شامِ سحر

عالم ایک کی عجیب سی آواز سن کر چونکا۔۔۔ اسنے پیچھے مڑ کر دیکھا۔۔۔۔ سامنے کا منظر دیکھ کر
اسکے اوسان خطا ہوگۓ تھے۔۔۔
وہ دونوں لڑکے غائب تھے انکی جگہ پر دو بڑی جسامت کے خون خوار بھیڑیے اسکی طرف بڑھ رہے تھے۔۔۔۔ وہ بے اختیار پیچھے ہوا۔۔۔اسکی نگاہیں اسکے قدم پیچھے ہونے کے ساتھ ساتھ ادھر ادھر بھی گھوم رہی تھیں۔۔۔ وہ دیکھنا چاہ رہا تھا کہ وہ لڑکے آخر کہاں گئے۔۔۔۔ اچانک اسکا پیر کسی چیز سے ٹکرایا۔۔۔ جس سے وہ اپنا توازن برقرار نا رکھ پایا۔۔۔ اور پشت کے بل پیچھے کی طرف گرا۔۔۔۔ نیچے گرتے ہی نجانے کتنی نوکیلی چیزیں اسے اپنی کمر میں پیوست ہوتی محسوس ہوئیں۔۔۔۔ اسکے منہ سے درد بھری سسکاری نکلی۔۔۔ ایک بھیڑیے نے چھلانگ لگائی۔۔۔ اور اسکے قریب آ کر اسکے سینے پر اپنے نوکیلے ناخنوں کا والا پیر رکھا۔۔۔۔ عالم کا سانس بند ہونے لگا۔۔۔ وہ اسے اپنا آخری وقت سمجھ کر بے اختیار کلمہ پڑھنے لگا۔۔۔۔
ان لڑکوں کو ڈھونڈنے کی ضرورت نہیں۔۔۔ وہ ہم ہی ہیں۔۔۔!!
انسان کے بچے۔۔۔۔
اس بھیڑیے کے منہ سے یہ الفاظ سن کر عالم نے جھٹ سے آنکھیں کھولیں۔۔۔ اسکے چہرے پر شدید حیرت تھی۔۔۔ اسے سمجھ نہیں آ رہا تھا یہ خواب ہے یا حقیقت۔۔۔۔ اس سے پہلے وہ کچھ بولنے کے قابل ہوتا۔۔۔ دوسرے بھیڑیے نے آگے بڑھ کر اپنا ناخن مارا۔۔۔ جس سے اسکی شرٹ پھٹ گئی۔۔۔۔ سینے سے خون کی ایک لکیر بہنے لگی تھی۔۔۔۔
عالم کے منہ سے ایک درد ناک چیخ نکلی تھی۔۔۔۔
پہلے بھیڑیے نے اپنا منہ کھولا۔۔۔ اور اسکی گردن دبوچنے کے لئے اسکی طرف بڑھا۔۔۔ مگر اچانک وہ اچھل کر اسکے اوپر سے اترا۔۔۔۔ عالم نے اپنی لہو رنگ ہوتی آنکھیں کھولیں۔۔۔اور دیکھا۔۔۔ وہ بھیڑیے غائب تھے۔۔۔وہاں وہ دونوں لڑکے کھڑے تھے۔۔۔ اور شاید کسی سے معافی مانگ رہے تھے۔۔۔ مگر جس سے وہ بات کر رہے تھے۔۔۔۔ اسکا نا وجود اور نا ہی آواز کچھ بھی عالم کو سنائی اور دکھائ نہیں دے رہا تھا۔۔۔۔
وہ دونوں وہاں سے چلے گئے۔۔۔۔ عالم کا وجود وہیں پڑا تھا۔۔۔۔ وہ آہستہ آہستہ غنودگی میں جا رہا تھا۔۔۔۔
پھر اسے ایسا محسوس ہوا جیسے کوئی طاقت تھی۔۔۔ جو اسے کھڑا کر رہی تھی۔۔۔ وہ با مشکل اٹھا اور لڑکھڑاتے ہوئے آگے بڑھنے لگا۔۔۔۔ اسے چلتے ہوئے چکر آنے کی وجہ سے کئ بار ٹھوکر لگی۔۔۔ مگر کوئی تھا جو اسے مسلسل دھکیل رہا تھا۔۔۔۔ تھوڑا آگے جا کر عالم نے نگاہیں اٹھائیں۔۔۔۔ آگے ایک دیوار نما عجیب سی چیز تھی۔۔۔۔ وہ دیکھنے میں ایسی تھی جیسے پانی کی لہریں ہوں۔۔۔۔ اس میں عجیب سی سیاہ چمک تھی۔۔۔
اسکے نیند میں جاتے ہوئے دماغ میں بھی اس دیوار کے متعلق سوال اے تھے۔۔۔۔ اچانک اسے زور دار دھکا لگا۔۔۔۔
وہ اس دیوار سے باہر نکلتا گیا۔۔۔۔ 
مگر اس سے نکلتے ہوئے اسے کچھ محسوس نہیں ہوا۔۔۔۔
کچھ بھی نہیں۔۔۔۔!!
