ﮐﺎ ﺷﮑﺎﺭ ﺭﮨﻨﮯ ﮐﮯ ﺳﺒﺐ ﺍﺱ ﮐﮯ ﺳﺮ ﻣﯿﮟ ﺷﺪﯾﺪ ﺩﺭﺩ ﺗﮭﺎ ﺍﻭﺭ ﭘﻮﺭﺍ ﺟﺴﻢ ﺟﯿﺴﮯ ﮨﻠﮑﮯ ﮨﻠﮑﮯ ﺑﺨﺎﺭ ﮐﯽ ﻟﭙﯿﭧ ﻣﯿﮟ ﺁﯾﺎ ﮨﻮﺍ ﺗﮭﺎ۔ ﭘﻮﺭﺍ ﺩﻥ ﻋﺒﯿﺮﮦ ﮐﮯ ﻧﺎﺯ ﺍُﭨﮭﺎﻧﮯ ﮐﮯ ﺑﻌﺪ ﺷﺎﻡ ﮈﮬﻠﮯ ﻭﮦ ﺿﺪ ﮐﺮ ﮐﮯ ﺑﮯ ﺣﺪ ﺳﺎﺩﮔﯽ ﮐﮯ ساتھ ﺭﺍﺣﯿﻞ ﺟﻌﻔﺮﯼ ﮐﯽ ﮨﻤﺮﺍﮨﯽ ﻣﯿﮟ ﻋﻘﯿﻞ ﻣﻨﺰﻝ ﮐﯽ ﻃﺮﻑ ﺁﯾﺎ ﺗﮭﺎ، ﺟﺲ ﮐﮯ ﺷﺎﻥ ﺩﺍﺭ ﺩﺭ ﻭ ﺩﯾﻮﺍﺭ ﺳﮯ ﭼﮭﻠﮑﺘﯽ ﻋﺠﯿﺐ ﺳﯽ ﻭﺣﺸﺖ ﻧﮯ ﺍﺱ ﮐﺎ ﺑﮍﺍ ﭘُﺮﺗﭙﺎﮎ ﺍﺳﺘﻘﺒﺎﻝ ﮐﯿﺎ ﺗﮭﺎ۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔۔۔۔۔۔
ﻗﺮﺓ ﺍﻟﻌﯿﻦ ﻋﺮﻑ ﻋﯿﻨﯽ ﮐﯽ ﺳﺎﻟﮕﺮﮦ ﺍﺱ ﮐﯽ ﺷﺮﮐﺖ ﮐﮯ ﺑﻐﯿﺮ ﺑﮭﯽ ﺑﮩﺖ ﺷﺎﻧﺪﺍﺭ ﺭﮨﯽ ﺗﮭﯽ۔
ﺗﻘﺮﯾﺐ ﺍﺑﮭﯽ ﺷﺮﻭﻉ ﺑﮭﯽ ﻧﮩﯿﮟ ﮨﻮﺋﯽ ﺗﮭﯽ ﮐﮧ ﻣﺮﯾﻢ ﺍﺳﮯ ﺷﺮﮐﺖ ﮐﮯ ﻟﺌﮯ ﺑﻼﻧﮯ ﭼﻠﯽ ﺁﺋﯽ۔ ﻣﮕﺮ ﻭﮦ ﺟﻮ ﺍﻧﺪﺭ ﺳﮯ ﻟﮩﻮﻟﮩﺎﻥ ﮨﻮ ﺭﮨﯽ ﺗﮭﯽ، ﺍﺳﮯ ﻣﺮﯾﻢ ﮐﺎ ﯾﮧ ﺑﻼﻭﺍ ﺟﻠﺘﯽ ﭘﺮ ﺗﯿﻞ ﮐﺎ ﮐﺎﻡ ﻟﮕﺎ۔ ﺗﺒﮭﯽ ﺍﺳﮯ ﺑﮯ ﺭﺧﯽ ﺳﮯ ﺍﻧﮑﺎﺭ ﮐﺮ ﮐﮯ ﮐﻤﺮﮦ ﺑﻨﺪ ﮐﺮ ﮐﮯ ﺑﯿﭩﮫ ﮔﺌﯽ۔ ﺟﺎﻧﮯ ﮐﯿﻮﮞ ﺍﺱ ﻭﻗﺖ ﺍﺱ ﮐﺎ ﺩﻝ ﺷﺪﺕ ﺳﮯ ﺭﻭﻧﮯ ﮐﻮ ﭼﺎﮦ ﺭﮨﺎ ﺗﮭﺎ۔ ﺍﮔﺮ ﻋﯿﻨﯽ ﻭﮦ ﻟﮍﮐﯽ ﻧﮩﯿﮟ ﺗﮭﯽ ﺟﯿﺴﮯ ﺁﺯﺭ ﭼﺎﮨﺘﺎ ﺗﮭﺎ ﺗﻮ ﭘﮭﺮ ﻭﮦ ﺍﺱ ﭘﺮ ﺍﺗﻨﺎ ﻣﮩﺮﺑﺎﻥ ﮐﯿﻮﮞ ﮨﻮ ﺭﮨﺎ ﺗﮭﺎ؟
ﮐﯿﻮﮞ ﺍﺗﻨﯽ ﺍﮨﻤﯿﺖ ﺩﮮ ﺭﮨﺎ ﺗﮭﺎ ﺍُﺳﮯ؟
ﺳﻮﭺ ﺳﻮﭺ ﮐﺮ ﺍﺱ ﮐﺎ ﺳﺮ ﺩﺭﺩ ﺳﮯ ﭘﮭﭩﻨﮯ ﻟﮕﺎ ﺗﮭﺎ۔
ﺍﺳﮯ ﮨﺮ ﻟﻤﺤﮧ ﺍﻧﺘﻈﺎﺭ ﺭﮨﺎ ﮐﮧ ﻭﮦ ﺍﺳﮯ ﺑﻼﻧﮯ ﺁﺋﮯ ﮔﺎ ﻣﮕﺮ ﺍُﺱ ﮐﺎ ﺍﻧﺘﻈﺎﺭ ﺍﻧﺘﻈﺎﺭ ﮨﯽ ﺭﮨﺎ ﺍﻭﺭ ﺗﻘﺮﯾﺐ ﺧﺘﻢ ﺑﮭﯽ ﮨﻮ ﮔﺌﯽ۔
ﺍﺳﮯ ﭘﺘﮧ ﮨﯽ ﻧﮧ ﭼﻞ ﺳﮑﺎ ﮐﮧ ﻭﮦ ﮐﺘﻨﯽ ﺩﯾﺮ ﺳﺮ ﮔﮭﭩﻨﻮﮞ ﻣﯿﮟ ﺩﯾﺌﮯ ﺭﻭﺗﯽ ﺭﮨﯽ ﺗﮭﯽ۔ ﻣﺴﺰ ﻋﻘﯿﻞ ﺗﻘﺮﯾﺐ ﮐﮯ ﺍﺧﺘﺘﺎﻡ ﮐﮯ ﺑﻌﺪ ﺍُﭨﮫ ﮐﺮ ﺁﻧﮯ ﻟﮕﯿﮟ ﺗﻮ ﺁﺯﺭ ﺑﮭﯽ ﺍﻥ ﮐﮯ ساتھ ﮨﯽ ﭼﻼ ﺁﯾﺎ۔
”ﺁﻧﭩﯽ! ﻣﻮﻣﯽ ﻧﮯ ﮐﮭﺎﻧﺎ ﻧﮩﯿﮟ ﮐﮭﺎﯾﺎ۔ ﭘﻠﯿﺰ ﺍﺳﮯ ﮐﮭﺎﻧﺎ ﮐﮭﻼ ﺩﯾﺠﺌﮯ ﮔﺎ۔“
”ﻟﯿﮑﻦ ﻭﮦ ﺗﻮ ﺍﺏ ﺗﮏ ﺳﻮ ﭼﮑﯽ ﮨﻮ ﮔﯽ۔“
”ﺁﺝ ﻭﮦ ﺍﺗﻨﯽ ﺟﻠﺪﯼ ﻧﮩﯿﮟ ﺳﻮ ﺳﮑﺘﯽ۔
ﺧﯿﺮ ﻣﯿﮟ ﺩﯾﮑﮭﺘﺎ ﮨﻮﮞ۔“
