جئیں ڈیہنہ دا سانول پار گیا رُل گئے اُڑوار نمانڑیں
او سرخی کجلہ نالے مہندی گئی گئے ہار سنگھار تے گانڑیں
آ رولے گے مقسوماں کوں چُھٹ گے گھر بار ٹھکانے
تنویرؔ سجنٹر شالا سُکھ مانٹریں او میں اُجڑ گیا اوہ جانڑیں
کھس کے چین قرار وے سانول ونج وسیا ایں پار وے سانول
پیاسے دل دی پیاس ودھاوے خواب دکھاوے میڈے سُتڑے درد جھگاوے دِل تڑپاوے
ساون میگھ ملہار وے سانول ونج وسیاں ایں پار وے سانول
دھمی ویلے تتر بلیندا کول سڈیندا وچھڑے یار دی یاد ڈویندا بھاہ بھڑکیندا
فصلاں دے وچکار وے سانول ونج وسیاں ایں پار وے سانول
میڈا اِک اِک زخم گواہ اے لب تے آہ اِے تیڈی تانگھ اِچ آخری ساہ اے اُوکھا رَاہ اِے
دے ونج ہنٹر دیدار وے سانول ونج وسیاں ایں پار وے سانول
کیویں بِن تنویرؔ گذاراں سخت لاچار آں رستے ویکھاں ہکلاں ماراں موڑ مہاراں
ول آ ہنٹر منٹھار وے سانول ونج وسیاں ایں پار وے سانول