وہ لڑکھڑاتا ہوا گرا۔۔۔ وہ آخری لمحہ تھا۔۔ جب مکمّل طور پر بیہوش ہوتے ہوئے کہیں سے اس نے کسی کی آواز سنی تھی۔۔۔۔
کسی لڑکی کی۔۔۔۔!!
    
گڑیا کو گم ہوئے تین دن ہوگۓ تھے۔۔۔۔ ان تین دنوں میں احسن اور عافیہ بیگم کی حالت خراب ہو چکی تھی۔۔۔ عافیہ کا کھانا پینا تک بھی اب بند ہو چکا تھا۔۔۔وہ بس روتے ہوئے صرف گڑیا کا نام پکار رہی تھی۔۔۔احسن صاحب تو کچھ بول ہی نہیں رہے تھے۔۔۔ انکے لبوں پر چپ کی مہر لگ گئی تھی۔۔۔۔ علی صاحب ابھی تک گڑیا کو ڈھونڈنے کی پوری کوشش کر رہے تھے۔۔۔۔
مگر کچھ خاص پتا نہیں چلا تھا۔۔۔۔سدرہ بیگم کا بھی غم سے برا حال تھا۔۔ مگر وہ عافیہ کے لئے خود کو سنبھالے بیٹھی تھیں۔۔۔ اور معصوم عالم کے سوالات نے انہیں مزید پریشان کر رکھا تھا۔۔۔ "مما گڑیا کہاں گئی۔۔۔۔؟"
مجھے گڑیا چاہیے۔۔۔ وہ میری تھی۔۔۔ جس نے اسے اٹھایا ہے۔۔۔ اسکو نہیں پتا وہ میری گڑیا ہے۔۔۔ اسکو بتاؤ۔۔۔ مما۔۔ اسے کہو میری گڑیا مجھے واپس کر دے۔۔۔ میں اسکے ساتھ کھیلنا چاہتا ہوں۔۔۔۔ وہ روتے ہوئے روز ہی ایک بات کرتا اور پوچھتا تھا۔۔۔۔
مگر سدرہ بیگم کے پاس کوئی جواب نہیں ہوتا تھا۔۔۔
بھائی صاحب۔۔! عافیہ۔۔۔! کچھ کھا لیں تھوڑا سا۔۔۔ پلیز۔۔۔ سدرہ نے کھانا ان دونوں کے سامنے لا کر رکھا۔۔۔۔ مگر انکی ساکن حالت میں کوئی فرق نہیں پڑا۔۔۔
احسن بھائی۔۔۔۔!! عافیہ بھابی ۔۔۔
اس بار علی صاحب نے انہیں پکارا۔۔۔ مگر جواب ندراد۔۔۔
انہوں نے ایک بے بس نگاہ سدرہ بیگم پر ڈالی۔۔۔۔
اچھا میں خود کھلاتا ہوں ۔۔۔ وہ احسن صاحب کے سامنے آ بیٹھے۔۔۔ اور سدرہ عافیہ بیگم کے سامنے۔۔۔۔ علی صاحب نے نوالہ توڑنے کے لئے ہاتھ بڑھایا۔۔۔ مگر جیب میں موجود انکا موبائل تھرتھرا اٹھا تھا۔۔۔۔