کچھ ﺳﻮﭺ ﮐﺮ ﮐﮩﺘﮯ ﮨﻮﺋﮯ ﻭﮦ ﺳﺮﻋﺖ ﺳﮯ ﺳﯿﮍﮬﯿﻮﮞ ﮐﯽ ﻃﺮﻑ ﺑﮍﮪ ﮔﯿﺎ ﺗﮭﺎ۔
ﻣﻮﻣﯽ ﮐﺎ ﮐﻤﺮﮦ ﺍُﺱ ﮐﯽ ﺗﻮﻗﻊ ﮐﮯ ﺑﺮﺧﻼﻑ ﻻﮐﮉ ﻧﮩﯿﮟ ﺗﮭﺎ۔ ﻭﮦ ﺟﺎﻧﺘﺎ ﺗﮭﺎ ﮐﮧ ﺍﺳﮯ ﻣﻮﻣﯽ ﮐﻮ ﮐﯿﺴﮯ ﮐﮭﺎﻧﺎ ﮐﮭﻼﻧﺎ ﮨﮯ۔ ﻣﮕﺮ ﺍﺱ ﻭﻗﺖ ﺍﺱ ﮐﯽ ﺟﺎﻥ ﭘﺮ ﺑﻦ ﮔﺌﯽ، ﺟﺐ ﺍﺱ ﻧﮯ ﮐﻤﺮﮮ ﮐﮯ ﻭﺳﻂ ﻣﯿﮟ ﻣﻮﻣﯽ ﮐﻮ ﺍﭘﻨﺎ ﭘﯿﭧ ﭘﮑﮍﮮ ﺩﺭﺩ ﺳﮯ ﺗﮍﭘﺘﮯ ﮨﻮﺋﮯ ﺩﯾﮑﮭﺎ۔ ﺑﺠﻠﯽ ﮐﯽ ﺳﺮﻋﺖ ﺳﮯ ﻭﮦ ﺍﺱ ﮐﯽ ﻃﺮﻑ ﻟﭙﮑﺎ ﺗﮭﺎ۔
”ﻣﻮﻣﯽ!“
”ﺁﺯﺭ! ﺁﺯﺭ! ﻣﺠﮭﮯ ﺑﭽﺎ ﻟﻮ۔ ﻣﻢ ﻣﯿﮟ ﻣﺮﻧﺎ ﻧﮩﯿﮟ ﭼﺎﮨﺘﯽ۔“ ﺍﺱ ﮐﺎ ﭼﮩﺮﮦ ﺍﺱ ﻭﻗﺖ ﻋﺠﯿﺐ ﮨﻮ ﺭﮨﺎ ﺗﮭﺎ۔ ﺁﺯﺭ ﮐﻮ ﻟﮕﺎ ﺟﯿﺴﮯ ﺍﺱ ﮐﯽ ﭨﺎﻧﮕﻮﮞ ﺳﮯ ﺟﺎﻥ ﻧﮑﻞ ﮔﺌﯽ ﮨﻮ۔
”ﺍﻭ ﻣﺎﺋﯽ ﮔﺎﮈ ﮐﯿﺎ ﮐِﯿﺎ ﮨﮯ ﺗﻢ ﻧﮯ ﺍﭘﻨﮯ ساتھ؟ ﮐﯿﺎ ﮐﮭﺎﯾﺎ ﮨﮯ؟“ ﻣﻮﻗﻊ ﮐﯽ ﻧﺰﺍﮐﺖ ﮐﺎ ﺍﺣﺴﺎﺱ ﮐﺌﮯ ﺑﻐﯿﺮ ﻭﮦ ﺩﮬﺎﮌﺍ ﺗﮭﺎ۔
ﻣﮕﺮ ﻣﻮﻣﯽ ﺑﻨﺪ ﮨﻮﺗﯽ ﺁﻧﮑﮭﻮﮞ ﮐﮯ ساتھ ﺍﺳﮯ ﮐﻮﺋﯽ ﺟﻮﺍﺏ ﻧﮧ ﺩﮮ ﺳﮑﯽ۔ ﺗﺐ ﻭﮦ ﺍﺳﮯ ﺍﭘﻨﮯ ﻣﻀﺒﻮﻁ ﭘﺎﺅﮞ ﻣﯿﮟ ﺍُﭨﮭﺎ ﮐﺮ ﻧﯿﭽﮯ ﮐﯽ ﻃﺮﻑ ﺑﮭﺎﮔﺎ ﺗﮭﺎ۔ ﻣﺴﺰ ﻋﻘﯿﻞ ﺍﺑﮭﯽ ﮐﭽﻦ ﻣﯿﮟ ﻣﻮﻣﯽ ﮐﮯ ﻟﺌﮯ ﮐﮭﺎﻧﺎ ﻧﮑﺎﻝ ﺭﮨﯽ ﺗﮭﯿﮟ۔ ﺍﻥ ﮐﯽ ﻧﻈﺮ ﺁﺯﺭ ﭘﺮ ﭘﮍﯼ ﺗﻮ ہاتھ ﺳﮯ ﮐﮭﺎﻧﮯ ﮐﯽ ﭨﺮﮮ ﭼﮭﻮﭦ ﮐﺮ ﮔﺮ ﭘﮍﯼ۔
”ﺁﺯﺭ! ﮐﯿﺎ ﮨﻮﺍ ﻣﯿﺮﯼ ﺑﭽﯽ ﮐﻮ؟“
”ﭘﺘﮧ ﻧﮩﯿﮟ ﺁﻧﭩﯽ! ﺷﺎﯾﺪ ﺍﺱ ﻧﮯ کچھ ﮐﮭﺎ ﻟﯿﺎ ﮨﮯ۔ ﭘﻠﯿﺰ ﺟﻠﺪﯼ ﻣﯿﺮﮮ ساتھ ﺁﺋﯿﮟ۔“
ﮔﺎﮌﯼ ﺑﺎﮨﺮ ﮐﮭﮍﯼ ﺗﮭﯽ۔ ﻭﮦ ﺳﺮﻋﺖ ﺳﮯ ﻣﻮﻣﯽ ﮐﻮ ﮔﺎﮌﯼ ﮐﯽ ﭘﭽﮭﻠﯽ ﺳﯿﭧ ﭘﺮ ﻟﭩﺎ ﮐﺮ ﺳﯿﻨﮯ ﻣﯿﮟ ﺍﻭﺩﮬﻢ ﻣﭽﺎﺗﮯ ﺩﻝ ﮐﮯ ساتھ ﻣﺴﺰ ﻋﻘﯿﻞ ﮐﮯ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﯽ ﺑِﻨﺎ ﮐﺴﯽ ﮐﻮ ﺍﻃﻼﻉ ﺩﯾﺌﮯ ﮔﺎﮌﯼ ﺑﮭﮕﺎ ﻟﮯ ﮔﯿﺎ۔ ﻣﺴﺰ ﻋﻘﯿﻞ ﮐﮯ ہاتھ ﭘﺎﺅﮞ ﭨﮭﻨﮉﮮ ﮨﻮ ﺭﮨﮯ ﺗﮭﮯ۔ ﺑﺎﺭ ﺑﺎﺭ ﻣﻮﻣﯽ ﮐﺎ ﻣﻨﮧ ﭼﻮﻣﺘﮯ ﮨﻮﺋﮯ ﻭﮦ ﺭﻭ ﺭﮨﯽ ﺗﮭﯿﮟ۔ ﺟﺒﮑﮧ ﺁﺯﺭ ﮐﺎ ﺩﻝ ﺍﺳﮯ کچھ ﮨﻮ ﺟﺎﻧﮯ ﮐﮯ ﺗﺼﻮﺭ ﺳﮯ ﮨﯽ ﭘﮭﭧ ﺭﮨﺎ ﺗﮭﺎ۔ ﺍﺱ ﮐﺎ ﺑﺲ ﻧﮧ ﭼﻠﺘﺎ ﺗﮭﺎ ﮐﮧ ﮔﺎﮌﯼ ﮐﺴﯽ ﺩﺭﺧﺖ ﺳﮯ ﭨﮑﺮﺍ ﮐﺮ ﺍﭘﻨﺎ ﻭﺟﻮﺩ ﭨﮑﮍﮮ ﭨﮑﮍﮮ ﮐﺮ ﮈﺍﻟﺘﺎ۔
ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﺱ ﻧﮯ ﭨﺮﯾﻔﮏ ﺳﮕﻨﻞ ﮐﮯ ﻗﻮﺍﻧﯿﻦ ﮐﻮ ﺗﻮﮌﺍ ﺗﮭﺎ۔ ﮔﺎﮌﯼ ﮐﻮ ﺳﮍﮎ ﭘﺮ ﺩﻭﮌﺍﻧﮯ ﮐﮯ ﺑﺠﺎﺋﮯ ﮨﻮﺍ ﻣﯿﮟ ﺍُﮌﺍﺗﮯ ﮨﻮﺋﮯ ﻭﮦ ﮨﺎﺳﭙﭩﻞ ﭘﮩﻨﭽﺎ ﺗﮭﺎ ﺍﻭﺭ ﻭﮨﺎﮞ ﮈﯾﻮﭨﯽ ﭘﺮ ﻣﻮﺟﻮﺩ ﮈﺍﮐﭩﺮﺯ ﮐﻮ ﻏﯿﺮ ﺣﺎﺿﺮ ﭘﺎ ﮐﺮ ﺩﯾﮕﺮ ﻋﻤﻠﮯ ﭘﺮ ﺑﺮﺱ ﭘﮍﺍ ﺗﮭﺎ۔ ﺍُﺱ ﮐﺎ ﺑﺲ ﻧﮧ ﭼﻠﺘﺎ ﺗﮭﺎ ﮐﮧ ﺳﺐ ﮐﻮ ﮔﺮﯾﺒﺎﻥ ﺳﮯ ﭘﮑﮍ ﮐﺮ ﺯﺑﺮﺩﺳﺘﯽ ﺍﯾﻤﺮﺟﻨﺴﯽ ﺭﻭﻡ ﻣﯿﮟ ﺩﮬﮑﯿﻞ ﺩﯾﺘﺎ۔ ﯾﮧ ﮐﯿﺴﺎ ﺍﻣﺘﺤﺎﻥ ﺗﮭﺎ ﻣﺤﺒﺖ ﮐﺎ ﮐﮧ ﺟﺴﮯ ﺟﻼ ﮐﺮ، ﺳﺘﺎ ﮐﺮ ﻭﮦ ﻟﻄﻒ ﺳﻤﯿﭩﺘﺎ ﺗﮭﺎ، ﺍﺏ ﻭﮨﯽ ﺯﻧﺪﮔﯽ ﺍﻭﺭ ﻣﻮﺕ ﮐﯽ ﮐﺸﻤﮑﺶ ﻣﯿﮟ ﺗﮭﯽ ﺗﻮ ﺟﯿﺴﮯ ﻭﮦ ﺩﯾﻮﺍﻧﮧ ﮨﻮ ﮐﺮ ﺭﮦ ﮔﯿﺎ ﺗﮭﺎ۔ ﺻﺤﯿﺢ ﻣﻌﻨﻮﮞ ﻣﯿﮟ ﺍﺳﮯ ﺍﺑﮭﯽ ﺍﺣﺴﺎﺱ ﮨﻮﺍ ﺗﮭﺎ ﮐﮧ ﻭﮦ ﺍﺱ ﮐﮯ ﻟﺌﮯ ﮐﺘﻨﯽ ﻗﯿﻤﺘﯽ ﺗﮭﯽ۔ ﺟﺎﻧﮯ ﯾﮧ ﺍﯾﮏ ﻣﺎﮞ ﮐﯽ ﺩﻋﺎﺅﮞ ﮐﺎ ﺍﺛﺮ ﺗﮭﺎ ﮐﮧ ﻣﺤﺒﻮﺏ ﮐﯽ ﺑﺮﻭﻗﺖ ﮐﻮﺷﺸﻮﮞ ﮐﺎ ﺟﻮ ﻭﮦ ﻣﻮﺕ ﮐﻮ ﺷﮑﺴﺖ ﺩﮮ ﮐﺮ ﺯﻧﺪﮔﯽ ﮐﯽ ﻃﺮﻑ ﻭﺍﭘﺲ ﭘﻠﭧ ﺁﺋﯽ ﺗﮭﯽ۔ ﮈﺍﮐﭩﺮﺯ ﮐﮯ ﻣﻄﺎﺑﻖ ﺍﺱ ﻧﮯ ﭼﻮﮨﮯ ﻣﺎﺭ ﺍﺩﻭﯾﺎﺕ ﭘﮭﺎﻧﮑﯽ ﺗﮭﯿﮟ ﺟﺲ ﺳﮯ ﺍﺱ ﮐﺎ ﻣﻌﺪﮦ ﭼﮭﻠﻨﯽ ﮨﻮﻧﮯ ﮐﺎ ﺧﺪﺷﮧ ﺗﮭﺎ۔ ﺍﺱ ﮐﺎ ﺯﻧﺪﮦ ﺑﭻ ﺟﺎﻧﺎ ﺍﯾﮏ ﻃﺮﺡ ﺳﮯ ﻣﻌﺠﺰﮦ ﮨﯽ ﺧﯿﺎﻝ ﮐﯿﺎ ﺟﺎ ﺭﮨﺎ ﺗﮭﺎ۔ ﺟﺐ ﺗﮏ ﻭﮦ ﺍﯾﻤﺮﺟﻨﺴﯽ ﻭﺍﺭﮈ ﻣﯿﮟ ﺭﮨﯽ، ﺁﺯﺭ ﮐﻮ ﺍﭘﻨﯽ ﺟﺎﻥ ﺳُﻮﻟﯽ ﭘﺮ ﻟﭩﮑﯽ ﻣﺤﺴﻮﺱ ﮨﻮﺗﯽ ﺭﮨﯽ۔ ﺍﺱ ﺩﻭﺭﺍﻥ ﺍﺱ ﻧﮯ ﻧﮧ ﺗﻮ ﮐﺴﯽ ﮐﺎ ﻓﻮﻥ ﺳﻨﺎ، ﻧﮧ ﺍﯾﮏ ﭘﻞ ﮐﮯ ﻟﺌﮯ ﺑﮭﯽ ﮨﺎﺳﭙﭩﻞ ﺳﮯ ﺑﺎﮨﺮ ﮔﯿﺎ۔ ﺟﺲ ﻭﻗﺖ ﮈﺍﮐﭩﺮﺯ ﻧﮯ ﺍﺳﮯ ﻣﻮﻣﯽ ﮐﯽ ﺯﻧﺪﮔﯽ ﺧﻄﺮﮮ ﺳﮯ ﺑﺎﮨﺮ ﮨﻮﻧﮯ ﮐﯽ ﻧﻮﯾﺪ ﺳﻨﺎﺋﯽ، ﻭﮦ ﭘﻠﮑﯿﮟ ﻣﻮﻧﺪﮮ، ﺳﺮ ﺩﯾﻮﺍﺭ ﺳﮯ ﭨﮑﺎﺋﮯ ﺳُﻦ ﺑﯿﭩﮭﺎ ﺗﮭﺎ۔ ﺍﺱ ﮐﯽ ﺯﻧﺪﮔﯽ ﮐﯽ ﻧﻮﯾﺪ ﺳﻨﻨﮯ ﮐﮯ ﺑﻌﺪ ﺍﺳﮯ ﺯﻧﺪﮔﯽ ﺍﭘﻨﮯ ﺍﻧﺪﺭ ﺩﻭﮌﺗﯽ ﻣﺤﺴﻮﺱ ﮨﻮﺋﯽ ﺗﮭﯽ۔
ﮈﺍﮐﭩﺮﺯ ﮐﮯ ﻣﻄﺎﺑﻖ ﻣﻮﻣﯽ ﺑﮯ ﮨﻮﺷﯽ ﻣﯿﮟ ﻣﺴﻠﺴﻞ ﺍﭘﻨﯽ ﻣﺎﮞ ﺍﻭﺭ ﺑﺎﭖ ﮐﮯ ساتھ ﺁﺯﺭ ﮐﻮ ﭘﮑﺎﺭﺗﯽ ﺭﮨﯽ ﺗﮭﯽ۔ ﺍﺱ ﮐﮯ ﮐﻤﺮﮮ ﻣﯿﮟ ﺷﻔﭧ ﮨﻮﻧﮯ ﮐﮯ ﺑﻌﺪ ﺁﺯﺭ ﻧﮯ ﮔﮭﺮ ﻓﻮﻥ ﮐﺮ ﮐﮯ ﺍﭘﻨﯽ ﻣﺎﻣﺎ ﺍﻭﺭ ﺩﯾﮕﺮ ﺍﻓﺮﺍﺩ ﮐﻮ ﺍﻃﻼﻉ ﺩﯼ ﺗﮭﯽ۔ ﺁﺳﯿﮧ ﺑﯿﮕﻢ ﮐﮯ ساتھ ﺟﺲ ﻭﻗﺖ ﻣﺮﯾﻢ ﺍﻭﺭ ﻋﯿﻨﯽ ﻧﮯ ﮐﻤﺮﮮ ﻣﯿﮟ ﻗﺪﻡ ﺭﮐﮭﺎ، ﻭﮦ ﺑﮯ ﮨﻮﺵ ﭘﮍﯼ ﻣﻮﻣﯽ ﮐﺎ ہاتھ ﺗﮭﺎﻣﮯ، ﺑﯿﮉ ﭘﺮ ﺍﺱ ﮐﮯ ﺳﺮﮨﺎﻧﮯ ﺑﯿﭩﮭﺎ ﺗﮭﺎ۔ ﻋﯿﻨﯽ ﮐﮯ ﺍﻧﺪﺭ ﺑﮯ ﭼﯿﻨﯽ ﺳﯽ ﭘﮭﯿﻞ ﮔﺌﯽ۔ ﻣﺮﯾﻢ ﺍﻭﺭ ﺁﺳﯿﮧ ﺑﯿﮕﻢ، ﻣﻮﻣﯽ ﮐﻮ ﭼﻮﻣﺘﮯ ﮨﻮﺋﮯ ﺭﻭ ﺭﮨﯽ ﺗﮭﯿﮟ۔ ﺟﺒﮑﮧ ﺍﺱ ﻧﮯ ﺁﺯﺭ ﮐﮯ ﻗﺮﯾﺐ ﺟﺎ ﮐﺮ ﺍﭘﻨﺎ ہاتھ ﺍﺱ ﮐﮯ ﻣﻀﺒﻮﻁ ﮐﻨﺪﮬﮯ ﭘﺮ ﺭﮐﮭﺎ ﺗﮭﺎ۔
”ﺍﺏ ﮐﯿﺴﯽ ﻃﺒﯿﻌﺖ ﮨﮯ ﻣﻮﻣﯽ ﮐﯽ؟“
”ﺧﻄﺮﮮ ﺳﮯ ﺑﺎﮨﺮ ﮨﮯ۔“ ﺁﺯﺭ ﮐﮯ ﻟﮩﺠﮯ ﺳﮯ ﻟﮓ ﺭﮨﺎ ﺗﮭﺎ، ﺟﯿﺴﮯ ﺍﺳﮯ ﺑﻮﻟﻨﺎ ﺩﺷﻮﺍﺭ ﻟﮓ ﺭﮨﺎ ﮨﻮ۔ ﻭﮦ ﻭﮨﯿﮟ ﮐﮭﮍﯼ ﺭﮨﯽ۔
”ﭨﯿﻨﺸﻦ ﻣﺖ ﻟﻮ ﺁﺯﺭ! ﺍﻟﻠﮧ ﻧﮯ ﭼﺎﮨﺎ ﺗﻮ ﺳﺐ ﭨﮭﯿﮏ ﮨﻮ ﺟﺎﺋﮯ ﮔﺎ۔ ﺍﻧﮑﻞ ﮐﻮ ﻓﻮﻥ ﮐﯿﺎ ﮨﮯ؟“
”ﻧﮩﯿﮟ۔ ﺍﺱ ﻭﻗﺖ ﺍﻧﮩﯿﮟ ﭘﺮﯾﺸﺎﻥ ﮐﺮﻧﺎ ﻣﻨﺎﺳﺐ ﻧﮩﯿﮟ۔“ ﻋﻘﯿﻞ ﺻﺎﺣﺐ ﻣﻠﮏ ﺳﮯ ﺑﺎﮨﺮ ﺗﮭﮯ، ﺍﺱ ﻟﺌﮯ ﺁﺯﺭ ﻧﮯ ﺍﻧﮩﯿﮟ ﺍﻃﻼﻉ ﻧﮩﯿﮟ ﺩﯼ۔ ﻭﯾﺴﮯ ﺑﮭﯽ ﻣﻮﻣﯽ ﺍﺏ ﮨﻮﺵ ﻣﯿﮟ ﺁ ﺭﮨﯽ ﺗﮭﯽ۔ ﺁﺯﺭ ﺧﺎﻣﻮﺷﯽ ﺳﮯ ﺍُﭨﮫ ﮐﺮ ﮐﻤﺮﮮ ﺳﮯ ﺑﺎﮨﺮ ﻧﮑﻞ ﺁﯾﺎ۔ ﻋﯿﻨﯽ ﺑﮭﯽ ﺍﺱ ﮐﮯ ﭘﯿﭽﮭﮯ ﮨﯽ ﺑﺎﮨﺮ ﺁﺋﯽ ﺗﮭﯽ۔
”کچھ ﭘﺘﮧ ﭼﻼ ﮐﮧ ﻣﻮﻣﯽ ﻧﮯ ﺍﯾﺴﺎ ﮐﯿﻮﮞ ﮐﯿﺎ؟“
”ﭘﺘﮧ ﮐﺲ ﺳﮯ ﭼﻠﻨﺎ ﮨﮯ؟ ﻣﯿﮟ ﺟﺎﻧﺘﺎ ﮨﻮﮞ ﮐﮧ ﺍﺱ ﻧﮯ ﺍﯾﺴﺎ ﮐﯿﻮﮞ ﮐﯿﺎ۔“ ﺁﺯﺭ ﮐﯽ ﺁﻧﮑﮭﯿﮟ ﺍﺱ ﻟﻤﺤﮯ ﺟﯿﺴﮯ ﺟﻞ ﺭﮨﯽ ﺗﮭﯿﮟ۔ ﻋﯿﻨﯽ ﺍﺱ ﮐﮯ ﭘﮩﻠﻮ ﻣﯿﮟ ﭨِﮏ ﮔﺌﯽ۔
”ﻣﯿﮟ ﮐﺌﯽ ﺩﻧﻮﮞ ﺳﮯ ﯾﮧ ﺑﺎﺕ ﻣﺤﺴﻮﺱ ﮐﺮ ﺭﮨﯽ ﺗﮭﯽ ﺁﺯﺭ! ﮐﮧ ﻭﮦ ﭨﯿﻨﺲ ﮨﮯ۔
ﺷﺎﯾﺪ ﻭﮦ ﺗﻢ ﺳﮯ ﺑﮩﺖ ﺟﻨﻮﮞ ﺧﯿﺰ ﻗﺴﻢ ﮐﯽ ﻣﺤﺒﺖ ﮐﺮﺗﯽ ﮨﮯ۔“
”ﻭﮦ ﺑﮩﺖ ﭘﺎﮔﻞ ﮨﮯ ﻋﯿﻨﯽ! ﻣﯿﮟ ﺑﭽﭙﻦ ﺳﮯ ﺟﺎﻧﺘﺎ ﮨﻮﮞ ﺍﺳﮯ۔ ﻣﮕﺮ ﭘﺎﮔﻞ ﭘﻦ ﻣﯿﮟﻭﮦ ﮐﻮﺋﯽ ﺍﯾﺴﺎ ﺍﺣﻤﻘﺎﻧﮧ ﻗﺪﻡ ﺑﮭﯽ ﺍﭨﮭﺎ ﺳﮑﺘﯽ ﮨﮯ، ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ۔“ ﻭﮦ ﭘﺮﯾﺸﺎﻥ ﺗﮭﺎ۔
ﻋﯿﻨﯽ ﺩﯾﺮ ﺗﮏ ﺍﺱ ﮐﮯ ﭘﮩﻠﻮ ﻣﯿﮟ ﺑﯿﭩﮭﯽ ﺍﺳﮯ ﺗﺴﻠﯿﺎﮞ ﺩﯾﺘﯽ ﺭﮨﯽ ﺗﮭﯽ!
۔۔۔۔۔۔۔۔۔۔
