شامِ سحر

بیٹھو بیٹا آرام سے۔۔۔!
آرام سے۔۔۔!
علی صاحب نے شام کو سہارا دیتے ہوئے بیڈ پر بٹھایا۔۔۔
سحر بیٹی جاؤ شام کے لئے پانی لے کر اؤ۔۔۔
انہوں نے کونے میں کھڑی سحر کو دیکھ کر کہا۔۔۔
وہ خاموشی سے کچن کی طرف بڑھ گئی۔۔۔ جہاں سدرہ بیگم شام کے لئے سوپ بنا رہی تھیں۔۔۔۔
انکا ایکسیڈنٹ زیادہ خطرناک نہیں ہوا تھا۔۔۔۔
شام اور شانی کو فرنٹ پر بیٹھنے کی وجہ سے سر اور ٹانگ پر کافی چوٹیں ای تھیں۔۔۔۔ لیکن زیادہ خطرہ نہیں تھا۔۔۔۔
دو دن ہوسپٹل رہ کر وہ اب گھر آ چکا تھا۔۔۔
بابا تائ جان کہاں ہیں۔۔۔؟
اسنے علی صاحب سے پوچھا۔۔۔
بیٹا انکی طبیعت خراب تھی۔۔۔ابھی میڈیسن دے کر سلایا ہے
۔۔۔
تمہاری ٹینشن تھوڑی لیں نا وہ۔۔۔ اورتم ہو کہ جان بوجھ کر گاڑیاں درختوں میں دے مارو۔۔۔۔
وہ جتانا نہیں بھولے۔۔۔۔
بابا۔۔۔۔ شام بے بس ہوا۔۔۔۔
وہ انہیں بتانا چاہتا تھا کہ جو کچھ ہوا ہے اس میں اسکی کوئی غلطی نہیں ہے۔۔۔
مگر وہ کہ نہیں پایا.۔۔۔
آرام کرو۔۔۔ میں آتا ہوں ابھی۔۔۔۔
وہ کمرے سے نکل گئے۔۔۔۔
وہ تکیے کے سہارے ٹیک لگاۓ آنکھیں موند گیا۔۔۔
"پانی۔۔۔۔"
آواز پر اس نے آنکھیں کھولیں۔۔۔
وہ پانی کا گلاس لئے کھڑی اسے دیکھ رہی تھی۔۔۔
اسنے وہیں بیٹھے ہاتھ بڑھایا۔۔۔۔
اور گلاس خالی کر کہ خاموش کھڑی سحر کی طرف بڑھا دیا۔۔۔۔
اور رخ موڑے لیٹ گیا۔۔۔۔
سحر تھوڑی دیر کھڑی اسکی پشت کو گھورتی رہی۔۔۔۔
شام کی یہ لاتعلقی اسے نا جانے کیوں اچھی نہیں لگ رہی تھی۔۔۔۔
وہ خاموشی سے پلٹی اور کمرے سے نکل گئی۔۔۔۔

آہ۔۔۔آقا آج تو دل کو وہ سکون ملا جو مورے کو مارنے کے بعد میں کھو چکا تھا۔۔۔
اس انسان کو اسکی اوقات یاد کروا دی میں نے
۔۔
امید ہے۔۔۔۔ زخموں کی لذت کو وہ محسوس کر رہا ہوگا۔۔۔ جو میں نے اسے دئے۔۔۔
وہ خوش تھا۔۔۔اور بہت خوش تھا۔۔۔!!