ایکسکیوز کر کہ انہوں نے کال ریسیو کی۔۔۔۔
آگے سے جو خبر ملی اسنے نے انکے ہوش اڑا دئے تھے۔۔۔۔
خبر کے مطابق گڑیا کی لاش کچرے پر پڑی ملی تھی۔۔۔۔۔
    
اسکی آنکھ کسی کے لمس سے کھلی۔۔۔۔ کوئی نرمی سے اسکے بالوں میں انگلیاں چلا رہا تھا۔۔۔
اسنے مندی مندی آنکھوں سے دیکھا۔۔۔ مورے اسکا سر گود میں لئے اسکے بالوں میں نرمی سے انگلیاں چلا رہی تھیں۔۔۔۔
ارے مورے آپ۔۔۔۔؟
کب آئیں۔۔۔
وہ اٹھ کر بیٹھی۔۔۔ اور انکے ہاتھ تھامے پوچھنے لگی۔۔۔۔
ارے میری جان۔۔۔ تم سو رہی تھی۔۔۔اور مجھے لگا۔۔۔ کہ تم نیند میں بے چین ہو۔۔۔
اسی لئے تمھارے پاس آئ۔۔۔ کہیں تم ڈر جاؤ۔۔۔ اور میں تمھارے پاس نا ہوں۔۔۔
انہوں نے شفقت سے اسکا ماتھا چوما ۔۔۔
مورے۔۔۔ وہ انکے ساتھ لپٹ گئی۔۔۔۔
اچھا خواب کیا دیکھا۔۔۔۔
انہوں نے دل ہی دل میں شکر ادا کرتے ہوئے اسکے پوچھا۔۔۔ کہ وہ انکے وظیفہ کرنے کے باعث سب کچھ بھول گئی تھی۔۔۔
میں نے۔۔۔۔؟
وہ سوچتی ہوئی انکی گود میں سر رکھ کر لیٹی۔۔۔
ہاں نا بتاؤ۔۔۔ کیا خواب میں دیکھا۔۔۔۔
مم۔۔۔ میں۔۔۔ کک۔۔۔ کیسے بتاؤں۔۔۔۔؟؟
مم۔۔۔ مجھے شرم آتی ہے۔۔۔۔وہ اپنا چہرہ ہاتھوں میں چھپاتی ہوئی بولی ۔ 
مورے ہنس پڑیں۔۔۔
ارے۔۔۔۔؟ ایسا کیا دیکھ لیا۔۔۔۔
میں نے۔۔۔۔۔۔۔
میں نے دیکھا۔۔۔۔۔۔۔
وہ ایک گہرا سانس لے کر رکی۔۔۔۔
ہمم۔۔۔ بتاؤ۔۔۔۔
میں نے دیکھا۔۔۔۔
ایک۔۔۔ ایک۔۔۔ بہت ہی پیارا لل۔۔۔۔ لڑکا ۔۔۔۔۔۔ مم۔۔۔ میرے کمرے کے سامنے پڑا ہے۔۔۔ پھر میں نے۔۔۔۔
اسکا۔۔۔۔۔
اس۔۔۔ اسکا۔۔۔۔۔!
