ہر گھڑی ہے والیِ کُل کا کرم
ہر سے اہم
دُور سائلؔ کا ہوا اِک اِک الم
ہر سے اہم
ہے کلاہِ سروری اُس کے ہی سر
وہ ہے اَمَر
ہے عُلا ہر دہر سے اُس کا عَلَم
ہر سے اہم
وہ مِرا مولا مِرا سردار ہے
دلدار ہے
وہ کرے سارے معاصی کالعدم
ہر سے اہم
اِک وہی ہے والیِ آوردگاں
دلداد گاں
سہل وہ کردے مرے کارِ عدم
ہر سے اہم
والیِ لولاک و دہراں وہ رسول
عالی اصول
اُس کے در سر ہوگئے اہلِ ہمم
ہر سے اہم
اُس کا احساں وہ ہوا دائم اماں
ہر سے کلاں
والیِ عالم ، مددگارِ امم
ہر سے اہم
دُور کردے ہر ہوس اور ہر للک
اور دے مہک
دُور کر دے طامعِ دام و دِرَم
ہر سے اہم
اُس کا در سائلؔ درِ آسودگی
اور دائمی
وہ امامِ مرسلاں راس الکرم
ہر سے اہم