شاباش آہن۔۔۔ بس اسی طرح کام کرتا رہ۔۔۔ اور اس انسان کو عید تک روک لے۔۔۔۔
اور پھر۔۔۔ انسان اس دن گھر میں جانور قربان کریں گے۔۔۔
اور ہم
۔۔اس سحر کو۔۔۔۔
اور پھر تو اور تیری بہن شیطان بن کر ساری شیطانی طاقتوں کو پا لیں گے۔۔۔۔
اور پھر ہر طرف ہمارا راج ہوگا۔۔۔۔
ہاہاہاہا۔۔۔
وہ دونوں قہقہے لگانے لگے۔۔۔
آقا کیوں نا آج رقص کی محفل ہوجاے۔۔۔
آہن پرجوش لہجے میں بولا۔۔۔
ہاں ہاں۔۔۔کیوں۔۔۔ نہیں۔۔۔۔
بلا لو سب کو۔۔۔
آقا کی آواز گونجی تھی۔۔۔

بابا۔۔۔ آپ پلیز یہاں بیٹھیں۔۔۔۔
میں ابھی عالم کو بلا کے لاتی ہوں۔۔۔
سدرہ بیگم نے ادب سے کہا وہ اس بزرگ سے کافی متاثر لگ رہی تھیں۔۔۔۔
وہ انکے دروازے پر اے تھے۔۔۔
دروازہ کھلتے ہی سدرہ بیگم کو اپنا دماغ جکڑا ہوا محسوس ہوا۔۔۔۔
وہ فقط ایک ہی جملہ بولے تھے۔۔۔"کہ انہیں شام سے ملنا ہے۔۔۔"
وہ مزید سوال کئے بغیر خاموشی سے انہیں ڈرائنگ روم میں لے آئیں۔۔۔ اور عزت و اکرام سے انہیں بیٹھا دیا۔۔۔
بابا کی تیز نظریں کمرے کا جائزہ لے رہی تھیں۔۔۔
تب ہی کمرے میں کسی کے داخل ہونے پر وہ اٹھ کھڑے ہوئے۔۔۔
ارے بابا آپ۔۔۔۔؟
شام تو انہیں دیکھ کر حیران ہی رہ گیا تھا۔۔۔
یہ تیرے پیر کو کیا ہوا۔۔۔؟ اور یہ بازو پر پٹی۔۔۔؟
انہوں نے اسکی بات کا جواب دئے بغیر لہجے میں تیزی لاۓ پوچھا۔۔۔۔
وو۔۔۔وہ بابا ایک چھوٹا سا ایکسیڈنٹ ہوگیا تھا۔۔۔
وہ منمنایا۔۔۔
کیسے۔۔۔؟
بابا بس میرا خود پر کنٹرول نہیں رہا۔۔۔ اور گاڑی غلط جگہ پر جا لگی۔۔۔
اسے سمجھ نہیں آ رہا تھا۔۔۔کہ بابا جی کو کیسے سمجھاۓ۔۔۔
کیوں۔۔۔۔؟ آنکھیں گھر بھول گیا تھا۔۔۔۔؟
بابا جی کی طرف سے ایک بار پھر سے کڑا سوال آیا۔۔۔۔
اس سے پہلے کہ وہ جواب دیتا۔۔۔۔
پیچھے سے آتے قہقہے کی آواز پر شام اور بابا دونوں کے نقوش بگڑ گئے تھے۔۔۔

وہ ٹیک لگاۓ آنکھیں موندے ذکر کرنے میں مصروف تھیں۔۔۔۔
دروازہ زور سے بند ہونے اور کسی کی سسکیاں سن کر وہ تیزی سے سیدھی ہوئیں۔۔۔۔
سامنے سحر چہرے سے آنسو رگڑتے ہوئے بھاگ کر انکی طرف آ رہی تھی۔۔۔
سحر۔۔۔۔ بیٹا کیا ہوا۔۔۔؟
وہی پریشانی وہی مٹھاس جو مورے کے لہجے میں ہوا کرتی تھی۔۔۔
مگر وہ جواب دئے بغیر بستر پر چڑھی۔۔۔ اور بلینکٹ اٹھا کر اندر گھس گئی۔۔۔
اور پھر سے رونا شروع کر دیا۔۔۔۔
سحر۔۔۔۔!