وہ رک گئی۔۔۔ چہرہ سرخ پڑ گیا تھا۔۔۔۔
مورے کے چہرے کا رنگ بدل گیا تھا۔۔۔وہ تو شکر تھا کہ وہ حقیقت کو خواب سمجھ رہی تھی۔۔۔
ہمم۔۔۔ آگے بتاؤ۔۔۔۔
وہ اسکو تھپکتے ہوئے بولیں۔۔۔۔
میں نے اسکا سر۔۔۔۔ سر ہا۔۔۔۔ ہاتھوں میں اٹھایا۔۔۔ اور پھر میرے بال اسکی شرٹ میں پھنس گئے۔۔۔۔
وہ کہتے ہوئے تھوڑا سا جھجھکی تھی۔۔۔۔۔
پھر کوئی آیا اور مجھے اٹھا کر لے گیا۔۔۔
اور آگے مجھے یاد نہیں۔۔۔۔
وہ منہ بناتی ہوئی انکی گود میں منہ چھپا گئی۔۔۔۔
اچھا خواب تھا۔۔۔!!
مورے کی آواز پر وہ چونکی۔۔۔۔
اسنے انکی طرف دیکھا۔۔۔۔۔
وہ شریرنظروں سے اسے دیکھ رہی تھی۔۔۔۔
مورے۔۔۔
اسنے منہ بنایا۔۔۔۔۔
اور پھر مورے کے ہنسنے پر انکے ساتھ کھلکھلا کر ہنس پڑی تھی۔۔۔۔
     
عالم آگیا۔۔۔۔؟؟
بابا نے مما سے پوچھا۔۔۔ جی رات کو پتا نہیں کس ٹائم آیا۔۔۔ نا دروازہ کھلنے کی آواز۔۔۔ نا کوئ اور آہٹ۔۔۔ اور چوکیدار بھی حیران تھا۔۔۔۔
وہ پریشانی سے بولیں۔۔۔ ارے پچھلے دروازے سے نا آیا ہو۔۔۔ ٹینشن مت لو ۔۔اب کہاں ہے وہ؟؟
ابھی تو سو رہا ہے۔۔۔۔
انہوں نے جواب دیا۔۔۔۔
اچھا تم چائے میرے کمرے میں بھجوا دو۔۔۔۔
بعد میں اس سے بات کریں گے۔۔۔۔
وہ کمرے کی طرف بڑھ گئے۔۔۔۔
اسکی آنکھ کھلی۔۔۔۔۔
چند لمحے تو وہ آنکھیں بند کۓ ویسے ہی لیٹا رہا۔۔۔
تھوڑی دیر بعد اس نے آنکھیں کھولیں۔۔۔ اور ادھر ادھر دیکھا۔۔۔۔
ان لڑکوں کو ڈھونڈنے کی ضرورت نہیں ۔۔۔۔
وہ ہم ہی ہیں۔۔۔۔!!
انسان کے بچے۔۔۔۔
اس کے ذہن میں وہ آواز گونجی۔۔۔۔
وہ جھٹکے سے اٹھ بیٹھا۔۔۔۔
اسکا جسم پسینے میں شرابور ہوگیا تھا۔۔۔
مم۔۔۔ میں یہاں کیسے۔۔۔۔؟؟
وہ خود کو اپنے کمرے میں اپنے بستر پر دیکھ کر حیران تھا۔۔ ۔
اور میرا زخم۔۔۔۔ اسنے بے اختیار اپنے سینے پر ہاتھ مارا۔۔۔۔
اپنی شرٹ میں کچھ محسوس کر کہ اسنے اسے پکڑا۔۔۔۔ وہ جو بھی تھا اسکی شرٹ کے بٹن میں الجھا ہوا تھا۔۔۔ اس نے اسے کھینچا۔۔۔۔ اور اپنی آنکھوں کے سامنے لایا۔۔۔۔
وہ کسی لڑکی کے بال تھے۔۔۔۔ لمبے اور سیاہ۔۔۔۔۔!!!
