نہ میں جوگی نہ میں جنگم نہ میں چِلا کمایا ہو
نہ میں بھجج مسیتیں وڑیا نہ تسبا کھڑکایا ہو
جو دم غافل سو دم کافر مرشد اہ فرمایا ہو
مرشد سوہنڑی کیتی باہوؔ پل وچ جا پہنچایا ہو
ثابت صدق قدم اگیرے تائیں رب لبھیوے ہو
لوں لوں دے وچ ذکر اللہ دا ہر دم پیا پڑھیوے ہو
ظاہر باطن عین عیانی ہو ہو پیا سنیوے ہو
نام فقیر تنہاں دا باہوؔ قبر جنہاں دی جیوے ہو
اللہ پڑھیوں حافظ ہویوں نہ گیا حجابوں پردہ ہو
پڑھ پڑھ عالم فاضل ہویوں طالب ہویوں زردا ہو
لکھ ہزار کتاباں پڑھیاں ظالم نفس نہ مردا ہو
باجھ فقیراں کوئی نہ مارے ایہو چور اندر دا ہو