انہوں نے بلینکٹ اسکے چہرے سے ہٹانا چاہا۔۔۔ مگر اسنے اسے سختی سے پکڑ لیا۔۔
سحر بیٹا بتاؤ تو سہی۔۔۔۔
وہ بے بس ہوئیں۔۔۔
کچھ نہیں ہوا۔۔۔وہ زور سے چلائ۔۔۔
آج مورے کے ساتھ ساتھ آہن کی یاد نے بھی اسے بے چین کر رکھا تھا۔۔۔۔
وہ ایک پل یہاں نہیں رکنا چاہتی تھی۔۔۔
وہ کیا زندگی گزارتی تھی۔۔۔۔
اور اب۔۔۔
اب تو وہ یہاں پر قید ہی رہ کر ہوگئی تھی۔۔۔۔
اور اوپر سے شام کا رویہ۔۔۔۔
وہ اندر ہی اندر سے کٹی جا رہی تھی۔۔۔۔
اسکے چیخنے پر عافیہ بیگم خاموش ہونے کے ساتھ حیران رہ گئیں۔۔۔۔
وہ تو بات ہی کم کرتی تھی۔۔۔
اور آج اسکی اونچی آواز سن کر وہ سچ میں شاکڈ رہ گئیں۔۔۔
مگر وہ ماں تھیں۔۔۔ اولاد کو روتا ہوا کیسے دیکھ سکتی تھیں۔۔۔
اسلئے تھوڑی دیر بعد ہمّت کر کہ اسے پھر سے پکارا۔۔۔
سس۔۔ سحر کیا ہوا بیٹا۔۔۔۔ کچھ بتاؤ تو سہی۔۔۔۔؟
ماں کی یاد آ رہی ہے مجھے۔۔۔۔
اپنی ماں کی۔۔۔۔
کمبل چہرے سے ہٹاتی وہ چلائی۔۔۔۔
تمہاری ماں میں ہوں بیٹا۔۔۔۔
انکی آواز بھرا گئی۔۔۔۔
نہیں ہیں آپ میری ماں۔۔۔۔
وہ سختی سے بولی۔۔۔۔
اسکی بات سن کر عافیہ بیگم کا دل کٹ کر رہ گیا۔۔۔
زرد چہرہ لئے وہ سحر کو دیکھتی رہ گئیں۔۔۔۔
بولنے کو کچھ نہیں تھا ۔۔۔الفاظ ختم ہوگئے تھے۔۔۔
بےشک۔۔۔۔!
وہ لمحہ وہ الفاظ تکلیف دہ تھے۔۔۔۔

سامنے کاشی سہارا دئے شانی کو لے کر آ رہا تھا۔۔۔
شانی کی حالت بھی شام جیسی تھی۔۔۔
مگر فرق یہ تھا کہ شام کے دانت اندر تھے۔۔۔۔
جب کہ شانی اور کاشی پھر سے اسکی بےعزتی پر ہنسی سے لوٹ پوٹ ہوۓ جا رہے تھے۔۔۔۔
یہ پھر آ گئے ۔۔
بابا جی کے چہرے پر غصہ ابھرا۔۔۔۔
شام بچارگی سے انہیں دیکھ کر رہ گیا۔۔۔۔
پھر انکی طرف بڑھا۔۔۔۔
اور قریب جا کر چبا چبا کر بولا۔۔۔
تم دونوں کو سکون نہیں ہے اپنے گھر میں۔۔۔۔؟
اور شانی تو کیا چاہتا ہے بابا تیری تھوڑی سی ٹوٹی ہوئی ٹانگ پھر سے پوری توڑ دیں۔۔۔؟
شام نے اسکی پٹیوں سے جکڑی ٹانگ کی طرف اشارہ کیا۔۔۔۔
میری فکر چھوڑ اپنی فکر کر۔۔۔۔
کہیں بابا جی تیری تھوڑی سی زخمی بازو اور تھوڑے سے موچ زدہ پیر کو مزید نا دکھا دیں۔۔۔
اب کی بار شانی نے اسکا مزاق اڑایا۔۔۔
اور پھر وہ دونوں ہاتھ پے ہاتھ مار کہ قہقہے لگانے لگے۔۔۔۔
شام دانت کچکچا کر رہ گیا۔۔۔۔
تجھے آنٹی نے آنے کیسے دے دیا۔۔۔؟
شام نے ذرا حیرانی سے دریافت کیا۔۔۔۔
ارے یار وہ میری مام
ہیں تو میں بھی انکا بیٹا ہوں۔۔۔۔
کیسے نا آنے دیتیں۔۔۔
اسنے فرضی کالر کھڑکاۓ۔۔۔۔
یہ باتیں کرتے ہوئے وہ بلکل بابا جی کو فراموش کئے ہوۓ تھے۔۔۔۔
ایک منٹ۔۔۔۔!