عالم انہیں اپنی شرٹ میں دیکھ کر ساکت رہ گیا تھا۔۔۔۔
کک۔۔کیا ہوا۔۔۔۔؟؟
احسن صاحب علی کی اڑی ہوئی رنگت دیکھ کر بولے۔۔۔۔
بب۔۔۔بھا۔۔۔۔ بھائ۔۔۔ علی صاحب کا وجود لرز رہا تھا۔۔۔۔
انہیں سمجھ نہیں آ رہی تھی۔۔۔۔
کہ وہ کیسے سب کو فیس کریں۔۔۔۔۔
علی کیا ہوا ہے۔۔۔
انکے اٹکنے پر احسن نے انہیں جھنجھوڑ ڈالا تھا۔۔۔۔
عافیہ بیگم سانس روکے سدرہ کا ہاتھ سختی سے تھامے کھڑی تھیں۔۔۔۔
انکی چھٹی حس نے انہیں پہلے ہی خطرے سے آگاہ کر دیا تھا۔۔۔۔
بھائی۔۔۔ بھائی۔۔۔۔ علی صاحب کے آنسو اب پلکوں کی باڑھ پھلانگ چکے تھے۔۔۔۔
بھائی۔۔۔ گگ۔۔۔گڑیا۔۔۔ ہم۔۔۔ ہمیں چھ۔۔۔چھ۔۔۔چھوڑ کر چلی گئی ہے۔۔۔۔
وہ کہتے ہوئے پھوٹ پھوٹ کر رو پڑے۔۔۔۔۔
نہیں۔۔۔۔ نہیں۔۔۔۔۔ احسن صاحب دل پر ہاتھ رکھ کر بڑبڑاۓ۔۔۔۔
ای۔۔۔۔ ایسا نن۔۔۔نہیں ہو سکتا۔۔۔۔۔
وہ بہت مشکل سے بولے تھے۔۔۔۔
ایسا ہو چکا ہے بھائی۔۔۔۔
ہو چکا ہے۔۔۔۔
علی صاحب چلاۓ۔۔۔۔
انکے چلانے پر عالم جو سویا ہوا تھا۔۔۔ بھاگ کر باہر نکلا۔۔۔۔
کچھ کچھ سمجھ آنے اور نا آنے پر بھی وہ رونا شروع ہو چکا تھا۔۔۔۔۔
آاااا۔۔۔۔ اچانک احسن صاحب دل پر ہاتھ رکھ تکلیف سے دبی دبی آواز میں چلاۓ۔۔۔۔
بھائی صاحب۔۔۔۔
احسن۔۔۔ 
ہر طرف چلانے کی آوازیں تھیں۔۔۔۔اور بس موت جیت گئی۔۔۔۔
کچھ ہی دیر بعد اس گھر سے دو جنازے نکلے تھے۔۔۔۔
ایک احسن صاحب کا۔۔۔۔
اور دوسرا گڑیا کا۔۔۔۔۔
وہ گڑیا نہیں تھی پر کچھ تبدلیوں کے باعث کوئی بھی اسے گڑیا سمجھنے کا دھوکہ کھا سکتا تھا۔۔۔۔
کیونکہ اسکا چہرہ مسخ تھا۔۔۔۔
مگر ہاں۔۔۔۔ وہ گڑیا نہیں۔۔۔۔۔۔
وہ سکینہ تھی۔۔۔۔۔!!!
     
کیا ہو رہا ہے۔۔۔۔؟؟
وہ خوبصورت رنگ برنگے پھول توڑ توڑ کر اپنی ٹوکری میں جمع کر رہی تھی۔۔۔۔
مورے نے وعدہ کیا تھا کہ وہ اسے پھولوں کے زیور بنا کر دیں گی۔۔۔۔
جو کہ اسے بہت پسند تھے۔۔۔۔ جسے اسنے کل ہونے والی جنات کی خاص تقریب میں پہننا تھا۔۔۔۔
آہن کی آواز پر وہ چونکی۔۔۔۔
ہمم۔۔۔ کچھ خاص نہیں۔۔۔ بس کچھ پھول اکٹھے کر رہی ہوں۔۔۔
وہ ہلکی سی مسکان لئے بولی۔۔۔۔
تم بتاؤ۔۔۔ گھر سے دور دو تین دن رہ کر کیسا لگا؟
آہن کچھ دنوں کے لئے گھر سے دور ایک خاص عبادت کرنے کے لئے گیا تھا۔۔۔۔
ہمم۔۔۔اب کیا تم یہ نہیں جانتی کہ تمھارے بغیر میں کیسا ہوں گا۔۔۔۔؟
جانتی ہوں۔۔ وہ اپنے بال جھٹکتے ہوئے بولی۔۔۔
اچھا تو پھر پوچھا کیوں۔۔ ؟
وہ مسکرایا۔۔۔
بس یوں ہی ۔۔۔۔
وہ لا پرواہی سے بولی۔۔۔۔
اسے نجانے کیوں آہن کی موجودگی سے الجھن ہو رہی تھی۔۔۔۔
اچھا۔۔۔۔۔!!
