سوائی مصرعی مدحِ رسول ﷺ

وہ اساسِ دہر ہے ،روحِ رواں صلِّ علیٰ

لاگماں صلِّ علیٰ
دہر کا وہ مدعا ،ہر کی اماں ،صلِّ علیٰ

لا گماں صلِّ علیٰ

ہر کوئی آلام کا مارا ،گدا اُس کا ہوا

اورسدا اُس کا ہوا
دُور ہر کے وہ کرے وہم وگماں، صلِّ علیٰ

لا گماں صلِّ علیٰ

حاصل اس کے اسم سے ہے موسموں کو ہر مہک

اور ہر گُل کو دمک
ہے معطر اس سے ہی سارا سماں صلِّ علیٰ

لا گماں صلِّ علیٰ

ہر سحر سرکار کی اور ہر مسا سرکار کی

ہر عطا سرکار کی
ہر صدا سرکار کی ،ہر سے کلاں صلِّ علیٰ

لا گماں صلِّ علیٰ

ہر کسی حاکم سے عمدہ ہے محمد کا گدا

آسرا اعلیٰ ملا
دوں صدا اس واسطے اُس سا کہاں صلِّ علیٰ

لا گماں صلِّ علیٰ

ہادی و مہدی وہی ،مولا وہی ماوا وہی

آسرا ہر کا وہی
ہے رواں اس سے سارا کارواں صلِّ علیٰ

لا گماں صلِّ علیٰ

وہ مکرّم وہ ہے ارحم دل کا محرم ہے مِرا

مولا ہم دم ہے مِرا
ہر گھڑی سائل کے ہے وردِ لساں صلِّ علیٰ

لا گماں صلِّ علیٰ