شانی نے فون بجنے پر ایکسکیوز کیا۔۔۔
مما کی کال تھی۔۔۔۔۔تھوک نگلتے ہوئے اسنے کال اتٹنڈ کی۔۔۔۔
شامی نے جھٹکے سے اسکے ہاتھ سے موبائل چھینا۔۔۔ اور لاؤڈ سپیکر آن کر دیا۔۔۔۔۔
شانی تم گھر او ذرا۔۔۔ آج میں تمہارے جسم کے سہی سلامت اعضا کو خود توڑوں گی۔۔تمھیں شرم نہیں آتی۔۔۔میں تمھارے لئے کتنی پریشان ہوں۔۔۔۔
اور تم ہو کہ اس حالت میں گھر سے نکل گئے۔۔۔۔
شانی کا چہرہ سفید پڑتا جا رہا تھا۔۔۔۔
جب کہ شام اور کاشی کا چہرہ ہنسی روکنے کی شدّت سے سرخ۔۔۔۔
اور پیچھے بابا جی کا بھی۔۔۔۔!!
تمھیں ذرا فکر نہیں ہے۔۔۔۔ میں کتنی پریشان ہوں۔۔۔۔
اس سے پہلے کہ وہ مزید کچھ کہتیں۔۔۔
شانی نے تڑپ کر کال کاٹ دی۔۔۔۔
اس سے زیادہ بے عزتی وہ اپنے دوستوں کے سامنے نہیں سہہ سکتا تھا۔۔۔۔
اسکے کال کاٹنے کی دیر تھی۔۔۔۔
وہ دونوں زمین پر گرے ہنسی سے لوٹ پوٹ ہو رہے تھے۔۔۔
شانی کچھ دیر تو بے بسی سے انہیں دیکھتا رہا۔۔۔
پھر کچھ نا سوجھ کر انکے ساتھ ہنسنے لگا۔۔۔۔
جو اپنی ہنسی کو روکنے کی کوشش میں ناکام ہوئے جا رہے تھے۔۔۔
گستاخووو۔۔۔۔
اچانک بابا جی دھاڑے تھے۔۔۔۔
نکلو تم دونوں یہاں سے۔۔۔۔
بابا جی اپنی لاٹھی ان دونوں کے سر پر ٹھوکی۔۔۔
بابا۔۔۔۔!