آہن نے اسے پکڑ کر خود کے قریب کیا۔۔۔
اور ایک دل والا لاکٹ اسکی سراہی دار گردن میں نرمی سے پہنا دیا۔۔۔۔ اسکے اندر خوبصورتی سے بنے دل میں لالی سی تھی۔۔۔۔
کسی کے لہو کی۔۔۔۔۔۔!!
جو دیکھنے والے کو بہت اٹریکٹ کرتی تھی۔۔۔
آہن یہ کیا بدتمیزی ہے۔۔۔۔
وہ اسے اپنی طرف جھکتا پا کر اسکے کندھے پر ہاتھ مار کر اسے پیچھے ہٹانے لگی۔۔۔۔
پھولوں کی ٹوکری نیچے جا گری تھی۔۔۔۔
اس سے پہلے کہ وہ اپنے مقصد میں کامیاب ہوتا۔۔۔۔
ایک کرنٹ سا تھا جو اسے اپنے وجود میں سرائیت کرتا ہوا محسوس ہوا۔۔۔۔
ایک جھٹکے سے اس نے سحر کو خود سے الگ کیا
اور تیزی سے وہاں سے غائب ہوگیا۔۔۔۔
اسے کیا ہوا۔۔۔۔؟
اپنی اتھل پتھل ہوتی سانسوں کو کنٹرول کرتی سحر سوچتی رہ گئی۔۔۔ ۔
وہ نہیں جانتی تھی کہ وہ کسی کی منکوحہ ہے۔۔۔۔۔۔
     
یی۔۔۔۔یہ کس کے بال ہیں۔۔۔۔؟؟
وہ ان خوبصورت سیاہ بالوں کو اپنی شرٹ میں دیکھ کر حیران رہ گیا۔۔۔۔
اسکا دماغ سن ہو چکا تھا۔۔۔۔۔
سمجھ نہیں آ رہی تھی یہ کیا ہو رہا تھا۔۔۔۔
اور میرا زخم۔۔۔۔
وہ شیشے کے سامنے جا کھڑا ہوا۔۔۔۔
اسکا گریبان ویسے. ہی پھٹا ہوا تھا۔۔۔۔
خون کے دھبّے بھی شرٹ پر لگے ہوئے تھے۔۔۔۔
مگر اسکا زخم۔۔۔۔
اسکا زخم غائب تھا۔۔۔۔!!
کک۔۔۔ کیا۔۔۔۔؟؟
وہ شاکڈ رہ گیا۔۔۔۔
اور وہ آواز۔۔۔۔ میں نے کسی لڑکی کی آواز سنی تھی۔۔۔۔۔۔
ہاں سنی تھی.۔۔۔
وہ بڑبڑایا۔۔۔۔
۔
جو بھی تھا ۔۔۔۔ وہ جنگل پر اسرار تھا۔۔۔۔۔
مجھے کچھ کرنا پڑے گا۔۔۔۔ میں ایسے نہیں بیٹھوں گا۔۔۔۔
وہ سوچتا ہوا کپڑے اٹھا کر فریش ہونے واشروم کی طرف بڑھ گیا ۔۔۔۔
ایک نئی منزل اسکی منتظر تھی۔۔۔