ان دونوں کو شدید غصّہ آیا۔۔۔۔
مگر بابا کو پھر سے ایکشن میں آتا دیکھ کر وہ سیدھے ہوگئے
۔۔۔۔
بابا اسکو بھی ماریں۔۔۔ یہ بھی ہنس رہا تھا۔۔۔
کاشی نے دانت نکالتے شامی کو دیکھ کر بابا سے التجا کی۔۔۔
فلحال تم دونوں یہاں سے نکلو۔۔۔۔
بابا جی نے لاٹھی گھماتے ہوئے کہا۔۔۔۔
پہلے اسے ماریں۔۔۔ شانی کسی ضدی بچے کی طرح منہ پھلاۓ کھڑا تھا۔۔۔۔
مگر لاٹھی کو اپنی طرف بڑھتا دیکھ کر کاشی سے لپٹ گیا۔۔۔۔
جو فورا ہی اسے وہاں سے گھسیٹتا ہوا لے گیا تھا۔۔۔۔

شام بیٹا ادھر آؤ۔۔۔۔
علی صاحب نے چشمہ اور اخبار ٹیبل پر رکھ کر اپنے کمرے کی طرف بڑھتے شام کو پکارا۔۔۔۔
جی بابا۔۔۔؟
وہ انکے پاس آ کر بیٹھ گیا۔۔۔۔
بیٹا کچھ ضروری بات کرنی تھی۔۔۔
اگر وقت ہو تو آپ کے پاس۔۔۔؟
جی جی بابا۔۔۔۔ آپ بولیں۔۔۔
بیٹا میں نے تمہاری امی اور تائی سے مشورہ کیا ہے۔۔۔۔
ہمارا ارادہ ہے۔۔۔کہ سنڈے کو سحر اور تمھارے ولیمے کا فنکشن رکھا جائے۔۔۔
کیوں کہ میں نوٹ کر رہا ہوں۔۔۔ کہ سحر یہاں آ کر بہت اداس اور پریشان رہنے لگ گئی ہے۔۔۔۔
لوگوں کو دیکھے گی سجے سنورے گی تو اسکا دل خوش ہو جائے گا۔۔۔۔
ہمارے پاس تین دن ہیں۔۔۔ ساری تیاریاں کرنی ہیں۔۔۔۔
اور پھر عیدالضحی قریب ہے۔۔۔۔
خوشی دو بالا ہوجائے گی۔۔۔
تم کیا کہتے ہو۔۔۔۔؟
انہوں نے سر جھکاۓ بیٹھے شام کو دیکھا۔۔۔۔
جب آپ سب نے ڈیسیائڈ کر لیا ہے۔۔۔ تو بھلا مجھے کیا اعتراض ہو سکتا ہے۔۔۔۔
وہ کندھے اچکا کر نارمل انداز میں بولا۔۔۔۔
چلو ٹھیک ہے۔۔۔ کام پے لگ جاؤ۔۔۔۔
اور ہاں آخری بات۔۔۔۔
انہوں نے شریر نظروں سے شام کو دیکھا۔۔۔۔
جی۔۔۔۔۔؟
تم ولیمے تک سحر سے نہیں ملو گے۔۔۔۔
اس سے بات بھی نہیں کرو گے۔۔۔۔
بابا۔۔۔۔؟
یہ کسی رسم ہے۔۔۔؟وہ جھنجھلا گیا۔۔۔۔
ہم اب اور تو رسم کر نہیں سکتے۔۔۔۔ اسلئے اب یہی کریں گے۔۔۔۔
یاد رہے تم مجھے ولیمے سے پہلے اسکے ساتھ نظر نا آؤ۔۔۔۔
وہ اخبار اٹھاتے ہوئے بولے۔۔۔۔
بابا آپ مجھے کیسے روک سکتے ہیں۔۔۔۔وہ میری بیوی ہے۔۔۔۔
شام کا دماغ خراب ہونے لگ گیا۔۔۔۔
بابا جی نے سختی سے تلقین کی تھی کہ اگر وہ سحر کو اپنی بیوی نہیں بناۓ گا تو نقصان کا زمیدار وہ خود ہوگا۔۔۔۔
اور بابا کی یہ نئی شرط۔۔۔۔
اچھا۔۔۔۔!
انہوں نے چشمے کے اوپر سے اسے گھورا۔۔۔۔
وہ رہا مین گیٹ۔۔۔۔ تم ولیمے تک اس گھر سے باہر رہ سکتے ہو۔۔۔۔
انہوں نے اطمینان سے کہا۔۔۔۔۔
اور اخبار کی طرف متوجہ ہوگئے۔۔۔۔۔
شام جلا بھنا اٹھا۔۔۔۔ اور پیر پٹختا باہرنکل گیا۔۔۔۔

وہ جمپ لگا ایک گھر کی چھت پر چڑھا۔۔۔
اور نیچے ہو کر ارد گرد کا جائزہ لیا۔۔۔ رات کا وقت تھا۔۔۔
ہر طرف ہو کا عالم تھا۔۔۔
اس نے اپنی لال آنکھیں گھمائیں۔۔۔
وہ اپنے مطلوبہ گھر کو ڈھونڈ رہا تھا۔۔۔
نظر آنے پر اسکی آنکھوں کی چمک بڑھ گئی۔۔۔۔
ایک جست لگا کر وہ اسکی طرف بڑھا تھا۔۔۔۔

اپنے بال سنوار کر وہ شیشے کے سامنے سے ہٹی۔۔۔
اور سوئی ہوئی عافیہ بیگم پر نظر ڈالی۔۔۔
آج انکا دل دکھا کر وہ خود بھی نجانے کیوں دکھی ہو گئی تھی۔۔۔۔
سدرہ بیگم نے اسے کہا تھا۔۔۔ کہ تین دن تک وہ اپنی امی کے پاس رہے گی۔۔۔
اسکے تو جسی مراد پوری ہوگئی تھی۔۔۔
تین دن کے لئے اس دماغ خراب آدمی سے اسکی جان چھٹ رہی تھی۔۔۔
وہ اور کیا چاہتی۔۔۔؟
ایک ہاتھ بستر پر جماۓ وہ تھوڑا جھک کر عافیہ بیگم کو دیکھنے لگی۔۔۔
انکے چہرے پر چھایا نور اور شفقت مورے سے ہی تو ملتی تھی۔۔۔
آج والے واقعے کو یاد کر کہ وہ بے اختیار سر جھٹکتی پلٹی۔۔۔
کہ اچانک کسی وجود سے ٹکرائی۔۔۔
اس سے پہلے کہ وہ چیختی۔۔۔۔
مقابل اسکے منہ پر سختی سے ہاتھ رکھ چکا تھا۔۔۔
شش۔۔۔۔
وہ اسکے منہ پر سختی سے ہاتھ جماۓ نفی میں سر ہلاتا بولا۔۔۔۔
سحر آنکھیں پھاڑے بس اسے دیکھے گئی۔۔۔
بولو گی۔۔۔۔؟
وہ اسکی آنکھوں میں جھانکتا سرگوشی کرتا ہوا بولا۔۔۔۔
سحر نے نفی میں سر ہلا دیا۔۔۔۔
شام نے اسکے منہ پر سے ہاتھ ہٹا دیا۔۔۔
وہ بے اختیار اسکے کندھے کو جکڑے گہرے گہرے سانس لینے لگی۔۔۔
چلو کمرے میں۔۔۔۔!
وہ اسکا بازو پکڑ کر آہستگی سے مڑنے لگا۔۔۔۔
نہیں۔۔۔۔!
سحر جلدی سے بولی۔۔۔
ششش۔۔۔۔۔ وہ عافیہ بیگم کی طرف دیکھتا ہوا اسے سختی سے چپ کروانے لگا۔۔۔۔
بات تو سنیں۔۔۔۔!
وہ آہستگی سے بولی۔۔۔
اسکے انداز پر شام کے چہرے پر خوش گوار سی مسکراہٹ آ ٹھہری۔۔۔۔
جی سنائیں۔۔۔!
وہ دلکش مسکراہٹ لئے بولا۔۔۔۔
کیا کہا۔۔۔۔؟
سمجھ نہیں آئ۔۔۔
سحر نے جو کچھ کہا۔۔۔ وہ اتنی کم آواز میں تھا۔۔۔ کہ شام کے کچھ پلے نا پڑا۔۔۔۔
سحر نے گہرا سانس لے کر اسے دیکھا۔۔۔۔
جو مسکراتے ہوئے سوالیہ نظروں سے اسے دیکھ رہا تھا۔۔۔۔
اسکے دل نے ایک بیٹ مس کی۔۔۔
پھر کچھ سوچ کر سحر نے انگلی سے اسے نیچے جھکنے کو کہا۔۔۔۔
جوابا شام نہایت حیرت سے نیچے ہوا۔۔۔۔
اسکی ہائیٹ بہت اچھی تھی۔۔۔۔
اسکے نیچے جھکنے پر بھی سحر ایڑھیاں اونچی کئے اسکے کندھے پر ہاتھ رکھتی اسکے کان میں اپنی آواز سے رس گھولنے لگی۔۔۔۔
"امی اور چچی نے منع کیا ہے۔۔۔۔ولیمے تک آپ سے نہیں ملنا۔۔۔۔"
شام دھیرے سے ہنسا۔۔۔۔۔
اور تم کیا کہتی ہو۔۔۔؟
وہ اسی کے انداز میں اسکے کانوں میں سرگوشی کرتا بولا۔۔۔
میں بھی یہی چاہتی ہوں۔۔۔۔!
وہ لرزتی پلکیں لئے جھکی جھکی نگاہیں لئے بولی۔۔۔۔
آج نجانے اپنے جذبات کو آشکار ہونے سے وہ نہیں روک پا رہی تھی۔۔۔۔
شام کا موڈ پل بھر میں اسکی بات سن کر خراب ہوگیا۔۔۔۔
پر میں ایسا نہیں چاہتا۔۔۔۔اس نے بگڑے نقوش لۓ کہا
اور اسکا بازو پکڑ کر اسے کھینچتا ہوا کمرے کی طرف لے بڑھ گیا۔۔۔۔۔

اسکی آنکھوں کا رنگ بدل رہا تھا۔۔۔۔
لہو رنگ آنکھیں لئے وہ کھڑکی سے سامنے کا منظر دیکھ رہا تھا۔۔۔۔
سحر کا شام کے یوں قریب ہونا۔۔۔۔
اسکے کندھے پر ہاتھ رکھنا۔۔۔۔
اسکے جسم میں مرچیں سی لگی جا رہی تھیں۔۔۔۔
اگر شام اپنے مقصد میں کامیاب ہو جاتا تو اس نے تو نہیں بچنا تھا۔۔۔۔
جل کر راکھ ہو جانا تھا۔۔۔۔
نہیں۔۔۔ مم۔۔۔ میں اتنی آسانی سے اسے جیتنے نہیں دوں گا۔۔۔۔
اسنے سحر کو بازو سے پکڑ کر اپنے کمرے کی طرف لے جاتے شام کو گھورا۔۔۔
اب وہ اپنے شیطانی دماغ سے نیا پلان بنا رہا تھا۔۔۔۔

کمرے میں آ کر شام نے جھٹکے سے سحر کا بازو چھوڑا۔۔۔
اور واپس جا کر کمرہ لاک کرنے لگا۔۔۔۔
سحر اپنی دھڑکنوں کو کنٹرول کئے اسے خاموشی سے دیکھے گئی۔۔۔۔
شام پلٹا۔۔۔ اور خاموش کھڑی سحر کو پکڑ کر بیڈ پر بٹھایا۔۔۔
اور خود گھٹنوں کے بل اسکے سامنے آ کر بیٹھ گیا۔۔۔۔
دیکھو سحر۔۔۔۔ میں زور زبردستی کا قائل نہیں ہوں
اور عورت پر زور زبردستی مسلط کرنے والا مرد میرے نزدیک نا مرد ہے۔۔۔۔
وہ مرد کہلانے کے لائق ہی نہیں ہے۔۔۔
وہ خاموشی سے انگلیاں مروڑتی اسکی باتیں سنتی رہی۔۔۔۔
شام نے ایک نظر اسے دیکھا۔۔۔
اور جیب سے ایک چھوٹی سی ڈبیا نکالی۔۔۔۔
اور اسے کھول کر سحر کے سامنے کر دیا۔۔۔
اندر ایک نفیس سے ڈائمنڈ رنگ چمک رہی تھی۔۔۔
سحر کی آنکھوں میں ستائش ابھری۔۔۔۔
تو مسز شام۔۔۔ کیا آپ اپنے اس نالائق تھوڑے بدتمیز اور غصّہ کرنے والے شوھر کے سنگ زندگی گزارنا چاہیں گی۔۔۔۔؟
وہ اسکی طرف ہاتھ بڑھاتا ہوا بولا۔۔۔
سحر نے ایک لمحہ بڑھے ہوئے ہاتھ کو دیکھا۔۔۔
اور نرم سی مسکراہٹ کے ساتھ اسکے ہاتھ پے اپنا ہاتھ رکھ دیا۔۔۔۔
وہ ان لمحوں کے سحر میں گویا قید ہوگئی تھی۔۔۔۔ شام کا یہ نرم گرم انداز اسے پگھلا رہا تھا۔۔۔
وہ صرف اسکا سخت لہجہ سننے کی عادی تھی۔۔۔اب اس نرمی پر کیوں نا پگھلتی۔۔۔
شام نے نرمی سے مسکرا کر اسکی انگلی میں وہ رنگ پہنا دی۔۔
اور دھیرے سے اسکے ہاتھ پر نرمی سے بوسہ دیا۔۔۔۔
کھڑکی سے پاس کھڑے آہن کو کرنٹ لگا۔۔۔۔
سحر سر جھکاۓ بیٹھی تھی۔۔۔۔
شام سے نظریں ملانے ہمّت اس میں نہیں تھی۔۔۔۔
کمرے میں ایک کھٹکا سا ہوا۔۔۔۔
انہوں نے دیہاں نہیں دیا
شام خاموشی سے اٹھ کھڑا ہوا ۔۔۔
گھبرا کیوں رہی ہو۔۔۔؟
وہ اسے چھیڑنے کے موڈ میں تھا۔۔۔
سحر نفی میں سر ہلانے لگی۔۔۔
تم بھی حیران ہوگی کہ جلّاد کو کیا ہوگیا اچانک۔۔۔۔؟
وہ ہنستا ہوا بولا۔۔
سحر شرمندہ ہونے لگی۔۔۔
وہ اسکی سوچیں پڑھ لیتا تھا۔۔
میں بھی حیران ہوں۔۔۔ کہ آج نک چڑی کے مزاج کیسے زمین پر ہیں۔۔۔۔
وہ اس پر پوائنٹ مارنا نہیں بھولا تھا۔۔۔
سحر نے ناراضگی سے اسے گھورا۔۔۔
مگر پیچھے کی طرف دیکھ کر اچانک برے طریقے سے گھبرا گئی۔۔۔
شش۔۔۔شام۔۔۔۔۔!
شام نے اسکی نظروں کے تعاقب میں دیکھا۔۔۔۔
یہ دیکھ کر اسکے اوسان خطا ہوگئے۔۔۔ وہاں آگ تھی... شعلے بھڑک رہے تھے...
سارے پردوں کو آگ نے اپنی لپیٹ میں لیا ہوا تھا۔۔۔
جو اچھل اچھل کر مزید چیزوں کو اپنی لپیٹ میں لے رہی تھی۔۔۔
یہ یہ اچانک کیسے ہوگیا۔۔۔ابھی تو کچھ نہیں تھا۔۔۔۔وہ سخت حیرانی سے بولا۔۔۔۔
سحر تم جاؤ۔۔۔ جلدی یہاں سے۔۔۔ بابا کو بلا کر لاؤ۔۔۔
جلدی جاؤ۔۔۔وہ بت بنی سحر کو دیکھ کر چلایا۔۔۔۔
جو اسکی بات سن کر سپرنگ کی طرح اچھلتی کمرے سے باہر نکلی۔۔۔۔
شام اب بچاؤ کی تدبیر سوچنے لگا تھا۔۔۔۔ اسے سمجھ نہیں آ رہا تھا یہ اچانک سے کیسے ہوگیا...
باہر آہن اور اسکے ساتھی مل کر قہقہے لگا رہے تھے۔۔۔۔
وہ
ایک بار پھر وہ اپنے مقصد میں کامیاب ہو چکے تھے۔۔۔
مگر وہ بھول چکے تھے۔۔۔ کہ
" اللّه نے انکی رسی دراز کر رکھی تھی۔۔۔ اسکے ہاں دیر ضرور تھی۔۔ مگر اندھیر نہیں۔۔۔۔!"